قصه فاطمه بنت الغرب الجزء الثاني كامله

#قصة_فاطمة_بنت_الغرب_والصحراوي_الجزء_الثاني

الحلقة 1

بعدما كوبيت طول ...اااواش نقولكم طلعتلي سخانه ...وقفت ونترعد يااااماما ...واش هذا الجرأة الي عندي .مش .نورمال ...ياماما .زعما واش كانت ردت فعله ..عجباته جاست الي درتها .؟.زعما يكون حتى هو حاب على فرصة .؟..زعما نكون عجبته..؟

هو اني عارفة أنه ما يبغينيش ..ما عرف ممكن يكون في حياته مراءة اخرى ..ياربي هذه صح ما خممتش فيها وهم يكون عن عن يبغي كاش وحدة وراه ..معاها ...لأنه مش معقول يكون ..بارد لهذه درجة من يوم الي..ا.غ.ت.ص.ب.ن.ي ..ما قربنيش حتى بعد العرس جامي طلب حقه ..ياااربي علاه درت هذه خطوة ..لوكان ..يجي يسبني ويعايرني ...لالا لا يمكن أكيد فيها خير ولو رفضني هذه ليلة ..بصح مادامني صليت الاستخارة ودعيت ربي ..أكيد ربي مش راح يخيبني ..وراح يفتح عليا باب الخير والفرج ..

خلي نبقا متحمسة ونتفاءلة

...أنا ما نخمم وتليفوني صونا ..

ياااااربي ...ااااعااععع

كان هو ...هذا واش راح يقولي ذرك ..يسبني ...واااش ؟

هزيت عليه ...صح عيطتيلي في

لكام .وقلتيلي نستناك ..ولا راني نتخيل ..بلعت ريقي لأنه مازال

معرفتش ردت فعله فرح ولا زعف....واكيد اذا قلبه مع اخرى بزعف ويرفضني ..وتكمل بالطلاق..

نطقت قلتله نورمال ..اذا مش راح تقبل ..لانو تسرعت ..وقلت ممكن نصلح علاقتي معاك ..

بلا ما نخمم اذا كاين شكون في حياتك وتبغي مرأة اخرى ..

قالي صح راني نسوق ...فتحي لاكام ينعل راسة نتاعك ..خليني

نتأكد ..وقوليلي اذا كاش ما نجيب معايا ...ليلة خصك لادوز

باش تقدري تستحملي ..قلتله يعني راك في طريق ...قالي ر...هذه طريق الي ما بغاتش تكمل ..كوبا عيطلي لاكام ...قالي حطيه على لاطابل ونوضي ..مش راح نأمن أنا حتى نديرك ت.ح.ت.ي

حشمت ..وفرحت ..وهبلت ..وتحمست واش نقولكم فرحة كبيرة ما نقدرش نوصفها ...أنه ما رفضش يصلح علاقتنا .......قلتله صح باش ديرني تحتك.....غير وصل بخير .يرحم باباك ...كوبي ..وركز مع طريق ..ضحك قالي راني مركز ..بصح لحقت لسوبيرات ..باغي تكوبي روحي ..وجديلي روحك عند الباب غير نفتح ..نبدأ ضحكت ..قلتله حق ربي غير ..مريض ..كوبا ...

وأنا .نظت رحت لمرايا ..غمقت الغوج ... وزدت .فحفحت روحي بيا ...رحت سقيت العشاء...

وجدت سنيوة نتاع سهرة...درت آخر لمسات ...اياا مليح فحلة بنت دوار ..ورحت قعدت في كرسي انفاص لكوزينه قلت غير يفتح ..نروح ليه ...بصح ما قدرت نقعد ما قدرت نوقف..

بقيت على اعصابي ..

ما عرف علاه دقات قلبي .و.وصباعتيا كليتهم ..

ونرجف وحدي ...ما تنسيش ..

ااافاطمة بالنسبة ليك هذه اول مرة ..وليلة ليلة دخلتك يعني فيهااا صلاة وفيهااا....اااايي

هنا نتاع صح جاتني لحظة إدراك

مزيا كنت متوضيا ..رحت نجري لاشومبر ...لبست طقم صلاة جديد مازال ما لبستهش كان في صاشيته ..مخدوم بالدونتال نتاع عرايس ..هو كان حابه لي شورة ..وأنا كنت شريت واحد آخر نورمال سامبل .وجدت سجادة ..كانت عندي غير وحدة ..خلي يجي هو ويجيب نتاعه مازال ..ما تجرأتش ورحت لاشومبر نتاعه ..

راني غير خطوة بخطوة ..نحاذر فيه روحي ...

شويا هكذا ..وسمعت طونوبيل...يامات يما واش بيا ..كووراج ..گوراج ااافاطمة..كووراج ااافاتي.واش بيك لحقتي للبير ..وما تشربيش ..

حابة كحلوشه يروح واحدة اخرى......قلتي جاهد عليه هيا ورينا كنت يدك ..

درت شهيق و زفير ودعيت ربي ..وبقيت نردد في الصلاة الابراهيمية ..على نية التسيير ..وجمع شمل .والمحبة.والقبول من طرفين..

رحت للباب فتحته‍ ..وطليت عليه كان دجا وصل باقي خمس خطوات للباب ...شافني تبسم معايا ..دخل وغلق الباب..ونحط صوالح على الأرض ..ووقف يشوووف فيااا ...وأنا كنت حاكمة طرف نتاع اسدال صلاة ..ونضغط عليه متوترة حشمانه ..نشووف فيه ونرجع نشوووف في جهة اخري ...قالي راني خايف هذا كامل غير منام ..

تبسمت معاه ...قلتله ما عليش منام ..عيش فيه واستغله مليح

قالي ..نستغله نستغله ونعيش فيه ونعيشك ...ليلة مش راح تنيها ..مادامك درتيلي هذه الجاست ...وطلبتي صلح نوعدك مش راح تندمي .. وفتحلي يديه زوج ...تقدم هو خطوة وأنا قفزت ليه جريت زوج خطوات

و رميت روحي بين يديه

الجزء 2

.يااااا عيني ويااا ليلي شكون كان يقول .يجي نهاار ونعيش هذه لحظة بين يدين ولد صحرااا تعرف. واش معنتها...يعني الي كنت نشوف فيه حلم كبير و بعيد .راني نعيش فيه حقيقة...راني بين يدين الكحلوش الي ياااما ..بغيته وتمنيته ومكاش عندي كيفاش نواجه...ياما استنيته من تاقة نتاع القهوة ...نكون مقلقة غير نشوفه ..ولا ياربي نشوف غير طموبيلته ..خلاص نرجع نشطح بلا بلا بندير...جااامي شفته ضحك ضحكة من قلبه ضحكة فرحة ..لبوووم شفتها وأنا كنت سبابها .وشكون كيفي هذه باينه دعوة خير واحقتني .ما عرف صاحبة عبدو ...نروح ليه ونديله كادو ..هو كان سبابينرجعو لهذيك ليلة .قلتلكم رميت روحي ليه هزني .وبقا يدووور ويضحك ايييه صح ضحكته خشينه بصح بالنسبة ليا حلوة حلوة ...دخلت رأسي في رقبته ..وقلتله بلعقل وجعتني بلقاااسم نطقت اسمه وانا بدلع ...هو هنا حسيته تجمد وزاد شعلت ناره ..دخل يديه في شعري ..وجبدني عليه ولايتي من ش......ولا نقولو كلاهم ..

وهمسلي مازال ما بدينا باش تقوليلي وجعتني ...قلتلك ليوم نكملوها في متاغنيتي ..تولدي ..

ما مسيتكش من نهار كرشتك ..وليوم نمسك ونولدك واااش رايك ..ويضحك بالصوووت ....وووااااي حيه عليا وصااي ....هذا الخير كامل نتاعي ..يعني حالتي من صحرااا .حتى للغرب ....باش يكون مكتوبي ياربي الحمد والشكر ليك يارب

ضحكت معاه ..قلتله لالا تعيش خليني نشبع منك ..يامات باش نقدر نصبر روحي بعد زيادة .حطني وبقا يشوف فيا قالي راكي خالعتني ...يعني صح

هذه محبة ولا غير خرطي ..حكمته من يديه قلتله ..ارواح تتعشى ..ومن بعد نخليك روحك تعرف اذا صح محبة ولا هوية معجبة سرية ..

هنا عينيه تحلو ..قالي واش قلتله كيما سمعت أنا هي المعجبة سرية الي كنت نكمونتيلك ...ونبعثلك للخاص ...

وقف شعااال ..قالي والله كنت حاسها ..انه انتي لأنو كنت نلقاك ونشوف خزرتك ليا كيفاش ..كانت فيها بزاف كلام .كملنا قعدنا نتعشو عجباته الماكلة الحمد لله .هو ذواق ..وحتى أنا طيابي بنين بزاف ..كملنا .رحت غسلت فمي ..ورجعت نجمع طابلة قالي خلي ر....ليوم عندك غير بلقاسم ..و بلقاسم عنده غير فاطمة ضحكت ..وطلعت له يدي قلت ليه هياااا هزني لاشومبر كيف العريس وعروسة .عض على شواربه ..وقالي نهزك .نهزك

مرتي ..دخلني لاشومبر قالي فيساع ندوش ونتوضا ونجيك انتي كووولي مكسرات باااش تستحملي نخافك تولدي ..وأنا مازال ما بردت ..واش يصبرني

قلتله ما طولش عليا حبيبي ..

زاد عض شواربه ..قالي ااااواه انتي تجيبلي اخرتي ..ما نقدرش على هذا الكلام الحلو ..هنا هو يهدر ..وداخل لدوووش ..وأنا يضربني لمااااااااااص .في ظهري ..

عمري خرجت ..شويا وراح ..زدت ثووواني برك ...وعاااودي وكان مرة يزيد يقوى ....هنا عيطت له بلقااااااسم ...خفت روحك بايت في دووش ..شويا وخرج ..يضحك وفرحان قالي واش مقلقة مقلقة مقلوعة ويلعب بحواجبه ...ههههه

ركز معايا مليح لقاني شهادة دهري.. وجهي مقبوب ...قالي وااش بيك ..قلتله الوجع ..نتاع زيااادة ....اااربي على زهري ربي راه يعاقب فيا ولا واش ..قالي وضرك كيفاش قلتله لبس قميصك ..نصلو و نفروها....وديني لسبيطار...خفت روحك ..قالي متأكدة ..أنا مذابيا بصح تقدري . ..عيطت عليه قلتله خف ..لبس وقفت انا وهو راح فيساع حاب قميص وسجادة وفرشهم .

صلينا ..وكملنا ...ودار عندي ينحيلي في الطقم الصلاة بالزربة شفت حالته ضحكنا في زوج ....واااش يصبرني عليك من بعد هذه ليلة ااارب 40يوم

قلتله معليش المهم نكونو مع بعض ..غير شافني واش كنت لابسة تحت طقم صلاة...عينيه لصقو في ..ص..زدت انا على بيه وبغيته يهبل عليا ..باش ..تجوز...بالخف ..لأنو الوجع قتلني ..نطقت قلتله بلقاسم تعرف شعااال نحبك ونموت عليك

تمنيتك شعااال....حاباتك هذه دقيقة ..ورايداتك ...حابة نعيش معاك نص ساعة برك ..تهبلني فيهم ..ودخلني لعااالم مش حابة نتساااه في حياتي ...هو هنا خلاص عروڨ رقبته بانو.بقا يتنهد وحكمني بين يديه.......

الجزء 3

أنا ....فرحت وخفت ..في نفس الوقت لأنو ..كنت صح نتقطع بالوجه ..وضغطت على روحي ..وقلت مش راح نخليها في قلبي ولا في خاطره هو ..لأنو شفت لمعة في عينيه ..

وفرحة كبيرة ..على بالي كانت غريزة راجل الي يتبع شهوته ..مي أنا مكانش علمني في هذيك دقيقة لأنها كانت خطوة مني أنا ولأول مرة راح نجربو نكونو مع بعض بخاطرنا ونصبحو علاقتنا ..واول مرة راح نعيشو هذه تجربة ....أكيد اذا كان صح ما يحبّنيش قادر هذه العلاقة تغير نظرته ليا ...او العكس قادر ما يحبّنيش ما تعجبهش علاقة معايا ...

واذا كان حابني وحتى هو كان يسعي للصلح بطريقة غير مباشرة ..وهي أنه كان يقوم بواجبه كزوج ..بالبياا ..هنا راح يزيد يتعلق بيا ..بعد هذه تجربة ..واكيد علاقتنا راح تنجح ..يصراو فيها تعثرات لكن ان شاء الله ربي يكتب الي فيه الخيربلا ما ندخلو في تفاصيل ....خطفني بين1 يديه ..كيف واحد مهبوول ض1 بقاش فيه العقل بعد الكلام الي قلته ..ليه ...ما عرفتش من يبدأ ولا كيف يبدأ ..بقاااا ندخل صباعتيه في شعري ..وندخل نيفه في رقبتي ..ويشم فيا...أنا قد ما كنت متحمسة وفرحانه وعندي طاااقة كبيرة ...باش نقدر نجوز معاها ليلة ما نخليهش ينساها ...مي تجري رياااح بما لا تشتهيه السفن ..غلبت والله غير غلبت ويقتلني الوجع ...وصااابرة وساكته ..نحاول ما نبينلهش ...

مي هو ..بيا ..وبقا يسلم عليا ..ويقوولي حبيبي ماكيش ..

مليحة ...واني عارفك ..تتوجعي ..ما عليش ..غير أنه حكمني فيا وصلح بيناتنا هذا عندي كبيرة وكبيرة بزااف وكبرتي في عينيا ..ڨد ما كنت خلاف عليك ليلة بصح راكي مريضة ...الله غالب ربي مش كاتبها ليلة ...وكمل يسلم ...وأنا جيت رأسي ودمعتي بداات تسيل من الوجع ..ومن زعافي لأنو ما فاتتش كيف ما حبيت وخططتلها ..مي ما عليش ..

جبدت عليه وقعدت ..قعد معايا ..شادلي يدي ويبوووس فيها قالي ..ارواحي بدلي ..ونهزك لسبيطار ...وجهك راه صفر ...قلتله ..ندوش ..ونروح قالي قالي تخافي طيحي ..اذا نورمال ندخل ندوش لك ..حشمت منه قلتله لا لا .

قالي فاليز واجدة قلت له ايه ..

كان يهدر ويحاول ما يبينش أنه منشوع ...لكن الله غااالب....المهم دوشت عمري كانت تخرج ..خلاص ماجيت نلبس ونخرج حتى بقيت ..نعيط ..بالصوووت ...وهو مخلوع نتلاقى واش يدير ركبنا ..وطار ..لسبيطار ..غير وصلت دخلوني ...يجرواا.للبلوك

دارولي راديو ..لقاوها خلاص مقبلة ..ورأس باغي يخرج ...بصح كول نتاعي مغلوق ..على هذا خدمولي دوسي براسيون....كملوا صوالحهم وأنا كنت بالسيروم ..لأنو خلاص يدي ما قدرتش نعزها من قوة الوجع هلكني..شويا ..وغبت ولا رقدت الله وأعلم ....

فقت على صوت الهدرة ونساء ..قاعدين عند رأسي ...فتحت عيني غير بالعقل لقيت روحي في صالة كبيرة

فيها ثلاثة نتاع نسأ والدين ..وعندهم ماليهم...شافتني وحدة ..جات عندي قالتلي ..بالبراكة على بنتي ..كيراكي شويا ..قلت لباس خالتي .قالتلي كاش ما خصك نعاون بنتي ...قلتلها مش قادرة نتحرك قالتلي ماعليه شويا ...وتفوتك الحالة ...جابتلي شويا ما ..شربت ..شفت سيروم مازاله في يدي بقيت ..ساكتة ونتفرج في العباااد غير أنا تقول مقطوعة من شجرة ...مكاش الي كل عليا ؟ى بنتي وما عرفتش شكون نسقسيه ....غمضت عينيا ..وزدت رقدت ....

ودمعتي على خدي ..هاااو راجل الزين وين راح ..بعد غير يسقسي اذا فقت يطل عليا كاش ما خصني ..شويا سمعت طبيبة تنوض فيا ...هزيت رأسي فيها قالتلي هااا نوضي يا لالة عجبك رقاد عندنا ..تبسمت معاها وشفت جهة الأخرى ..لقيت خالتي مباركة فرحت بغيت نطير ..قالتلي طبيبة كيفاش تحسب في روحك كاش وجع قلتله وجع لالا بصح عيانة ..بزااف قالتلي ..ما عليش

ساعات برك ووتفطني ....قلتلها وينها بنتي ..قالتلي ..طبيبة طووول لا احترام المشاعر لا سيدي زگري ..بنتك ماتت مخنوقة ..شربت ياسر ..وانتي جاتك.زحمة وما عرفتيلهاش ..وتخنقت ما عليش ربي يعوضك...وخرجت

الحزء 4

بقيت غير نشووف ونرمش ودمعة طيح سخوووونة ..وقلبي شاااعل ما نقدرش نوصفلكم هدرتها كانت تتعاود في رأسي

ماتت ..بنتك ماتت ..بنتي ماتت

ربي ما كتبهاش ..وداها لعنده ..

تسع شعور هازتها مكاش نهار قعدت ..معاها وبقيت نحكي معاها ولا تغنيلها ولا درتلها القران ...ولا حكيت كرشي من فوق بحنانة ..وقلتلها بنتي الغالية ..نحبك ..ولا تحركت ..وضحكت معاها وقلتلها ...يامات عمري على بنتي راها تلعب .ولا جا باباها وحط رأسه على كرشي وحكا معاها..ولا حسسناها ..أنه والديها بالرغم انهم غلطو ..غلطت العمر ..لكنهم حامدين ربي على نعمة الي عطهالهم ....نحن لا لا طول الوقت كنا حاسينها نقمة مش نعمة ..طول الوقت ..ونحنا مرجعين فيها لووم ..لوكان ما كرشتنيش ما نرجع نحوس عليك تسترني ....لدرجة أنه قلوبنا بردت ولات حجرة ..شويا قش ما قدرتااش نشروه ونوجدوه ..لوكان مش عجوزي عيطت وبهدلتنا ...هو يقولي انتي علاه ما قلتيش .؟وانا نقوله وانت علاه ما قلتش؟..؟

وحتى هو قبل هذا زواج على جال ..مرشني وخاف يتفضح

..أنا مذنبة لأنو حملت بنتي ذنب ..مش ذنبها ..أنا الي قسكت قلبي عليها ....أنا ربي غضب عليا ..لأن تفرت من نعمة عطاهالي ..وما حمدتهش ..عليها عكس بزااف ناااس متمنيين برك ..ربي يعمل حجورهم وبيوتهم بطفلة ..ولا طفل ..

انا ما نستاهلش نكووون ..أم ...أنا عااار على الامهات ...كلمة ام خسااارة فيا ..بقيت نبكي ونعيط وواش يفسد البكااا ياا فاطمة ..دمعة مش راح ترجع الي راح ..البكاء مش راح يرجعلك بنتك ...

فاتت هذيك ليلة نهار لآخر جات خالتي..مباركة مع عجوزي ..وحماتي صغيرة ..سلمو عليا وبقاو يصبرو فيا وأنا كلمة ما نطقتهاش ..قلبي غمني شي ...باغيا نبقا غير. وحدي

لا هدرة لا حس ..دااوني لداري غير ثما في ...............في صحرا .

بقيت 15يوم ...ورجعنا مع عجوزتي لبلادي الغرب يااا خويا الغرب........

دااوني لسكنتهم الي حداالمكتبة ..

تسقسوووني على على ..عريس الغفلة.وينه ..استنووو ما تتقلقوش.على بالي حنا نسا نموتو على تقرعيج....

هيا نبدأ نعمرلكم في قرع على نسيبكم الكحلوش ...ولد الصحراا ..

من نهااار الي دخلني لمتاغنيتي

ما شفتش وجهه ..ايوااا. ..واه

نهار الي جابنا في طريق ...هدرت معاه قدامهم قلتله ...بلقاسم واش بيك معايا

علاه مش نعبرني ولا تحوس عليا ..ياك راني خارجة من براسيون وبنتي ماتت ..نحتاجك توقف معايا بكلمة حنينة..واك انت سند نتاعي...على من نحوس شكون يوقف ويصبرني

..ضحك قدامهم هذيك ضحكة الي نكرهها ..ومن نشوفه ضحكها تنعرفه راه يقول كلام ...س.ك.ي.ن...وما يجرحنيش كيفه.

قالي نسندك قلتي ..علاه وانا ڜكون يسندني ...قلتله بلقاسم نسندو بعضنا هذه بنتنا في زوج كبدندتنا وقطعة من روحنا

ضحك قالي ..كبدتك وانتي مامبا ما كنتيش فرحانه بيها كيف نسا ..وتحوسي طيحيها وتقتلبها ...هنا ضربني للفم ما قدرتش ننطق.اسكت..قالي اسمعي الي بيني وبينك كانت البنت ..ليوم مكاش حاجة تربطني بيك ...هيا طريق سلامة

وتلحقك ورقتك في دواار ..شفت فيه ودموعي تجري ...هذا ..آخر كلام عندك ..

طااار فيا قالي وااش باغيا ...مثلا انطقي ..انتي جيتي.باش نسترك خلاص كل شيء خلاص ..أنا من نهار الاول مش رايدك ..عندي شكون في قلبي..انتي بغيت نصحح غلطتي معاك ...وحتى انتي مش عينك فيا اياا قودي عليا ...قالتله ...عجوزي طفلة ما عندها وين تروح حتى تكمل ربعين نتاعها ..وساهل الحال من لهاذاك الوقت ..قالها دير رأسك

المهم أنا ..ما تزيدش توڨف قدامي ...وشااااف فيا لقاني نخزر فيه ودمعة تجري..راح خرج ...

بقات عجوزي وخياته يرطبو في الحالة ...ما عليش راه عيان وغضاته بنته ...

وأنا استأذنت منهم وطلعت لاشومبر نتاعي هزيت تليفوني من ساك ..وعيطت لخويأ قلتله ارواح ذرك تديني قالي علاه ..حكيت له كل شيء ..

قالي وجدي روحك ساعة نوصلعندك ...هزيت برك صوالحي ذهبي .. ودراهم كنت نطمهم الحمد لله راح تلقاهم ...وصل خويا عيطلي قالي اخرجي ...نزلت نتكركر مع فاليزتي ...سمعت حسهم في صالة ...وهو يهدر ...يعيط وعجوزي تسكت ..فيه قلتله في قلبي راني مخليتهالك ....

عيطت على عجوزي خرجت لي في كروال ..انخلعت شافتني لابسة وهازة فاليزتي قالتليواش هذا انتي ثاني وين رايحة بفاليزتك تهدر وجاية عندي ..

سمعوها لخرين ...خرجو موراها ..وهو معاهم .قلتلها خويا جا يديني ..هيا تهلاو في رواحكم وسلمت عليها ..قالتلي يا بنتي نعلي شيطان راه غير مقلق ..ومش عارف ..روحه واش راه يدير .

اصبري بنتي يامات تبرد جمرته ..

نسمع فيها ومخلوعة ...شوفو عجااايز مهما يكونو ناس ملاح ...وحنان وطيبين ..بصح والله هما يحسوا برك بكبدتهم ..ولدهم برك يشفقو عليه ويحسوا بغبينته ..بصح الكنة ...لا لا ...مالقري يكونو يبغوها وتبغيهم

يعني ولدها راح غايضاته بنته ماتت ..وراه مقنوط ..وجمرته شاعلة ...وأنا لأمها ..وبقات فيا 9شهور ..والوحم والبراسيون ..والوجع ...ومامبا مش معايا..ماليا ...ولا هو تقاسمو معايا المصيبة

وجاية تقولي صبري عليه يهينك ..ويعايرك ..ويسبك ويضربك وانتي نافس ويطردك ..ويبهدلك ..نورمال..

عاااااااادي ...

قلتلها ماعليش انتي ولدك حسيت بيه وراكي واقفة ..معاه ..بصح حتى أنا راني مكوية ..ومضرارة ..ومحتاجة شكون يهتم بيا ولو بكلمة طيب خاطري ..على هذا رايحة وسط عائلتي ..يحسسو حتى هما بيا وبكبدتهم ..كيفك انتي هيااا بالسلامة ..ما طلعتش رأسي فيه كامل ..واخرجت رأسي مرفوع ..مالقري كل شيء فيا تكسر..وذباال

قالها خليها تكمل ربعين وتروح مانزيدش نشووف وجهها

أنا الي ما تزيدش دقيقة مقابلة وجهك ..خرجت لقيت خويا نزل سلم عليا ..وركبنا .وقلعنا

الجزء الخامس

وصلت لدااارنا ...تحيا دااارنا وينعلبو دارهم ....تحيا ..دوارنا وينعلبو مدينته ..تحيا معيشتنا ميزريا ..وينعلبو عيشة دراهم وذل .....واااش نقولكم ..هذاك وين حسيت بروحي بنااادم ونافسة .ونتقلش ..ما في خاطري بركوكس .لكحل ...ما في خاطري...فطيرة ..ما ديريلي شوربة ..حريرة ....يااا تحيا ما ..وتحيااا باا....وتحياا خويا سبع نتاعي ..ههههههه

...كنت ساعة نضحك ..ساعة تبكي ...ساعة نتوحشه وساعة ننعل روحي ...الي مازلت نخمم فيه ...جات عندي عجوزي وحماتي صغيرة يشوفوني .

قدامهم نلعبها..راني بيا غير هنا يروحو ..وأنا نولي لحالتي ..غير مبلعة على روحي لباب .ونبكي نخمم ..قرايتي الي كنت عايشة على جالها واحلامي ..نقرا وندي ماما وبابا للحج ....نسيتها كامل ..تعيطلي امينة تعايرني وتبهدلني وتقولي رجعي كيف ما كنتي راكي شفايا للعديان...

المهم فاتت 40يوم ..

والحمد لله ..تحسنت وماما الجرح ...تخيط مليح ..

خويا زادت عنده بنت .سماها خديجة يااا عمري كانت تهبل ...بزااف صغيرة ..درنا العقيقة ..الحمد لله

كل شيء بالطبع والشأن .حضروا لافامي والحباب ...وغير الي تجي تفتحلي .جرحي.علاه وكيفاه ..وعلاه ما رحتيش ..وواش مقعدك ..بلا ما نزيدكم نعرفو العقلية

مهم فاتت على خير بقينا سيمانه من موراها جات عجوزي تشوفني ..وزعفانة قالولنا درتو العقيقة.وما حضرتوناش...خلاص ..راكم تطردو فينا..قالتلها ماما والله ما ع

غير نسيناكم ..كل شيء جا غفلة ..وكنتنا بغات.تروح لدارهم ..على بيها كل شيء جا بالزربة

....شافت فيا عجوزي ..قالتلي وانتي ما يهديكش ربي وترجعي لدارك ...هذاك المكلوب نتاع ولدي راه غير هايم ...وقالي رجعوها ...لدارها ..وقلها ننسو الي فات ...قلتلها و علاه ماجاش

قالتلي تعرفي عقليته خشينه

قلتلها حتى أنا مش راجعة و قوله يطلقني ..قالتلي حاسبة طلاق ساهل زدتش...نظت خرجت ما بغيتش نكثر معاها الهدرة نخاف نغلط معاها ..وهي ماتستعرفش أنه ولدهاا غلط وكثر من نهار الاول.

شويا وسمعتهم يعيطولها شفت شكون كان شيخي وحمايا ..

هو ان كيد مش راح يجي ..وبغااني انا نتنازل ونروح ليه برجليا ..

...كملنا هذاك نهار وفي ليل كنت قة مع تليڤون نكونكتي ...حتى دخلتني ابال بريفي ..كوبيت عليه ..وكملت رجع عيط ..وكوبيت قريب 10مرات

حتى دخلني نمروه كوبيت عليه

ودرته في روجوتي ..جاامي نتلقاه.ولا نهدر معاه ..يرجع يهددني ..ولا كاش ما يعمل فيا ..ونرجع بالغصببقينا على هذاك الحال يومين يعيط بريفي ..ومساجات ..أخته تعيط كرهتهم كامل ..

ليوم كان عندنا عرس نسيبنا خو.مرت.خويا...كنت عند الحفافة وجيت نلبس في دارنا ..

لبست قفطان شارجي شباب

مع اكسسوارات نتوعه

وبقيت نستنا في خويا وقتاه يرجع يدينا لاصال ...بابا مكاش في داار ..طبطب البأب راحت ماما تفتح ..اسمعتها نرحب وتسلم .رحت نجري نطل ..حتى تلاقت العين بالعين ...كان هو واقف عند الباب ..وماما تحكي معاه غير شافني بقااا ساكت وحتى أنا تجمدت بصح ما درت حتى ردت فعل تصرفت عادي ..خرجت قدامه بهذيك لاغوب سيري ..وتتجرجر ..مفتوحة من قريب الف.خ.ذ...وشعري مليسي

وماكياج كلاغ.كنت بزاااف شابة وناتيري ...اسمعته قالها نستحق الحاج قالت ليه مش هنا ....قالها معليش نحكي مع فاطمة ..قالت ليه ما نعرف اذاحبت ...جوز للصالة درك نعيطلها ...

شفته دخل ..وهي جات عندي قالتلي روحي ليه وعرفي كيفاش تهدري ..على ربي انعلو شيطان ..قلتلها ...الله يهديك ..روحي قوليله ..يخرج من دارنا ومن حياتي ..يخليني نريح..

جات خارجة ...وتستغفر راحت قالت له قالها ...قالها ما تروحش العرس لأني راني نستنى عند الباب نشوفهااا برااا ليوم ..ماتفرااش ..وخرج شر يخرج من عينيه وخبط الباب ..

الجزء السادس

قالتلي ماما سمعتي ..أيا بلا تبهديل في دوار ..ه‍ذا مهبول ..ويفضحنا ..قلتلها والله نروح ..من صباح وأنا نوجد في روحي ..راني مغمومة نروح نحي ضيقة هههه خاطري ..ايوااا مليح هذا ما رحمني ما خلا رحمة ربي تنزل عليا ...شويا وسمعنا كلاكصو عند الباب عرفته خويا لبسنا وخرجنا....أنا لبست غير ملأية كحلة خليجية ..مع خيمارها رميته برك ..مادرت لا اصدااال .لا ستار

خرجت نوري في زيني برك .. قابلتنا طونوبيل . بيضة شابة نتاع صاحب خويا .......وحتى صاحبه كان زلة ..نزل سلم على ماما وهزلي برأسه..تبسمت ليه وانا عيني في

هذاك الي جااي من بعيد ..كيف ثوور الهايج ..ركبت ماما ..و زربت. ركبت معاها..حتى وصل قال لخويا نزلها ما تروحش ....قال ليه خويا كيفاه ماتروحش علاه انا واش دخلك فيها ..ولا واش راك دير ...هنا قال ليه اسمع انت ..راني نهدر على مرتي .وراني هنا على جالها.. برك..قالها تنزل ..

خويا جا جهتي قالي تنزلي. قلتله لالا ..راح ليه قاله لالا ماتنزلڜ..وانت مش قلت نبعثلك الورقة .غير غصب طلقها ..اختي صغيرة ونعاود حياتها ..وتكمل قرايتها ..ما تبقاش .نستنى فيك ترضى عليها ..

هنا ما عرف الكلب كيفاش هز يديه وضرب خويا بونيا ...وحده من الكول قاله كيفاه هذه حابني نطلقها ..باش دبر عليها انت ..طبعا خويا وردله بونيا وبقاو متضاربين ..حتى فكوهم

هذاك بقا واقف ويتحلف.وخويا ركب ...وهو يسب فيه ..أنا عيني ما هزيتهاش فيه ..قلعناا ..وخليناه ..ياكل في روحه ايوااا مليح ..وااه طاجين.الحوت.انت ما طيب وأنا ما ناكلك ..

لحقنا للعرس..رحنا قعدت اناوماما ..نظت شطحت بردت قلبي ..من جهة فرحانة لأنه شفتها وحاء حتى عندي وما قيمتهش ..ومن جهة خايفة من ردت فعله ..

المهم العروس تصدرت مع راجلها ...و حجم اذا وقت الي يديها ...خرجو روعة الله يبارك

تفكرت غريب كان عرس فووور فور ..تقول هذا راجل يعشقني ويموت عليا...ايوااا معليش الحمد لله ..

كمل العرس ورجعنا ..خطبوني زوج نساء..قالت ليهم مرت خويا متزوجة.

كنت طول الوقت نهدر مع أخته ..قالتلي ..جااا قلب علينا الدااار ..وقال غير هي الي ما نرجعهاش ...وخوها هذاك درك نلهاله مليح ..قلتلها قوليله خويا خاطيه..حابه نيف عليا لأنو حقرتني ...و.قوله هاد طلقني وروح عند الي يبغيها علاه راه يحوس عليا ..ضحكت .وقالتلي

صح غير بدلي علينا موضوع ..وقوليلي واش لبستي ..حتى هاااج عليك هكذااا ..ما ولاش نورمال ..

قالتلها ..ذرگ نبعثلك فيديو ..وانتي عطيني رأيك ..

بعثتلها فيديو وأنا نشطح ..

كنت زلة ..ما ردتليش

حتى ليل ..بعثلي ميساج هو قالي انتي صح ق...كبيرة .لابسة العريان ...وتهزي في هذوك ت.....وص....

وناااس تصور فيك ..ما خممتيش ينشروك في تكتوك ..ونجي ننحرك ...مش باغيا ترجعي ..ما عليش حتى أنا ما نرجعكش..

...ومن هذاك نهار انقطعت اخباره ..اخته قالتلي ..أنا وريته فيديو بغيت نغزله ويندم ..على واش دار ..بصح طفل ..زااد هبل

وقالنااا ..ااااواه.انا ما نقدرش ..لهذه الحالة...

فاتت الايام و سيمانة وزوج ..و ثلاثة ..حتى دخل عليا بابا في صالون كنت نتفرج في تيلي ..هاز معاه ورقة ..قالي راه بعقلك راجلك ..ورقة الحلسة الاولى...هنااا تجمدت ...ما عليا غير نظت رحت لا شًومبر نتاعي ..ديتها يومين وانا نوح عليه ..ما عرفت روحي واش باغيا ..عيطتلي أخته .تسقسي عليا ..قلتلها الحمد لله راضية بكل شيء ...قالتلي هو عنده يومين مكاش ..قلتلها ..ما تقلقيش عليه عند حبيبته ..

قالتلي علاه عاندتيه لوكان غير..

قلتلها .أيا ومن نرجع وين راها الكرامة نتاعي ..شفتيه واش دار...ولا لا ..شفتيه واش قالي ..وكيفاش بهدلني قدامكم

علاه هو زعف على بنته وانا لا حجرة اناقالتلي والله غير اندم .وغير انتي خرجتي وهو تحول ..هذاك صالون كامل جابه في الارض

كل شيء كسره .وفي تالية قعد في الارض وحط رأسه ..وقعد يبكي . اول مرة نشوفوه ..في هذيك الحالة ..بقا غير يقول واااش درت انا ..سيرتو من قلتي ليما نروح عند دارنا يحسو بيا ويوقفو معايا ...قالنا هي مكوية على بنتها وأنا زدت عليها

.....خلعتني هدرتها بصح تجاهلت كل شيء راحتي هي اختياري في الوقت الحالي ..خممت نطلق ..ونرجع نكمل حلمي ..ونوقف عليه اكثر ..

وجامي نزيد ندخل في متاهات.صعاب عليا..

..صباح جديد .رحت مع بابا حضرنا الجلسة الاولى ...هو قال نطلق وانا قلت نطلق ....وخرجنا واحد فينا ما شاف في آخر ..

وفي جلسة ثانية خلاص طلقنااا

أنا خرجت مضرورة نتاع الصح من قلبي ...مرضت مرضت ..يعني خلاص مكتوب بيناتنا ..مش راح نزيد نلقاه

...خلاص رجعت غريبة عليه ...بكيت ودخلت في فترة اكتءاب ...ما خرجني ..منها غير تقربت لربي .وبقيت غير مع صلاة وذكر ..وقراءة القران.

..والحمد لله قدرت نجوزها ..

الجزء السابع

صبااااح جديد ..وعااام جديد ..واحدااث جديدة ..

ليوم نهار الاول عندي في الجامعة ...أمينه كانت كملت وتخرجت وأنا بعد ما ضيعت 4سنين ..من حياتي ...رجعت نكمل طريقي وحدي ..وان شاء الله تكون بداية موفقة ..

درت اقامة ..طاحت معايا بنت من ولاية مجاورة لينا ...كانت في بداية عاقلة ..ولا أنا كانت تبانلي ...مليحة ما نعرف ..يقولك ناس زمان العشرة فتاشة ..حتى تعشري ناس وحكمي عليهم .مش من نظرة الاولى ..ولا من تبسيمة الاولى ولا حتى من موقف مليح داروه معاك لأول مرة .

..كنت نروح معاها لجامعة ..نخرجو ندوروا ......كانو يتبلاونا بزااف ..

وغير مركة ثقيلة ..بصح أنا جامي شفت مع واحد ولا حلبتهم ..بصح آكرام ..كانت بزاااف خفيفة ..نوصل هالكم كانت طفلة شابة..واخرج سيفليزي .بزاف مسرارة ..شعرها نقص عند رقبتها ..وكل مرة دير ليه كولاغ ...كانت عندها لاطاي نتاع وردة شاغلومانتي ... تلبس غير سراول دجين وفيزو ...

وهكذا فاتت ايام بين قرايا ..نمشي مرات لدارنا . حتى فاتت 3اشهر ..كنت نقرا في نفس الجامعة و نفس للأقامة ...

بصح طريق المكتبة و القهوة جامي زدت رحت جهتهم ...ولا تلاقيت بالكحلوش ..خلاص من نهار طلقت حتى نمرو نتاعي بدلته....ليوم فقت على تقربيع ..كانت آكرام مقلبة دنيا تحوس على حوايجها ..ديما مرميين .ما اندم روحها المهبولة ..غلبت معاها بصح هي دائرة هكذا ...

قلتلها واش بيه جدك ...ما تخلينيش نرقد ..قالتلي نوضي راح الحال .وأرواحي حوسي معايا على تيشرت نتاعي لبيض ..قلتلها خطيني صباح ربي ...ونظت غسلت وتوضيت صليت ولست ..كانت هي دجاج وجدت روحها ..بصح كانت على العادة حاطة لحطة ..وبارفا الله الله ...قلتلها ليوم عندك حاجة انتي تبسمت معايا ..قالتلي تعرفت على واحد زلة وماتريال..ثقيل . ..قلتلها الله يهديك برك..نزلنا سمعتها عيطتله ..قالتله وين راك ..قالها راني نستنى عند الباب ...شافت فيا فرحانة ..قالتلي راه هنا ..كيفاش راني شابة ..قلتله وله تهبلي ماشية تبيعي في روحك ..وعاحبك الحال يبهدلك قالتلي رنگي معقدة غاادي ..قلتلها الله يهديك برك ..

خرجنا كيف كيف هي راحت حهة واحد طونوبيل ..من كبار باينة ماتريال واعر..

وأنا رحت لجهة الاخرى .نمشي ..ومستغربة فيها لوكان يديرها ضرك يدير فيها العمايل ويقتلها ..ويقطعها ويرميها في الغابة شكون بيها ..وشكون يجيب خبرها ..كملت طريقي نمشي ..حسيت هذيك طونوبيل تمشي مورايا ....شويا وطلت منها آكرام قالتلي كم لعب نوصلوك في طريقنا قلتلها لا لا ما عليش ....وكملت طريقي شويا ووصلت كملت نهاري ورجعت ..لأقامة ..لقيت آكرام مكاش ..يعني مازال ماجاتش

الجزء الثامن

رحت بدلت وتوضيت قضيت صلاتي ..ووجدت سندويتش كليت الحمد لله البراكة في القليل ...جبدت تليفونءي نخرب ..ومرة على مرة ندخل نقرعج ..في فيسبوك نتاع بلقاسم ما قدرتش ننساه الصراحة ....ما عرفتش.اخباره ..تزوج ..راه مليح .؟ربي ينحي عشقه من قلبي وخلاص......

شويا ودخلت اكراام ..فرحانة ...علاوة معاها الخير والخمير ...قالتلي توحشتك اااعمري علاه معيطتيش تحوسي عليا قلتلها

وانتي علاه ما عيطتيش قالتلي كنت نعيش في حياتي يااا أختشي ..ههه

قلتلها الله يهديك ..قالتلي شووفي قضااالي حبيبي نيقرو من كل شيء حتى انتي بعثلك حقك ...قالي باش ما تزعفيش منك صحبتك ..قلتلها لا لا قوليله الله يخلف ..ما نتكلش أنا ..بدراهم حرااام ..

قالتلي ..تفووووو عليك معقدة مبوقلة ... اقعدي اقعدي قالي روحك ...بشر وكولي هذاك صندويتش ..باتي وطن ..ولا كاشير وفرماج ..قلتلها الحمد لله

براكة في معنديش وما خصنيش ..جمعت هي كلات ..

شبعت ..والي بقا هزاته لبنات جوارينا ...وجاات بدلت وتكسلت قالتلي عيانه قلتلها ارقواسكتي خليني نركز على قرايتيهي رقدت وأنا كملت تقرعيج ..وصليت ورقدت ..وهكذا فاتت ليام تجري ..كل صباح نروح مع آكرام ونرجعو ...نخرجو نشرو ..شرات هي فورنو نتاع تريسيتي ..والو نتاع قهوة ..رجعنا نطيبو في لاشومبر ..أنا كنت نقضي مصروف قليل ..بالنسبة ليها هي ..الي كانت عايشة في طبقة روخامية ....يبعثلها هذاك يوميا ...العشاء..و القضيان ..كل خير كانت تجيبه ....ويسقسيها اذا راني ناكل معاها ولا لا لا ..

تقوولو اخطيك من هذيك المعقدة ..قالت ليك أنا ما ناكلش..الحرام وانتما دراهمكم ..حرام ..كان يقولها ما علينا تزعفيش منها ..وقنعيها تاكل ..أقوله غير واه...واه.

. آكرام قرايا هملتها نيشان كل مرة في سيمانه تخرج معاه من صباح حتى العصر .نسقيها واش كنت ديرو تقولي ..غير يديني يدورني ..ومن بعد يخليني في بيتزيريا ..ولا ريستورو ..ويقوولي ستنايني ووطلبي ..واش حبيتي وانا .تخلص ...ويروح ما يرجعش حتى العصر ..يجيبني من سقسيته يقولي خدمة شارجي..

قلتلها يعني جامي مسك ..قالتلي جامي حط يديه عليا ولا نسميه غير غلطة ...وحتى هي ما تعرف..عليه والو .. من غير أنه متزوج..ونيقرو ..وعنده شكاارة ومقطعها لياس باش ..يخطبها

...يجوز معاها الوقت و يامات وخلاص وهي رضات على روحها ...نورمال ..

كانت يوميا تهدر معاه بلاكام ..من عشية حتى المغرب ..

كنت نحسها تبدلت من جهتي ما عرف علاه لأنه كنت نسمعها من الي تحكي معاه وهي تعطيه في اخباري هو يسقسي فيهأ ..وهي تجاوب ...يمكن تنشعت عندها صح حتى وحدة ما ترضاها ....مرات كان يجي في ليل يعيطلها تخرج عنده يجيبلها العشا ..ويقولها سيف على صحبتك تاكل ا تخليهاش بشر ..وراه البرد .... عن نديها صح نتقلق من هذه ليجاست.

.الجزء التاسع

كنت ليلة عيد ميلادي كنت راقدة على 00.00...صونا تليفوني ...نظت قفزت نجري مخلوعة ..لأنه جامي صوتا في ليل ..حتى آكرام كانت نايضة ..ضحكت عليا ...هزيت تليفون نشوف شكون كان ..نمروا بريفي ..كوبيت على جده ورجعت رقدت ....شويا وعاودي رجع صونا كوبيت ثالثة ..رابعة .. كوبيت وغلقته ..

وكملت رقادي عاود جاتني لحظة إدراك على 00.00..دخل عيد ميلادي يا عمري قفلت 23..سمع ودخلت 24...ااايه العمر راه يجري وانا مازلت في بلاصتي بصحتك ااافاطمة ..صاحبة قرارات فاشلة ....ضيعت عواام من حياتي ..باطل ..ااحيه عليا وصااايي لالاتي امينه ..كملت وتخرجت ....عاد تزوجت والحمد لله ربي يهنيها ..تستاهل تعبت ووصلت ..وانا بغيت حب تاقة الي عمره ما يتلاقه ..ماعليش..هذه تجربة وتعلمت منها ..شويا وسمعت ..تليفون آكرام صونا ..هزت عليه وبقات تهدر..و تضحك وتخبر فيه عليا ...أنا ما تحملتش هزيت مخدة ونظت رحت ليها بقيت نضري فيها ..ونقولها ...علاه تعطيه في خباري ...وهي تعيط وتضحك .قالتلي اسكتي برك ..حتى هو ...راه مضروب ..

حسب ليلة عيد ميلادي . عيط قالي كل عام وانتي بخير ..بقيت نشووف معاها ..ورحت لبعيد سمعته ..قالها ما عليش مش...عيد ميلادك انتي ..عيد ميلاد صحبتك ..قالها قألك ..نيقرو كل عام وانتي بخير ...هنا تبكشت ..نتاع صح ..

آكرام حد ..جامي حكيت لها انه ...مطلقة ..ولا كنت نعرف وحد نقدرو ...

ولا حتى على عيد ميلادي ..

رجعت لبلاصتي ..وخليته ...يهدر معاها ..

وبقيت نخمم في الصوت نتاعه ..مش بعيد عليا ....ياااربي

زعما هذا مش...هو ..ليكون بلقاسم ...لا لا بلقاسم يعرفني ..ويعرف عيد ميلادي ..بصح بريفي شكوون ..؟عيط نيشان وقت 00.00

ياااربي ما يكونش الي في بالي برك ...رقدت وأنا نخمم .فاتت ليا ..فوتنا اقژاما ....وهذا الويكاند نرجع نجوز عطلة نتاع ربيع مع دارنا ..ان شاء الله

..ليوم المغرب هذاك عيط لأكرام

وخرجت له حايبلها ..العشاء ..

شويا ..وشفتها دخلت معاها قفة

قلتلها تبهديل فضحتينا في لاسيتي الشر راه عليك ..قالتلي قودي ...ارواحي تاكلي و بلعي.عليا.....شفتها جبدت لاسوبياغ .غير فتحتها ..ضربت نيفي هذيك ريحة ..نتاع واش في ميزكم لبنااات ...ايوااا هو بالذات البركوكس ..بالخليع ..

الي كمونداه ولد صحرا نهار كنت نتوحم وكان في خاطري ..شفت فيها بغيت نسقيها ..عليه ..ما قدرتش...قلت خلي غدوة ونشوف كيفاش ندير ..نشوفه اذا صح هو ..لأنو ممكن حتى هنا ويخدموه ..قالتلي كولي ..صح نتاع ربي ما قدرتش نقولها لا لا ..طحت عليه ..كيف نهار اول من كليته ..عيطلها هذاك ..أنا كنت نظت ..شبعت ..وحكمت بلاصتي نقرعج ..على ولاد صحرا ..حتى سمعتها قالتله ..انا قلتلك جيبلي طاكوس والبيتزا وانت جبتلي البركوكس ..قاع ما نبغيهش.

قالها ..ماعليه عطيه لبنات الي معاك قالتله ..كلات نصه هذيك مترمة الي معايا ....أنا تجمدت يااا جدها ما تحشم ماتندب ....قلتلها غير واش هذه مداصرة..قالتلي اسكتي يرحم باباك انتي تعشيتي وانا قاعدة بلا عشا ..قلتلها ..كولي المرقة ..نتاع عشانا ولا قالي بطاطا ..قالتله ..راك تسمع في مترمة ..ما تقولش صحبتي عشتني نوض نقليلها بطاطا لا لا تنوض فيا نقلي وحدي ...ما عرف واش قالها ..شفتها وجهها تبدل....قالتله راها متكسلة في بلاصتها ..وتكحل على كحالش نتاع افريقيا ...فاقت بروحها تمتم ضحكت وقالت ليه ..ههه غير تضحك ..بصح فاطمة تتفرج بزااف لولاد صحرا ومتبعة اخبارهم ..تعشق فيهم ..يا جدك ..ولا عندها كأش واحد نيقرو ..تبغيه وراها مخبية عليا ...هنا ماعرف واش قالها .بقاااا ت تترعد ..و..كوبا عليها

.صباح...جديد ..صبحت ..نتوجع ..بالعادة الشهرية ....نظت ..غسلت وبدلت ودرت قهوة نرد بيها رأسي ..ونروح نشري اوان كملت لي ..كنت نموت بالوجع ..مع البرد تزيد عليا ...لبست دفيت روحي بيا آكرام مانعرفش وين راحت ..على صباح ربي ..

الجزء 10

خرجت رايحة ومهبطة رأسي ..باين عليا تعب ....حتى سمعت صوت آكرام عيطت لي ..

شفت جهتها ..ويااا ريتني ما شفت ...كانت واقفة مع واحد ..عاطيني بظهره ....وقت الي درت انا ليها وهو تلفت جهتي ...وشكون كان ..ايوااا عمكم بلقاسم ...ايييه ..وعلاه لالا ..عنده شكارة والماتريال خشين علاه ما يلعبش مع بنات الجامعة...

بقيت نشوف معاه مش ..مأمنة عينيا ..وحتى هو عينيه ..خرجو فيا ...نطقت آكرام ..قالتلي وين رايحة .....هنا عاد فطنت بروحي ..قلتلها نشري نشري ..وشفت معاه ..بتقزز ..

وكملت طريقي ..نحس رجليا مش على الأرض ..ويديا خلاص فشلو قلبي ..يا لبنات قلبي نااارو شاعلة واش يطفيها ..كانت باينه وأنا كيف اطرش في زفة ..كنت عارفتها بصح كذبت روحي ..لأنه هو مش نتاع هذو صوالح ..هو ما هوش رخيس ..وخامج ..لهذه درجة ..رحت شريت ..وزدت نسيت وبعدت مش حابة ..نرجع نزيد نشوفه الكلب رخيس ...ياااربي وأنا واش بيا

واش دخلني فيه ..هي قالتلي متزوج ..يعني صح تزوج ..دموعي كانو يسيلو وحدهم مع الهرمونات العادة ايوااا واش نحكي ..يعني نساااني خلاص ..ااااوووه فاطمة علاه هو وقتاه تفكرك باش ينساك .....هو أصلا ما بغاك ..ما عرفك كاين ولا مكاش

....بقيت نمشي والحو كان بارد شويا ..وشتى طيح خفيف ..

بصح ما كنت نحس بواالو..

حتى سمعته عيطلي فاطمة معليش دقيقة وقفت شويا استوعبت ......أنه هذا صوته ...من بعد كملت طريقي راجعة لأقامة ..وهو وااش يدير نزل يجري ويعيط مازاله نافخ ريشه ...قالي لوقتاه تبقي مليئة رأسك ..واش دائرة في بالك مش راه نحكمك ..وحدك ..وجرني ركبني معاه ..وقلع يسوق ..أنا بقيت غير ساكتة ومهبطة رأسي ..وهو بقا يضرب في فولا ..ويسب ..

واش بيك غير أنا الي غلطت ..قاع ناس يغلطو ويطلبو سماح ..غير انتي الي ميبسة رأسك معايا ..لوقتاه ااافاطمة ..لوقتاه اااه ...راني قريب العام والله ما نسيتك نهار..كل يوم نلومك في روحي عليك انتي راكي عشقي ااابنت ..شوفي رأسي شاب ..40سنه في عمري ناس راهم ولادهم عزاب ..وانا مازلت نعيش معاك في المراهقة ..وندير ..في طوايش ..غير على جالك باش نسمع خبارك منهم

الجزء 10

خرجت رايحة ومهبطة رأسي ..باين عليا تعب ....حتى سمعت صوت آكرام عيطت لي ..

....بقيت نمشي والحو كان بارد شويا ..وشتى طيح خفيف ..

بصح ما كنت نحس بواالو..

راح وقف في بلاصة خالية...ونزل جا من جهتي ...فتح الباب قالي نزلي ..هزيتله رأسي قلتله لا لا

قالي نحكو شويا ونروحو قلتله م او عندناش على واش نحكو

قالي فاطمة توحشتك ..قلتله وصلني ..قالي نموت عليك والله غير ربي شاهد ..من هذاك نهار راني عايش مهبول ..بقيت ساكتة ..قالي نزلي دقيقة برك نهدرو ونوصلك ..نزلت ...ورحت بغيت نقعد على حجرة ..قلع هو مونطوه .وفرشه لي ..قالي البرد عليك ...قعدت على رجليه . مقابلني...شدلي يديا في زوج سلم عليهم ..وبقات يشوف معايا ..قالي توحشتك ..بقيت ساكتة ...لأنو حتى أنا كان وحشي ليه كپير ..بصح تفكرت أنه متزوج شفت معاه ..قلتله بلقاسم ..انت راك متزوج ..واش باغي من عندي .اذا ناوي دير معايا ..كيف بنات اخرين وكيف آكرام غير فوتني ...أنا مش نتاع هذوك صوالح .

قالي..تأمني أنه ممكن نتزوج من بعدك ....والله ما قدرت دقيقة ننساكولا نسامح روحي على واش درت فيك ..

حتى رجعتي هنا تقري ..ومن نهار الاول متبعك..بصح خفت ..من ردت فعلك ..حتى بانتلي على صحبتك وعرفت تخمامها ....وقلت ماعليش ..نصرف عليها ..المهم تبقا عينيا الي نشوفك بيهم ..

قلتله كيفاه دير معاها حرام نخرجو من صباح للعصر ..غير على جالي ..ونتوما ديرو في حرام ..قالي اشسسسسس

والله جامي ..وجامي مسيتها من نهار الاول قلتلها ..عليك ..وقلتلها ..

هذيك مرتي واالهواء الي نتنفسه

..عينيك عليها ..واستحفظيلي عليها....بزاااف عليها غبنتها بزاااف مش معول نديد نقهرها بشوفتي على هذا كنت تبعثلكم العشاء و القضيان ..وانتي كنتي ترفضي تاكلي ..بصح كبرتي في عيني اامرتي....فحلة بنت دوار ..فحلة مرت الكحلوش ..أكنت غير ساكتة ونشوف مرة فيه ..ومرة في الارض ...ما عرفتش واش كنت نحس وقتها ..بصح كنت مترددة..وبزاااف خايفة ..قلتله ..وواش بلي من عندي ..قالي باغيك ترجعلي...ونبداااو كل شيء من جديد ..نديرو فترة نتعرفو على ..بعض ..ومن بعد نرحع نخطبك

الجزء 11

.وندير لمرتي عرس شباب ..وهذه المرة راح نتزوجو على حب ..ماشي كيف عرسنا الاول ..قلتله ..بصح انت متقلب

ولوكان ترجع دور عليا ...قالي ياااعمري والله هذاك الوقت ما كنت عارف روحي أنه راني عاااشقك ..حتى نهار الي عيطتي لخوك ..جا دااك ..حسيت انهم قطعو عليا الاكسجين ...ما قدرت نتنفس ما قدرت نهدر ..بقيت كيف المهبول اليس قدامي نرميها .والله حتى رحتي ..وغبتي عليا وفقدتك ..عرفت قيمتك ..وعرفت أنه خلاص قلبي معادش ملكي ..داوها بنت الغرب ..مس قلتي نبغي مرأة اخرى ....والله من غيرك ..ما جرتني بنت المرأة ولا رجعتي في كلمتي...غير انتي يا بنت قلبي الي ملكتيني بلاقيود ..

شفت فيه قلتله بصح انت جرحتني جرح كبير

....خليني تقعد مع روحي لأنو مازال ما ستوعبت والو .. خليني نخمم ..سااااهل الحال وجيت نوقف.....سبقني هو وقف .قالي صح عطيني انا ولو صغير أنه راح تقبلي وترجعيلي ..مع أنه عارف ومتأكد انك تبغيني..من يوووم الي كنتي تستنيني عند تاقة نتاع القهوة ..وتعسيني وقتاه ندخل و قتاه نخرج ..ولا مسجات نتاع المعجبة السرية ..ههننننه...تبسمت معاه وحشمت مت ..حسيت سخانة طلعت معايا ....كنت صغيرة برك وما نعرفش صلاحي ...قالي ..والله ..اممممم مليح خلاص امنتك .قالي هيا نرجعك بردتي ..قلتله واه ..راح مشيت قدامه وهو بقا واقف ويشووف فيا ...قالي فاطمة توحشتك..وجااا تعتقني وهزني على الأرض .ندخل رأسه في رقبتي .وبقا يدور ..قالي والله ماني مأمن ربي استجاب دعوتي

قلتله ..ضحكت وقلتله نزلني عيب واش رانا نديرو راك اجنبي عليا ...قالي عمري ولا كنت غريب عليك ..انا هو مول رزق هذا ..وانتي هي باطرونة نتاعي ونتاع قلبي .تبسمت معاه ونزلني ركبنا ..قالي واش كنتي تشري من لفاغماسي ..من هذا علاه يسقسي فيا قلتليه والو غير كاشي نتاع رأس .ويكون بقا يضحك قالي حشمتي تقوليلي ..

عادة شهرية عليا وشريت اوان ..حشمت مت حكيت رأسي قلتله والله مهبول .قالي مهبول نتاعك وحدك ...هيا رجعيلي وخليني نستعمل .طلعتلي سخانة هذا معول عليا ليوم يقتلني ..وصلني جيت تنزل تفكرت آكرام ..قلتله آكرام على بالها أنه انت طليقي .قالي لالا .

غير قلتلها عاشقك ..ومتعبتني .من سنين وغمزلي ..قلتله ..وظرك واش دير معاها مازال تبقا تحكي معاها ..طلع حاچبه وقالي علاه نسقسي ..قلتله كيفاه علاه ..انت قلت حكيت معاها علا لى خاطري ..ايااا خلاص وعلاه تحكي معاها درك ...ضحك بالصوت وجبدني عنقني وسلم على رأسي قالي بنت دوار تغير على ولد الصحراا ...قلتله فهمها

كيف ما تحب

الجزء 12

...جبد تليفون من جيبه وداره لي في يدي قالي هاهو ليك هذا كنت نهدر معاها فيه راه ليك ديري بيه واش تحبي ..قلتلها ..كنت تهدر معاها بنمرو آخر قالي واه ...انت عيطتلي ماسكي ليلة عيد ميلادي قالي واه..وشكون الي يتجرأ ويعيطت لمرتي . تبسمت معاه وعضيت على شفتي ...وقلتله .مليح مليح ..الي تفكرت عيد ميلادي ..الاولاد صحراا.هيا في أمان الله .وجيت ننزل...حتى رجع جبدني ليه وع.ض.ن.ي من ش.....قالي وعاودي عضيهم قدامي..ووجهه مقلوب يخوف ..نزلت نجري راجل تحول.خلاص .طلعت لاشومبر لقيتها فارغة..آكرام مكانش ..شفت جهة قشها لقيتها هزت صوالحها .دجا كانت رايحة لدارهم وأنا غدوة نروح ان شاء الله..رحت ليتوالات غسلت وبدلت و رجعت .شربت القهوة ..وشريت دواء نتاع الوجت ..ونتاع رأس ..ونظت.فرزت لاشومبر ماعين ..صوالح دخلتهم بلاكار وسيفت لاشومبر ..فاليزتي كانت مخملة ..وعشاء صندويش نتاع طماطيش وهي فرات ..وصباح نروح لدوار ..تفكرت بلقاسم ..ياااااربي ما عرفت روحي نحلم ولا صح...فاتت هذيك العشوة وفي ليل حكمت بلاصتي بعد ما تعشيت ..ورقدت طوول..من تعب ما فقتش غير على ...صوت اذان الفجر ..جيت نوض ..من بعد تفكرت أنه راني مريضة..غير ثم وزدت تعطيت ..وبقيت نخمم فيه ونتفكر كيفاش اذا رجعنا ..أنا باينة عليا القبول بصح نثقل روحي شويا ..ونشوف مع دارنا

دخلت كيف العادة نقرعج ليه حتى لقيته ااون لاين ....ومطلع دعاء الفجر ..وكاتب الحمد لله حمدا كثيرا مباركا فيه ...درتله جامواخرجت ....ونظت درت القهوة وجبدت قوفريط ..تقهويت ..وقعدت نلبس ونفرز في أموري ..شويا وصلنا تليفون ..لقيته ..بلقاسم

صبحت عليه ..قالي مرتي واش مفيقها على بكري .واك راكي مريضة ..قلتله لا نظت نوجد صوالحي ..رايحة درك شويا لاجونص ..قالي وعلاه ما قلتيليش نجي نديك...لالا نروح وحدي ..قالي من نعيط لك نزلي مع فاليزتك اوكي ..قلتله امرك ياا باشاا ضحك ..ديري رايك ديري ..وانهار نديرك بين يديا ..أنا ندير رايي ونبرد جنوني ..قلتله ..ياااامامي خوفتني أيا خلاص ما نرجعش ..

قعد يضحك قالي مرجوعك غير عندي ..كوبيت عليه ...ورحت لبست صباطي درت شويا بارفا...وجهي مادرت والو من غير غسيل..و شويا قلوص

ولبست مونطو فوق الحجاب ..وغلقت تاقة مليح ..ووجدت مفتاح..وبقيت نستنى فيه يعيط ...صونا كانت قريب 6.45..نزلت عنده..وركبت طلعلي فاليز ..وركب ..صبحت عليه ..هو جبدي من خصري حتى لعنده وفتحلي الدينار..وبقا يبوس ويعض في رقبتي .بقيت متعافرة معاه يطلقني ..قالي بلعي فمك .. نصبر في روحي برك .....لوكان تزيد تبعديني ندخل عليك هنا ..قلتله هبلت دجا راني مريضة ..قالي ماعليش خليني نسلم برك ..وكمل ..في هباله ..

من كمل نزل برا غسل وجهه وبقا مع دخانه ...وركب ..قالي اسمعي البنت قلبي ليوم تهدري مع داركم ...وغدوة نجيب دارنا نخطبك ..ونفتح .قلتله علاه راك مقلق .قالي واش وجبدلي يدي حطها على .........قالي شوفي واش راه صاري فيه راه قريب يخرج...من سروال وانتي تقوليلي واش مصبرني ..يارب أنا غير نسمع اسمك ..ن.......ونهبل .وكيف كنت نشوفك غير من بعيد ..ن...

غير من ربي مازال ما قربتش الحرام ..انتي سبابي ..عندي الخير والرزق وحارمتني منه ..

اسكت طوول هذا مهبول نتاع ..ن...قلتله انت تبغيني غير على جال فراش...قالي علاه نسا انقطعو ..بلعي عليا فمك ..داني شراليمصروفي من كوسميتيك ..اوان ...سقايط ....شواكل ..و عطاني دراهم ..قالي ..باش توجدي روحك للخطبة ..ووصلتي حتى لدوارنا ...وحطني بعيدة ....وبقا يتبع فيا حتى دخلت وراح

الجزء 13

والاخير

..دخلت هذاك نهار جوزتها مع دارنا وبنت خويا كتكوته كبرت ورجعت تلعب معايا .

في ليل تعشينا وصلينا ..وحكيتلهم .....وقتلهم جايين ..ماهدروش قالولي مانوقفوش قدام المكتوب والي فيه الخير مرحبا بيه

عيطت له ..وخبرته ..طااار من فرحة ..قالي درك نعيط لبوك ونقوله على فاتحة عن عن دولة والعرس على 10ايام قلتله انت مريض ..قالي كل شيء راه يتباع ...غير صبر ما يتباع ما ينشرى ..وأنا ما بقا عندي صبر..ليو م نفريها مع باباك ..وحدي روحك وغير الي يقولو عليها قولي واه صايي المت.....نتاعي قلتله ..اوكي كحلووبوشي الزين ..ضحك قالي ااار.....واش راح يصبرني عليك ..غير وجدي روحك واش راه جايك ..

وعلى هذا الحماس ...وجدت روحي وجاو خطبو ...ودرنا العرس على 10ايام ..ماشريت والو كل شيء من عنده ..فوتنا سيمانه في اوتال ...هباااال ما بعده هبااال هذا وين حسيت روحي تزوجت .وحسيت بأنوثتي ..ورجعنا سكنت معاهم في سكنة نتاع المكتبة ...ونقرا نورمال يديني بلقاسم ويردتي

معوقت رحع كرشني ..وجبت بنت ..سماها خلود ..وهكذا رانا عايشين لوبالحمد لله ..فرحانين ..هو واجباته على تكمل وجه ..وانا حقوقه ما نقصرش.فيهم.

درت ستار ..وتخرجت سوتنيت ..ودرت حفلة كبيرة فرحت وفرحت ..والديا ..وأحبابي ..وعلى الخدمة قالي..بلقاسم طلبي واش بغيتي الا الخدمة .. طلبت منه صح يدي والديا للحج ..و هذاك الي صرا سجلهم وخرجو في قرعة ..والحمد لله

هذه حكايتي ..الي تفوض امرها لربي ونتوما عليه ..ويكون عندها يقين أنه ربي راه معاها..اذا انعم ..عليها..خير ..واذا ابتلاها فيها خير ..والحمد لله داءما وابدا ..

تعديل المقال