قصتى مع العسكري كاملة

قصتى مع العسكري كاملة

الجزء01

قاعدة فالطابلة مع صاحبتي منى قاعدة توريلي فالحوايج لي شراتهم هي مخطوبة بعد رمضان تدخل قريت انا وياها مع بعض وتخرجنا مع بعض وراجلها بعد كان يقرا معانا كي تخرجو جا خطيها ،جات عند ماما قعدت معايا قرصتني من جنبي شفت معاها واشبيك _نوضي تشطحي مع لبنات بلاك يجي مكتوبك لاه جيتي هنا وقعدتي قتلها مانشطحش خليني في حالي _ايه ابقاي هكذا حتى يفوتك اللاج وتبوري راكي 25 سنة قريتي وخلصتي روحي تزوجي قتلها ماما ولينا ديجا مراحش نتهناو من الموضوع _ايه مانتهاونش حتى نزوجك ونتهنا منك الغاشي عندو 5 و6 بنات زوجوهم وانا فرد وحدة حصلت بيها قتلها راح نتزوج بلا مكتوب _المكتوب كاين انتي لي بقيتي تخيري هذا كثر مني هذا قل مني حتى ضيعتي شبابك وطارو العرسان بصح هذه ماشي غلطتك هذه غلطة باباك لي عاطيك الحرية تخيري قتلها ولا مانخيرش لاه نظفر في شيبي حتى نلصق فلي جا حتى انا راح نخير لي يساعدني ويخرج عليا _ابقاي هكذاك حتى تلقاي العمر فات قتلها اذا راح ندي واحد من هذوك الزطايلية لي بجوني خلي يضيع ع _اقعدي خيري ملا سكت خليتها قاتلي منى واشبيها يماك قتلها نفس السيناريو _شوفي آية ماتزعفيش مني بصح يماك عندها الحق وين رايحة بيها انتي العقلية هذه لي يجيك ماتقبليش ماعرف علواه تحوسي اذا تحوسي الزين ياك حتى الزين جاوك قتلها شكون قالك نحوس على الزين واش ندير بالزين بصح لي جاوني ڨاع واحد ماعجبني غير الانانيش والزطايلية ولي بلا خدمة ماعندي ماندير بيهم هذو انا حابة راجل تاع صح خدام وفحل ويقدر يعيشني راجل يخلع ويمنع ماشي انوش قاتلي ماعرف انتي تعرفي صلاحك بقات ماما عڨابي نوضي تشطحي نوضي تشطحي نوضتني منى هيا نوضي نشطحو انا وياك شطحت انا وياها شوية جينا حتى سمعت واحد العجوز تعيطلي يا شڨرة انا شقرا وشعري صفر طويل و عينيا ڨري ڨاع يشبهوني واحد الممثلة سورية لي تلعب في مسلسل زمن البرغوث اسمها عفاف مرت العكيد شاهر لي شعرها صفر ڨاع يشبهوني ليها، درت لقيت عجوزة الله يبارك قراند طاي لابسة كلش بيض ودايرة نواظر تاع العمر وهازة سبحة قتلها انعم خالتي حكمتني من يدي ارواحي اقعدي هنا معايا قعدت معاها منى راحت بقات تمس في شعري وتصلي على النبي شحال في عمرك انتي قتلها 25 _مخطوبة ولالا قتلها اواه لالا _بنت من انتي قتلها بنت فلانة قاتلي ماعرفتهاش باباك واسمو قتلها اسم بابا قاتلي والله ماعرفتكم تسكنو هنا ياك قتلها ايه هنا قاتلي علابيها انا مانسكنش هنا نسكن بعيد على هذه الحومة قتلها خيار ناس قاتلي وين راهي ماماك بقيت نحوس عليها حتى شفتها قتلها هاهي قاتلي عيطيلها جي عيطتلها جات نضت خليتلها لبلاصة ورحت قعدت مع منى ويماها قاتلي ام منى واش بغات عندك الحاجة فاطيمة قتلها تعرفيها _ايه نعرفها من بعيد مرت الحاج فلاني توفي غير العام لي فات تسكن في الحومة دوزيام بيت عايلة وناس وجاه بقيت نشوف معاها على حساب قعدتها تبان صح بنت العز والجاه قاتلي لاه عيطتلك حكيتلها قاتلي منى ملا راح تخطبك لوليدها قاتلي امها اووو لمن راح تخطبك ولادها ڨاع متزوجين قتلها ماعرف بقات تخمم دارت عندي ماشي راح تخطبك لهذاك لماتت مرتو على النفاس قتلها شكون هذا قاتلي وليدها لكبير الله وعلم اسمو مروان وخدام فالجيش بالڨراد تاعو بقيت نشوف مع منى قاتلي تقبلي قتلها ماعرف خلي جي ماما وتحكيلنا........ يتبع

#ادخلي صفحتي وديري متابعة به مايفوتك ولا جزاء من القصة

قصص واقعية 2 

الجزء2

جات ماما قعدت قتلها واش _وجدي روحك السمانة الجاية يجو يخطبوك قتلها شكون _العجوز تاع هذاوين خطباتك فيا لوليدها قتلها شكون هذا _وليدها لكبير خدام فالجيش ماتت مرتو وتحوس تزوجو قتلها تحوس تزوجو سما ماشي هو لي حاب يتزوج _علاه وراه المشكل يماه وحابة تزوجو وجيبلو مراة و يدير دار ووليدات العمر يجري راح يبقا بلا مراة قتلها سما هو مارهش حاب يتزوج وراح تلصقني فيه باه نريڨلها وليدها هذا مكان قاتلي نورمال قتلها واش لي نورمال الراجل ماعينوش ڨاع فالزواج وانتما تحوسو تلصقوني فيه قاتلي شكون لي قالك ماعينوش ولاه جات تخطبك ملا قتلها باينة الحكاية غير روحي قوليلها مانقبلش _بلعي هذه المرة رايي لي يمشي ماشي رايك انتي كون نتبعك تبوري عندي راني تفاهمت معاها في كلش قتلها واشبيك درتي رايك وانا وبابا وخويا قاتلي ساهل الحال كي نوصلو نخبرهم ، كي روحنا لدار قالت لبابا اليوم خطبتني وحدة في آية لوليدها قالها شكون هذا واش يخدم ومنين قاتلو وليد الحاج الفلاني تسمع بيه قالها ايه نسمع بيه هذا توفى العام لي فات ورحت لجنازتو بصح لمن ولادو ڨاع متزوجين قاتلو وليدها لكبير اسمو مروان يخدم فالجيش _مانعرفوش بصح على ماسمعت ولادو ڨاع ماتزوجين قاتلو ايه متزوج بصح مرتو ماتت نافس سكت قاتلو واش رايك قالها كي يجي نشوف ونسقسو عليه وساهل الحال قاتلو واش لي تسقسي الراجل لباس بيه وڨراد فالجيش واش تزيد تسقسي قالها وامبعد كعاد ڨراد فالجيش برك راح نرميلو بنتي خلي نسقسيو عليه وعلى اخلاقو وعلى دارهم والزواج ساهل قاتلو ملا راهم جايين السمانة الجاية ،وصل اليوم الموعود ستكيت روحي لبست جبة تاع صاتا بالحزام تاعها حكمت شعري كوتشيفال وقعدت مع منى ومرت خويا عندي خويا واحد برك كبير وولادو قدي فالعمر 3 ذكورة واحد كثر مني بعام وزوج قل مني قعدت نستنى حتى سمعت بلي جاو قلت لمنى روحي شوفي الحالة ورجعلي بالخبر ،شوية جات منى هاه واش احكيلي شكون جا _يماه وختو ومرت خوه قتلها وهو شفتيه _وين راح نشوفو جات مرت خويا هيا ارواحي ادخلي راهم يعيطو عليك خرجت دخلت سلمت عليهم وقعدت مع العجوز بقات غير تصلي على النبي عقلها طار فيا الله يبارك الله يبارك يا الوريدة نشالله تكوني من مكتوبنا هذه شحال وانا نحوس على مراة تكون بنت فامليا وعاقلة وقادرة ترجعو كيما كان خاطر ملي ماتت مرتو عاد مايروحش ڨاع لدار نشوفوه بالشهور وغير فالمناسبات وكي شفتك قلت هذه هي تقدرلو ديجا غير يشوف هذه الوردة عندو فالدار ماشكيتش يزيد يخرج وتريڨلنا وليدنا ويرجع كيما كان اثبتيلو بلي عندي الحق وماغلطتش كي بقات تهدرلي هكذا فهمت بلي هو ماعينوش ڨاع فالزواج وماحبش يتزوج هي برك لي حبت تزوجو هنا تقلبو حوالي سقساتها ماما قاتلها وليدكم جا قاتلها اواه ماجاش قالنا روحو برك افريو كلش حتى نهار العقد ونعقدو هنا تاكدت بلي ماعينوش ڨاع يتزوج يماه برك لي دير في رايها.... #يتبع

#ادخلي صفحتي وديري متابعة به مايفوتك ولا جزاء من القصة

#قصة_واقعية 

الجزء3

 قتلها بصح انا حابة نشوف وديجا لازم نشوفو ويشوفني بلاك مانعجبوش لبعضانا قاتلي واش مايعجبوش فيك ماعندو مايخير عليك قتلها بصح انا حابة نشوفو شافت مع بنتها قاتلها كاش ماعندك فوطو وريهولها قاتلها ماشكيتش اصبري نحوس هو ماشي من النوع لي يتصور بقات تحوس حتى قاتلي هاهو عطاتلي تليفون كي شفتو نظرة اللولى يبان من هذوك تاع داعش طوييل ڨراند طاي لابس كومبا خضرا سانتورا كحلة الرونجاس مداير ليڨوات في يديه مطلع شوية الكومبا على ذراعو يبان اسمر من الشمس كحال مصور كشغول في جبل واقف وحاط رجلو على حجرة وهاز كلاش في يدو راشقو في لرض بقيت نشوف معاه يبان في عمرو 45 ولا شحال قتلها شحال في عمرو قاتلي 35 ملامح وجهو تخوف مشنف ومزنتر بلاك مايضحكش ڨاع بقيت غير نشوف ماعجبنيش ڨاع وجهي تبدل قتلها ماعندكش فوطو اخرى قاتلي مانعرف هاتي نشوف بقات تحوس حتى لقات وحدة عطاتهولي قاعد على طرف البيرو تاعو لابس سروال كومبا وتريكو ديميمونش كحل ورونجاس ودايز سانتورا يبان سلاح معلق على جنبو بقيت نشوف معاه هذا ماعرف وين نجيه واقيلا صدرو مانوصلش ذراعو برك قدي انا كومبلي سما هذا كون يضربني بكف يجيبني مغاشية التناقض بيناتنا كبير جدا قاتلي لعجوز هاه واش رايك سكت مالقيت مانقول حشمت نقولها ماعجبنيش خلي كي يروحو ونقولهم ماعجبنيش وخلاص قتلها نورمال وسكت بقاو شوية يهدرو ساكتة منى بقات تشوف معايا وديرلي براسها واشبيك راح نطرطق ماعرف كيفاه حتى حكمت روحي وبقيت كالم ،غير ناضو خرجو قلت لماما مانيش قابلة مكلاه تحلمي خاطر نشوف فيها فرحانة _لاه ماتقبليش واش خصهم قتلها ماعجبنيش يخوف يبان داعشي _انتي ملا تبعي الزين ضك ديري دار كي لالياتك قتلها ماشي نحوس على الزين بصح ماشي بالسيف ندي واحد ماعجبنيش وماشي هذا الراجل لي نحوس عليه _علبالي بك انتي تحوسي على هذوك لي لابسين سروال مزرينين ومقطعين والكيراتين ماتحبيش تدي راجل طول عرض وڨراد فالجيش شكون قدك قتلها مهم مانقبلش كي يجي بابا نقولو بقيت نتقابض انا وياها ولات تعاير فيا حتى جرحتني بالكلام وبكاتني لعشية كي جا بابا قاتلو روح اهدر مع بنتك تحوس تبقى بايرة فوق راسي لبنات ڨاع تزوجو غير بنتك ناس كل تهدر عليها الخطابة يجو وهي ترفض حاسبة روحها بنت 16 حتى تبقى تخير وتستنى دخل عندي بابا لقاني نبكي لاه راهي تبكي بنتي والله ما عاش ليا يبكيلي بنتي سكت قاتلي يماك ماهيش قابلة لاه قتلو ماعجبنيش ڨاع _فاه ماعجبكش واش خصو قتلو يا بابا كون تشوفو والله غير يخوف يبان من هذوك تاع داعش _ قبل ما نتفاهمو قوليلي انتي تحوسي على الزين ولا على راجل وفحل قتلو والله مانحوس على الزين بصح ماش لدرجة هذه هذا راه يخوف طويل وڨراند طاي وجهو مزنتر ومشنف والله يبان داعشي هذا وين نجيه انا وكيفاه نتعامل معاه مانقدرش لنوع هذا ضحك لا داعشي لا والو تاع الجيش ڨاع مدايرين هكذا سورتو هذو لي ڨراد تلقايهم ڨاع هكذا طول وعرض وملامح وجوهم جادة بزاف طبيعة خدمتهم رجعتهم هكذا بصح هذا الشي مايعنيش بلي ماشي حنان على ولادهم ونساهم قتلو ماعرف ماعجبنيش _شوفي بنتي الراجل مايعيبوش زينو الزين لنسا ديجا ديها من عندي قاعدة الراجل كي تلقايه شباب بزاف ماشي راجل الراجل يعيبو اخلاقو وجيبو الراجل كي يكون بلا اخلاق ويكون ماش قادر لمسؤولية دارو ومرتو وولادو هنا يكون معيوب بصح اذا عاد قادر لمسؤولية دارو ومرتو وولادو مافيه حتى عيب المهم يكون فحل وخدام وقادر ينجمك اما شكلو ماعندك ماديري بيه شباب ولا باشع مراح يفيدك في والو ونعطيك اقرب مثال ولاد خالتك لكبيرة ياك شفتيهم خاوة من نفس الكرش الكبير شباب وبوڨوص ولبسة والحطة شفتي مرتو وولادو كيفاه ياك مديهم الشر وشفتي الصغير لي ماشي بوقوص وشباب بصح كعاد خدام وفحل شفتي مرتو وولادو كيفاه عايشين قتلو ايه صح _خلاص ملا انتي مايهمكش في زينو انتي واش يهمك مهم يكون وليد فامليا وراجل وفحل ويخاف ربي فيك ويقدر ينجمك ماشي شباب وبوڨوص خاطر مراحش ديريه كادر ووتتفرجي فيه وانا كي سقسيت عليه وقبل مايجي لدار ڨاع شكرولي فيه قالولي مد وماتخافش راجل وسيد الرجال ويماك كي حابة تزوجك ماشي خاطر كارهاتك لا هي حابة تسترك وتتهنا عليك ويكون عندك دارك ووليدات قبل مايدي ربي امانتو قتلو يعني قابل _ايه بنتي قابل كون ماعجبنيش والله مانمدك ياك لي جاوك ڨاع رفضتهم كعاد ماعجبونيش بصح هذا ماعندي مانخير عليه اذا رفضتيه تكوني غالطة سكت هاه واش قلتي هما راهم قابلين وراضيين بكل طلباتك يستناو غير فيك انتي قتلو خلاص مدام انت قابل انا ثاني قابلة _سما نرجعلهم بالخبر ونقولهم بلي قابلة قتلو ايه رجعلهم.... #يتبع

#ادخلي صفحتي وديري متابعة به مايفوتك ولا جزاء من القصة

#قصة_واقعية 

الجزء4

رجعلناهم لخبر بلي قبلنا وقرينا المعروف غير فالجامع ومشات ليام ومازال ماشفتوش ڨاع وكي طلب العقد تقول راح نتزوج وزير الدفاع تحقيقات وبحت واذا كاش ما كاين واحد من فاميلتي من الارهاب جابو تاصيلتي منين كانت خالوطة كبيرة وصل يوم العقد واخير راح نشوفو متحمسة صباح نضت ستكيت روحي وداني بابا وصلت لهيه قعدت فالطوموبيل حتى جا عندي هبطت دخلت معاه كي دخلنا البيرو لقيت غير راجل واحد قالي سنيي بقيت نشوف وينو هو قلت لبابا وينو هو _جا الصباح سنيا وراح قتلو كيفاه هذا ياك لازم نحضر انا _ نورمال السيد خدام جا سنيا برك وراح دبروهالو بقيت غير نشوف واشبيه هذا يهرب مني ماحبش يشوفني ماقدرتش يدير 5 د ويشوفني الحالة باينة ڨاع راجل ماراهش حابني ڨاع قالي بابا هيا سنيي خلينا نروحو هزيت ستيلو شفت سينياتور تاعو كي سنيا بقيت متردة للحظة قلت لاه نسيي وين رايحة ديجا علواه سنييت على من عقدت رايحة للمجهول قالي هيا واش تستناي وليت سنيت خرجت من ثم وعقلي مشوش والندامة تاكل فيا شفت راجل جاي عندي قالي بابا هو سلفك جا لاح عليا سلام رجعلتو بقا يهدر مع بابا باه يدينا نتغداو ماحبش بابا هذا ماخصني غير نروح نتغدا عندهم كون جا صح عينو فيا راه دارلي وقت وجا شافني ملي روحت ونبكي تقابضت ومع ماما قتلها من ضك نقولك اذا لقيت الحالة ماتعجبش راني نجي نروح والله مانقعد قاتلي مدام من ضك ماكيش ناوية ديري دار من بكري راح ترجعي عندي في صباحك ،فاتت ليمات جات العجوز تفاهمو العرس ورا رمضان وعلى زهري راح ندخل قبل منى هي تخطبت قبلي وانا راح ندخل قبلها بقيت نشري في قشي ونوجد فيه بلا روح وكل ما يقرب الوقت نخاف رايحة للناس مانعرفهمش وزيد راح نعيش معاهم ماشي وحدي ولي مخوفني كثر هو الراجل ماشفتو ماهدرت معاه رايحة للمجهول وفقط .وصلت ليلة حنتي وفاتت ووصل نهار لي يدوني فيه روحت من الحفافة وبقيت نستنى فيهم وقتاش يجو على 5 باه جاو نضت وقفت لقيت عجوزتي دخلت جات سلمت عليا وخرجتني هي بابا كي خرجت مالقيتوش فتحولي ركبت وركبت معايا عجوزتي بقيت نشوف وينو هذا حتى اليوم ومجاش قلت العجوز وينو مروان قاتلي راه لهيه فالدار ماجاش سكت ،وصلنا لهيه فتحولي الباب هبطتني عجوزتي هو مكاش ڨاع دخلنا على الباب كاين باب مقابلني وكاين دروج يدو الفوق وين يسكن لوسي الوسطاني وفوقها لوسي الصغير دخلوني على الباب لي مقابلني كاين هول كبير وكاين دروح لداخل يطلعو لشمبرة بابها فالقهوي مغلوق قاتلي سلفتي هذيك راهي شمبرتك دخلوني لصالو لقيتهم بلي كراولي ديكور كامل شطحت شوية مع عجوزتي تصورنا وقعدت مع ماما ومنى واحد السماطة تقتل كي مكانش هو وماشفتوش حاسة روحي فالمجهول ماني فاهمة والو ثم ثم نقلبو حوالي قلقت وراح نبكي قلت لماما روحي عيطي لعجوزتي تطلعنا لشمبرتي عييت نقعد هنا راحت عيطتلها جات قاتلي كاش مابك قتلها والو بصح عييت برك و جعني راسي من لغنا والحس قاتلي هيا ملا خرجنا للهول طلعنا على دروج فتحت الباب دخلت ودخلنا وراها غلقت الباب كاين كولوار صغير كاين دوش وتوالات على الباب كملنا دخلن للشمبرة بابها جاي في كوانة وعلى شكل قوس قاتلي اتفضلي هاي شمبرتك دخلت ليها واسعة مصبوغة بالاببيص والڨرونة ديكورها بين الابيض والذهبي راحت خرجت نحيت البرونس ولاروب ولبست روبة دار وقعدت على السرير وليت نبكي ماما الراجل وينو لحد الان ما بان لمن مديتوني انتما _قاتلك راه التحت كي يخلص العرس ضك يجي دخلت العجوز لقاتني نبكي واشبيها العروس تاعنا تبكي قاتلها ماما راهي تبكي برك كي راح نروحو قتلها خالتي انتي وليدك وينو من نهار جيتو خطبتوني ما شفتو لاه راه يهرب مني كاش مابيه كاش مراه مخبي عليا قاتلي واش راح يخبي عليك قتلها ماعرف واقيلا كاش ما فيه عيب ولا ديفو راه يتخبا مني قاتلي مابيه والو وراه التحت كي يخلاص العرس ضك يطلع عندك وتشوفيه سكت ،وصل وقت العشا جابتلنا العشا هيا ارواحي تتعشاي ممبعد ضك يطلع راجلك واشبعي بيه سكت راحت خرجت قعدت فالسرير نبكي _هيا رواحي تاكلي من صباح ماكليتي والو قتلها ماناكلش مسؤولية زواجي انتي تتحمليها الله يسهلك عليك انتي لي جبرتيني على هذا الزواج انا من ضك نقولك كاش مانلقا راني نجي نروح والله مانقعد _ياخاه عليها واش الهدرة وين تروحي انتي من ضك بديتيها هكذا ماشكيتش ديري دار انتي اذا قعدتي بالعقلية هذه قتلها راني قتلك دبري راسك تحملي مسؤوليتك تقابضت معاها وفكتني منى ،قريب 12 جات ختو قاتلي وجدي روحك راح يدخل نضت عاودو لبسولي روبتي وسڨمولي مكياجي خرجت ماما ومنى رجليا يرجفو مت بالخوف يادرا واش راح نشوف نخاف نتصدم بقيت واقفة مقابلة الباب سمعت الباب كي تغلق صوت خطوات جاية بقيت نشوف حتى دخل اذا موالفة هذوك نشوفهم رجال ملا هذا واشنو ،كي دخل على الباب راسو قريب يوصل سقف الباب هذا 3 رجال في راجل واحد لابس برنوس بيض جامي شفت راجل بهذه الضخامة جا عندي لاح سلام رجعتلو صوتو خشين وعالي بقا يشوف معايا قدم عندي كي وقف قدامي ظلامت عليا الحالة ماوصلتش حتى لصدرو لاح يدو طلعلي لافوال على وجهي بقا حاكملي وجهي ويشوف معايا سبحان ربي لي صورك باسني على جبيني مرحبا بك في دارك انا هو مروان راجلك لي كنتي تبكي عليه لعشية باه تشوفيه ضحكت هاه هاني جيت وشفتيني صفا هكذا ارتحتي درتلو براسي ايه بقا حاكملي وجهي بيديه و يشوف معايا حتى تاه فيا بقيت مهبطة راسي وساكتة غير نهز عيني نلقاه يشوف معايا جاب شي 10د وهو واقف يتفرج فيا هذو عينيك دورجين شفت معاه قولي قتلو ايه عينيا بقا غير يشوف دورت عينيا _لاه راكي تهربي بعينيك ماكيش حابة تشوفيني قتلو لالا ماشي هكذا _هاه ولاه راكي تهربي في عينيك خليني نشوف عينيك سكت بقا غير يشوف معايا وترني عييت نوقف ولا جبد يديه عليا تعشيتي ولا مزال قتلو ايه تعشيت _بالصحة والعافية مهم انا رايح لدوش ندخل انا وادخلي انتي قتلو ايه دار نحا البرنوس بقيت نتفرج فيه دار عندي اقعدي علاه راكي واقفة قعدت راح حل الخزانة جبد حوايجو دار عندي عجباتك شمبرتك درتلو براسي ايه اذا ماعجبتكش حاجة قولي نبدلهالك درتلو براسي ايه اهدري نسمعو صوتك ضحكت جا عندي وقف فوق راسي لاح يدو حكملي وجهي ماتضحكي قدام حتى واحد بغيري اك درتلو براسي ايه قرصني من خدي وراح خرج يا يما واش يفوت الليلة هذه وقفت قدامو 10د عييت نثبت ونركز....... #يتبع

#ادخلي صفحتي وديري متابعة به مايفوتك ولا جزاء من القصة

#قصة_واقعية 

الجزء5

نضت وجدت حوايجي وقعدت حتى دخل عليا لابس سيرفا وينشف في شعرو روحي دالتك هزيت فاليزتي جا نحهالي داها لدوش روحت موراه هيا ادخلي راني نستنا فيك وماتنسايش توضاي درتلو براسي ايه وراح دخلت دوشت وتوضيت لبست ديزابي فوقو حجاب وخمار وخرجت دخلت عليه لقيتو داير لهيه ويهدر فالتليفون حس بيا دار عندي خلاص اذا شفتو رواحكم ماتقدروش عيطولي نجي وتهلاو في رواحكم كوبا خلصتي درتلو براسي ايه راح هز السجادة وعطاني ليا وحدة غير صلينا وسلمنا صونا تليفونو تخطف من بلاصتو راح هزو الو وي كيفاه حتى صرات وينكم ضك خلاص ضك نجي وعيط لجماعة لخرى باه يتلاقوكم حتى نوصل كوبا تليفون وراح حل الخزانة جبد الكومبا والرونجاس لبسهم بقيت نشوف معاه وين رايح هذا ومخليني وحدي ناض وقف بقا يدير فالسانتورا دار عندي انا راني رايح حذاري تحكيلهم واش صرا اذا سقساوك الصباح قوليلهم عيطولو وقت لفجر وراح ومنوع تحكيلهم بلي ماصرا بيناتنا والو لا ليما لا ليماك الشي لي يصرا بيناتنا فالشمبرة يموت هنا نسمع حرف خرج من الشمبرة هذه مانتفاهمش معاك بقيت ساكتة ونشوف مالقيت مانقول هز حوايجو حل الباب دار عندي ارقدي وممكن نطول يمات باه نرجع وراح خرج بقيت نشوف مع الباب هذا بصحو راح خلاني في ليلتي بالبساطة هذه ندمت وشبعت ندامة ياريتني بقيت في رايي وماقبلتش بيه ، جبت اليل كلو وانا نبكي طلع النهار في وجهي جات ماما والعجوز طبطبو عليا فتحت عليهم الباب تخلعو في خالتي عينيا منفوخين من البكا بقاو يشوفو معايا قاتلي ماما واشبيك دخلت خليتهم دخلو ورايا قاتلي العجوز وين مروان قتلها عيطولو راح قاتلي ماما وين راح كيفاه يروح يخليك في صبحيتك شفت مع عجوزتي مدام انتي وليدك ماش حاب يتزوج لاه جيتي ولصقتيني فيه لاه خدعتيني _شكون قالك بلي ماش حاب يتزوج قتلها لاه حتى يقوليلي راهي باينة ڨاع بصح الغلطة ماشي منك الغلطة فيا انا لي قبلت نهار لول كلش باين وواضح وانا كنت نكذب على روحي _واشبيك ابنتي واش الهدرة هذه لاه حتى نخدعوك لاه لقيته ناقص يد ولا رجل ولا عڨون ولا مهبول يقطع في قشو ياك راجل كامل طول وعرض جات فالخدمة هذه ماشي حاجة جديدة لي يخدمو فالجيش ڨاع هكذا وقتهم ماشي ليهم مربوطين بالخدمة وخدمتهم ماعندهاش وقت واي مشكل يصرا يعيطولهم ولازم يحضر مافيهاش لعب ولا تمسخير وانتي راجلك ڨراد فالجيش مراهش عسكري عادي راه مسؤول على الف عسكري وهو لي يتحكم فيهم اي مشكل صغير يصرا هو المسؤول وهو لي يتحاسب لازمك ديري في بالك من ضك راجلك ماعندوش غير انتي برك عندو خدمتو وخدمتو اولى وصعيبة مافيهاش اللعب يغلط يخلص ملا لازمك توالفي راجلك مراحش تشوفيه اي وقت هو مربوط بخدمة وخدمتو هكذا تمشي راح يروح عندك بليمات وحتى بالشهور ماتشوفيش سكت قاتلي نوضي وجدي روحك ماتقلقيش روحك راجلك وين يخلص ضك يروح ماعندو وين يروح بقيت ساكتة كي لقاتني مانيش مليحة خرجت شفت مع ماما شفتي رايك وين وصلنا بصح ديري في بالك يكمل هكذا نجي نروح قاتلي نوضي برك وجدي روحك ،فاتت صبحية والعشية كنت قاعدة في شمبرتي جات عندي عجوزتي قاتلي عيطلي مروان وسقساني عليك وقالي بلي يمات ويروح مكلاه تقلقي روحك فاتت يامات ماروح ماعيط انا هبطت وليت نرقد مع العجوز الصباح ندير شغلي نصلي الظهر ونرقد شوية العشية تهبط عندي مرت لوسي الصغير عفاف ساكنة الفوق وفوقها مرت لوسي الوسطاني انا وعفاف نتاجات ومرت لوسي الوسطاني جوهرة كثر منا شوية عفاف عندها طفل وجوهرة عندها زوج بنات ، جوهرة حسيتها ماتحبنيش ڨاع ،والعشية ندير لعشا نتعشا انا والعجوز نسهرو شوية مع عفاف وجوهرة هما يطلعو يرقدو وانا نفرش مع العجوز ونرقد ،وقت الغدا تغديت وغسلت لماعين ورحت لشمبرة تاع العجوز وقعدت نتفرج بالي بعيد نخمم في حالتي راه قريب 20 يوم مزال ماروحش وماعيطش ڨاع سمعت صوت العجوز تهدر نضت خرجت لقيتو هو داير لهيه ويهدر مع يماه رحت عندهم شافتني العجوز ارواحي راه جا راجلك دار عندي لحت عليه السلام رجعلي ودار يهدر مع يماه والله ماقالي غير واش حوالك قال ليما انا راح نطلع نرقد واحد مايطلع عندي قاتلو ايه روح راح طلع بقيت نشوف قاتلي روحي الحقي راجلك قتلها وين نلحقو راح يرقد _ياروحي الحقي راجلك واشبيك بقيت نشوف هيا اطلعي واش راكي تشوفي فيا طلعت لحقتو حليت الباب دخلت غلقتو ورحت كملت لشمبرة دخلت لقيتو فاتح الخزانة ويجبد في حوايجو ماعرفتش واش نقولو بقيت ساكتة حس بيا بلي وراه دار عندي واشنو قتلو كاش ما تحتاج نجيبلك _والو روحي برك بقيت نشوف كيفاه هذه روحي برك حاوزني من الشمبرة ولا كيفاه درت نمشي اسمعي درت عندو واشنو _ارواحي هنا رحت عندو وقفت قدامو لاح يدو حكملي وجهي بقا يشوف معاه واشنو هذا لي على وجهك قتلو واشنو _هذا لي على وجهك وفوق عينيك وشواربك قتلو مكياج _واشنووو دايرة مكياج موالفة ديري مكياج انتي قتلو ايه ندير _والله ولمن راكي دايراتو يا لالة قتلو درتو برك _كيفاه هذه درتو برك لمن ديراتو وراجلك مكاش فالدار اه قتلو درتو برك _امشي اغسلي وجهك امشي قتلو لاه بصح _واش لي علاه نزيد نلقاك دايرة حاجة لوجهك نفسدهولك يالله امشي اغسلي بقيت غير نشوف معاه صدمني ناض يعيط واش هدرت قتلو بصح علاه نحي مكياج ياك راني فالدار ماعرف واشبيه في لحظة تلبسو شيطان حكمني من شعري وتردي الكلام في وجهي ماتحشميش انتي وجهك صحيح وليت نبكي قطعلي شعري لحت نفك شعري ضرب يدي نحي يدك نحيتها اسمعيني مليح مانحبش نعاود الهدرة والله ونزيد نلقا وجهك فيه قطرة مكياج نفسدهولك فهمتي ولا مافهمتيش درتلو براسي ايه طلقني امشي اغسلي وجهك رحت خرجت نبكي لدوش غسلت ونشفت وجهي وخرجت تلاقيت بيه جا لدوش جيت فايتة حكمني من ذراعي بقا يشوف معايا واش لبسة لقحاب هذه لي راك لابستها من اليوم تلبسي روب بالذرعين وعراض مانزيدش ندخل نلقاك لابسة شلايق هذو لي كلش فيك مصور مفهوم درتلو براسي ايه امشي لشمبرة بدلي طلقني رحت لشمبرة جبدت روبة بالذرعين عريضة لبستها وخرجت واش كرهتو ياريتو ماروحش......... #يتبع

#ادخلي صفحتي وديري متابعة به مايفوتك ولا جزاء من القصة

#قصة_واقعية  

الجزء6

هبطت التحت لقيت عجوزتي راقدة قاتلي راجلك تغدا ولا مزال قتلها ماعلباليش_كيفاه ماعلبالكش ما سقسيتيهش واش كنتي ديري عندو ملا روحي سقسيه قتلها مانروحش حاب يرقد _روحي سقسيه تخليه بلا غدا قتلها راه فالدوش _وامبعد استنايه حتى يخرج واسقسيه واشبيك انتي راح نعلمك ثاني كيفاه تتعاملي مع راجلك نضت خرجت طلعت لقيتو مزال فالدوش جيت فالسرير وقاعدة حتى لقيتو دخل هاز فوطة نضت قتلو نجيبلك تتغدا نهدر ومدورة وجهي مافقتش كيفاه جا حكمني من شعري واشبيك تهدري معايا بالتزنقير ومدورة وجهك عليا كلب قدامك انا ضربت يدو وليت نعيط نحي يدك عليا واشبيك انت جاي تفرغ في غشك عليا حكمني من وجهي زيدي عيطي زيدي سمعيهم ڨاع ضربت يدو وجيت ماشية حكمني من شعري وليت نعيط نحي يدك عليا ضربني لوجهي مزلتي برك تعيطي قتلو بعد عليا واشبيك تضرب فيا _مزلتي برك ترجعيلي فالهدرة حابة نكسرلك فمك ولا نربيك على هذه العقلية قتلو متربية خير منك انا قتلو هكذا وهو يطيح عليا ضرب دڨدڨني ناض يعيط اخرجي عليا اخرجي ماتزيديش توريلي وجهك برااا علياااا نضت خرجت لدوش شفت ذراعي ڨاع زرقة كسرة نشالله كلب مافهتش واشبيه تقول محرش عليا غسلت وجهي وهبطت التحت قاتلي العجوز واش قتلها وليدك من اليوم قابليه انتي ماتزيديش تقوليلي ليا قاتلي علاه حكمت بلاصي وغطيت راسي رقدت واشبيك اسمعي واش صرالك ماهدرتش وليت نبكي ماعنديش 20يوم زواج شبعت ضرب غدوا نروح لدارنا مانزيدش نرجع ،لعشية فطنت غسلت وجهي ورحت الكوزينة لقيت عفاف والعجوز يستقهواو قعدت معاهم بقاو يشوفو معايا كي لقاوني ساكتة قاتلي العجوزة واشبيك قتلها بيا لي بيا _تقابضتي انتي ومروان قتلها لاه ماقلتليش بلي وليدك مايتعاشرش ويضرب _لاه ضربك قتلها ايه ضربني دڨدڨني شوفي ذراعي ڨاع زرقة _ياخاه لاه حتى يضربك واش درتيلو وليت نبكي قاتلي عفاف واقيلا كاش مادرتيلو قتلها مادرتلو والو بصح هو حڨار قاتلي لعجوز لاه حتى حڨار واقيلا انتي كاش مادرتيلو علبالي مروان عقليتو صعيبة بصح ماشي يضربك بلا سبة قتلها لاه راكي دافعي على وليدك _مانيش ندافع بصح لاه حتى يضربك بلا سبة قتلها ماعرف عليه واشبيه اذا مراهش حابني يقولي ضك نهز قشي ونروح _العني الشيطان وين تروحي هذا لعب ذراري هنا قتلها غدوا راني رايحة ومراحش نزيد نرجع وقوليلو يطلقني _ياخاه على الطفلة وين تروحي هذا وانتي ماعندكش شهر زواج الناس واش تقول عليك قتلها واش دخلني فالناس _كيفاه واش دخلك فالناس والله ياكلو وجهك و وجه والديك بالهدرة عيوب السبعة ڨاع يلوحوهم فيك والله مايرحموك خمي شوية بعقلك اما على مروان ضك يجي ونهدر معاه واقيلا عندو مشاكل فالخدمة ومضغوط خليه وحدو ضك يهدى سكت هيا امسحي دموعك وماصرا والو مسحت دموعي حتى نلقى جوهرة دخلت ومعاها وحدها تشبهلها تبان فالربعينات بيضة ودايرة ليماش لابسة روبة دار ديميمونش وسمينة شوية دايرة مكياج طابلو تقتل فالزين جات سلمت علينا قاتلي واشبيك واقيلا كنتي تبكي قتلها مريضة برك _ انتي مرت مروان قتلها ايه انا _الله يبارك وانا سمية اخت جوهرة قتلها الله يبارك ملي قعدنا نهدرو وهي غير تشوف معايا من الفوق التحت تكيل فيا تكيال نضت درت الطابلية بقيت ندير فالعشا وهما يهدرو غير ندور نلقاها تكيل فيا حتى سمعتها تسقسي على مروان قالت للعجوز مروان مزالو راقد درت عندها وين علبالها بلي هي مزالو راقد وديجا لاه تسقسي عليه _ايه مزالو راقد روح عيان من الخدمة قاتلها ايه خليه مسكين يرتاح عقل ماقعد في راسي كي قالت مسكين ديجا بديت نتوسوس منها قتلها وانتي وين تعرفي راجلي حتى راكي تسقسي عليه ضحكت ماعجبكش الحال كي سقسيت عليها قتلها ايه الصراحة مانحبش وحدة تسقسي على راجلي قاتلي جوهرة واشبيك آية مافيها والو كي تسقسي عليه وزيد مروان راهي تعرفو قبلك انتي قتلها وامبعد تعرفو قبلي انا مانحبش العقلية هذه قاتلي مكلاه تغيري عليه من ختي خاطر ختي كون عينها فيه راهي داتو شفت مع عفاف والعجوز قاتلنا خلاص ماش راح تتقابضو على جال مروان وانتي اية مكلاه تتوسوسي من سمية راهي كي ختو درت خليتها كملت شغلي حتى لقيتو دخل كي شافها عاود رجع قاتلو مروان اروح برك مكان حتى واحد راني انا برك ماهدرش قتلها ماكيش دايرة الخمار وين يدخل ناضت تضحك يا والله يا آية بصحك غرتي على راجلك مني قتلها ماشي غرت بصح مايجوزش يشوفك بلا خمار الراجل غريب عليك ولا انتما نورمال سمعتو يعيط يمااا قاتلي العجوزي روحي عندو مسحت يدي وخرجت سمعتها قاتلها واشبيها هذه دير هكذا دخلت عندو لقيتو قاعد شكون هنا قتلو سمية _روحي جيبلي قهوة خرجت للكوزينة قاتلي لاه ماقلتيلوش يجي برك مكان حتى واحد قاتلها العجوز اواه كي شافك هنا وزيد بلا خمار جامي يدخل قاتلها عفاف ايه مروان مايحبش المراة الماش مستورة انا مرت خوه الصغير وكي يلقاني بلا خمار مايدخلش وساعات حتى ينوض يعيط عليا سكتت قاتلي العجوز واش بغا منك قتلها قالي جيبيلي القهوة جيت نفرغ من الترموس قاتلي غير مكلاه مروان بحب القهوة الجديدة من البراس للفنجان قتلها لاه هاهي كاينة لاه حتى نزيد ندير قاتلي سمية هاتي ضك نديرهالو انا قتلها خلي برك انا مرتو وانا المسؤولة عليه وليت درتلو ديتهالو هكذاك بالبراس والفنجان حطيتهالو وجيت ماشية وين رايحة ارواحي صبيلي درت صبيتلو فالفنجان ورحت خليتو...#يتبع

#ادخلي في صفحتي وديري متابعة به مايفوتك ولا جزء من قصة

#قصة_واقعية  

الجزء7

كملت ندير فالعشا سمعتو يعيط يمااا انا مايعيطش ڨاع عليا كيشغول مكانش فالدار خرجت عندو ناض هز حوايجو هزي البلا منا هزيتو خرج هو وانا وراه كي سمعت حسو فالهول خرجت هي وختها تلاقاو فالهول لاحت عليه السلام واشراك مروان قالها لباس خيتي وانتي قاتلو نحمدو ربي ملا اليوم وين روحت قالها ايه اليوم بقات مقبلاتو ومخرجة صدرها هو مهبط راسو ويتكيف حابة تضرب معاه ڨصرة قاتلو وقتاش ترجع قالها مانعرف ودار عندي انا خارج ممبعد وزرب راح خرج درات لختها ياخاه واشبيه مروان ولا هكذا زعما عريس جديد قتلها لاه واشبيه قاتلي مكانش هكذا كاش ماراكي ديريلو قتلها واش راح نديرلو ديجا واشبيه مافهمتش قاتلي جاني مشيان ومراهش ڨاع زاهي قاتلها ختها ملي ماتت مرتو وهو هكذا قاتلها عندو الحق لاه هذيك المراة تتنسا الله يرحمها واش دات فيها الموت ماشكيتش يقدر ينساها كي بقاو يهدرو هكذا قلبي تفسخ علابيها راه يدير معايا هكذا هذا مزال يحب مرتو دخلت الكوزينة العجوز ناضت تصلي بقيت انا وعفاف قتلها مروان كيفاه كان عايش مع مرتو _نورمال قتلها كان يحبها _ماعرف قتلها معاملتو معاها كيفاه _كيما ضك نفس المعاملة مع الناس كامل قتلها وهي كيفاه كانت _الله يرحمها نعم الناس زين وعقلية وظرافة قتلها علابيها ما نساهاش ومزالو يحبها _شكون قالك انتي قتلها جوهرة وختها قاتلي حذاري من سمية هذيك شحال وهي عينها في مروان ملي كانت مرتو عايشة وهي عينها فيه كانت دايرة روحها صاحبتها وزعما تحبها وهي كانت كالسوسة تضل تعمرلها في راسها وتحرش فيها على راجلها وتكذب عليها تقولها راجلك يخون فيك وتنوض هي تعاند فيه وهو عقليتو صعيبة يهدر معاه الواحد كلمة يحصل تبقى تعاند فيه حتى تدي طريحة منو قريب وصلتها لطلاق كانت تحوس طلقها باه تديلها راجلها وعيينا فيها وعسي روحك منها وهي ما كانتش تسمع الهدرة ملا حاذري روحك منها راهي سوسة كبيرة دير روحها عاقلة وظريفة وصاحبتك وتحبك وتبقى تعمر فيك وتحرش فيك وديرلك فالوسواس حتى تخربلك دارك واش قالت ماتصدقيهاش وماتصاحبيهاش وحذاري تعطيها سرك ولا ديري فيها الثقة وتحكيلها مشاكلك راهي تخربلك دارك قتلها علبالي حتى انا قريتها ،درت العشا قعدت انا والعجوز نستناو فيه قتلها غدوا نروح لدارنا قاتلي زيدي اصبري العيد الكبير مابقالوش روحي عيدي ثما وابقاي يومين ولا تلاثة ورواحي فرد مرة لقيتو دخل علينا لاح سلام وقعد مايضحك مايبكي على العام مزنتر وعاقد حوايجو تقول رح يموت كي يضحك سربيت العشا تعشينا غير العجوز تهدر معاه هو كلمة وڨص مرات يدير غير براسو كملنا العشا ناض قالي ديريلي قهوة وخرج هو والعجوز درتلو ورحت نديهالو كي وصلت الباب سمعت العجوز كي بقات تقولو لاه ضربتها واشبيك انت الطفلة مزالها عروس وانت تضرب فيها دخلت عليها كي شافني تقول تلبسو شيطان بلعط فيا عينيه حطيتلو القهوة انا جيت دايرة هو يضربها برجلو تخطفت انا والعجوز طار عندي حكمني من شعري وخرجني معاه العجوز تحكم فيه واشبيك خلي الطفلة واش صرالك دار عندها يما مادخليش روحك بيني وبين مرتي ابقاي بعيدة قاتلو واشبيك حبس واش دارت ماهدرش معاها كمل جرني الفوق دخلني وغلق الباب داني لشمبرة طبعني طحت على يديا ماجيت نطلع راسي ضربني بيدو خبط راسي فالسرير جبهتي ڨاع تسيل بالدم حكمني من شعري واش قتلك على اسرارنا انا وياك ممنوع يخرج حرف من الشي لي يصرا بيناتنا قتلو واش درت _واش درتي لاه رحتي عند يما وخبرتيها بلي ضربتك وبقيتي تشكيلها مني ياك وصيتك ممنوع تخرج حاجة منا من الشمبرة قتلو هي لي سقساتني _ شوفي قسما بربي العزة تزيد تخرج حاجة منا من الشمبرة لبرا فمك نكسرهولك مفهوم درتلو براسي ايه اهدري قتلو مفهوم _ياربي ونزيد نسمع حاجة اليوم فوتهالك بكف الخطرة الجاية ندڨدڨلك عظامك مفهوم قتلو ايه فهمت طلقني وراح حل الباب سمعتو يتقابض مع العجوز لميت روحي في كوانة ونبكي وليت نرعش دخلت عندي العجوز جات عندي نوضي بنتي نوضي نوضتني داتني لدوش غسلتلي بقات تدعي عليه كسرة في يديه نشالله قتلها اعطيني تليفون نعيط لبابا يجي يديني قاتلي وين تعيطيلهم يجو يشوفوك في الحالة هذه قتلها يدبرو راسهم يتحملوني ويسكتو هما لي جبروني على هذا الزواج _يابنتي واشبيك انتي عندك الموضوع ساهل هكذا ياو الناس والله ماترحمك بالهدرة خلي يقدم الحال ويرحمها ربي واصبري بنتي اصبري ضك يهديه ربي كي يتنحالو يرجع ويطلب السماح وليدي ونعرفو كي يغلط ويبقا وحدو يجي يطلب السماح داتني معاه التحت دخلتني الشمبرة دخلت عفاف علينا لقاتني نبكي جات عندي آية واشبيك تبكي مريضة سكت قالت العجوز واشبيها تبكي قاتلها ضربها مروان _ياخاه واشبيه هذا مروان ملي روح وهو يضرب فيها واش خصو عدلت روحي وغطيت راسي رقدت ديراكت ،فطنت على صوتو يهدر مع العجوز تقولو واشبيك انت مع الطفلة راك محرش عليها ولا كيفاه ملي روحت وانت تضرب فيها _يما مانيش صغير باه جي تحاسبني انتي من الليلة اللولى وصيتها ممنوع خصوصيتنا تخرج من الشمبرة _واش من خصوصيات الله يهديك الطفلة حكمتها زرقتها الصباح وضك زدت حكمتها خليتها تسيل بالدم واشبيك انت دير فيها حرام عليك كانت راح تروح لدارهم وحكمتها _تروح طولت _واشبيك انت لاه دير معاها هكذا _يما قتلك مانيش حاب نتزوج مانيش مستعد لهذا الزواج حاب نبقى براسي وانتي درتي رايك ملا اتحملي انتي _بصح هي واش ذنبها لاه راك تضرب فيها هذا الضرب _ماعلباليش بصح مانيش مليح غشي ڨاع نفرغو فيها يا تحملني يا ترجع لدار باباها مانيش جابرها تبقى معايا حابة تروح تروح _واشبيك كيفاه حابة تروح تروح وين تروح كيفاه ترجع في ياماتها الناس واش تقول عليها والله مايرحموها بالهدرة _ملا تصبر حتى يفرج ربي ماعندي مانديرلها قاتلو الله يهديك راح خرج درت عندها قتلها لاه خدعتيني لاه شفتي وليدك ماش حاب يتزوج وحاب يبقى وحدو لاه جيتي ليا علبالك بلي جاست تاعك هذه معايا دمرتيلي حياتي مانقدر نرجع لدارنا مانقدر نقعد مع وليدك _والله مروان مكاين احن منو صح عقليتو شوية صعيبة بصح والله حنين وراجل فحل والله ماتلقاي خير منو بصح اصبري عليه شوية وتشوفي كيفاه تولي عايشة معاه كي السلطانة ويحسدوك الحباب قبل العديان مهم انتي اصبري سكت خليتها ،قعد يومين وبرك ورجع لخدمتو في هذا اليومين ماخليتوش ڨاع يشوفني نخدم خدمتي ونقعد في شمبرة العجوز نرقد ثم مانطلع عندو مانروح ليه عيات فيا العجوز اطلعي ليه ماحبيتش قال العجوز نهار العرفة نروح ، نهار العرفة صمت انا والعجوز خلصت شغلي برك قاتلي هيا نخرجو انا وياك وعفاف نشرو لحوايج ونتكساو قتلها ماعنديش دراهم _هيا برك قبل مايروح راه خلالي دراهم قالي اديها معاك تتكسا والصباح عيطلي وصاني عليك نكسيك سكت قاتلي بنتي اصبري عليه والله تعياي تعيشي معاه كالسلطانة بصح اصبري شوية طلعت لبست روبة فالباج وصندالة وخمار فالنوار درت صاك اكوتي وخرجت انا وياها وعفاف شرينا وفت شريت روبة فالصاتا تاع الفراشة فالنوار وذرعيها طوال ومنقوشة على الصدر والرقبة والجوانب بالذهبي مع صندالة فالدوري وجينا روحنا لقيت طوموبيل بيضة مڨارية قتلها تاع من طوموبيل هذه _اوو طوموبيل مروان ماتعرفيهاش واش خفت منو قتلها خفت يقولي لاه خرجتي _علبالو راني خبرتو صباح

 دخلنا على الباب لقيناه خرج من شمبرة العجوز جا عندنا سلم على العجوز وانا بقا يتخنزر فيا كي بلعط فيا عينيه رجفت وليت قلت لعجوزتي ندي الحوايج ونجي زربت طلعت الفوق حليت الخزانة حطيت الحوايج نحيت الخمار حتى نسمع فالباب تخبط ورايا ربي يستر واش درت ثاني درت ورايا لقيتو دخل عليا دار يديه وراه وجا يمشي عندي وقف قدامي بقا يشوف معايا ومع لبستي يطلع ويهبط واش راكي لابسة هكذا شفت مع روحي قتلو روبة عوج فمو روبة ملا سكت دوري نشوف بقيت نشوف معاه راني نهدر دوري درت ماففتش كيفاه ضربني برجلو لركايبي جابني راكعة عيطت عيطة وحدة حكمني من شعري يا قحبة هذه لبسة تخرجي بيها واش قتلك على لبسة القحاب هذه واش وصيتك عليها بقيت ساكتة كي ضربني لوجهي رعفت وليت نبكي قسما بربي عزة وتزيدي تخرجي بهذه الشلايق برا نحرقك انتي وياهم ديجا من اليوم تخرجي بالنقاب ممنوع تزيدي تخرجي بوجهك معري وجهك يتغطا اك بقيت حاكمة وجهي ونبكي جبدلي شعري راني نهدر مفهوم قتلو مانديريش نقاب _واشنو عاودي ماسمعتش قتلو مانديريش النقاب حكملي شعري بيد ويضرب في وجهي بيد واشنو ماديريش نقاب حابة تخرجي عريانة ملا تكسري كلمتي وترجعيلي فالهدرة ماتتربايش انتي بقا يضرب فيا كف من يدو يطروش وليت مانحسش بوجهي حتى لقيت عجوزتي طبعتو عليا واشبيك انت مريض لاه راك تضرب فيها الطفلة صايمة _هذه ماتزيدش تخرج هكذا دير التقاب وتخرج والله ونزيد نلقاك خرجتيها وجهها ماشي مغطي غير نقتلها _اخرررج برك يا المريض اخرج قتلت الطفلة شفتها كي بقات تطبع فيها هو ماحبش يخرج بدات صورتهم تضباب تكيت على الخزانة شفيت غير في عفاف بقات تهدر معايا ممبعد وليت نشوف فالظلمة، فطنت لقيت العجوز وعفاف في وجهي واش لباس بقيت ساكتة جابت لانجات مسحتلي عفاف وجهي قتلها خليوني نرقد حابة نرقد ناضو راحو غير غلقت عينيا رقدت ديراكت، فطنت شفت مع الساعة لقيتها 5 نضت رحت لدوش شفت وجهي لقيتو حمر يدو مطراسية في خدي توضيت صليت وهبطت التحت وصلت للباب الكوزنية سمعت العجوز وعفاف يهدرو خالتي واشبيه يديرلها هكذا لاه مسكينة يضرب فيها بلا سبة _مافهمتش واشبيه كي شافها خرجت بالروبة هبل _وامبعد ياك خرجت مستورة واذا حابها دير نقاب يهدر معاها بالعقلية ضك دير لاه حتى يضربها _الله يهديه مافهمتش واشبيه والله بديت نحس بالذنب من جيهاتها راني نقولها اصبري عليه وماعلاباليش علواه تصبر قلت كي نزوجو ضك يتريڨل بصح راه غير يزيد _اذا راح يبقى غير هكذا قوليلو يطلقها وخلاص حرام عليه _كيفاه يطلقها وهي ماعندهاش شهرين زواج الناس واش تقول عليها والله مايرحموها بالهدرة _الله يهديه هذا مانقولو الطفلة كي الوردة هو عڨابها بالضرب _خليه يعيا ويفيق ونشالله مايفيقش روطار برك دخلت عليهم واش نضتي بنتي قتلها ايه _راكي لباس قتلها من عند ربي لباس سكتت قتلها اعطيلي تليفون نعيط لبابا يجي يديني _لاه يديك واش كاين قتلها ياك قلتيلي تعيدي في داركم _خلي كي تفطري ويديك هو لاه حتى يجي باباك هو وين راح سكت......#يتبع

#ادخلي صفحتي وديري متابعة به مايفوتك ولا جزاء من القصة

#قصة_واقعية 

الجزء8

عاونتها فالفطور ووجدناه حطيناه بقينا نستناو فيه حتى جا دخل وقعد قاتلو العجوز نفطرو برك ادي آية لدارهم تعيد وتبقا 3لايام ولا ربعة تنحي الوحش من دارهم وجيبها تروح _مكانش3ايام ولا ربعة نديها اليوم غدوا العشية نجيبها تروح وممنوع المبات ماعنديش مراة تبات _اوو لاه تروح تجري ترجع تجري تبقا على الاقل يومين تشبع من دارهم وجي تروح _لي عينها تشبع من دارهم ماتتزوجش تقعد ثم عندهم _الله يهديك هذا مانقولك اذن المغرب نضت انا والعجوز صلينا كملنا شفت صاشية كحلة محطوطة قاتلي العجوز واشنو هذا قتلها ماعرف راحت حلتها جبدت 4 جلبات مع النقاب تاعهم بقيت نشوف معاهم قتلها يحلم بيها لا عاد نديرلو نقاب _بنتي لاه راكي تعاندي فيه قالك راجلك ديري النقاب ديريه واسكتي وزيد انتي ضك صاي مراة متزوجة الشلايق هذوك والتزواق تاع بكري خلاص راحو عينك فاللبسة والتزواق ديريهم لراجلك ماشي لناس قتلها مرتو لولى دارلها نقاب _اواه كانت دايرة جلباب هي ديجا ديراتو قبل ماتتزوج قتلها ولاه مادارلهاش نقاب _خاطر انتي شابة عليها وعينيك ملونين وضحكتك شابة ساهلة ڨاع ضحكت قتلها راكي تقنعي فيا باه نقبل _لا راني نهدر الصح لاه مافقتيش بلي يغير كي يشوفوك مدايرة مكياج ولابسة مايحبش هذا خاطر يغير قتلها وعلاه انا لمن نلبس ونمكيج ماشي ليه _ارواحي انتي وافهميه يا يشوفك هو برك يا واحد ما يشوفك نفس طبايع باباه هكذا كان معايا كان حماز كبير لوكان يصيب الشمس مانشوفهاش لازم نبقى فالدار برك باه واحد مايشوفني ضحكت هيا ارواحي نفطرو دخلنا فطرنا خلصنا نضت نلم لامعين قاتلي لعحوز روحي برك انتي البسي باه يديك لداركم وانا ضك نغسل وليت خرجت لشمبرة العجوز لقيتو دخل ورايا راني جبتلك النقاب البسيه قتلو مانلبسش جا عندي واشنو قتلو كيما سمعت مانلبسش حكمني من شعري مزلتي تعاندي فيا حابة نفسدك انتي دخلت العجوز تجري بعداتو عليا واشبيك ثاني معاها _قوليلها تلبس النقاب قتلو مانلبسش راح يجي عندي ياالطفلة بركاي ما تقلقي فيا راني نفسدك دارت عندي العجوز قالك راجلك البسي النقاب البسيه واسكتي قتلها مانلبسش _ملا والله ماتعفسيها حتى تلبسيه قتلو ضك نعيط لبابا يجي يديني _روحي عيطيلو واذا عدتي مراة فوتي العتبة راح خرج شفت مع العجوز البسي برك انتي لاه راكي تعاندي فيه قتلها مانلبسش انا هذا ماعجبنيش _واش راحلك انتي فاللبسة البسي برك لي جات ضك انتي تزوجتي هذاك التزواق صاي ممنوع بقيت نشوف هيا البسي وروحي عيدي في داركم وليت لبست الجلباب درت نقاب وطلعت على وجهي هاه نورمال وجاك يهبل انتي برك تعقدي فالحالة سكت ضك نعيطلو ونجي راحت خرجت لقيتو دخل بقا يشوف معايا ماعجبوش الحال ماعرف لاه هبطي على وجهك هبطت على وجهي بقاو غير عينيا يبانو زيدي اهبطي غطي عينيك قتلو وكفاه راح نشوف ملا _هبطي برك راح تشوفي نورمال قتلو الظلمة مانشوف والو وزيد ياك راني فالدار وراح نركب فالطوموبيل _مزلتي برك ترجعيلي فالهدرة قتلو مانيش نرجعلك فالهدرة بصح راني نفهمك بقا يتخنزر فيا هبطت راسي قاتلو العجوز لاه تغطي عينيها ياك راهي فالدار وراح تركب فالطوموبيل ماشي لازم تغطي عينيها _انتي ثاني واقفة معاها ضحكت الله يهديك والله راح خرج نحيت على وجهي واشبيه وليدك هكذا _قتلك غيار نورمال ضك تواافيه بقيتها على خير جبت حوايجي وخرجت لقيتو واقف على الباب يتكيف دار عندي هبطي على وجهك هبطت نحالي الكابة وخرجت فتحلي الباب ركبت حط الكابة ملور وجا ركب ديمارينا لدار بقا يتكيف غمني بالدخان وليت نسعل دار عندي واشبيك قتلو الدخان ولا طفاه وفتح الكاروات وحبس فالطريق شرالي الحوايج وحطلي الدراهم فالصاك وصلنا لدار ڨارا طوموبيل اسمعي درت عندو ممنوع تخرجي من مورايا تبقاي في دار باباك حتى نجي نديك سكت راني نهدر وبركاي ماتعوجي في شنايفك عليا قتلو فهمت حليت الباب هبطت وهبط هو هزيت الحوايج هو هز الكابة طبطب الباب حل علينا خويا سلمنا عليه دخلنا لصالو هو قعد قتلو ويينهم بابا ويما قالي اقعدي ضك نعيطلهم قتلو اقعد برك ضك نروح انا عندهم رحت لقيتهم فالشمبرة غير شفتهم وليت نبكي جاو يجرو عندي حظنوني في زوج وسلمت عليهم بقاو يسقسو فيا واشبيك قتلهم والو توحشتكم برك قالي بابا وينو راجلك قتلو فالصالو راح عندو وخرجت وراه انا وماما سلم عليهم قعد شوية وراح روح قعدت مع دارنا شوية كي بقينا وحدنا قلت لماما مانزيدش نرجع عندهم حكيتلها كلش قاتلي والله ماتبقاي هنا وين تقعدي واش يقولو عليك الناس دبري راسك اصبري حتى يفرج ربي قتلها وين نصبر هو قتلني بالضرب _كي يجي نهدر معاه قتلها غير مكلاه يزيد يحكمني يدڨدقني انا خلاص مانرجعش_وين تقعدي انتي الناس واش يقولو عليك والله ياكلو وجهك بالهدرة تحوسي تخلينا فضيحة حابة تبقاي سمانة ولا 15 بصح باه تطلقي والله ماتصرا اصبري عليه حتى يهديه ربي وانتي بركاي ماتعاندي فيه حتى انتي علبالي في لسانك طويل احكمي لسانك مايضربكش قتلها معليش نزيد نصبر بصح ديري في بالك اذا ماتبدلش معايا والله مانبقا عندو دقيقة ،لغدوا العيد ذبحنا وغسلنا درنا لغدا تغدينا رحت دوشت سشورت ومكييت ولبست روبتي وقعدت مع عماتي حتى نسمع في بابا يعيط خرجت عندو رواحي راجلك جا اوو واشبيه هذا جا ضك رحت عندو دخلت لقيتو قاعد مهبط راسو لابس قميص وفاست كوير فوقها خاطر بارد الحال حس بيا طلع راسو كي شافني بذيك الحالة وجهو مشا الوان كون ماشي بابا واقف معايا كون طار عندي دا روحي عييت نقدم عندو من الخوف عينيه حمارو عروق رقبتو تزيرو ناض عندي رحت عندو رجل لور ورجل القدام حكمتني الرهبة منو كي شفتو في ذيك الحالة وصلت عندو عطاني يدو لحت يدو صافحتو وسلمت عليه حسيت بيدي تكسرت في يدو صوابعي طرطڨو عينيا تغرغرو بالدموع بعدت عليه هيا وجدي روحك نديك كي قالي هكذا قلبي طاح بين رجليا قتلو لاه نروح من ضك ياك جيت غير البارح _الخطرة الجاية نرجعك هيا نديك باه العشية نرجع للخدمة قالو بابا خليها برك ضك نجيبها انا تروح _اواه خلي برك نديها تروح باه توجدلي حوايجي العشية نمشي قتلو ياك العجوز ثما هي توجدلك كي بلعط فيا عينيه مت _اواه العجوز ماتعرفش وين علبالها في حوايجي انتي خير قالي بابا روحي ملا وجدي الحوايج لراجلك كي يرجع يجيبك سكت دخلو ولاد خويا في ثلاثة جاو سلمو عليه وغافرولي ليا بقاو يتمسخرو بيا مالغري واحد كثر مني وزوج قدي يعيطولي عمتي ياي كي لحت عيني ليه نستنا فيه غير وقتاش يهجم علينا طاحت عيني في عينو تخنزر فيا عرفتها اليوم يدڨدقني وليت هربت خرجت لشمبرة نبكي دخلت ماما واشبيك تبكي قتلها مانيش حابة نرجع والله اليوم يقتلني _يقتلك لاه حتى يقتلك واش درتيلو قتلها ياوالله اليوم يكسرني_نوضي نوضي بركاي من التمسخير تاعك الراجل نورمال انتي لي تزيدي فيها وجاية دلولة بقيت نشوف معاها عرفت بلي ماعندي وين نهرب منو لازم عليا نصبر ونبلع الطفلة كي تفوت تتزوج وتخرج من دارهم يولي عظمها ثقيل واحد مايحملها مهمها شكيتلهم راح يقولولي اصبري وخلاص نضت لبست هزيت حوايجي وخرجت لقيتو فالطوموبيل ركبت شعل الطوموبيل وطار بيها غير الدخان يرحي فيه تخنقت منو وليت نسعل قتلو نحي الدخان هز يدو ويعطيني لفمي بلعي عليااااااااا فمي ولا يسيل بالدم بقيت نمسح فيه ونبكي ناض يعيط بلعي حسك مانسمعوش كي ماحبيتش نسكت ضربني بلعي عليااااا بلعي راني نقتلك بلعي نوصل لدرا نربيك يا قحبة انا واقف وهي تسلم عليهم واقفة قدامهم بشعرها وفمها حمر صدرها برا قا*** مصور السوتيان مطراسي وانا كالقحبة نتفرج فيهم كون مانوصلش لدرا نربيك ملا مانيش راجل وصلنا لدار ڨارا طوموبيل هبط وجا فتح الباب حكمني من يدي وجرني معاه لشمبرة الفوق......يتبع

#ادخلي في صفحتي وديري متابعة به مايفوتك ولا جزء من قصة 

قصص واقعية 2

#قصة_واقعية 

الجزء9

 دخلني وغلق الباب طبعني طحت على يديا نحا الفيستا ماهدرش معايا ڨاع طاح عليا ضرب بيديه ورجليه وحكمني من شعري ويخبط في راسي في لرض يضرب فيا بكل حقد وغل اول مرة حسيت بكرهو يضرب فيا ضرب الموت تاع واحد حاب يتهنى مني جاب شي ساعة وهو يضرب خلاني غارقة في دمي غير النفو يخرج مني نشوف غير فالعجوز وعفاف يبعدو فيه عليا العجوز تعيط ياخاه قتلت الطفلة واش درت فيها هكذا بقيت نشوف فيه كيفاه بقا يكسر فالشمبرة ويدور عند العجوز انا واقف وهي سلمت عليهم في 3 قدامي واقفة قدامهم بلا خمار كلش تاعها مصور شعرها مطلوق دايرة المكياج فمها حمر صدرها خارج السباتي تاع السوتيان يبانو السليب مطراسي وهي نورمال واقفة وماعلبالهاش النار شعلت فيا قريب درت فيهم جريمة من تحت راسها _شكون هذو على من راك تهدر _ولاد خوها شكون _ياخاه هذا على جال ولاد خوها راهي عمتهم واشبيك انت نورمال تسلم عليهم _يااااووو ماتقوليليش نورمال 3 رجال قد الحيط واقفة قدامهم هكذاك وتزيد تضحك معاهم ستر ربي زربت خرجت صينو درت فيهم جريمة _مروان واشبيك علبالك على من تهدر ولا ماعلبالكش راهم ولاد خوها راهي عمتهم من محارمها _ماتقوليليش محارمها يااااو كي بقات واقفة وسطهم النار شعلت فيا انا قدامكم ومانقبلش تتزوق هكذاك وهي راحت وقفتلي وسط 3 رجال سلمت عليهم وبقات تضحك معاهم وانا والله ما دايرتلي حساب مليح كي ماقتلتهمش في 4 وجيت روحت شعرة باصيت على جالها وضيعت عمري هذه تبقا عندي يا نقتلها يا ندير جريمة على جالها ونباصي بقيت نشوف معاه كيفاه يدير زي المهبول والله مريض سترني ربي كي ما توشانيش راح خرج جات عفاف نوضتني هي والعجوز داوني لسرير بقات عفاف تمسحلي في وجهي بلانجات والعجوز بقات تشوف معايا يابنتي حتى انتي غلطتي الراجل راه مايليقش غيار وحماز مايصلحش كون ماخرجتيش عندو هكذاك لاه ماغسلتيش وجهك وسترتي روحك وخرجتي لاه تقابليه انتي بشعرك وبالمكياج وزدتي سلمتي على ولاد خوك علبالي نورمال بصح هذا راسو مغلوق مايفهمش هذ الحوايج عندو الراجل راجل حتى واذا كان خوك هكذا داير هو حماز وغيار كبير مايليقش قتلها عطيلي تليفون نعيط لبابا يجي يديني _وين تروحي وانتي هذاوين روحتي قتلها اعطيني ولا نروح وحدي _يابنتي واشبيك خمي بعقلك شوية ناس واش تقول عليك قتلها ماعندي مادخلني فالناس خاطر ماشي هما لي راهم يعيشو فالجحيم هذا قاتلي زيدي اصبري شوية قتلها مانصبرش كرهت من هذه الكلمة مانصبرش ووليدك اديه يتعالج راه مريض _الله يهديكم والله كي انتي كي هو قتلها الله لا هداني وعطيني تلفون نعيط لدارنا يدوني عطاتلي تليفون عيطت الباب ضك جي عندي قالي علاه قتلو ضك جي قالي خلاص راني جاي كوبيت بقيت نستنى فيه حتى وصل نضت هبطت عندو بذيك الحالة قشي مقطع عليا شعري واقف وجهي مدمدم حاكمة رجلي ونمشي كي شافني تخلع جا يجري عندي واشبيك هكذا طحت قدام رجليه ونعدد قعد عندي واشبيك هكذا واش صرالك قتلو ضربني شكون هذا لي ضربك قتلو راجلي كي وصلت هنا قتلني بالضرب كي سلمت على ولاد خويا بقا يشوف معايا هيا نوضي والله ما عاش لي يبكيلي بنتي نوضي عدلي الخمار على شعري وداني معاه تلاقينا بيه دخل بقا يشوف معانا قالو بابا نهار مديتلك بنتي كنت داير فس بالي مديتها لراجل يحافظ عليها هي قبل روحو بصح الظاهرة غلطت بنتي مالقيتهاش فالشارع باه جي انت دير فيها هكذا اذا ماعجباتكش بنتي وماكش حابها كنت قادر جيبهالي لدار وتقولي هاك احكم بنتك ماعجبتنيش ومانيش حابها كنت حكمتها والسلام عليكم بصح باه دير فيها هكذا والله ما حق عليك وماشي خدمة رجال شاف معايا اذا خرجتي ماعندكش رجعة لهذا الدار قتلو كون راجل وطلقني داني بابا خرجني وفتنا عليه خرجنا فتحلي الباب ركبت وجا ركب مانحبكش طيحي دمعة على جالو غدوا نديك للمحامية وطلقي الكلب عليك انا لي غلطت وقتلك اقبلي بيه وانا لي نتحمل مسؤوليتي قتلو بابا والناس واش تقول ماكملتش شهرين زواج وطلقت_وكي كان يضرب فيك شافوك ناس شكون جاك فكك منو قتلو حتى واحد _خلاص ملا راحتك اهم من راحة الناس كي وصلت لدار تقابض بابا وماما وخويا بابا حاب يطلقني وماما وخويا ماحبوش كيفاه طلق طفلة ماعندهاش شهرين زواج واش يقولو علينا الناس خليها تقعد يامات ونشوفو لغدوا صبحت نتقاتلو انا ماما على نفس الموضوع انا نقولها نطلق وهي تقولي والله ماتتطلقي هذا ماخصك كي شفتها دير هكذاك وليت رحت لشمبرة مع جدة وقعدت عندي جدة مريضة بالكونسار كل مرة شكون يديها مرة بابا مرة عمومي مرة عماتي هذه المرة جابها بابا قاتلي واشبيك انتي وماماك حكيتلها قاتلي عندها الحق اصبري الطلاق ماشي حل بقيت نهدر معاها ولات قاتلي دوشيني قتلها ايه هيا نوضتها ديتها لدوش دوشتها ورجعتها لبستها ورقدتها قعدت نهدر معاها فجأة تقيات الدم من الزربة بزاف لاقيتلها يدي باه ماتتقياش على روحها دخلت ماما لقاتني هكذا جات تجري اجري اغسلي روحك اجري رحت لدوش غسلت داوها لسبيطار ماتت درنا الجنازة تاعها عندنا جات عجوزتي ونسا سلافي قاتلي عجوزتي هيا ترجعي معايا قتلها مانرجعش حتى هو بعثلي مع بابا وقتلو مانقبلش بعدها يومين زادت جات مع سلفي برك هو ماجاش ڨاع قاتلي ارجعي هو راه فالخدمة وابعثني انا ماحبيتش نرجع وماصدقتهاش ڨاع قلت راهي دير في رايها برك ديجا حتى واذا صح مانروحش تقابضت مع ماما هي حبتني نرجع بصح انا ماحبيتش ماما كرهتلي حياتي تحوس ترجعني بالسيف نضلو نتقاتلو،فاتو 15يوم وانا في دار بابا بعد لعشا انا كنت فالكوزينة نغسل وماما قاعدة معايا كالعادة تعاودلي في نفس الموضوع دخل بابا علينا قالي راجلك البارح فالليل خرجو للجبل وتلقاو مع جماعة تاع ارهاب ضربو بعضاهم ماتو 4 ولخرين هربو و استشهد واحد صاحبو وهو قاسوه قتلو وشراه ضك _لباس روح العشية لدار راني رايح انا وخوك نشوفوه قاتلي ماما روحي ارجعي لدارك قتلها مانروحش واش دخلني انا _ياخاه كيفاه واش دخلك راجلك مضروب بالرصاص ڨاع وانتي هنا قاعدة قتلها مانروحش وهذو دعاويا خرجو فيه قليل ما حڨرني وضربني قالها بابا خليها في راحتها راح نروح انا برك ،راح هو وخويا عندو شافوه ستنيتو حتى روح سقسيتو واش راه _لباس وسقساني عليك وقالي لاه ماجبتهاش معاك قاتلي ماما هاه شفتي الراجل مزال عينو فيك قتلها مانرجعش خليني في حالي وخرجت الشي لي دارو فيا ومزال يحوس عليا ،يومين وماما عڨابي هيا نروحو انا وياك نطلو عليه ونجو عيب علينا الراجل وصل للموت وحنا ماطليناش عليه قتلها روحي وحدك مانروحش _مانروحش وحدي لازم تروحي معايا ولوكان يسقسوني عليك واش نقولهم قتلها قوليلهم الصح ماهيش حابة جي _ياخاه هذاك العيب راجلها وصل للموت وهي ماطلتش عليه قتلها واش من راجل وانا راح نطلق _مشاكلك انتي وراجلك حاجة والشي هذا حاجة قتلها مانروحش روحي وحدك العشية جا بابا رحت عندو قتلو بابا واش رايك نروح عندو ولالا _تاخذي رايي قتلو ايه _روحي عيب عليك اذا مارحتيش الراجل وصل للموت كيفاه ماتروحيش قتلو بصح مانيش حابة نرجع وحدي بلا مايرجعوني _ماتبقايش طلي عليه برك ونرجعو قتلو ملا ورا العشا نروحو نطلو عليه ونجو.....يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

#قصة_واقعية 

الجزء10

تعشينا برك ورحت لبست روبة ڨرونة بالسانتورا تاعها والخمار وباسكات فالبلونوي ماعندي لا عبايات لا جلبابات غير روب هزيت صاكي ورحت انا وماما وبابا وصلنا لهيه لقينا سلفي دخلنا بابا فات لصالو وانا وماما جات عجوزتي دخلتنا لشمبرة وحدنا بقات تبوس فيا وينك لاه ماجيتيش والله كان يستنا فيك جي قالي شوفي العروس لي جبتهالي راجلها وصل الموت ورجع منها وهي والله ما سقسات عليا قتلها واش راه ضك _راه الفوق في شمبرتكم طلعناه قبيل برك راح غسل جرحو الوجاعة قتلاتو خليتو بلاك يرقد شوية هنا الحس بزاف سكت روحي شوفيه قتلها اواه مانروحش _ياخاه كيفاه ماتشوفيش راجلك عيب عليك والله هو كان يستنى فيك جي سكت قاتلي ماما نوضي روحي شوفيه بقيت ساكتة قرصتني وتخنزرت فيا نوضي وليت حطيت الصاك والخمار وخرجت لقيت عفاف يااا وقتاش جيتي سلمت عليها قتلها ماعنديش بزاف _وين رايحة قتلها نشوف مروان _ااا روحي شوفيه خرجت سمية دايرة الطابلية قتلها هذه واش دير هنا _عندها يومين وهي هنا غير ارجعي لدارك وراجلك تغفلي عليها تلقايها ولات هي مولات الدار جات سلمت عليا رجعتي قتلها ايه رجعت وملا اخرتها راجعة لراجلي وداري قلت لعفاف طالعة نشوف راجلي _ايه روحي شوفيه راه غير يسقسي عليك رحت طلعت حليت الباب دخلت كملت لشمبرة دخلت على الباب لقيتو راقد على ظهرو ذراعو ورا راسو تبان الفاصمة على جنبو بقيت واقفة ندخل ولا نرجع يبان راقد قلت خلي ندخل دخلت رحت نمشي لسرير حس بيا دار عندي بقا يشوف معايا لحت عليه السلام مارجعليش الحمد الله على سلامتك بقا ساكت جيت نحمدلك بالسلامة برك وراني رايحة درت نمشي آية اول مرة يعيطلي باسمي درت عندو ارواحي عندي بقيت نشوف معاه هيا رواحي رحت عندو عطاني يدو حكمتها قعدني قدامو قابلتو هبطت راسي واشراكي قتلو لباس _ولاه مهبطة راسك شوفي معايا ولا ماكيش حابة تشوفي وجهي سكت عندك الحق بقيت مهبطة راسي وساكتة _مع من جيتي قتلو بابا وماما _عندك بزاف ملي جيتي قتلو لا ماشي بزاف _ولاه ماجيتيش مع باباك سكت سقسيتو عليك قتلو لاه ماجبتهاش معاك قالك ولا ما قالكش قتلو ايه قالي سكت بقا يشوف معايا آية طلعت راسي شفت معاه بقا غير يشوف معايا جبدت يدي من يدو قتلو مهم انا رايحة _وين رايحة قتلو راجعة لدارنا _بصحك رايحة ومخليتني قتلو مانقدرش نبقى _علاه قتلو هكذا بابا قالي نروحو برك ونرجعو _باباك ولا انتي لي ماكيش حابة تقعدي سكت قولي آية قتلو بابا نحا الغطا ضك نروح نهدر معاه حكمتو انا لي مانيش حابة نبقى بقا يشوف معايا علاه آية قتلو هكذا _بصح انا حابك تبقاي معايا سكت حكملي يدي باسلي كف يدي شفت معاه ابقاي عندي والله راني حاب تبقاي معايا نهون عليك وانا في الحالة هذه قتلو حتى انا هنت عليك _والله ماهنتي جيست ساعة هبال الله يلعن الشيطان سكت قولي آية هيا تبقاي عندي بقيت ساكتة آية شفت معاه قولي تبقاي عندي قتلو لالا ونضت خرجت بقا يعيط عليا خرجت هبطت التحت دخلت عند ماما والعجوز هاه شفتيه قتلها ايه _واش قالك قتلها والو لقيتو دخل علينا حاكم كرشو ناضت عندو العجوز حكماتو عاوناتو قعد سلمت عليه ماما وجات قعدت قاتلو العجوز لاه هبطت _لحقت هذه هربت مني انا نعيط عليها هي والله مادارت عندي شافو معايا بقيت مهبطة راسي وساكتة قال لماما قولي لبنتك تبقا معايا انا في هذه الحالة وهي تروح تخليني شكون بيا قتلو سما انت حكمتني باه نخدمك هذا مكان _ياسيدي ابقاي برك ماتخدمنيش يما تخدمني دارت عندي ماما وكي ماتخدميش راجلك شكون تخدمي ملا اذا ماخدمتيهش ضك وقتاه تخدميه شفت معاه _ماتخدميني ماوالو اقعدي برك هنا قاتلو لاه ماتخدمكش واش راح دير ملا لاه تزوجتو لازم هذا يهز هذا قتلها وبابا _انتي اقعدي عندي برك وباباك راني رايح نهدر معاه ناض وقف راحت العجوز عوناتو خرجاتو دارت عندي ماما واشبيك نتي الراجل يقولك ابقاي وانتي هاربة منو وين جاية احكمي دارك قتلها لاه نرجع وحدي لاه مايجيش هو _وين رجعتي وحدك هاه راه يحاول فيك باه تبقاي سكت دخلت العجوز ارواحي باباك يحوس عليك نضت خرجت لقيتو واقف فالهول معاه رحت عندهم قالي بابا حابة تبقاي قتلو كيما تحب _لا ماشي كيما نحب انا حابة تبقاي ابقاي ماكيش حابة هيا نروحو شفت معاه قتلو ايه نبقا _خلاص ملا اقعدي هنا في دارك ودار عندو وانت نشالله تتهلاي في الامانة دار عندي روحي عيطي ليماك جي باه نروحو رحت عيطتلها جات بقاوني على خير وراحو خرجو دار عندي بقا يشوف معايا هيا عاونيني طلعيني الفوق رحت عندو حط ذراعو على كتافي حطيت يدي على ظهرو رحنا نمشو طلعنا الفوق ديتو لسرير قعد درتلو المخايد ورا ظهرو غطيتو بقيت واقفة بقا يشوف معايا فاه جيتي انتي قتلو بهذه بقا يشوف معايا قتلو ماعنديش لا عبايات لا جلبابات عندي غير روب لبست هذه وجيت بقا يشوف معايا آية اخرة مرة ممنوع تخرجي برا بلا نقاب نغفرلك كلش غير تعري على وجهك سكت جيت دايرة آية درت عندو رواحي هنا عندي نهدر معاك رحت عندو فتحلي ذراعو قعدت في حظنو باسني على خدي بوسة طويلة شوفي آية انا دورجين راجل حماز وغيار كبير وتخيلي عطاني ربي مرأة شابة شعرها صفر وعينيها ملونين وعندها ضحكة شابة كيفاه راح نكون قتلو مافهمتش واش دخل هذه في هذه _دخلها آية دخلها راهي باينة ڨاع انا نغير ومرتي شابة كيفاه تكون غيرتي تزيد ولا تنقص شفت معاه قتلو ماعرف _تزيد آية تزيد وتزيد بزاف انتي دورجين شابة وتزيدي تزيني روحك كيفاه تخرجي انا كي قتلك ماديريش مكياج وستري روحك ماشي مانحبش مكياج ولا مانحبش تتزيني ديري مكياج وتزيني كيما تحبي والبسي كيما تحبي بصح بشرط اولا كي نكون هنا ثانيا تزيني هنا في شمبرتك لاه حتى تتزيني برا قتلو وين برا ياك هنا فالدار _علبالي فالدار بصح مانحبش نحبك تتزينيلي ليا ونشوفك انا برك علبالك هذيك المرة كي روحت ولقيتك دايرة مكياج ولابسة ذيك اللبسة هبلت لمن تزينتي وانا مكاش نورمالمو المراة تتزين لراجلها معليش تقوم بروحها لروحها بصح امور الزينةوالمكياج واللبسة ديرهم لراجلها برك كي مايكونش راجلها هنا ماتتزينش زينها يشوف غير راجلها هكذاك انتي كي مانكونش هنا مانحبكش تزيني روحك زينك نشوف انا وحدي فالشمبرة ماتشوفو لا يما لا نسا خوتي لا خوتي ونزيدك حتى خوتي ونغير عليك منهم مانحبش يشوفوك وانتي متزينة انا قتلك البسي العريض والمستور وماتتزينيش فالدار خاطر عندي خوتي رجال داخلين خارجين وراح يشوفوك وانا مانحبش هذه الخالوطة مرتي يشوفوها خاوتي متزينة كاين حدود لكلش فهمتي القاعدة ولا مافهمتيش قتلو واشنو هي _القاعدة يا آية هي من اليوم تحبي تتزيني وديري مكياج وتلبسي المكشوف وتتعراي ديريه هنا في شمبرتك ثاني شي ديريه نهار نكون هنا هذه هي القاعدة اما باه ديريه التحت وتهبطي ولا ديريه في غيابي مانقبلش اك تفاهمنا آية قتلو ايه تفاهمنا _الحاجة الدوزيام ولاد خوك شفت معاه علبالي انتي عمتهم ومن محارمك ونورمال بصح انا هكذا داير راني صارحتك بلي حماز وغيار وعندي الراجل راجل هذيك المرة كي شفتك واقفة وسطهم بكامل زينتك وزدتي سلمتي عليهم عقل ماقعد في راسي النار شعلت فيا عييت نقنع بلي هذوك ولاد خوك وانتي عمتهم ماركبتليش ڨاع في راسي ومراحش تركبلي ماقدرتش نقنع بلي انتي عمتهم كنت نشوف فيك مرتي واقفة وسط رجال بكامل زينتها ودرت لي درت لذالك باه نتجنبو المشاكل حتى ولاد خوك تستري روحك منهم شفت معاه وي آية مايعجبنيش الحال كي توقفي قدام ولاد خوك هكذاك من اليوم تستري روحك منهم هكذا نتجنبو المشاكل تفاهمنا قتلو ايه تفاهمنا _خلاص ملا مانزيدوش نعاودو الهدرة في هذا الموضوع قتلو ايه خلاص باسني على خدي وضك تنوضي جيبي لراجلك يتعشا باه يشرب دواه ولا ماتنوضيش قتلو ايه نوض نضت جيت خارجة آية درت عندو نحي عليا هذه الروبة والبسي وحدة اخرى رحت الخزانة جبدت وحدة وخرجت لدوش لبستها وخرجت هبطت دخلت الكوزينة لقيت عفاف قاعدة هي وجوهرة وسمية دايرة الطابلية وتغسل سلمت على جوهرة قلت لعفاف واش درتو لعشا باه ندي لمروان قاتلي سمية خلي ضك نوجدلو انا قتلها لا تعيشي راجلي وانا لي مسؤولة عليه وجدتلو لعشا وخرجت سمعتها تقولهم واشبيها هذه دير هكذا تقول راح نديلها راجلها كون عيني فيه ضك نديهولها وهي تشوف كملت طلعت الفوق دخلت عدل روحو حطيتلو المايدة على رجليه تعشيتي انتي قتلو ايه تعشيت _ارواحي كولي معايا قتلو لا كليت _معليش كولي معايا قعدت قابلتو كليت شوية وجبدت روحي كولي قتلو خلاص شبعت بقا ياكل وانا بقيت مهبطة راسي ونستنى فيه واش درتي في ليمات لي قعدتي فالدار قتلو والو الدار برك _ايه وحابة تخرجي قتلو لالا ماعندي وين نخرج سكت شفتو مسح يديه نضت هزيت المايدة حطيتها جبتلو الدوا عطيتو شرب وعدل روحو رقد هزيت المايدة آية درت عندو من اليوم جي ترقدي هنا عندي ماتزيديش ترقدي التحت قتلو راح نرقد مع يماك _بمن تزوجتي انتي بيما ولا بيا سكت قولي قتلو بك _ومدام تزوجتي بيا لاه راح ترقدي عند يما سكت اك عزة جي هنا ماتزيديش ترقدي ثم وغير نبرا شوية نتمو زواجنا بقيت نشوف معاه واشبيك تخلعتي وراح تبقاي هكذاك بقيت ساكتة اك عزة راني نستنا فيك درتلو براسي ايه وخرجت هبطت واشبيه تبدل 180° منين طاحت عليه العقالة هذه والظرافة تقول هزو عبد وحطو عبد هبطت التحت دخلت لقيتهم قاعدين درت طابلية قاتلي سمية خلي ضك نغسلها قتلها الف مرة قتلك اي حاجة تخص راجلي راح نديرها انا وديجا راني سمعتك قبيل كي قاعدة تقوليلهم كون عيني ندي راجلها نديه وهي تشوف كيفاه تديه وانا نشوف فهميني فيها ترا ضحكت ضحكة صفراة واشبيك راني كنت نتمسخر برك بصح حتى انتي بالغتي في غيرتك مني فهمتك الف مرة ماعينيش في راجلك لازم تصدقي هذه الشي قتلها اولا حاجة شكون لي قال انا نغير منك راكي غالطة عاودي حساباتك انا يغيرو مني ماشي نغير منهم ثاني شي نهار تصدقي انتي بلي مروان خوك نصدق انا قاتلي جوهرة واشبيك انتي محرشة على ختي ولا كيفاه قتلها قوليلها توزن هدرتها معايا ماتتمسخرش معايا في هذا الشي دخلت العجوز واش ديتي لراجلك يتعشا قتلها ايه ديتلو خليتهم هما يهدرو وانا نغسل كملت شفتها بقات تتخنزر فيا قتلها واش الخير برك تشوفي معايا ناضت تضحك واشبيك اطفلة معايا حرشوك عليا قتلها مايعرفوك مايحرشوني عليك مسحت يديا وخرجت سمعتها قالت عقلية ذراري وليت رجعت دخلت قتلها وانتي كي عندك عقلية عجايز واش؟ راكي هنا تعاندي في الذراري ناضت عندي اسمعي انتي هنا راكي زدتي فيها بزاف وانا غير ساكتتلك تحشمي على روحك ولالا قتلها انتي لي تحشمي على روحك راكي كبيرة على هذ العفايس لي راكي ديري فيهم _واش من عفايس قتلها راكي علبالك واش راكي ديري بصح ردي بالك انا مانيش كي شي ناس ناضت عفاف خرجتني واشبيك معاها قتلها ماشفتيش واش تهدر مرة نديلك راجلك وانتي تشوفي مرة عقلية ذراري هذه الخطرة الجاية تنوض تضربني نورمال ديجا شفتيها كيفاه ناضت عندي راح تضربني كون مانديرلهاش هكذا راح تطلع عليا ونولي ندي الطريحة من عندها نورمال سمعتو يعيط من فوق قاتلي روحي لراجلك وماتعمريش راسك بيها طلعت عندو دخلت قتلو واشنو بقا يشوف معايا واشبيك قتلو والو _لا بك حاجة كاش ماصرا معاك التحت قتلو نسيبة خوك واشبيها معايا _شكون سمية قتلو ايه هي _لاه واشبيها قتلو ماعرف عليها تهدر في هدرة ماش نورمال _لاه واش قاتلك قتلو قالت لي قالت بصح الخطرة الجاية تزيد تغلط معايا راني مانسكتلهاش _قولي واش دارتلك قتلو مادارتلي والو بصح تهدر في هدرة ماتتقبلش _واش قاتلك فهميني قتلو مايهمش واش قالت بصح راني خبرتك باه اذا دخلت عليا ولقيتني حاكمتها من الشعر ونكركر ماتقولش علاه _آية واش الهدرة هذه المراة كبيرة عليك انتي تقوليلي نحكمها من الشعر قتلو بصح شوف لهدرتها وتضل تتخنزر فيا واش تحوس عندي سكت نضت فتحت الخزانة ديت بيجامة ورحت لدوش بدلت وجيت قتلو نطفي الضو _ايه طفي طفيتو وجيت حكمت بلاصتي قتلو تصبح على خير _ولاه راكي بعيدة عليا هكذا راح ناكلك قتلو هكذا خير ودرت رقدت على جنبي علما حطيت راسي رقدت...... يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

#تفاعلوااااااااااا 

#قصة_واقعية 

الجزء11

فطنت على الاذان نضت صليت الفجر وجيت لقيتو راقد غطيتو وهبطت التحت لقيت الضو الكوزينة شاعل دخلت لقيتها العجوز دير ديجا فالغدا صبحت عليها فطرت وعاونتها ودرت شغلي وسيقت فرزت الحالة شفت الساعة 8 طلعت عندو لقيتو نايض صباح الخير _صباح النور واش بكرتي وقتاش نضتي قتلو وقت الفجر صليت برك ودرت شغلي _معليش قتلو هيا نوض نديك تغسل باه نجيبلك تفطر وتاكل دواك نوضتو ديتو لدوش غسل ورجعتو جبتلو تريكو وسروال بيجامة لبستهملو نجيبلك تفطر هنا ولا تهبط التحت _لا نهبط التحت عاونتو هبطنا التحت ديتو لكوزنية حطيتلو فطر جبتلو دواه شرب وناض ديتو لصالو درتلو المخايد ورا ظهرو عدل روحو رقد جيت خارجة آية درت عندو روحي بدلي ماتبقايش دوري بالبيجاما قتلو ايه راني رايحة خرجت طلعت دوشت لبست روبة بالذرعين مشطت شعري وهبطت عند العجوز دخلت للكوزنية قاتلي وجدي القهوة راهم جاو عندو جماعة وجدتلو وجا خوه داها جبت نهاري هكذا مع القهوة حتى وصل وقت الغدا وجدت الغدا وعجوزتي مع النسا فالصالو هبطت عفاف عاونتني لقيتو دخل علينا رحت عندو قتلو انعم _انا طالع لشمبرة جيبيلي نتغدا باه نروح نغسل الجرح قتلو لاه حتى تطلع ادخل هنا برك فالشمبرة دخلتو لشمبرة رقدتو جبتلو تغدا وشربتلو دواه ورحت جبتلو سيرفا لبستهالو شكون يديك لسبيطار _ضك يجي صاحبي يديني بقا يشوف معايا دارلي براسو ارواحي رحت عندو قعدت معاه جبدني باسني على شعري بقا يمسح على شعري حتى عيطلو خوه ناض وقف عاونتو خرجتو قريب نوصلو للباب اجري دخلي قبل مايخرج كاش واحد رحت نجري للكوزينة لقيت عفاف تغسل غسلت معاها اذن الظهر طلعت صليت وجيت قعدت مع العجوز والضياف طبطب الباب نضت خرجت لقيتو هو قتلو روحت _ايه رواحي طلعيني نرقد شوية بقيت نشوف معاه واشبيك _الوجاعة قتلتني قتلو ياعمري بالشفا نشالله بقا يشوف معايا كلمات كيما هذو كثريلي منهم ضحكت حط ذراعو على كتافي وتكا عليا طلعتو الفوق وصلنا لسرير باسني على خدي وقعد عدل روحو رقد غطيتو وخرجت،جبت ايامات على نفس الروتين ،العشية درت العشا وحاسة روحي فشلانة والحمى عشينا الغاشي برك وجيت نغسل قاتلي عفاف روحي برك ترقدي انا نغسل خرجت لشمبرة لعجوزة ورقدت ،سمعت العجوز تنوض فيا فطنت درت عندها راكي راقدة هنا وراجلك يعيط عليك قتلها مريضة راح نرقد _لاه واشبيك قتلها مسخنة _رواحي نعطيك الدوا تشربي واطلعي ترقدي في شمبرتك رحت معاها الكوزينة عطاتلي شربت وطلعت الفوق دخلت عندو بقا يشوف معايا واشبيك قتلو مريضة برك _لاه واشبيك قتلو مسخنة _لاه مشربتيش دوا قتلو شربت هذاوبن رحت الخزانة جبدت بيجامة بيستي وفيزو رحت لدوش لبست وجيت دخلت جيت نروح لبلاصتي رواحي هنا درت عندو واشنو _رواحي ترقدي عندي بقيت نشوف معاه فتحلي الغطا هيا رواحي بقيت غير نشوف هيا آية رحت عندو فتحلي ذراعو دخلت عندو رقدت على ذراعو غطاني بقا يمس في جبيني راكي مسخنة درتلو براسي ايه باسني من جبيني معليش راكي شربتي دوا ضك ترقدي وتنوضي لباس سكت جبدني عندو رقدني على صدرو وغلق عليا بقا يبوس في شعري جمدت بين يديه اول مرة نكون قريبة منو بهذا القرب طلعت راسي شفت معاه لاه راكي جامدة هكذا اطلقي روحك وارقدي بقيت نشوف معاه باسني على نيفي ارقدي وليت حظنتو ورقدت فطنت على صوتو يهدر درت ورايا لقيتو متكي على ذراعو ويدو على شعري ويهدر درت على ظهري بقا يشوف معايا ويلعب بشعري حتى انا تهت فيه اول مرة يعجبني كراجل كوبا ودار حط التليفون دار عندي هامينوشة صباح الخير قتلو صباح نور _واش صبحتي رتحتي شوية درتلو براسي ايه بقا يشوف معايا بقيت ندور في عيينا كي يحكم فيا نظرة مانقدرش نشوف معاه علاه راكي تهربي في عينيك خليني نشوفهم شفت معاه بقا غير يشوف معايا بصح يما كي جات خطباتك ماقتليش بلي راكي شابة ڨاع هكذا علبالك في ليلة العرس كي دخلت عليك وشفتك بهذاك الجمال دهشت ماعلباليش اذا تولهتي بلي ماقدرتش نحي عينيا عليك سورتو عينيك قتلوني بقيت ساكتة علبالك ماكنتش نحب شقروات حتى شفتك انتي قتلو وضك وليت تحبهم _لا نحبك انتي برك سكت تالمو شابة بزاف وليتي مستفزة انا لاه كنت نضربك غير كنتي تستفزيني بزينك ضحكت والله علاه _ماعرف الغيرة عماتني قتلو كيفاه تغير مني _لا كيفاه نغير منك ما جاياش كنت نغير عليك كي شفتك ممكيجة ومزوقة روحك وانا مكانش يعني مكيش دايرتني في حسابك قتلو والله والو جيست كعدت عروس جديدة نحب ندير _ماعرف مهم ماعجبنيش الحال انتي شابة وزدتي زينتي روحك وانا مكانش نورمالمو تزيني روحك ليا سكت حط يدو على خدي وصبعو على فمي عندك ضحكة شابة قتلك عليها درتلو براسي ايه خلاص ملا ماتضحكي لحتى واحد بغيري قتلو والله ملي جيت عندك ماضحكت غير نبكي باسلي عينيا ياعمري والله ماحق عليا نبكي هذ العينين بقا يبوس في عينيا وانا تايهة فيه بعد لقاني هيمانة فيه حكملي ذراعي حطها ورا رقبتو ويدو ورا رقبتي طلعلي راسي عندو جا وجهي مع وجهو ولينا نتفسو نفس واحد حط فمو على فمي ويهدر واشرايك نبداو انا وياك من جديد ننساو ڨاع واش صرا ونعاودو من جديد بصح قبل مانبدا انا فيا بزاف طبايع ماش ملاح وعلبالي صعيب ومانليقش بصح معليش حاولي معايا بلاك تريڨليني بقيت ساكتة هاه واش قلتي درتلو براسي ايه باسني على طرف شاربي التحتاني جيت نبعد ذراعي حكمها وين رايحة انا ماصدقت حكمتك بين يديا بقا يبوس فيا مافقت غير كي دخل يدو تحت تريكو وحطها ورا ظهري تخطفت من بين يديه جيت نوض حكمني من يدي واشبيك قتلو والو راح نروح نعاون خالتي _خليك من خالتك اقعدي معايا خير قتلو لا راح نروح بقيت نجبد في يدي واشبيك اقعدي برك عندي قتلو لالا مانقعدش راح نروح كي بقيت نجبد في روحي وهو يجبد قستو بيدي في الجرح شفتو حكم كرشو زربت نضت لبست بليغتي وخرجت سمعتو يعيط بصوتو وليت رجعت لقيتو راقد على ظهرو وحاكم كرشو رحت نجري طلعت عندو مروان واشبيك بقا حاكم كرشو ويتوجع بعدت يدو مروان واشبيك سمحلي والله مافقت كيفاه قستك ضك نعيط لخوك يجي يديك جيت نوض حكمني من يدي جبدني طحت فوقو حكملي وجهي ارواحي هنا وين رايحة مخليتني قتلو نعيط لخوك يديك لطبيب _مابيا والو راني نتمسخر برك قتلو لاه حرام عليك خلعتني بقا ساكت ويشوف معايا جيت نوض حكمني واشبيك لاه راكي تهربي مني سكت قولي مينوشة لاه راكي تهربي مني ماكيش حابة نبوسك بقيت ساكتة بقا حاكملي وجهي ويبعد في شعري ياعمري شحال بوڨوصة انا صح كنت نضرب هذا الوجه بكيت خلاص ماتبكيش والله انا متوحش كيفاه هذا الوجه يتضرب بقا يبوس في وجهي من كل بلاصة ويهدر خلاص اسمحيلي والله مانزيد نعاود اديها مني وعد رجال خلاص سمحتيلي بقيت نبكي حط وجهي في رقبتو ويدو على شعري خلاص مينوشتي راني وعدتك وعد الرجال والله مانزيد نتوشيك الله يلعن الشيطان وساعتو خلاص مينوشة ماتبكيش قتلك ننساو كلش ونعاودو من جديد طلعت وجهي شفت معاه حكملي وجهي هاه واش سمحتيلي ولا مزال درتلو براسي ايه لا اهدري قتلو سماح باسني على فمي بوسة طوييلة دا نفسي معاها حط راسي على راسو نوعدك نعيشك سلطانة على قلبي بصح بشرط ديري واش نقول ماتخرجيش رايي ڨاع درتلو براسي ايه بقا يبوس فيا كي دخل يدو تحت تريكو حكمتها وبعدت وجهي علاه مينوشة حطيت وجهي في رقبتو قولي مينوشة علاه ماكيش حابتني نمسك درتلو براسي لالا بعدلي وجهي لاه فهميني علاه قتلو ماشي ضك _علاه بصح مريضة درتلو براسي لالا هاه واشبيك ملا قتلو هكذا تعيش اصبر شوية مانيش واجدة بقا يشوف معايا جيت نوض حكمني خلاص عندك الحق نصبرو شوية حتى انا مازلني مابريتش مليح سكت حط وجهي في رقبتو ملا هاتي نصبر روحي بالبوس حتى يلحق هذاك الوقت بقيت حاظنتو وهو يبوس حتى نعست و غفيت........ يتبع

#ادخلي في صفحتي وديري متابعة به مايفوتك ولا جزء من قصة 

قصص واقعية 2

#قصة_واقعية 

الجزء12

فطنت على صوت الباب كي عيط شكووووون تخطفت من بين يديه كانت يماه ارواح راهم جاوك جماعة _ضك شوية نهبط شاف معايا خلعتك مينوشة بقيت نمسح في عينيا ناض يضحك بالصوت ياعمري كي شفتو يضحك وسمعت ضحكتو دالي عقلي سرحت فيه دارلي براسو واشبيك قتلو والو _لا قولي واشبيك تايهة فيا قتلو ضحكت ناض يضحك بقيت نشوف معاه ايه وامبعد قتلو اول مرة تضحك _خلاص ملا ماتقولي حتى لواحد قتلو حتى واذا قلت مايصدقونيش ضحك باسني هيا مينوشتي نوضي خليني نوجد روحي راهم يستناو فيا التحت ولا عجباتك كي راكي في حظني نضت قعدت قتلو خلاص هاني نضت ضك نغسل ونجي خرجت حطيت يديا على قلبي ونمشي راني طايرة مانيش ڨاع هنا غسلت وجهي نشفتو وخرجت تلاقيت بيه قرصني من خدي ودخل رحت لشمبرة لبست ووجدتلو قشو وخرجت للكوزينة لقيت عفاف واش اليوم طولتي ضحكت واش تباني فرحانة اليوم بقيت نضحك الحب باين على وجهك رحت درت الفطور ليا وقعدت نفطر مخي بعييييد عفاف تهدر معايا وانا غير ساكتة ضربتني اااااي واشبيك هكذا انا نهدر معاك وانتي تضحكي وحدك قتلها خليني في حالي _ايه انا نايضة ونوضي ديري شغلك بركاي ما تحلمي خرجت نضت بقيت ندير في شغلي وعقلي بعيييييد دخلت العجوز ماعرف واش بقات تهدر معايا انا مانيش معاها حتى ضربتني على ذراعي درت عندها بنتي واشبيك من قبيل وانا نهدر وحدي قتلها واش قلتي _كاش مابيك قتلها اواه والو _وجدي ملا الغدا وقت غدا قتلها ايه ضك نوجد خرجت خلاتني وحدي ماجيت نوجدو ساعة دخلت العجوز آية واشنو هذا قتلها واشنو _اووو ساعة باه تحطي الغدا قتلها خلاص راني وجدتو دخل علينا هو واش يما اليوم مكانش غدا _اواه كاين بصح مرتك ماعرف واشبيها شاف معايا واشبيك قتلو والو قاتلو ماعرف ملي هبطت وهي تايهة ماعرف فاه تخمم شاف معايا وضحك قتلها خلاص راني وجدتو هزت البلا وخرج جا عندي واشبيك واشبيها مينوشة قتلو والو هما ماعرف واشبيهم معايا قرصني من خدي هاتيلي الغدا قتلو اك معليش وجدتلو الغدا قتلو تقدر تهزو وحدك _هاتي هاتي قاتلو ماتقدرش قتلو قصدي على جرحك _نورمال ماعندو مايديرلي داه وراه ستنيت حتى رجعو غسلت الماعين وطلعت دوشت لبست سوغتي با خرجت نشف في شعري حليت الخزانة بقيت نحوس على قشي وتايهة مزلني برك نحلم حتى حسيت بيه ورايا حاظني حاط يديه على كرشي وجهو في رقبتي بقا يشم في ريحتي ااااه آية ريحتك ترجع الروح باسني على رقبتي ودورني عندو بقا يشوف معايا ناض يصفر واش لابستلي هكذا غمزلي قتلو واشبيك شكون قالك لبستو ليك _هاه ولمن لبستيه ملا قتلو ليا ماشي ليك بقا يشوف معايا ضربتو بالروبة واشبيك جامي شفت وحدة لابسة سوغتي _وين راح نشوف علاه قالولك كل نهار مع وحدة سكت بقا يشوف معايا وليت رحت خليتو لقيتو حاكمني ملور وبقا يبوس في وجهي وين هاربة هاتي نبوس شوية توحشتك من قبيل وانا بالي معاك كلاني بين يديه جبدت روحي بالسيف درت عندو واشبيك هكذا _آية ماشكيتش نصبر عليك يومين مانزيدش قتلو دبر راسك كون فريتها هذيك الليلة رانا تهنينا _علاه عندك هذي الشي هم حتى تقوليلي نتهناو بالعكس هذا احلى شي فالزواج قتلو ليك ماشي ليا _ايه عندك الحق انتي يالمسكينة تباتي تبكي قتلو علاه نبكي واش راح ديرلي _شوفي الحجم بيناتنا تفهمي قتلو ملا بطلت ماتوشينبش ڨاع خليني هكذا ضحك مكاش كيفاه انا راني متشوق لهذيك اللحظة بقيت نشوف معاه جبدني عندو حكملي وجهي ماتخافيش والله مانخليك تحسي بحاجة انتي غير سلميلي روحك وخاطيك بقيت ساكتة ولا حظني يا عصفورتي يا مينوشتي والله ماتخافي راكي مع واحد خبرة شفت معاه منين جاتك الخبرة _والله لاه ماعلبالكش بلي كنت متزوج من قبل ماعرف لاه ماعجبنيش الحال كي فكرني بلي متزوج تبدلت حالتي جبدت روحي حكمني واشبيك قتلو والو بصح راح نلبس ونتوضا مزال ماصليتش بقا يشوف معايا واشبيك آية زعفتي كي قتلك كنت متزوج قتلو لالا جبدت روحي وزربت رحت لدوش غلقت الباب لحقني بقا يطبطب عليا آية واشبيك مينوشة بقيت ساكتة آية حلي واشبيك لاه زعفتي ياك علبالك بلي كنت متزوج لاه حتى تزعفي ضك بقيت ساكتة اك ماتحليش بصح راني خارج عندي خدمة كي نجي نهدرو مارجعتلوش ماعرف واش صرالي غرت من مرتو وهي ميتة الله يهديني لبست توضيت وخرجت صليت وهبطت قعدت التحت ،العشية درت العشا تعشينا وغسلت هو مزال ما جاش طلعت الفوق لبست روب ميني ديميمونش سشورت شعري مكييت خفيف ورميت روحي على السرير حظنت المخدة ورقدت نستنا فيه بين البارح واليوم تغيرت 180 ° حتى هو تبدل ولا انسان جديد نشالله يبقى هكذا برك سمعتو صوت الباب تحل واقيلا روحو درت رقدت على جنبي ودرت روحي راقدة حسيت بيه كي دخل جا قعد ورايا طل عليا لقاني راقدة باسني على خدي وناض راح حل الخزانة بدل حوايجي وجا ورايا تكا على ذراعو حط يدو على خدي بقا يضرب في خدي آية مينوشة نوضي راني جيت عصفورة نوضي بقا ينوض فيا ماحبيتش نوض ولا يبوس في فمي استحليتها بصح للحظة ماعرفتش واش صرالو نفسو ثقال وتعالى كشغول يلهج ويدو تحطت على ساقي وبدات تطلع درت روحي فطنت مانعرف لاه كي نوصلو لهذاك الشي مانحبش نخاف ونحشم درت على ظهري عندو بقا يهدر وحدو لاه تفطني لاه كون بقيتي راقدة راني فريتها انتي كون نتبعك مانديرو والوو بقيت نشوف معاه زعما مافهمت والو _والو مينوشتي والو لاه نضتي كملي رقادك كملي شفتو عرقان ويلهج حطيت يدي على خدو واشبيك مروان حكملي يدي باسلي كف يدي والو مينوشتي بقيت نشوف معاه ولا حط وجهو في رقبتي وبقا يرد فالنفس مروان واشبيك حبيبي ناض يعيط ياووو اسكتي بركاي ماتزيدي عليا طلع راسو حطو على راسي آية خلينا نفروها اليوم طبعتو عليا وجيت نايضة حكمني رجعني عندو خلاص ارواحي برك مانديرلك والو بقيت نجبد في روحي آية والله مانقيسك خلاص اركحي بقيت نشوف معاه عدل روحو وجبدني رقدني على صدرو باسني على شعري بقا يرد فالنفس نضت تكيت على صدرو مروان واشبيك حط يدو على خدي واش تحوسيني يكون بيا وانا دخلت لقيتك راقدة هكذاك روبة طالعة وفخاضك عريانين وشعرك مطلوق وليت مانضويش قتلو لاه ماتحبش نلبس ثاني المكشوف في الشمبرة _ماشي غير نحب مينوشتي نموت ماذابيك تلبسيلي غير هكذا وكون تصيبي ماتلبسيش ڨاع ضحكت والله ماتحشم بقا يشوف معايا لاه ماكيش حابة تكوني معايا قتلو هاني معاك _لالا قصدي الحاجة لخرى سكت قولي عصفورتي ماتحشميش قتلو ماعرف بصح نخاف ونحشم _خفتي مني كيما قتلك صباح درتلو براسي ايه ياعمري والله ماتخافي والله مانخليك تحسي بحاجة سكت هاه واش رايك قتلو تعيش اصبر شوية والله نحشم خليني نكون مستعدة _معليش عصفورتي راني صابر بصح ماطوليش ماذابيك سمانة ماتفوتش قتلو سمانة قليل _واش لقليل لاه واش عندك ديري ديجا مافهمتش لواه تستعدي انتي ماعليك غير تتكسلي وتطلقي روحك انا ندير كلش ضربتو واشبيك ماتحشمش هكذا ضحك لاه واش قلت حتى نحشم زيد الحشمة هذيك تاعك نهار اللول تروح ممبعد تولي تحاولي فيا ضحكت والله _هاه وملا ضك تشوفي كيفاه تبقاي تحاولي فيا وانا مانقبلش قتلو حاشاك انت لي تحاولني _ايه وامبعد نحاول مينوشتي وراه المشكل بقيت نشوف معاه دارلي براسو واش قتلو سبحان الله راك متبدل بزاف تقول ماكش هذاك مروان _الله يلعن الشيطان وساعتو... بقيت سهرانة انا وياه حتى نعست وخليتو هو بقا يبوس فيا يموت على البوس الصباح فطنت لقيت وجهو في وجهي حطيت يدي على وجهو نمشي فيها على حواجبو وجيت هابطة على نيفو لشواربو بقيت نرسم في فمو وليت قدمت عندو بستو على طرف شاربو جيت نبعد لقيتو حكمني من رقبتي ملور وين هاربة علاه كي تبوسي شواربي راح ياكلوك بقيت نشوف معاه هيا عاودي بوسيني جيت نبعد حكمني حتى تبوسيني بقيت نشوف معاه هيا آية بستو على طرف شاربو لالا عطيني بوسة كاملة بقيت نشوف هيا آية غمضت عينيا وبستو على فمو جيت نبعد حكمني بقا يبوس فيا غير حسيت بيه راح فيها بعدتو عليا وزربت نضت وقفت هرابة بصح اهربي على روحك نعيا ونحكمك بين يديا وتشوفي واش ندير فيك هربت لدوش توضيت وجيت واش رجعتي عندي ضحكت لا جبت نصلي _ايه صلي عمري ودعيلي معاك قتلو باه ندعيلك _باه يحن قلبك عليا وتطفى ناري ضحكت ملا ماندعيش _آه يا قاسية القلب اصبري نهار طيحي بين يديا واش ندير فيك ضحكت فرشت السجادة صليت كملت صلاتي رحت الخزانة جبدت روبة بقا يشوف معايا قتلو واشبيك _هذا وتحوسيني مانغيرش قتلو لاه _شوفي هذ الجمال شقرا والشعر الصفر والعين ڨري والصدر واقف والخصر متحف والفخاض بيض والسيقان مبرومين والجسم بيض حليب الروبة راح تبعلك ماشي غير كلاتك بقيت نشوف مع روحي نورمال راك تبالغ _مانيش نبالغ يا مينشوتي قد ماوصفتك مانعطيكش حقك بقبت نشوف معاه عطاني بوسة وليت خرجت اهربي هكذاك اهربي ضحكت لبست وخرجت هبطت التحت ،جبنا يامات على هذا الحال غير بوس تحضان ممبعد بدا يمعنيلي على هذا الشي ،بعد العشا انا كنت نغسل فالماعين هو دخل عليا جا حظني ملور وباسني على خدي واش مينوشة واش راكي ديري قتلو راني نغسل درت عندو بقا يشوف معايا مينوشة ماشي طولتي شوية قتلو فاه _كيفاه فاه قلتيلي اصبري عليا شوية عطيتك كثر من سمانة ونستنا فيك توجدي روحك ومزال مابان والو سكت مينوشة بقالي سمانة ونرجع للخدمة خليني نجوزها معاك قبل مانروح بقيت ساكتة حكملي وجهي شوفي ضك انا راني خارج نتلاقا بالسيد وانتي اطلعي الفوق وجدي روحك بعقلك ماندخلش حتى تعيطيلي لازم اليوم نفروها اك مينوشتي بقيت ساكتة آية شفت معاه اك مينوشة درتلو براسي ايه باسني على خدي هيا راني نستنا فيك قرصني من خدي وراح خرج ،واش خفت وليت نترعد غسلت لماعين برك ورحت هربت عند العجوز ورقدت عندها دارت عندي واش آية لاه جيتي هنا وخليتي راجلك قتلها مزال مروحش راح يطول نرقد معاك حتى يجي سكتت ودارت بقيت نستنا عييت نرقد شفت مع الساعة راهي ال 12 سمعت صوت الباب واقيلا جا سمعتو كي طلع الفوق حل بابي دخل بقيت نستنى علبالي كي مايلقانيش ثم ضك يجي هنا سمعت الباب كي تحل يايما جا عندي غطيت راسي ورقدت تحل باب الشمبرة شميت ريحتو دايما ريحتو سبقاتو حسيت بيه ورايا نحا عليا الغطا بقا يعيط عليا غير بالشوية ماحبيتش نوض ولا يحرك فيا آية نوضي آية درت روحي فطنت درت عندو واشنو _هيا نوضي نطلعو قتلو راح نرقد هنا عييت نوض نعست _هيا برك نوضي قتلو خليني راح نرقد ودرت خليتو _آية واش تفاهمنا انا وياك قتلو حابة نرقد مانيش قادرة دورني عندو واش معناتها هذه الجاست قتلو ما معناتها والو جيست مانيش قادرة بقا يشوف معايا _اك فهمت لي فهمت ناض خرج طلع الفوق خبط الباب نضت قعدت واشبيا انا هكذا مافهمتش لاه خايفة من هذا الشي الخوف سيطر عليا رجعت رقدت مرة نقول خلي نطلع عندو مرة نقول مكلاه سمعت الباب تحل نضت خرجت لقيتو هبط هاز الكابة وين رايح هذا رحت عندو مروان وين رايح طبعني وفات لحقتو مروان واشبيك دير هكذا والله مانيش قادرة برك وصل الباب حلو دار عندي فهمت لي فهمتو قتلو واش فهمت _والو وبعدي عليا انا لي كلب قلت خلي نكون مليح ونعاودو كلش من جديد بصح الظاهرة انتي عجباتك العقلية القديمة معليش راكي رجعتيها وخرج حبط الباب وراه واشبيه هذا مكبرها هكذا حتى انا واشبيا كون رحت عندو واش راح يصرالي خلي كي يرجع ونوجد روحي مليح ونكون

ادخلي في صفحتي وديري متابعة به مايفوتك ولا جزء من قصة 

قصص واقعية 2

الحلقة 13

#  لقيت العجوز هي لي تغسل فيهم قتلها هاتي برك ضك نغسل قاتلي خلي برك راني قريب نكمل سقسيتها على مروان قاتلي خرج جيت خارجة قاتلي انا ضك يجي وليدي يديني راني رايحة نقعد عند خويا مريض سمانة ونجي وانتي اغلقي الباب برك حتى يرجع راجلك واذا رجع للخدمة وخفتي ترقدي وحدك اطلعي عند عفاف وارقدي عندها قتلها لا نورمال لاه حتى نخاف ،طلعت الفوق سشورت شعري ومكييت فننت روحي رحت جبدت ديزابي فالابيض نويزات قصيرة والروب تاعها طويل طلقت شعري وعطرت روحي وبقيت نشوف مع روحي ايا جيت نقتل ،طلعت السرير وقعدت ساعة وزوج مكانش شفت مع الساعة راهي 10 وليت هبطت التحت فت لشمبرة العجوز لقيتها فرغانة رحت الكوزينة لقيتها فرغانة ملا راحت فت لصالو شعلت التليفزيون وتكسلت نتفرج نعست شفت مع الساعة قريب 12 صار هكذا ايه نستاهل انا موجدتلو روحي وهو مزال ساهر برا اك انا لي كلبة قاتلة روحي طفيت التليفزيون جيت نطلع الفوق بصح تفكرت كي قالي ماتطلعيش عندي وليت عدلت روحي ورقدت ثم ،سمعتو يعيط عليا فطنت درت لقيتو قاعد ورايا واش جابك هنا انتي لاه راكي راقدة هنا واش اللبسة هذه لي هبطتي بيها ماهدرتش معاه رجعت رقدت زاد دورني راني نهدر لاه راك راقدة هنا قتلو وين نرقد ياك حاوزتني من الشمبرة _ولاه راكي لابسة هكذا قتلو واشبيها بقا يشوف مع وجهي واش دايرة لوجهك نضت قعدت قتلو مكياج لاه راح تضربني ثاني _سڨمي اسلوبك اهدري مسڨم ماتهدريش معايا هكذا قتلو علاه كيفاه راني نهدر معاك حتى نسڨم اسلوبي _لاه راكي لابسة هكذا ومدايرة مكياج لمن واش وصيتك على هذه العقلية قتلو كيفاه هذه لمن علاه كي ندير مكياج يعني ديراتو على جال واحد حكمني من شعري سڨمي هدرتك لا نضربك نقسمك سكت لاه راكي لابسة هكذا وهابطة هنا وراقدة بقيت ساكتة جبدلي شعري راني نهدر ضربت يدو وليت نعيط على جالك انت على جااااالك وجدتلك روحي وقعدت نستنى فيك هنا كي الكلبة وانت برا ماعلبالكش بيا بقا يشوف معايا وليت نضت وخرجت طلعت الفوق نبكي خبطت الباب لقيتو جا ورايا كملت لشمبرة فتحت الخزانة نقلب في قشي وليت مانشوفش عينيا تضببو من الدموع تنشعت واحد النشعة انا نستنى فيه هو يقولي لمن لابسة هكذا علاه شكون عندي بغيرو نلبسلو وليت نضرب فالقش حتى لقيتو ورايا حاظني هزني وليت نضرب في يديه ونعيط _خلاص آية بقيت غير نضرب فيه ونعيط حتى عيط عليا خلااااااااص حبست حط وجهو في رقبتي خلاص مينوشتي انا لي غالط سمحيلي بقيت نبكي ولا يبوس في خدي رقبتي كتفي ويهدر خلاص مينوشة سمحيلي والله ماجا في بالي توجديلي روحك وتستنايني كي شفتك هكذاد هاربة مني وخايفة ماتوقعتش تستنايني قتلو هبطني _لا مانهبطش حتى تسمحيلي قتلو سماح بصح هبطني حطني في لرض ودورني عندي حكملي وجهي وبقا يبعدلي في شعري ياعمري علاه هذ الدموع ڨاع خلاص ديجا راهي وحدة بوحدة حتى انا حسيت نفس احساسك هذاك نهار كنت نستنى فيك تعيطيلي وتقوليلي رواح وكي ماعيطتليش قلت واقيلا حشمانة خلي نروح انا وليت جيت عندك وداير في بالي نلقاك كيما ضك موجدتلي روحك وتستناي فيا بصح كي دخلت لشمبرة ولقيتك مكاش خاب املي وليت قلت معليش واقيلا خافت مني ولا حشمت خلي انا لي نجيبها ونحيلها الحشمة جيت عندك ولقيتك راقدة قلقت سما ماكيش دايرتلي ڨاع حساب وقلت معليش واقيلا كي طولت عليها غلبها النعاس ورقدت بقيت نوض فيك وكي نوضتك بقيتي تقوليلي مانيش قادرة هبلت كيما انتي ضك والله عيشتيني نفس الشعور بقيت ساكتة ولا جبدني عندو حظني بقا يبوس في شعري خلاص عصفورتي ماتزعفيش والله مادريت راكي تستناي فيا حسبتك مزلتي هاربة مني وانا كنت مقلق منك كي بقيتي تهربي مني ماحبيتش ندخل الدار هذا مكان بقيت ساكتة بعدني عليه باسني على جبيني خلاص سمحتيلي بعدتلو يديه قتلو راح نرقد ودرت لكوافاز هزيت لانجات راح نمسح وجهي جا ورايا حكملي يدي نحهالي لاه تنحيه خليه درت عندو ولا قعد ودارني بين رجليه قعدني على فخضو تكيت على كتفو مينوشة ماتزعفيش والله ماعولت هكذا كون قلتيلي قبل مانخرج قتلو ماشي على جال هذه _وهاه واشنو ملا قتلو انا من العشية قاتلة روحي عليك وقعدت نستناك وفلخر تقولي لمن راكي لابسة هكذا علاه انا لمن راح نلبس ونتزين بغيرك حط فمو على خدي يبوس ويهدر يا مينوشتي فهميني انتي كنت هاربة مني وخايفة وين راح يجي في بلي موجدتلي روحك كي دخلت ولقيتك لابسة هكذاك ومتزينة وراقدة ماجاش في بالي بلي موجدتلي روحك ليا خاطر داير في بالي بلي كنتي خايفة مني مستحيل تجي عندي وحدك

 حكملي يدي باسها وحطها ورا رقبتو جا وجهي مع وجهي وفمو على فمي خلاص حبيبي ماتزعفيش اغفريلي هذه المرة والله مانزيد نغلط غلطة كيما هذه بقا يبوس في فمي ويهدر هيا آية خلاص حتى انتي درتي نفس الشي معايا قتلو بصح انت طولت في زعافك معايا _طولت خاطر انتي ماطلبتيش سماح مني كيما انا ماكسرتيش ڨاع راسك معايا ماعيطتي ماحوستي ماحاولتيني ماشي كيما انا ساعة وانا نطلب فالسماح ومزالني نطلب واقيلا راح نجيبها لغدوا صباح ضحكت هاه ياعمري واخيرا ضحكتي سكت علبالك كان يشوفوني الجنود تاوعي كيفاه نحاولك فيك باه ترضاي عليا ڨاع الهيبة والرهبة تروح قتلو لاه واش فيها _كيفاه واش فيها علبالك راني ندرب في الف جندي كي نوقف قدامهم مايهزوش راسهم قدامي من الرهبة تخيلي كون يشوفوني هكذا نحاول فيك كيفاه تولي صورتي قدامهم قتلو لاه واش فيها كي تكون انسان تضحك وتحاول وتحب _مافيها والو حبي بصح لازم نكون بهذه الشخصية قتلو لاه عندكم قانون تكونو بالشخصية _ايه قانون مينوشتي لازم تكون بالشخصية هذه فالجيش مكانش الضحك والتمسخير لازم الجدية والصرامة باه كلش يمشي ڨدڨد قتلو انتما برك زدتو فيها _واش نزيدو فيها مينوشتي مثلا انا راني ندرب فالجنود لي يدخلو جدد كون مانكونش قدامهم بهذه الشخصية مستحيل يخرجو كيما لازم قتلو سما انت ديما هكذا مشنف ومزنتر _ايه ديما هكذا وماشي غير انا ڨاع هكذا على ما تدخلي على الباب تلقايهم ڨاع هكذا قتلو ماعرف _شوفي وين ديتينا خلينا الموضوع المهم ونهدرو على الجيش ضحكت مينوشتي خلاص خلينا نعيشو ليلتنا وعندي غير سمانة نبقاها هنا ونرجع خلينا نشبعو من بعض قبل مانرجع سكت هاه واش قلتي درتلو براسي ايه ياعمري بقا يبوس فيا ولا بعد لاح يدو حل الدرج تاع الكوافاز جبد بوات تاع قطيفة عطهالي هذه جبتهالك زعما داير في ليلة عرسنا نعطيهالك فتحها لقيتها خاتم نحاها درهالي في صبعي وباسلي يدي هذه ديما في صبعك جامي تتنحا من صبعك بستو على خدو وبقيت حظناتو حط يدو على ظهري بقا يمسح على شعري وظهري بقيت ساكتة آية سكت آية قتلو اممم _راكي واجدة عصفورتي درتلو براسي لالا بعدني عليه بقا يعدلي في شعري على وجهي علاه مينوشة سكت قولي حبيبي ماتحشميش فهميني واشبيك قتلو خايفة _علاه تخافي حنونتي سكت ماتخافيش مينوشتي والله مانخليك تحسي بحاجة صحا مينوشتي نبداو درتلو براسي ايه ناض هزني معاه حط راسو على راسي ماتخافي موالو انتي تبعيني برك ماتحسي بوالو وصح ماحسيت بوالو دخلت معاه غير عالم مارجعني للواقع حتى باسني على جبيني بالبراكة مرحبا بك في حياتي وعد رجال مني نعيشك سلطانة بصح توعديني بلي تحسسيني راني ملك في حياتك قتلو وعد _ياعمري هيا عندي هيا رقدني على ذراعو جبد عليا لغطا بقا يبعدلي في شعري على وجهي صورتو بدات تروح حبيبي عييتي درتلو براسي ايه غمضت عيني بقا يضرب في خدي آية آية نوضي واشبيك حليت عينيا واشبيك حبي درتلو براسي والو اهدري عمري واشبيك عييت نهدر قتلو والو _واشبيك تبانيلي ماكيش مليحة درتلو براسي لالا _اهدري حبي اذا ماكيش مليحة نديك لسبيطار قتلو فشلت برك _لازم تفشلي عمري طاقتك راحت معايا قتلو ذراعي ترجف ياعمري طاحلك سكر ديجا ماكليتي والو فالعشا اصبري نجيبلك حاجة تاكليها قتلو مانكلش مكلاه _ملا اصبري نجيبلك حاجة حلوة تشربيها ناض لبس رجعت رقدت سمعتو ينوض فيا حليت عينيا لاح يدو طلعلي راسي شربلي فيتا جو ووكلي لايورت قتلو خلاص حابة نرقد غمضت عينيا بقا يعيط عليا حليت عينيا حبي خلعتيني عليك اذا ماكيش مليحة نديك لسبيطار قتلو والله مليحة بصح عييت برك حابة نرقد _سير قتلو سير عدل روحو رقد وجبدني عندو باسني على شعري رقدت خليتو جاب ليل كلو وهو يعيط عليا قتلو مروان ارقد حبيبي والله راني لباس _مانعرف نخاف تتغاشاي قتلو مانتغاشا ماوالو جيست حابة نرقد شوية ضك نوض لباس _باسني على شعري خلاص ارقدي علابالي ديرونجيتك بستو على خدو نحبك ورقدت

من هذاك نهار جاب معايا سمانة مايخرج لا ليل لا نهار حاكمني معاه وخلاص مايخلنيش دقيقة حتى الماكلة يعيط يطلب من برا يجيبولو للباب يهبط يجيبها ويجي مايخلنيش نبعد عليه دقيقة حاكمني ليل مع النهار مايشبعش ڨاع وزيد العجوز مكانش غير انا وياه فالدار لقا راحتو انا كرهت من الشمبرة والفراش ،فطنت على صوت العصر ياذن جبدت روحي منو بالسيف هو راقد رحت دوشت صليت وستكيت روحي لقيتو ناض درت عندو صحا نوم _الله يسلمك واش نوضك منا قتلو مروان والله غير كرهت من الشمبرة حابة نخرج هنا عند عفاف ونجي _واش ديري بعفاف انا خير قتلو علبالي انت خير بصح حابة نبدل شوي الجو وانت ماكرهتش _لاه نكره شكون قدي الجمال تاع سيدي ربي ڨاع يبات راقد تحتي وتحوسيني نكره لا ماكرهتش ومراحش نكره بالعكس مزالني ماشبعتش قتلو معليش اخرج تشوف عباد ربي _واش ندير بيهم ديجا ملي شفتك ماوليت نشوف في حتى واحد وماعندي ماندير بشوفتهم قتلو معليش اخرج شوية يضربك الهوا _ياو البرد برا واش ندير برا قتلو ملا اقعد انا راني طالعة هنا عند عفاف ضك نجي _آية وين رايحة بقالي غير اليوم خليني نفوتوه مع بعض قتلو مانطولش ساعة برك ونجي نحا لغطا ملا اصبري نخرجو مع بعض ناض باسني وخرج لدوش وجدتلو قشو دخل قعد على السرير هيا ارواحي هاتيلي قشي رحت عطيتهمولي جيت رايحة حكمني من يدي جبدني طحت عليه رقد على ظهرو ورقدني فوقو وين هاربة قبل مانبوسك قتلو يامروان انت ماتكرهش من البوس ماوجعكش فمك _لاه يوجعني فمي وانا نبوس فالطرواة جيت نهدر هجم عليا بالبوس حسيت بيدو على فخضي جبدت روحي وزربت نضت ناض يضحك واشبيك بقيت نعدل في شعري والله ماتحشم _مكاش كيفاه نحشم قتلو راني رايحة _اصبري نلبس ونهبطو كيفكيف قتلو ازرب لبس وناض هز حوايجو وجا عندي دارني تحت جناحو وخرجنا ساعة مانزيدوش بقالي غير اليوم خليني نشبع منك قبل مانروح خرجنا من الباب هيا مينوشتي بوسيني وروحي بستو على خدو رجعلي البوسة على فمي هو راح خرج وانا طلعت عند عفاف قعدت معاها درت معاها العشا جبت ليا انا ومروان وهبطت حطيتو فالكوزينة وطلعت ستيكيت لبست نويزات طويلة تاع ساتا فالروز مشقوقة حتى لنص الفخذ طلعت شعري كوتشيفال درت برويو لاف فالروز فونصي وهبطت سخنت العشا درتو في بلا سمعت الباب تحل خرجت طليت لقيتو هو خرجت عندو ناض يصفر فتحلي يديه رحت عندو حظنتو حطيت يديا ورا ظهرو باسني على شعري طلعت وجهي شفت معاه باسني على فمي ياعمري كيفاه راح نخليك ونروح قتلو ماتقدرش تزيد تبقا _كون جات في يدي والله مانزيد نروح ڨاع لجد الخدمة هذه نخلي هذا الجمال والحنان والفراش سخون ومينوشتي راقدة تحتي ونروح لهذيك المزيرية غير البرد وتبكار على 4 ونصبح نعيط واش جاب لجاب قتلو ملا ماتروحش _لازم نروح مكاش كيفاه نراطي سكت هيا رواحي نطلعو الفوق قتلو اصبر نجيب العشا ونطلعو روحي جيبيه رحت الكوزينة جبتو وخرجت هاتي عمري نهز قتلو خلي برك انا مرتك وانا لي نقوم بك رحت نمشي وهو ورايا ياعمري على هذ الزين والشعر ولطاي والبيوضة وزادت لابسة الوردي راكي كي الشمعة تضوي قتلو راك تبالغ علبالك _والله ماني نبالغ بالعكس ملقيتش كلمات باه نوصفك بيهم دخلنا لشمبرة حطيت البلا على طابلة كاين قدامها فوتاي واحد جبدت مخدة قعدت عليها وهو نحا قشو وجا قعد على الفوتاي مينوشتي قاعدة في لرض علاه قتلو لالا راني قاعدة على هذه عطاني يدو حكمتها نوضي عصفورتي نوضي دارني بين رجليه قعدني على فخضو من اليوم هنا بلاصتك في حجري لازم لهوا مايدخلش بيناتنا بستو على خدو نحبك _وانا نعشقك ضحكت واشبيك ايه والله ربي عشقتك من اول نظرة غير شفتك عشقتك وكنت زي المتوحش نعبر على حبي ليك بالضرب نورمالمو من غيرتي عليك تفهميها طايرة بقيت نشوف معاه وليت بستو على فمو _خلينا ناكلو سع باه مايصرالكش كيما هذيك الليلة وممبعد نوريلك واش ندير فيك اليوم ومكاش هذه عييت وماقدرتش نجيبوها لصباح اليوم رقاد مكاش غير تعشينا خلصنا بقيت سهرانة معاه لصباح مارقدناش ڨاع

 شاف مع الساعة لقاها 5 هيا عصفورتي انا لازم نروح بقيت لاصقة فيه تعيش زيد شوية _معليش نزيد معاك نص ساعة ونروح بقيت حظناتو ولاصقة فيه حتى قالي خلاص عمري لازم نروح ياربي لوجدت روحي لازمني نوصل لهيه بكري بقيت ساكتة مينوشة نضت تكيت على صدرو حط يدو على خدي واشبيها مينوشتي قتلو مانيش حابتك تروح _واش راح ندير عمري الله غالب لازمنا نصبرو وخلاص سكت صحا مينوشتي درتلو براسي ايه خلاص انا نوض لدوش ونجي ناض راح لدوش وانا بقيت في بلاصتي حتى دخل لبس حوايجو وجا عندي واش مينوشة ماتنوضيش توصليني للباب قتلو ايه ضك نوش نضت قعدت دار وراه عطاني تريكوه لبستو ونصت دارني تحت جناحو وهبطنا التحت حل الباب ودار عندي شوفي مينوشتي قبل مانروح نوصيك ممنوع تخرجي ورايا غير للضرورة واذا خرجتي تخرجي مع يما واهم شي النقاب يا آية والله وتخرجي وجهك ماش مغطي واحد مايخلصك من بين يديا اك آية وجهك ممنوع يتعرا ثاني حاجة المكياج ولبسة الشلايق هذوك ممنوع تلبسي المستور ودوري وجهك قطرة مكياج ماتتحطش عليه راني نجي على غفلة كون نحكمك متزينة نفسدلك خليقتك بقيت ساكتة آية راني نهدر شفت معاها تفاهمنا درتلو براسي ايه بقا يشوف معايا بكيت ولا هزني عندو حط راسو على راسي اشششش ممنوع البكا خليني نروح وانا فرحان ودعيني بضحكتك ماشي بدموعك بقيت ساكتة ونبكي ولا يبوس في فمي ويهدر خلاص آية قلنا ممنوع البكا يالله امسحي دموعك ووريلي ضحكت بقيت نشوف معليش انا نمسحهم بقا يمسحلي في دموعي بفمو خلاص هاني مسحت وريلي ضحكتك باه نروح ضحكت صحيتي عمري تهلاي في روحك بزاف بزاف وتهلاي في يما معاك قتلو ماتخافش في عيينا بقا يشوف معايا وليت حظنتو بقا يمسح على شعري وظهري هيا حنونتي خليني نروح وتهلاي في روحك بزاف قتلو وقتاش ترجع _مانعرف حنونتي وين لقيت فرصة نجي لمينوشتي مهم انتي تهلاي في روحك يا الوريدة ديالي بقيت نبوس فيه نحبك بزاف وتهلا في روحك وراني نستناك ماطولش عليا حطني في لرض باسني على جبيني هيا ادخلي واغلقي الباب مليح ممبعد ضك نعيط ليما جي تروح باه ماتخليكش وحدك بستو على فمو رجعلي البوسة وراح مشا للباب حلو ودار عندي هيا ادخلي واغلقي الباب وراك بقيت نشوف معاه هيا آية رحت نجري عندو صوطيت عندو هزني بقا يبوس في شعري خلاص آية ماديريش هكذا خليني نروح وانا مرتاح والله كي نشوفك ديري هكذا نتقلق ونزعف وانتي مايهونش عليك زعافي ياك درتلو براسي ايه خلاص ملا ماتبكي عمري ماوالو تروح ترجع تكمل رقادها وتتهلالي في روحها وتستناني حتى نرجع باه كي ندخل عليك نلقاك كالوردة المفتحة بستو على خدو رجعلي البوسة هيا حبي روحي كملي رقادك وانا خليني نروح حطني في لرض بستو هيا روحي وادخلي غلقي الباب وراك قرصني من خدي ودرت نمشي دخلت درت عندو درتلو بيدي باي رجعلي بيدو دارلي براسو اغلقي الباب غير غلقتو وليت نبكي الدار ظلمة بلا بيه سمانة برك خلاني متيمة به........... يتبع

ادخلي في صفحتي وديري متابعة به مايفوتك ولا جزء من قصة

لازم كل منحط جزء نقلكم ديرو جام والله تحيروني مراك خاصر والو كي تخلي جام 

#قصة_واقعية 

الجزء14

 العشية درت العشا برك تعشيت انا والعجوز وطلعت رقدت ،حسيت ببوسات على فمي تخطفت من بلاصتي قعدت على ركايبي خلعت لقيتو هو هذا انا برك واشبيك تلحت عندو حظنتو بقا يشم في ريحتي ياعمري واش توحشتك كون ماجيتش وشميت ريحتك راني مت ماقدرتش نبقى بلا بيك بعدني عليه حكملي وجهي وقتاش جيت حبيبي _هذاوين حبي قتلو بصح كيفاه جيت _شعلت ناري عليك ماقدرتش نركح بلا مانشوفك ونشم ريحتك قلت والله نروح عندها نبقى معاها ساعة ولا زوج نشبع بيها شوية ونرجع حظنتو ياعمري مزية جيت حتى انا توحشتك _ماشي كيما انا ملي ذقت وانا مانيش قادر نشبع منك بعدت عليه قتلو وقتاش تروح نبقى معاك زوج سوايع مانزيدش قتلو تعيش ابقا معايا ل صباح _مانقدرش مينوشتي لازم على 4 نصبح خدام سكت ماتزعفي ماوالو خليني نحي منك شوية وحش في هذ الساعتين ونروح بقيت ساكتة آية حبيبي ماديريش هكذا خلينا نبقاو مع بعض ونحو شوية وحش باه نروح بقيت ساكتة ولا ماعجبكش الحال كي جيت حظنتو خسارة عليك والله بالعكس والله راني طايرة بالفرحة جيست حابة نبقا معاك وقت كبير حظني معليش حبيبي هيا عندي نحي شوية وحش منك باه نروح بقيت معاه زوج سوايع وناض لدوش دوش وجا رمالي تريكو هاكي نوضي البسي وصليني للباب نضت لبست ووقفت رحت عندو حطيت يديا ورا رقبتو وطلعت عندو ضحك كون قلتي هزني ولاه قتلو لالا انا نطلع وحدي تكيت على كتفو هبطنا التحت فتح الباب نوضي مينوشة نضت حط راسو على راسي شوفي عمري الصباح كي تخلصي شغلك ادي دراهم و ادي يما واخرجي انتي وياها اشري تليفون ولابيس وعيطيلي بيه وتليشارجي فايسبوك كي نروح منا ضك نفتحلك فايس ونعطيهولك ادخلي ليه ونبعتلك بتاعي ونولو نهدرو انا وياك بالفايس ونشوفك فلاكام قتلو اك تفاهمنا حبي وماتنسايش وجهك يتغطا قتلو لاه واش فيها كي نخرج بلا بيه ياك ماشي محطوط فالشرع _نقتلك آية كون تخرجي وجهك معري قتلو بصح علاه واش فيها _هكذا آية مانقدرش تحوسي يشوفوك ويقولو مرت مروان شابة قتلو وين يعرفوني بلي مرتك _راكي خارجة مع يما وانتي برانية على هذ الحومة سما الجيران والمعارف كي يشوفوك راح يعرفوك ديراكت بلي انتي مرتي قتلو ايه وامبعد ياك مرتك بالحلال ماشي مهربها _علبالي بصح انا لي نعرف عقليتهم الرخاس هذه هي خدمتهم يجو فالطريق والقهاوي ويجمعو بهدرو على بنات الناس ولي تفوت عليهم يبقاو يهدرو عليها وانا ياحنونتي مانحملش تفوتي عليهم ويبداو يهدرو مرت مروان شابة وعينيها شابين وشعرها صفر ولاطاي تاعها شابة ووو مانقدرش ديجا غير تخايلتها قلقت فما بالك يهدرو عليك صح غطي وجهك وامشي مايشوفوك مايهدرو عليك مانقتلك انتي وياهم ضحكت خلاص لي تريح حبيبي نديرها _ياعمري ناكلك على هذه الهدرة بقا يبوس فيا و حطني هيا ادخلي وديري كيما قتلك بستو نحبك رجعلي البوسة نعشق فيك هيا ادخلي انا نروح وانتي اغلقي الباب ورايا قرصني من خدي وراح غلقت الباب درت نمشي فجأة حكمتني واحد الدوخة حتى وذنيا ولاو يصفرو ونشليت حكمت فالحيط وطحت على ركايبي حكمت راسي حتى تنحاتلي نضت كملت نمشي دخلت لشمبرتي حكمتني وحد السعلة شحطت فقت للما رحت نجري شربت بدات تحبس انا حطيت الكاس شفت طراس تاع الدم عليه حطيت يدي على فمي مسيتو كي شفت مع يدي لقيت فيها دم رحت لدوش لافابو شفت مع فمي لقيتو مطلي بالدم حليت فمي نشوف مع ضروسي واقيلا من ضروسي شليت فمي بقيت نشل ونعاود مكانش دم واقيلا من ضروسي غسلت وجهي ورحت حكمت بلاصتي؛ فاتت سمانة هذيك العشية شريت تليفون وعيطتلو وفتحت فايس هدرت معاه غير هذيك العشية وقالي راني رايح البلاصة مافيهاش الريزو والكونيكيو وكي نلقا لوكازيو نعيطلك بصح في هذه سمانة لاحظنت روحي ندوخ ونعيا وونبرد بزاف وجهي صفر وعينيا بياضو ونحب غير نرقد وولساني ثقيل مانقدرش نهدر جيني الهدرة ثقيلة قاتلي عجوزتي واقيلا راكي تتوحمي راحت شراتلي تاست ودرتو مكاش حمل كل نهار نزيد على لي قبلو حكمت الفراش وحكمتني البرودة غير عجوزتي تشربلي فالدوا لعشية جابتلي العجوز العشا كي نوضتني لقيت فراشي مطلي بالدم قلت لي راڨل جاتني نضت بدلت وبدلت الفراشات الشهية مكاش ڨاع مانكلش ڨاع تبقى عجوزتي تحتملي مانقدرش غير نذوق برك يدور قلبي شربتلي دوا برك ورجعت رقدت سمعت تليفوني يصوني بالسيف باه هزيت راسي ماجيت نلوح يدي ونهز التليفون ساعة بقا يعيط ويعاود حتى هزيتو لقيتو هو ريبونديت عليه وي مينوشة لساني تربط ماقدرتش نهدر هو بقا يهدر الو آية اهدري بالسيف باه نطقت وي مروان _اهلا حبيبي راكي راقدة قتلو ايه كنت راقدة _قاتلي يما مريضة واشبيك مينوشة قتلو مسخنة برك _بالشفا حنونتي غدوا روحي انتي ويما لطبيبة ديري برا وتعطيك دوا قتلو نشالله _حنونتي هيا نعيطلك كام باه نشوفك قتلو ضك _ايه ضك حنونتي كوبا عليا نضت قعدت زعما باه نوض نسڨم روحي خاطر نخلع بمعنى الكلمة ماقدرتش فشلت عييت نتحرك وليت درت المخايد على ظهري المراية تاع الخزانة مقابلتي ملهيه شفت روحي سڨمت شعري برك عيطلي ريبونديت عليه وحطيت تليفون قابلتو ليا شفتو قاعد فالبيرو كي شافني تخلع مينوشة واشبيك هكذا واش صرالك قتلو مريضة _ياعمري بصح حالتك لاه هكذا سكت _غدوا روحي لطبيبة واش راكي تستناي في روحك قتلو راني نشرب فالدوا _والدوا مافادكش غدوا روحي جوزي جيبي دوا قتلو نشالله فجاة حكمتني واحد السعلة شحطت مابغاتش تحبس سمعتو يقولي اشربي الما فكرني فيه لحت يدي لتابل دونوي هزيت الكاس شربت بالشوية بدات تتنحا عليا حطيت يدي على قلبي وبديت نرجع فالنفس شفت معاه لقيتو يشوف معايا آية حالتك ماعجبتنيش غدوا تصبحي عند الطبيب سكت هذاك الزهر مرضتي وانا بعيد عليك مانقدرش نجي عندك قتلو ماجي ماوالو ضك نروح لسبيطار ندير برا ويتنحا عليا سكت عدلت روحي رقدت _نعستي مينوشة جيت نرجعلو تعڨنت بقا يشوف معايا آية واشبيك هكذا لساني تربط وليت نخرج بالحرف حتى تسرحت ونطقت _آية واشبيك هكذا ماكيش عاجبتني والله قتلو فشلت وعييت نهدر حابة نرقد _خلاص ماتهدريش خليني انا نهدر وانتي سمعيني برك بقا يهدر وانا ساكتة مرة نديرلو براسي مرة نقولو كلمة بديت ننعس ماقدرتش نكمل _نعستي حبي درتلو براسي ايه _هيا ملا نخليك مهم حبي غدوا صباح ادي يما وروحي لطبيبة وانا وين قعدت نعيطلك قتلو نشالله كوبينا عدلت روحي رقدت ديراكت مافطنتش لظهر حتى جات العجوز جابتلي لغدا حطتهولي وراحت بصح حكمتني واحد الحكة في جسمي تقول حاكمني لجرب قلت ندوش تولهت حتى لي راڨل راحت ضربة وحدة نضت كي السكرانة عييت نخطي خطوة حكمت فالحيط ونمشي حتى وصلت لدوش ماجيت ندوش بالسيف خرجت نطيح ونوض حليت الخزانة جبدت روبة لبستها جيت نمشي دارت بيا لرض طحت دخلت لعجوزة لقاتني طايحة جات تجري نوضتني داتني لسرير رقدتني قاتلي اطفلة حالتك ماعجبتنيش هيا نوضي نديك لطبيب يشوفك قتلها خلي برك ضك ناكل دوا اذا ماتنحاش غدوا نروح حتمت عليا الماكلة ماحبيتش ناكل شربتلي الدوا برك ورجعت رقدت غطاتني وخرجت حكمتني السعلة زربت شربت الما حتى حبست شفت الكاس فيه طراس تاع دم كي مسيت فمي شفت الدم على يدي دار قلبي زربت نضت رحت لدوش كي رجعت شفت الدم كي شفتو مت بالخوف بديت نشك في روحي بلي بيا حاجة رجعت لبلاصتي دارت بيا لرض ماقدرتش نمشي طحت في لرض وجيت نحبي حتى وصلت لسرير لحت يدي هزيت تليفون عيطت لبابا ريبوندا عليا قتلو بابا ارواح عندي لدار قالي لاه قتلو ارواح برك راني نستنا فيك قالي راني جاي وليت نبكي بديت نتوسوس من روحي سير بيا حاجة

بقيت نستنا حتى جا بابا طلعت عندي عجوزتي قاتلي باباك راه على الباب ارواحي عندو دخليه مكان حتى واحد من لولاد قتلها ايه روحي ادخلي ضك نعيطلو داتني خرجتني للباب وراحت هبطت دخلت للكوزنية وليت نعيطلو بابااا حل الباب طل درتلو بيدي ارواح قالي ارواحي قتلو ادخل برك مكان حتى واحد دخل وغلق الباب صورتو مضببة دخت حكمت فالحديد فقدت توازني طحت على الباب طلع عندي يجري حكمني واشبيك هكذا كي شاف وجهي تخلع واشبيك هكذا دخلني الشمبرة بقا يشوف مع حالتي واشبيك قتلو بابا راني مريضة _علاه واشبيك قتلو مانعرف راني نتقيا فالدم _كيفاه راكي تتقيا هذا قتلو ماعرف _مارحتيش للطبيب قتلو مارحتش _واش راكي تستناي وينو راجلك لاه مداكش قتلو مكانش هنا راه فالخدمة _نوضي نوضي نديك لطبيب قتلو اصبر نعيطلو سع نخاف مايحبش _روحي عيطيلو عيطتلو لقيتو طافي نوضني جابلي الجلباب لبستو درت النقاب هزيت صاكي وهبطني طحت خطرتين وليت نطيح ونوض رجليا يتخالفو خرجت لعجوزة وين رايحة آية قالها الطفلة فراش وانتما مخليينها هكذا _وحنا علاه عييت فيها ماحبتش قبيل برك قلتلها نديك ووصاني عليها راجلها ماحبتش تروح قالها ملا راح ندي بنتي عندي حتى تبرا ونرجعها داني معاه خرجني ركبني فالطوموبيل وطار بيا لسبيطار وصلنا دخلنا لطبيب قالي واشبيك بقيت نحكيلو بقا يشوف معايا ويخمم قال لبابا ضك نكتبلك اسم طبيبة مختصة روح عندو هو يفهمك مليح قالو لاه كاش ما كاين قالوو الطبيبة احسن حابين نتاكدو من حالتها خير من السبيطار كتبلنا اسم الطبيب ولادراس وخرجنا لطوموبيل وليت نبكي قتلو بابا راني شاكة في روحي عند مرض ماش مليح _بعيد الشر واش الهدرة ضك نروحو لطبيبة ونشالله مايكون والو ديمارينا للطبيبة وصلنا لقينا قدامنا زوج قعدت مع بابا الدنيا دور بيا حتى يديا يرجف قلبي يدور عليا وصلت دالتي قلت لبابا ضك ندخل وحدي دخلت عندها قلتلها بعثولي من سبيطار سقساتني واشبيك حكيتلها ڨاع الاعراض ناضت عندي بقات تشوف في جسمي شافت رجليا ماعرف واشبيهم راحت قعدت قاتلي كاش مراكي تضربي فليباري قتلها اواه مانضرب حتى برة _متزوجة انتي قتلها ايه متزوجة _راجلك كاش ماعندو فيروس مرض قتلها اواه ماعندو حتى مرض _كاش ماعندكم في داركم وراثة ولا مريض وعندو فيروس قتلها اواه مكان حتى واحد _لا تفكري واقيلا كاش ما واحد من داركم مريض قتلها اواه ڨاع لباس بيهم _مع من جيتي انتي راجلك وينو قتلها راه فالخدمة _تقدري تعيطيلو يجي ضك قتلها اواه مراهش هنا خدام بعيد علاه كاش ما كاين _قوليلي مع من جيتي قتلها بابا _مليح روحي عيطيلو جيت نوض قاتلي خلاص اقعدي انا نعيطلو راحت عيطتلو دخل وجا قعد قاتلو الحاج كاش ماعندكم واحد مريض في العايلة قالها اواه مكان حتى واحد ڨاع لباس الحمدالله ياربي قتلها كاش ماكاين خلعتيني شوفي راني شاكة بلي عندك فيروس فالكبد تاعك بصح ماشي سير ضك نبعثك ديري ليزاناليز باه نتاكدو قتلها فهميني كيفاه فيروس قاتلي روحي ديريهم ضك وجيبيهملي باه نتاكدو ضك مانقدر نقولك والو وليت نبكي ماتبكي ماوالو روحي ديريهم بربي نشالله مكان والو خرجنا من عندها قتلو بابا قتلك كاش مابيا مسح دموعو ودار عندي لاه تفاولي على روحك بربي نشالله ماكان والو هيا نروحو نديرولك ليزاناليز ونشوفو.......داني وين يديرو لزاناليز عطيتلهم الورقة دخلت نحاولي الدم وبقيت نستنا ونبكي الخوف شلني متاكدة بيا حاجة جات الفرملية عطاتني لي زاناليز وخرجت انا وبابا رجعنا عندها عطيتهملها بقات تقرا فيهم كيما توقعت قتلها واشنو خلعتيني _شوفي حنونة انتي عندك فايروس الكبد منقول ماعرف يا من زوجك مدامو هو اقرب ليك يا كاش وين تعديتي من واحد كان مريض بيه ماعرف واقيلا قاسك بدمو ولا كاش حاجة يستعملها هو واستعملتيها انتي قتلها شكون راجلي ماشكيتش _مانعرف ممكن راه هازو وماعلبالوش بيه ڨاع ولا واحد من العايلة تاعك بقيت ساكتة ونخمم تفكرتي جداتي هي لي عندها كونسار فالكبد حكيتلها واش صرا هذاك النهار قاتلي ملا هزيتها من عندها تعديتي من دمها قتلها وكيفاه ضك راح نموت بعيد الشر عليك بصح خليني نفهمك مليح انتي عندك فايروس س وكاين ال ب هذا يقتل ديراكت وانتي ستر ربي عندك النوع س نسبة تاعو ماشي قوية بزاف وهذا النوع عندو علاج بصح يحتاج مناعة قوية جدا وارادة قوية وانسانة قوية قبل مايطور ويولي نوع اخر ويتحول لسرطان قتلها وكفاه ضك واش ندير _غدوا ارجعي عندي نعاودو نشوفوك مليح ونقولولك واش ديري بصح اهم شي ارادة قوية لازم تغلبيه ماتكونيش ضعيفة ونحذرك عسي روحك لا تنجرحي ويقيس واحد دمك الدم راه يعدي بقيت ساكتة ونبكي شفت مع بابا لقيتو مهبط راسو ويبكي قاتلو الحاج ماتبكي ماوالو مرضها عندو علاج واه ضعيف لازمها غير تكون قوية وانتما لي توقفو معاها وتعاونوها قتلها وراجلي ممكن يكون هو ثاني مريض قاتلي مانعرف ممكن ايه وممكن لالا بصح مدام الاعراض خرجولك غير فالسمانة هذه وهو مكاش واقيلا مابيه والو خرجت انا وبابا نبكيو في زوج حسيت روحي قريبة من الموت اول مرة نخاف من الموت قتلو بابا يعني انا راح نموت حظني لاه تموتي بعد الشر ياك شفتي واش قاتلك الطبيعة لازم تكوني انسانة قوية غدوا نرجعو هنا وتتعالجي وتبراي جابني معاه لدارنا ماحبش يرجعني لداري وصلت لدار سقساتني ماما واشبيك قتلها غير مرييضة بقات تشوف معانا عيات تسقسي فينا قتلها والو رحت حكمت بلاصتي رقدت ديراك مافطنتش غير على صوت تليفوني نضت قعدت الدنيا دور بيا حليت صاك جبدتو لقيتو مروان غير شفتو خفت زعما كون يسمع بيا مريضة راح يبقى معايا علبالي يكره مني ويمل بقيت نشوف معاه وليت تفكرت بلي هو ثاني معدي وماعلبالوش هزيت عليه _الو آية قتلو وي مروان _اهلا حبي واقيلا ماعلبالوش بلي خرجت من الدار قتلو وي مروان انا راني خرجت مع بابا لسبيطار وجابني لدار وقبل مانخرج عيطتلك _علبالي مينوشة راني عيطت ليما وخبرتني واش راكي حبيبي قتلو لباس _واش قالك الطبيب قتلو والو مسخنة برك وعطاني دوا ماعرف لاه كذبت عليه بصح خفت يسمح فيا قتلو وانت واش راك ماكش مريض ياك _لا حبي لباس عليا انتي لي قاتلي يما حالتك ماتعجبش قتلو لا ضك ناكل دوا نولي لباس _حبي اذا شفتي روحك مضرورة بزاف نجي نروح قتلو ماجي ماوالو كمل خدمتك _حبي انا غدوا راح نخرجو لصحرا لبلاصة مكاش لاريزو لا كونكسيو اذا شفتي روحك مهلوكة ندير حاجة ونجي عندك قبل مانروح خاطر اذا روحت نطول قتلو لالا ماجي ماوالو كمل خدمتك بعقلك وانا راني هنا في دارنا غير نبرا نرجع لداري _خلاص حبي ملا ماتتقلقيش عليا غير نلقا اوكازيو نعيط لعمري مهم انتي تهلاي في روحك بزاف قتلو انت ثاني _هيا ملا نخليك راني مشغول قتلو ايه معليش وكوبينا ،في هذا الشهر صحتي من سيء لاسوء مانوضش ڨاع مالفراش خلاص وصلت لمرحلة اني راح نموت نضل عند الطبيبة مرة ناكل دوا مرة مانكلش غلبني المرض حتى الطبيبة وليت مانروحلهاش كرهت قتلهم خليوني في حالي حالتي لي يشوفني يتخلع كيفاه كنت وكيفاه وليت بقيت غير عظم مغلف بجلدة الميزان طحت ل 30 كيلو عظام وجهي خرجو وجهي اصفر حبة قارص عينيا بياضو رجليا تورمو جسمي ماعرف واش خرج فيه لطبيبة عطالي ليباري ودوا لازم كل 24 ساعة برا بصح قالي لازم الارادة والمناعة لازم تكوني قوية انا الخوف سيطير عليا حالتي نفسية زيرو كل نهار نقول غدوا ماشكيتش نزيد نصبح مروان يعيط وانا مانهزش ڨاع عليه جات عند عجوزتي شافتني تخلعت فيا قاتلي واشبيك قتلها مسخنة برك _واشبيك ماتهزيش على مروان واش كاين قتلها مريضة برك مانقدرش نهدر كي روحت لدار ماعرف قاتلو عليا حرق عليا تليفون وليت هزيت عليه ناض يعيط واشبيك انتي ماتهزيش واش كاين قتلو ماكاين _ضك نعيطلك لاكام تهزي قتلو مانهزش _علاه قتلو هكذا علبالي كون يشوفني يتخلع مايصدق بلي انا هذيك آية كلش تمحا فيا بقا فيا غير العظم وليت قد الكمشة كون يشوفني ماشكيتش يزيد يعيطلي يطلقني ديراكت عندو الحق هو تزوج باه يعيش حياتو مع مرتو ماشي يتغبن مع مرضها هو ديجا لي فيه ماكفيه نزيدلو انا خلي نجبد روحي بكرامتي خير مايخليني ويحطمني _آية اليوم قاتلي يما بلي حالتك ماتعجبش صارحيني واشبيك وليت نبكي _آية ماتبكي ماوالو احكيلي واشبيك واش مرضك قتلو مسخنة _ماتكذبيش عليا كيفاه كثر من شهر وانتي مسخنة احكيلي واش عندك قتلو ماعندي والو وطلقني _واشنوووو قتلو كيما سمعت طلقني مانيش حابة نبقى معاك _آية واش راكي تهدري هكذا علبالك واش راكي تقولي قتلو ايه علبالي طلقني _آية راني نكفر عليك والله _ماتكفر عليا ماوالو ياخويا طلقني وفكني خليني في حالي _واشبيك انتي واشبيك _مابيا والو ياطلقني يا نرفع عليك قضية خلع انا قتلو هكذا وهو يطيح عليا سبان وكفريات ترفعي عليا قضية خلع اصبري نروح غدوا غير نكسرلك راسك على هذه الهدرة قتلو واشبيك ماتفهمش مانيش حابة نعيش معاك ماشي بالسيف _آية بركاي ماتهبلي فيا قتلو كيما سمعت يا طلقني يا نرفع عليك قضية خلع _اصبري نروح عندك غدوا نوريلك هذه طلقني ونرفع عليك قضية خلع جيت نهدر عيط عليا آية روحي عليا روحي حتى نروح عندك غدوا كوبا عليا وليت نبكي كون يشوفني مايزيدش يرجع علبالي راح يحطملي نفسيتي برك حابة نجبد بكرامتي قبل مايخليني هو..# يتبيتبع

#ادخلي في صفحتي وديري متابعة به مايفوتك ولا جزء من قصة

#قصة_واقعية 

الجزء15

لغدوا فليل جابتلي ماما العشا حتمت عليا مغرفة ولا زوج وغطيت راسي رقدت مرات ندخل حتى غيبوبة سمعت صوتو يعيط عليا ماعرف صح ولا راني نتخايل ماقدرتش نوض وليت مانفرقش بين الخيال والواقع حسيت بيد تضرب عليا خدي وهو يعيط عليا نص ساعة وهو هكذا معايا حتى حليت عينيا لقيتو قاعد قدامي يدو على خدي ياعمري واشبيك هكذا واشبي حالتك وليت نبكي اششش ماتبكيش خلاص عمري خلاص هيا هاتي يديك نوضك حكملي يديا قعدني دارلي المخدة ورا ظهري بقا يشوف معايا مصدوم تعڨن مالقا مايقول هيا احكيلي راني نسمع واشبيك واش عندك قتلو مسخنة برك _شوفي آية مكلاه تهبليني احكيلي واش عندك واش قالك طبيب ماتكذبي عليا ماوالو قتلو راني قتلك مسخنة ناض يعيط ماتهبلنيش آية ليل ليل وتخليني نعيط في داركم احكيلي واشبيك بقيت ساكتة هيا آية راني نسمع قتلو مابيا والو راني نقولك مسخنة بقا يشوف معايا انتي حابة تهبليني ولا كيفاه شوفي حالتك بقا فيك غير العظم وتقوليلي مسخنة واش من سخانة هذه لي كثر من شهر قتلو كيما سمعت حابة تصدق صدق ماكش حاب الله يسهل _آية ماتهدريش معايا بهذ الاسلوب واحكيلي واشبيك ماتخلنيش نعيط الليل الليل بقيت ساكتة حتى حكمتني واحد السعلة عطاني كاس ما شربتو حتى راحت وحدها كي مسحت فمي لقيت دم في يدي حكملي يدي طبعتو عليا بعد ماتقيسش دم راني نعديك هاتي هنا نشوف واش تعديني هذه طبعتو عليا مروان بعد عليا لا نعديك بقا يشوف معايا بواه تعديني مافهمتش نضت نحيت الغطا وين رايحة قتلو لدوش راح نغسل _هيا نوضي نديك قتلو نروح وحدي انت بعد عليا لا نقيسك ماقدرتش نتحرك رجليا فشلو ولا ناض نحا عليا الغطا هبطلي الروبة وهبطلي رجليا جابلي بليغتي لبسهالي وجا حط يدو عل جنابي نوضني وقفت دنيا ڨاع دور بيا راح نطيح حكمني جا يجي قدامي قتلو بعد لانقيسك جا ورايا وداني لدوش لافابو حلي العين غسلت يديا مليح وغسلت وجهي وشلبت فمي عقمت روحي مليح ورجعني لشمبرة رحعني لبلاصتي قعد قدامي اهيه راني نسمع احكيلي واشبيك قتلو مريضة _علبالي مريضة احكيلي واش عندك قتلو عندي فيروس فالكبد تاعي _كيفاه فيروس منين جاك الفيروس انتي بقيت نحكيلو وهو يشوف معايا ونسمع حتى خلصت وانتي علاه ماتروحيش لطبيب وديري ليباري وتاكلي دواك قتلو بلا فايدة _علاه حتى بلا فايدة راه قالك بلي عندك علاج سكت هيا نوصي نروحو لدار غدوا نديك لطبيب واحد اخر قتلو مانروحش راح نبقى هنا عند بابا وانت مكلاه تعب روحك معايا ممبعد تكره وتمل خليني هنا عند ولديا يهزوني حتى يدي ربي امانتو وكيما قتلك البارح طلقني ونفكو شريط بقا بشوف معايا علبالك آية كون ماجيتيش مريضة نضربك نقسمك على هذه الهدرة ضك تنوضي معايا لدار وغدوا نروحو لطبيب وتبداي العلاج تاعك مانقبل حتى دلال اك قتلو مانيش ندلل _لا راكي تدللي وانا مانحبش واحد يدلل عليا سورتو اذا الدلال يضرو كيما انتي ضك ماتهدري معايا ماوالو هيا لدارك غدوا نروحو لطبيب مكان لا تعب لا تمسخير في هذا الموضوع قتلو راح نبقى هنا عند والديا هما ملزومين بيا ماشي انت _اااا والله سما انتي غدوا نطيح ونمرض راح ترميني عند والديا وتقوليلي مانيش ملزومة بك قتلو لالا جامي _لالا على حساب هدرتك هكذا سما غدوا نطيح مانلقاكش في كتافي راح ترميني وتروحي قتلو خسارة عليك والله نهزك على راسي _بالعكس راني نشوف فيك راح ترميني قتلو شكون لي قالك _انتي لي راكي تقولي شوفي هدرتك تاع انت ماكش ملزوم بيا والديا لي ملزومين بيا سما انتي عندك هكذا لي يمرض يهزوه غير والديه لا مرتو لا ولادو قتلو لا مانيش نقول هكذا _راكي تقولي فيها أيه وراكي قلتيها ديجا سما انتي ظهرتي انسانة مافيكش الخير غدوا غير نمرض ترميني على والديا وتقوليلي مانيش ملزومة بك قتلو لاه تهدر هكذا _مانيش انا انتي لراكي تهدري هكذا سكت شوفي آية مرتي كي طيح من واجبي نهزها ونفس الشي هي اذا ماهزيتكش ضك وقتاش نهزك هنا يبان الحب والوفاء بين الزوجين في هذ المواقف اذا ماهزيتكش ضك وماوقفتش معاك في وقت الشدة ماعندك ماديري بيا ونفس الشي انا اذا مالقيتكش وقت الشدة وماوقفتيش معايا ماعندي ماندير بيك صح ولا راني غالط درتلو براسي ايه هيا ملا نوضي نروحو لدارنا وغدوا نروحو لطبيب ونعاودو كلش من جديد مانقبل منك حتى دلال والهدرة تاع البارح طلقني ونرفع عليك قضية خلع تسلكيها غالية هيا نوضي وراهم حوايجك قتلو ماعرف _اصبري نعيط ليماك جي راح خرج عيطلها جات لبستنى هو هز دواواتي وكوارطي وخرجني لطوموبيل وصلنا لهيه طلعني لشمبرة جاو ڨاع طلو عليا حتى سلافي غير خرجو قتلو مروان ديني لدوش حابة ندوش_هيا نوضي انا ندوشك داني لدوش عراني ودوشني بعقلو خرجني لبسلي سورتي با وجينا لشمبرة بقا ينشفلي في شعري بقيت نشوف معاه حابة نبوسو بصح خفت نعديه هبط راسو لقاني نشوف معاه واش مينوشة قتلو حابة نبوسك _بوسي شكون حكمك قتلو خفت نعديك _بوسي برك ماتعديني ماوالو قتلو اواه نخاف ولا باسني هو قتلو مروان _وي حبي قتلو خفت نموت _ماتموتيش والله ماتموت ضك ندي مينوشتي نعالجها كون مانرجعكش خير من لي فات ملا بصح هذاك الوقت تولي نقاب وديريه فالدار واحد مايشوف وجهك غير انا ضحكت والله كيما نهدر معاك اشفاي عليها كيفاه نرجعك قتلو ماعرف خايفة _ماتخافي ماوالو ياك الطبية قاتلك عندو علاج بصح يحتاج ارادة قوية وانسانة قوية مافهمتش انتي لاه راكي ضعيفة هكذا حابة تموتي وتخليني ولا كيفاه درتلو لالا هاه ولاه راكي تلعبي بروحك لازمك تكوني قوية وتتهلاي في روحك من اليوم الماكلة والشراب والعلاج حتى تبراي ممبعد نعوضو كلش انا وياك بقيت نشوف معاه مروان والله نخاف تعبك يروح في باطل مانبرا ماوالو ممبعد تمل مني وتكره _كيفاه نكره آية سما كي تكوني صحيحة نحكمك وكي تمرضي نرميك ملا هذا ولا حب مظاهر فقط كنا غير نكذبو على بعضانا سكت آية مكلاه تحسي روحك ثقيلة عليا هذا الشي من واجبي وبلا مزيتي ونفس الشي انتي حتى انا راح يجي نهار ونطيح ونلقاك في كتافي ولا مانلقاكش وترميني على يما؟قتلو بعيد الشر عليك فيا ولا فيك _ماتقوليش هكذا حبي بعيد الشر عليك وانتي ماتعمري راسك بحتى حاجة اتهلاي في روحك هذا مكان صحتك اهم من كلش اك حبي قتلو اك هيا رواحي ترقدي باه صباح نبكرو عند الطبيبة داني السرير عاوني رقدت وجا رقد معايا وليت درت عطيتو بظهري علاه مينوشة قتلو هكذا خير نخاف نعديك _ماتعديني ماوالو درت عندو حتى انت روح شوف روحك واقيلا تعديت وماعلبالكش _اواه مابيا والو رحت ديجا لطبيب لهيه كون كاش ماكاين راه قالي انتي مهم التهاي في روحك برك سكت درت رقدت ورقد ورايا بقا حاظني ويبوس في شعري حضورو هنا معايا ريحني بزاف وحسنلي نفسيتي ودارلي نشاط ،لغدوا صباح بقا ينوض فيا حتى نضت هيا حبي نوضي وجدي روحك باه نروحو نحا عليا الغطا قعدني كلش يدور بيا ومضبب وفشلت هيا هاتي يدك هنا رجعت رقدت واشبيك حبي بقيت غير نازع واشبيك آية قتلو فشلت قعدني ودارلي المخايد ورا ظهري جاب لنجات مسحلي وجهي ويديا وراح جابلي حوايجي لبسني بيجامة تاع القطن جاب جلباب قتلو مانلبسش هذا عطيلي حجاب خير راح جابلي حجاب لبسهولي عطاني الخمار درتو ودارلي النقاب نحاه على وجهي عاوني نضت حطيت رجليا لبسلي البيلغة ونضت لبسلي الفيستا ونوضني هيا نديك تفطري ونروحو قتلو لالا مانفطرش ضك يدور عليا قلبي ونتقيا راح هزلي صاكي فيه ڨاع كوراطي وهبطني التحت ركبي فالطوموبيل داني عند طبيب واحد كبير شيخ حنا لولين دخلنا لقيتهم يعرفو بعضاهم بقاو يهدرو ممبعد قالو الخير برك بكرت عندي حكالو وعطالي كوارطي قالو خلي تنحي على وجها شفتو كشغول متردد ضحك واشبيك راني في مقام جدها ماشي حتى باباها اكيد مراحش تغير عليها مني قالو الله غالب طبيعة قالو نحي نحي صحتها اولى من غيرتك دار عندي نحي نحيتو على وجهي بقا يسقسي فيا على الاعراض وكلش وانا نجاوب وهو بقا يشوف معايا مانحاش عينو عليا ڨاع بقا غير يتفرج فيا كيفاه نهدر غير خلص اسئلتو قالو هاه واش رايك _روح قيسلها نسبة الفيروس ورجعها عندي نقولك واش دير

خرجنا من عندو زرب هبطلي على وجهي خرجنا ركبنا فالطوموبيل رحنا لسبيطار قيسنا نسبة الفيروس لقيناها شوية قوية رجعنا عندو قبل ماندخلو مينوشة من اليوم كي تهدري مع واحد بغيري هبطي راسك واهدري مكلاه تقابليه بوجهك وتهدري سكت دخلنا عندو قالي نعطيك دوا واباري بصح داومي عليهم ونعطيك علاج طبيبعي كيما الشاي الاخضر والكركم والسيليبين والجينسنغ هذو ڨاع يصفو الكبد من السموم ويحميوه من التلف والسرطان وينقصو من الالتهاب بصح لازم تبعي كلش بانتظام وماتتقلقيش راح طولي باه تبراي بصح اذا تبعتي كلش بانتظام راح ينقص هذا الفيروس حتى يموت ستر ربي ماشي قاوي بزاف سما تغلبيه نورمال اهم الشي تكوني قوية وماتكرهيش وتكوني صبورة حتى تبراي بربي نشالله كتبتلي الدوا والمضادات وفهمتني فالاعشاب كيفاه نديرهم وخرجنا من عندو ركبنا فالطوموبيل دار عندي شفتي واش قالك مانقبل حتى دلال من عندك ديري واش قالك ڨاع حتى تبراي اهم شي تكوني صبورة وماتكرهيش قتلو نخاف انت لي تكره _انتي واش يهمك فيا ااتهلاي في روحك وفي صحتك واخطيك مني وانا نزيد نعاودلك نوقف معاك بلا مزيتي ديجا ضك راني دايرك كي بنتي صغيرة ندلل فيك ونساعفك فيك حتى تبراي بصح كي تبراي تشوفي واش ندير فيك ضحكت قرصني من خدي حبي تهلاي في روحك وفي صحتك واصبري بالشوية ضك تبراي وترجعي خير ما كنتي مهم كوني قوية قتلو نشالله،جبت قريب 5 اشهر وانا نتبع في نفس العلاج مرة نكون مليحة مرة يزيد عليا الحال 5 اشهر وانا فراش شفت الويل كاس مانهزوش هو ماشي وقف معايا برك دار معايا كثر من واجبو وجهدو شمبرتي رجعهالي سبيطار يجري بيا لكل بلاصة واذا شافني مانيش قادرة بجيبلي الطبة و الفراملة لدار العقاقير ڨاع جابهملي ودارهملي بقا بين رجل فالخدمة ورجل فالسبيطار ورجل فالدار يروح يخدم ويوصي عليا عجوزتي ويما يبقاو معايا غير يلقا اوكازيو يجي عندي يدوشني ويلبسني ويغديني ويعشيني ويشربلي دوايا يديني لتوالات كي نكون ديخانة ومانقدرش نوقف يديرلي كالطفل الصغير يهبطلي البيجامة ويقعدني ويحكملي يديا باه مانطيحش كي نخلص يطلعلي البيجامة ويغسليا يديا ويرجعني لشمبرة فالنهار يضل يجري بيا فالليل يبات نايض معايا يشتاق يرقد ساعة كي ناس نقولو ديني لدرانا خلي يما تقوم بيا مايقبلش يقولي انا راني هنا كي نروح جي يماك كي يرجع للخدمة يخليني في افضل حالاتي غير يروح نعاود نطيح يعيطلي فالتليفون بلكام ويبقا يهدر معايا حتى ننعس ونرقد

المرة اللخرة طول قريب 20 يوم ماجا ماعيط تقلقت وساءت حالتي سير كره مني ومل عندو الحق انا وكرهت من روحي وين راح يجي المراة غير راقدة فالفراش يجي يحط راسو يرقد نوض نتوجع على راسو ويزيد يخدمني من الفوق يدوش ويلبس ويوكل ويشرب ويحاول ويلحلح ويحظن عندو الحق يكره دخلت عليا عجوزتي لقاتني نبكي ياخاه واشبيك تبكي قتلها مروان عندو 20 يوم ماعيطش _هاه راني جيت نقولك بلي هذاوين عيطلي هدرت معاه دقيقة وكوبا قالي راني في بلاصة بعيدة مكاش ريزو ومشغول سقساني عليك برك وكوبا هكذاك سكت هيا نوضي تهبطي التحت مع لبنات قتلها شكون _عفاف وجوهرة ويماها وختها جات نوضتني مشطتلي شعري حكمتهولي مسحتلي وجهي بلانجات جابتلي البليغة لبستهالي ونوضتني وداتني معاها حتى خير عجوزتي ماننساهش وقفت معايا هي وعفاف هذيك سمية ماجيش واذا جات طل عليا برك وتروح وتسممني بهدرتها بصح خير مروان جامي ننساه كون يطلب عمري نعطيهالو جامي توقعتو يخرج معايا هكذا مايتقلق مني ما يمل يبقا غير يساعف ويحظن ويلحلح ويحاول فيا محاولة ماشي دار معايا غير الواجب دار معايا كثر من الواجب ولهيه يما لي جابتني من كرشها تتقلق مني اذا ماحبيتش ناكل دوا تبقا تعيط عليا وتكره هو يعاملني خير منها ،دخلنا لصالو تاع العجوز لحت السلام جات عندي عفاف تجري ياعمري شكون هبط اليوم داتني للفوتاي دارتلي المخدة ورا ظهري عاونتي قعدت تكيت على ظهري قعدت معايا هاه واش عشيتي اليوم قتلها لباس بقاو يهدرو نطقت ام جوهرة قالت لعجوز والله ياالعجوز ماينا على ولديك واش حمل فيها كون جا واحد اخر راه رماها وتزوج عليها قاتلها اوو لاه يرميها ماشي مرتو حتى هو ويجي نهار ويطيح ومراح تهزو غير مرتو انا مراحش ندوملو _بصح بالعجوز والله بزاف قريب 5 شهر وهي فالفراش بزاف انا وكرهت في بلاصتو يضل مطايش برا وكي يجي لدرا يريح شوية يلقا المراة فالفراش وتنازع وتعيط وتبكي لا شكون تستقبلو لاشكون تقوم بيه لا شكون تتهلا فيه ومن الفوق همها يضل يجري بها من بلاصة لبلاصة والله يزاف كون جيت في بلاصتك غير نزوجو ونجيبلو وحدة تتهلا فيه وهي حتى تبرا قاتلها كيفاه نزوجو هذا تقبلي انتي بنتك تمرض ويرميها راجلها ويجيب وحدة اخرى جديدة عليها سكتت اواه يا العجوز كيما لازم على المرأة تهز راجلها حتى الراجل يهز مرتو ماشي كي تكون صحيحة مليحة وكي تمرض وطيح صحتها ماشي مليحة انا ماربيتش ولادي على هذه العقلية ربيبتهم يهزو نساهم ويتهلاو في نساهم باه كي يجي نهار ويطيحو حتى هما يهزوهم ومايكرهوش منهم انا مانيش دايماتلهم هو نهار تضرب ودار اوبيراسيو شكون هزو وشافو من غيرها هي انا ماشفتو ماحوست عليه ديجا مانيش في عمر باه نتهلا في واحد انا زوجتو باه تلمو وتتهلا فيه الله غالب المرض جاها من ربي وراهي تتعالج ضك تبرا وترجع لدراها وراجلها وتتهنى _بصح راهي مريضة ماهيش قادرة لا لمسؤوليتها لا لمسؤولية راجلها قاتلها سما كي مرضت نروح نعاود نزوجو وتزيد تمرض هذيك نزيد نزوجو ونبقا غير هكذا كل مرضت وحدة نجيبلو وحدة هذا ماشي حل يا العجوز وحدة تكفيه بقات تعوج في فمها ماعجبهاش الحال قاتلها سمية ياخالتي يما راهي تخمم غير على مروان قاتلها الله غالب ماعندي مانديرولو يصبر على مرتو حتى تبرا ممبعد ساهل الحال

جبت يمات وانا هكذا نفوت وقتي غير فالشمبرة مع يما غير تروح يما تهبطني العجوز التحت جي سمية تضل تمعنيلي بالهدرة بلي مروان كره ومل مني وحاب يتزوج وعلابيها مروحش واقيلا عندو وحدة لاتي معاها وتضل تحكيلي بلي لهيه فالجيش يديرولهم حفلات ويجيبولهم نسا ويديرو معاهم كلش حطمتلي نفسيتي تضل تقلق فيا بالهدرة نخرج انا مانضويش وسوستني هو كل مايفوت الوقت مايعيطليش نقول صح عندها الحق سير كره مني وعندو غيري والله يا كي بقات تمعنيلي الراجل مايقدرش يصبر على الفراش وسوستني من هذا الشي سورتو كعاد عندو بزاف ماتوشانيش بقيت انا نطلع ونهبط وقلقت وغرت وهبلت حتى تفلقت بالدم نزفت الدم يشرشر مني داوني لسبيطار حبسولي نزيف قالولي نورمال هذو من اعراضو، خرجوني لدار كي حكيت لماما شعرة ضربتني واشبيك تبعي فيها راهي غارت منك تحوس تخلي دارك يا الجايحة باه تديهولك ماتزيديش تهبطي التحت وتقعدي معاها بصح التوسويس والغيرة كلاوني ماكلة طيرو عليا النوم نبات نبكي اليوم كمل شهر ماروحش عييت نرقد غير نغمض عيني نبدا نتخايل في مروان مع وحدة بقيت نطلع ونهبط حتى تقلقت وتقيبت دم زربت نضت لدوش دوشت لبست سوغتي بابا وخرجت حكمت فالحيط ونمشي ماقدرتش نوقف طحت على ركايبي وليت نبكي كرهت من مرضي وعجزي وليت عالة عليهم ڨاع حتى راجلي عاد يهرب مني ومايروحش لدار كره مني ومن مرضي تكيت على الحيط ونبكي حتى لقيت الباب تحل شفت غير رجليه طلعت راسي عندو دار غلق الباب كي دار لقاني متكيه على الحيط ونبكي جا بجري عندي آية واشبيك هكذا قعد عندي حكملي وجهي واشبيك عمري واش الحالة هذه بقيت غير نبكي بقا يشوف معايا اهدري واشبيك قتلو وين كنت _فالخدمة وين راح نكون بقيت نشوف ياك قتلك خليني عند والديا هما يقومو بيا مكلاه تعب روحك معايا ممبعد تكره مني وتمل وتولي تهرب مني بقا يشوف معايا واشنو مافهمتكش قتلو كنت قادر تقولي خلاص هنا وبزاف ماقدرتش نزيد نحملك كثر من هكذا روحي لداركم كون راني رحت لاه حتى تولي تهرب مني وماتروحش لدار _واشبيك انتي واش الهدرة هذه شكون قالك راني نهرب منك وليت نبكي و نعيط ونضرب ماشي حتى نقولي راهي باينة ڨاع علبالي كرهت مني ولقيت وحدة غيري وراك جوز في وقتك معاها بصح كون قتلي راني فهمت روحي وحدي لاه حتى ديرها ورا ظهري وتخوني ياك طلبت منك الطلاق بقا يشوف معايا كلمة فهمها وكلمة مافهمهاش _أطفلة واشبيك منين راكي جيبي فالهدرة هذه وليت نضرب في روحي طلقني مانبقاش معاك يالخداع علبالي كرهت مني ضك نروح وحدي بلا ماتحاوزني بقا يحكم فيا واشبيك ديري هكذا اتكالمي بقيت غير نضرب وهو يحكم فيا مافقتش حتى نزفت بقيت غير نطير هو يحكم فيا حبسي راكي نزفتي الدم يجري منك... ... يتبع

#ادخلي في صفحتي وديري متابعة به مايفوتك ولا جزء من قصة

#قصة_واقعية 

الجزء16

ماحبيتش نحبس تهسرت وحكمني انهيار عصبي وليت نرعش ماقدرتش نحكم في روحي حتى ضربني بكف حكمت وجهي وبقيت نشوف غير شفت الدم تخطفت من بلاصتي جا يحكمني بعدت بعد لهيه لا يقيسك الدم بعد جا يحكمني وليت نعيط بعددددد عليا الدم يقيسك واشبيك _خلاص اتكالماي برك مانقيسكش ارواحي نعطيك حوايجك نديك لسبيطار اواه مانروحش نورمال ضك ندوش برك ووندير لي بوند _هيا روحي ادخلي دوشي ضك نجيبلك حوايجك قتلو اصبر نسيق منا _روحي برك ضك نسيقو انا دخلت لدوش درت عندو مروان عندك دم يقيسك _روحي برك حبي ماتخافيش راني علبالي دخلت لدوش نحيت سوغتي با لحتو فالصاشيات رميتو ودوشت وغسلت الدوش مليح درت الفوطة وخرجت لقيتو هاز فروطوار ولاح الما ويخرج فيه مسكين غاضني يضل برا يتميزر ويزيد يجي هنا يلقى همي قتلو هات نكمل _لا حبي روحي برك البسي حوايجك كملت لشمبرة لبست وحكمت بلاصتي دخل قتلو غسلت يدك مليح _ايه حبي غسلت ماتخافيش جا عندي قعد هاه واش حوالك سكت واشبيك مينوشة قتلو مروان خليني نروح لدارنا حتى نبرا ونرجع بزاف عليك _ولينا آية راح نبقاو غير نعاودو في نفس الموضوع ديجا واش الهدرة هذيك لي قلتيهالي انا نهرب منك ومليت منك وخنتك وعندي غيرك نجوز معاها وقتي واش الهدرة هذه آية منين راكي تجيبي فيها سكت قولي آية صار انا نضل من جبل لجبل ومن صحرا لصحرا من واد لواد مانرقد لا ليل ولا نهار نجري ونتميزر فالبرد والشموسات وعقلي غير معاك نخمم غير فيك يادرا واش راهي دير آية يادرا برات يادرا راهي تاكل في دواها يادراه راهي متهلية في روحها وفلخر جاية تقوليلي هذه الهدرة بلي راني نخون فيك وراني مع غيرك ونجوز في وقتي بقيت مهبطة راسي و ساكتة قولي آية هذا ماستخسرتي فيا بلي راني نجوز فالوقت شفت معاه والله ما انا بصح سمية تضل تمعنيلي بهذا الهدرة حتى هبلتني _علاش ماتعرفنيش انتي حتى جي سمسة تهدرلك عليا وتشكي فيا قتلو ماعرف حتى انا قلت بلي راك كرهت مني ومليت وعندك الحق _ماكرهتش آية مستعد نهزك طول عمري مهم كوني لباس برك سكت آية علاه ديري هكذا في روحك وفيا علاه تعذبي فينا بقيت ساكتة طمني بالك والله ماكرهت منك ولا مليت انتي ابرايلي برك هذا مانحتاح منك صحا آية قتلو صحا هيا ارواحي ارقدي تريحي باه غدوا نديك لطبيب يشوفك تبان حالتك خير من قبل عدلت روحي رقدت ورقد ورايا درت عندو علاما حط راسو داه نوم بقيت نشوف معاه من وجهو يبان تاعب وانا زدت كملت عليه بهبالي ،لغدوا داني لطبيب شكرلي حالتي خير من قبل كون نكمل هكذا نبرا الفيروس بدا ينقص خرجت من عندو فرحانة ركبنا فالطوموبيل دار عندي هاه كون تكملي هكذا تولي خير من قبل سكت قرصني من خدي داني لدار غداني وشربلي دوايا هيا عصفورة ارقدي انا راني خارج هنا ضك نرجع قتلو ايه باسني على شعري وخرج

جابتني الفطنة نضت ديخانة وفشلانة ودار قلبي نضت حكمت فالحيط نمشي تقييت غسلت وجهي قلت نهبط التحت كرهت من الشمبرة رحت نمشي حليت الباب خرجت على الباب حتى نلقاه واقف مع سمية عاطيني بظهرو وهي مقابلتني لابسة روبة ديميمونش مفصلة عليها تفصال مطلعة شعرها ومكياج طابلو ومحمرة شواربها بقيت نقارن في روحي بيها سير راه لاحظ الفرق بيني وبينها هي فالزين تقتل وانا نشبه لمصاصين دماء بقات تهدر وتتمعقن ومخرجة صدرها ودير في واحد الحركات وجعتلي قلبي هو مهبط راسو وساكت قلت نطير منا نسوطي عليها نقطعها عيطتلو مروااااان دارو عندي في زوج جا عندي قاتلي هي واش آية مازالتي برك فالفراش راكي جايبتها غير رقاد قتلها راني في داري وانا حرة نجيبها فراش ولا رقاد واش دخلك انتي جا عندي هو حكمني من ذراعي هيا ارواحي درت عندها والخطرة الجاية استري روحك ماتبقايش معرية روحك هكذا راكي تباني وحدة رخيسة حكمني من ذراعي بلعط فيا عينيه آيااااا قتلو واشنو آية علاه انا واش قلتبها ياك حرام تعري قدام راجل غريب دخلني وغلق الباب امشي معايا امشي داني لشمبرة ضربت ذراعو درت عندو لاه كنت واقف معاها واش كنت دير معاها عيط عليا آيااااا احترمي ** روحك وسڨمي أسلوبك ماتهدريش معايا بهذه الطريقة قتلو علاه واش قلت حتى نسڨم اسلوبي راني نسقسي لاه كنت واقف معاها واش كنت تهدر معاها _والو ماعندي مانهدر معاها قتلو كيفاه ماعندك ماتهدر معاها وانت بقيت واقف معاها وهي مخرحتلك صدرها وتهدر معاك _آية تحترمي روحك ولا نخبطك بكف قتلو اااا راح تخبطني بكف كي شفتها هكذاك جيت عندي تحوس تخبطني بكف با خويا جيبهالي ملخر وقولي كرهت منك ضك نعرف صلاحي تهنا ضك نهز قشي ونروح لدار بابا وراني خليتهالك هذا مكان هاي ليكم علبالي كثرت عليكم درت نمشي حكمني من ذراعي واشبي عزرينك انتي ديري هكذا البارح مع وحدة واليوم مع سمية ماتبركايش من هبالك انتي اه وقتاش يخلاص هبالك راني مليت منو وليت نعيط اااا هذاوين استعرفت ايه طولت بصح كون هدرت ملول ولاه كنت قاتل روحك وتمثل عليا _انا نمثل عليك صار هكذا ايه يعطيك الصحة وليت تهسرت بركا مدير روحك انت الضحية وانا لي غالطة كرهت من تمثيلك عليا ونفاقك وداير روحك تحبني وتهمك صحتي خلاص صاي كشفتك تقدر ترجع لحقيقتك كيما كنت ديجا انا اصلا ماقتلكش هزني ولا قوم بيا انت لي راك متعب روحك انا ملول قتلك طلقني ومانيش حابة نبقى معاك خاطر علبالي بك ماتحبنيش ومانهمكش لا انا لا صحتي كنت غير تمثل ولا تسيف في روحك باه تحبني ألور مكلاه تزيد تعب روحك كثر من هكذا صاي ارجع كيما كنت وانا طلقني خليني نروح في سبيل حالي بقا يشوف معايا مصدوم هذا ڨاع خرج من عندك انتي هذا ڨاع شداتو في قلبك عليا ايه والله غير يعطيك الصحة ودار يمشي فجأة وليت نعيط ونقطع في شعري دار عندي تخلع فيا جا عندي عندي واشبيك انتي واشبيك مريضة ولا مهبولة فيقي مع روحك لاه راكي ديري هكذا والله كرهت من دلالك وعقليتك بزاف عليا بركاااااااات كيما درت معاك ماصلحتيش واقيلا نروح ومانزيدش نرجع خير وانتي ابقاي وحدك القاي حل لعمرك مدامني انا منافق ونمثل عليك دار خرج وليت نعيط عليه ونبكي بصوتي فجأة حكمتني واحد الدوخة وظلامت عليا الحالة ماجبتش خبر لعمري كيفاه طحت ماعلباليش شحال فات الوقت متاكدة بلي رقدت بزاف فطنت حليت عينيا لقيتو واقف قدام البالكو يتكيف وليت نبكي واش خفت يروح يخليني عيطتلو مروان دار عندي طفا الڨارو وجا عندي تكا على ذراعو بقا يشوف معايا لاه راكي تبكي الشي لي قلتيه ودرتيه وتزيدي تبكي بقيت ساكتة بقا يشوف معايا آية راح نبقاو هكذا انا وياك راح تبقاي غير بتخمامك هذا الناقص فيا منين جاوك هذ الافكار ڨاع علاه حتى نمثل بلي نحبك كون جيت مانحبكش نقولهالك نورمال بلي مانحبكش بصح قسما بلي خلق الكون ف6يام غير راني نعشق فيك فوق هذ الهدرة واش نقولك بقيت ساكتة آية حبيبي هذه المرة راني راح نحاولك تعيشي عمري تعيشي راني نحاول فيك نحي هذ الافكار من راسك وتهلاي في روحك وفي صحتك صحتك اهم مني ومن مشاعري وڨاع مايهمك لا فيا لي في فلانة لا في علانة صحتك هي الصح غير تبراي ممبعد لكل حادث حديث انتي ابراي واش تحبي نديرهولك تحبي حتى نطلقك اذا عادت راحتك في الطلاق نطلقك سكت راحتك فالطلاق آية حابتني نطلقك اذا عادت راحتك فالطلاق نطلقك خاطر وليت نحس بلي انتي لي ماتحبنيش وماكيش حابة تبقاي معايا بقيت ساكتة قولي راحتك في طلاقك مني درتلو براسي لالا بقا يشوف معايا وليت طلعت يديا حطيتهم ورا رقبتو وحظنتو راحتي كي نبقا معاك حابة نبقا معاك انت بقا يبوس في رقبتي ويهدر ولاه انا راح نطلقك بعد ماعوضني ربي بمينوشة كيما انتي نطلقها واشبيا لاه مريض في راسي تموتي ومانطلقش بعدني عليه آية انا راني رايح ضك عندي خدمة ونطول شوية باه نرجع توصل حتى لشهرين وراح نبعد منا مهم انا واش حابك منك تتهلاي في روحك شفتي هذه المرة لازم كي ندخل عليك لازمني تستقبيلي وانتي واقفة على رجليك لازم كي نشوفك مانعرفكش اذا من قبل كنتي شابة هذا المرة ندخل نلقاك بومبا فالدار ضحكت والله كيما نهدر معاك آية كرهت هكذا والله حتى انا حاب كي ندخل لدار نلقى مرتي واش من زين واش من لبسة واش من ضحكة والله كي نشوفك هكذا يطيح مني نص والمشكل انتي لي تهلكي روحك كون تبعتي غير كلام طبيب راكي لابس بيك مي انتي تبعي فالكلام الفارغ والتفاهات هذوك لي يعمرواك في راسك ڨاع غايرين منك وغايرين من حبنا انا وياك ماتخليهمش يدخلو بيناتنا ويفسدو علاقتنا صحا حبي كيما تفاهمنا لازم كي ندخل عليك مانعرفكش ڨاع كي نشوفك نبقا حال فمي وانا وعدتك بلي نداويك ونرجعك خير ملي كنتي ياك داويتك ودرت كثر من جهدي والدار حولتهالك سبيطار ومخابر حتى الطبة والفرملا نجيبهملك هنا الباقي عليك انتي ماتخليش جهدي يضيع فالباطل وراهي حاجة ساهلة ڨاع انتي ماعليك ديري غير واش قالك الطبيب ماتزيدي ماتنقصي اك حبي تفاهمنا قتلو ايه تفاهمنا باسني على شعري وناض وقف راح هز الكابة ودار عندي اشششش ممنوع البكا كيما وصيتك ضك مرة على مرة نعيط نسقسي لازم كل مرة نلقاك في افضل حوالك اك قتلو اك درتلو بيدي باي رجعلي بيدو وعطاني بوسة وراح خرج ......ملي راح ودرت بكلامو وليت ماكلة وشراب وقعاد حتى بدات حالتي تتحسن المرة اللخرة كي رحت لطبيب قالي الف مبروك هاكي رتحتي وتهنيتي رجعت لدار قضيت ودرت عشا صدقة عليا وعرضت دارنا وسلافي ونساهم ولوستي هو مرة يعيطلي دقيقة برك يسقسي ويكوبي ماحبيتش نقولو بلي بريت نقولو غير لباس حتى لكام مانحبش يشوفني في هذا الشهرين تالمو غير الماكلة والرقاد والراحة رجعت صحتي وزدت سمنت شوية ، كي عيطلي وقالي يومين نروح لدار لغدوا رحت للحفافة صبغت شعري فالبني الفاتح فاتح للاصفر ودرت تنظيف البشرة وشريت مكياج الصباح عيطلي قالي ممكن على 10 تاع ليل نكون ثم ،درت العشا بكري تعشيت انا والعجوز غسلت لماعين وطلعت ديراكت سڨمت شمبرة عطرتها ورحت درت دوش خفيف وخرجت سشورت شعري لميتو بقيت نماكي بدلت ڨاع ستيل مكياج درت ايشادو اسود لعينيا ودمجتو مع الڨري وجهي حددتو بالكونتور مزية تعمر ولا عندي لخدود طراسيت فمي بالاحمر رسمت شواربي ودرت بريو لاف فالروج فونصي ولبست روب ميني فالاصفر ديميمونش جهة هابطة على كتفي ومطروزة على الجوانب خيوط بالاسواد والاصفر ومن التحت مشرشفة بخيوط اسود وطلقت شعري وعلى الطراف درتلو بابليز وهبطت لماش على جبيني بقيت نشوف مع روحي حتى حسدت روحي قلت الله يبارك والله ماغلط كي قالي نعالجك ونرجعك خير ماكنتي تبدلت ڨاع بعد ما كنت غير جلدة ضك تعمرت وسمنت و الكولار تاع شعري بدلوني ڨاع كون مايركزش معايا الواحد مايعرفنيش فحفحت روحي بالبرفا ورطبت روحي بالبوماد ورحت لسرير ربعت رجليا وقعدت نستنا فيه قريب 3 اشهر ماشفتو شفت مع الساعة قريب ل11 اوو وينو هذا قالي 10 نكون ثم نعيط نلقاه مغلوق ،سمعت الباب تحل صوطيت من بلاصتي خرجت للباب لقيتو داير لهيه يغلق فالباب بقيت واقفة دار عندي كان راح يكمل يمشي كي شافني تصمر في بلاصتو بقا يشوف معايا حط الكابة وبقا يشوف تعڨن مالقا مايقول واشنوو هذا شكون انتي ضحكت آية هذه انتي ياك مانيش غالط قتلو ايه انا بقا يشوف داهش فيا وشنو هذا قتلك نجي نلقاك خير ملي كنتي ماشي تتحولي وتخرجيلي خرجة كيما هذه بقا يشوف معايا فتحلي ذرعيه ياعمري عليك ياعمري هيا عندي هيا غير قالي هكذا فرفرت من بلاصتي و صوطيت عندو تالمو رميت روحي عليه فقد توازنو ناض يضحك هزني عندو يا مينوشتي يا مينوشتي هذاوين ارتحت كي شميت ريحتك من الفرحة وليت نبكي _خلاص آية غير مكلاه تبداي تبكي جبنا شي 10د وحنا متحاظنين بعدني عليه حطني في لرض مسحلي دموعي بيديه خلاص حبي ماتبكيش مانيش حاب نشوف دموعك بقا يمسح في دموعي والله توحشتك رجعت حطيت يديا ورا رقبتو حظنتو غلق عليا وهزني بقا يشم في ريحتي كالمهووس من وحشي بزاف ضيعت كلش في حظنو وبادلتو بنفس اللهفة ماحسيت لا بدنيا لا بالوقت لا وين راني ماعلباليش شحال فات الوقت ساعة ولا زوج ولا ثلاثة مارجعني للواقع غير كي جا راح ينوض حاوطتو بيديا وين رايح حط راسو على راسي توحشتني عصفورتي درتلو براسي ايه ياعمري بقا يشم في شعري يا مينوشتي ياعصفورتي يا بوڨصتي يا الزينة تاعي الشابة ديالي قتلو مروان انعم ياعيون مروان وقلب مروان وروح مروان قتلتيه مروان بزينك ماخليتي فيه لي يصلح قتلو توحشتك _وانا ماشي غير توحشتك كلش فيا طايب عليك والله دنيا بلا بيك ماهي دنيا بصح واش درتي لروحك هكذا قتلو درت واش قتلي _بصح ماشي لدرجة هذه خرجتيلي خرجة خلعتيني بها ضحكت بقا يشوف معايا درتلو براسي واشنو _تشفاي كي قتلك تولي النقاب ديريه فالدار ضحكت ماتضحكي ماوالو ديريه قتلو بركا مالتمسخير _صحا ماديريش نقاب الخمار مايتنحاش على راسك تولي فالدار ودريه تنحي فالشمبرة برك قتلو مروان بركا مالتمسخير _والله كيما نهدر معاك حبوبة الخمار يتندار مايتنحاش على راسك غير فالشمبرة بقيت نشوف معاه ماتشوفي معايا ماوالو ديجا ماشي وقت الهدرة نوضي جيبيلي نتعشا والله ميت بالجوع كان فيا شوية طاقة غير شفتك راحت ضحكت لاه ماتعشيتش _ماتعشيتش عمري حبيت نتعشا معاك قتلو ياعمري لاه ماقتليش قبيل لاه قعدت لضك هاني نايضة نجيبلك نضت قعدت درت ورايا شاف معايا واش قتلو والو نحبك برك _وانا نموت عليك علبالك هذاوين وين رجعتلي الحياة كي لقيتك هكذا توحشت زينك وطلتك فالدار حكمت يدو بستها حتى انت خيرك جامي ننسها نعطيك عمري وماشي خسارة _خسارة عليك هذاك ماشي خير آية هذاك واجب وبلا مزيتي قتلو ربي يخليك ليا _ويخليك ليا، لبستو نضت _خارجة بهذه قتلو لالا ضك نلبس كاش حاجة الفوق رحت لخزانة جبدت روبة لبستها الفوق درت لقيتو يشوف معايا قتلو واشبيك _وليتي بومبا ضحكت حرام عليك تشبهلي لبومبا _زعما راكي متفجرة الزين والانوثة ضحكت ضك نجي مانطولش _روحي راني نستنا فيك اليوم حابك تقابليني ونبقى غير نتفرج فيك قتلو انا ثاني حابة نشبع من شوفتك _روحي ملا ماطوليش ......يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء17

خرجت هبطت التحت سخنت العشا جبتو وجيت دخلت لقيتو داير يدو على عينيه وراقد حطيت العشا ورحت عندو حبيبي نحا ذراعو لقيتو غفا واشبيك عمري _والو عيان برك قتلو نخليك ترقد _اواه ضك نوض نغسل وجهي برك مانيش حاب نرقد الليلة توحشتك قتلو هيا ملا روح اغسل ورواح تاكل ناض قعد هيا عمري راني نستنا فيك قرصني من خدي وراح خرج لدوش نحيت الروبة ربعت رجليا وقعدت في لرض على السجاد دخل جا قعد على الفوتاي مينوشة لاه قاعدة في لرض ارواحي اقعدي هنا عندي قتلو لا معليش هكذا خير باه تاكل في راحتك بقيت نسربيلو غير طلعت راسي لقيتو متكي على الفوتاي يشوف معايا قتلو واش كاين _والو بصح مانيش قادر نبعد عينيا عليك قتلو لاه _كيفاه لاه شفتي روحك كيفاه وليتي قتلو نورمال جيست رجعت صحتي ووليت كيما كنت _رجعتي كيما كنتي مابقات فيك حتى حاجة تاع آية القديمة تحولتي ڨاع بقاو فيك غير العينين لي ماتبدلوش قتلو كيفاه زعما ماعجبتكش _كيفاه ماعجبتنيش يا آية وانتي طيرتيلي عقلي كي كنتي تقوليلي بلي لباس ماتخيلتش ڨاع بلي نلقاك بهذا الجمال سكت بقا يشوف معايا حتى حشمني هبطت راسي بقيت نلعب بالخاتم في يدي طلعت راسي شفت معاه لقيتو مزال يشوف معايا وترني كلاني بعينيه واشبيك تشوف معايا بقا غير يشوف مروان واشبيك والله حشمتني مزالو برك يشوف معايا حتى حمرت قرصني من خدي يا عمري على خدود الورد قتلو هيا كول هز المغرفة بقا ياكل ويشوف معايا ماقدرتش ناكل كي بقا يتفرج فيا حطيت المعرفة مسحت يديا كولي قتلو شبعت حط يدو على فخضو هيا عندي قتلو كول برك _هيا برك راني ناكل عطاني يدو حكمتها نوضني قعدني على فخضو بقيت مهبطة راسي وساكتة قعد غير يتفرج فيا شفت معاه بقا يشوف معايا هبطت راسي ماعرفتش واشبيه يتفرج فيا هكذا مروان واشبيك تشوف معايا سكت شفت معاه واشبيك لاه راك تشوف معايا هكذا كاش ما كاين بقا ساكت حمرت راح نطرطق جامي حشمت منو هكذا جيت نايضة حكمني بقا يشوف معايا مروان واشبيك انت جامي شفتني عوج راسو وبقا يشوف معايا ايه جامي شفت هذا الزين لاه وليتي هكذا قتلو لاه كيفاه وليت _ماعرفتش كيفاه نوصفك بصح وليتي حاجة خلاف سكت آية عمري شفت معاه من اليوم ديري الخمار فالدار مانحبكش تخرجي من الشمبرة بشعرك قتلو واشنوووو _واش لي واشنووو آية هدرتي ماتتعاودش اك مكلاه نولو ليمات لولين بالضرب باه ديري هذيك الحاجة قلت الخمار ديريه يعني ديريه وتبلعي قتلو واشبيك تهدر معايا هكذا _انتي لازم نهدر معاك هكذا باه طبقي بقيت نشوف معاه ماعرف واش صرالو للحظة تقلبو حوالو كان لباس بيه فهمتي آية قتلو مانديرش _واشنو عاودي قتلو كيما سمعت ماعندكش الحق ديرلي الخمار فالدار النقاب تقبلتو نورمال بصح باه توصل بك هنا لالا مانقدرش ماشي لدرجة هذه بقا يشوف معايا حابة نولو للعقلية القديمة بالضرب والعياط باه تخذيلي راي تفاهمنا كي نقلك حاجة قولي حاضر واسكتي ماتناقشنيش قتلو انت واقيلا بديت تخلط بين خدمتك وحياتك الشخصية انا مانيش خدامة عندك باه تقولي على حاجة وانا نقولك حاضر ونبلع حتى انا من حقي نرفض وندير الحاجة لي تساعدني وتريحني معليش نديرلك خاطرك بصح فالمعقول حتى انا تهمني راحتي ونضت رحت هزيت الروبة لبستها وهزيت البلا وخرجت هبطت مافهمتش واشبيه للحظة تتبدل كان يضحك لباس بيه دخلت الكوزينة كنت راح نرجع وليت قلت خلي نغسل ونطلع بلاك يكون يتنحا عليه غسلت وكملت طلعت عندو لقيتو فتح البالكو وخرج حكمت بلاصتي حتى دخل غلق البالكو وجا عندي حط راسو على صدري حظني ورقد بقا ساكت قتلو مروان سكت مروان _امممم قتلو واشبيك _والو حاب نرقد برك سكت واشبيه هذا اليوم بقيت نستنى بلاك يهدر ماهدرش طليت عليه لقيتو داه نوم رقد وليت عدلت روحي ورقد الصباح فطنت لقيتو مزال راقد عندي جبدت روحي ونضت، هبطت الكوزينة لقيت العجوز صبحت عليها قعدت معاها قتلها مروان روح _ايه علبالي فات عندي قبل مايجي عندك قعدت فطرت معاها ودرت الغدا سمعتو يعيط عليا مسحت يديا وخرجت عندو لقيتو واقف برا الباب ع الدروج دارلي براسو ارواحي طلعت عندو بقا يتخنزر فيا قتلو واشنو _ادخلي دخلت وخبط الباب فت الشمبرة درت عندو واشنو _واش هدرت البارح قتلو واش هدرت _قلت ماتخرجيش بلا خمار من الشمبرة ولا ماقلتش قتلو واشبيك انت لاه ندير خمار فالدار علاه شكون فيها ياك غير انا ويماك _آية ماتعييني ماوالو قلت ديريه يعني ديريه هيا فوتي ديريه بقيت نشوف معاه مالقيت مانقول واش تشوفي معايا ماسمعتيش واش هدرت قتلو واشبيك انت عيطتلي باه تقولي ديري الخمار ناض يعيط ماتكثريش معايا الهدرة قلت ديري الخمار ديريه وماتهدريش معايا بقيت نشوف حكمني من ذراعي وطبعني الخزانة امشي ديريه بركاي ماتتفرجي فيا نضت نعيط بعقلك لاه راك تطبع فيا جا عندي هز يدو صوتك مايعلاش عليا وماتهدريش معايا وليت فتحت الخزانة جبدت الخمار لحتو على راسي وطبعتو وخرجت تلاقيت بالعجوز واشبيك قتلها وليدك واشبيه هكذا _لاه واشبيه قتلها ماعرف واشبيه يقولي ماتخرجيش بلا خمار من الشمبرة _اووو لاه شكون هنا حتى ديري الخمار ياك غير انا وياك قتلها ماعرف عليه هبل حتى سمعتو عيط عليا آيااااا شفت معاه لسانك نڨصهولك دورت وجهي ودخلت الكوزينة سمعت العجوز تقولو لاه تقولها دير الخمار فالدار لاه شكون هنا ياك غير انا _هكذا قالي راسي ديرو وتبلع قاتلو الله يهديك ودخلت قاتلي اخطيك منو كي يكون هنا ديريه قدامو كي يخرج نحيه دخل علينا قالي والله وندخل ونلقاك بلا بيه غير نحي جدك قاتلو العجوز واشبيك انت صباح ربي قالها مابيا والو وجبد كرسي قعد حطتلو العجوز الفطور فطر وناض خبط الكرسي وخرج بقيت نشوف مع العجوز كاش مادرتيلو انتي قتلها والو كان لباس بيه وحدو وحدو تبدل _خليك منو ماتعانديهش برك لا تاكلي طريحة في باطل خلي حتى يهدا وحدو ،وقت الغدا صليت الظهر وهبطت لقيتو حل الباب ودخل غير شافني حبس و بقا يتخنزر فيا واشبيه هذا فقت مع الخمار وليت لحتو على راسي وجيت هابطة جا عندي هكذا يتندار الخمار قتلو لاه _لا قولي هكذا يتندار سكت اعدليه وخبي شعرك بقيت نشوف معاه هيا واشبيك تتفرجي فيا وليت حكمت شعري وعاودت عدلتو مليح وكملت للكوزينة حطيت الغدا دخل هو العجوز بقينا ناكلو غير العجوز تهدر معاه هو غير ساكت كي يولي يدير هكذا يتكره كملنا الغدا وناض خرج ،وقت العشا حطيت العشا وقعدت انا والعجوز نستناو فيه ملي خرج مارجعش سمعت الباب تحل نضت خرجت لقيتو طالع وين رايح ماتتعشاش _لا كليت برا وراح طلع دخلت عند العجوز قاتلي ماحبش قتلها مافهمتش واشبيه _كي تخلصي روحي اهدري معاه وافهمي واشبيه تعشيت انا وياها برك وطلعت الفوق فت لدوش شفت مع روحي فالمراية لابسة روبة عريضة بالذرعين والخمار نبان عندي 40 سنة باللبسة هذه قلقت انا بنت العشرين لاه نلبس هكذا زي العجايز رميت الخمار ونحيت الروبة رميتها بقيت غير البستي والفيزو طلقت شعري لقيت بوشاتي تاع المكياج مكييت ايا هكذا بيا يحوس يكبرني بالسيف خرجت رحت لشمبرة لقيتو مكسل على السرير بقا يشوف معايا جيت حكمت بلاصتي بقا يشوف معايا واشبيك فتحلي ذراعو بقيت نشوف هيا ارواحي عندي رحت عندو دارني في حظني باسني على شعري تحبيني آية نضت تكيت على صدرو والله نعشق فيك بصح لاه _ومدام تحبيني يعني تهمك راحتي قتلو اكيد _وعلاه ملا ما تاخذليش راي قتلو وقتاش ماخذيتلكش الراي _البارح سكت آية والله سيريو تهمك راحتي ولالا قتلو اكيد تهمني _خلاص ملا اذا صح تهمك راحتي ديري واش قتلك قتلو بصح انا مانيش مرتاحة هكذا _معليش لي يحب يتنازل شوية قتلو وعلاه ما تتنازلش انت _نتنازلك في كلش غير هذو الحوايج مانقدرش نتنازل ديريلي رايي وخلاص ماعندكش حل غيرو يا تتنازلي ونعيشو بيا يا تبقاي تعاندي فيا ونعيشو في مشاكل بقيت ساكتة ها واش قلتي تتنازليلي ولا تبقاي معاندتني قتلو بصح مروان مافهمتش لاه ندير الخمار وما كان حتى واحد اذا على خاوتك يا مايدخلوش بزاف واذا دخلو يقعدو عند يماك انا جامي نقعد معاهم _معليش انا حاب هكذا ديريلي خاطري قتلو بصح والله راك ظالمني هكذا حتى انا حابة نلبس كيما ڨاع البنات لاه نلبس انا العريض وندير الخمار راني نبان عجوز ماشي من حقك تدفني في شبابي مزالني صغيرة حابة نلبس واش نحب _علاه واش حابة تلبسي انتي قتلو نلبس كيما ڨاع لبنات الميني الفيزو لي شورت _البسي شكون حكمك قتلو هاك ماخلتنيش _ علاه انتي حابة تلبسي لي شورت وتهبطي بيهم التحت ودوري قتلو لالا ماشي هكذا _واش قصدك ملا وين حابة تلبسيهم قتلو ماشي قصدي نهبط التحت بلي شورت بصح في نفس الوقت مانيش حابة نلبس العريض وندير الخمار والله ما جاية هكذا راك حاب تدفني في شبابي _علاه ندفنك في شبابك آية تفاهمنا من نهار اللول على اللبسة مدام مناش عايشين وحدنا ممنوع المعري قتلو وعلاه انا تعريت ياك قتلي البسي العريض وماديريش المكياج راني طبقت واش درت بصح الخمار علاه بقا يشوف معايا مالقا مايقول آية علبالي عندك الحق والله علبالي بصح انا حاب هكذا راحتي كي ديري الخمار ديريلي خاطري عمري قتلو علاه بصح _هكذا ايه مانيش حاب دوري بشعرك قدام الناس بغيري انا حابة تتعراي كي تخلصي شغلك اطلعي هنا لشمبرك اتعراي وتزيني وتزوفي كيما تحبي والله مانقولك كلمة قتلو كيفاه هذه نتزين ونجي فالشمبرة ونقعد بقا يشوف معايا ولاه انتي حابة تتزيني وتزوقي روحك لناس قتلو ماشي لناس بصح ثاني مجايش نخرج مبهدلة قدام الناس _وين مبهدلة آية حابة تهبليني انتي نضت قعدت قتلو خلاص مراحش نتفاهمو بصح دير في بالك مانيش مرتاحة بهذا الشي ومانيش مقتنعة به وماشي براضيتي وراك اناني تحوس غير على راحتك وانا ماهمكش في راحتي _آية لاه راكي تعقدي فالحالة هكذا واش الصعيب في هذا الشي حتى ماكيش مرتاحة قتلك كي تهبطي التحت ديري الخمار واستري روحك مافيها لا تبهديل لا والو كي تخلصي شغلك اطلعي واتعراي ڨاع وامشي وديجا يا قوليلي المراة تتزين لراجلها ولا لناس سكت جاوبي قتلو لا لراجلها لا لناس لروحها علاه لي ماعندهاش راجل تبقا مبهدلة وموسخة _لا اله الا الله انا نقولها بيضة وهي تقولي كحلة شكون لي قالك ابقاي مبهدلة موسخة لاه انا قتلك ماتدوشي ماتغسلي ماتنظفي روحك قتلو واشنو ملا جبدني من يدي عندو مينوشة علبالك انا لاه قتلك ديري الخمار فالدار درتلو براسي لالا ملخر راني غيران وميت غيرة ماني حاب حتى واحد يشوفك بهذا الزين لا يما لا غيرها علبالي راكي تقولي واشبيه هذا بصح معليش ديريلي خاطري مافيها والو كي ديري الخمار فالدار كي تطلعي لشمبرتك انتي حرة وزيد ياك ملول تفاهمنا بلي ماتزوقيش روحك إلا بحضوري كي نكون غايب مانحبش قتلو وانا طبقت واش قلتلي _عصفورتي ياك تحبيني قتلو ايه _خلاص ملا ديريلي خاطري قتلو بصح والله نبان عجوز بقا يشوف معايا تباني عجوز بصحك آية شفتي روحك انتي كيفاه وليتي ولا ماشفتيش علبالك البارح كي دخلت عليك ولقيتك واقفة بذاك الزين نشليت انا راجلك وتفتنت بك والله راني خايف عليك من الفتنة نخاف يشوفك واحد بالصدفة يتفتن بك الساعة هذيك راني نقتلك بقيت نشوف معاه مروان واش تهدر شكون هذا لي راح يشوفني ويتفتن بيا بقا يشوف معايا انا علبالي واش راني نهدر استري روحك وماتخرحيش قدام الناس بهذ الجمال انتي راكي فتنة تمشي اي واحد يشوفك يتفتن بك واقرب الناس ليك راح يتفتنو بك بقيت نشوف معاه واش راه يهدر هذا قتلو مروان واش راك تهدر والله مافهمتك _ماعندك ماتفهمي لي تفهمي استري روحك مانحب حتى واحد يشوف مفاتنك بغيري قتلو علاه راك تهدر هكذا _ مينوشتي انا راني عارف واش راني نهدر انتي ديريلي خاطري هكذا انا نرتاح وانتي ترتاحي قتلو انا ما نرتاحش _آية حابة نشوهلك خليقتك ونتهناو فرد مرة نضت قعدت نشوف معاه _واش تشوفي معايا والله وتخبط في راسي وماديريش واش نقولك غير نديرها ونتهناو في زوج قتلو انت تغير عليا ولا غاير مني بقا ساكت _انتي ديجا لاه درتي لروحك هكذا شكون قالك اصبغي شعرك ووجهك واش درتيلو هكذا شكون عطاك الاذن بقيت نشوف معاه علبالك اول مرة نشوف واحد ماعجبوش الحال كي يلقا مرتو متزينة ولا ضرب التليكوموند نوضي طفي عليا الضو خليني نرقد انتي الهدرة معاك بلا فايدة بقيت نشوف معاه والله مافهمت واشبيه عجزت

نضت رحت طفيت الضو لقيتو يشوف معايا حكمت بلاصتي وعطيتو بظهري هو مارقد وانا مارقدت درت ورايا لقيتو داير لهيه وليت نحيت الغطا ونضت رحت من جيهتو نحيت الغطا ودخلت عندو فتحتلو ذراعو ورقدت بقا يشوف معايا مروان واشبيك هكذا لاه راك زعفان بقا ساكت خلاص كيما تحب اذا هذا الشي يريحك راني قابلة مهم كون بخير بقا ساكت بصح مروان انا درت في روحي هكذا غير على جالك صبغت شعري على جالك وتزينت على جالك وتعريت على جالك وزوقت روحي على جالك كلش درتو على جالك انت كون عرفت راح تزعف مانديرش واذا تحب غدوا نرجع عندها ونحي الصبيغة ونرجع شعري كيما كان باسني على شعري واشبيك آية تعاملي فيا كشغول غيران منك والله ماني غيران كيفاه نغير من مرتي والله ما جاية جيست حاب نشوف زينك وحدي هذا مكان ماشي مشكلتي تتزيني والله لوكان نصيب تزيدي تحلاي وتزياني كثر من هكذا مراحش نشبع ماذابيا مرتي تكون شابة مكانش لي مايحبش مرتو تكون بوڨوصة جيست انا غيور وحماز واناني سكت صحا مينوشة تفاهمنا درتلو براسي ايه خلاص مانزيدوش نرجعو لهذا الموضوع قتلو ايه خلاص كيما تحب ما يكون غير خاطرك ياعمري تقتليني كي تخذيلي راي هكذا ثم ثم تعدلت نفسيتو ورجع كيما كان بصح واقيلا بديت نتنازل على حساب راحتي مي معليش مهم يكون مرتاح يستاهل حتى هو تنازلي على حساب راحتو

 لغدوا جات لوستي غير تغدينا لقيتهم راح يخرجو وليت طلعت عندو مزالو راقد نوضتو مروان نوض دقيقة فطن واشنو اية قتلو مروان عفاف وختك راح يخرجو يشرو قش لولاد خليني نخرج معاهم دار عندي آية من وقتاش كنتي تخرجي عندي وحدك قتلو مانيش وحدي راني مع عفاف وختك _راجلك عفاف انتي قتلو لاه _لا جاوبي قتلو لالا _خلاص ملا روحي ديري شغالاتك وخليني نرقد قتلو واشبيك تهدر معايا هكذا _وكفاه تحبيني نهدر معاك وانتي جاية تقوليلي هكذا قتلو واش قتلك انا حتى تهدر معايا هكذا _آيه روحي مينوشة شوفي شغالاتك خليني نرقد وماتزيديش تعاودي الهدرة هذه بقيت نشوف معاه رجع رقد قتلو مروان راني نهدر بصحي خليني نخرج ماهدرش معايا مروان راني نهدر معاك حابة نخرج وراني كرهت من دار ضاقت روحي منها حابة نبدل الجو تخنقت منها ما جاوبنيش ڨاع دار روحو راقد قتلو ايه معليش ونضت خرجت هبطت التحت قاتلي هيا قتلها ماحبش روحو برك راحو خرجو وانا بقيت غير انا ودنيا بنت لوستي عمرها 18سنة نشوف فيها تهدر فالتليفون مع صاحبها ماهيش قاعدة ڨاع تقولو وقتاش جي تخطبني مانزيدش نستناك كثر من هكذا راهم يخطبو فيا وبابا راح يمدني بقيت نشوف معاها صغيرة بصح قارية ومعاودة كوبات عليه قتلها حابة تتزوجي قاتلي ايه قتلها وقرايتك كيفاه _خليني منها مانيش تاع قراية حابة نتزوج ضحكت وقتلها مزلتي صغيرة على الزواج _واش الصغير فيا قتلها تقدري للمسؤولية _نقدر لاه مانقدرش لاه تاع بكري 14 سنة ويتزوجو قتلها وقت بكري راح بكري بكري كانت الطفلة ماعندها مادير لا قراية لا تعليم تروح تزوج وتربي لولاد وتقعد مي ضك الحالة تبدلت كاين كلش والمراة ضك عندها احلام وطموح لازم تحققهم وتضمن مستقبلها هو اللول ممبعد الزواج هو اللخر _ولاه تزوجتي وقعدتي فالدار قتلها بصح انا ماتزوجتش حتى كملت قرايتي وبديبلومي وعشت طفولتي وشبابي حتى كرهت والزواج خليتو هو اللخر وماحوستش على الخدمة خاطر ما ناقصني والو عند راجلي بصح غدوا كاش مايصرا مانخاف ما نندم عندي ديبلوماتي نحطهم ونخدم _مانعرف انا شفت روحي مانيش تاع قراية مانيش حابة نضيع وقتي قتلها روحي اتعلمي كاش حرفة لعمرك ماشي شرط ديري ديبلوم تعليم _اواه حابة نتزوج الزواج خير عرفتها هذا الراجل لحسلها مخها قتلها وهذا يقدر يعيشك كيما تحبي وكيما راكي عايشة في داركم _نورمال زوالي بصح والله راجل وفحل قتلها وعلاه ماجاش يخطبك ملا _ماعندوش قالي راني نلم فالشرط غير يوجدو يجي قتلها ربي يتمم على خير زاد عيطلها بقات تهدر معاه حتى دخل علينا مروان تخطفت من بلاصتها كوبات عليه بقا يتخنزر فيها جا عندها مع من كنتي تهدري سكتت راني نهدر معاك مع من كنتي تهدري تعڨنت قاتلو صاحبتي برك خبطها بكف طاحت هي بتلفون رحت نجري طبعتو عليها واشبيك تضرب فيها راح يضربها حكمتو _مزلتي برك ما تتربايش انتي حابة نوصلك لباباك يقتلك باه تحبسي بقات ساكتة وتبكي على حساب مافهمت هو علبالو بيها خطفلها تليفون خبطو فالحيط كسرو بقا يتخنزر فيها راحت خرجت قتلو واشبيك انت لاه تضرب فيها واش دخلك فيها حتى تضربها _باه تترابا قتلو واش دخلك فيها انت والديها كاينين هما يربوها ويحاسبوها ماعندكش الحق تهز يدك عليها ڨاع وخرجت خليتو رحت عندها لقيتها قاعدة قتلها لاه بقا يهدر معاك هكذاك ماشي حكمك من قبل قاتلي ايه حكمني مرة واقفة معاه قدام الليسي حاوزني لدار ضربو وجا عندي ضربني قتلها ويماك كيفاه تخليه يضربك ماعندوش الحق يضربك سكتت سمعتو يعيط عليا خرجت لقيتو قاعد فالكوزينة حطيلي ناكل جعت رحت بقيت نسخلو درت عندو واش تشوفي معايا قتلو علبالك شوكتني فيك مافهمتش انت واش دخلك فيها _كيفاه واش دخلني ماشي بنت ختي قتلو وامبعد بنت ختك بصح ماعندكش الحق تهز يدك عليها وتضربها ديجا ماشي انت لي تحاسبها _نحاسبها ونزيد وناض يعيط باه تسمع هذه المرة الثانية لي نحكمها وراني فوتها بزوج كفوف المرة الثالثة نحكمها بالكابل ونوصلها لباباها يعلقها من شفرتيها البنات يقراو هي تبع في دعاوي الشر بقيت نشوف معاه هذه بنت ختك درتلها هكذا سما غدوا بنتك تغلط ماترحمهاش _غير ماتخليهاش تغلط خاطر بأنتي بهي بقيت نشوف معاه _واش تشوفي معايا حطيلي ناكل خليني نخرج حطيتلو..... يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء18

 سمعت الحس واقيلا روحو ناض بعيط على ختو دخلت قالها واش قتلك على دنيا _لاه واشبيها قالها قتلك عسيها ونحيلها تليفون ولا ماقلتش _ايه بصح لاه _راني حكمتها قبيل تهدر فالتليفون _واش راح نديرلها يا مروان والله ماقدرتلها ناض يعيط كيفاه هذه ماقدرتليهاش وشكون يقدرلها ملا قاتلو عييت معاها هدرت عيطت ضربت حبست والو غلبتني نضربها ونحبسها سمانة ونطلقها نخاف باباها يحس قالها كيفاه ماتقدريش تحكمي في بنتك وشكون راح يحكم فيها ملا _واش راح ندير والله نحيلها تيليفون نكسرو نحكمها نضربها نطلقها ميتة ونحبسها غير ترجع تقرا مانعرف كيفاه تعاود تجيب تليفون وتولي تهدر معاه المرة اللخرة كي كسرتلها تليفون وضربتها قاتلي والله ننتحر حسبتها تتمسخر لحقت عليها راح تشرب دوا ضك غير نهدر معاها تقولي والله ننتحر ونرمي روحي من الڨنطرة الطفلة ماعرفتش واشبيها تهدرلي غير على الانتحار وعلبالي بيها ديرها وليت سكت قالها وباباها وينو _والله يسمع غير يذبحها البارح كي دخل لقاها طالقة لغنا وتشطح فكيتها من يدو على اخر روح كيفاه تحوس نقولو تهدر مع واحد والله يدفنها حية قالها ملا مديهالو لا ديرلك ديڨا وتفضحنا ڨاع _كيفاه نمدهالو وهو عشا ليلة مكانش قالها مديهالو خليها تندب بيه _مجاش كون يجي نمدهالو _وهو لاه ماجاش _ماعندوش قالها حتى يلم الشرط _والله وجات بنتي غير تنوض بالسوط وترقد بالسوط نوريلها الدلال تاعها ديجا انتي لي وصليتها هنا نهار كامل وانتي تدللي فيها حتى طغات عليك ارواحي احكمي فيها ضك قتلها اهدري معاها بالعقلية مزالها صغيرة وراهي في سن المراهقة الضرب ماراحش يفيد بالعكس تزيد غير تعواج سايسيها وفهميها بشوية واكسبيها ليك ضك تولي في يدك قالي هذاك النوع ماشي تاع سياسية هذيك تحوس على التيو لوكان من الصغر كل ما غلطت تعطيها بالتيو راهي تريڨلت قتلو واشبيك انت عندك كلش بالعنف والضرب هذه العقلية والله ماتخرج _وكي رباتها على الدلال واش خرجت راهي ولات تهدد فيها بالانتحار قتلو هاي تقولك بلي الضرب مافادش خلي تجرب بالهداوة بلاك تستعقل قالها انا كون تخليهالي شهر عندي تشوفي كيفاه نريڨلهالك تولي تمشي كالساعة قتلو انت واقيلا حاسب روحك راك فالعسكر _ فالعكسر جاوني مدللين كثر من هكذا ورجعتهم لطريق المستقيم قتلو الطفلة ماشي كالطفل الطفلة ماشي تاع ضرب وعمرها لا تتريڨل بالضرب الطفلة كلمة حلوة وانت رجعتها عجينة في يدك تشكلها كيما تحب بقا يشوف معايا وليت خرجت هذا بدا يخلط بين الخدمة وحياتو حسبها عسكر هنا رحت قعدت معاها قتلها لاه ديري في يماك هكذا حرام عليك والله ماتلقاي واحد يحبلك الخير كيما هي وهي تحب غير مصلحتك _هي ماتفهمنيش ڨاع قتلها واش تفهمك عندها الحق هي حابتك تقراي وتنجحي في حياتك والزواج راه مكتوب ماتتقلقي ماوالو نهار يعيط مكتوبك هاكي تروحي وهذا صح كون جا يحبك راه يخاف عليك وعلى سمعتك مايوقفش معاك فالطرق ويتلاقا بيك ويبقا يديك من زنقة لزنقة _والله ما نخرج معاه غير مرات برك يجي يشوفني دقيقة ويروح والله مراه من هذاك النوع صح زوالي بصح والله راجل وفحل وناويني وضك راه يخدم باه يلم فالشرط ويخطبني قتلها قوليلو يجي يحط عليك الكلمة قدام الناس ويروح يخدم ويوجد روحو هذاك هو تقراي الباك تاعك وتجوزي وكملي قرايتك بعقلك كي تتخرجي ادخلي هكا ماتخسري حتى حاجة _مستحيل يخليني ندخل للجامعة مايصبرش هذا الوقت ڨاع قتلها معليش انتي العام هذا عندك الباك قوليلو بجي يحط عليك الكلمة وانتي ركزي مع الباك تاعك وانجحي الباقي ضك يجي وحدو خير ماتبقاي هكذا _ماما ماحبتش قتلها لا راهي قابلة تفاهمي معاه يجي يخطبك وكي يوجد الشرط يجي يمدو وديرو فينوصاي _ايه ضك نشوف بقيت نشوف معاها هاه بزوج كلمات خذات الراي معرفوش يمشو معاها برك دخلت يماها جات راح تضربها حكمتها وهي هربت قتلها واشبيك والله الطفلة عاقلة بكلمة حلوة تكسبيها سكتت قتلها اقعدي نهدر معاك بركاي ماتبعي في مروان هذاك حاسبها عسكر عندو كلش بالضرب والعنف الطفلة راهي في مرحلة حساسة تبقاي معاها هكذا تخسريها حكيتلها كلش قاتلي خليه برك يجي والله نمدهالو عييت منها كرهت من الخلايع والفجايع فالليل تبات تهدر معاه فالتليفون ونخاف باباها يفطن ويسمعها والله غير يدفنها حية قتلها معليش اهدري معاها بالعقلية وكسبيها لصفك باه تحكيلك كلش وتعرفي عليها كلش ،وقت العشا تعشينا هو خرج وبقيت انا وياها غسلنا لماعين قاتلي اعطيلي تليفونك نهدر معاه قتلها ماشي ضك خلي كي يدخل مروان ويرقد ونعطيك اهدري معاه بصح كيما تفاهمنا وراني هدرت مع يماك قاتلي قوليلو برك يجي وباباك هي تقنعو طلعت جبت تليفون وبقينا فالصالو سهرانين عطيتلها تليفون تهدر معاه فالفايس حتى يدخل سمعت صوت الباب نحيتلها تليفون درتو في صدري دخل ولاح سلام وجا عندي ناضت دنيا قعد تكسل وحط راسو في حجري دورت وجهي مكلاه تقلبي وجهك عليا بنت ختي ومن حقي نحاسبها قتلو مانيش على بنت ختك _هاه واشبيك ملا قتلو العشية ماخلتنيش نخرج _آية من وقتاش كنت نخليك تخرجي وحدك قتلو وعلاه انا راح نخرج وحدي _آية كي نكون هنا ماتخرجي مع حتى واحد كي نغيب تخرجي غير مع يما لا عفاف لا ختي هذو نعرفهم يضلو من حانوت لحانوت وانا مانحبش ماشي كيما يما تروحي تقضي حاجتك وتولي سكت ،بقينا سهرانين قالي هيا الحقيني وخر عطيتلها تلفون وخرجت وراه قتلو انا مزال راح نسهر دار عندي بقا يشوف معايا واشبيك تشوف معايا دار يمشي حتى انا درت ودخلت لصالو حتى لقيتو عيط آيااااااا بقينا نشوفو مع بعض قاتلي العجوز واشبيه هذا زربت خرجت واشبيك تعيط خرجو ڨاع قاتلو العجوز اووو واشبيك انت تعيط قالي رواحي ودخل خبط الباب بقيت نشوف معاهم قاتلي العجوز روحي اطلعي واحكمي فمك لا تدي طريحة واش يخلصك طلعت الفوق دخلت غلقت الباب نحيت الخمار ودخلت عندو دار عندي بقا يشوف معايا علبالك كون ماشي شوية نضربك نفلعصك قتلو لاه _واش جاست لي درتيها هذاوين قتلو واش درت _واش درتي؟ بقا يشوف معايا قتلو واشبيك انت معايا حرشوك عليا ملي روحت وانت ماعجبكش الحال الخير برك كاش ماعندك مشكل معايا اهدر خلي نحلوه خاطر مليت تلح عندي حكمني من طرف الروبة واشنووو مليتي مني بقيت نبعد في يدو ماعرف واشبيه حمار وبلعط فيا عينيه وليت نبكي باه طلقني زيدي عاوديها تاع مليت منك سكت امشي ترقدي بدلت حوايجي وحكمت بلاصتي طفا الضو وجا رقد بقا مع التليفزيون ولا ضرب تليكومند نوضي طفي عليا تليفزيون بقيت ساكتة نوووضي وليت نحيت الغطا ورحت طفيتو وجيت حكمت بلاصتي جبدت روحي عليه ورقدت ،جبت يامات وانا هكذا مانهدر معاه مانحوس عليه هو برك لي يبقا يهدر معايا كي يلقاني مصمطاتو يسكت يخليني زيدت مرت خويا زادت جابت طفل دارت المستحيل باه تهز وجيب الطفلة قلبها تحرق على لبنات كي عرفت عندها طفل ماعجبهاش الحال ملي روحت وهي تبكي وقت الغدا قتلو ديني لدارنا مرت خويا زيدت قالي روحي وجدي روحك راني نستنا فيك طلعت لبست هبطت وخرجت لقيتو قاعد فالطوموبيل حليت الباب ركبت قتلو راح نبات _ماعنديش مراة تبات بعد العشا نجي نديك قريب كلاني قتلو ملا ديني لحانوت راح نشريلها كادو سكت شعل طوموبيل ديمارا داني للبازار هبطت انا وياه شريتلو كادو هو شرالها واحد وخرجنا قضالي لحوايج وداني لدارنا وصلنا هبطنا طبطب الباب فتح علينا وليد خويا الكبير صافح عليه جا يسلم عليا جبدت روحي تنشع مسكين قالي ااا سمحيلي دارها بضحكة غاضني حطيتو في واحد الموقف محرج لحت برك عليه سلام دخلنا خرجت يما جات سلمت علينا قتلو يماك هنا قالي ايه هنا قتلو خوك لمن يشبه قالي حتى واحد مانعرف لمن خرج قتلو هيا هز معايا الحوايج نطلع نشوفو درت عندو لقيتو ديجا يتخنزر فيا قالي انا رايح ممبعد نجي قالو اقعد تشرب قهوة ماحبش بقا يتخنزر فيا وراح خرج قالي وليد خويا واشبيه راجلك نشالله يعامل فيك كيما العسكر ضحكت كيفاه عايشة معاه هذا قتلو لاه واشبيه _ماشفتيش كفاه مزنتر يالطيف كيفاه حملاتو قتلو بالعكس والله ماتلقا حنيتو عند واحد _ماعرف بصح قوليلي هو لي قالك ماتسلميش علينا ضحكت ايه هو _واشبيه هذا ياك انتي من محارمي قتلو ماعرف عليه قالي ماتسلميش مانسلمش _كون غير يعيطيني ربي وحدة طيعني كيما انتي قتلو وانت وقتاش تتزوج _وين نتزوج شفتي يما نسا يجيبو لعرايس هي مزالت مع لي بيبي ضحكت قتلو واش دخلك فيها هي حرة _حرة علبالي بصح والله ماهي في عمر باه تقدر للولاد وتربي قتلو خليها برك دخلت عندها ملي دخلت عندو وانا عيني ماتنحاتش على هذاك الطفل سخفت عليه مت بقيت غير لاصقة فيه عييت نبعد عليه قلت لمرت خويا اذا ماكيش قادرة تربيه انا نربيه حتى العشا ماحبيتش نهبط نتعشا جابتلي ماما تعشيت ثم وهو في حجري ،طلعت ماما قاتلي نوضي راجلك جا وليت ديتو وهبطت عندو لقيتو قاعد فالصالو دخلت عندو مروان ارواح تشوف ناض عندي عطيتهولو بقا يشوف معاه ويسمي حاكم فيه نظرة حتى هو عجبو دالو عقلو شاف معايا روحي قولي لمرت خوك تعطيهولنا نربيوه هي عندها 3 بزاف عليها قتلو ماحبتش ولا جبد تليفون هاكي صورينيا صورتو معاه بقا لاصق فيه حتى ناض يبكي عطاهولي جبد دراهم حطهملو ديتو وطلعت عطيتهولها بقيتهم على خير وهبطت خرجت انا وياه ركبنا بقينا ساكتين حتى وصلنا لدار طلعنا نحيت حوايجي حكمت بلاصتي حتى هو حكم بلاصتو درت عندو بقا يشوف معايا ولا فتحلي ذراعو رحت عندو رقدت على ذراعو باسني على شعري عجبك البيبي قتلو ايه دالي عقلي _حابة تجيبي لولاد قتلو كنت ماعلباليش بيهم بصح كشفت وليد خويا اليوم مت عليه _ربي يرزقنا نشالله حتى انا عجبني كي شفتو تفكرت بنتي شفت معاه وينا بنتك_لاه ماعلبالكش المرحومة مرتي ماتت ع نفاس غير زيدت ماتت على الطابلة وبنتي بقات عندي سمانة جبتها معايا ليل ونهار وانا معاها كانت لباس بيها كنت هازها و نلعب بيها حتى تخطفت من بين يديا خطف لحد الان مافهمتش كيفاه حتى ماتت من ذاك نهار مات قلبي معاها ياريت ماشفتها ولا شميت ريحتها على الاقل ماتحرقتش كبدتي عليها بقيت نشوف معاه علبالك شاعلة في قلبي نار كبيرة مابغات تطفى ومراحش تطفى حتى نزيد نحكم ختها في يدي قتلو ولاه خوها _مراحش يطفي ناري بغير ختها بقيت نشوف معاه والله يا آية نارها ماحبت تطفى صورتها مزالت بين عينيا وريحتها مزالها في صدري محال ننساها ومراحش ننساها حتى جيبيلي ختها قتلو وكون نجيب خوها _معليش نستناك حتى جيبيلي ختها بقيت نشوف معاه عينيه تغرغرو بالدموع بستلو عينيه ياعمري ماتبكيش والله نموت حظنتو عندي ياعمري نبكي انا وماتبكيش انت بقيت حظناتو هو بقا ساكت حسيت بيه راقد بعدت عليه شفت معاه ياريت ماحكاليش وليت هازة هم هذا الموضوع وراح نبقى غير نعس ونحسب لروحي

صباح كنت مع العجوز سمعتو يعيط عليا خرجت قالي ارواحي رحت طلعت دخلت عندو صباح الخير _صباح نور رواحي وجديلي حوايجي راح نرجع قتلو راح ترجع ديجا _ايه مينوشة بقيت نشوف معاه _واشبيك رحت عندو حظنتو مروان والله ماشبعت منك حظني علبالي بصح غير نرجع هذه المرة نديك ونروحو نفوتو فاكونس علبالي ملي جبتك ماخرجتش قتلو خلاص فات الصيف فات وقت البحر _اي واش ديري بالبحر ماكرهتيش منو كي نرجع نديك لصحرا هذا هو وقتها قتلو الصحرااااا _ايه صحرا قتلو واش راح نلقاو فالصحرا غير الرمل _شكون لي قالك الصحرا فيها غير الرمل كي توصلي لهيه وتشوفي الحالة كيفاه عندهم تعياي تروحي قتلو ماعرف انا والفت نبحر _اي خطينا من البحر انا كرهتو قليل وين نروح عندو انا اكثرية نفوت الفاكونس تاعي في هذا الوقت مع صحابي يا فالصحرا يا فالجبال نصيدو قتلو ملا مكلاه نروحو لصحرا خلي نروح لجبال وشلالات _ملا خلي نديك سمانة نجيبوها فالجبال نديك وين موالف نروح ونفوتو لصحرا قتلو بصح صحرا فرغانة _كي توصلو لهيه وتشوفي تلقاي فيها غير الاجانب ماشي كيما البحر غير العرب تاوعنا قتلو ماعرف _خلي لهذاك الوقت ويرحمها ربي قتلو نشالله وجدتلو قشو وهبط فطر وراح قبل مايخرج بقا يوصي فيا كالعادة .عندو قريب شهرين مزال ماروحش نهدر معاه غير مرات فالتليفون ولا فايس كي قالي بقاتلي سمانة ونروح قلت نبدل اللوك ولاتلي طبيعة كل مايطول ويجي لازم نبدل اللوك خرجت مع العجوز شريت حوايج لبسة ليا وفت عند الحفافة قصيت شعري كاري بلونجونت وصبغتو فالڨري وسشورتو كي داتني لمراية شفت روحي دهشت عجوزتي بقات تسبح بنتي لاه درتي في روحك هكذا غير للعين قتلها واش من عين علاه انا نخرج لناس حتى فالدار ودارلي الخمار _وهو لاه دارلك الخمار غير كعدتي تخرجيلو هذ الخرجات ضحكت روحت لدار فالليل عيطلي بايتة نهدر معاه و حاب يهدر معايا لكام ماحبيتش يشوفني عيا فيا قتلو لالا راني مبهدلة نخوف خلي غدوا نسڨم روحي وتشوفني _ماعرف لاه راني حاس بلي رايحة تخرجيلي خرجة كيما ذيك المرة ضحكت اواه صاي شهمت من هذيك المرة كي شفتك درتلي هكذاك وزعفت مانزيدش نوجدلك روحي _لاه نزعف عمري مذابيا كي نجي نلقاك خير من ذيك المرة جيست عندي فالشمبرة قعدت نهدر معاه شوية وكوبيت ،لغدوا الصباح عيطلي قالي لليل باه نروح قتلو علاه ديما فالليل ارواح الصباح _مانقدرش مينوشة لازم نكمل خدمتي ونخرج واذا تحبي الصباح نخليه غدوا ونروح قتلو لالا بزاف ارواح فالليل راني نستناك ، زاد عيطلي قالي وقت العشا نروح وليت درت العشا حطيتو وطلعت دوشت خفيف سشورت شعري مكييت لبست روبة بيزو نوار جاية بروتال طويلة لاصقة فاللحم ومشقوقة على الجيهتين مرسم فيها ماركة ڨوتشي ريڨلت شعري جاي من اللور قصير ومن الجوانب طويل وليت رجعتو ڨاع في جهة وحدة درتلو لالاك باه يبقا كيما راه بقيت نشوف مع روحي هيا جيت روعة نروح نجيب لعشا ونجي جبدت روبة عريضة لبستها الفوق ودرت الخمار وهبطت لقيت العجوز قتلها اتعشاي هو مزال شوية باه يروح كي يجي ضك نطلعلو الفوق تعشات وخلصت غير شفت الوقت وليت سخنت العشا وجدت طابلة الفوق عمرتها من كلش فرشت في لرض ونحيت الروبة وقعدت نستنى فيه 10د سمعت صوت الباب تحل نضت خرجت لقيتو جا بالكومبا بقيت واقفة دار عندي جا يمشي حبس والله عرفتها زدتي بدلتي اللوك ضحكت بقا يشوف معايا حتى الكابة طاحت من يدو آية حابة تقتليني انتي كل مانروح ونرجع تخرجيلي خرجة كيما هذه سكت فتحلي ذرعيه هيا ارواحي برك ما تبقايش واقفة طلعت يديا ورحت نجري حظنتو طلعت عندو هزني ياعصفورتي واش توحشتك داني معاه للشمبرة حطني في لرض بعدت عليه شفت معاه بقا يشوف معايا آية واش ندير معاك انتي وين نديك وين نخبيك اه حظنتو ماتديني حتى لبلاصة حابة نبقى غير معاك وخبيني في قلبك بزاف عليا باسني على شعري بعدني عليه بقا يشوف معايا حتى تاه فيا قتلو هيا ارواح تتعشا علبالي راك جيعان _علاه كي شفتك كاش ما بقا فيا قتلو مروان تعيش ماديريش معايا كيما المرة لي فاتت والله كلش درتو على جالك انت وكون ماشي على جالك والله ما نمس حاجة في روحي حتى انا والفت هذه العقلية نتزين غير كي تكون انت هنا نحب نوريلك زيني باسني على شعري علبالي بصح هذا الشي لي راكي ديريه في روحك راكي غير تخليني نخنقك بغيرتي سما ضك نقولك ديري النقاب فالدار ولا كيفاه ضربتو مروان بركا من التمسخير تاعك _والله نهدر بصحي كون جات تصلحلي نخرجك بدارك وحدك قتلو ايه خرجني وحدي _مانقدرش عمري كي نروح انا انتي تبقاي وحدك مانقدرش نخليك ورايا ونروح هنا كي نروح نروح مطمن علبالي راكي وسط يما وخاوتي واحد مايقيسك بشعرة مانخافش عليك قتلو اديني معاك ياك يعطولكم سكنة _ا اواه جامي نسكنك ثم قتلو لاه واش فيها راح نبقا غير هكذا انت في جهة وانا في جهة والله كرهت جامي نشبع منك اديني معاك خير _مانقدرش نديك لهذيك البلاصة قتلو لاه واشبيها _ماشي بلاصة ڨاع نخاف عليك هنا وراني نخاف عليك قتلو لاه منين راك خايف وزيد ياك راح نكونو في بلاصة آمنة _اواه مستحيل نسكنك في جبل وحدك ومانحطكش في هذيك البلاصة قتلو لاه زعما واش فيها _فيها عدياني قتلو شكون هذو _ مينوشة كاين امور انتي ماتعرفيهمش قتلو كيفاه زعما لاه واش كاين واش دخلني فالنص انا _ افضل طريقة باه تذلي بيها الراجل هي توصلي شرفو وعرضو وشرف الراجل هو مرتو وبنتو وختو وامو بصح اكثر حاجة تذلو وتكسرو هي مرتو الواحد كي يكون عندو عدو وحاب يذلو يوصل مرتو قتلو ايه وامبعد مافهمتش واش دخل هذه في هذه_باينة عمري انا عندي عديان وناس ماتحبنيش وحابين يذلوني ويكسروني لحد الان ماقدروليش مالقاوش الطريقة قتلو وانا واش دخلني _ماشي مرتي دخلك ونص وحابين يذلوني بك قتلو شكون هذو يخدمو معاك _ ايه يخدمو معايا قتلو واش دخل النسا فالوسط _راني نقولك كي ماقدروش يكسروني يحوس يذلوني بك قتلو وانا وين راح يلقاوني حتى يذلوني بك _كي يحطوك في راسهم يلقاوك يلقاوك قتلو والله خوفتني انا واش دخلني بيناتكم حظني لعميرة تاعي والله لي يوصل عندك ندي روحو بعدني حكملي وجهي شفتي لاه درتلك النقاب ونخبيك عليهم ومانحبكش تخرجي غير على جال هذا الشي باه اذا خرجتي واحد مايشوفك قتلو ايه وامبعد يشوفني مافهمتش ياك مستورة _تخيلي نكون قاعدين وسط جماعة وينطق هو يقولي مرتك شابة وشڨرا وعينيها ملوين وعندها لاطاي واش تحبيني ندير قتلو ياخاه واش الهدرة هذا عرض حرام عليهم ماهيش هدرة رجال _صحيتي هذو رخاس انا لي معادييني رخاس ماشي رجال والرخاس هذي هي خدمتهم مايقابلوش كي رجال يولو يطعنو فالظهر ويولو لنسا قتلو ماعرف _خذيلي راي برك وماديري حتى حاجة ورايا خبريني باتفه الامور قتلو وهذو لاه يديرو معاك هكذا _الغيرة والحسد غير يشوفو واحد طلع شوية يحبو يكسروه وكي مايقدرولوش يولو لعرضو باه يكسروه ملا ديري حسابك وماديري الثقة في حتى واحد بغير يما قتلو لاه هذا قريب ليك _ايه قريب بزاف قتلو معليش هيا ارواح تتعشا _خلي ندوش ونجي راني خرجت من الخدمة ديراكت هنا قتلو خلاص روح راني نستنا فيك حط حوايجو قرصني من خدي وراح خرج لدوش.... #يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

#قصة_واقعية 

الجزء19

قعدت نستنا فيه صونا تليفونو نضت هزيتو لقيتو الماسكي قعدت نشوف معاه شكون هذا لي يعيطلو بالماسكي مستحيل راجل يعيط بالماسكي توسوست قلت نهز ولا مانهزش بصح خفت منو هو كلش كلش ويصوني تليفونو ونتلاح نهز بقيت غير نشوف توسوست اول مرة نشك فيه عيط مرة برك وحبس قلت ندخل نشوف واش فيه بصح خفت هو مايحبش العقلية هذه تاع نفركت وراه يقولي قوليلي وشوفي على روحك سمعت الباب تحل رحت رجعتو وين كان كشغول ما كان والو قعدت على السرير ماعلباليش لاه شاكة فيها وحدة مستحيل راجل يعيط بالماسكي بقيت نطلع ونهبط فجاة تبدلو حوالي دخل عليا هاز فوطة واش مينوشة شفت معاه زعما راه يخون فيا اواه ماشكيتش يحبني هو متاكدة من هذا الشي مينوشة واشبيك قتلو لا والو حقا تلفون كان يصوني _شكون قتلو ماعرف ماشفتش راح هزو حل الكود بقا يشوف قتلو شكون دار عندي من وقتاش تسقسيني انتي شكون يعيطلي قتلو لاه واش فيها _ماتسقسينيش آية قتلو لاه واش فيها كي نسقسيك _علاه انا شكون عيطلي بغير صحابي قتلو ايه نورمال قول صاحبي عيطلي _وين تعرفي انتي صحابي باه نقولك بلي عيطولي قتلو لاه لازم عليا نعرفهم باه تحكيلي عليهم _آيااااا راني نجي ليك نخبطك كيفاه لازم تعرفيهم هذه قتلو انت لي راك تقول هكذا _انا قتلك تعرفي على صحابي قتلو ايه هكذا راك تقول بلي لازم نعرفهم باه تولي تحكيلي عليهم مي مدام مانعرفهمش ماتحكيليش _آياااا اقسم بالله غير نخبطك بكف كيفاه هذا لازم تتعرفي على صحابي ولازم نحكيلك عليهم قتلو ولاه واش فيها كي تحكيلي جا عندي واشبي جدك انتي كيفاه نحكيلك على صحابي ولاه حتى نحكيلك على صحابي قتلو لاه واش فيها _انتي كاش ما راكي شاربة سير صينو ماتقوليليش هذه الهدرة قتلو ماني شاربة والو بقا يشوف معايا انتي واقيلا جسمك راه يحك فيك تحوسي على طريحة وانا اذا طحتي بين يدي راني نفلعصك قتلو مانحوس على طريحة ماتفلعصني وتصبح على خير هاو عشاك واجد نحيت الغطا ورقدت بقا يشوف معايا جا وقف فوق راسي واشبيك انتي قتلو مابيا والو علاه بقا يشوف معايا اية انتي هزيتي تليفون هذاوين قتلو لا ماهزيتوش علاه كاش مافيه سكت دورت وجهي صونا تليفونو راح هزو نضت قعدت لقيتو يشوف معاه دار عندي قتلو واشبيك هز كوبا عليه ممبعد ونهدر معاه قتلو ناس بكري قالو "من فعايلي ما نامن حد"بقا يشوف معايا واش قصدك آية قتلو فهمتني مليح واش قصدي هذاوين فهمت تحكماتك الزايدة فيا _واش دخل غيرتي وفعايلي علواه راكي تهدري انتي قتلو زعما مافهمتنيش علواه راني نهدر جا عندي قعد آية علواه راكي تهدري _قتلو لاه ماحبيتش تريبوندي _هذا صاحبي كي نقعد نهدر معاه قتلو ااا صاحبك ملا _ماكيش مصدقتني قتلو نهار طيح في نفس هذا الموقف ثم تعرف صدقتك ولا لالا _آية واشبيك والله نضت نعيط ماتكذبش عليا وتقولي صاحبي لي راه يعيط هذا الماسكي لي كان يعيطلك _سما هزيتيه قتلو ايه هزيتو واش راح دير _وانتي واشبيك مافهمتش قتلو كيفاه واشبيا شكون الماسكي هذا لي راه يعيطلك _ماعلاباليش قتلو وشكون لي علابالو ملا _ايه ماعلباليش قتلو ولاه ماهزيتش باه تعرف شكون _مام اذا هزيت مراحش يهدر ديما يعيطلي ومايهدرش قتلو شكون هذه _واش قصدك قتلو ملخر شكون هذه لي راهي تعيطلك _مكان حتى وحدة راكي موسوسة في باطل قتلو ااا والله وانت في بلاصتي تصدق هذه الهدرة سكت مروان علبالي وحدة راهي تعيطلك غير اهدر شكون هذه _مكان حتى وحدة راكي موسوسة في باطل ماشي شرط الماسكي يكون مراة بقيت نشوف معاه مروان واش راك تشوف فيا والله حابني نقنع بلي راجل لي يعيطلك بالماسكي ماشي مراة حكملي يدي خطفتها _شوفي آية راح نقولك هدرة وحدة وانتي حرة صدقي ولا اقعدي اذا راكي دايرة في بالك بلي راني نخون فيك تكوني غالطة بزاف وتكوني طيحتي من قيمتي بزاف ماشي انا لي نهدر مع النسا بالتخبية انا نهار تدخل حياتي وحدة جديدة ولا نحب وحدة غيرك صدقيني غير نجي نقولهالك بكل صراحة ألور نحي هذا الهبال من راسك وحط صبعو على قلبو وتهناي هذا مافيه حتى وحدة بغيرك انتي وناض راح قعد بقيت نشوف معاه هيا رواحي تتعشاي معايا ونحي التوسويس من راسك رجعت رقدت ماعرف نصدق ولا نكذب بصح اول مرة نحس بلي كاينة وحدة غيري متاكدة بلي الماسكي هذا مرأة ماشي راجل قلبي خبيري بقا يعيط عليا آية رواحي عمري تتعشاي معايا والله راكي موسوسة باطل نضت قعدت بقا يشوف معايا شكون عندو هذا الجمال ويخونو قتلو انت ضحك الله يهديك والله ماني شايف غيرك بقيت نشوف معاه هيا عصفورتي رواحي عندي سكت والله غير جي بقيت نشوف معاه هيا راني حلفت نحيت الغطا ونضت رحت عندو قعدت دارني في حظنو باسني على شعري حطيت وجهي في صدرو بصحك انا نخونك مهبولة انتي علاه راني شايف فالنسا من بعدك حتى نخونك معاهم طلعت راسي شفت معاه مروان والله ونحكم عليك حاجة مانسمحلك الشي لي طلبتو مني ڨاع درتو وتنازلت على بزاف حوايج غير باه تكون مرتاح وخاطر نحبك بصح باه تخوني صدقني توصل بيناتنا للمحكمة ناض يضحك عمري راهي تهدد فيا قتلو مانيش نهدد جيست باه دير حسابك كلش على جالك يهون ونعطيك عمري ڨاع بصح الخيانة مراحش نسامح بقا يعدلي في شعري على وجهي آية راكي بصحك انا نخونك بعد ماعطاني ربي هذا الجمال والحنان نروح نرميه هذا يسموه فساد النعمة وانا نعرف مليح قيمة النعمة قتلو ملا دير حسابك _مانخونك ماندير حسابي وانتي بركاي من توسويس تاعك وياسيدي اذا خنتك راني رخيس ومانيش راجل ومافياش ذرة رجولة فوق هذا الشي واش تحبيني نقولك قتلو بصح متاكدة مراة لي عيطتلك _واش يهمك انتي لي عيطلي مراة ولا راجل المهم هو نحبك انتي ومانيش نخون فيك نضت قعدت على ركايبي كيفاه واش يهمني تحوسني نشوفك تهدر مع نسا ونسكت _شكون قالك راني نهدر مع نسا واشبيك انتي نضت وقفت قتلو والله لي عيطتلك مرأة مكلاه تكذب عليا_آية ولينا قتلو ايه ولينا ومراحش نحبس حتى تقولي شكون هذه بقا يشوف معايا لي عندي راني قلتو الباقي عليك قتلو ااا والله اك ملا غدوا ديني لدارنا _علاه واش كاين حتى نديك قتلو راني صادة _صادة علاه حتى قتلو حكمت راجلي يهدر مع وحدة واش تحوسني ندير _آية بركاي من الهبال تاعك قتلو والله ماني نتمهبل راني بصحي _حتى انا مانديكش وديجا غير غدوا نديك ونروحو ياك قتلك نجوزو فاكونس قتلو مانروحش روح وحدك ودارنا ضك نعيط لبابا يجي يديني بقا يشوف معايا تعيطي لباباك قتلو ايه نعيطلو _وشكون راح يخليك تخرجي قتلو نخرج وحدي ما تسالنيش رما الفرشيطة ما نسالكش قتلو ايه يا تديني يا نعيطلهم _علبالك بلي راح توصل بيناتنا لطلاق كون ديريها قتلو بعد ما اكتشفت هذا الشي اليوم صدقني ماتفرق معايا حاجة طلقني وولا تحرمني عليك لي يساعدك ديرو واذا تاكدت بلي كاينة وحدة غيري في حياتك انا لي نطلقك و نحرم روحي عليك ماشي انت و نبيعك على الصباح ،درت هزيت الخمار وخرجت هبطت التحت فت لصالو والله ونلقاه يخون فيا غير نبيعو على الصباح وكون ماندموش عليها ملا ديجا راه بدا الشيطان يوسوسني جيت فالصالو وتكسلت جامي توسوست منو كيما اليوم واحساسي متاكدة منو ماشي شك برك معليش تعيا وتبان لقيتو دخل عليا جا عندي وقف فوق راسي هيا نوضي شفت معاه مروان تعيش خليني في حالي حابة نبقى وحدي قعد قدامي آية علاه راكي ديري فينا هكذا عوض ما نكونو مع بعضانا ولينا هكذا انا وياك قتلو معليش بصح خليني وحدي _علاه راكي ديري هكذا ومكبرة الموضوع والله ما كاينة حاجة من الشي لي راه في راسك قتلو معليش بصح حابة نبقى وحدي تعيش خليني في حالي ضك وحدي وحدي يتنحا عليا بقا يشوف معايا مروان تعيش خليني وحدي حابة نبقى وحدي _هيا تطلعي الفوق وابقاي وحدك مانهدر معاك مانقيسك قتلو واشبيك ماتفهمش حابة نبقى وحدي _خلاص هيا نوضي اطلعي الفوق وانا ضك نرقد هنا قتلو حابة نرقد هنا _لا ماترقديش هنا شوفي واش راكي لابسة اطلعي الشمبرة وليت نضت خرجت طلعت الفوق وقعدت بقيت نتقلب عييت نرقد تفكرتو راه راقد التحت بلا غطا نضت هزيت زاورة وهبطت دخلت شعلت الضو لقيتو مزالو نايض بقا يشوف معايا رحت غطيتو ودرت نمشي آية درت عندو والله راكي ظالمة نفسك علبالك علاه سكت خاطر ماكيش عاطية حق لعمرك ماكيش عارفة قيمتك روحي لمراية وشوفي عمرك وسقسي نفسك صح وحدة كيما انتي تنخان قتلو اذا على المظاهر والجمال كاينين اجمل مني وتخانو _لا خلينا من الجمال الخارجي راني نهدر على الجمال الداخلي وعلى بزاف حوايج فيك ماتفقديش ثقة في روحك وتحڨري روحك سكت خرجت خليتو طلعت الفوق روحت لمراية تاع الخزانة بقيت نشوف مع روحي ظاهريا على حساب هذه اللبسة والقصة والمكياج نبان من اجمل الجميلات من الداخل نفسي خالية من الامور المنبوذة كالحسد والغيرة ودعاوي الشر راني صافية من الداخل نمشي بنيتي لا حيلة لا خبث ماعلباليش واش راه يشوف فيا ،هو فيه حاجة مليحة جامي يحطملي ثقتي بنفسي ديما يديرلي الثقة في نفسي يخليني نشوف روحي حاجة بيزار ديما يحسسني بلا انا حاجة سبسيال مكاش حاجة تشبهلي ومكاش كيفي ساعات كلامو يوصلني لمرحلة الغرور والتكبر بصح جاست تاع اليوم دخلتلي الشك في روحي وراح نفقد الثقة في نفسي والانسان كي كي يفقد الثقة في روحو يولي يحس بالنقص ويستحقر روحو وانا اليوم دخل الشك في روحي وفي علاقتني ملي تزوجت جامي غرت عليه ولا حسيت بتهديد بلي كاينة وحدة راح تديه مني حتى اخت جوهرة كي جي هنا مانعطيهاش اهمية بزاف ولا نخاف منها دورلي بيه مي اليوم حسيت بتهديد وخطر ومتاكدة من احساسي 100% بلي كاينة وحدة وانا من النوع لي اذا لقيت راجلي يخون فيا و قدر يخدعني ويبدلني ودخلت وحدة جديدة في حياتنا ننسحب ديراكت ماندير حتى محاولة باه نرجعو عندي ولا نرجع علاقتي عندي مبدأ لي يحبني صح مايقدرش يخوني ويبدلني واذا قدر وخاني يعني وليت مانيش مقنعاتو ووجودي في حياتو رجع غير ضروري ألو ننسحب باه نبقى بكرامتي اولا وثانيا أنو قلبي يبرد مانبقاش نشوف هذاك الانسان كيما كنت نشوف فيه خاصة اذا خاني نولي نعافو اليوم غير شكيت بلي كاينة وحدة في حياتو تزعزع حبي ليه وراح يطيح من قلبي ولوكان نتاكد بلي خاني ندير عليه كروا روج ونسبريميه من حياتي انا عندي عزة نفس مش طبيعية وراح تضرني كثر ما تنفعني...... #يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء20

شفت مع الساعة راهي 12 ماقدرتش نرقد عييت نركح الشك مشالي في دمي ومراحش نبرد حتى يحكيلي شكون هذه بغير هذا الجواب مانرضى بحتى جواب والله يحلف على المصحف مانقبل بقيت ندور فالشمبرة نرقد ونوض وليت خرجت للباب قعدت على الحديد تاع دروج نشوف فالباب تاع صالو يدرا واشراه يدير والله ويخرج خايني غير ندمر مروان تعلقت بيه لدرجة عير طبيعية ولا هو كل حياتي سورتو من نهار وقف معايا في مرضي عشقي ليه زاد اضعاف مستعدة نعطيه عمري وليت نشوف فيه حاجة مقدسة عندي استغفر الله ياربي مابقاليش نعبدو لانو جامي نخمم نعصيه ولا ندير حاجة تزعفو ونتازلو على حساب راحتي مهم يكون مرتاح انا هكذاك ونسمع في تليفونو صونا من الصالو ملا مزالت تعيطلو اليوم نعرف كلش نحيت بليغتي باه ماديرش الحس وهبطت حفيانة رحت نمشي بالشوية سمعتو يهدر ملا موالف يهدر معاها جيت نصدم عليه بصح قلت خلي نسمع عييت نقدم للباب خفت كاش مانسمع وليت نرجف قدمت للباب وبقيت نسمع انتي ماتحشميش على روحك ...اسمعي يا وحد الكلبة كون ماتخطيش جرتي ******** وبقا يسب فيها يالقحبة ويالكلبة ويالرخيسة ويلي من هذا لهذا وروحي ديري قيمة لعمرك ...سمعها واحد الكلام فاجر اول مرة نسمع هدرات كيما هذو ماعرفتش هي كيفاه تسمح لواحد يقولها هذا الكلام كيفاه قدرت تسمعو انا لحمي تشوك ماقدرتش نسمع خليتو حتى كوبا ودخلت شعلت الضو ناض قعد كنتي هنا قتلو ايه كنت هنا وسمعت كلش قتلك بلي كاينة وحدة ومانيش غالطة ناض عندي آية غير مكلاه تفهمي غالط قتلو اااا نحكمك تهدر مع وحدة على 1 تاع الليل وتحوسني مانفهمكش غالط _آية ارواحي اقعدي نفهمك حكملي يدي ضربت يدو نحي يدك عليا ماتهدر معايا مانهدر معاك حاب تهدر وتتمعشق وتخرج انت حر بصح ماشي في حضوري ومراح نحاسبك مانحوس عليك لانو خسارة فيك جيت خارجة حكمني من ذراعي ضربت يدو نحي يدك الموسخة عليا ماتمسنيش وخرجت طلعت نجري لقيتو لحقني خبطت الباب في وجهو غلقتو مالداخل وفت لشمبرة خلاص كلش بان نحيت الغطا وعطيتها برقدة والله مايساهل دمعة مني مانيش انا لي نبكي على كلب خاين هذه هي النتيجة كي تعطي قيمة لانسان كثر من قيمتو .لغدوا فطنت شفت مع الساعة راهي 11 راسي صبح بيدون نضت غسلت وجهي ورحت حليت الباب لقيتو خرج من الكوزينة طلع راسو شافني لقاني واقفة بالروبة تاع البارح وبشعري ناض يعيط ادخلي بقيت نشوف راني نهدر هيااااا وليت هبطت درجة كوني مرأة واهبطيلي هكذاك شفت معاه آياااا اقسم بالله وتهبطي هكذاك غير واحد مايخلصك من يدي راني حلفت وما تجربنيش بقيت نشوف خرجت العجوز واشبيك تعيط كان هاز فنجان تاع القهوة رماني بيه فات عليا كالرصاصة خبط فالحيط تكسر بقيت غير نشوف قاتلو العجوز واشبيك آياااااا ادخليييييي تصمرت في بلاصتي راني نهدر ا د خ ل ي ماتخلنيش نطلع بقيت غير نشوف قاتلو واشبيك تعيط عليها _يماا قوليلها تدخل لا نطلع وندير فيها حاجة قاتلو لاه واش دارت راح يجي عندي حكماتو واشبيها واش دارت ناض يعيط ياووووو ادخليييييي راني نقتلك ادخلي ماعرفتش واش بيا تصمرت عييت نتحرك غير العجوز تحكم فيه اصبر واش دارت حتى راك تعيط عليها بقا يشوف معايا كون نطيح في يدو يقتلني العجوز مافاهمة والو ماعلبالهاش بلي هذا ڨاع كي خرجت بالبروتال وبشعري نسمع في صوت لوسي يعيط يمااا من برا بعد يماه وطلع طاير عندي حكمني من ذراعي وطبعني لداخل كخبطني فالحيط حسيت بظهري تكسر طرطقت فيا حاجة بصح ماعرفتش واشنو هي طحت في لرض نعيط بصوتي بقا يشوف معايا بصح مزية ديت هذيك الطيحة صينو كان راح يدڨدني ولا دار يضرب فالخزانة تاع الصبابط كنت قاعدة قدامها كي بقا يضرب فيها برجلو كشغول يضرب فيا ذراعي طارت بقيت غير نعيط حتى دخلت العجوز طبعتو واشبيك معاها جات تنوضني يمااااا اخرجي بقات تشوف معاه يما قتلك اخرجي قاتلو واشبيك معاها قالها يما اخرجي بيني وبين مرتي ابقاي بعيدة ولات خرجت راح ضرب الباب برجلو وجا طبس عندي بعدت وجهي واش ندير فيك ضك اه كيفاه تخرجي هكذا سكت قولي واش ندير فيك تحوسي نضربك توحشتي الضرب بقيت ساكتة كون دخل خويا وشافك هكذا كيفاه نديرلك علبالك كون شافك راني حرقتك حية جيت نايضة حكمني من شعري تزيدي تخرجي من الشمبرة بلبسة كيما هذه اقسم بالله يا آية ومانحرقكش مانيش مروان وجربيني وشوفي ضربت يدو ونضت دخلت لشمبرة رحت لسرير تغطيت ورقدت فات حل البالكو خرج ساعة وهو وبرا عاود دخل وجا قعد ورايا حط يدو على شعري بقا عڨابو يطلعو على وجهي ويعاود يهبط علبالك كي خرجت من الكوزينة لقيتك واقفة بذيك الروبة وبشعرك تقول شمس وطلت عليا كل مرة نزيد نتفتن بك وبزينك شفت معاه اشفاي عليها كون مانديرش جريمة على جالك ملا درت على ظهري بقا يشوف معايا آية بالنسبة الموضوع تاع البارح نضت قعدت قتلو ماعندو مادخلني ماتحكليش _راح نحكي وتسمعيني بالسيف قتلو ماقتلكش احكيلي راك حر دير واش تحب ماعندو مادخلني فيك راني قتلك مانحاسبك مانحوس عليك _كيفاه ماتحاسبنيش آية قتلو ايه ما نحاسبكش ونفس الشي انتي ضحك باستهزاء اااااا راكي ديري هكذا باه نخليك على هواك ومانحاسبكش أملا انتي حرة تحاسبيني ولا تقعدي حاجتك بصح انا الهواء لي تتنفسيه نحاسبك عليه سكت بقا يشوف معايا آية مينوشتي ضك نحكيلك كلش والله مانكذب عليك في حرف هذه لي راهي تعيطلي نعرفها قبل مانتزوج تخدم طبيبة وين نخدم كنت معاها وتفارقنا وكي تزوجت جبدت روحي عليها نهائيا مابيناتنا حتى تواصل سورتو من جيهتي قطعت عليها كلش وماخليتهاش توصلني الوسيلة الوحيدة لي بقاتلها هي تعيطلي تعرف نميرو تاعي وانا نميرو مانقدرش نبدلو كعاد قديم والغاشي ڨاع يعرفوه مكاش كيفاه نبدلو حطيت نميروها فالروجوتي بصح كل مرة تبدل نميرو وتعيطلي نسبها ونرخسها و تروح يامات وتعاود ترجع تعيط وكي ماحبيتش نهز عليها بالنميرو تبقا تعيطلي بالماسكي شفت معاه انت بصحك انا راح نصدق هذه الهدرة _لازم تصدقي آية مانيش نكذب عليك راني نحكيلك واش كاين قتلو حتى انا قتلك _كيما تحبي انتي قلتي شكون هذه وانا حكيتلك كلش صونا تليفونو جبدو من الجيب لقاني نشوف معاه واش تشوفي معايا راهم يعيطولي من الخدمة وراهولي وريبوندا دار انترفون وبقا يهدر مع صاحبو طلبوه فالخدمة كوبا _هاه شفتي وديري في بالك انا والله مانكذب عليك في حاجة وكي تكون وحدة جديدة راني نجي عندك ونقولك سكت ناض وجد حوايجو وجا عندي عصفورتي انا لازم نروح كي نرجع نديرولها حل نشالله بقيت ساكتة باسني على شعري وخرج،قعدت نخمم في هدرتو نصدقو ولا نكذب بصح هذا الشي مايعنيش بلي مكاش وحدة في حياتو حتى واذا ماعينوش فيها هي عينها فيه سورتو كعادت تخدم وين يخدم هو تشوشت ڨاع ماعرفتش كيفاه نتصرف واقيلا نروح لدارنا ونعاود حساباتي عيطت لبابا قتلو رواح ديني قالي لاه كاش ما كاين قتلو لالا والو توحشتكم برك ومروان مكاش هنا قالي خلاص ضك نجي نضت غسلت بدلت وهبطت لقيت لعجوز قاتلي ياك ماضربكش قتلها لالا سقسيت عليه قاتلي هذاوين خرج قالي راني راجع للخدمة ، طلعت الفوق وستنيت بابا حتى وصل عيطلي لبست وخرجت تلاقيت بالعجوز وين رايحة قتلها لدارنا _ومروان علبالو قتلها ماعلبالوش _ياخاه آية رايحة بلا رايو قتلها مايهمنيش فيه _آية واشبيك والله ويسمع غير يريب الدار على راسي عيات فيا ماحبيتش خرجت وصلت الدار صونا تليفوني لقيتو هو ريبونديت عليه وي واش تحتاج _خرجتي من الدار بلا رايي قتلو ايه ومانيش راجعة راني خليتهالك وبعثلي ورقة طلاقي كوبيت عليه بقا يعيط ويعاود ريبونديت عليه وي واشنو _شوفي انا مانقلق روحي ما نعيط مانهبل مانجي ليك كيما خرجتي من الدار وحدك ترجعي وحدك قتلو واقيلا نسيت واش صرا _آية الموضوع تاع البارح وحدو والجاست تاع اليوم وحدها احمدي ربي عيطولي من الخدمة ورجعت قبل ماتخرجي صينو راني اليوم دفنتك قتلو مانيش راجعة ولي في يدك ديرو _اسمعيني مليح نعطيك يومين في يدك علبالي ماكيش مليحة ومضغوطةوراح نساعفك ونخليك تقعدي ثم تريحي بصح يومين ماتفوتيهاش قتلو مانرجعش _آية لي عندي هدرتو يومين في يدك وترجعي لدارك ماترجعيش تولي حاجة اخرى قتلو تولي واش تولي مانرجعش _انا لي عندي قلتو يومين ونعيط عند يما ومانلقاكش رجعتي لدارك هذاك نهار تولي حاجة اخرى قتلو واشبيك ماتفهمش قتلك مانرجعش واقيلا نسيت واش صرا _آية مكلاه تخلطي بين المواضيع هذاك الموضوع وحدو انا المهم يومين نلقاك فالدار نعيط ومانلقاكش اتحملي مسؤوليتك وهذه جاست مراحش نفوتهالك باه ديري حسابك ماشي انا لي تخرج مرتي بلا علمي بصح معليش نرجع ونحاسبك عليها وكوبا جبت يومين بقيت مابين وبين نرجع ولا مانرجعش قررت نرجع لعشية داني بابا وصلني لقيت عجوزتي ماديتيش تليفونك قتلها لاه _من صباح مروان يعيط ويسقسي رجعتي ولا مزال قتلها كان مغلوق _بنتي علبالك غلطتي كي خرجتي بلا علمو والله ما يفوتهالك راني نعرفو انا راني يماه ومايحبنيش نخرجو بلا ما نقولو وينك يا انتي بديت نخاف منو حتى انا عارفة مراحش يفوتهالي ، طلعت الفوق سيقت وفرزت وهبطت درت لعشا تعشيت مع العجوز سهرت شوية وطلعت لشمبرتي تفرجت شوية ورقدت، حسيت بواحد الشحطة على فخظي تخطفت حتى لقيتو واقف فوق راسي جا بالكومبا هاز واحد السوط كحل نضت قعدت مزلت ديخانة من النوم بقيت نمسح في عينيا ماخلانيش حتى نستوعب واش كاين بقا يمشي فالسوط على جسمي واش كون ضك نقطعو على ظهرك قتلو واشبيك_ قوليلي برك كيفاه قدرتي تخرجي بلا علمي كيفاه جرأتي ودرتيها شحطني على ذراعي نضت وقفت واشبيك تضرب فيا دار على سرير وجا عندي وقف قدامي وهاز السوط قولي واش رايك نقطعو عليك قتلو واشبيك_واشبيا زاد شحطني على ذراعي ومزلتي تهدري وتحلي في فمك شكون قالك اخرجي بلا علمي بقيت ساكتة راني نهدر قتلو واشنو _شكون قالك اخرجي قتلو خرجت وحدي _وانا واشنو هنا ملا اذا عدتي تخرجي برايك وديري كلش برايك انا واشنو في هذا الدار بقيت ساكتة زاد شحطني اهدري انا واشنو اذا عدتي تمشي برايك انا لاه راني عايش نروح نموت خير مدام ماعندي حتى دور بقيت ساكتة قولي انا لاه راني عايش ملا اذا مرتي تخرج برايها وتمشي برايها ودير كلش برايها انا واش الفايدة تاعي سكت قولي ولا تحبي نحكم الدار و ندير الطابلية وانتي نلبسك السروال والبودي ونخرجك تع** وتجيبلي ناكل شفت معاه هكذا حابة انتي مدام وليتي تمشي برايك سما انا ماعندي حتى دور بقيت ساكتة _شكون داك منا قتلو بابا _خرجتي من مورايا كي كنتي في دار باباك قتلو لالا _ خرجتي بالنقاب ولا نحيتيه قتلو لا بالنقاب _وكون نسقسي قتلو سقسي بقا ساكت هذه المرة راني فوتهالك بزوج شحطات على ذراعك والله والله والله راني حلفت بالثلاث وتزيدي تفوتي العتبة بلا رايي وعلمي شفتي هذا السوط شوفيه مليح كيفاه مواسي هذا نقطعو على ظهرك بقيت ساكتة تعاودي تخرجي بلا علمي ولا ماتعاوديش سكت شحطني راني نهدر قتلو مانزيدش زاد شحطني وكون تعاودي وليت نبكي والله ما نعاود _هيا مليح ديجا كوني فحلة وعاوديها وهذا السوط من اليوم نخليه هنا وجبتو سبيسيال ليك كل غلطة بشحطة حل القجر حطو غلقو ودار عندي حل القفايل تاع الكومبا وضك نفوتو للعقاب دوزيام قتلو واش راح دير حكمني من شعري ورماني على السرير و دا كلش بالغصب والضرب ودار فيا حوايج كان علبالو بلي مانحبهمش ونتقزز منهم جبرني عليهم وناض راح لدوش....... يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء21

درت على جنبي وبقيت نبكي بالساكتة دخل لبس الكومبا وجعد قعد ورايا غمضت عينيا جبد الغطا غطاني حط يدو على شعري بقا يمسح على شعري والله ما كنت حاب ندير فيك هكذا بصح انتي جبرتيني علبالك مانحبش تكسري كلمتي وانتي كسرتيها ومشيي كلمتك كشغول قلتيلي ماكش راجل وصدقيني مانيش ندمان خاطر تستهالي وكون تزيدي تعاوديها راح ندير كثر من هكذا بقيت ساكتة باسني على شعري وخرج..فات على هذاك النهار 20يوم ديما يعيطلي يبعثلي مساجات مانردش عليه نحل الفايس يبقى يبعثلي ويعيط كام مانقرا مساجات مانبعثلو ،لغدوا فيونصاي دنيا جا خطبها صاحبها ومدوهالو خرج صح فحل وقد كلمتو صباح راحت العجوز وجوهرة وانا راح نروح مع عفاف تغدينا برك غسلت الماعين وطلعت الفوق دوشت سشورت شعري ستيكيت روحي ولبست اونسومبل فالنوار روب سيري فايتة ركبة بالذرعين والصندالة وفوقها جيلي تاع فورير قصيرة لبست عبايتي وطلعت عند عفاف جا لوسي دانا لهيه جاو العشية دارولها الخاتم وراحو تعشينا وبقينا سهرانين حتى جات لوستي قاتلي هيا وجدي روحك مروان راه التحت يستنا فيك قتلها وقتاش روح هذا قاتلي هذاوين وصل لبست عبايتي درت خماري وهبطت التحت لقيتو فالكولوار واقف مع ختو بقا يشوف معايا هبطت راسي وسكت قعد يهدر معاها شوية وخرجنا ركبنا فالطوموبيل دار عندي شكون قالك روحي بلا رايي سكت راني نهدر شفت معاه علاه كان لازم عليا مانروحش _كان لازم عليك تشاوريني ماتخرجيش بلا رايي اووف كرهت من هذا الموضوع شاوريني وعلميني وبلا رايي وبلا علمي كرهت نفس الهدرة تتعاود بديت نكره من عقليتو يكبر الامور ويعقدها يديرهم حاجة اساسية _وخارجة عندي بلا نقاب قتلو دنيا ظلمة و مكان حتى واحد _ولو ديريه بقيت نشوف معاه هيا ديريه ماحبسش عليا حتى درتو و شعل الطوموبيل شغل الغنا طال غيابك غزالي انا دورت وجهي وتكيت على الكوسالة يقعد يقعد ويشوف معايا وصلنا لدار عطاني المفتاح هاكي ادخلي حتى ندخل الطوموبيل ونجي حكمتو هبطت حليت الباب وطلعت لشمبرتي دخلت نحيت العباية ونحيت الجيلي خرجت لتولات وخرجت تلاقيت بيه دخل كي شافني تقول تلبسو شيطان في ثانية تحول دخلت الشمبرة حتى حسيت بذراعي طارت دورني عندي واش راكي لبسة هكذا قتلو واشنو بقا يشوف خرجتي هكذا بالميني وبشعرك قتلو ايه وكيفاه نروح بقا يشوف انتي بصحك خرجتي هكذا قتلو ايه هكذا علاه واش كاين مافقتش كيفاه ضربني برجلو تحت رجليا جابني راكعة على ركايبي وهجم عليا بالضرب مخلانيش حتى نفهم ونستوعب واش كاين ضرب ضرب وراح خرج نضت لميت روحي طلعت لسرير غطيت روحي ورقدت ،جابتني الفطنة هزيت عيني مع الساعة لقيتها 1 درت على ظهري لقيتو راقد ورايا ويشوف معايا عظامي مكسرين ماجيت نوض نقعد بطلوع الروح نحيت الغطا ونضت وقفت رحت الخزانة لحت عيني المراية الصواري مقطعة عليا ماشفتيش وقتاش حتى قطعها شفتي مجروحة يديه تمركاو في وجهي ذراعي زرق حليت الخزانة ديت بيجامتي وخرجت لدوش دوشت وخرجت فت للباب حليتو لقيتو جا يجري حكمني وين رايحة بقيت نجبد في روحي رواحي وين رايحة كي بقيت نجبد في روحي ولا قالي خلاص ارجعي لشمبرة ضك نخرج انا حل الباب خرج وغلقو وراه رجعت لشمبرة حكمت بلاصتي ورجعت رقدت الصباح نضت فت لدوش غسلت وجهي خرجت تلاقيت بيه في وجهي جيت نخرج سبقلي شوفي هنا نهدر معاك ماجيتش نطلب السماح خاطر انتي الغالطة و اللبسة تاع البارح ممنوع ومن اليوم حتى فالعراس ديري الخمار والعرا ممنوع بعدتو عليا وخرجت هبطت التحت لقيت العجوز بقات تهدر معايا وتسقسي فيا علاه ضربك قتلها وليدك مهبول وقوليلو يروح يداوي قبل ما يطفر فيه الحال دخل علينا جبد الكرسي وقعد قابلني نروح نداوي ملا قتلو ايه روح داوي قبل مايفوتك الحال شاف مع العجوز شفتي نخليها تخرج عريانة ولا مانيش مليح قاتلو كيفاه تخرج عريانة وقتاش خرجت عريانة _البارح ماشفتيهاش كيفاه خرجت بقات تشوف معاه البارح؟ وقتاش البارح _كيفاه وقتاش ماشفتيهاش واش لابسة بقات تشوف معاه حتى هي دهشت فيه مروان وليدي واشبيك مع لبستها درتلها النقاب قلنا معليش لبستلها العريض فالدار قلنا معليش بصح باه توصل بك ديرلها الخمار فالدار وتحرم عليها تخرج بشعرها قدامنا والله غير بزاف راك زدت فيها بزاف_ما زدت فيها ماوالو ملول تفاهمنا العرا منحبوش قاتلو حتى هي ماهيش تتعرا لي في عمرها ڨاع يتقلشو في لبستهم غير هي ملبسها العريض ودرتلها الخمار في الدار راك دفنتها في شبابها ناض يعيط يالرب رايحين تهبلوني بهذ الهدرة وين دفنتها في شبابها راكم حابين نعريها ونخرجها هذه هي المعيشة عندكم مافهمتش لاه راكم مستغربين هكذا وراه الشي الصعيب والغريب لي راكم داهشين منو ياك مانيش ندير في حاجة عيب انا الشي لي طلبتو هو السترة خاطر مانحبش العرا قاتلو وراه العرا لي راك تشوف فيه ياك راهي ساترة روحها _راني نهدر على البارح علبالها مانحبش العرا انا في دار ومانحبش تتعرا غير في شمبرتها وهي راحت لبست هذيك اللبسة وعرات على شعرها بقات تشوف معاه مروان واشبيك لاه واش فيها كي تعري على شعرها ياك راهي في وسط نسا بنات كيما هي _ولو غير نسا مانحبش ديجا قبل كلش حرام عليها تكشف على مفاتنها قدام نسا ماشي كعاد نسا راح تعري روحها هذه الهدرة حطها الشرع قبل مانحطها انا والشي ليراني ندير فيه ڨاع محطوط فالشرع مانيش نطلب فالحرام دار عندي ونزيد نلقاها معرية على مفاتنها وشعرها نديرلها كثر من البارح وكيما تلبس فالدار تلبس فالعراس دير الخمار وتستر روحها ماعجبهاش الحال ماتروحش شفت معاه انا راح نلبس كيما نحب وانت اذا ماعجبكش الحال طلقني ماكش مجبور بيا ضربني فمي ماتهدريش معايا هكذا ومانيش انا لي تقوليلي ماعجبكش الحال نضت ضربت الكرسي انا لاه راني حاملة هبالك ومرضك علواه دار بابا كاينة والمحكمة كاينة

خرجت طلعت الشمبرة لحقني بقيت نحوس على تليفون شافو راح يجري هزو قتلو ضك نروح وحدي حليت الخزانة جبدت العباية لبستها جا عندي كوني مرأة وفوتي دروج وراح قعد على السرير لحت الخمار على راسي آية والله وبكسر الهاء غير تفوتي الدروج راكي مطلقة مطلقة مطلقة مني بالثلاث شفت معاه راني حلفت خرجت آياااااا حبست فالكولوار خرج ورايا راني حلفت بلاكي تغلطي وتندمينا عليها في زوج درت عندو علبالك واش معناتها مطلقة مني بالثلاث يعني تحرمي عليا ليوم دين ومانقدرش نرجعك غير اذا تزوجتي غيري وانا نموت وما نزوجكش لغيري درت رحت حليت الباب آية حذاري ديريها راكي دمرينا في زوج بقيت واقفة عييت نلوح رجلي مالغري الغش عاميني بصح كي سمعت بسيرة طلاق قلبي رجف وليت خبطت الباب غلقتو جا ورايا حظني والله طيحتي مني نص جبدت روحي درت عندو حكملي وجهي عمري خلينا نهدرو ونحلو مشاكلنا قتلو مروان خليني وحدي هذه الفترة راني مشوشة حابة نبقى وحدة _ماشي حل آية انتي تهربي وانا نهرب خلينا نهدرو نحاسبك وحاسبني ونلقاو حل قتلو مانيش قادرة نفسيتي زيرو خليني في راحتي كي يتنحا عليا ضك نجي عندك وحدي _واش راكي حابة قتلو حابة نبقى وحدي خليني في راحتي _نرجع للخدمة وكي نجي نهدرو قتلو ايه بصح ديني لدارنا حابة نبقا يامات ونرجع بقا يشوف معايا هيا تديني انت ولا نعيط لبابا _اواه نديك انا هيا وجدي روحك نحطك ونفوت للخدمة رحت جبدت صاكي وخرجت عندو وينو النقاب ارجعي ديريه رجعت درتو وجيت خرجنا وصلنا لدار دخلنا قالي روحي جيبيلي وليد خوك نشوفو طلعت جبتهولو شافو وراح ،جبت سمانة في دارنا ديما يعيطلي مانهزش عليه الصباح بعثلي مساج روحي تروحي لدار طولتي مارجعتلوش لعشية تعشيت برك وصلني بابا لدار لقيت عفاف والعجوز سهرت معاهم شوية وطلعت لبست بيجامتي وهبطت رقدت مع العجوز حتى شوية نسمع فالعياط قدام الباب نضت قعدت قاتلي عجوزتي واش الحس هذا قتلها ماعرف ناضت هي حلت الباب خرجت وانا قعدت كعاد لابسة بيجامة فيزو قعدت نستنى حتى نلقا العجوز عيطت عيطة يا بابا وليدي كي قالت هكذا قلبي راح ديراكت لمروان سير صراتلو حاجة ماقدرتش نوض نخرج الخلعة فشلتني بالسيف باه نضت وقفت رجليا يتخالفو خرجت من الباب نسمع غير في كلمة استشهد اخر حاجة شفتها العجوز طايحة وعفاف وجوهرة حاكمينها ،حسيت بحاجة باردة في وجهي حليت عينيا لقيت عفاف في وجهي نضت قعدت عفاف واشبيه مروان كاش ما صرالو قاتلي راهم يقولو بلي استسهد هو وصحابو هي قالت هكذا وانا كليت روحي عياو يحكمو فيا شفت ماما دخلت رحت نجري عندها طحت قدام رجليها حظنتي واشبيك ديري هكذا راهم يقولو مزال ما بان والو واشبيك تفاولي عليه هكذا قتلها كيفاه ما بان والو وهو كان معاهم _علبالي كان معاهم بصح راهم يقول مزال ماعرفو والو واقيلا لباس بيه واقيلا راه غير مجروح وانتي تفاولي عليه نشوف في لوستي تهدر في تليفون كي هزت بالعياط يا خويا خلاص اعصابي نهارو الدار قلبتها حتى جات وحدة طبيبة جارتهم تعاونو فيا حكموني دارولي برة بشوية بديت نتكلاما وليت غير نشوف الدار تملات بالغاشي طلعتني ماما الفوق في شمبرتي غطاتني بقيت نبكي غير بالساكتة حتى ولاو عينيا يتغمضو وحدهم ورقدت ،جابتني الفطنة جسمي تخدر ماقدرت لا نهدر لا نتحرك شفت مع الساعة لقيتها 3 ماعلباليش 3تاع العشية ولا تاع صباح دورت وجهي لتاقة تبان الحالة تاع النهار دخلت عليا ماما قعدت معايا واشبيك ديري في روحك هكذا ياو مزال ما بان والو راهم يعيطولو تليفون مغلوق وڨاع راحو واحد ماحب يهز علينا تليفون ها اصبري نشوفو واش كاين كشغول قلبي طمن عاودت رجعت رقدت...... يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء22

فطنت تنحالي تخدير شفت مع الساعة لقيتها 9 بديت نفيق مع روحي نضت قعدت حتى نسمع في دنيا تعيط آيااااا ماقدرتش نجاوبها وياربي ومانسمعش خبر ماشي مليح تعڨنت لقيتها دخلت عليا تعيط نوضي خالي مروان جابوه مابيه والو وخرجت بقيت في بلاصتي نشوف فقت مع روحي نضت حكمت كرشي ونمشي الخلعة قتلتني خرجت للباب لقيتو دخل على الباب محظن العجوز وختو ويضحك واشبيكم واش كاين درتولي جنازة وانا حي واقيلا صح كرهتو مني وحابيني نموت بقاو يضحكو معاه طلقت روحي قعدت فالدروج تكيت على الدروج ونشوف فيه كيفاه يضحك رجعتلي الروح طلتو تسوى الدنيا بلي فيها مليار مرة جيت فالدروج وقاعدة وهما دخلو للصالو قريب ساعة وهو لداخل شفتو خرج جا يمشي نضت عندو قريب يوصل عندي رحت نجري صوطيت عندو هزني وغلق عليا شوف كيفاه تمكر فيا خرجتلي بالفيزو تحوس نقتلها أطفلة حابة والله سيريو حابتني نقتلك وليت نبكي بالصوت اشششش آية ضك يخرجو ويشوفك واذا شافوك بالفيزو اليوم ندير فيك جريمة طلعني معاه الفوق دخلنا وغلق الباب داني لشمبرة قعد على السرير جا يبعدني عليه لصقت فيه _علبالك رب ضرة نافعة كون ماصراليش هذا الشي اليوم مكانش راح تتصلح علاقتنا بعدت عليه شفت معاه شكون قالك تصلحت ضحك بقا يعدلي في شعري مدام جيتي حظنتيني يعني تصلحت سكت بصح ماعلباليش بلي تحبيني ڨاع هكذا قالولي التحت بلي مرتك خلصت عمرها حتى كلميناها بلي باري صح ولا يكذبو قتلو لا يكذبو _اواه مايكذبوش الناس لي قالولي تاع ثقة سكت رجعني لحظنو يا عصفورتي واش توحشتك تكوني هكذا بين يديا بقا يهدر وانا نسمع حتى نعست ورقدت سمعتو ينوض فيا يا عصفورتي رقدت نوضي نوضي رجعت حظنتو ورقدت كي ماحبيتش نوضلو ولا ناض حطني على السرير غطاني وراح لدوش قعدت نستنا فيه حتى دخل واش نضتي سكت جا دخل عندي نضت قدمت عندو حظنتو ورقدت رجعتي رقدتي بقيت ساكتة معليش ارقدي بصح كي تنوضي عندي هدرة طويلة معاك درتلو براسي ايه ورقدت جابتني الفطنة نضت شفت معاه لقيتو حتى هو رقد زدت دخلت فيه ورقدت جبت ليل كلو وانا نرقد ونوض نتاكد بلي راه صح معايا،الصباح فطنت لقيتو مزال راقد نضت غسلت واهبطت التحت لقيت العجوز ولوستي يديرو فالغدا عاونتهم حتى سمعتو يعيط عليا ياعمري هلى هذا الصوت خرجت عندو دارلي براسو ارواحي رحت طلعت عندو نحيت الخمار ودخلت لقيتو رقد صباح الخير قالي صباح نور بصحك نضتي ومخليتني قتلو لاه واش نديرلك _نورمالمو دلليني سكت فتحلي الغطا هي رواحي هنا عندي رحت دخلت عندو رقدت على كتفو حكملي يدي باسها ماعرفتش منين نبدالك تالمو صراو احداث بزاف سكت نبداو بالموضوع اللول لي وصلنا ڨاع هنا والله بالثلاث يا آية كيما حكيتلك ماكذبت عليك في حرف هذه المرأة ماعندي حتى علاقة بيها لا من بعيد ولا من قريب من نهار تزوجتك قطعت تواصلي معاها حتى هي ماقدرتش توصلني غير فالتليفون تبقا تعيطلي كي تكثر عليا نهز عليها نسبها تروح يمات وتعاود ترجع كل مرة هكذا ديفو من عندها ماشي من عندي انا من جيهتي والله خلاص وقطعت عليها كلش قتلو وراح نبقاو غير هكذا تعيطلك _مالقيت مانديرلها سبيتها رخستها بلوكيتها رحت عندها حتى للبيرو وشبعتها رخس وماحبتش تحشم واش يجيك من وحدة عاهرة وعايشة فلي بار ومن هذا لهذا قتلو وانت واش داك ليها ملا _هي جات عندي وجوزنا الوقت وفاتت راحت نضت تكيت على صدرو كيفاه جوزتو الوقت _الشي لي في بالك مكانش منو مكلاه تبداي بالهبال تاعك انا راني حكيتلك واش كاين وماخبيت عليك حرف وكيما قتلك من قبل والله وتدخل حياتي وحدة جديدة غير نجي نقولك قتلو معليش راني مصدقاتك بصح الحل واشنو انا مانقبلش هذا المراة ديما تعيطلك غير ما تستنهاش مني _واش راكي حابة قتلو بدل نميرو _ماتصلحش قتلو علاه ماتصلحش ولا راك حابها تعيطلك _ماشي هكذا بصح نميرو تاعي قديم عندو كثر من 10 سنين وهو عندي وڨاع ناس تعرفو مليون واحد يعيطلي في هذا النميرو كيفاه ندير واحد جديد قتلو نورمال اشري واحد جديد وبعث بيه مساج لڨاع نوامر قال هذا نميرو تاعي جديد وخلاص ساهلة ڨاع بقا يشوف معايا ماتصلحش قتلو حتى انا قتلك اذا تحب نطويو هذا الموضوع دير واش قتلك بغير هذا الشي مانقبل جيت نايضة حكمني خلاص ارواحي كيما تحبي في خاطرك ضك ندير واش قلتيلي سكت _خلاص سما هكذا تفاهمنا حلينا الموضوع قتلو كي تبدل نميرو نكونو صح طويناه _خلاص نميرو ساهل ممبعد ضك نخرج ونشري واحد قتلو خلاص ملا طويناه_الموضوع الدوزيام كي خرجتي بلا علمي وضربتك تستاهلي من لول تعرفي عقليتي وانتي كسرتي كلمتي ودرتي رايك وكون تزيدي تعاوديها راح ندير فيك نفس الشي شفت معاه آية ما تشوفي معايا ماوالو ياك كنتي تعرفي عقليتي ماشي حاجة جديدة قتلو بصح انا خرجت على جال الماسكي _ مكلاه تخلطيلي المواضيع يصرا لي يصرا بيناتنا ماتخرجيش من دار بلا علمي حابة تصدي لدار باباك خبريني بصح باه تخرجي من راسك مانقبلش سكت تفاهمنا آية اخر مرة تخرجي بلا رايي مهما يصرا سكت آية راني نهدر تفاهمنا قتلو بصح ضربتني _على خاطر تستاهلي ومراحش نطلب سماح وكون تعاوديها نزيد نضربك شفت معاه مكلاه تشوفي معايا هذا الموضوع هدرناه فاللول مراحش نبقاو نعاودو فيه سكت خلاص تفاهمنا درتلو براسي ايه _نفوتو الموضوع العرا والخمار من اول نهار وانا نهدر يا آية انا راجل غيار وحماز مانحبش العرا كي تهبطي التحت استري روحك واهبطي في شمبرتك انتي حرة هذه الهدرة نعاود فيها الف مرة فالنهار وانتي ماتفهميش ولا ماحبيتش تفهمي ولا تمكري فيا مافهمتش علاه قتلو علاه نمكر فيك ياك درت واش قتلي ڨاع _علبالي بصح المرة اللخرة وليتي تمكري فيا خرجتي عريانة قدام يما وانا مانحبش واحد يشوف مفاتنك بغيري هكذا خلقني ربي ماعندي مانديرلك خوذيلي راي واسكتي سكت خلاص تفاهمنا قتلو ايه _نجو ضك لموضوع العراس آية انا الدار لي مافيها حتى واحد بغير يما حرمتك تتعراي قدامها كيفاه رحتيلي للعرس وتعريتي وسط امة لا اله الا الله قتلو انا ماوقفتش وسط رجال انا كنت مع النسا كيفي كيفهم مافهمتش كي يشوفوني بشعري وبالميني واش _آية ياوووو افهمي انا هكذا مانحبش قلت مفاتتك نشوفهم وحدي دبري راسك نضت قعدت قتلو هذه المرة سمحيلي مراحش نديرلك خاطرك بسك راك كثرت فيها بزاف ماشي لدرجة هذه حكمني آية علاه ديري فينا هكذا قتلو انت لي راك دير ماشي انا وتقعد هكذا راح تعقدلي حياتي ونضت خرجت هبطت التحت وجنا الغدا حطيناه دخل علينا جا قعد قاتلو العجوز واش لباس _مانيش لباس قاتلو لاه واش خصك شاف معايا هذه مراهيش مريحتني ڨاع شافت معايا اوو لاه واش دارتلك _ماحبتش تفهم بلي انا راجل غيار وحماز قاتلو ولاه شكون قال غير هذ الكلام _ ڨاع علبالهم ويعرفو عقليتي ويحترموها غير هي ماحبتش تفهم قاتلو خليها برك ضك وحدها تفهم خلص الماكلة وناض وقف يما اهدري معاها فهميها والله تبقى تعاند فيا ندير فيها جريمة قتلو انت واشبيك دير هكذا _بيا انتي يارب واشبيك ماتفهميش حتى نوض نعيط بصوتي راني نغيييييير نقتل نروحي ونتهناو انا وياك فرد مرة سكت يما اهدري معاها انتي قاتلو تروح وترجع تلقاها كيما يحب خاطرك _سير نتكل عليك يما قاتلو وقتاش كنت مانيش قد الكلمة _من نهار شفتيها فالعرس وقلتلي خيرتلك مرأة تبقا تدعيلي عليها طول عمرك وانا واثق فيك وفي كلمتك قاتلو خلاص خليها عليا _هيا ملا تهلاو انا عندي خدمة لعشية باه نرجع شاف معايا مينوشة اسمعي هدرة يما واش تقولك طبقى ضحكت راح خرج شافت معايا العجوز واشبيك تعاندي فيه لاه تحبو المشاكل والضرب قالك راجلك ديري حاجة ديريها واسكتي علاه تبقاي تعاندي فيه قتلها وين عاندتو بصح شوفيه هو يقولي دير الخمار فالعرس _واش فيها كي ديري الخمار فالعرس ياك ماشي صبية صغيرة توري روحها كاش ما يجيها مكتوب انتي ضك صاي تزوجتي مابقالكش تزواق والميني عندك راجلك كي يجي البسهملو ليه هو اما الناس ماعندك لاه تلبسيلهم اولها حرام كيما قال هو ثانيها غير للعين استري روحك من عين ناس التزيين من حق راجلك قتلها بصح راه يبالغ _علبالي راني قتلك نفس عقلية باباه بصح انا عرفت كيفاه نمشي معاه واش يقولي ندير مانعاندو مانعاوج معاه وفلخر ربحتي صحتي وربحت راحتي وعشت هانية مع راجلي ونجحت في زواجي نحب نتزوق ونتزين ونلبس الشمبرة كاينة وراجلي كاين هو لي عندو الحق يشوف مفاتني نلبسلو ونتزوقلو وراني عايشة مع راجلي وهانية مانبقا نعاند فيه ماندي فالطرايح الوقت لي نضيعو فالمشاكل والضرب والتقلاق نضيعو معاه فالشمبرة ولا نديه ونخرج معاه نضرب دورة انا وياه نحي على خاطري وندخل بقيت ساكتة وهي بقات تقري فيا حتى رجعتني كيما يحب هو بعد لعشا تعشيت برك وطلعت لشمبرتي ستكيت روحي وقلت ندير واش قاتلي العجوز ونعيش مع راجلي هانية قعدت نتفرج حتى سمعتو حل الباب دخل عليا بقا يشوف مع حالتي ضحكت _مدام ضحكتي يعني يما قامت بالواجب قتلو ايه _علبالي بيها غير هي ترجعك لطريق ضحكت بدل حوايجو وجا عندي دارني في حظنو آية تعيشي عمري الشي لي صرا مايزيدش يتعاود خلينا ديما متحابين قتلو ايه باسني على شعري نضت قعدت قتلو شريت لابيس _ايه شريت قتلو وينهي القديمة _راهي فالتليفون قتلو اعطيهالي _لاه واش ديري بيها قتلو راح نكسرها _لاه تكسريها قتلو واش دير بيها مدام شريت جديدة _معليش خليها برك قتلو والله ما تقعد غير تكسرها بقا يشوف معايا وليت نضت جبدت تليفون واش راح ديري قتلو راح نكسرها _ايه علاه تكسريها خليها برك قتلو والله نكسرها _ماتكسريهاش خليها بقيت نشوف معاه سما راك تتمسخر بيا ياك ايه معليش حطيت تليفون وخرجت لحقني يجري حكمني وين رايحة بقيت نجبد في روحي _اية وين رايحة قتلو راح نرقد التحت _والله وانا قتلو كي تعطيني لابيس نكسرها _سما كون ماتكسريهاش ماترقديش معايا قتلو والله ما تشوف شعرة مني ولا دارني تحت جناحو ودخلني لشمبرة مدام راح تحرميني رواحي كسري حتى تليفون لحبيتي انا قريب يحكمني الجفاف من بعدك عليا فتح تليفون جبد لابيس عطاهلي شاف بريكي محطوطة هزها هاكي احرقيها ڨاع حكمتها حرقتها وخليتها حتى بقات غير رماد خلاص صفا هكذا قتلو ايه صفا _هيا ملا رواحي نعوضو لي فات قتلو مروان ياك قلتي بلي نخرجك _ايه غدوا نديك ونروح نجيبو 15 يوم ونجو نروحو قتلو نشالله ،لغدوا نضنا صباح بكري وجدت قشنا فطرنا برك وديمارينا السمانة لولى جبناها غير هنا مابعدناش الصباح نجيبوها غير بين الجبال والشلالات والصيد وفالليل يخرجني ندورو فلي بارك ولي جاردان والمولات ويديني للالعاب انا نلعب وهو يقعد يحكملي الصاك ويعس فيا كالڨارد كور شبعني دلال والسمانة دوزيام طلعني لصحرا لي شفتها تشوكيت مكنتش متوقعتها ڨاع هكذا واكثر زوارها اجانب وكعاد بارد الحال ومكاش سخانة الدوران فيها هايل داني للواحات للاثار حمامات معدنية اسواق شعبية ركبنا على الجمال درنا سفاري ملي نخرجو من الصباح مانرجعوش لوقت العشا نتعشاو برك وندخلو عييت فيه نباتو فالخيم ماحبش كعاد فالليل يديرو حفلات فيهم مايقبلش عييت ما حاولت يخليني نحضر غير حفلة ماحبش غير كملنا سمانة ماقدرتش نروح والفت المعيشة هذه غير الدوران والتحواس واللعب عييت فيه نزيدو نبقاو ماحبش قالي لازم نرجع للخدمة ماجيت نمشيلو حتى وعدني غير يجيب كونجي نرجعك رجعنا لدار وهو رجع للخدمة تحسنت نفسيتي وتحسنت علاقتنا ورجعت اجمل واقوي من قبل عايشة معاه في جنات النعيم مدللني مقلشني حتى الخرجة عاد يخرجني كي يجي نبقا فوق راسو كرهت وتخنقت من الدار وحابة نخرج ونبدل الجو عاد قبل ما يرجع يدير نهار نخرجو فيه ونجو نروحو بصح بدات تكثر عليا واحد الاسئلة مزال ماهزيتيش بالكرش وقتاش تهزي لاه طولتي هكذا بالشوية بديت نتوسوس ونتحسس من هذا الموضوع كي نقول لمروان يقولي ماتعمريش راسك اخطيك منهم نعيشو حياتنا ممبعد نخمو فلولاد هدرتو طمني بصح هدرة ناس تحطمني حتى وليت نتأثر بهذا الموضوع ويبداو يمعنيو بلي ديفو فيا خاطر مرتو اللولى هزت نورمال حتى العجوز بدات تمعنيلي وبدات تسقسي فيا لاه طولت يوم بعد يوم نفسيتي تأثرت سورتو كعاد هو طول مرجعش ومايهدرش معايا فالتليفون....... يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء23

 فالنهار سمعت صوتو يهدر التحت نضت خرجت حليت الباب لقيتو واقف معا يماه طلع راسو شافني عيط عليا ادخلي وين خارجة جامي يتبدل غير يشوفني خارجة بالبروتال يهبل رجعت دخلت لشمبرة قعدت على السرير نفسيتي زيرو موالفة كي يطول ويرجع ديما نفاجأو بلوك جديد ونستقبلو ونديرلو ليلة رومانسية اليوم حكمني في اسوء حالاتي لا صبيغة لا قصة لا مكياج لا لبسة حكمني بالروبة لي رقدت بها البارح وشعري طالع لسما حتى هو طوال وبدا يرجع للكولار تاعو مزالني مانضتش ڨاع بايتة نبكي سمعتو كي دخل وغلق الباب دخل عليا يعيط ماتتربايش انتي راح تبقاي غير هكذا سكت علاه خرجتي هكذا قتلو واشبيك تعيط كي سمعت صوتك خرجت _وامبعد لاه تخرجي هكذاك راح تبقاي غير هكذا انتي قعد يعيط على راسي كلاني بلا ملح وليت نبكي كي ماحبش يسكت نضت نعيط واشبيك حرشوك عليا لاه راك تعيط عليا واش درتلك ونضت جيت خارجة حكمني بقيت نجبد في روحي _وين رايحة قتلو راح نغسل بقا يشوف معايا واشبيك تبكي سكت انتي ديما هكذا كل ماهدرت معاك كلمة تنوضي تبكي بقيت ساكتة سما تغلطي وتزيدي تبكي سكت ولا جبدني لحظنو غير دارني في حظنو طرطقت بالبكا خلاص مينوشتي هذا ڨاع كي عيطت عليك خلاص اسكتي برك والله مانزيد نعاود بقيت نبكي آية خلاص عمري خلاص ماتبكيش ياك تعرفيني بلي مانحبكش تتعراي بقيت نبكي بعدني عليه حكملي وجهي يا خلاص واش صرا حتى راكي تبكي ڨاع هكذا بقيت نبكي اواه انتي كاش مابيك ماشي انا لي بكيتك ديجا كي شفتك مابدلتيش اللوك هذه المرة عرفتك بك حاجة هيا امسحي دموعك ورواحي هنا نبدل حوايجي وحكيلي واشبيك سكت صحا عمري قتلو صحا باسني على شعري هيا رواحي هنا نحا الغطا حكمت بلاصتي وقعدت نستنا فيه بدل حوايجو وجا عندي اجبدي روحك لهيه خليني نقعد معاك جبدت روحي ودخل عندي دار المخدة ورا ظهرو تكا عليها فتحتلو ذراعيه دخلت عندو حظنتو وغلقت عليه باسني على شعري روحي اهدري عصفورتي راني نسمع دفنت وجهي في صدرو وسكت هيا ماتحكليش طلعت وجهي شفت معاه هاه ماتحكليش واشبيك قتلو داركم _دارنا من وقتاش كنتي تقوليلي داركم ياك هذه ثاني دارك ولا بطلتي قتلو خلاص بطلت _اوو علاه قتلو هكذا _لا ماتقوليش هكذا احكيلي واش دارولك قتلو على الحمل _كيفاه على الحمل قتلو نهار كامل وهما يسقسو فيا على الحمل وراكي طولتي ولاه ماهزيتيش _مزلتي برك تعمري في راسك بيهم انتي مزوجة بيا ولا بيهم قتلو بك _خلاص ملا لاه راكي معمرة راسك بيهم قتلو راهم يمعنيو بلي انا مانجيبش لولاد وفيا الديفو _اووو شكون قال هكذا قتلو ڨاع يهدرو هكذا _خليهم يهدرو على رواحهم ماتعمريش راسك بيهم وضك ممبعد نهبط ليهم ونفوت ليهم واحد واحد مايزيدوش يهدرولك على هذا الموضوع قتلو بصح راهم يهدرو عليا _لاه حتى يهدرو عليك انتي برك راكي متحسسة من هذا الموضوع وليتي حساسة بزاف بعدت عليه شفت معاه انا نحكيلك وانت تقوليلي حساسة _آيه والله صح وليتي حساسة بزاف من هذا الموضوع شوفي حالتك كيفاه من تحت هذا الموضوع تحسستي منو حتى ولا يأثر على حالتك النفسية سكت آية مينوشتي والله راكي عاطية الموضوع قيمة كبيرة مافهمتش لاه راكي ديري في عمرك هكذا نهار يكتب ربي ضك يرزقنا لاه مقلقة انتي قتلو بصح طولت بزاف _ماطولتي ماوالو مزال الحال ديجا لاه حنا وقتاش كنا مع بعض كي الناس باه تهزي مع اللول ضيعنا شهرين ممبعد مرضتي كثر من 8 اشهر وانتي مريضة حاكمة لفراش غير بريتي جبناها غير مشاكل مانتلاقوش ڨاع هذاوين بدات حياتنا تتريڨل اصبري شوية هذاوين قلنا باسم الله ولينا نشبهو للمتزوجين ضحكت صحيتي عصفورتي انا عندي غير سمانة خلينا نجوزوها في راحة مانقبل حتى نكد شفت معاه خسارة عليك اذا نكد حظني يا عمري واحلى نكد وين نلقا نكد اشقر وشعرو صفر وعينيه ملونين وبوڨوص ويفتن ومن الفوق يعشقني اه شكون قدي شكون كلامو ديما يريحني ويعدلي حالتي النفسية غير شفتو تحسنت حالتي ,العشية خليتو راقد واهبطت قعدت نستقهوا مع العجوز بقينا نهدرو حتى قاتلي بنتي مدام راجلك هنا قوليلو يديك لطبيبة قتلها واش من طبيبة _طبيبة تاع نسا تشوفك وتقولك واشبيك طولتي فالحمل تاعك ايواه ثاني كرهت من هذا الموضوع شافت خليقتي تبدلت بنتي انا راني نهدر في صلاحك ماتزعفي ماوالو ونورمالمو هذا الشي ديريه وحدك ماشي حتى نقولك قتلها وانا علاه واش راح ندير كلش في يد ربي _علبالي بصح انتي ماتبقايش هكذا اكيد كاينة حاجة انتي مزلتي صغيرة ورحمك مزالو نظيف نورمالمو ماطوليش ثم ثم تهزي بصح انتي طولتي روحي لطبيبة باه تعرفي المشكل وين وعالجيه ضك تهزي نورمال ماتبقايش تستهزاي هكذا وتقولي مزال مزال حتى تلقاي العمر فات مدام مزلتي صغيرة واول مرة ماطوليش فالعلاج تاعك غير تشوفك تعطيك دوا تاكليه تهزي والله صح عندها الحق انا كيفاه غابت عليا هذه نورمالمو انا وحدي نروح لطبيبة وليت نضت طلعت الفوق لقيتو نايض واش مينوشة رحت طلعت عندو قتلو حبيبي غدوا ديني لطبيبة _واش من طبيبة قتلو راح نشوف لاه طولت ماهزيتش بالحمل _لا اله الا الله أ طفلة راكي رايحة تمرضي من هذا السيجي قتلو معليش ديني برك _آية والله راكي مكبرة الموضوع وهو والله ما يستاهل قتلو معليش أديني _شكون لي قالك روحي لطبيبة قتلو يماك _والطبيبة واش راح ديرلك قتلو تقولي واش من مشكل عندي باه نزرب نعالجو وناكل دوا ونهز يماك قاتلي مدام اول مرة ورحمك نظيف يعني مانطولش فالعلاج _ايه مدام قالت يما هكذا يعني صح هي كبيرة وتعرف في هذ الامور قتلو تديني _ايه عمري نديك بستو على خدو نحبك ونضت وين رايحة قتلو ندير العشا _وتخليني قتلو اهبط التحت عطيتو بوسة وهبطت للكوزينة ندير فالعشا سمعتو يعيط عصفورة جيبيلي قهوة راني هنا عند يما قتلو ايه ضك نديرلك درتلو وجدتها وخرجت كي وصلت الباب سمعتو يقولها يما خفو على الطفلة شوية راح تعقدوها _اوو لاه واش قلتلها انا غير قلتلها تروح لطبيبة وتشوف المشكل لي عندها تعالجو ضك تعالجو وتهز نورمال قالها واقيلا المشكل فيا ماشي فيها _ماشي فيك ياك المرحومة مرتك هزت نورمال قالها مهم خفو عليها شوية ماتزيدوش تجبدولها على هذا الموضوع ملي نعيط وانا نلقاها تبكي اليوم جيت لقيتها في حالة بايتة تبكي وصبحت تبكي راكم قريب تعقدوها _انا ماقلتلها والو غير حابة صلاحكم _علبالي يما بصح راكم تمعنيولها بلي هي عاقر وماجيبش لولاد موضوع هذا حساس ماتبقاوش وراها حتى تعقدوها ديجا راكم عقدتوها نجي نريح معاها سمانة نلقاكم معقدينها وتبكو فيها خليها في راحتها انا كي تعود هي ماهيش مرتاحة حتى انا مانرتاحش نضل نتميزر لهيه نقول نجي هنا عندها تريحني نلقاها في حالة كي تكون هي هكذا شكون بيا ياك حتى انتي من نهار تزوجت سمحتي فيا نحيتي يديك مني _وانا لاه زوجتك غير باه نتهنى من همك ماني قادرة نقوم بحتى واحد انا ياربي لصليت صلاتي وهزيت السبحة انا لي عليا درتو جبتلك مراة بنت فاميليا تحافظ عليك وعلى اسمك تقوم بك واهم شي تحملك انت وعقليتك وماغلطتش فيها الشي لي تتمناه ڨاع فيها الباقي عليك حاول تنجح زواجك مراحش يدوملك حتى واحد بغيرها انا ما بقاليش قد لي فات خاوتك كل واحد لاتي مع ولادو ودارو راح تبقالك غير هي على الاقل كي تدخل لدار تلقا الضو شاعل فيها والماكلة سخونة وتزيد تجيب زوج ولا ولاد لعمرك الدنيا ومافيها ماعندك ماتزيد قالها طولة العمر نشالله دخلت عليهم حطيتلهم القهوة فرغتلهم وقعدت معاهم شوية ناض خرج لحقتو وصل الباب دار عندي ها مينوشة كاش ماتحتاجي نجيبلك قتلو لا مانحتاج ولو بصح وين رايح _هنا برك للقهوة راح نتلاقا واحد قتلو علبالك امنيتي ندخل قهوة ونقعد فيها ضربني بالمفتاح على راسي راه يحك في ظهرك توحشتي الصوط واقيلا ضحكت واشبيك راني نحكيلك برك على أمنيتي _وهذه امنية يتمناوها الناس قتلو انت جاتك عادية خاطر تضل فيها مي انا بالنسبة ليا حاجة بيزار _وشكون قالك انا نضل ثم كون ماشي صاحبي مانقعدش ثم قتلو لاه واشبيها القهوة ماهيش من مقامك _ايه ماشي من مقامي مدام فيها غير نميمة والهدرة على بنات الناس ونسا الرجال ماهيش من مقامي قتلو ولاه انت وين موالف تقعد ملا _انا اكثرية نقعد مع صحابي فلي صال دو تاي لي ورا الدار بقيت نشوف معاه _واش تشوفي معايا قتلو بصح هذيك يجو فيها حتى البنات _وانتي وين علبالك بلي يدخلو فيها لبنات قتلو كي نفوت من ثم نشوف بنات يدخلو بقا يتخنزر فيا واش بيك ديجا قولي لاه تقعد ثم والبنات يقعدو فيها _ايه ومابعد لاه دخلت لديارهم قتلو بصح البنات فيها كيفاه تدخل تقعد ثم _نورمال هذه صال ميكس يدخلو فيها نسا ورجال قتلو ونورمال عندك كعاد فيها لبنات _ايه نورمال وراه المشكل قتلو مدام نورمال اديني معاك نقعدو ثم ياك نورمال _قتلك توحشتي الصوط قتلو علاه ياك تقول نورمال _نورمال لنساهم ماشي لمرتي انا واش دخلني اذا مايحكموش في نساهم ومايغيروش عليهم قتلو سما انت لي تدخل ثم ماشي بنت فاميليا _ايه ماشي بنت فاميليا كون جات بنت فاميليا ماتختلطش بالرجال وماتقعدش وسط الرجال ورجل على رجل وتشيش ،قتلو هاك تقول بلي داروها لنسا ورجال _ايه داروها لبنات الحرام اما بنت الفاميليا ماتدخلش البلاصة كيما هذيك ولي خلى بنتو وختو دخلت ثم ماش راجل قتلو واشبيك مزال معقد ناس راهي طورت وبركا ماتحكم من المظاهر _كيفاه مانحكمش على المظاهر لي تدخل لبلاصة فيها الرجال والدخان والشيشا والغنا هذه واش تكون قتلو وانت لاه تدخل ثما ملا _انا راجل وهذيك هي بلاصتي وحتى اذا كاش ماني ندير واحد مراح يجبدني بكلمة ماشي كيما الطفلة سكت قرصني من خدي عصفورتي ربي كي حرم بعض الامور عليكم ماشي ظلما ليكم وإنما حفاظا عليكم وعلى عفتكم لي تدخل بلايص كيما هذو ماتستناش ڨاع الاحترام راه يستنا فيها غير الاغتصاب والعنف والضرب سكت هيا عمري انتي روحي كملي عشاك كي تخلصي روحي وجديلي روحك واستناي راجلك حتى يجي يشبعك حب ودلال خير من هذيك لي راهي قاعدة وسط رجال وتشيش ولحمها ياكلو فيه الجيعانين ربي كي قالي "وقرن في بيوتكن" والله ماظلمكم قتلو من بكري راني في بيتي _, وحابة تخرجي للزنق قتلو لالا بعيد الشر واش ندير فالزنق راني لباس عليا هكذا كي تضيق روحي راني نقول لراجلي يخرجني _صحيتي عمري خذيلي راي برك ولي تحبيه يحضرلك قتلو لا خلاص استعقلت ضحك صحيتي ملا قرصني من خدي وخرج

بعد لعشا جيت فالشمبرة تكسلت وقعدت نتفرج حتى لقيتو دخل عليا لاح سلام رجعتلو واش عصفورتي ماوجدتليش روحها كيما موالفة قتلو ماهيش نافحتلي ڨاع بدل حوايجو وجا عندي دارني في حظنو معليش بدلي روتين خليني هذا المرة نشوفك على طبيعتك وتكشريدك نضت تكيت على صدرو هاه شوف راني على طبيعتي وتكشريدي بقا يشوف معايا سبحان ربي لي صورك حتى في اسوء حالتك فاتنتني قتلو مروان راك تبالغ بزاف حتى وليت تحسسني ملكة الجمال وانا راني عادية جدا _ماعرف انتي لي ماتشوفيش مليح ماعرف انا قتلو لا انت _معليش انا مانشوفش مليح ويما وعفاف وعماتي وخلاتي ثاني مايشوفش مليح قتلو لاه _قالوليلي ڨاع شابة وانت ماشي شباب قتلو وانت واش قلتلهم _قتلهم هذه هي القاعدة الشباب يدي المزعوقة و المزعوق كيما انا يدي الشابة كيما انتي قتلو لاه انت ماشي شباب _وتحوسيني نكذب ونقولك شباب قتلو والله شباب _صحا قوليلي صح صح اول مرة كي شفتيني فلي فوطو عجبتك ضحكت قتلو الصح الصح _ايه الصح الصح قتلو ماعجبتنيش ڨاع شبهتك لداعش ناض يضحك خسارة عليك قتلو والله تشبهلهم سورتو فلاطاي _وكيفاه قبلتي بيا قتلو بابا لي قنعني _واش قالك قتلو قالي الزين لنسا والراجل عيبو جيبو واخلاقو كي يكون الرجل فحل واخلاقو مليحة وقادر على مسؤولية دارو ومرتو ولادو هذاك هو الراجل ماعندك ماديري بزينو _وباباك كيفاه حتى قبل قتلو يعرف باباك وزاد سقسا عليك وڨاع شكرولو فيك قالولو مد وماتخافش راجل وسيد رجال _علبالك هذيك الليلة كي عيطت ليما قاتلي بلي راني شفتلك وحدة بوبية فالعرس راني خطبتهالك السمانة الجاية نروحو ليها سقسيتها بنت من هذه قاتلي بلي بنت فلان وتسكن فالحومة الفلانية قتلها ماتروحوش حتى نجبد السيفي تاعها ونسقسي عليها مليح و عندي صاحبي يسكن في حومتكم سقسيتو عليكم وشكرلي فيكم بصح انتي مايعرفكش ك قالي مايعرفكش طمنت قتلو زيد سقسيلي عليهم مليح واخلاقهم وردلي بالخبر كيفكيف ڨاع شكروكم وليت قلت ليما روحي مالغري مانيش حابة نتزوج ومانيش متحمس لزواج ماكنتش ڨاع متوقع علاقتي بك تولي هكذا ونحبو بعضانا بستو على خدو بصح مروان انت اوسم راجل في عينيا ضحك واشبيك تراضي فيا حسبتيني زعفان كي عدتي بوڨوصة عليا والله جات في يدي غير الجمال لي خلقو ربي ڨاع نحطو فيك اما انا راجل عيب عليا وراح نطيح بروحي اذا هدرت على زين قتلو مهم انت اوسم واحد في الكون ضحك صدقتك قتلو مروان واشبيك والله ماني نشوف في واحد بعدك _اغلطي وشوفي واش ندير فيك قتلو واشبيك ماتعرفش ڨاع لرومانسية ضحك جبدني عندو علميني ملا . الصباح نضت بكري دوشت وجيت نوضتو ناض بقا يشوف معايا توترت خفت كاش ما يكون بيا جا عندي آية وش قتلو واشنو _واشبيك قتلو خفت يكون عندي مشكل _ايه وامبعد وراه البروبلام قتلو كيفاه وامبعد _ايه وامبعد عندك مشكل نعالجوه وارمي عليك هذا الموضوع راكي راح تتعقديلي خلاص عمري راح نروحو لطبيبة اذا لباس عليك الله ما بارك اذا عندك مشكل نعالجوه ساهلة ڨاع قتلو وكون نطول باه نبرا _ايه وامبعد تبقاي تعالجي حتى ترتاحي سكت حظني آية نفترضوها انك ماتجيبيش لولاد بعيد الشر في ميزك راح نخليك والله مانخليك ولا نسمح فيك ومانبدلك بوحدة رزقنا ربي بلولاد يكثر خيرو مارزقناش الحمد الله ماعندنا مانديرو هو عندو حكمة في هذا الشي قتلو بصح انا حابة نولي ام _نجيبو طفل نربيوه قتلو بصح حابة نجيبو من كرشي _آية الام هي لي تربي ماشي لي تولد سكت باسني على شعري هيا عصفورتي ماتتقلقيش بربي نشالله مكان والو قتلو نشالله كلامو ديما يريحني وجدنا روحنا برك وصلنا لطبيبة هيا ادخلي عصفورتي راني نستنا فيك قتلو ماتدخلش معايا _وانا واش يدخلني وسط نسا روحي انتي ادخلي وحدك وراني نستنا فيك قتلو اك حليت الباب هبطت..... يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

جام قبل متقرا

قصص واقعية 

جزء24

دخلت لقيت زوج نسا قبلي جات دالتي دخلت عندها حكيتلها قاتلي الفحص اللول هو نقيسولك مجموعة من الهرمونات بصح لازم تكوني فاليوم الثالث تاع لي راڨل والفحص الثاني ضك نديرهولك نفحصلك الرحم واقيلا عندك انسداد في قناة فالوب لانو 30% من العقم سبابو هو طلعتني ماعرف دارتلي وحدة الصبغة و بقات تشوف قاتلي لا كلش فيك سلامات كالرحم كالفالوب بقالك الهرمونات ونشوفو مع انو ماشكيتش بك حاجة خرجت من عندها فرحانة حليت الباب ركبت هاه بشرينا حكيتلو _قتلك انتي برك مرضتي روحك قتلو مزال راح نرجع عندها _معليش عمري قتلو مروان تعيش دينا ندورو شوية عندك بزاف ماخرجتنيش _والله ضحكت قتلو هيا برك تعيش شوية برك ونروحو ولا شعل طوموبيل جبناها دوران نهار كومبلي وروحنا لدار تلاقيت العجوز هاه واش قتلها الساعة هذه سلامات مزال نزيد نسويفي ،يامات رجع هو للخدمة وجا وقت نروح لطبيبة فالليل عيطتلو خبرتو لغدوا رحت لطبيبة انا وعجوزتي وقاتلي زيدي رجعي عندي واش خفت كي قاتلي هكذا بت نايضة عييت نرقد طار عليا نعاس تحسست من الموضوع لدرجة كبيرة بايتة نبكي وندعي والله كاش ما تقولي تحطمني عاودت رجعت عندها قاتلي سلامات راكي صافية عافية قتلها واش السبب ملا قاتلي واقيلا المشكل من راجلك قتلها كان متزوج من قبل ومرتو هزت نورمال _لا ماشي قصدي عندو عقم هي 50% من اسباب عقم الرجال هي اسباب في الغدة النخامية والغدة تحت المهاد و مشكل في نقل الحيوانات المنوية والخصية هنا الراجل يروح يدير فخص للسائل المنوي وهو الفحص الاساسي لرجال اذا كاين فيه مشكل يروح لطبيب مختص ويدير فحص شامل ممكن يلقا اسباب ماعندهمش علاج وممكن عندو اسباب جرثومية والتهابات هنا نورمال يتعالج بمضادات حيوية برك ويبرا وقادر يخرج عندو دوالي وهنا يروح يدير عملية وانتي راجلك ماعندوش عقم مدام قلتي مرتو اللولى هزت نورمال ممكن عندو مشكل التهابات ولا جراثيم ولا دوالي وهنا يتعالج نورمال لازم عليه يروح يدير فحص وشوية تحاليل للسائل المنوي والهرمونات ويشوف المشكل لي عندو ويتعالج نورمال وهذا راه غير احتمال مهم خليه يدير الفحص ماتستهزاوش كنت فرحانة بصح كي قاتلي هكذا طيحتلي المورال كيفاه نقولو روح عالج واقيلا الديفو فيك والله مايتقبلها جيه طيحة اي واحد راح يتحسس من هذا الموضوع انا مرأة وتاثرت بيه قريب تعقدت يادرا هو كيفاه خرجت لعجوزتي قاتلي هاه واش قتلها مزال ما بان والو راح نزيد نرجع وصلت لدار لقيتو معيطلي مسكين غاضني يضل يسقسي ياريت جا المشكل فيا ولا فيه يلعن الساعة لي قررت فيه نروح لطبيبة كنت بقيت بنيتي خير ما نسمع هذه الهدرة ريبونديت عليه وي مينوشة وليت نبكي اول مرة يغيضني مسكين يضل يواسي فيا ويطلعلي فالمورال ماعرف كيفاه نرجعلو خيرو _عصفورتي واشبيك قتلو والو _علاه راكي تبكي مينوشتي الخير برك تقلقت عليك كاش ما قاتلك الطبيبة قتلو كون مانجيبش الولاد واش _راني قتلك آية والله مانسمح فيك يكون لي يكون واذا تحبي من ضك نحوس على طفل يتيم ونربوه انا وياك ونديروه وليدنا قتلو وكون يخرج مشكل فيا _نعالجوه عمري قتلو وكون نطولو _والله مانحبس عليك نديك نعالجك واذا مارتحتيش هنا فالدزاير نخرجك وين جات ونداويك مهم باه نسمح فيك والله ما نسمح بقيت ساكتة ضك كيفاه ندير نكذب ونقولو المشكل فيا خير ما نجرحو ولا نصارحو ونبقا نحاول معاه حتى يقبل ايه هذاك هو الصح لازم نصارحو مانخليهش هكذا فالغم وبلاك مابيه والو هذا غير احتمال_مينوشة واشبيك ساكتة قتلو كي جي نهدرو _مزالي يومين باه نروح احكيلي ضك قتلو لا كي تروح ونهدرو مليح ماشي هدرة تاع تليفون عيا فيا ماحبيتش جبت يومين وانا على نار نستنا فيه وقتاش يروح وكيفاه نخبرو ونقنعو يروح يجوز والمشكل اذا ظهر فيه المشكل كيفاه نتعامل معاه هو داير في بالو المشكل فيا ماشكش ڨاع فيه خلي يجي ونشوف قالي بعد العشا نجي وراني فالشمبرة قاعدة نستنا فيه شفت مع الساعة راهي 9 مابقالوش يوصل سمعتو حل الباب نضت خرجت عندو غلق الباب ودار عندي مدام مبدلتيش اللوك يعني كاينة حاجة ضحكت رحت عندو حظنتو طلعني عندو بقيت حظناتو وساكتة تنهدت تنهيدة طويييلة واش مينوشة راكي هازة جبال على ظهرك والله صح هذا الموضوع جبل على ظهري حطني حكملي وجهي واشبيك درتلو براسي والو _لا بك حاجة رواحي ندخلو ونهدرو داني معاه لشمبرة قتلو نجيبلك تتعشا _لا حنونتي تعشيت بصح جيبلي كاشي تاع راس وجعني راسي قتلو سلامة راسك ضك نجيبلك ونجي هزيت الخمار وهبطت تلاقيت بالعجوز قتلها مروان راه روح شفتيه _ايه شفتو هذاك قبل مايفوت عندك لازم يفوت عندي انا لولى انا اولى منك قتلها باينة هذه الام اولى منا ڨاع رحت فت الكوزينة جبتلو دوا وطلعت لقيتو بدل حوايجو ورقد مديتلو شرب حطيت الكاس بقيت نشوف معاه هيا رواحي هنا واحكيلي واش كاين طلعت عندو ربعت رجليا مالقيت كيفاه نبدالو خفت من ردة فعلو آية راح نبقاو ساكتين هيا حكيلي واش كاين كاش ماقاتلك الطبيبة بقيت ساكتة عمري احكيلي ماتخبيش عليا اذا عندك مشكل نورمال من غدوا نديك نعالجك والله مانحبس عليك حتى تبراي قتلو لا مابيا والو قاتلي راكي صافية عافية مافيك حتى مشكل _الحمدالله ياربي هاكي لباس بك وانتي قريب تعقدتيلي من هذا الموضوع وراح تهبلي منو بقيت ساكتة _آية واشبيك ماكيش فرحانة قتلو قاتلي واقيلا المشكل من راجلك ناض قعد كيفاه المشكل فيا وانا زادت عندي طفلة قتلو لا ماشي قصدي ماجيبش لولاد قاتلي يعني واقيلا هذا المشكل جديد بقا ساكت بقيت نشوف معاه _المطلوب واشنو قتلو قاتلي يروح يفحص بلاك عندو التهابات ولا دوالي ولا عندك مشكل فالهرمونات والسائل المنوي رجع رقد وبقا ساكت قتلو مروان تعيش روح افحص روحك مافيها والو هذا راه احتمال واذا عندك مشكل تعالج نورمال ماشي عيب بقا ساكت حبيبي ياك انت كون تقولي في نفس الهدرة بلي اذا عندي مشكل نتعالج مافيها والو حتى انت دير نفس الشي بقا ساكت نحيت الغطا ودخلت عندو رقدت في حظنو جاب ساعة وهو ساكت حتى قالي اك غدوا نروح لطبيب ونفحص روحي بصح متاكد بلي مابيا والو نضت تكيت على صدرو بستو على خدو مهم ماتخسر والو كي ديرو _معليش اسيدي ضك ندير مدام درتي انتي خلي ندير انا ونتهناو من هذا الموضوع علبالي راح تبقاي من مورايا حتى تهبيلني ضحكت حظنتو نحبك ندمت على هذه اللحظة ندامة عمري ،راح الطبيب دار فحص وقالو ارجع ،بعد العشا انا فالسرير قاعدة سمعت الباب تحل وتخبط الخير برك نضت خرجت سبحان الله وجهو سيف مايقصوش وجه الدنيا راح وتاع الاخرة جا قتلو واشبيك كان هاز ورقة في يدو ضربها في في وجهي هاكي شوفي ابردي المشكل فيا انا ماشي فيك انتي بقيت نشوف معاه تصدمت فات عليا دخل الشمبرة قعدت نشوف مع الورقة مافهمت فيها والو دخلت وراه لقيتو حاكم راسو ويدور يترعد وحدو كيفاه نهدر معاه هذا ماتوقعتش النتيجة هذه كنت متأكدة مافيه حتى مشكل كون عولت راح يخرج المشكل فيه والله مانقولو روح الطبيب بقا غير رايح جاي ولا دار هز البونك تاع الكوافاز ويضرب بيه الخزانة تقول بومبا طرطقت المراوت تاعها تفتتو وبدا يضرب فيها البيبان تاعها طارو بقا غير الكادر ودار لشمبرة يهز ويخبط كلش تفتت كي مالقا مايضرب رجع يضرب فالحيوط حسيت بيهم يتحركو ولا راح للكادار تاع الباب بقا يضرب فيه حتى طيرو من الحيط انا نشليت بقيت غير نتفرج تصمرت خلعني وخفت ديجا نقدم عندو ولا وحش حتى بدا يعيا بقا يرد فالنفس قتلو مروان هو سمع صوتي ويدور عندي انتي السبة انتي لي وصلتيني هنا بقيتي عڨابي الطبيب الطبيب هاني رحت لطبيب وخرجت مانيش راجل قتلو علاه واش كاين انا كنت قاعدة في كوانة وهو واقف على الباب جا يجري طلع على السرير وهجم عليا دارني تحتو ويضرب حكمني من شعري ويخبط في في لرض انتي السبة انتي ،انتي لي وصلتيني هنا حابة لولاد هاهم لولاد اشبعي بيهم حسيت بحاجة سخونة هبطت من راسي ناض عليا وبدا يضرب فيا برجليه لكرشي تحوسي على لولاد هاهم لولاد حتى وليت نتقيا في الدم بديت نغيب على الوعي نسمع غير فالعياط شفيت غير على سلفي كي بقا يبعد فيه عليا ويقولو طفلة ماتت .فطنت حليت عينيا نشوف في عباد واقفين فوق راسي صورتهم مضببة وبقيت نحوس على صورتو هو غير دورت وجهي للباب لقيتو واقف وحاط راسو على الحيط نسمع في صوت لعجوزة كي بقات تعيط عليا هز راسو شاف معايا هما يهدرو معايا وانا نشوف معاه قال ليماه وصلوها لباباها ماتخلوهاش عندي وخرج بقات العجوز تسقسي فيا واش صرا ولاه دار فيك هكذا انا غير ساكتة كي درت على جنبي ناضت عفاف ياخاه راسك ينزف نوضتني ربطتلي راسي وقالت لجوهرة اجري عيطيلو يدوها لسبيطار هبطت تجري ناضت لبستلي الحجاب ودارتلي الخمار هبطوني التحت جات جوهرة قاتلها مكانش راح اديوها مع راجلي برك راهو يستنا فيكم التحت خرجنا ركبنا فالطوموبيل راحت معايا عجوزتي فقدت الوعي فالطوموبيل ماشفيت على والو ، حليت عينيا الشمبرة ضاربة فيها شمس واقيلا رانا الصباح طلعت يدي لقيت راسي مربوط وسيروم في يدي دخلت عليا الفرملية صباح الخير درتلها براسي جات دارتلي برا قتلها شحال الساعة قاتلي راهي ال10 جابوك هنا غارقة في دمك شكون دار فيك هكذا سكت قتلها وقتاش نخرج قاتلي مزال تفوت 24س وتبان نخاف تزيدي تنزفي لقيت عجوزتي دخلت عندي هاه واش لباس سكت خرجت الفرملية جات قعدت قدامي احكيلي واش صرا لاه دار فيك وفالدار هكذا بقيت ساكتة اهدري واش وصلكم هنا كاش مادرتي كاش ماغلطتي سكت اهدري خرحتي قلبي احكيلي نعاونك نلقالك حل على حساب الضرب هذا لي ديتيه غلطتي غلطة كبيرة بقيت ساكتة يا اهدري واش بيك واش درتي نعاونك راه يهدر على طلاق وماتبقايش عندو بقيت ساكتة عيات ماتدي مني حرف حتى لقيتو دخل غلق الباب وجا يجري هز الخمار دارهولي على شعري وجبد الدرا غطاني ولفلفني بيه خاطر لبسلولي الروب تاع السبيطار ديميمونش قاتلو العجوز واشبيك واش راك دير _لابوليس جايين قاتلو ايه وامبعد بلعط عينيه فيها تحوسي يدخلو عليها هكذا قاتلو الله يهديك الطفلة فالموت وانت تخاف يشوفوها ديجا مافهمتش واش خليت فالطفلة يصلح حتى راك تخبي في وجها درات عندي ماتقوليليش راح تشكي براجلك قالها خليها تشكي قاتلو يا لطيف واش هذ الوقت لي وصلنالو الراجل يحكم مرتو يطلقها ميتة بلا سبة والمرأة تروح تشكي براجلها وراهي المودة والرحمة لي هدر عليهم ربي بين الزوجين اذا علاقة الراجل ومرتو مدايرة هكذا سما مع الناس كيفاه تكون بقينا ساكتين طبطب الباب غطالي وجهي خنقني لاحو السلام دخلو نسمع غير في صوتهم خاطر مدورة وجهي جا يقدم عندي قالو مكلاه تقدم عندها ابقا ثم واسقسيها جامي يتبدل كون يقدم عندي راجل غيرو يموت الغيرة مسيطرة عليه بشكل غير طبيعي هي لي تمشي فيه وتحكم فيه قالو انعم كيفاه نسقسي منا ديجا انت تخرج منا خليها وحدها راح نحقق معاها بلا اي ضغط _والله نخرج ونخيك معاها وحدكم هذه يا مرتي ياوسمك اعرف واش راك تهدر قالو تكون واش تكون هذا هو القانون والتحقيق لازم هكذا يمشي مانقبل حتى ضغط عليها شفتو لاح يدو جبد الكارت وراح عندو هاك شوف انا هو القانون ماجيش تعلمني فيه بقا هو وياه هذاك يقولو بيضة وهذاك كحلة وفلخر استسلم البوليسي حسيتو راح يطرطق منو وجا وقف فوق راسي والبوليسي وراه بدا يسقسي فيا وانا نجاوب قتلو بلي طحت من الدروج عيا فيا مدام اهدري وماتخافيش الطبيب قال تعرضتي لتعنيف والضرب قتلو لالا بقا عڨابي راح يخليني نستعرف بالسيف بقيت شادة في هدرتي قالي كيما تحبي واذا حابة تبدلي اقوالك ماتخافيش القانون يحميك وراح خرج غلق الباب نحيت الخمار على وجهي قال العجوز خليني معاها عندي هدرة معاها قاتلو الله يهديكم وراحت خرجت جا عندي ماشي كي ماشكيتيش بيا يعني درتي فيا مزية حابة تشكي اشكي حابة تبدلي هدرتك ضك نعيطلو يجي واحكيلو كلش سكت المهم يابنت الناس مانكثرو الهدرة مانطولو فيها مكتوبنا انا وياك يخلاص هنا ماكيش مجبورة باه تبقاي معايا ومانستناكش توصلي لمرحلة تحسيسيني بلي ضحيتي على جالي ودرتي فيا مزية وصبرتي عليا مانقبل حتى واحد يدير فيا مزية ولا يضحي على جالي ممبعد يولي يعايرني لذلك غير يخرجوك منا ضك نقول لخويا يوصلك لدار باباك وورقة طلاقك توصل وحقك وتعويضاتك تديهم وبالدوبل جيت نهدر ماتهدري حتى حرف آية ربي يسهلك في حياتك وراح خرج......

#ادخلي في صفحتي وديري متابعة به مايفوتك ولا جزء من قصة 

قصص واقعية 2

الجزء25

وليت نبكي انا واش ذنبي لاه يدير معايا هكذا تقول انا لي جبتلو المرض كي كان المشكل فيا تقبل نورمال وكي رجع فيه ماعجبوش الحال بصح والله مانخليه علبالي راه متحسس من هذا الموضوع وفاهمة مليح شعورو عشتو قبل مايعيشو هو وعزت عليه نفسو مراهش حاب يكون عالة ويحس بالنقص حتى انا كي مرضت طحت في هذا الموقف وماكنتش حابة نبقا معاه وحسيت بالنقص وطلبت الطلاق وقتلو خليني بصح هو ماخلانيش وبقا شاد فيا ومتمسك بيا لاخر لحظة ووقف معايا وساندني وتهلا فيا وقام بيا ورجعلي ثقتي في نفسي وقفني على رجليا حتى رجعت صحتي قبلها بيامات كي كنت دايرة في بالي المشكل فيا وقف معايا ومخلانيش نتحسس من هذ الموضوع وديما يطلعلي معنوياتي ويقولي نورمال نديك تتعالجي ولا ماصلحتش نجيبو طفل نربيوه ماخلاني ماجرحني بحتى كلمة كي كنت نقولو روح يزيد يشد فيا واحد كيما هذا كيفاه نخليه كيما طحت ولقيتو في كتافي راح نبقا معاه يدير واش يدير فيا راح نبقا معاه علبالي راح نعيش معاه فترة صعيبة ونعاني معاه بصح معليش حتى هو ضحى على جالي وجا الوقت لي نرجعلو خير لانو هو دار معايا كثر من واجبو راح نبقا معاه حتى يتحل هذا الموضوع ديجا ماعلباليش واش قالو الطبيب حتى تكون ردة فعلو علبالي جاتو صعيبة لانو ماتوقعش المشكل فيه بصح مايستاهلش تكون ردة فعلو عنيفة مهما كان المشكل لي عندو راح يكون عندو علاج يعني ماعندوش عقم باه يهبل هكذا انا المهم نبقى معاه وموراه حتى نعرف واش قالو الطبيب ويروح يتعالج ،على 9 تاع ليل باه قالولي تقدري تخرجي نضت قعدت لبست عاونتي لعجوز لبستني العباية ولاحتلي الخمار على راسي كعاد راسي مربوط حطيتو برك ونوضتني وقفت لقيناه حل الباب قالها يما رواحي راحت عندو ماعرف واش عطالها في يدها هاكي ديروهالها عرفتو نقاب قاتلو وهذا لاه نديرهولها ديجا راسها مربوط مايصلح _مايهمنيش فيها ديريهولها واعدليلها الخمار ماتخرجيهاليش هكذاك وراني واقف هنا برا تخرج وجها بلا نقاب ندڨدڨها هنا وخويا راه هنا يستنا فيكم ديها لدار باباها ماجيبيهاليش لدار قاتلو كيفاه نديها لدار باباها لاه واش كاين _ديري كيما قتلك هذه المرأة مانزيدش نشوفها في داري وراح خرج جات عندي واشبيكم انتما واش وصلكم هنا بقيت ساكتة اهدري فهميني واش كاين لاه راه يحاوزك فيك ويحوس يطلق واش كاين قتلها رجعيني لداري _كيفاه تروحي لدارك وهو ماحبش قتلها راح نروح _آية بنتي تاخذي رايي روحي لدار باباك اقعدي يامات هذاك هو انتي ترتاحي وهو يبرد شوية وتكون الامور هدات وبردت الحالة ضك مدام راهو فالحالة هذه راح غير تزيد تكبر مشاكلكم قتلها معليش حابة نرجع لداري وحاب يحاوزني من الدار يخرجني هو انا مانروحش وحدي بقات تشوف معايا عييت نفهم واشبيكم واش وصلكم هنا سكت عدلت خماري درت النقاب حكمت في عجوزتي وخرجت غير حليت الباب لقيتو واقف يهدر فالتليفون ويشوف معانا دارلها براسو هيا خرج هو وخرجنا حنا لقيت سلفي فالطوموبيل ماعرف واش هدر معاه وراح ركب فالطوموبيل ديمارا وحنا ركبنا مع سلفي شفتو راح يدور لطريق قتلو اديني لداري قالي اووو قالي مروان ديها لدار باباها قتلو مانروحش ديني لداري ،وصلنا لدار لقيت عفاف ولوستي ودنيا طلعوني الفوق لقيت الشمبرة مقلبة جاو البنات فرزوها وخرجو الخزانة خاطر بقا فيها غير الكادرا رماوها التحت فالڨاراج رماو القزاز قشي تاع اللبسة كان عندي بونك يجي مع السرير جاي كيما الصندق حليتو التحت لحت فيه ڨاع القش لي ما نلبسوهش وزدت فيه قشنا لي نلبسوه كعاد كبير دالي ڨاع قشي والقش لخفيف لحتو فالقجور تاع لكوافاز قشي تاع العراس والصبايط والصنادل لحتو فالفاليزات وهبطتهم التحت حطيتهم في شمبرة فرغانة سيقولي الشمبرة بقات فرغانة غير السرير والكوافاز ولي تابل دو نوي والفوتاي الباقي كلش مكسر على 11 خلصو كلش راحو هبطو دخلت لدوش كي تعريت جسمي ڨاع نيلي غسلت جسمي برك لبست بيجامتي وخرجت هو مزال ماروحش واقيلا رجع للخدمة وجعني راسي ودخت رحت غطيت راسي ورقدت سمعت صوت الباب كي تخبط هذوا وين روح شفت مع الساعة راهي 1 شعل الضو لقاني راقدة كي شافني تلبسو شيطان انتي واش راكي ديري هنا عندي واش قتلك حابة تهبليني انتي نوضي اخرجي عليا جا حكمني من ذراعي وطيرني من السرير طحت في لرض نوضني وبقا يجر فيا اخرجي عليا روحي لدار باباك ماتبقايش عندي بالسيف مانيش حابك حل الباب طبعني وخبط الباب عليا بقيت واقفة نشوف ماعرفتش واش ندير وزيد راسي والغمات يدو فيا ويجيبو كلش يدور بيا وليت قعدت فالدروج وتكيت على الحيط عيينا يتغمضو وحدهم لميت روحي ورقدت فالدروج،حسيت بيه واقف قدامي بقا يحرك فيا آية نوضي ماترقديش هنا آية نوضي روحي عند يما وارقدي كي لقاني ماهدرتش ولا لاح ذراعو تحت رجليا هزني داني لشمبرة حطني على السرير وجبد عليا لغطا وقعد بقا يتفرج فيا ساعة وهو غير يتفرج فيا ولا نحا الفيستا وفتح الغطا ودخل عندي لاح ذراعو تحت راسي وجبدني عندو و دار وجهي في صدرو وغلق عليا كون صلحتلو راه دخلني فيه بقا متمسك بيا تقول راح نهرب هنا تاكدت بلي ماحبنيش نخليه يقولي روحي بصح مراهش حابني نروح، هذه المشاعر و التصرفات لي راهو يدير فيهم نعرفهم مليح لانها نفس التصرفات لي درتها أنا معاه كي مرضت ، نعرف مليح شعور كي تحس روحك عالة على الناس وفيك نقص تحس بالشفقة مالغري مافهمتش هو لاه مكبر الموضوع لهذه الدرجة مشكل بسيط ويتحل سما كون جا عقيم راه انتحر كنت حاسبة روحي عندي عزة نفس مش طبيعية ظهر هو لي عندو عزة نفس غير منطقية لدرجة العنف غير باه مايحسس بالنقص وعالة عليا ولا يحارب فيا بالعنف بصح معليش اذا هو قبيح انا صامطة والصامط يغلب القبيح هو مارقد انا مارقدت بايت لاصق فيا غير اذن الفجر جبد روحو عليا ناض راح لدوش توضا جا صلى نضت قعدت كمل صلاتو هز السجادة وناض دار لقاني قاعدة انا راني راجع للخدمة كي نروح مانحبش نلقاك في داري بقيت نشوف معاه حتى هذه داري ومراحش نخرج منها تضربني تسوطني تقتلني مراحش نخرج منها راح نبقى هنا معاك والشي لي راك ديرو فيا ڨاع فت عليه انا قبلك وراني فهماتك مليح لذلك مراحش نروح وراح نبقا معاك لاخر عمري وماشي خاطر باه ندير فيك مزية ولا نضحي ونرجعلك خيرك؟ لالا خاطر نحبك وحابة نبقى معاك واذا حابني نخرج ارواح احكمني من ذراعي وخرجني للشارع وقولي روحي هذاك نهار نروح بلا رجعة بصح باه تقولي روحي ولا تبعثني مع الناس مراحش نروح وراح نبقى هنا فوق قلبك جا عندي واشبيك انتي ماتفهميش قتلك مانيش حابك قتلو وانا حاباتك بقا يشوف معايا لي عندي قلتو كون نرجع ونلقاك فالدار ندير فيك كثر من البارح قتلو اذا تحب قطعني طراف طراف مراحش نروح وراح نبقى هنا واذا حابني نخرج راني قتلك واش دير ورجعت غطيت راسي معليش يا انا يا انت جا نحا عليا الغطا مكلاه تكوني رخيسة هكذا وتحتمي روحك عليا افهمي مانيش حابك ونزيد نعاودلك كون ندخل ونلقاك هنا واحد مايخلصك بين يديا قتلو راني نستنا فيك وجبدت الغطا راح خرج.بعد 15 يوم انا كنت فالشمبرة الفوق سمعت الحس واقيلا روح نضت خرجت حليت الباب هبطت حتى نلقاه واقف يهدر مع يماه شافني واش راكي ديري هنا مزلتي برك هنا للحظة تركب طلع يجري عندي طبعني لداخل وبدا يضرب فيا حتى طلعت العجوز فكتني منو ناض يعيط اديها عليا مانيش حاب نشوف وجها _لاه واش درتلك _ناض يعيط ويضرب خرجيها عليا مانيش حابها تبقى عندي دارت عندي نوضي اخرجي منا انا جيت فايتة عليه وهو حكمني من شعري وخارجة بلا خمار بقا حاكمني من شعري ويضرب لصق فيا ماقدرتش نفك روحي بين يديه حتى عادت العجوز تضرب فيه وتطبع فيه باه طلقني قاتلي اهربي لتحت رحت خرجت لشمبرة غلقت الباب وقعدت نبكي وليت نرعش دخلت العجوز قعدت معايا ضك تحكيلي واش درتيلو لاه راه يضرب فيك هذا الضرب قتلها والو _كيفاه والو ولاه راه يقتل فيك هكذا ملا قتلها ماعلباليش _وشكون علبالو ملا اهدري واش درتيلو بقيت ساكتة سمعتو يعيط يماااا _اقعدي هنا ماتخرجيش حتى نشوف واشبيه خرجت عندو ناض يعيط قوليلها تعيط لباباها يجي يديها مانيش حاب نزيد نشوف هنا _واشبيك معاها واش درتلك حتى راك ديرلها هكذا _ماتحوسيش تفهمي هذه المراة مانحبش نزيد نلقاها في داري و خبط الباب جات عندي بقات تشوف معايا كيفاه نديرلكم ضك هو يحاوز فيك وانتي حابة تبقاي سكت غير فهميني واش كاين باه نقدر نعاونك بقيت ساكتة وكيفاه ديري ضك قالك ماتبقايش هنا عندي قتلها مانروحش راح نبقا هنا _هيا نوضي ملا اغسلي وجهك نديرو لعشا ويرحمها ربي نضت غسلت وجهي رحت درت العشا وجدتو اذن المغرب صلات العجوز وصليت انا خرجت للكوزينة لقيتو قاعد غير شافني ناض يعيط مزلتي برك هنا بقيت نشوف معاه جا عندي طبعني امشي تروحي لداركم عيطي لباباك يجي يديك ماتبقايش عندي بقا يطبع فيا خرجني للهول جات العجوز طبعتو عليا واشبيك انت واشبيك _قوليلها تعيط لباباها يجي يديها ماتبقاش في داري _ماشي دارك وحدك داري هذه وراح تبقا عندي ولي ماعجبوش الحال يخرج هو هي قاتلو هكذا وهو خرج ملة محمد أنا مروان تحاوزيني من الدار ومعليش ومانيش انا لي نتحاوز وراني خارج منها وابقاي فيها وحدك انتي وياها ومانيش انا لي تذلوني وعندي داري وحدي مانحتاجش دارك وطلع الفوق لم قشو وهبط سبقتلو العجوز وين رايح ماحبش يهدر معاها غاضو الحال راح يطرطق كي حوزاتو قدامي طربطق الحالة علينا بقات تحكم فيه راح حل الباب وقفتلو على الباب بقا يبعد فيها انا تحاوزيني من الدار معليش بصح لي يذلني انا مزال مازادش حتى واذا كنتي انتي ودارك راني خارج منها واذا دايرة في بالك راح تذليني كي تحاوزيني من دارك تكوني غالطة انا راني بداري ومالي وشي كلش درتو بعرق جبيني مانسمح حتى لواحد يذلني حتى واذا كنت انتي يما لي جابتني من كرشها الا الذل راني مانقبلوش لا منك لا من غيرك وراح خرج العجوز طاحت تبكي قتلها لاه هدرتي معاه هكذا _قلقني الراجل طغا بزاف مكانش لي يحبسو مافهتش لاه يدير هكذا جامي كان بهذا الظلم دخلتها لشمبرة جبتلها كاس ما طاحت عيطت عيطت ماحبتش تفطن رحت نجري جبت تليفونها عيطتلو يكوبي وليت بعثتلو مساج يماك طاحت اجري رحت جبت البارفا نفطن فيها بدات تفطن غير فطنت ولات تبكي وتعيط عليه سمعت الباب يطبطب تكسر قتلها واقيلا رجع رحت حليت الباب واشبيها يما قتلو طاحت طبعني وراح يجري عندها غلقت الباب وجيت دخلت لقيتو محظنها وهي تبكي تقولو والله مانسمحلك كون تروح _والله مانروح لاه شكون يحملني بغيرك بقات تبكي هو يحاول فيها خلاص العزيزة راني حلفت والله مانروح قاتلو مانصدقش حتى تجيب الكابة _راهي فالطوموبيل ضك ممبعد نجيبها قاتلو ضك تروح تجيبها ترجع عيا فيها قاتلو ضك تجيبها ولا ناص راح جابها وجا دخل هاه هاهي الكابة قاتلي روحي اديها الفوق ماتمديهالوش نضت ديتها الفوق حليتها بقيت نرجع في قشو شفت الفيستا تبان فيها كوارط لحت يدي جبدتهم حليتهم لقيت وصفة طبيبة ووحدة تاع تحاليل اوو تاع واه هذو قريت اسم الطبيب لقيتو نفس الطبيب لي دار عندو الفحص بصح لادات جديدة ماعندهاش بزاف ماشي زعما راه يتعالج ياربي ويكون يعالج برك ويتحل هذا المشكل رجعتهم كيما كانو ورحت قعدت نستنى فيه حتى يجي ونروح نرقد لقيتو دخل عليا انتي ضك ماتحشميش على روحك ماعندكش كرامة لدرجة هذه رخيسة قتلك مانيش حابك يعني مانيش حابك اووو افهمي روحك واخرجي عليا المعيشة معاك ماشي بالسيف صاي عشنا يامات حلوين وراحو فاتو ماتقلبيهاش درما وترجعيها حب اسطوري وتضحي على جالي وماعلباليش واشنو صاي ارجعي لواقعك ماتكذبي عليا ماتمثلي عليا انا وانتي علبالنا واش كاين الور خلينا نتفارقو بلا عيب وراني قتلك حقك وتعويضك تديه بالدوبل دورو ماتخسريهش انا نتكفل بكلش المهم روحي خطيني برك قعدت نشوف معاه واش جرحني بكلامو بصح معليش نساعفو علبالي راه يهدر برك عقليتو وشخصيتو وتصرفاتو ڨاع حفظتهم وليت نفهمو بلا مايهدر قتلو وانا مراحش نعاود الهدرة قتلك حابني نخرج منا وكرهت مني كيما راك تقول ارواح احكمني من ذراعي وخرجني على باب الدار لشارع وقولي روحي لدار باباك ثما نروح بلا رجعة بصح باه نخرج وحدي مانخرجش ودير لي ديرو مراحش نروح راح نبقا معاك نحا التريكو ندير لي نديرو اك ملا استحملي واش ندير فيك هجم عليا يالضرب والعنف ودا كلش بالغصب واي حاجة كنت مانحبهاش منو ومانستقبلهاش جبرني عليها انا ما قاومتو ماهدرت معاه مالغري عذبني بصح اه ماخرجتش من فمي حتى كمل،ناض شعل ڨارو وخرج للبالكو درت على جنبي وجبدت الغطا نزلو دموعي للحظة استسلمت وماقدرتش نحمل هذا الشي ماشكيتش تكون عندي طاقة باه نزيد نحملو وكي نتفكر وقفتو معايا نقول معليش كلش يهون ويستاهل فترة وجوز مراحش يبقى حتى هو يجي نهار ويكره ويستسلم ،سمعتو غلق البالكو ودخل غمضت عينيا درت روحي راقدة حسيت بيه واقف ورايا ويتفرج فيا ولا قعد ورايا طل عليا لقاني راقدة نحا لغطا غير بشوية باه مانفطنش ودخل ورايا لاح ذراعو تحت راسي وحط يدو على يدي ودفن وجهو في شعري تنهد تنهيدة طوييييييلة درت روحي تحركت جبد روحو عليا درت عندو على جنبي وكملت رقادي بقا يشوف معايا تأكد بلي راقدة في سابع نوم قدم عندي حط يدو ورا ظهري وجبدني عندو دفنت وجهي في صدرو ورقدت غير حسيت بدفا حظنو وشميت ريحتو غفيت ،ملي نوض وجيبني الفطنة نلقاه مزالو نايض النعاس طار من عيونو ياريت فيا ولا فيه انا على الاقل كان يخفف عليا بصح هو ماقدرتش نخفف عليه ماخلانيش حتى نقربو بصح الشي لاحظنو هو تمسكو بيا لوكان يصيب يحطني داخلو متاكدة مراهش حابني نروح ساعات نحسو يختبر فيا نحملو ونبقى معاه ولا نعطيه بظهري ونروح معليش انا قد هذا الاختبار غير مروان مانسمحش فيه كيما حبيتو في افضل حالاتو راح نعشقو في اسوء حالاتو غير تحتاج شوية صبر..... يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء26

صباح فطنت لقيتو مكانش نضت هبطت عند العجوز سقسيتها على مروان قاتلي رجع الخدمة من هذاك النهار لي راح مارجع فيه يعيط غير عند العجوز يسقسي عليها انا مايعيطلي ما يسقسي عليا نعيطلو ونبعثلو لي مساج مايهز مايرجعلي نعيط نعيط حتى نكره توحشتو والشي لي مصبرني انا شاكة فيه بلي راه نقول هذه المرة كس يرجع يكون لباس كل مرة نستناه يجي بصح طول بزاف وجا رمضان وفاتو يمات منو وماروحش كون مايعيطش عند العجوز نقول بلاك كاش مابيه العجوز ديما يعيطلها عندو حاجة اساسية وضرورية الصباح كي ينوض يعيطلها وكي يرقد يعيطلها حتى هي حافظة وقتو غير تشوف وصل وقت عياطو تحط تليفون قدامها وتبقى تستنى ،

فالنصفية درنا الشخشوشة انا وعفاف راح نفطرو ثم معاها كعاد راجلها مكانش بقا نص ساعة للمغرب طبطب الباب راحت عفاف حلت سمعتها تقول اهلا بك ادخل خويا ادخل حسبتو خوها حتى سمعت صوتو لا خلي برك بصح عيطي ليما جي كي راح نخرج عندو وليت رجعت مدام ماسقساش عليا يعني مزال في هبالو خرجت عندو العجوز بقات تهدر معاه قاتلو اقعد تفطر هنا ماحبش قالها جيبيلي التحت وراح جات عندي قاتلي روحي وجدي الفطور لراجلك ماتخليهش وحدو رحت ديت الفطور وهبطت وجدت الطابلة وقعدت نستنا فيه راه فالشمبرة اذن رحت صليت وجيت قعدت نستنا فيه شوية دخل لقاني قاعدة قلت ضك اليوم يقلب عليا الحالة جا قعد ، ملي قعد مطلعش راسو فيا ياكل وساكت بقيت نشوف معاه حالتو ماتعجبش عيان وتعبان وذبلان ونعسان حتى عينيه ذبالو وعلامات الارق والسهر وقلة النوم باينين على وجهو هاز جبال على ظهرو ندمت على اللحظة لي قلتلو روح فيها الطبيب كون عولت راح تولي حالتو هكذا والله مانجبد هذا الموضوع ڨاع ياريت جات فيا ولا وفيه بصح حابة نعرف واش قالو الطبيب علاه راه يدير في روحو هكذا يعذب فيا وفي روحو غلق في وجهي كلش خفت حتى نهدر معاه بقيت نشوف معاه حطيت المغرفة قتلو مروان هو سمع صوتي ماعرف واش صرالو تقول كان يستنى فيا غير كاش ماندير ناض ضرب الكرسي ولاح يدو جبد الغلاف تاع الطابلة بيه بالفطور تخطفت من بلاصتي بقيت نشوف معاه ومعاه الماعين الكوزينة ولات ڨاع زجاج وقزاز شفت معاه هز راسو شاف معايا عينيه حمارو عروق رقبتو راح يطرطقو _صوتك مانسمعوش فهمتي جا عندي رجعت لور خبطت فالبوطاجي حكمني من شعري صوتك ما نسمعوش وبدا يضرب فيا الروبة قطعها عليا طحت لميت روحي غطيت وجهي نبكي بقا غير يضرب حسك مانسمعوش اسكتي عليا راكي كرهتيني ضرب ضرب حتى عيا وخرج ،ماعلباليش شحال فات الوقت وانا نفس البلاصة حتى سمعت العجوز ياخاه واش صرا هكذا طلعت راسي جات تجري عندي واش صرا ثاني سكت هو لي دار هكذا وضربك بقات تشوف معايا ومع الروبة لا حول ولا قوة إلا بالله أطفلة راح تبقاي غير هكذا ساكتتلو روحي لداركم اسيدي صدي كيما النسا ديري موقف حاسبيه عذبيه ولوقتاش راح تبقاي غير هكذا ساكتتلو وهو يطغى عليك ماشي هكذا والله علبالنا بلي تحبيه بصح ماشي هكذا الحب ماشي لدرجة هذه هو يقتل فيك صباح وعشية ويحاوز فيك وانتي لاصقة فيه اووو كان جا ساحرك مديريش هكذا خلاص قالك مانيش حابك وروحي عليا واخطيني خلاص روحي لداركم اسيدي بالذراع تبقاي مع راجل ماراهش حابك ومن الفوق يقتل فيك علاه عليك الحالة هذه واش ولا هو حتى راكي تعبدي فيه هكذا الف واحد يتمناك انا في بلاصتك يجي يركعلي بعد الشي لي دارو مانرجعلوش بقيت ساكتة دخلت عفاف واش صرا هكذا _ارواحي اهدري مع الجايحة هذه عييت نفهم واشبيها الراجل يحاوز فيها ويقتل فيها صباح وعشية وهي ساكتتلو بقات تشوف معايا جات عندي آية حكيلنا واش كاين واش وصلكم هنا مكانش منها يدير فيك هكذا بلا سبة كاينة حاجة احكيلنا نعاونوك ننصحوك حابة نحكي بصح خفت منو والله يسمع واحد عرف هذا الموضوع غير توصل بيناتنا لطلاق وليت نضت خرجت دخلت لشمبرة العجوزة غطيت راسي ورقدت ماعندي حتى حل نهرب ونسكت جابتني الفطنة على صوتهم يهدرو نسمع في صوت العجوز تهدر وليدي هذه لاه راك دير فيها هكذا حرام عليك والله حرام من وقتاش كنت انت حڨار هكذا ماكش حاب الطفلة اديها انت بيدك وصلها لدار باباها وارمي عليها طلاق وتهناو علاه راك دير فيها هكذا الطفلة لحمها ڨاع زرق وطاب من الضرب تاعك ضك هذه معيشة يعيشوها ناس لا انت هاني لا هي مافهمتش واش صرا حتى وصلتو هنا انت ماحبيت تهدر هي ماحبت تهدر ياك كنتو لباس عليكم بقيت حايرة واش دارت حتى راك تقتل فيها ياك مسكينة تمشي كيما تحب اواش تقول دير وتسكت البنات لي في عمرها ڨاع عايشين كيما يحبو انت الخمار ودرتهولها فالدار غير باه ترضيك ماتخرج مادور ماتلبس كي نتاجاتها ماتتمكيج ماتجمع مع الناس مادير حتى حاجة غير اذا قبلت انت حتى لدارهم عادت ماتروحش عندهم خايفة منك تخاف تروح وماتزيديش ترجع هذا ڨاع وتجازيها بهذا الشي والله ماتستاهلها انت واذا صح كرهت منها ماحقكش دير فها هكذا اديها لدارهم وطلقها وخليها تروح تعيش حياتها مزالها صغيرة على الهم _ماعجبهاش الحال تروح الطريق قدامها ماقلتلهاش ابقاي عندي انا ماني جابرها تقعد عندي ماحوست عليها حابة تروح الله يسهل عليها ضك نطلقها وتروح تعيش حياتها قاتلو علبالك هذه لي راك تتكبر عليها تتطلق منك من تتزوج من انت ماعلبالكش شحال خطبوها مني _وشكون هذو لي خطبوك فيها زعما خير مني انا وراح تلقا خير مني؟ماشكيتش باه تلقا واحد كيما انا وتعيش كيما تعيش عندي انا مستحيل تحلم بيها واذا دايرة في بالها بلي كي تتطلق وتعاود زواج تكون غالطة راهم عازبات وماداوهمش حتى يديوها هي مطلقة واذا داوها غير الشيوخة وعلى الضرة قاتلو غير بركا ما تكذب على روحك انا وانت علبالنا بلي الطفلة لي يشوفها يتمناها وانت متاكد من هذا الشي واذا عدت شاك في هذا الشي نحيلها نقاب وخليها تمشي ساعة برك برا بلا بيه وشوف واش جيب وراها ونزيدك لي خطبوها مني لا شيوخة لا ضرة ڨاع صغار واحد منهم صاحبك الروح فالروح _واشنوووو شكون صاحبي وين شافها صاحبي حتى يخطبها قاتلو وانت لاه تحوس شكون صاحبك واش يهمك فيها ياك ماكش باغيها ناض يعيط يماااااا راكي حابة نقتلها ولا كيفاه صاحبي وين يعرف مرتي وين شافها لقيتو نحا الغطا وحكمني من شعري وين شافك صاحبي حتى يخطبك شكون هذا لي شاف وجهك خنقني والعجوز تضرب فيه بعد عليها هي ماعلبلهاش جبداتو عليا نضت فعدت حكمت رقبتي نرد فالنفس وهو يحوس يطير عندي اهدري شكون هذا لي شافك وين شافك اهدريي اليوم ندي عمرك تخليني نروح من الدار وتضلي فالزنق دوري بلا نقاب طبع يماه وجا حكمني من شعري جبدني طحت من الكنابي ووجرني جبدت العجوز جبدت ماقدرت تفكني منو راحت حلت الباب وناضت تعيط على سلافي بصح ماجاو يهبطو ويفكوني منو حتى جرني الفوق وشبعني ضرب فالدروج كي ماحبيتش نمشيلو ولا دارني تحتو ويضرب شكون هذا لي شافك بلا نقاب موالفة تخرجي من موريا بلا نقاب وشافو وجهك حتى نفسي ضياق عليا باه جا سلفي جبدو عليا طلعت عندي عفاف والعجوز نوضوني داوني الشمبرة قعدت على السرير قاتلي العجوز ضك تعيطي لباباك يجي يدك ماتبقايش عندو جابتلي تليفون هاكي عيطيلو قعدت نبكي هاكي احكمي عيطيلو ماتقعديش عندو لقيتو عاود دخل غير شفتو تخطفت من بلاصتي جا عندي راحت عندو العجوز وقفت قدامو اقسم بالله وتقيسها غير نتبرا منك ليوم الدين _بعدي عليا خليها تقولي شكون صاحبي هذا لي شافها قاتلو اخرج منا _مانخرجش حتى تحكيلي شكون هذا لي شافها وين شافها بلا نقاب سما النقاب كانت تخليني نروح للخدمة تنحيه وتخرج بلا بيه ياك قاتلو اخرج بركا من الهبال تاعك _مانخرجش حتى تحكيلي كلش حاب نفهم صاحبي وين شافها قاتلو واحد ما شافها اخرج منا _مكلاه تكذبي عليا وتغطي عليها ضك تحكيلي كلش قاتلو واشبيك ماتفهمش ولا هات تلقى سبة برك باه تضربها ماحبش يصدق ولات تحلفلو راني نقولك والله ما شافها واحد _وكيفاه تقوليلي صاحبك يحوس يخطبها حابة تهبليني انتي _ماشي صاحبك لي شافها يماه لي شافتها عندي وحسبتها دنيا بنت ختك خطبتني فيها هذا مكان _ماتكذبيش عليا_اقسم بالله ماني نكذب واشبيك ماتصدقش علاه راني في عمر باه نكذب سكت قاتلو هيا روح اهبط التحت باه نديوها تروح لدارهم قالها مانديش حاب تروح الطريق قدامها خرج دارت عندي هيا انتي عيطي لباباك يجي ولا نوضي لبسي انا نديك قتلها مانروحش ونضت نحيت الغطا رقدت قالت لعفاف شوفي كيفاه دير هذه صحيحة في راسها الراجل يقتل فيها ويحاوز فيها وهي لاصقة فيه قاتلي عفاف آية لاه ماكيش حابة تروحي لداركم واش كاين لاه خايفة منو ولا داركم ماحبوش يستقبلوك قاتلها كيفاه مايستقبلوهاش يدبرو راسهم يستقبلوها بالسيف قاتلها مدام ماحبتش تروح لدارهم بعد هذا الشي واقيلا دارهم حاوزوها ولا ماحبوش يستقبلوها ولا تقابضت معاهم نوضتني عجوزتي تقابضتي مع داركم ماحبوش يستقبلوك علاه ماكيش حابة تروحي عندهم عندك مدة طويلة مارحتيش قتلها لالا _هاه واشبيك لاه ماكيش حابة تروحي عندهم قتلها هكذا حابة نبقى هنا بقات تشوف معايا مدام حابة تبقاي هنا بعدي عليه كي يكون هو هنا ماتخرجيش قدامو حتى يهديه ربي جيبي حوايجك ورواحي ترقدي معايا التحت وابقاي بعيدة عليه ،ديت حوايجي لي نحتاجهم وهبطت رقدت عندها التحت........ #يتيتبع

#ادخلي في صفحتي وديري متابعة لصفحة

قصص واقعية 

الجزء27

الصباح نضت لقيتها ديجا ناضت خرجت رحت لدوش نغسل في وجهي سمعت صوت الباب كي تحل ودخل عرفتو هو غير من ريحتو راح طلع الفوق نشفت وجهي حليت الباب شفتو كي دخل شمبرة العجوز وليت رجعت سمعت يعيط يمااااا قاتلو واشبيك راني هنا _وين راهي آية قاتلو لاه تحوس عليها ثاني _يما اهدري وين راهي قاتلو ماعلباليش_كيفاه ماعلبالكش وين راحت قاتلو كيما خرجت عيطت ل باباها جا داها روحت ناض يعيط راحت قاتلو ايه راحت ياك انت لي حاوزتها من الدار _يما قولي والله غير راحت _واشبيك انت اوو ماشي انت لي كنت تحاوزها فيها واش تحوسها دير تركعلك قلتلها روحي راحت _يما صح راحت قاتلو ايه راحت وتحوسها تبقى طول عمرها عندك تضرب فيها سمعتو يضرب فالباب كذابة خداعة قاتلي مانروحش وراحت هذاوين بانت على حقيقتها كانت تمثل عليا بصح معليش كون ماتخلصهاش غالية ملا قاتلو واشبيك تاكل في روحك ماشي انت لي حاوزتها _وامبعد ماتروحش علاه تروح علاه تكذب عليا وتقولي نبقى معاك بصح معليش كون مانطلعهاش بحبل ونهبطها بعشرة ملا مانيش مروان قاتلو بركا من الهبال تاعك ماراحت لحتى لبلاصة راهي هنا عييت فيها روحي ماحبتش تروح _وين راهي مكاش قاتلو اوو خليتها راقدة _مكانش وين راحت قاتلو واقيلا ناضت راهي فالدوش ولا توالات سمعت صوت خطواتو كي جا لدوش رجعت لافابو وحليت العين ونغسل في وجهي حتى لقيتو حل الباب طل عليا بقا يشوف معايا درت روحي زعما ماشفتوش راح خرج كنت متاكدة ماراهش حابني نروح معليش نزيد نصبر شوية. من هذاك نهار هو رجع للخدمة قبل العيد بيومين خرجت انا وياها تكسينا انا شريت روبة فالڨري قماشها تاع برادا عندها لاستيك تحت الصدر ومن تحت لارج بالذرعين وعلى الصدر معلقين فيها سناسل تحت بعضاهم مع صندالة وشوية مكياج وجيت روحت هذا ثاني عيد يجيني صامط ،في ليلة الشك فطرنا برك غسلت الماعين وعجوزتي نصبت الغدا تاع غدوا فالليل باه غدوا تلقا كلش واجد وانا رحت دوشت وسشورت شعري زاد طوال كنت راح نقصو ممبعد بطلت خلي نطولو خير انا شعري يطوال ،لغدوا العيد نضت صباح بكري غافرت على العجوز وجوهرة وعفاف وسلافي غير من بعيد هو الصباح عيط العجوز عايدها قالها مانروحش حتى الغدوا سماطلي كون غير جا شفتو توحشتو فات عليا سامط كعاد هو مكانش هنا عيطت لدارنا عايدت عليهم فوت نهار نورمال ستنست يعيطلي ماعيطليش وليت انا لي نعيطلو ماحبش يهز عليا وليت بعثتلو مساج كيفكيف مرجعليش وليت نبكي كرهت من برودو معايا مافهمتش واش ذنبي انا في هذا الشي تقول انا لي جبتلو المرض تعشيت برك وطلعت لشمبرة نبكي سمط عليا كلش لغدوا عرفت من العجوز بلي راح يجي العشية تحسنت نفسيتي تغدينا برك وطلعت الفوق دوشت سشورت شعري ومكييت لبست روبتي وصندالة سرحت شعري طلقتو حطيت الخمار على رقبتي تحت شعري وخرجت هبطت نسمع فالحس في شمبرة العجوز وليت دخلت حتى نلقاه في وجهي قاعد تفاجأت ماتوقعتش يروح ضك ماعرفتش واش ندير نروح نحكم بلاصتي ولا نغافرلو بصح مناش وحدنا الشمبرة مليانة وليت رحت عندو عييت نقدم عندو حكمتني واحد الهربة منو سبحان الله كيفاه وصلت علاقتي بيه وصلت عندو بلعط فيا عينيه للحظة خممت نرجع طبست عندو سلمت عليه قتلو صحا عيدك مارجعليش بعدت عليه ورحت حكمت بلاصتي قعدت مزية مراهمش يشوفو معانا غير العجوز تولهت لينا قعدت مع العجوز وهبطت راسي قاتلي لاه راه يتخنزر فيك طلعت راسي شفت معاه لقيتو يتخنزر فيا هبطت راسي عييت نقعد كي بقا يتخنزر فيا وليت نضت خرجت للكوزينة حتى لقيتو حاكمني من شعري واش قلت على الخمار درت عندو قولي واش قلت على الخمار فتلو نسيتو _نسيتيه وانتي حطاتو على رقبتك سما موالفة دوري بلا بيه قتلو نسيتو والله دخلت العجوز تجري بعدتو بيا علبالي بك راك تقتل فيها واش تحوس عندها ما تخافش ربي انت حتى فالعيد تقتل فيها دارت عندي عيطي لباباك يجي يديك وروحي ماتزيديش ترجعي عندو ضرب الكرسي وخرج _انتي راح تبقاي غير هكذا ساكتتلو لوقتاش انا في بلاصتك كرهت سكت بنتي خذي الراي وروحي لدار باباك ديري موقف ماتخليهش يوالف فيك واذا والفت يدو فيك خلاص يولي كلمة زوج تدي طريحة ديري قيمة لروحك والراجل كيما تولفيه كيما يعاملك واذا ولفيتيه بالذل والضرب راح يبقا طول عمرو يذل فيك وخرجت خلاتني ايه صح نروح لدارنا خير طلعت الفوق حليت الباب ودخلت لقيتو متكسل على السرير بقا يشوف معايا هزيت تليفون عيطت لبابا رفد عليا قتلو بابا تقدر جي ضك تديني قالي غير نخلص شغلي نفوت نديك قتلو خلاص راني نستناك فيك كوبيت عليه درت لقيتو يشوف معايا رحت جبدت الكابة جا عندي وقف قدامي شفت معاه هذا وين بنتي على حقيقتك مثلتي مثلتي بصح ماقدرتيش تكملي في تمثيلك ياك حتى انا عرفتك بلي تمثلي عليا بصح تعبتي روحك طولتي بزاف كون ملول خرجتيهالي طاي طاي بقيت نشوف معاه علبالي ماعجبوش الحال كي راح نروح بقيت ساكتة قولي هذا وين ظهرتي على حقيقتك بصح علاه كنتي تمثلي عليا هذا الوقت ڨاع قتلو الله يهديك ضرب السرير ورايا ماتقوليش الله يهديك لاه كنتي تكذبي عليا وتمثلي وتقوليلي نبقا معاك اه لاه تكذبي عليا قتلو واشبيك ياك راك تحاوز فيا وتقولي روحي مانيش حابك علاه جاي تحاسب فيا _مانيش نحاسبك فيك حاب تروحي روحي طولتي بصح لاه كنتي تكذبي وتمثلي عليا مزية ماصدقتكش حتى انا عرفتك تكذبي بقيت ساكتة ايه معليش روحي الطريق قدامك وراح خرج بقيت نشوف عييت نفهمو يبقا يحاوز فيا وكي جيت نروح ماعجبوش الحال مكلاه نروح ملا هزيت تليفون عيطت لبابا قتلو مكلاه جي مروان راه جا من الخدمة وعندو الغاشي غير نقعد ضك نجي قالي خلاص كيما تحبي ، وليت درت الخمار وهبطت التحت درنا العشا وجدناه سلافي وراجل لوستي قعدو فالصالو وحنا تلامينا فالكوزينة خرجت لوستي داتلهم البلا وانا خرجت وراها هزيت لبلا لاخر لقيتو حل الباب دخل بقا يشوف معايا جا عندي لمن هذا قتلو راح نديه لصالو _شكون فالصالو قتلو خاوتك وراجل ختك _وداخلة عندهم؟قتلو لالا راني نستنا في ختك تخرج نمدلها نحاهولي هاتي هنا طيري منا لا نفلعصك درت للكوزينة قعدت تلمينا تعشينا وغسلنا وتلمينا فالشمبرة تاع العجوز سهرانين جا وقت رقاد طلعت الفوق لبست بيجامتي هزيت خماري وخرجت من الشمبرة لقيتو دخل غلق الباب وبقا يشوف معايا جا عندي لاه مارحتيش لداركم قتلو بطلت_لاه بطلتي قتلو هكذا _بصح لاه راكي تمثلي عليا قتلو الله يهديك لاه حتى نمثل ولا هذو فعايلك انت بقا يشوف معايا انتي راح تبقاي هكذا قتلو ايه راح نبقى هكذا واش قلقك _ قلقتيني انتي مانيش حابة نشوف خليقتك فالدار قتلو لاه دير معايا هكذا حرام عليك انا واش دخلني واش ذنبي في لي بك هز يدو هذا الموضوع ماتزيديش تجبديه قتلو نجبدو ونزيد فهمني واشبيك انا لاه راك دير معايا هكذا واش دخلني لاه كي كنا حاسبين المشكل فيا تقبلتو نورمال وكي جا المشكل فيك ماحبيتش تتقبلو ناض يعيط تعايري فيا سما راكي تقولسلي مانيش راجل ياك ماعرف واش صرالو نحا تريكو انا مانيش راجل ياك معليش حكمني من شعري ورماني على السرير وهجم عليا ضرب واغتصاب وعياط انا مانيش راجل ياك راكي تقوليلي هكذا معليش ضك نوريلك لي ماشي راجل واش يدير تلبسو شيطان انا كالعادة ما نقاوم مانهدر معاه غير دموعي جراية حتى خلص وناض خرج جبدت عليا الغطا ورقدت ماعندي ماندير غير نهرب للنوم ،فطنت لحت عيني لساعة لقيتها 11 ايي واش رقدت درت ورايا لقيتو راقد ماحسيتش بيه كيفاه دخل بقيت نشوف معاه واش توحشتو توحشت.حنانتو ضحكتو حظنو دلالو عييت نستوعب كيفاه وصلنا هنا كنت عايشة معاه في نعيم للحظة تحولت حياتي معاه للجحيم بصح معليش هذه هي الحياة نهار مليح ونهار ماشي مليح الزواج ماشي غير فراش ورمانسية وحنانة كيما عشت فترة مليحة بلا مشاكل جا الوقت لي راح نعاني ونعيش المشاكل واذا حابة ينجح زواجي ومانخسرش راجلي نحمل ونصبر فترة وتجوز سورتو اذا خرج صح يتعالج يتحلو مشاكلنا ڨاع نضت دوشت وهبطت لقيت دار فرغانة العجوز مكانش ملا راحت عند خاوتها خاطر قالت بلي راح تروح ڨاع راحو حتى عفاف وجوهرة راحو بقيت غير انا خايفة ونروح ويزيد يتعقد المشكل درت الغدا حطيتو وقعدت نهدر مع ماما تقولي ارواحي قتلها مانقدرش مروان يجيه الغاشي والعجوز راحت مكانش شكون يقعد فالدار غير ينقص شوية الغاشي وترجع العجوز نجي لقيتو دخل عليا قلتها ممبعد نعاودلك ونهدرو كوبيت _لاه مارحتيش لداركم قتلو مانروحش حابة نبقى هنا _وانا مانيش حابك تبقاي هنا علاه ماتفهميش مانيش حابة نشوفك سكت هبطت راسي ونبكي _ماتبكي عليا ما الو ماكيش مجبورة تحمليني ماقتلكش احمليني غير مكلاه تعبي روحك غير روحي لداركم شفت معاه ما تخافش كلش عندو حدود وصبري عندو حدود _وعلاه تستناي حتى يخلاص صبرك روحي من ضك راكي غير تضيعي فالوقت قتلو باه كي نروح منا مانندمش ونكون درت لي عليا وكثر ونضت خرجت ،جاب يمات وهو هنا مشاكلو معايا نقصو شوية ماعادش يعيط عليا ولا يتبلاني ويضربني بلا سبة مالغري مانهدروش مع بعض بصح احسن من قبل بصح لاحظت حاجة حقو يطلب فيه ليل مع النهار بشكل غير طبيعي مايخرجش ڨاع من دار وكي جاتني لي راڨل ماعرف واش صرالو ناض يعيط ويكسر وقلب عليا الحالة وراح رجع للخدمة يامات عاود رجع غير رجع رجع لعادتو كثر من اللول يحبسني معاه فالشمبرة حتى حكمو هوس وليت نشك واقيلا كاش ماراه ياكل في كاش منشطات وخلطات ولا هذوك دواوات بصح فركت الشمبرة فركت قشو فالطوموبيل مالقيت حتى حاجة وليت حتى نعسو قبل مايطلبني واقيلا كاش مراه ياكل بصح ماحكمت عليه والو عييت نفهم واشبيه كل مرة نفس الشي غير يرجع من الخدمة يبقا عڨابي واذا جات لي راڨل يزعف ويتقلق المرة اللخرة زاد سقساني على لي راڨل وقتاش جيك قتلو ماعرف مانيش حاسبة لروحي مي نورمالمو مزال ،حتى جا نهار انا وعجوزتي قاتلي نتعاونو نديرو ميناج لصالو انا وياك قتلها ملا ضك ندير لدار كامل فرد خطرة قاتلي اواه بزاف عليك وحدة وحدة برك قتلها فرد مرة خير ،لغدوا غير فطرنا هو راح خرج وبديت الميناج طلعت نفظت السقف وغسلت الحيوط وبدلت الديكور وغسلت الخزاين هي تغسل برك فالحوايج ماتقدرش فت للكوزينة غسلتها هي بلي فيها ورجعت كلش للمغرب كملت كلش غير كملت باه حسيت بالتعب ظهري تقسم عظامي نحلو من بعضاهم عييت نوقف على طولي قاتلي العجوز روحي ترقدي يومين ما تنوضيش قتلها نعلق الكوادر برك ونطلع جبت السلم وطلعت الدرجة لخرى ڨاع وبقيت نعلق فيهم حتى تحل الباب درت لقيتو هو لي دخل درت خليتو جا عندي واش راكي ديري انتي هكذا قتلو راني نعلق _طالعة لهنا ڨاع كون طيحي اهبطي قتلو لا مانطيحش _اهبطي آية راكي طيحي قتلو ك نخلص نهبط _هيااااا درت عندو هيا اهبطي قتلو وشكون يعلقهم _اهبطي ضك نعلقهم انا عطيتو لكوادر حكمهم حطهم وطلعلي ذراعيه هيا قتلو لا نهبط وحدي ضك طيحني_هيا برك مانطيحكش قتلو لالا ضك نهبط وحدي _آية هيا خليني قتلو والله نطيح _ماطيحي ماوالو هاتي يدك هنا عطيتو يدي حكمها هيا ارواحي بقيت نشوف خفت نطيح هيا آية قتلو نخاف نطيح _والله ماطيحي هيا برك اطلقي روحك عليا ضك نحكمك بقيت نشوف معاه ولا جبدني من يدي طحت عليه حكمني وليت نعيط حظنتو بقا يضرب في واشبيك تعيطي واش توحشت حظنو وريحتو بقيت جامدة بين يديه بعدني عليه حط راسو على راسي واشبيك جمدتي ضربة وحدة بقيت نشوف معاه بكيت باسني من عينيا في زوج وحطني روحي انا نكمل الباقي وماتزيديش تطلعي هنا للحظة رجع مروان القديم درت نمشي وطلعت على الدروج درت ورايا لقيتو يشوف معايا كملت طريقي دخلت ديراكت لدوش دوشت وخرجت عطيتها برقدة سمعت لاذان العشاء ياذن قلت خلي نوض نصلي نضت لقيت روبتي مطلية ملا جاتني لي راڨل نضت غسلت وبدلت هبطت التحت هو مكانش دخلت عند العجوز لقيتها هي وعفاف قاتلي هذاوين نضتي من قبيل وانا نطبطب عليك فالباب باه تتعشاي مانضتيش قتلها ايه طحت كاو قاتلي روحي تتعشاي ملا خرجت تعشيت وطلعت مزلت نعسانة كلش فيا مدڨدق فت لتوالات سمعت الباب تحل واقيلا جا........ يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء28

خرجت لقيتو ينحي فالساعة رحت لسرير _ماترقديش حتى نجي هذه هي هدرتو الوحيدة معايا قتلو راني مريضة _دار عندي لاه واشبيك قتلو جاتني لي راڨل انا قتلو هكذا وهو هبل جاتك العادة قتلو ايه جات قبيل ماعرف واش صرالو ناض يعيط اخرجي عليا روحي عليا اخطيني قتلو واشبيك هجم عليا يضرب بالكفوف ويعيط اخطيني ياسيدي مانيش حابك راني كرهتك وكرهت من شوفتك مليت منك بعديني قليني ماعندكش كرامة انتي لاه جاية رخيسة ڨاع هكذا ضربتك سبيتك حڨرتك ماحبيتش تفهمي روحك واشنو انتي واشنو واش نديرلك باه تفهمي روحك وتروحي تخطيني راني عفتك فهمتي ولا مافهمتيش راني عفتك اووو بالسيف قتلو واشبيك دير معايا هكذا حكمني مني ذراعي وضربني تحت رجليا يجيبني راكعة طحت على ركايبي فجأة ظهري قتلني وقوات عليا واحد الوجاعة مت وليت نعيط لربي لي خلقني حتى دخلت عجوزتي فكتني هي وعفاف ناض يعيط خرجوها عليا اديوها تروح مانيش حابها تبقى عندي نرجع ونلقاها هنا نقلب الدار على راسكم وخرج نوضتني عفاف داتني لسرير حكمت ظهري وقعدت دارت عندي العجوز شوفي انتي هنا اقسم بالله ماتزيدي تقعدي عندي غدوا نديك تروحي ياخاه على الطفلة لحمها طاب من الضرب واشبيك بنتي واشبيك ديري هكذا علواه راكي حاملة المعيشة هذه اوو واش ولا مروان هذا حتى راكي قاتلة روحك عليه هكذا روحي خليه ماتزيديش تقعدي عندو خلاص راه فات حدودو خليتها تهدر نضت عييت نوقف على طولي طلقت روحي قعدت على السرير جسمي ڨاع نشل غير دموعي يجراو وجسمي يرعش حتى فمي يرجف ولساني تربط والغمات يدو فيا ويجيبو عييت نحل عينيا جبدت الغطا وعدلت روحي رقدت قاتلي واشبيك حطيت يدي على كرشي حتى هي تقطعت من داخل وراسي راح يطرطق حكمتني الرجفة والرعشة بقيت انستغفر وانشهد حتى البرودة حكمتني قتلها غطيني بردت جبدت عليا الغطا لفلفت روحي قاتلي اهدري واشبيك قتلها والو لي راڨل برك بقات تهدر معايا وصوتها يروح حتى داتني عيني ورقدت فطنت على وجاعة مزالها عڨابي اول مرة جيني لي راڨل بالوجاعة جامي جربت وجاعتها غير اليوم بقات غير تزيد رقدت على كرشي مكاش ظهري مكاش قعدت مكاش وليت نضت ندور فالشمبرة مكاش عاودت رجعت رقدت عييت نحكم لبلاصة وليت هبطت التحت عييت نوقف على طولي حاكمة كرشي ونمشي رحت الكوزينة على زهري لا تيزانة لا شميعات جيت فالكوزينة ورقدت على طابلة ماحبتش تروح وليت خرجت للهول وندور نمشي شوية ونقعد شوية طلعت لدروج وقعد نبكي وليت نبكي بالصوت تحل الباب لقيتو دخل غلق الباب بقا يشوف معايا جا عندي واشبيك دورت وجهي كرهتو فالدم طلع عندي واشبيك نضت وقفت درت حكمني من ذراعي راني نهدر مع جد باباك واشبيك ماقدرتش نوقف على طولي الوجاعة قطعتني صينو راني بردت قلبي فيه خاطر زودها معايا بزاف _آية واشبيك جيت نمشي حكمني آية اهدري واشبيك شفت معاه وليت نبكي _علاه راكي تبكي واشبيك قتلو كرشي تقطعت من الداخل _ياعمري علاه بصح قتلو لي راڨل _وعلاه ماكليتيش دوا قتلو ماعنديش _هيا ارواحي ترقدي ضك نجيبلك دوا ونجي درت نمشي لقيتو هزني دخلني لشمبرة حطني على السرير وتكا على ذراعو عندي توجع فيك بزاف قتلو نار شاعلة فيا لداخل _ياعمري ضك نروح طاير نجيبلك دوا ونجي مانطولش باسني وخرج 10د دخل جابلي باط عطاني حابة هيا عمري هاكي اشربيها ضك يتنحا عليك عطاني كاس ما شربت ورجعت رقدت جا قعد قدامي هز راسي حطو على فخضو بقا يمسح على شعري ويسقسي فيا تنحا ولا مزال بالشوية بالشوية حتى بدا ينقص طل عليا لقاني مغمضة عينيا _آية حليت عينيا _رايحة لداركم غدوا قتلو ايه واش عندي ندير سكت باسني على خدي آية والله هكذا خير ليا وليك انا مانخرجش عليك تستاهلي خير مني قتلو بصح انا كنت حابتك انت _آية مزلتي صغيرة ومن حقك تعاودي حياتك وتجيبي لولاد ماعنديش الحق نضيعلك حياتك حتى انتي من حقك تولي ام وانا مراحش نحققلك هذا الشي قتلو علاه بصح ياك مشكل صغير يتحل _ماتحلش آية راني رحت لطبيب وبديت العلاج وخلصتو ومزال مابان عليك والو نورمالمو تكوني هزيتي قتلو صاي مايهمش راحتلي النفحة فيهم كرهتني فيهم بصح مهما كان ماعندكش الحق دير فيا هكذا _آية والله اللحظة لي دخلت عندو وقالي هكذا الدنيا ظلامت في وجهي ماكنتش نتوقع النتيجة هذه حتى وليت نشك في روحي وفالمرحومة مرتي هذيك الليلة دخلت عندك ناوي ندي عمرك كون مافكوكش مني راني خلصت عليك لانو هكذا كنت ناوي ممبعد ماعرف كيفاه هداني ربي ورجعت عندو وفهمني بلي عندي غير التهاباث جرثومية وعطاني العلاج مي هكذاك و حسيت بالنقص حسيت روحي مانيش راجل ولات عندي حساسية كبيرة من هذا الموضوع وتعقدت منو حتى كي خلصت العلاج بقيت غير وراك ونكثر عليك باه تزربي تهزي وكنت نستنى ونحسبلك غير تقوليلي جاتني العادة نهبل وكنت نرجع غشي فيك انتي وحاب نليكيديك قبل مانوصلو انا وياك المرحلة تولي تكرهي مني وتملي وتولي تمعنيلي بلي حابة لولاد قتلو خسارة عليك كنت دايرة في بالي بلي تعرفني مليح شكون انا و واش نسوا ماكنتش متوقعة بلي تشوف فيا بهذا النظرة بصح معليش هنا وبركات بزاف انت آذيتني بزاف وعاقبتني على والو على حاجة ماعنديش ذنب فيها ضك غدوا نروح لدارنا وبعثلي ورقة طلاقي ومانحتاج منك والو نتنازلك على كلش بقا ساكت سما راح تروحي قتلو ايه نشالله _بصح انا مانيش حابك تروحي كنت نستنى فيك تزيدي تشدي فيا قتلو لا مانزيدش انضريت منك بزاف وجرحتني بزاف _علبالي والله علبالي كي كنت ندير فيك هكذاك وانتي تسكتيلي كنت نتأذى كثر منك ياريتك قابلتيني ورجعتيني غير بالعياط كنتي تقتليني كي تبقاي ساكتة عييت مانستفز فيك باه تهدري وماهدرتيش قتلو معليش لي صرا صرا فالماضي جبدت روحي عليه كي حكينا وعرفت كلش رتاحيت حسيت بيه رقد ورايا بقينا ساكتين _آية قتلو اممم _صح رايحة تخليني قتلو ايه _احلفي قتلو والله مانبقى _ياك وعدتيني تبقاي معايا قتلو اواه انضريت منك بزاف ماعنديش طاقة نزيد نحملك _يعني كنتي تكذبي عليا قتلو افهمها كيما حبيتك _لي فهمتو بلي سمحتي فيا قتلو الشي شغلك سكت داتني عيني وغفيت

 فطنت على واحد الوجاعة تقتل نضت قعدت حكمت كرشي فطنلي واشبيك آية وليت نتلولى ونضرب فالسرير اهدري واشبيك قتلو كرشي _مزلت ماتنحاتش قتلو زادت رجعت اعطيني حبة ناكل _اواه قبيل برك كليتي وحدة ماتزيديش تاكلي يضرك قتلو لا اعطيني برك عيا فيا ماتكلش قتلو راح ناكل اعطاني حبة كليتها شوية هذيك الحبة شعلتلي كرشي مالداخل وليت نتخبط نجبد في شعري ونضرب في راسي بقا يحكم فيا واشبيك ديري هكذا وليت نعيط بصوتي ياوو كرشي شعلت بقيت نضرب في كرشي بقا يشوف معايا ويصبر فيا والوجاعة غير تزيد ولات لا تطاق حسيت بالدم بدا يقوا تحتي بعدت عليه ووقفت نشوف مع روحي واشبيك آية قتلو الدم يجري تحتي ناض يجري شعل الضو وجا روبتي ڨاع تقطر من قبيل وانتي تنزفي هكذا نوضي نديك لسبيطار لبسني حوايجي وداني ديراكت لسبيطار وصلت على اخر روح السبيطار رحتلو بالعياط دخلني حطني على السرير جات طبيبة قاتلو واشبيها _جاتها الدورة والسطر في كرشها حلتلي عيينا وبقات تشوف قاتلو المدام حامل قالها اواه قاتلي راكي اونسات قتلها لالا قاتلي متاكدة قتلها ايه قاتلي اواه تباني اونسات غير شفتك عرفتك شافت الدم تحتي ناضت تعيط على الفرملية قاتلو قتلك اونسات و فارقت بقا يشوف معاها مصدوم جات الفرملية قاتلها ازربي دخليها نشوفها واقيلا عندها اجهاض خرجوني دخلوني لشمبرة وحدة اخرى دارتلي الايكو قتلك اونسات تصدمت واش راهي تهدر هذه منين جاني الحمل هذا بقات تشوف معاه شعرة اجهضتي راكي في خطر راح تبقاي عندنا يومين ونخرجوك حالتك انتي والبيبي في خطر من وقتاش وانتي تنزفي قتلها البارح الصباح _ياخاه عليك لاه قعدتي لهذا الوقت كون طولتي راه صرالك تشوه فالرحم قتلها ماعلباليش حسبتها لي راڨل عيطت الفرملية جات قاتلها اديها لصال تاع النسا يحبسوهالها النزيف خرجتني لقيناه على الباب قاتلو مسيو المدام راهي اونسات ومن البارح وهي تنزف كيفاه تخليها لهذا الوقت حتى هو تصدم بقا ساكت ويشوف معايا داتني لصال حبسولي نزيف وخرجوني لشمبرة دارولي الصيروم حكمت كرشي وبقيت نشوف معاها حتى غلبني النعاس ورقدت الدمعة في عيني مافرحتش ڨاع بهذا الخبر كرهني فيه قبل مايجي ،الصباح جاتني عجوزتي بقات تباركلي وتعاود نشوف فيها فرحانة جابتلي الفطور وبدلتلي حوايجي قعدت معايا لوقت الغدا جات عفاف جابتلي الغدا انا مانيش ڨاع معاهم راني نخمم في حالتي بعد الذل لي شفتو عندو والشي لي عيشهولي راح نرجع كشغول ماصرا والو مستحيل ،لغدوا جات الطبيبة قاتلي تقدري تخرجي بصح حملك مكان مكان تروحي منا تحكمي البلاصة وماتتحركيش ڨاع حتى يتريڨل حملك اطونسيو التعب والانفعال كي جا وقت مخروجي جات عجوزتي قاتلي هيا قتلها اعطيني التليفون نعيط لبابا راح نروح لدارنا _اوو لاه واش ديري في داركم قتلها واقيلا نسيتي واش صرا _وانتي الشي لي صرا ڨاع مارحتيش وضك راح تروحي ماعندك وين تروحي قتلها خالتي اعطيني تليفون نعيط لدارنا قاتلي ماعنديش حتى واذا كان عندي مانمدلكش انا بعثني راجلك باه نوصلك لدار راه يستنا فيك كي توصلي لهيه الله يسهل عليك ماديريلي حتى مشكل معاه سكت خرجنا لقيت سلفي يستنا فينا ركبنا،وصلنا لدار لقيتو قاعد فالطوموبيل غير شافنا حل الباب هبط جا جيهتي حلي الباب عطاني يدو نحكمها هبطت وحدي شفتهم دخلو قتلو هيا ديني لدارنا _مكاش داركم هيا امشي وليت نعيط قتلك اديني لدارنا _آية صوتك رانا فالشارع قتلو مايهمنيش يا تديني يا نروح وحدي حكمي من ذراعي دخلني وغلق الباب طبعتو عليا قتلك اديني لدارنا ولا نروح وحدي مكاش داركم هيا امشي وليت نعيط ونضرب فيه واشبيك ماتفهمش قتلك اديني لدارنا حكمني راكي تضربي فيا قتلو ايه نضربك ونزيد واش راح دير _علاه واش عندي نديرلك في هذه الحالة غير ندللك قتلو بعد واش بعد ماشبعتني ضرب _ساعة شيطان الله يلعنو قتلو ااا وهكذا بهذه السهولة سكت والله ماندمتكش عليها ونطلعك بحبل ونهبطك بعشرة كيما كنت ناوي ديرلي مانيش آية قرصني من خدي واش تحب عمري دير فيا دير حابة تطلعني بحبل ولا تهبطني مع عشرة تقتلني تجرجرني هي حرة لي يعجبها عمري ديرو قتلو مانيش نتمسخر _حتى انا مانيش نتمسخر ديجا بعد الشي لي درتو فيك كون ماترجعليش الضربة مراحش نرتاح سكت هيا اطلعي لشمبرتك تريحي الطبيبة قالت بلي حملك ضعيف لازملك الراحة قتلو ماعندو مادخلك فيا تخنزر فيا رحت دخلت وطلعت لشمبرتي لقيت العجوز فرزتها وسيقتها رحت دوشت وخرجت لقيتو قاعد على السرير نحالي الغطا هيا عصفورتي هنا تريحي رحت حكمت بلاصتي قتلو ظهرت كالحرباء كل مرة نوع ضحك خسارة عليك انا تشبهيني بالحرباء قتلو ايه هي على الاقل خدمتها وانت علاه كل مرة وجه _والله انا هو جيست فترة وجازت قتلو بصح جا وقتي نتبدل انا _راني قتلك لي يساعد عمري ديرو مهم كوني بخير سكت جات العجوز طلعتلي الغدا تغديت خرجو هما وانا رقدت...... يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء29

فطنت على يد تمسح شعري مكلاه ندور عرفتو من ريحتو بقيت كيما راني باسني على شعري واش راهي عصفورتي قتلو غير مكلاه تبدا بالتسيتيت تاعك عليا ودير روحك مليح معايا غير ارجع كيما كنت _واشبيك آية درت على ظهري عيط لبابا يجي يديني _علاه آية قتلو واش تفاهمنا _تفاهمنا فالماضي وراح فالماضي قتلو علاه واش تبدل ضك حط يدو على كرشي ضك راح يجينا هذا قتلو وانا راح نديه ونروح ضحك باستهزاء كي كنتي فرغانة ماخليتكش تروحي راح نخليك ضك قتلو كيما سمعت _حتى انا قلت نضت قعدت وليت نعيط واشبيك ماتفهمش انت غلقلي فمي ماتعيطيش عمري ساعفي روحك نسيتي واش قالت الطبيبة بقيت نشوف معاه علبالي راكي مجروحة مني بزاف شفتي واش ديري فيا راني قابل لي جا في بالك ديريها خلاص تفاهمنا قتلو انا راح نروح لدارنا _مكاش دارنا آية لي راح دريه فيا في داركم ديريه هنا وليت نبكي واشبيك ماتفهمش حابة نروح لدارنا توحشتهم _نروح نجيبهملك قتلو لالا انا لي نروح عندهم شحال عندي مارحت عندي شهور مارحتش _اذا تحبي نروح نجيبهملك تشوفيهم ويباتو عندك قتلو لالا نروح بقا ساكت بصح ترجعي سكت آية إذا راح ترجعي نديك اذا ماترجعيش مانديكش قتلو من بكري مانرجعش _ملا مانديكش قتلو ملا نستناك حتى ترجع للخدمة ونروح اكيد مراحش تبقا طول عمرك هنا بقا يشوف معايا تخرجي ورايا قتلو ايه نخرج _آية راني مداير فيك ثقة عمياء جامي سقسيت وراك بلي خرجتي ولا دخلتي ماتخلنيش نفقد الثقة فيك قتلو ايه وامبعد واش راح دير _شوفي آية مانطولوها مانعقدوها والله بكسر الهاء كون تخرجي ورايا وبلا علمي راكي مطلقة مطلقة مطلقة مني بالثلاث قتلو راح تخوفني بالطلاق اخر همي _ماشي نخوفك بالطلاق نخوفك بخسارتي اذا صح تحبيني راكي تخافي تخسريني و إذا ماتحبنيش راح نكون اخر همك كيما قلتي وليت نبكي علاه دير هكذا مانيش حابة نبقى معاك حابة نروح لدارنا بقا يشوف معايا نديرو حل انا وياك قتلو واشنو _غدوا صباح نديك نخليك تبقاي يمات تريحي وتشبعي من داركم وتتبدل نفسيتك ونجي نديك قتلو ايه _خلاص غدوا ندي مينوشتي سكت هيا ارجعي ارقدي ماعندك ماديري قتلو لا راح نهبط 3ايام وانا فراش _وين تروحي قتلو نهبط التحت _هيا ملا نوضي نحا عليا الغطا نضت لبست بليغتي _ديري خمارك قتلو مانديرش _واشنو قتلو مانديريش ضك ندير الكبوسة برك تاع البيجامة على شعري رجعتها على شعري بقا يشوف معايا وليت قعدت خلاص مانهبطش انت ديما ديرلي هكذا ضحك هيا برك هذه المرة نسمحلك عليها نضت قتلو هيا حكملي يدي وخرجنا هبطنا على الدروج الدرجة اللخرة حبست دار عندي واش قتلو هزني ولا هزني على كتفو بقا شعري يدلى وليت نعيط ضربني على ظهري اسكتي فضحتينا لقيتو حل الباب وطلع ع الدروج قتلو وين رايح _نديك عند عفاف يما راهي ثما وليت نضرب في ظهرو هبطني دخت _انتي قلتي هزني قتلو ولاه هكذا يهزو المرأة الحامل _لاه كيفاه يهزوها قتلو كالاميرات _ولاه انا كيفاه هزيتك قتلو كي الشكارة تاع السيمة ضحك واحلى شكارة قتلو هبطني تعيش ولا حبس وهبطني دارت بيا لرض حكمني ضربتو واشبيك انت لاه جاي هكذا ماتعرف الرومانسية ماتعرف الحنانة _خلاص هي نهز عصفورتي الحامل كي الاميرات لاح ذراعو تحت رجليا وهزني طلعني الفوق حطني قدام الباب عدلي شعري دارلي الكبوسة وطبطب الباب حلت عفاف قالها هاكي تهلاي فيها راهي مريضة ضحكت في عينيا وراح من هذاك النهار خلاني يمات وكي رجع يديني قتلو مانرجعش حكيت لبابا بلي ضربني ومنا ومنا زاد رجع قتلو مانرجعش حتى بابا ماقبلش قالي خليه يتربا عليك ولا قالو خليها كي نرجع للخدمة نجي نلقاولها حل راح رجع للخدمة كملت شهر الوحم التاعي انا دخلت الشهر الثاني وانا هبلت وخرجت عقلي حسبوني واقيلا بيا المس ولا مسحورة ماخلاو بيا راقي لي نروحو عندو يقولو مابيها والو غير نعيط نبكي نكسر نضرب نهرب من الدار نخليهم قاعدين نلبس ونخرج ندور ولا نروح عند عمومي يبقاو يحوسو عليا ندير تصرفات غير معقولة هو رجع يديني كي شفتو الدار قلبتها عليه كرهتو كره عظيم كي هو كي عجوزتي مانطيقهمش بقا رايح جاي الشي لي دارو فيا خرجتو من عينيه نشفتلو ريڨو سورتو كي شفتو تعلق بهذا الحمل يبقا رايح جاي يسقسي عليه ويوصي وعندكم وتهلاو فيها الشي لي صرا معاه عقدو من جهة لولاد كون يصيب راني ولدت وخلصت ويقبى يبعث ويوصل وكي ماحبيتش نخرج عندو يمد دراهم لياما اديوها لطبيبة تشوفها ماتغفلوش عليها اي راقي يسمع بيه يجببو لدار ويحاول يهدر معايا ماحبيتش بالسيف باه دخلتني ماما بقاو ڨاع مجمعين ويحاولو يهدرو فيا وانا غير مهبطة راسي وساكتة سمعت صوتو يهدر كي بقا يهدر ماحملتش صوتو ما طقتوش وليت نرعش رعيش ونهدر وحدي بالشوية اسكت عليا اسكت حطيت يديا على وذنيا باه مانسمعش صوتو بقا غير يتعاود هزيت راسي شفت معاه بلع علينا راك صرعتني خلعتهم بقا يشوفو معايا هو تصدم قتلو واش تشوف معايا قتلو بلع علينا صوتك يقلقني عيط عليا بابا آيااااا نضت نعيط واشنو آيااااا قولو يبلع عليا راه صرعني ديجا ڨاع تبلعو عليا حتى انت تبلع هذاك الوقت حسيت عبد أخر ساكنلي الداخل مانيش أنا ڨاع علبالي في هذا الشي بصح مانقدرش نسيطر عليه هو يهدر في بلاصتي ناض عندي بابا بصح قبل ما يوصل عندي جا هو وقف قدامو دارني وراه _ خليها ماهيش في عقلها قالو بعد ماهيش في عقلها انا نرجعو لاح يدو حكمني من شعري زرب فكني ناضو ولاد خويا يحكمو في بابا خليها الطفلة ماهيش في عقلها شوف كيفاه دير وليت نضرب في روحي ماتقوليش ماهيش في عقلها راني في عقلي خير منك وليت نسب فيهم ونطيح حتى الكفريات ونكفر عليهم بقاو يهدرو مع بابا ويحكمو فيه وانا غير نطيح ونعاود مافقتش بخويا كي دخل ورايا حكمني من شعري كلبة تكفري بربي وليت نتعافر انا وخويا راح نضربو دار لقاني في يد خويا صوطا عليه طبعو عليا وحصل مع خويا كيفاه تضربها هو يقول نصربها ونزيد الطفلة تكفر بربي _مراكش تشوف في حالتها ماهيش في عقلها قالو ماهيش في عقلها وحابة تتمهبل اديها لدارك ماتقعدش تتمهبل عندي وتكفر في داري دار عندي هيا امشي انتي جبدت روحي قتلو مانروحش راح نبقى هنا زاد تقابض خويا مع بابا ماهيش في دارك حتى تحاوزها انا جبدت روحي في كوانة حاكمة راسي ونبكي ماعلباليش واش بيا نحس في عبد ساكنلي الداخل هو لي راه يمشي فيا حسيت بيه قعد قدامي آية طلعت راسي هيا ترجعي لدارك وليت نبكي مروان والله ماقصدي نطيح بصح واحد راه ساكن فيا الدخل هو لي يمشي فيا انا خاطية _علبالي آية هيا ترجعي معايا وديري واش تحبي في دارك قتلو مانروحش كرهتها داري _نديك لدارنا دوزيام تبقاي ثما حتى تبراي قتلو لا مانروحش هنا خير جات ماما عندي هيا نوضي نديك ترقدي قالها اديوها لراقي ولا هاتو نديها قاتلو مابيها والو وحمها برك صعيب غير تفوت الشهور اللوين يتنحالها،جبت 3 اشهر بالتمام والكمال وانا نفس الحالة نفس المشاكل نفس التصرافات ومخلاو بيا راقي كيفكيف يقولولي مابك والوو غير فت ثلاث اشهر بدات حالتي تتحسن ونرجع كيما كنت تنحالي هذاك الهبال والعياط والكره شوية برك نتقلق مي احسن من قبل هو كل مرة يجي هو وعجوزتي مانخرج عندهم مانشوفهم سورتو هو غير نسمع سيرتو نهبل ولات قاتلو ماما ماتزيديش تجي خليها تبرا انا نجيبهالك بقات غير عجوزتي جي وليت نهدر معاها نورمال كي جات قاتلي مروان عيطلي راه مريض عيطيلو سقسي عليه ملي راحت وانا نخمم نعيطلو نص فيا يقولي عيطيلو ونص يقولي ماتعيطيلوش مالغري تحسنت حالتي بصح مزال مانحملوش ماشي نكرهو كيما من قبل بصح نتقلق منو........ يتبع

#يلي تحوس على باقي الاجزء تدخل هذي المجموعة 

قصص واقعية 2

قصص واقعية 

الجزء30

جابتني الفطنة على 1 تاع الليل تشاهيت المرڨاز انا وحمي ماتقييت فيه ماتشاهيت فيه غير كي كملت الشهر الثالث وليت نتشاها شوية نضت خرجت للكوزينة جبدت حبات مرڨاز قليتهم ديتهم لشمبرة وربعت رجليا وقعدت شفت مع التليفون يادرا واش راه يدير شحال عندي ماشفتو نلقا غير لي زابال تاوعو دخلت للفايس لقيتو اونلاين وليت عيطتلو كام كوبا عليا وبعثلي مينوشة دقيقة برك نبعد على الجماعة ونعيطلك قعدت ناكل ونستنا حتى صونا تليفوني لقيتو عاودلي كام عدلت شعري وقابلت تليفون ليا ريبونديت عليه لقيتو فالطوموبيل مايبانش مليح الظلمة شوية عندو بقا يشوف معايا عصفورتي ضحكت _ياعمري كي شفتك اليوم راني اسعد واحد على وجه الارض ضحكت بقا يشوف معايا علبالك عيطتي في وقت كنت محتاجك قتلو علاه واشبيك _كيفاه واشبيا آية علاه قليل ما فات عليا والله مورالي زيرو قتلو علاه واش بيك _بيا انتي آية رحتي ماوليتي هجرتيني وخليتيني كالمجنون وراك ماصبت ماندير معاك قتلو وانت علاه مكبرها ڨاع هكذا نورمال فترة تاع وحم وتجوز _واش يجوزها آية بقيت نشوف معاه يبان عيان وتعبان قتلو واشبيها حالتك هكذا _بيا انتي آية تعبتيني بزاف عييت ومليت قتلو والكل واشنو _الحل عندك انتي قتلو على حساب هدرتك راكي تشكي مني وحابة تتهنى مني اذا راك تمعني على الطلاق راني مزلت عند كلمتي _آية والله ساعات نقول نحكمك من شعرك نهز ونخبط ضحكت حرام عليك انا مرأة حامل _على سيرة المراة الحامل وريلي كرشك خرجت شوية ولا مزال قتلو لا مكاش _وريلي نشوف هزيت تليفون وريتلو ورجعت تليفون كيما كان _ياك مابيكم والو صحتكم لباس قتلو لا لباس بقا يشوف معايا واش راكي تاكلي قتلو المرڨاز _ايه انت وبنتك تاكلو فالمرڨاز وانا مرمي هنا فالجبال قتلو وانت واش راك دير فالجبال ياك تخدم الداخل _ساعات كي تكون عندنا عملية ولا تمشيط ندي معايا ڨروب ونخرجو قتلو وانت لاه تروح خليهم يروح وحدهم _كاش نهار شفتي مجموعة بلا قائد قتلو ملا انت القائد تاعهم _ايه انا القائد قتلو بصح راك تبان عيان ارقد وخليهم _كيفاه نرقد ونخليهم كون تصرا حاجة على غفلة انا المسؤول عليهم ديجا راهم جدد مايعرفوش يتصرفو لازم انا لي نوجهم تصرا غلطة راح نكون انا المسؤول اللول قتلو شحال في عمرهم هذو _وانتي لا تحوسي على عمرهم قتلو راك تقول جدد يعني صغار _ايه صغار غير تاع العشرينات قتلو ملا انت هو الكبير تاعهم _انا هو باباهم ضحكت كيفاه تعاملهم علبالي راكي كرهتلهم حياتهم _والله نعاملهم كيما ولادي ومدايرهم صحابي وفي نفس الوقت مزير عليهم قتلو قتلك تشبه للحرباء عندك شحال من وجه _ماشي عندي زوج وجوه تسمعي ب "لا تكن لينا فتعصر ولا تكن قاسيا فتكسر "قتلو ايه سمعتها لاه _هذه هي لي نمشي بيها الواحد مايكونش قاسي بزاف ومايكونش ساهل بزاف لازم يوزن بيناتهم ويكون على حسب الموقف اذا صرا موقف وتطلب القسوة لازم تقسى واذا تطلب ليونة لازم تلين وماتقساش قتلو ماعرف بصح انا مانقدرش نكون هكذا _معليش مع اليام تتعلمي وحدك ديجا من الاحسن تكون هكذا راهي جاياتك طفلة وهذه احسن عقلية تطبق على الاولاد سكت _مهم عصفورتي غدوا نبعث يما تجي جيبك لدار والله توحشت طلتك فالدار عييت نقعد فيها كعاد انتي مكاش قتلو لا مانرجعش ديجا راني كرهاتك _معليش ارجعي لدارك وكرهيني كيما تحبي قتلو لالا مانجيش _انا كون جيت في بلاصتك نرحع لداري ونستغل وحمي وندلل على راجلي ونهبلو بقيت نشوف معاه صح؟_ايه عصفورتي كيما نهدر معاك هيا ارجعي لدارك وكي نروح ادي حقك مني قتلو لا مانرجعش ديجا عندي شروط _واش من شروط قتلو كي ترجع وتجي هنا ونحكو فيها _ماعلباليش لاه راني عارف شروطك واشنو ضحكت قتلو وين علبالك _والله علبالي بيهم بصح غير ماتطمعيش من ضك نقولك مرفوضين قتلو كي تجي ونهدرو واذا رفضتهم مانرجعش عندك _ترجعي عمري ترجعي سكت بقا يشوف معايا قتلو واش راكم ديرو _والو كل واحد قاعد في جهة ويخمم قتلو فاه تخممو _شفتي الجماعة لي عندي ڨاع قاتلهم الحب ضحكت قتلو خليهم يهدرو مع حبيباتهم ملا _وعلاه شكون لي قالك الحبيب ديما يكون مع حبيتو قليل وين تلقاي حبيبن مع بعض ڨاع يعانو من الفراق وديما المرأة لي تفارق قتلو وعلاه ماشي الراجل _اواه المرأة لي تفارق ياتخون يا تبدلو يا تتزوج قتلو مكانش منها المرأة وفية ضحك المرأة وفية مكاش كائن خداع كيما المرأة سورتو اذا تأكدت بلي هذا الشخص يحبها قتلو وانت لاه راك تهدر هكذا شكون فارقك وخدعك _انتي شكون قتلو انااااا _ايه انتي تشفاي كي كنتي تقوليلي مانروحش نخليك ومهما دير فيا نبقى معاك قتلو ايه وامبعد _بصح ماكنتيش قد وعدك صبرتي عليا غير شوية وكرهتي نورمالمو تصبري عليا حتى تتصلح علاقتنا قتلو واش تتصلح علاقتنا وهي غير تزيد تسوء فقدت الامل فيها _لاه تفقدي الامل فيها كنتي دايرة في بالك راح نطلقو نورمالمو تكوني متاكدة مهما صرا بيناتنا انا وياك مستحيل نوصلو للطلاق انا كنت في اسؤء حالاتي وكنت نخرج عقلي وكنت نقولك روحي خطيني بصح ماحبيتكش تخطيني كون جيت صح حابك تخطيني راني ديتك لدار باباك ياك كنتي تقوليلي خرجني وحدك من الدار علاه كون جيت صح كارهك ومانيش حابتك تبقاي معايا مانقدرش نديك لداركم قتلو بصح حتى انا ماخرجتش _ايه بصح المرة اللخرة كنتي رايحة وديجا راكي رحتي وماحبيتيش ترجعي سكت _قتلك المرأة ماهيش وفية واذا كانت وفية مستحيل تقعد طول عمرها وفية راح يجي نهار وتخون قتلو لا ماشي خاطر تخون خاطر تكره كي تسوف الوفاء بلا فايدة ماعندها علاه تبقى وفية ونفس شي درتو انا صبرت صبرت بصح كي شفت الحالة ماتبدلتش كرهت وقررت نروح _المهم كي نرجع نديرولها حل قتلو غير مكلاه جي مانرجعش وكوبيت تليفون قلقني المرأة ماهيش وفية وكي يكون الوفاء بلا فايدة ماعندها مادير بيه

غير روح جا ديراكت لدارنا انا كنت الفوق مع وليد خويا جات ماما نوضي راجلك جا قتلها لاه جا واش يحوس _كيفاه واش يحوس انتي راح تبقاي غير هكذا مهملة راجلك ودارك خلاص روحي لدارك بقيت نشوف معاها هيا اتحركي وليت نضت قتلها قبل مانرجع عندي شروط _واش من شروط قتلها تخصنا كنت راح ندير الخمار ووالله ماندير هذا اول شرط نشرطو واشنو هذه الخمار فالدار والله ما صرات هبطت التحت دخلت عندو لقيتو قاعد طلع راسو واشبيه حالتو هذا مبهدل وجهو تعبان عينيه حمر ماقدرش يحلهم بقا يشوف معايا انتي زياني وسماني وانا مجرجرتني وراك ضحكت رحت قعدت قابلتو واشبيك هكذا واشبي حالتك _كيفاه تحوسي تكون حالتي وداري خلات لا مراة تسقسي عليا وتحوس عليا وتقوم بيا ومن الفوق مجرجرتني وراها بقيت نشوف معاه بصح واشبيك هكذا راك مريض _مانيش مريض بصح عيان بايت نسوق وصلت لدار دوشت برك وجيت عندك نحلو هذا الموضوع باه نديك ونروح سكت بقا يشوف معايا يطلع ويهبط شوفي حالتك وشوفي حالتي انا مشتاق نرقد ساعة مبهدل في كلش وانتي زينتي وسمنتي وزدتي حليتي المكياج والشعر مسشور والروايح كي نشوفك هكذا يزيد عليا الحال علبالك قتلو واشبيك غيران مني لاه انت واش خصك هاك محطحط ومعطر والنواظر حسدتني كي زدت كيلو غير مكلاه يزيد عليك الحال هذا غير وحم الله لا تربحو خرج الحمل من عينيا كرهني في لولاد بعدك انت بقا يشوف نحي هذه الفكرة تاع انا غيران منك قتلو هاه واشبيك تضلي تشكي انت تخدم وانا قاعدة ها روح شوفلي خدمة ضك نخدم وانت ابقا في دار ضربني بالمفتاح على فخضي تروحي تخدمي قتلو هاه راك تضل تشكي ارا راك تمعنلي على الخدمة ضك من غدوا نحط الديبلوم تاعي ونحوس على خدمة بقا يشوف معايا اذا حابة تموتي ديرها قتلو هاه واشبيك تضل تشكي من الخدمة ماعجبكش الحال حبسها لاه راك قاتل روحك حتى انا كرهتها منها مانيش حاسة روحي ڨاع متزوجة النسا ڨاع رجالتهم يوميا معاهم غير انا راجلي نشوفو بالشهور بطل منها هكذا انا نشوفك ديما وانت ماتزيدش تشكي_شكون قالك انا راني نشكي من الخدمة قتلو واشنو ملا يا راك تشكي يا راك تمعنيلي حتى انا نولي نخدم خلاص اذا حابني نخدم انت عندك المعارف شوفلي خدمة بقا يشوف معايا آية هذه الهدرة تاع الخدمة عاوديتهالي شحال من مرة الخير برك واش حابة توصليلي قتلو حابة نوصلك إذا ماقدرتش لمصاريفي انا نولي نخدم ونعاونك _شكون قالك عندي مرأة تخدم وشكون قالك مانيش قادر لمصارفيك قتلو انت _آية شوفي حالتي مانيش قادر نهدر مكلاه تهبليني قتلو لاه نهبلك لاه واش فيها نخدم هكذا نولي نتعاونو في مصاريف الدار _ااااا حتى انا فهمتها مدام جبدتيلي على الخدمة وبقيتي تعاودي فيها يعني حابة تخدمي قتلو ايه حابة نخدم ونعاونك فالمصاريف _تعاونيني فالمصاريف قتلو ايه والله تعيش شوفلي خدمة ونتعاونو انا وياك مافيها والو _آية علبالك واش راه يوسوس فيا الشيطان قتلو واشنو _راه يقولي نوض ليها احكمها من الشعر هز وخبط حتى يتفتو عظامها قتلو واشبيك رانا نهدرو ونتناقشو_من وقتاش كنا نتناقشو انا وياك على هذا الموضوع سكت آية هذا الموضوع ماشي غير مانتناقشوش فيه هذا الموضوع نحبك تنحيه من راسك نهائيا كي يسقسوك عليه قوليلهم مانعرفوش قتلو واشنو هذا _الخدمة قتلو واشبيك مكبر الموضوع لاه النسا ڨاع يخدمو _واش دخلني فالنسا انا راني نهدر عليك انتي الموضوع هذا حذاري تزيدي تجبديه قدامي هذه المرة راني سكتلك عليها المرة الجاية الرونجاس لفمك...... يتبع

ادخلي في صفحتي وديري متابعة به مايفوتك ولا جزء من قصة 

قصص واقعية 2

تفاعلو اقرا وخلي جام

قصص واقعية 

الجزء31

قتلو واشبيك تاكل في روحك رانا نهدرو _هذه هدرة آية انا جيت نحلو الموضوع وانتي تهدريلي على الخدمة قتلو لاه واش فيها كي نخدم _حابة تقلقيني قتلو لالا بصح حابة نخدم _آية انا نجيب شهور فالڨازيرنا من 3 تاع الصباح وانا ندرب في الف جندي مانجي نكمل معاهم حتى ينحل ظهري وشهور وانا بين الجبال والوديان والصحاري فالبرد والشموسات والجليد والضباب بين الحياة والموت كل نهار نقول نموت اليوم هذا ڨاع باه ماتخرجيش انتي تخدمي قتلو وانت لاه راك حامل هذا ڨاع ارجع هنا وافتحلك كاش حانوت ونعيشو بيها _حانوت واش من حانوت لاه الحانوت راح تكفينا قتلو انا تكفيني لابغا دخل مية الف فالنهار انا قابلة _وانا ماتكفينيش انا ملخر والفت المعيشة هذه لازم الشي لي نتمناه نجيبو مانخلي حتى حاجة في قلبي قتلو لاه واشبيها المعيشة تاع مية الف ناس راهي تخدم لخمسين الف نهار ولباس عليهم _ربي يعطيهم بصح انا ما تساعدنيش معيشة الخمسين قتلو ايه بيانسر ماتساعدكش لي موالف يتغدا غدا تاع مليون ويلبس شورت تاع زوج وترينينغ تاع خمسة وسيرفات تاع سبعة اكيد ماتساعدوش _وانتي واش دخلك لاه راني نصرف من جيبك دراهمي من عرق جبيني ماشي نتعب ونشقى باه نبخل على روحي ،عمري ماشي غير نصرف عليها الملايين قتلو بصح فساد _يا عمري انا هكذا مداير نصرف على عمري ومانبخل والو على روحي واحد مايحاسبني على دورو الدراهم دراهمي و انا لي جبتهم من عرق جبيني قتلو مانيش نحاسب فيك بصح ماشي هكذا _آية مراحش تفهميني ملخر كل واحد يعيش على واش تربى واذا انتي نفسك رخيسة وتعزي دراهم على نفسك هذيك حاجة اخرى انا هكذا تربيت وهكذا والفت عمري وراحتي اهم من الدراهم بقيت نشوف معاه راك تعاير فيا قصدك انت تربيت على العز وانا تربيت الفقر ياك املا انا هذه هي صح مانيش بنت العز كيفك وفي نفس الوقت ماتربييش فالفقر وماشي خاطر الفقر عيب لا الفقر ماشي عيب جيست الحمد الله بابا كفانا وافانا مااحتجنا حتى واحد وما خلانا ناقصين في حتى حاجة شبعانين من كلش ماشي شرط ناكل ونلبس حاجة تاع الملايين باه نعيش واذا عندك المعيشة هي تلبس الغالي وتاكل الغالي انا عندي مهم ناكل ونشرب ونلبس حاجة حلايلية يا لوكان بعشرلاف _آية واش الهدرة نضت وقفت تقدر تروح حكمني من يدي واشبيك والله ماقصدي هكذا خطفت يدي قصدك ولا ماقصدكش مايهمنيش ماذابيك ماتزيديش تجي وبدا بالوراق تاع طلاق ناض وقف واشبيك انتي والله ماقصدي لي فهمتيه قتلو مروان كلش كلش وتعايرني بمستواي الاجتماعي خاطر هنا ماعيرتنيش انا برك عايرت دارنا كامل وعايرت بابا بما انو هو المسؤول علينا وانا كلش كلش وبابا نبيعك انت ومليون واحد كيما انت على جال شعرة منو _آية واشبي جدك ديري هكذا وقتاش عايرت باباك انا علاه راكي تفهمي فالموضوع على هواك اقعدي هنا نهدرو قتلو ماتفهمني مانفهمك ومن فضلك روح منا خير مانزيد نجرحك انا هيا اخرج وماتزيدش جي هنا بقا يشوف معايا آية علاه ديري هكذا انا جيت نحلو الموضوع ونرجعك وشوفي انتي وين ديتينا مافهمتش واش جاب عزرين هاذا السيجي هنا قتلو مروان هيا اخرج منا ماتزيدش تجي عندي _شفتي آية وين وصلتينا مافهمتش هذا الموضوع واش دانا ليه قتلو مروان هيا روح بقا يشوف معايا مافهم والو جا يهدر زربت خرجت خليتو طلعت نبكي هذه هي كي تدي واحد بيناتكم فروقات راح يجي نهار ويعايرك بيهم حتى واذا ماعيركش بيهم راح يفكرك فيهم ،الشي لي دارو فيا ڨاع ماكرهتوش كيما اليوم الهدرة لي قالهالي ماشي غير كرهتو طاح من عيني بزاااااف ماكنتش حاسباتو هكذا جامي توقعت هذه الهدرة تخرج منو هو ويقولهالي ملي روح وهو يعيط فالتليفون ويبعث فالمساج ويحاول خليني نفهمك غلقتو ،لغدوا جاب العجوز وجا ماخرجتش عندهم طلعت عندي العجوز قتلها ماتزيديش تجي عندي لا انتي لا وليدك بيناتنا المحكمة _انتي مزلتي تتوحمي مانديرش عليك وليت نعيط مانيش نتوحم وافهمي وليدك يزرب فالطلاق صينو انا لي نرميه بكارطة ونطلقو ونذلو كيما ذلني بقات تشوف معايا مافهمت والو عيطت عليا ماما آية احشمي على روحك واش من طلاق لي تهدري عليه قتلها كيما سمعتو وانا لي يعاير فيا ويشوف فيا اقل من مستواه مايشرفنيش يكون في حياتي شافت مع العجوز شكون هذا لي يعايرها قتلها وليدك شكون غير جبتلو على الخدمة ودراهم كلاني بلا ملح وانا والفت هكذا وتربيت هكذا وانا عمري عزيزة وانتي مرخسة عمرك مدام شافني قل من مستواه واش جابو عندي يروح يجيب لي من مستواه بقاو يشوفو معايا _والله مافهمت علواه تهدري قتلها روحي لوليدك يفهمك وماتزيدوش تعبو رواحكم جو عندو مانرجعش ويبقا غير هو مانرجعلوش خلاص طاح من قلبي والراجل لي يعاير في مرتو ماشي راجل وعيب عليها اذا قعدت مع واحد كيفو خرجت ،جاب يمات رايح جاي ويحاول فيا نهبط عندو ويهدر معايا، فالتليفون يقتل روحو مالقا كيفاه يوصل عندي بابا حسابلو مزلت مريضة يقولهم خليوها حتى تريح وحدها ،زادت رجعت عجوزتي قاتلي راني هدرت معاه وحكالي علواه تقابضتو قالي والله عايرتها ولا قللت من قيمتها هي فاهمتني غالط جيست قتلها انا هكذا موالف نصرف ونبذر على عمري قتلها كيفاه ماعيرنيش وهو قالي كل واحد يعيش علواه تربي _ولاه انتي واش فهمتيها قتلها فهمت لي فهمت ماتحتاجش شرح هذه _راكي غالطة هو قصدو من صغرو تربى هكذا ويبذر ماشي حاجة جديدة وهذه الهدرة هدرتها معاه انا قبل منك انتي عييت فيه بركا ماتفسد في دراهمك يقولي علاه راني نخدم ملا اذا مالبستش وماعشتش ماعندي ماندير بدراهم كي نلمهم مراحش نخلد فالدنيا قتلها خالتي هدرتو باينة وواضحة مكلاه تحاولي تغطي عليه _والله ماني نغطي عليه راني نصلح فالامور بيناتكم مراحش تنوضي تخربي دارك على جال كلمة قتلها نخربها نورمال وليدك تحملتو بما فيه الكفاية ملي جيت عندو وانا واش يقول ندير جامي كسرت كلمو بقيت غير نتنازل غير باه يرضى وهو بقا غير يطغى والمرة اللخرة كنتي شاهدة واش دار فيا بصح هو عمبالتلو كي راني ساكتة يعني راني خايفة منو هو مافهمش بلي سكت خاطر نحبو و كي شافني نرضى بواش يطلب بقا يخلط بين الطاعة والخوف انا إذا سكت خاطر طيعاتو مانيش خايفة منو مي هو ظاهرة مافهمشو وبدا يتمادى بزاف معايا حتى عاد يعايرني بمستوايا ماعجبوش مستوايا واش جابو عندي نهار لول ياك قبل مايجي سقسا عليا ماعجبتوش ماعندو ماجابو عندي على كل حال واحد ماجبور يحمل لاخر هو ماجبور يحمل وحدة قل من مستواه وانا ماني مجبورة نحمل واحد بعقليتو بقات تشوف معايا انتي مزال ماخرجتيش من الوحم مزلتي حساسة خلي يمات وتبرد الحالة بيناتكم ونلقاولها حل قتلها لي عندي قلتو ومانيش نخاوز فيك بصح اذا راح جي باه تحاولي تقنعيني صدقيني راكي غير تعبي في روحك وليدك حملت منو كلش بصح بعد هذا الشي خلاص طاح بزاف من قلبي قاتلي الله يهديك وراحت ،هو رجع للخدمة وقتل روحو بالعياط والمساجات يحاول فيا باه نهدر معاه هزي عليا وخلينا نهدرو ونتفاهمو والله ماقصدي نعايرك اهدري معايا خليني نفهمك ويبعث رسائل الحب واشتياق انا والو قلبي ماتحركش شعرة كرهتو سورتو كي بقا لاصق فيا ، ناس من الحومة الفوقانية عرضونا للعرس قلت لماما هيا نروحو هذه المرة ديما يعرضونا وجامي رحتي عندهم خلينيا نروحو ونبدلو الجو حاولتها قبلت العشية ضربت الحطة مكيجت ولبست فيها بدرون فالابيض ومحرج على الصدر ومن التحت على الجوانب ومعاه حزام ذهبي خفيف وعندو سباتي طرونس بارو صندالة فالابيض طلعت شعري الفوق وهبطت سلبات على الجوانب ودرت تاج صغير بقيت نشوف مع روحي نبان عروس شفت مع كرشي عندي 4 اشهر بصح كرشي مكاش ڨاع مي ضربت على العرض ولا عندي طاح حوتة لبست عبايتي ودرت خماري شافني بابا وين رايحة انتي قتلو للعرس _رايحة وحدك راجلك علبالو قتلو ماعلبالوش _ملا ماعندك وين تروحي قاتلو ماما خليها تروح الطفلة مريضة خليها تنحي على خاطرها راح يحكمها اكتئاب _وين نديها بلا راي راجلها حرام تخرج بلا رايو _وين جايبة هي خبر لراجلها الطفلة ماهيش في عقلها خلي نديها معاايا سكت يعاملو فيا كي وحدة مجنونة ويخاف يقلقوها بصح لي يشوفني كيفاه كنت ندير يحسبني مهبولة

 وصلنا عندهم دخلنا طلعونا الفوق غير نحيت العباية لحتها فالصاك لقيت تليفوني يصوني لقيتو هو كوبيت عليه بقا يعيط ويبعث هزي نهدر معاك وليت غلقتو والله مانهدر قعدت مع ماما شوية نلقى بنت جوهرة قدامي بستها واش راكي ديري هنا قاتلي جينا هنا وجداتي تعيط عليك اووو هذو واش يديرو هنا نضت معاها داتني لصالو دخلت شفت عفاف مع العجوز دارتلي بيدها رواحي رحت عندهم نشوف فالعجوز ماعرف واش بقات تهدر لعفاف وتشوف معايا رحت سلمت عليهم وقعدت معاهم واش ديرو هنا قاتلي العجوز ملا صح راكي هنا قتلها ايه هنا لاه _عيطلي راجلك وقالي راني شفت نسيبي حط زوج نسا وراح وقيلا آية معاهم علابيها بقا يعيط ويعاود قتلها وانتما واش ديرو هنا _معريفة نمشو مع بعض سكت _واش مع وحمك قتلها نورمال خير من قبل _ومراحش ترجعي لدارك قتلها مانرجعش _ايه انتي حرة بصح استري روحك قتلها لاه_شوفي العيون ڨاع عليك استري روحك بنتي لا توخذك العين ديجا كيفاه خرجتي هكذا ياك قالك ممنوع المعري سكت دارت تهدر مع النسا قلت ل عفاف واش كانت تقولك لعجوز عليا كي جيت عندكم _كانت تقطع فيك قتلها لاه _قاتلي شوفي كيفاه خرجت كون يشوفها باللبسة هذه يقطعها بصح غاضني هي والله ماعلبالها وهو مجرجر ضحكت وليت جبدت تليفون حليتو بداو يدخلولي مساجاتو صونا لقيتو هو وليت خرجت ريبونديت عليه وراكي انتي قتلو فالعرس _واش من عرس قتلو هنا فالحومة الفوقانية _عند فلان قتلو ايه _سما عرفتك سكت شكون قالك اخرجي بلا رايي قتلو لاه واش دخلني في رايك شكون انت _آياااااا قتلو لا آية لا والو ماتزيديش تدخل فيا وكوبيت عليه شفت وحدة قتلها هاكي صوريني قاتلي ايه هاتي صورتني قاتلي علبالك حسبتك انتي هي العروس كي لبستي لبيض ودرتي تاج اذا ماكيش مخطوبة نخطبوك لخويا ضحكت لا متزوجة وبالكرش قاتلي ربي يهنيك ملا وراحت بعثتلو الفوطو وكتبلو شوف الدليل بلي نحيتك من حياتي غير شافها عيط ريبونديت عليه قتلو آلو وهو طاح عليا سبان ندير فيك وفيك هاج عليا ضربة وحدة كوبيت عليه غلقت تليفون ورحت قعدت حتى نشوف في مراة جات عندي قاتلي انتي بنت فلان قتلها ايه قاتلي باباك راه يعيط عليك اوو واشبيه عيط ديجا حنا هذاوين دخلنا قتلها راح نروحو ديجا قاتلي اواه مانعرف واش يحوس الخير برك نضت رحت عند ماما لقيتها قاعدة مع وحدة قتلها عطيني العبايه _وين رايحة قتلها هنا عند بابا ماعرف واش يحوس لبست عبايتي درت خماري واهبطت لقيت هذيك المراة لي عيطتلي قاتلي رواحي راه هنا برا يستنا فيك شفت راجل واقف على الباب قالها قوليلها تخرج وراح خرج رحت خرجت غير لحت راسي حتى حسيت بيد طيرتلي ذراعي خرجني عرفتو هو درت عندو واشبيك _امشي اليوم نحي عزرينك طبعتو بيدي _غطي وجهك اليوم نشوهلك خليقتك بقيت نجبد في روحي امشي معايا بركاي ماديري فالنش وغطي وجهك والله ويشوفك واحد غير اليوم موتك على يدي هزيت الخمار درتو على وجهي مشاني لطوموبيل فتح الباب طبعني وخبط الباب وجا ركب وين مديني انت دار عندي بلعي حرف مكانش علبالي اليوم ندي فيها طريحة بصح والله ويقيسني نديرلو فضيحة لي مايعولش عليها انا عقلي من الوحم مابقا فيه ذرة صحيحة ،شعل الطوموبيل وطار بيها نشوف فيه راح يطرطق ويضرب فالفولة ربي يستر هذا مانعاندو ماوالو قتلو وين مديني وبابا ضك يجي مايلقانيش سكت شعلت تلفون خطفو من يدي خبطو شفتو دور طوموبيل وديراكسيو لدار خاطر قريبة ڨارا الطوموبيل هبط فتح الباب تاع الدار وفتح عليا الباب اهبطي قتلو مانهبطش _آية تهبطي ولا نجرك من شعرك قتلو جر على روحك مانهبطش حكمني من يدي هبطني ودخلني غلق الباب شفت الباب تاع الڨراج مفتوح دخلت _هيا منا قتلو ماندخلش ورجعني قبل مايجي بابا...... يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء32

 دخل خبط الباب وجا يمشي عندي وليت نمشي لور بقا يشوف معايا واشبيك بقا غير يمشي خفت منو مروان تعيش حبس نفهمك طلع تريكو على ذرعيه مروان راني بالكرش ماتنساش يا مروان والله وتقيسني غير نديرلك فضيحة هنا دارني في كوانة بعدت وجهي واشبيك _شكون قالك روحي للعرس تعڨنت خفت غير يضربني والله جسمي مزال ماشفاش من ضربو عندو يدو كي يضربني بها تقول ضربني بالبالة عيط جاوبي قتلو خرجت وحدي _والله سما ڨنطرة انا تفوتي عليها نورمال سكت قولي آية درتلو لالا _ومدام لالا علاه رحتي بلا رايي سكت لاح يدو جبد الخمار وراح يفتحلي العباية حكمتها عيط عليا نحيييي بعدت يديا فتحها ونحهالي ورماها بقا يتفرج فيا قعدت مهبطة راسي وساكتة نستنى فيه غير يحكمني من شعري ويجر _انا واش قلت شفت معاه اه انا واش قلت قتلو واش قلت _قلت العرا ممنوع والخمار يتندار حتى فالعرس هبطت راسي وسكت _ قولي آية درتلو براسي ايه _ومدام قلت لاه مادرتيهش سكت بقا يشوف معايا آية راكي حابة نضربك شفت معاه قولي حابة نضربك ولا يعجبك الحال كي نضربك سكت اذا تحبي الضرب وتحبيني نضربك انا راني مانحبش نضربك بقيت ساكتة وضك واش ندير فيك نضربك ولا نقطعك شفت معاه ولا نكسرك بقيت ساكتة ولا نشوهلك خليقتك باه نتهناو في زوج انتي ماتزيدي تتعراي وانا مانزيد نضربك سكت راكي تمكري فيا انتي تحبي تعذبيني شفت معاه ايه تحبي تشوفيني متعذب ومجرجر ماتحبيش تشوفيني مرتاح انتي وليت نبكي مروان لاه دير هكذا والله ماقصدي هكذا بصح والله كرهت من الدار واكتأبت منها والوحم دار فيا الويل وحبيت نبدل الجو هذا مكان _والعرا ثاني داخل في تغيير الجو بقا يشوف معايا كيفاه نفك روحي منو علبالي نقولو كلمة يجيبني مغاشية خلي نتسيتت وونبكي وخلاص حطيت يديا على وجهي ونبكي وليت نبكي من قلبي تالمو نبكي بزاف دموعي ولاو حاجة سهلة نقدر نمثل عادي حسيت ب بوساتو على يديا خلاص ماتبكيش بعدلي يديا على وجهي خلاص آية ماتبكيش ماش مليح ليك بقا يمسح في دموعي بيديه حكملي وجهي يشوف معايا هذا وجه ولا قمر مضوي بقيت نشوف معاه تايهة ماتوقعتش يتكالما وحدو آية والله عذبتي قلبي واشبيك ديري معايا هكذا صح قتلك ديري فيا واش تحبي ودي حقك مني بصح ماشي ڨاع هكذا راكي معذبتني بزاف هبطت راسي وسكت اهيه مراحش ترجعي درتلو براسي لالا _علاه شفت معاه انا الراجل لي يشوف فيا قل من مستواه ويعايرني مايشرفنيش نكون معاه _آية حابة تهبليني وقتاش عايرتك انا وقتلك انتي قل من مستوايا منين جبتيها هذه قتلو انت لي هدرت_وقتاش هدرتها انتي لي فهمتيها غالط انا ماقصدتش بلي انتي قل من مستوايا انا كي قتلك تربيت هكذا وانتي تربيتي على حاجة قصدي بلي انتي تربيتي ماتفسديش وماتصرفيش على حاجة ما تستاهلش مي انا تربيت على تبذير ونصرف ونفسد بلاك انتي تشوفيها حاجة تافهة مي انا هكذا تربيت ووالفت قتلو مايهمنيش الله يسهل انا الغالطة كي هدرت ماعندو مادخلني فيك _كيفاه ماعندو مادخلك فيا انتي مرتي وتدخلي وتزيدي قتلو ااا والله بصح انت هذاك النهار قلت ماتحاسبنيش _آية هدرة وتقالت مراحش تشاديهالي طول عمرك قتلو مزية بنت على حقيقتك _واش من حقيقة بلي انت تاع مظاهر بصح مافهمتش حاجة ياك قبل ماجي تخطبني سقسيت عليا مدام لقيتني مانيش من مستواك واش جابك عندي بقا يشوف معايا آية والله ربي لا عييت وانتي لي عييتيني انا نفهم فيك هكذا وانتي تفهمي هكذا واش الهدرة هذه انا تاع مظاهر ديجا لاه نكون تاع مظاهر واش ندير بمظاهرك واش راح يفيدوني قتلو انت ثاني تحوس مرتك تكون بنت عز وعندها دراهم _ مايحوس على المظاهر غير الجيعان والطماع لي يحوس على مرتو تكون بنت عز وبدراهما راه طامع فيها حاب يعيش على ظهرها وتصرف عليها اما الراجل يحوس غير على بنت الفاميليا الدراهم هو لي يروح يجيبهم انا واش راحلي كنتي بنت عز وعندك دراهم ولا ماعندكش واش راح ندير بيهم راح تعيشيني مانحتاجش الحمدالله الخير كاين نعيشك انتي وعشرة كيما انتي ديجا اذا خليتك تصرفي دورو عليا مانيش راجل انا ماقتلك اخدمي ماقتلك عاونيني ماشكيت من خدمتي لي طالبو هو تكوني مراة معايا وتكوني سند ليا كي نطيح نلقاك علبالي مراح يدوملي لا يما لا ولادي ڨاع راح يروحو تبقاي معايا غير انتي سكت هاه واش قلتي هيا ترجعي لدارك والله راني في حالة كي رحتي انتي ظلامت عليا الحالة الشمبرة عييت ندخل ليها عييت نرقد بلا بيك قتلو وكيفاه من قبل كنت تحاوز فيا من الشمبرة ترقد نورمال واش تبدل ضك _هذاك الوقت راكي فالدار لابغا ماكيش راقدة في حظني المهم كي ندخل على الباب نشوف طلتك والاهم راكي تحت جناحي قتلو مانرجعش وهيا رجعني ماما تكون تحوس عليا بقا يشوف معايا بعدت عليه حكمني بقا يشوف معايا علبالك تباني عروس قتلو علبالي قالولي _شكون لي قالك قتلو ڨاع كاين حتى لي خطبوني _آية راكي تغيري فيا قتلو لالا راني نحكيلك برك _اذا راكي تغيري فيا غير مكلاه خاطر تزيدي معايا كلمة نشوهك سكت واش قلتيلهم انتي قتلو واش نقولهم قتلهم بلي متزوجة وراني بالكرش شاف مع كرشي راكي فالرابع ضك قتلو ايه _بصح كرشك لاه ماخرجتش قتلو ايه مكانش ضربت فالعرض قالولي مدام عرضتي راح جيبي طفلة حط يديه على جنابي ايه صح عرضتي بزاف وانا لاه هذيك المراة تقلقت غير كي شفتك عرضتي وزينتي وانا حالتي حالة قتلو مزالك برك تغير مني _مانيش غيران بصح هذا الزين يدور في داري وقدامي ملي رحتي انتي ماشفت حاجة مليحة عينيا توحشو الجمال قتلو كاين الجمال برا غير هو _ انا كيما قلتي انتي والفت غير الحاجة الغالية وانا نحب الجمال الغالي قتلو ولا لي برا واشبيه _الجمال لي برا مدامو مراهش مستور ومغلف ڨاع الرخيس الجمال الغالي تلقايه ديما ملفلف كيما انتي جمالك ڨاع لفلفتو فالعباية والنقاب غير باه نحافظ عليه ويبقى غالي قتلو بصح انا راح نحي النقاب _ايه نحيه واخرجي نورمال بصح ماتخلنيش نشوفك خاطر كون نشوفك برا ووجهك معري نخسر عليك رصاصة بين عينيك قتلو ماتخافش ما تشوفني مانشوفك_علاه وين عندك تروحي _قتلو ماعندي وين نروح راني هنا برك سكت جبدت روحي هزيت عبايتي لبستها جبدني من طرف العباية احمدي ربي راكي بالكرش صينو راني جرمت بك مي معليش هذه المرة راني فوتهالك ومادرتلك حتى حاجة الخطرة الجاية مراحش نرحمك جبدت روحي درت الخمار _والنقاب لاه منحياتو قتلو مزال مانحيتوش _آية مانيش نتمسخر وينو النقاب قتلو راه فالصاك بقا يشوف معايا درت نمشي اسمعي درت عندو غدوا نجي نتفاهمو قتلو مكلاه جي وتعب روحك _آية والله ضك نطلعك الفوق ونحبسك وشوفي كيفاه تخرجي قتلو نزيد نهرب جا عندي هربت _تهربي لعزرين الدنيا نجيبك حليت الباب خرجت وركبت وجا ركب هز تليفونو واقيلا حسو بغيابك يما حرقت عليا تليفون عيطلها وي يما ايه راهي معايا ضك نجيبها نحيتلو تليفوني عيطت لماما شبعتني سبان وراكي انتي قريب نوضت علبك مندبة قتلها هنا برك مع مروان _واش راكي ديري مع مروان لاه ماقلتليش قتلها هاني جاية _ مكلاه جي عندي ارجعي لدارك شفت معاه ناض يضحك قتلها راني جاية مانطولش كوبيت تليفون_وين راجعة قاتلك ماجيش عندي قتلو ماشي دارها دار بابا _انتي تحبي باباك كثر من يماك قتلو ماشي هكذا بصح نتفاهم مع بابا كثر منها بابا يفهمني ويسمعني وماما غير تعيط عليا _كون يخيروك بيني وبين باباك شكون تخيري قتلو اكيد بابا _علبالك كون قلتيلي نخيرك انت كنتي راح تطيحي من عيني بزاف قتلو لاه _لي مافيهش الخير في والديه مراحش يكون فيه الخير معاك لي سمح في والديه يسمح فالناس كامل سكت ديمارينا وصلنا لهيه ڨارا طوموبيل هيا غطي وجهك واهبطي وغدوا نجي نتفاهمو قتلو والله ماني راجعة غير مكلاه _آية صبري معاك بدا يخلص راني نساعف فيك قد مانقدر قتلو ماتساعفنيش حليت الباب هبطت دخلت طلعت عند ماما لقيتها مع العجوز قعدت معاها قرصتني من ذراعي وين كنتي شعرة حبس قلبي قريب درت فضيحة قتلها واش من فضيحة كنت مع راجلي وجيت_لاه ماتهدريش كون نضت نعيط ونندب فالعرس واسمعوني وناض الغاشي يحوس عليك وين راحت قتلها ماعلباليش حتى خرجت باه حكمني وبابا سمع _ماعلبالوش هيا نوضي نروحو الغاشي بدا يروح عيطي لباباك عيطتلو قالي راني جاي قاتلي العجوز ملا خلي نخرجو كيفكيف عيطت لمروان قالها اخرجو ضك تلقاوني شوية عيط بابا خرجنا مع بعض شفتو واقف مع بابا جا سلم على ماما _هيا انتي تروحي معايا قتلو لالا شاف مع ماما غدوا نجي نديها قاتلو ارواح قتلو عندي شروطي _معليش غدوا نهدرو عليهم رحت الطوموبيل حليت الباب فات عليا قرصني من جنبي شفت معاه غمزلي ضحكت ركبت جا بابا ركبنا دخلي مساج من عندو واش يرقدني اليوم وانا شفتك بذاك الزين قريتو مارجعتلوش ........ يتبع

#ادخلي في صفحتي وديري متابعة به مايفوتك ولا جزء من قصة

راه نقص تفاعل 

قصص واقعية 

الجزء33

لغدوا وقت الظهر نغسل فالماعين نسمع فلاصونات تاع الباب مكان حتى واحد ڨاع راحو للجنازة بقيت غير انا ووليد خويا رحت طليت لقيتها طوموبيلتو ملا جا رحت هكذاك مدايرة روبة فالسليب قلت شكون _انا حلي فتحت عليه وتخبيت ورا الباب دخل ورجع الباب بقا يشوف معايا دارلي بصبعو موالفة تفتحي هكذا قتلو لا كعدت انت برك _آية واش اللبسة هذه موالفة دوري فالدار هكذا قتلو ايه لاه _واش لي علاه آية راكي حابة تقلقيني موالفة دوري هكذا قدام ولاد خوك قتلو واشبيك مكان حتى واحد راني غير وحدي خبط الباب بقا يتخنزر فيا قتلو هيا ادخل دخلتو لصالو جيت رايحة وين قتلو نديرلك قهوة _ماديريليش مانشربش رواحي هنا اقعدي نتفاهمو راني بديت نكره من المعيشة هذه وليت قعدت ودرت رجل على رجل _هبطي رجليك ماتقعديش قدامي هكذا قتلو لاه ياك راجلي نورمال _وكعاد راجلك ماتقعديش قدامي هكذا احترميني هبطي رجليك وعدلي قعدتك وليت عدلت روحي وقعدت _اهيه راني نسمع قتلو واشنو _شروطك وحذاري تقوليلي نخدم خاطر نمرمدك هنا ونخرج عوجت فمي _هيا بداي قتلو اول شي توعدني ماتهزش عليا يدك _ريڨلي روحك مانضربكش قتلو سما ماتقبلش _ماشي مانقبلش بصح انتي لي تخليني نضربك سكت روحي زيدي قتلو الخمار نحيه فالدار _زيدي قتلو العراس نلبس كيما نحب وماتقوليش ديري الخمار _ايه زيدي قتلو واش زيدي راك قابل _كملي وضك نقولك قتلو فالدار نلبس كيما نحب _والحاجة اللخرة النقاب حاجة ماشي محطوطة فالشرع الور راح نحيه _شفتي شروطك هذو ڨاع مرفوضين غير تاع الضرب نوعدك مانزيد نهز يدي بصح انتي ماتوصليش روحك قتلو يا تقبلهم كامل يا مانرجعش _آية غير مكلاه تسيي معايا شروطك هذو مرفوضين وهذو الشروط لي سميتيهم انا لي حطيتهم يعني ماجيش ضك تنحيهم قتلو مانرجعش ملا _رانا نتمسخرو هنا قتلو لالا راني بصحي _انا جيت باه نحلو الموضوع وانتي وليتي تتمسخري ملا كيما تحبي حابة تبقاي ابقاي دارك تعرفيها انا راني رايح ومستحيل نزيد نجي هنا قتلو طريق السد تخنزر فيا طريق السد ملا ايه معليش انا لي كلب نحاول فيك باه ترجعي نضت وقفت حتى انا ماقتلكش حاولني والباب قدامك تعرفو تخنزر فيا وراح خرج ماعرف لاه هدرت معاه هكذا يا خليني منو رحت كملت شغلي ،يومين مرت خويا خوها تزوج قاتلي ماما روحي في بلاصتي العشية داني بابا وهما يسكن فالخرجة ڨاع فالفريمة ملي رحت وانا قاعدة برا فالشجر شفت مع تليفون ملي راح ماعيطلي مابعثلي مساج علبالي راه زعفان قلت نعيطلو بصح والله مانعيطلو قليل مادار فيا غير تعشينا جا وليد خويا داني انا ويماه حنا قريب ندخلو المدينة كاين فجاة خرجنا واحد بالموطو كان راح يقطع الطرق وكعاد كاين طلعة و الشجر مايبانش وزيد مكاش ضواو هو جا طاير وراح يقطع خرجنا على غفلة دخل فيه وليد خويا شفتو غير كي طلع الفوق وعاود هبط خبط فالباربريز كلش صرا في ثانية حتى نشوف الغاشي تلم علينا وفتحو علينا البيان لحت عيني شفت مع وليد خويا لقيتو طايح على الفولا مرت خويا لقيتها حاكمة راسها وتعيط على وليدها شفت زوج نحاو السانتورا لوليد خويا هبطوه غير شافتهم ناضت تعيط وتبكي طبعتهم وحكمت في وليدها وتعيط بعدو عليه انا بديت نفيق مع روحي هبطت الدنيا مسركلة علينا بالغاشي ڨاع تلمو علينا حمدت ربي على النقاب جا عندي واحد حكمني مدام راكي لباس ضربتو نحي يدك ماتمسنيش بعد عليا درت لقيت مرت خويا محظنة وليدها وتبكي وتعيط عليا عيطي لخوك يجي شفت هذاك لي ضربناه دايرين بيه سمعتهم يقولو مات شفت دمو حكمتني الخلعة قعدت قدام مرت خويا لصقت فيها ونبكي وهي تقولي عيطي لخوك يجي بقيت نشوف حتى ضربتني على ذراعي باه فقت مع روحي زربت جبدت تليفون يديا يرجفو حتى الكود نسيتو هي تعيط ازربي وليدي مات حليتو لقيت نميرو تاع مروان هو لول عيطتلو ريبوندا عليا مروان وينك _ راني فالدار راح نمشي للخدمة علاه وليت نبكي _واشبيك واش كاين قتلو اجري درنا اكسيدو _واشنوووو واش من اكسيدو وانتي وراكي قتلو انا ووليد خويا ويماه _وين راكم قتلو فالبلاصة الفلانية _خلاص راني جاي ولابوليس جاو ولا مزال قتلو واحد ما جا غير الغاشي دايرين بينا _آية بقاي لاصقة في مرت خوك وماتروحو مع حتى واحد قبل مايجو لابوليس وماتخلوش وليد خوك يديوه قادر الطفل يكون ساكن ثم ويجو خاوتو كاش مايديرو فيه وانا صك نعيط لابوليس نشوف مانطولش 10د نكون عندك كوبا الغاشي غير يزيد والدم في كل دقيقة يجي لينا واحد يحوسو يديو وليد خويا ومرت خويا دايراتو في حظنها ماحبتش تطلقو واحد مايمس وليدي حتى يجو لابوليس واهدرو معايا هيا نديوك تروحي ماتبقايش هنا دخلت في مرت خويا ونبكي وليت نرعش حتى الوجاعة حكمتني من الخلعة شوية نشوف فلي جوندارم وراها الحماية لومبيلونص هبطو يجرو بعدو الغاشي وحاوطوو البلاصة بالشريط حمر بقينا غير حنا فالنص تاع الاسعاف فاتو عند هذاك الطفل جاو لينا حنا شافو وليد خويا قالولنا يبان ماشي مضرور بزاف راهي جاية لومبيلونص وحدة ورانا بقاو يعيطو عليا طلعت راسي انتي راكي لباس درتلهم براسي ايه بقيت نشوف واحد المنظر يخوف لي حوندارم لابوليس الحماية دمومات راح نتغاشا من الخوف ماقدرتش نزيد نحكم في روحي خفت غير نطيح وسطهم بقيت نشوف وينو مروان حتى سمعت صوتو يعيط صوتو نعرفو من بين مليون صوت دورت وجهي لقيتو فالطوموبيل يصوني عليهم يحوس يفوت عندنا ماحبوش يفتحو ويروحو عندو حتى هبط شفو جا بالكومبا ناض يعيط على جوندارم يقولو افتحلي الطريق خليني نفوت راح يجري ضربلو تحية وراح فتحلو طريق جا عندنا ڨارا طوموبيل قدامي هبط يجري غير شفتو وليت نبكي قعد قدامي آية كاش ماصرالك قتلو والو بصح وليد خويا ماعرف واشبيه شاف معاه ناض وقف ويعيط وراهي لومبيلونص حتى يموتو الناس باه يخرجو وراه الشاف تاعكم جا ليه واحد انعم حضارات وراهي لومبيلونص كيفاه تخرجو بلا ماتعيطولهم قالو عيطنالو جات وحدة داتو لول _وهذاك واش صرالو قالو ماعرف بصح حالتو دونجي شفنا لومبيلونص جات دار عندي هيا نوضي انتي نوضني ماقدرتش نوقف واشبيك قتلو ماعرف خلعت وحكمتني الوجاعة _ماتقوليليش راكي تنزفي قتلو لالا هيا رواحي اركبي فتحلي الباب ركبت اقعدي دقيقة ضك نجي غلق عليا الباب وراح عندهم بقيت نشوف معاه كيفاه يعيط ويروح ويجي ويوريلهم دخل في جو الخدمة ونساني هبطت الكوسالة طلعت النقاب ورقدت مزية درت نقاب كنت راح نجي بلا بيه كون جا ولقاني وسط هذاك الغاشي وجهي معري واش يخلصني منو لقيتو حل الباب ركب دار عندي هبطي على وجهك قتلو الظلمة ما يبان والو سكت بقا يشوف معايا علبالك كون جيت ولقيتك وسط هذا الشعب بلا نقاب راني لحت عليك الطوموبيل ديجا انتي واش جابك هنا قتلو كنت فالعرس بقا يتخنزر فيا صونا تليفوني لقيتو خويا هدرت معاه واش وينكم لاه طولتو نعيط ماتهزوش قتلو درنا اكسيدو _واشنوو واش من اكسدو وليدي كاش ماصرالو قتلو ماعرف بصح راه فالسبيطار هو ومرتك _وانتي وراكي قتلو راني مع مروان وليت نسمع في صوتو بعيد وماعرف واش بقا يهدر طاح تليفون من يدي نسمع فيه غير كي يهدر معايا حتى غبت عن الوعي ،فطنت لقيت روحي فالشمبرة نسمع فالحس برا والعياط البكا نضت قعدت قفلت عبايتي درت لبست صندالتي درت نقابي وخرجت على الباب نشوف الغاشي ملهيه مجمع واحد يعيط كون يموت خويا ندير فيه وفيه بقيت نشوف وينهم دارنا حتى نلقا هذاك جا يجري عندي انتما لي قتلتو خويا كون كاش مايصرا بيه الدار نحرقها على راسكم خلعني مابقالوش يضربني قتلو هو لي خرج قدامنا هز يدو راح يضربني الهدرة ماشي ضك ممبعد ونقعدلكم قتلو خوك هو الظالم ماشي حنا هو لي جا طاير وقاطع الطريق مدام مايعرفش يسوقو ماعندو ماداه طبعني انتي واش تعرفي فالسوقة حتى تهدري مكملش هدرتو شفت مروان جا يجري وراه كي طبعو برجلو لصقو فالحيط مايجي يدور عندو ويشوف شكون مسح بيه السبيطار ڨاع تلمو عليه يحوسو يفكو ه ماقدرولش الشي لي تعلمو فالعكسر ڨاع طبقو فيه هو بسلامتو 3رجال في راجل حتى فاميلت الطفل بقاو يتفرجو خافو منو كي شافوه لابس الكومبا بالسيف باه جبدوه لابوليس عليه ونوضو الطفل قالو البوليسي اديه معاك حتى نلتهالو نوريلو يهز يدو على مراة دار لقاني واقفة جا عندي دارلي براسو ادخلي دخلت ودخل غلق الباب نحيت النقاب ضربك قتلو لالا _وانتي واش ماخرجك منا قتلو تقلقت على دارنا _واش قالك قتلو بقا يهدد فيا سكت قتلو مروان وليد خويا وشراه _راه لباس سلامات قتلو وهذاك الطفل _ماعرف ماسقسيتش عليه قتلو روح شوفو تعيش نخاف يموت دار حل الباب بقيت نطل راح عندهم يمشي ويتعرض وقف وسطهم بقاو ڨاع يتخنزرو معاه كون يطيح في يدهم ياكلوه كارهينو فالدم العميرة تاعي فات عليهم حل الباب دخل وعاود خرج بقا يتخنزر فيهم حكمني الضحك كيفاه يدير جا يمشي عيني باردة عليه الرونجاس والكومبا زادت فيه النص عجبني طيرلي عقلي جا دخل وغلق الباب قتلو واش _عايش بصح مابقا فيه لي يصلح تكسر من مسلانو راح يطلعوه عملية قتلو ربي يشفيه مسكين شاف معايا مسكين وين تعرفيه انتي حتى تقولي مسكين قتلو والله مانعرفو بصح مايستاهلش سكت قتلو وراهي طبيبة ماسقسيتهاش على حملي _انا سقسيت على بنتي هي لولى قاتلي لباس قتلو هيا ملا ديني لخويا _نديك تشوفيه بصح ترجعي معايا قتلو وين نرجع ونخليهم _والله ماتزيدي تقعدي عندهم نهار سكت هيا رواحي نديك تشوفيه هبطلي على وجهي وخرجنا هذوك بقاو يتخنزرو فيه قتلو راهم يشوفو فيك شوفة الموت دار عندهم لي ماعجباتوش شوفتي ينحيني من طريقو قتلو عس روحك لا يغدروك _ لي راجل يقدم والله نلعب بيهم قتلو راح دير فيهم كيما درت فيا انا دار عندي وعلاه هذاك ضرب راني غير كنت نلعب معاك ضحكت والله _هاه وملا انا كون مانحكمش واحد نقسمو على زوج مانحسش روحي ضربت قتلو ياخاه عليك واش عنيف _وتحوسيني نكون لطيف هذا هو العسكر دخلنا عند وليد خويا لقيتهم ڨاع ثم ربطولو راسو ومرت خويا راقدة دارولها الاكسجين بقينا شوية وراح قال لبابا راح نديها معايا قالي ترجعي قتلو ايه قالي روحي..... يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء34

روحنا لدار لقيتهم قاع ثم حمدولي بالسلامة بقيت معاهم شوية وطلعت الشمبرة لقيتو شرا خزانة جديدة وتليفزيون نحيت حوايجي وقعدت دخل ورايا واش عجبك ديكور جديد درتلو براسي ايه فجاة ولات نفسيتي زيرو _بقا غير قشنا كي تقعدي ريڨليه سكت رحت جبدت بيجاما وخرجت بقا يشوف معايا لبست وجيت طلعت لسرير غطيت راسي ورقدت جا قعد قدامي واشبيك بقيت ساكتة آية واشبيك وليت نعيط والو والو خليني في راحتي _بداو الهرمونات تاوعك خلاص راني نايض ناض قتلو رايح للخدمة _لا مزال زدت طلبت سمانة سكت راح خرج وانا رقدت ، نسمع فالحس فالشمبرة فطنت لقيتو يهدر فالتليفون كوبا وجا عندي صباح الخير شحال توحشت هذا الجمال في فراشي رجعت ظهري تكيت على المخدة _واش واشبيك بقيت نشوف نفسيتي زيرو _آية واشبيك ماكيش عاجبتني قتلو هذه هي حالتي مع الوحم يوميا هكذا _معليش واش رايك ممبعد نخرجو قتلو مانروحش روح وحدك وديجا ماتهدرش معايا _واش جاوك هرموناتك قتلو ايه جاو علبالك واش راهم يقولولي _واش راهم يقولولك قتلو راهم يقولو نحكمك نقطعك بسناني ضحك ملا انا نوض قبل ماتقطعيني ناض وقف ممبعد نشالله قرصني من خدي ضربت يدو شحطتها بقا يشوف معايا واشبيك علاه هكذا قتلو مروان رجعني لدارنا _مكانش دارنا نضت نعيط رجعني لدارنا ماقتلكش جيبني _آية صوتك ماتعيطيش عليا فجأة ماعرف واش صرالي وليت نعيط عليه وتلحت عليه حتى طياح وليت نطيح ضربني لفمي زدت هبلت رميت الغطا ونصت عندو وليت نضرب فيه حكملي يديا آية هني روحك بقيت غير نطير ليه هزيت يدي راح نتلاح لوجهو حكمها ودورلي يدي ورا ظهري طحت على ركايبي هولت الحالة بالعياط والبكا طلقني بقا يشوف معايا طلعت العجوز جات تجري عندي واشبيك قتلها ضربني دارت عندو واشبيك تضرب فيها _ماضربتهاش بصح بقات تعيط وطيحلي ضربتها لفمها قاتلو الله يهديك الطفلة مزالها ماخرجتش الوحم مراهيش في عقلها راهي غير تهدر _علبالي بصح قلقتتي بقات تطيح قاتلو بركا ماتعاند فيها خليها مابقالهاش وتخرج الوحم ديجا لاه جبتها معاك مدامها مزلت مريضة قتلها عيطو لبابا يجي يديني قالي والله ماتتحركي ابقاي هنا قتلو ماعندك مادخلك تخنزر فيا وراح خرج نوضتني العجوز واشبيك واش صرالك قتلها ماعرف قلقت منو وكرهتو قاتلي هيا تهبطي التحت ملا مكلاه توصليه لتعودو في مشكل كبير قتلها روحي ضك نجي راحت نضت غسلت وهبطت تحسنت حالتي درت انا وياها الغدا تغدينا قعدت نغسل فالماعين لقيتو دخل عليا زدت هبلت وليت نعيط اخرج عليااااا بقا يشوف معايا جات العجوز رواح خليها وحمها جا عليك انت بقا يستغفر راح خرجت غير كملت لماعين طلعت الفوق مانيش حابة نشوفو كرهتو شوية سمعت حسو فالشمبرة درت المخدة على راسي غير باه مانسمعش صوتو بقا يعيط عليا حملت حملت ونضت هزيت المخدة وضربتو بها بلع علياااااا واشبيك آية آية واش تحوس عندي بقا يشوف معايا وليت نبكي مروان تعيش اخرج مانيش حابة نشوفك _ اسكتي برك راني خارج راح خرج رجعت رقدت مافطنتش لوقت العشا هبطت غير دخلت على الباب لقيتو قاعد وليت نعيط ياربي وين نروح نلقاه خرجت شمبرة العجوز وقعدت جات عندي واشبيك قتلها والو بصح مانيش حابة نشوفو _شحال عندك انتي قتلها فالرابع _اووو لاه طولتي في وحمك هكذا سكت قاتلي رواحي تتعشاي قتلها لا شبعت خلاص عاودت طلعت رقدت ديراكت حسيت بيه فالشمبرة نضت قعدت غير شفتو تركبت واش راك دير هنا دار عندي _راح نرقد واش راح ندير قتلو ماترقدش عندي اهبط التحت بقا يشوف معايا درت هزيت تليفون ضربتو بيه حكمو هيا اخرج _اصبري نبدل ونخرج دا قشو بدل وجا هاني رايح ارقدي وحدك قتلو روح برك دا معاه درا وخرج بقيت نتقلب فالفراش شفت مع الساعة راهي 11 جعت هبطت الكوزينة دخلت حليت الفريجيدار شفت الماكلة وجعني قلبي منها لقيت رمان قشرتو في طبسي وخرجت شفت مع الصالو وليت دخلت عندو شعلت الضو لقيتو مزالو سهران مع التيلي _واش جيتي تحاوزيني منا سكت رحت عندو بستو سمحيلي والله مافي يدي غير وحدي وحدي نتقلق رجعلي البوسة علبالي عصفورتي رحت جبدت طابلة عندو وقعدت قابلتو بقيت ناكلو ونتفرج فيه دارلي براسو واش _قتلو عجبتني راني نتوحم عليك _خليتي زينك وتشوفي فيا انا قتلو بصح عجبتني انت _اذا راح جيبي طفلة ماتشوفيش فيا شوفي في روحك واذا طفل نورمال قتلو لاه واش الفرق _اذا طفلة خليها تدي زينك باه تخرج شابة واذا طفل نورمال يخرج عندي ماعندو مايدير بالزين قتلو وشكون قالك انا نحوس على زين _علواه تحوسي ملا قتلو ماعرف بصح حابة يخرجو ليك سكت بقيت ناكل ونشوف معاه _واش راكي تاكلي قتلو رمان نعطيك _ياريت بصح علبالي ماتمدليش قتلو لا هاك نعطيك قدمتلو الطبسي هاك كول _باه ناكل بيدي وليت نضت قعدت قدامو بقيت ناكل ونوكل فيه ونتفرج غير درت لقيتو يشوف معايا درتلو براسي واش _والو راني نكحل برك ضحكت _واش رايك ترقدي معايا اليوم شفت معاه وليت حطيت الطبسي ونضت نحيت الغطا ودخلت عندو رقدت على ذراعو _اليوم راكي كالم علبالك وليت نخاف منك ضحكت لاه _نخاف من هبالك قتلو معليش اصبر مباقليش ونخرج من الوحم ونعوضك على كلش باسني على جبيني بقيت نشوف معاه حطيت يدي على وجهو واشبيك هكذا عيان وتعبان _وكيفاه تحبيني نكون وانتي مكاش داري خلات على والو قتلو بعيد الشر لاه تخلا _كيفاه ماخلاتش وانتي مكاش ندخل الشمبرة نلقاها ظلمة مكان من يسقسي عليا ويحوس عليا ويدللني رحتي انتي راحت المعيشة معاك بستو على خدو معليش غير نخرج الوحم برك نعوضك حظنتو ورقدت ، سمعنا صوت العجوز فالكوزينة فطنا في زوج ازربي نوضي البسي لا تدخل علينا هكذا بقيت كيما راني ولا ناض هو هيا نوضي البسي عطاني روبتي لبستها ورجعت رقدت _هيا نوضي طلعي الفوق وارقدي قتلو خليني برك نرقد هنا _لا نوضي يجي واحد من خاوتي يلقاك هنا درت على ظهري قتلو هزني _يما راهي هنا دور ماتصلحش قتلو لاه حرام تهز مرتك _ماشي حرام بصح والله ما جاية ضك تقول ماحترمونيش قتلو ملا مانروحش راح نرقد هنا _آية نوضي بركاي من الهبال تاعك قتلو والله ما نوض حتى تهزني _ويما كيفاه قتلو هزني برك راهي فالكوزينة بقا يشوف معايا ولا هزني غير خرجنا من الباب حكمتنا العجوز خبيت وجهو قاتلو واشبيها _ماعرف واشبيها طاحت ضحكت قاتلو ماعرف وحمها لاه صعيب هكذا وطولت فيه اديها ترقد اديها طلعني معاه سمعني نضحك _وتضحكي والله غير عيب قتلو واشبيك راهي حسبتني مريضة طلعني الفوق حطني على السرير درت رقدت لقيتو دخل رقد ورايا درت عندو راح ترقد _واش راح ندير راهي8 قتلو ايه ارقد حط راسو على مخدتي ورقد ،انا رقدت شوية ونضت هبطت عند العجوز درت الغدا وجدتو لقيتو دخل عليا غير شفتو كرهتو دورت وجهي بقا يهدر معايا وانا مسمطاتو ماحبش يسكت درت عندو نعيط بلع عليا _آياااااا راكي زودتيها بزاف وليت خرجت طلعت خبطت الباب علبالي راح نبقا هكذا ندي طريحة من عندو بصح ماشي في يدي نتقلق منو جيت فالشمبرة وقعدت هدرت مع دارنا وهبطت التحت لقيت العجوز مكانش غسلت لماعين دخلت لشمبرة العجوز طلقت روحي على السجاد ربعت رجليا وقعدت نتفرج

 سمعت صوت الباب فات عاود رجع جا عندي بقا يشوف معايا مزالو هرموناتك مخلطين قتلو لاه _باه نجي عندك قتلو لا نورمال رواح برك نحا الفيستا وجا عندي قعد في لرض حط راسو في حجري ورقد على ظهرو وفتح ذرعيه غمض عينيه قتلو واشبيك _والو عيان برك سكت بقيت نمشي في يدي على ذرعيه قتلو واشبيه جسمك هكذا _واشبيه قتلو حرش _وعلاه راكي تشوفي فيا نضل ملفلف فالزاورة وراقد كيما انتي قتلو لاه وامبعد_آية كيفاه تحوسيني نكون وانا نضل فالشموسات والبرد والجليد قتلو عندي لي بوماد تاع الترطيب هات نديرلك حل عينيه _حابتني نكون رطب كيما انتي _قتلو ايه واش فيها _انتي حابة ترجعيني انوش قتلو لاه لي رطب انوش _الراجل اذا مكانش حرش ماشي راجل قتلو مهم نروح نجيبلك نديرلك ضحك آية واشبيك راكي بصحك قتلو ايه والله نوض نجيبلك اصبر نجيبلك ونجي حكمني آية اقعدي برك من الهبال تاعك كيفاه ديريلي بوماد تاع ترطيب واشبيك انتي قتلو لاه واش فيها _انتي الوحم طيرلك عقلك قتلو لاه واش فيها انا راني ندير فيهم وراني رطبة مسني تشوف جسمي حرير حكملي يدي وبقا ييوس فيها وفي ذراعي ايه رطبة تقتلي قتلو خلاص هيا نديرلك _آية تحبي الانانيش قتلو لالا علاه _وكفاه تقوليلي نديرلك بوماد تاع ترطيب قتلو واش فيها ولاه حنا رانا نديرو فيها نورمال _انتما نسا لازم ترطابو وحنا رجال لازم نكون حرشين انتما من جماعة اللطافة وحنا من جماعة الخشونة والمعادلة باه تنجح لازم يكون واحد لطيف واحد خشين قتلو ماعرف بصح خليني نديرلك والله حابة نديرلك _حابة ديري قتلو ايه_روحي اطلعي جيبيها وديرها ليك قتلو بصح انا حابة نديرهالك ليك ناض قعد لا اله الا الله الطفلة حابة ترجعلي انوش بالسيف علبالك كون يسمعو في الجيش هذه الهدرة ينفينو تحوسي دمريلي مستقبلي قتلو حقا حبس هذه الخدمة تعب بزاف _مانقدرش انا عقلي وروحي الجيش ديجا تربيت ثم غير وصلت السن القانوني دخلت مانقدرش نحبسها مشاتلي فالدم قتلو بصح دونجي _الموت بيد ربي والموت في كل بلاصة ماشي فالجيش برك بستو ربي يحميك من كل شر شاف معايا عصفورة ماتوحشتنيش قتلو اكيد _واش رايك مدام راكي راحة نستغلو الوقت ونجوز و الوقت مع بعض قتلو ايه هيا _احلفي قتلو والله ناض يعيط واخيرا جا الفرج ضحكت......

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء35

رجع هو للخدمة ومشات الايام خرجت الوحم ودخلت الشهر الخامس بصح كرشي مكاش ڨاع شوية برك ضربت غير فالعرض دخلت السادس قالي غدوا نروح نهار نديك ونشوفو واش عندنا لغدوا روح فتنا عندنا الطبيبة لقيت صح عندي طفلة واش فرح خرجنا من عندها آية نوصيك سميها ضحى ماتنسايش قتلو لاه تخوف فيا _مانيش نخوف فيك بصح نخاف تولدي وانا مكاش معاك انا نحاول غير تقرب زيادتك نجي قتلو نشالله خرحنا شرينا القش وجبنا باقي نهار ندورو مادخلناش حتى ل 12 تاع ليل ،مشات الايام هكذا حملي بدا يكبر وكرشي هبطت وثقالت والوجاعة ديما عڨابي حتى مروان وليت ننفر منو غير يقرب مني نوض نبكي شمبرتي وليت مانوصلهاش ڨاع نجي في شمبرة العجوز ونقعد ماندير حتى حاجة غير قاعدة وراقدة حتى هو يقولي ماديري والو ابقاي في بلاصتك كرشي تشوهت وتشققت توسوست منها وليت نبكي والعجوز تقولي نورمال من الحمل برك ضك يتنحا غير دخلت التاسع وصاتني الطبيبة نكثر المشية هو طول ماروحش غير قربت زيادتي جا روح باه يحضر زيادتي كل عشية يديني للجبل نجو ثم هو يصيد وانا نبقى نمشي وندور غير يطيح علينا الليل نجو نروحو عيطولو من الخدمة ايرجو عيا عيا ماحبوش قالولو لازم جي عندك خدمة ايرجو سب سب حتى كره تقلق راح يطرطق راح رجع لخدمتو بقيت يوميا نهدر معاه غير فالتليفون قتلو خليني نروح لدارنا باه اذا زيدت نكون مع يما وبابا ثم خير من هنا قالي لاه تروحي لداركم يما وعفاف وجوهرة وخاوتي ثم هما يهزوك قتلو دارنا خير مع يما ماحبش قالي جيبي يماك تبقا معاك ماتروحي لداركم ماتزيديلهم الهم سكت ،لغدوا فالليل كنت نهدر معاه كام قالي بقالي ساعة ونمشي لصحرا للحدود والريزو مكانش اذا ماعيطتش ماتتقلقيش وين لقيت اوكازيو نعيط وانتي تهلاي في روحك وماتنسايش واش وصيتك وكاش ماصرا بيا سماح بيناتنا غير قالي هكا وليت نبكي _آية البلاصة هنا دونجي بزاف ونخاف كاش ماصرا واذا كاش مايصرالي نطلب منك حاجة تبقاي فالدار ماتخرجيش منها قتلو بعيد الشر واش الهدرة هذه والله مانسمحلك كون تخليني _والله مانخليك بصح ماتدري واش يصرا بقيت نبكي _آية اذا صراتلي حاجة توعديني بحاجة قتلو واشبيك تهدر هكذا هيا روح خطيني ماتزيدش تعيطلي اذا راح تبقا تهدر هكذا _آية عصفورتي خلاص خلينا من هذا الموضوع انسايه حابك توعديني بحاجة قتلو واشنو _اذا صراتلي حاجة قتلو واشبيك مروان والله نكوبي عليك _آية خليني نكمل سكت _اذا صراتلي حاجة ومت توعديني ما تعاوديش الزواج ورايا وتخلي واحد يتوشيك من بعدي قتلو واش الهدرة هذه مروان _آية هيا وعديني مايتوشيك واحد بعدي انا اللول واللخر بقيت نبكي _آية هيا وعديني قتلو واش هذا الوعد _واشبيه ماعجبكش قتلو بصح لاه هذا الوعد _هكذا ولا ماكيش قدو سكت آية ماكيش قدو بقيت ساكتة _سما نفهم بلي اذا صراتلي حاجة تنسايني وتعاودي حياتك مع غيري نورمال قتلو وكي نعاود واش _ناض يعيط آياااااا بقيت ساكتة _آية والله وتخلي واحد بعد موتي يتوشيك ولا يشوف مفاتنك مانسمحلك سكت _تقدري تخلي غيري يتوشيك سكت آية والله مانقدر نتخيلك مع غيري قتلو واشبيك تهدر هكذا _آية وعديني هيا قتلو مانوعدش _يعني ماكيش قد الوعد قتلو لا قدو بصح مانوعدش وخلينا من هذه الهدرة _ اخرة مرة توعديني ولالا قتلو مانوعدش _اك فهمت لي فهمتو وكوبا عليا واشبيه هذا عاودتلو لقيتو مغلوق عيطت عيطت مغلوق وليت بعثتلو المساج " نوعدك مانخلي واحد يشوف شعرة مني انا خلقني ربي ليك وراح نبقى غير ليك في حياتك وبعد موتك واذا مات مروان تموت آية وراه لا حياة لي من بعد موتك طولة العمر نشالله ومن ضك وانا ندعي حتى ترجعلي بالسلامة راني نستناك " شوية رجعلي " هذه هي آية لي يعشقها مروان تهلاي في روحك وفي ضحى وفي يما وحافظي على اسمي و شرفي راهم أمانة عندك ماتخلي حتى رخيس يهدر عليا، نعشق فيك " ماعرف لاه حسيت بلي اخرة مرة نشوفو وليت استغفرت ورقدت

راح يومين ماعيطش نعيط مغلوق العجوز تضل هازة تليفون وتستنى فيه وتقولي كاش ماصرالو نقعد نصبر فيها وراه الحدود ومكانش ريزو كي يلقا فرصة يعيط ،زاد يومين مكانش العجوز بدات تنهار وتقولي سير صراتلو حاجة جامي يقعد 4ايام مايعيطش موالف يعيط لابغا دقيقة ولا ييعث مساج حتى انا بديت نخاف والعجوز كملت عليا تقولي راني حاسة بلي بيه حاجة مدام حست يعني ماغلطتش بقاو ولادها يصبرو فيها ويقولوها رانا سقسينا صحابو غير يسمعو عليه حاجة يقولولنا خاطر راهم في بلاصة مقطوعة مكان فيها لا ريزو لا كونكسيو كي سمعت هكذا طمنت طلعت الفوق لشمبرتي نبقا نعيطلو مغلوق حطيت راسي قلت نرقد شوية ملي راح مارقدت كي ناس غير غمضت عيني سمعت العجوز عيطت واحد العيطة تخطفت من بلاصتي نضت وقفت ضربني واحد لاماص في كرشي نشليت في بلاصتي حسيت بحاجة راح تهبط تحتي حكمت كرشي وخرجت للباب نشوف فالعجوز كلات روحها وتعيط راح وليدي راح مات في عز شبابو هبطت نجري حتى هبط الما تاع الراس تحتي زلقت طحت من الدروج خبطت في لرض روحي خرجت حكمت ظهري ونعيط كليت روحي واحد ماسمعني كعاد العجوز تعيط والدار تملات وليت نعيط على عفاف حتى دارت عندي جات تجري عندي واشبيك قتلها ماعرف واش طاح من تحتي قاتلي ياو راح تزيدي ناضت تعيط عليهم اجرو راح تزيد جاو يجرو عندي قتلها عفاف مروان واشبيه قاتلي التاي بعمرك قوات عليا الوجاعة ماعرف واش بقاو يهدرو معايا حاكمة كرشي ونعيط على مروان مافقت لوالو غير عفاف دارتلي الخمار ونوضوني خرجوني فت على عجوزتي طايحة ينوضو فيها سلافي ناضت عفاف تعيط على راجلها هي ازرب الطفلة راح تموت خرجوني ركبوني فالطوموبيل جا سلفي راحت معايا عفاف طارو بيا لسبيطار قاتلو عيط لباباها يجي يبقاو معاها سمعتو كي يهدر مع بابا يقولو الحقو ينتكم لسبيطار وصلنا لسبيطار دخلوني جات طبيبة شافتني قالت الفرملية دخلوها تاع زيادة دخلوني نسمع غير فالعياط والصريخ زدت خلعت طلعوني على الطابلة ماجيت نولد شفت الموت بين عينيا وزادو فيا وليت نشهد بصح اسم مروان ماتنحاش من فمي نبكي عليه من قلبي ونعيط على ربي وندعي ياربي يقولو دعاء النافسة مستحاب ياربي غير مروان مانقدرش على فراقو ماتختابرنيش في بعدو مانقدرش لهذا الامتحان والطبيبة تقولي واشبيك تدعي هكذا قالولها راهم يقولو راجلها استشهد بقيت غير نبكي وندعي في اخر لحظة فشلت والطبيبة تقولي زيدي الطفلة راح تموت مكانش القوة وطاقتي راحت وراح نتغاشا ولات الفرملية تضرب فيا بلاكي ترقدي بنتك تموت زيدي شوية ڨاع دخلو عندي ويدعولي حتى عفاف شفتها واقفة على الباب هازة يديها وتبكي راح تفوت عندي وماخلتهاش الفرملية الطبيبة حيلها نهد معايا تبكي وتعاون فيا هذاك نهار وصلت للموت ورجعت منها وليت نشوف في مروان حالتو ماتعجبش يقولي بنتي أمانة والله مانسمحلك كون تموت نسمع غير فالطبيبة تقولي زيدي طفلة راح تموت ونسمع في وحدة تقولهم قولولها تشهد راح تموت بلا شهادة وليت نشهد حتى سمعت صوت البكا تاعها والطبيبة تحمد في ربي حيلي نهد قاتلي مبروك مانيش ڨاع معاها بقيت غير نعدد منها على مروان ومنها من الوجاعة بصح مليار وجع تاع زيادة ولا وجاعة مروان خرجوني لشمبرة حطوني على السرير ماقدرتش نوض بقيت غير نعدد السبطار رحلتو مالقاو مايدرو معايا حتى دخت وحدي ورقدت ،سمعت صوت الباب تحل فطنت دخلت ماما عليا شفت عينيها حمر من البكا تفكرت مروان نضت قعدت يما وينو مروان ولات تبكي يما اهدري واشبيه مروان _راهم يقولو استشهدو قتلها شكون هذو لي استشهدو راني نهدر على مروان _ايه استشهد هيا قالت هكذا وانا تخطفت من بلاصتي طار الصيروم من يدي ولات ذراعي قاع تسيل بالدم حكمتني ماما وين رايحة وليت نطير وحدي عيات تحكمني انا غير مروان في فمي طبعتها حليت الباب ورحت نجري حسيت بالخياطة كي تحلت الدم تحتي جات الفرملية تجري حكمتني وين رايحة جات تحكمني ضربتها خليوني نروح هذاك النهار السبيطار رحلتو بالعياط حكمني انهيار عصبي دارو ڨاع بيا هما يجبدو وانا نجبد خليوني نروح عند مروان هما يعيطو راكي تنزفي ارجعي معانا بقاو حتى طحت وتعاونو فيا حكموني دارولي برة بقاو حاكمني حتى بديت نتكالما نسمع غير فالعياط بقيت غير نهترف بمروان ممبعد ماشفيتش واش صرا ،غير فطنت عاودت نفس شي ومكان حتى واحد غير وحدي لا دارنا لا دارهم قلت اليوم جنازتو ملا طحت نضرب في روحي ونقطع في شعري النسا كل تلمو عليا وحدة تقول مسكينة وحدة تقول خلاها صغيرة وحدة تقول وينهم دارهم زدت نزفت جات طبيبة دراتلي برا وبقات تهدر معايا ساعفي روحك لايصراولك مضاعفات وتروحي فيها كي شافوني ماحبيتش نتكلاما يديرولي لي باري كالماوني جبت يومين وليت غير نفطن مرة نلقى ماما مرة مرت خويا مرة الفرملية نسمعها كي تقولي نجيبلك بنتك ترضع واش تسميها ونعاود نرجع نرقد وغير نهترف بمروان ،فطنت لقيت ماما بقات تهدر معايا قاتلي هيا نديك تشوفي بنتك بقيت غير نشوف مانبكي مانهدر نحات عليا لغطا لبستلي ونوضتني بقات تمشي فيا حتى وصلنا وين لصال لي يحطو لولاد دخلنا قاتلي هاهي بنتك كانت محطوطة قدام الكارو بقيت نشوف معاها راقدة نزلو دموعي قاتلي واش تسميها راهم يستناو فيك تفطني ولا يسموها وحدهم بقيت نشوف معاها قتلها ضحى بقيت غير نشوف معاها مافقتش حتى مشاتني ماما معاها جات طبيبة قاتلها تقدرو تخرجوها نورمال قبل مايخرجوني زادولي برا وحدة خلاوني جثة غير نشوف ماجايبة خبر لدنيا داتني ماما مع بابا وصلنا لدارهم نشوف فالغاشي والطوموبيلات برا بصح مانيش فاهمة علاه دخلوني جات عفاف سلمت عليا وباركتلي دخلنا نشوف فالنسا لداخل عجوزتي ماشفتهاش لي تشوفني تباركلي نسمع غير في كلمة مسكينة الله يصبرها طلعوني الشمبرة الفوق نحاتلي حوايجي رقدتني على السرير غطاتني نشوف فيها حطتلي ضحى قدامي حابة نلوح يدي ليها بصح تخدرت بقيت نشوف معاها حتى غفيت ،فطنت لقيت الضو شاعل ماما ترضع في ضحى ترضع دارت عندي لقاتني نايضة واش نضتي هيا نوضي تتعشاي بقات تهدر معايا مانيش معاها راني في عالم وحدي عاودت رجعت للنوم مرات نسمع ضحى تبكي نحب نوض عندها بصح مانقدرش نرجع نرقد ،فطنت نشوف فالساعة راهي 4 ماعلباليش واش من 4 تاع صباح ولا عشية ضحى راقدة نشوف في عفاف واقفة مع لوستي يشوفو معايا ويهدرو ويقولو نشالله جاو عندي بقاو يهدرو معايا بقيت غير نشوف معاهم ولاو خرجو دخلت ماما هيا نوضي نبدلك حوايجك جات نوضتني داتني لدوش غسلتلي ونطفتلي ولبستلي روبة ديميمونش شطرة ومعاها الكيمينو تاعها فالروز داتني للكوافاز ومشطتلي شعلي ودارتلي البابيونة وكحلتلي عينيا وعطرتني بقيت نشوف مع روحي هي تهدر وانا ساكتة ماعلباليش حتى واش راهي تهدر كي شافتني مانيش معاها رجعتني لفراش وغطاتني بقيت نشوف مع ضحى ماقدرتش ندني ليها داتني عيني ورقدت..... يتبع

#ادخلي في صفحتي وديري متابعة به مايفوتك ولا جزء من قصة

قصص واقعية 

الجزء36

فطنت على صوت ضحى تبكي جاني كشغول راني نوم حتى بديت نفطن بلي صح تبكي درت ورايا لقيتها فحمت بالبكا وحمارت زربت نضت قعدت السخانة راح نطرطق نحيت الكيمينو وهزيتها درتها في حجري عطيتها صدري مابغاتش تحكم شفت البيبرونة والحليب درتلها وعطيتها حكماتو بقيت نشم في ريحتها ونملي في صدري منها حسيت بيها رقدت موالفة نسمع فالحس التحت ضك الدنيا كالم حطيتها ونضت وقفت الدنيا مزالها دور بيا من كثرة التخدير رحت نمشي بالشوية سمعت الباب تحل كملت نمشي للباب سمعت صوتو يعيط وجدو العشا ضك نجي طليت لقيتو يغلق فالباب دار لقاني حاكمة كرشي بقيت نشوف معاه ومانيش مصدقة وجهو كحال وعينيه حمر وذبلانين نص من وجهو مجروح لابس سروال كومبا مقطع على ركبتو وتريكو ديميمونش بيض وكومبا من الفوق مفتوحة حالتو مبهدلة تقول كان في حرب بقا يشوف معايا واقفة ياعمري زيدتي تصمرت في بلاصتي مانيش مصدقة حسبت روحي نتخايل من كثرة الدواوت ولي باري مانفرقش بين الخيال والواقع بقيت غير نشوف حاسبة روحي نتخايل بقيت نحل في عينيا ونعاود نغلقهم جا يمشي عندي وقف قدامي هزيت يدي حطيتها على صدرو بقيت نمس فيه صح واقف قدامي ولا راني نتخايل ماصدقتش حتى كي جبدني من يدي لعندو حظني و شميت ريحتو تالمو مشبع من البارفا حتى اذا توسخ وعرق يبقى ديما مفحفح بالبارفا حط وجهو في شعري وتنهد تنهيدة طوييييييلة هذا وين ريحت كي شميتك هو قالي هكذا وانا وليت نعدد بصوتي وطحت طاح معايا لمني في حظني بقيت نشكيلو ونعدد مافهم حتى كلمة يقولي خلاص ماتبكيش اتكلامي راني هنا راني رجعت آية خلاص بعدني عليه حكملي وجهي اششش خلاص ماتبكيش وليت نبوس في كفوف يديه ونهدر والله مت بلا بيك يا عيوني كون تشوف واش صرا بيا وانت غايب وبقيت غير نهدر بلا توقف حتى بدأ يضياق نفسي قاطعني آية عمري خلاص اتكلماي بالشوية برك ماديريش لعمرك هكذا بقيت غير نهدر ماقدرتش نسكت حتى حط فمو على فمي باه سكت اششش خلاص كلش فات راني رجعتلك بقيت نشوف معاه باسني على شعري هيا نوضي وجهك صفر ماتبقايش قاعدة في لرض باردة عليك وانتي نافس ناض ونوضني معاه لاه خرجتي هكذا يضريك لهوا قتلو لا سخانة _هيا رواحي بقيت نشوف معاه وليت حظنتو ونشم في ريحتو باسني على شعري بعدني عليه حكملي وجهي وينهي ضحى قتلو راقدة _قالولي التحت بلي وصلتي الموت ورجعتي منها قتلو مستعدة نوصل للموت مليار مرة ولا تبعد عليا _بعيد الشر عليك خلاص شدة وفاتت هيا رواحي وريهالي داني معاه لشمبرة شافها على السرير راقدة راح عندها كيفاه نهزها وانا فالحالة هذه ضك نوسخها قتلو هزها برك سما باسم الله وهزها نحا على وجها بقا يشوف معاها تاه فيها ياعمري نسخة على ضحى حط وجهو وبقا يشم في ريحتها شاف معايا عينيه دمعو والله نسخة من ضحى قعدت على السرير قتلو اقعد _لا ضك نوسخ الفراش قتلو اقعد برك جبدتو من يدو قعد ماعرف واش بقا يقرالها في وذنها جاب شي 10د وهو يتفرج فيها يدور عندي يتبسم وعاود يشوف معاها فاق مع روحو م حطهالي في حجري انا نروح ندوش ونجي عندك اليوم نجيبوها لصباح قتلو ايه روح نوجدلك قشك _لا عصفورتي ارقدي برك وجهك صفر انا نوجد لروحي حكمت بلاصتي رقدت وهو دا حوايجو وراح

نضت بدلت لبست بيجامة سروال وديباردو مع الكيمينو تاعها فالڨرونة حاولت مشطت شعري ولماش بلاكيتو ودرت بابيونة حمرت شواربي وعطرت روحي ورجعت لبلاصتي دخل عليا لابس بيجامة فار مينيتار تريكو ديميمونش وسروالها هاز الفوطة بقيت نشوف معاه نبيع عمري باه نشوف هذه الطلة عاودت حييت من جديد دار عندي واش مينوشة قتلو توحشت طلتك عليا _هاني رجعت اشبعي بيا عندك تكرهي قتلو جامي نكره منك _انتي تكرهي مني غير كي تتوحمي ضحكت جا قعد هز ضحى بقا يبوس فيها يما شافتها قتلو لا ماشافتها ڨاع ملا خلي نديهالها قتلو خلي نروح معاك _قادرة تمشي قتلو ايه قادرة _هيا ملا نوضي ناض ونوضني لفلفي روحك مليح لا يضربك الهوا قتلو لا راني لابسة مليح _ديري ملا خمارك هزيتو لحتلو على راسي حكمت في ذراعو وخرجنا هبطنا على الدروج نسمع حسهم فالصالو دخلنا عليهم لقيناهم ڨاع متلمين ثم العجوز شفتها راقدة رحنا عندها قعدت قدامها بسستها على راسي فطنت قالها نوضي تشوفي بنتي عطهالي ونوضها دارلها المخايد ورا ظهرها حطيتهالها في حجرها بقات تسمي وتبكي قالها يما تشبه لضحى قاتلو سبحان الله تقول هي شافت معاه بردت نارك دارهلها براسو ايه واخيرا صبرت وعوضني ربي وطفات ناري قاتلو ربي مافيه غير الخير نحالك وحدة وراح يعوضك ب 10 قتلها خالتي شكون راح يجيبلو 10 قاتلي انتي قتلها كون شفتيني واش جوزت ماتقوليليش هكذا _علبالي حكاتلي عفاف قبيل واش صرا فيك معليش شدة وجازت سكت رواحي تكسلي هنا معايا ماتباتيش وحدك قتلها لالا راح نبات مع مروان ضحك قاتلي نسيت انتي غير تشوفي مروان تبيعينا ڨاع قابها لازم انا اولى منكم بقاو يهدرو وانا تكسلت ثم بيت غير نشوف معاه كيفاه يهدر ويضحك ياعمري الحياة بلا بيه جهنم جابولنا لعشا تعشينا ماما روحت كي عاد هو لي راح يبات معايا ڨمطتلي ضحى برك وراحت طلعت انا وياه الفوق درتلها بيبرونة ورضعتها دخل واش لاه دايرتلها بيرونة وصدرك وينو قتلو مافياش لحليب _سما هذا الصدر بلا فايدة قتلو والله اشفا عليها ضحك راني نقصر برك كيفاه بلا فايدة انا لي بلا فايدة قتلو خلاص الكلام لول مايتحول بصح اعندك تغلط _ااا كلش كلش وصدرك الشتا شتا والبرد برد كيفاه تصرالي بلا بيه شكون يحظني ويدفيني مانقدرش والفت الحنان ضحكت نضت حطيت ضحى في سريرها وجيت نحيت الكيمينو بقا يشوف معايا فتحلي ذراعو هيا عندي رحت دخلت عندو حطيت يديا على جنابو وغلقت عليه حظنتو وحطيت وجهي في صدرو نشم في ريحتو حتى هو غلق عليا باسني على شعري توحشتك موت خفت نموت ونخليك انتي وضحى وحدكم شكون بيكم خفت بنتي تتيتم وانتي تترملي علبالك واش كنت نخمم شفت معاه واشنو _بنتي ماخفتش عليها بزاف خاطر علبالي يما تربيها وعلبالي في خاوتي يتهلاو فيها سورتو عفاف وخويا متاكد من هذا الشي خممت فيك انتي قلت ضك تترمل ومدامها صغيرة وشابة ضك غير تفوت العدة يزوجوها ويديها غيري وتولي تتزينلو وتتعرالو ويشوف مفاتنها وترقد معاه ويديرها في حظنو ويديرها تحتو كنت نموت كي نخمم هكا وممبعد نتفكر وعدك نقول اواه آية وعدتني ديجا بلا ماتوعدني هي تعشقني مستحيل تقبل واحد يتوشيها من بعدي بستو على صدرو بعيد الشر

بصح انت واش صرا معاك _هذه المرة وصلت الموت ورجعت منها صحابي لي معايا ڨاع ماتو بقينا غير حنا في 5صرات معركة كبيرة لحد الان مانيش فاهم كيفاه خرجت قتلو طولة العمر نشالله شفت معاه عينيه دمعو كي بقا يبقا يهدر على صحابو بستو على خدو _وانتي حكيلي واش صرا معاك كيفاه زيدتي قتلو كنت راقدة حتى سمعت العجوز عيطت خرجت شفتها تعدد عليك هبط مني الما تاع الراس زلقت طحت من الدروج داوني لسبيطار فوتوني ديراكت لزيادة بقا يشوف معايا توجعتي بكيت والله وصلت الموت ورجعت منها حظني باسني على شعري ياعمري كون عولت هكذا راني دخلتك سيزاريان معليش المرة الجاية كي تهزي ندخلك سيرزيان مدام ماتقدريش قتلو علبالك قريب ماتت _لاه قتلو ماقدرتش اخر لحظة فشلت راحت طاقتي _وكيفاه درتي قتلو زادو فيا _كيفاه زادو فيك قتلو بالمقص _ عض شواربو قولي والله قتلو والله بقا يشوف معايا هذاوين فهمت لاه الجنة تحت اقدام الامهات كي شفت وحمك وزدتي حكيتلي على الزيادة خلاص تستاهلو وضك كيفاه مزلتي تتوجعي قتلو علاه حسيت بيها كون تشوف واش درت فالسبيطار رحلتو بالعياط والصريخ غير مروان في فمي بقا يشوف معايا علبالك تشوف واش عيطت عليك عيطت عيطت بصح انت مكاش وليت ندعي في ربي باسني من عينيا معليش فاتت هاني رجعت نعوضو كلش انا وياك قتلو نشالله شاف مع ضحى ياعمري عليها خرجت لختها قتلو انا توحمت وهزيت وتعبت وزيدت وشفت الموت بين عيينا وهي خرجت لختها ضحك معليش الخطرة الجاية زيدي جيبي وحدة تشبهلك قتلو منا على 10 سنين نشالله _مانقبلش منا على 10 سنين يكونو عندنا 5 قتلو نهار جيبهم من كرشك _لاه زيدي جيبي وربيهم مع بعض قتلو والله ماتصرا حتى تدخل ضحى تقرا باه نزيد نجيب _راني قتلك عامين ماتزيديش سكت _آية راني قتلك والله ندخلك سيرزيان ماتتعبي ماتتميزري قتلو لهذاك الوقت ويرحمها ربي هذيك الليلة جبناها سهرانين لصباح ضحى عاقلة تقتل بكات مرة ولا زوج برك...... يتبع

#ادخلي في صفحتي وديري متابعة لصفحة

قصص واقعية 

الجزء37

 حطلي ضحى في حجري قتلو لاه جبتها نخاف نعديها _لاه واشبيك حتى تعديها راكي موسوسة برك ناض وقف راح لخزانة ولات تبكي عليه قتلو وتقولي نضيعو بلا بيك الطفلة مايهمهاش ڨاع فيا مت ولا حييت تحوس غير عليك بدل قشو وجا هزها وملا الطفلة بنت باباها جا رقد ورقدها على صدرو ويدو تمسح على ظهرها هذه هي الطريقة لي موالفة ترقد عليها دار عندي لقاني نشوف معاهم فتحلي ذراعو هيا رواحي انتي رحت عندو رقدت على كتفو قتلو مروان ملاحظ بلا مدلل الطفلة بزاف نخاف تربيها على هذا الدلال وتفسد _واش غرتي منها ضحكت قتلو ساعات برك بصح والله نهدر سيريو نخاف تبقى تدللها بزاف _ايه وامبعد شكون عندي ندلل بغيرها قتلو ضك تفسد _واش يفسدها قتلو انت لي قلت الدلال ماشي مليح تشفا واش كنت تقول على دنيا لازملها التيو هز ضحى بقا يهدر معاها ياعمري انا نضرب العميرة تاعي بالتيو سمعتي ماما واش تهدر راهي تحرش فيا عليك نضت تكيت على صدرو مروان واش العقلية هذه تبقى هكذا راح تبعد عليا الطفلة ناض يضحك واشبيك غرتي من علاقتي انا وبنتي قتلو بصح هكذا راح تبعدها عليا ديجا راهي بدات انت متعلقة بك كون ماتشمش ريحتك ماترقدش وانا ماعلبلهاش بيا ڨاع بقا يشوف معايا آية راكي غيرانة وليت نبكي علاه مانغيرش انا تعبت عليها وفاللخر تعلقت بك وانا ماتحوسش عليا ڨاع بقا يشوف معايا ويضحك ضربتو ونضت درت رقدت ماعرف واش بيا وليت نغير من ضحى كي نشوفو يدللها هكذا انا والله ماني طبيعية طل عليا آية بصحك ركي تبكي كي راني ندلل فيها سكت ناض يضحك من قلبو درت ضربتو بعد عليا ماتهدرش معايا حكملي يديا فوق راسي واشبيك آية بصحك غيرانة من بنتك قتلو بصح انت هملتني بزاف ملي جات هي وانت لاصق غير فيها _انا هملتك وقتاش هملتك ياك نضل معاكم في زوج قتلو بصح هي كثر _لازم هي صغيرة قتلو وامبعد حتى انا صغيرة محتاجة دلال واهتمام _وعلاه انا مانيش ندلل فيك سكت رقد على ظهرو وجبدني عندو باسني على شعري انتما هما عويناتي لي نشوف بيهم والله ماتغلى وحدة على وحدة انتما احلى تعويض من ربي قتلو بصح راك تفضلها عليا _اواه عصفورتي انتي ماكيش نورمال راني شاكة في حاجة نشالله تكون هي قتلو واشنو هي _غدوا نروحو لطبيبة وتبان مالغري كنت شاك بصح ضك بديت نتأكد من هذا الشي قتلو واشنو هي _غدوا تبان عمري هيا نرقدو قتلو والله وسوستني واشنو هي _قتلك غدوا بصح قولي نشالله تكون لي في بالي قتلو واشنو هذه _علبالك كون يتحقق واش في بالي نديك ونروحو فاكونص قتلو بصح لصحرا _اواه صحراء بعيد لحال غير هنا مانبعدوش قتلو خلاص قابلة لغدوا صباح خلينا ضحى عند جدتها ورحنا وصلنا للسبيطار قتلو لاه جينا هنا ياك نروحو لطبيب تاعي _حتى نتاكدو ونروحو عندو سكت _هيا عمري قتلو خايفة وكون نخرج مريضة كيفاه _عصفورتي تفاءلو خير تجدوه بربي نشالله مكان والو هيا تكلي على ربي قتلو ونعم الاتكال

هبطنا دخلنا جات دالتي دخلت وحدي لقيت طبيب حكيتلها بلي كان عندي فيروس وضك رجعولي نفس الاعراض قاتلي روحي ديري تحليل الدم ورواحي خرجت عندو داني درت تحليل وستنيت حتى خرجو ديناهم ورحنا قتلو ادخل معايا راني خايفة دخلنا عندها عطيتلها الورقة بقات تقرا قاتلي لا مابك والو هذو غير اعراض الحمل شفت معاه ودرت عندها واشنووو قاتلي ايه راكي اونسات عندك اسبوعين وليت نعيط قتلها دكتورة راكي غالطة انا ماعنديش حتى 3 اشهر ملي زيدتي كفاه هذه حامل _ايه ومابعد وراه المشكل قتلها عاودي تاكدي راكي غالطة عاودت قرات قاتلي سبحان الله ماعندك والو غير الحمل خرجت ملة محمد كي قاتلي هكذا نضت وقفت نحيتلها الورقة واشنو هذه حامل عمية ماتشوفيش انتي منين جات هذه حامل حابة تهبليني قالي آية واشبيك واش صرالك قتلو شوف واش راهي تهدر منين جات هذه حامل وقتاش حملت انا قاتلي عندك غير اسبوعين ماعرف واش صرالي كليتها تقابضت انا وياها نعيط بصوتي هو تالمو تصدم من ردة فعلي بقا غير يشوف يقولي واشبيك قاتلو واشبيها مرتك دير هكذا خبطت عليها البيرو اهدري معايا انا ماتهدريش معاه وراه المسؤول تاعكم ضك نشكيك عندو كيفاه انا نقولك مريضة وعندي اعراض فيروس الكبد وانتي تقوليلي حامل ماتعرفيش قولي مانعرفش لاه تخرطي من راسك هي بقات ساكتة تصدمت مزية جات عاقلة صينو رانا تضاربنا دخلت طبيبة عليا واش الخير برك قاتلها هاكي قراي التحليل تاعها واش فيه بقات تقرا فيه قاتلي مكتوب هنا راكي اونسات قتلها انتي ثاني قاتلي مدام واشبيك راه مكتوب هنا بلي عندك حمل ماكيش مصدقة روحي عاودي خرجت من عندها نبكي هو ورايا فتحت الباب ركبت جا ركب بقا يشوف معايا آية واش صرالك واش فيها كي تكوني بالحامل قتلو مانكونش فهمت ما نكونش وهيا روح شريلي تاست روح ندير هذه راهي تخرط بقا يشوف معايا قتلو واش تشوف معايا _آية تكلماي واشبيك ماتستاهلش تهولي الحالة عليها ديجا راهي باينة ڨاع بلي راكي تتوحمي انا شكيت فيك كيفاه انتي ماشكيتيش في روحك ماكيش حاسبة لروحك بقيت نشوف ماعرف مانيش حاسبة قتلو هيا شريلي تاست راح شرالي تاست وداني لدار دخلت لقيت لعجوز هازة ضحى هاه واش قالك طبيب طلعت خليتها نحيت حوايجي وفت ديراكت لتولات درتو لقيت زوج خطوط تلبسني شيطان سمعتو يعيط عليا خرجت _هاه واشنو ضربتو بالتاست هاك ابرد عجبك الحال ضك _واشبيك وليت نعيط ابرد راني بالكرش كلو منك انت قتلك ناكل دوا تقولي ماتكليش نديرو حسابنا برك شفت حساباتك وين دانا بنتي عندها شهرين وانا راح نزيد نجيب _واشبيك آية لاه ديري هكذا واش فيها قتلو ماتقوليش واش فيها خاطر ماشي انت لي راح تشبع مزيرية انت واش يهمك كلش يطيح على راسي حكمت راسي وندور ياخاه عليا البارح مزيدة اليوم بالكرش الراحة ومزلت مارتحتش راح نزيد نعاني من جديد بقا تفرج فيا جا عندي حكمني من يدي طبعتو عليا بعد عليا يرحم باباك اخطيني خليني في حالة راني كرهاتك فالدم كلش من تحت راسك عييت فيك ناكل دوا قعدت تقولي نديرو حسابنا هاهو الحساب اشبع بيه ضك دخلت العجوز واش واشبيكم تعيطو قالها ارواحي اهدري معاها كي خرجت تتوحم ماعجبهاش الحال _تتوحمي اوو وقتاش ديجا قتلها شفتي زهري الكلب كيفاه انا هذه حايرة معاها راح نزيد نجيب وحدة اخرى قاتلي اووو واشبيك واش فيها قتلها كيفاه واش فيها بنتي عندها شهرين راح نزيد نجيب قاتلي هذا مكان هذا ڨاع على جال ضحى هاتي اسيدي ضك انا نربيها وانتي الهاي بحملك مالقيت مانقول قعدت على سرير حاكمة راسي ونبكي والله ماوقتها ڨاع بقاو يشوفو معايا نضت خرجت هبطت لشمبرة فرغانة غلقت الباب وقعدت جا يطبطب عليا الباب ماهدرتش معاه قاتلو ارواح خليها ضك تهدى وحدها ديجا راه بدا وحمها بكري ربي يكون معاكم كي انت كي هي اما ضحى راهي عندي طبطب وراح جيت فالمشبرة وقعدت ماكنتش متوقعة النتيجة هذه مانيش حاباتو ڨاع حتى دعيت يفسد والله ماني قادرة نزيد نجوز واش جوزت من قبل سمعت الظهر ياذن حليت الباب لقيتو قاعد فالدروج هاز ضحى بقاو يشوفو معايا في زوج رحت طلعت فت عليهم دخلت لدوش توضيت ودخلت الشمبرة لقيتو قاعد على السرير مع ضحى قالي آية قاطعتو يرحم والديك خليني في حالي وكي نخلص ديني لدارنا سكت صليت وخلصت حليت الخزانة جبدت العباية قالي وين رايحة قتلو راني قتلك اديني لدارنا اذا ماكش حاب خليني نروح وحدي سكت لبست عبايتي قالي وضحى سكت آية بنتك راهي تشوف معاك من الصباح ماهزيتيها قتلو ماعندي ماندير بيها راهي ليك خلي نشوفو باباها لي تضل تبكي عليه فاه يفيدها _آية بنتك هذه شوفي كيفاه تشوف معاك شفت معاها لاه راكي تشوفي معايا هاهو باباك لي سمحتي فيا على جالو ابقاي عندو انا رايحة وراني سمحت فيك بقات تشوف معايا تقول فهمتني عوجت فمها ولات تبكي وهو كي يشوفها دير جاست هذه تعوج فمها وتبكي تاع وحدة محڨورة مايحبش ضربني على ذراعي لاه راكي تعيطي عليها رجعلتو ضربة واشبيك تضرب فيا _آية راكي زدتي فيها وانا كلش كلش وضحى تعرفيني مانحبش عليها حتى واذا كنتي انتي قتلو اندبو بعض راني رايحة خليتهالكم درت خماري قتلو هيا وصلني قالي امشي بصح ضحى والله ماتديها قتلو ماعندي ماندير بيها هبطت وهبط ورايا بقا يهدر مع ضحى هيا تبقى بنتي عند جدة وانا نوصل ماماك الشريرة ونجي قتلو اعندك ماتتهلاش فيها _ماتخافيش مدام باباها كاين الريح مايقيسهاش ناض يعيط يما خرجت عطالها ضحى هاكي حكميها حتى نديها لدارهم ونجي قاتلي رايحة بلا بنتك قتلها مانديهاش راهي ليكم ياك قلتو راح نربوها ربوها ملا _قتلك وحمك بدا بكري الله يعينك واش راح تجوزي سكت ودرت خرجت ركبت وجا ركب بقا يشوف معايا قتلو هيا خلينا _الله يعيطك العقل سكت وصلنا لدار دخلنا خرجت يما سلمت علينا وين راهي ضحى قتلها عند جدتها _جيتي بلا بنتك قتلها ايه لاه واش فيها قالي هيا ممبعد نجي نديك قتلو غير مكلاه راح نبقى هنا قالي الله يهديك وخرج قاتلي ماما واشبيك قتلها راني بالكرش _قولي والله قتلها والله _وقتاش هزيتي هذا لاه ماكلتيش دوا سكت ربي يعينك على وحمك كيفاه تصرالك وبنتك مزالت صغيرة تشبعو ميزيرية سكت 

بعد لعشا حنا قاعدين الفوق لقيت ماما دخلت هازة ضحى ياعمري حبيبة ماما عطتهالي شكون جابها _راجلك جا يديك ديتها واهبطت لقيتو قاعد وحدو _هيا وجدي روحك قتلو راح نبات _مكانش آية هيا خلينا نروحو قتلو راني قتلك حابة نبات _حابة تباتي ملا قتلو ايه خطفلي ضحى من يدي باتي وحدك ملا حكمتو هات بنتي هنا _بنتي تبات عندي وانتي اقعدي باتي هنا قتلو علاه دير هكذا هات بنتي _لي عندي قلتو تباتي هنا ولا نروح بقيت نشوف معاه _راني رايح تصبحي على خير حكمتو خلاص ضك نجي _روحي راني فالطوموبيل راح خرج....... يتبع 

ادخلي في صفحتي وديري متابعة به مايفوتك ولا جزء من قصة 

قصص واقعية 2

قصص واقعية 

الجزء_الاخير

وانا لبست وخرجت ركبت عندو لقيتو داير ضحى بين رجليه ومتكية داير سانتورا قتلو راك معذبها علبالك _علاه يا المغيارة راهي متكسلة لباس عليها غرتي منها كعادت قاعدة في حظني وانتي لالا قتلو علاه واش في حظنك حتى نغير _صار هكذا ولا حظني مايعجبكش ايه معليش قتلو ايه ماعجبنيش واش فيه غير العظم طول وعرض بلا فايدة شحمة مكاش _حابتني ثاني نربي اللحم والشحم شاف مع ضحى شفتي ماماك حابة ترجعيني انوش مرة تحوسني نكون نرطب مرة تحوسني نربي الحم يادرا الخطرة الجاية واش من خرجة تخرجهالي سكت قتلو هيا برك نروحو نعست _عندها الحق يما وحمك بدا بكري الله يعينا يا ضحى نشبعو ميزيرية شعل طوموبيل ديمارا ديراكسيو لدار ڨارا طوموبيل عطاني ضحى هاكي احكميها خليني ندخل طوموبيل قتلو مانحكمش خليها عندك فتحت الباب هبطت دخلت طلعت ديراكت لشمبرة نحيت قشي ورقدت حتى دخل عليا حط ضحى ورايا بنتك جيعانة نوضي ديريلها الحليب قتلو دبر راسك مع بنتك _ايه الله لا نضتي انا ضك ندير لبنتي بصح نوضي بدليلها قتلو مانبدلش ديها ليماك دبرو راسكم معاها _آية واشبيك انتي قتلو مابيا والو وخليني في راحتي سكت ولا هز ضحى وخرج غطيت راسي ونبكي ماعرفتش واش بيا راني خايفة من الوحم بزاف واش يجوزو مانيش مستعدة كامل شوية دخل بقا يهدر مع ضحى حسيت بيه دخل ورايا حطلي ضحى على وجهي _ راهي تقولك يا ماما توحشتك وانتي ماحبيتي تحسي بيا جبدتها رقدتها عندي بقيت نبوس فيها ونبكي طل عليا آية علاه راكي تبكي هذا ڨاع على جال الحمل واش فيها كي تزيدي تهزي ياك كنتي تبكي عليهم وكي رزقك ربي رفضتيهم سكت آية هذو رهم رزق ونعمة من ربي حذاري تنقمي هذه النعمة وينحيهالك ربي درت عندو مانيش نقم بصح والله ماوقتها ڨاع _علاه ماشي وقتها واش راح يتبدل مثلا واذا خايفة من الزيادة راني قتلك نديك لبريفي وتزيدي سيرزيان ماتتوجعي ماتتعبي قتلو والوحم كيفاه ديجا راني بديت نكره منكم _نورمال فترة وجوز واذا تخمي علينا ماتخميش ضحى راهي عند يما وانا ندبر راسي حتى تفوت هذه الفترة قتلو وانا كيفاه راني نقولك مانيش مستعدة كامل _آية علاه راكي مكبرة الموضوع ديجا انتي ماشي بيك الحمل نفسيتك مزالها تعبانة من الشي لي صرا تشفاي البارح كي قتلك راني شاك في حاجة ونشالله تخرج هي درتلو براسي ايه _هذه هيا كنت شاك فيك حتى يما قاتلي شكيت فيها بصح ماحبيتش نقولك خفت نعطيك أمل برك وممبعد تخرج حاجة اخرى سكت ياك وعدتك اذا خرجت هي نديك نروحو فاكونس غير غدوا نديك انتي وضحى ونروحو نجيبوها غير دوران وتحواس ضك تتبدل نفسيتك واعتبريها كادو لحملك شفت معاه _هاه واش قلتي نروحو درتلو براسي ايه دورني عندو وجبدني لحظنو رقدني على صدرو باسني على شعري خلاص عصفورة مديريش هكذا والله كي شفتك ديري هكذاك فرحتي ناقصة والله ماتتخيلي شحال راني فرحان انا بعد المشكل لي صرا معايا كون ماجاتش ضحى راني تعقدت من جهة لولاد وهكذاك مزال فيا خوف من هذا الشي حتى الدوا ماحبيتش تاكلي خفت بصح اليوم كي خرجتي حامل كل مخاوفي راحو وفرحتي ماني عاطيها لحد والحمد الله ربي عوضني كثر ماني متمنى هو يهدر وانا نعسانة عينيا يتغمضو وحدهم _آية عصفورة رقدتي درتلو براسي ايه _نوضي دقيقة نجيب ضحى عيطت عليه غير مكلاه خليها ترقد وحدها اليوم راح نرقد وحدي في حظنك ضحك آية بصحك تغيري من بنتك قتلو مانيش نغير بصح دللها كثر مني بعد ماكنت انا المدللة رقم 1 عندك _ايه ومزلتي انتي رقم واحد قتلو وضحى _ضحى رقم صفر ضربتو ضحك واشبيك والله انتي رقم 1 قتلو بصح صفر قبل من واحد ضحك مهم انتي رقم 1 واش يهمك هي واش من رقم ضحكت _آية هذه لي جاية راح نسميوها سهى نضت قعدت واشنووو علاه معول نزيد نجيبلك طفلة _ايه غير المرة هذه برك والله من بكري متمني نجيب زوج بنات نسميهم ضحى وسهى جات ضحى وبقات سهى قتلو وعلاه ضحى وسهى بالضبط _مكان حتى حاجة بصح نحب هذ الاسماء قتلو لاه زعما _هكذا نحب المرحومة مرتي كي كانت حامل ولقات عندها طفلة كنت معول نسميها يا ضحى يا سهى جات وسميتها ضحى وقلت نعود نسميها فالدار ضحى وفالكوارط نحطها سهى بقيت نشوف معاه انت مزلت برك عايش مع بنتك مراحش تنساها عيط عليا كيفاه ننسنى بنتي واشبيك شكون ينسى ضناه بنتي مراحش ننساه حتى يلوحو عليا تراب علاه حاسبتني كيما انتي بنتك نهار كامل ماحوستيش عليها بقيت نشوف معاه راك تعاير فيا ولا كيفاه بصح اسمع هنا نهدر معاك مهما تكون حنين على بنتك وتحبها مراحش توصل غرام من حبي ليها انت باباها صح بصح انا يماها انا لي جبتها من كرشي وخرجت مني انا ماشي منك انت رد بالك تقارن حبك لبنتك بحبي انا حبك انت ليها مايسوا ولا شي قدام حبي ليها ماتزيدش تقارن روحك بيا اعرف روحك انت شكون وانا شكون الام والاب ماشي كيفكيف مكلاه تحاول تغير هذه القاعدة واخر مرة تزيد تغلط معايا غلطة كيما هذه وبنتي اليوم إذا هملتها الله غالب ماشي في يدي راني نتوحم وانت كنت شاهد على وحمي بقا يشوف معايا جبدني من يدي حظني وغلق عليا باسني على شعري خلاص ماتبكيش عندك الحق انتي امها ومهما حبيتها انا ماراحش نوصل حبك بصح حتى انا هذه جات مني ومن صلبي غير انتي هزيتيها سكت آية راكي وليتي حساسة بزاف عدت نخاف نهدر معاك ونحصل جيت نوض حكمني ياك رايحة ترقدي عندي اليوم قتلو خلاص بطلت _وانا مابطلتش سكت شحال وحنا ساكتين _آية قتلو اممم _تفاهمنا هذه لي جاية نسميها سهى قتلو ماشي كيما تحب انت _آية ديرلي خاطري الشي لي مادرتوش مع بنتي حاب نعوضهم راني نطلب منك هذا الشي كأب قتلو وشكون قالك راح نجيب طفلة _بربي نشالله تكون طفلة قتلو وكون يكون طفل _لا طفلة نشالله قتلو بصح انا حابة نجيب طفل _جيبيلي طفلة هذه المرة ونعوض فيها ڨاع الشي لي كنت حاب نديرو ممبعد جيبي واش تحبي قتلو مهم انا حابة نجيب طفل وراح نسميه سراج الدين _ وعلاه حتى سراج قتلو هكذا _واش لي هكذا كاين سبب قتلو مكان حتى سبب بصح نحب هذا الاسم _غير اعطيني سبب مقنع صينو والله ماتسميه قتلو ماعندي حتى سبب غير نحبو _واشنو هذه تحبيه آية راح توسوسيني قتلو الشي شغلك _ااا اك ملا والله ماتسميه سراج راح نسميه على بابا الله يرحمو صدام قتلو ولاه انت راح تسمي سهى نورمال _انا حكيتلك علاه قتلو واش يضمنلي بلي راك تهدر صح _وراس ضحى غير كيما نحكيلك قتلو حتى انا مانيش نكذب_خلاص توسوست منو راح نسموه صدام قتلو حڨار انت باسني على شعري عصفورة هذو لولين خليهم ليا وانتي مزال نزيدو نجيبو وراهم ليك وحدك قتلو واش لي مزال والله جامي نزيد نخمم فيهم ضحك هدرتي من قبل هذه الهدرة وشفتي المكتوب قتلو خاطر انت كلحتني ضحك واحلى تكليحة

غير غدوا دانا انا وضحى كرالنا دار ومعولين زعما نبقا 15 يوم بقينا يومين وجينا روحنا الوحم بدا معايا بكري دار فيا الباطل كثر من المرة لولى جيت لدارنا وقعدت وضحى خليتها عند العجوز 4اشهر وانا نجرجر شفت الويل وحكمت لبلاصة مانهزش راسي ڨاع غير دخلت الخامس رجعت لداري رحت لطبيبة لقيت عندي طفل كي روحت هذيك العشية طحت واحد الطيحة على كرشي قلت سير مات داني لسبيطار حكموني يومين عندهم قالولي الطفل نبضو ضعيف واي لحظة يموت ماشكيتش يعيش رجعوني لدار جبتها غير فراش كعاد الرحم مفتوح هذا الطفل ملي هزيتو وانا نعاني يوميا فالسبيطار نمشي غير بالسيروم وصلت الشهر السابع حكمتني لوجاعة كي داني لسبيطار جوزوني ديراكت لزيادة جبتو سيزريان وقالولي ماتطمعيش يعيش وانا صرا معايا مضاعفات جبت شحال وانا فالسبيطار باه خرجت هو بقا رايح جاي عليه ويقولولو صحتو مكان مكان كل نهار نقول يعيطولي يقولولي مات قعد شهرين قدقد بدا يتحسن حتى عيطولي تقدري تجي تديه رحنا جبناه دارلنا عشا كبير انا وياه غير فاتو 5اشهر زدت هزيت بالكرش كي رحت لطبيبة قاتلي الدوا مايحكمش فيك بكيت بكيت ورحت صديت لدارنا هو مسكين نشفتلو ريقو قالي ماخلتنيش حتى نفرح بولادي يجي يحاولني ويقولي والله مانزيد نساميك ارجعي برك كي ماحبيتش نمشيلو دالي ضحى وصدام عيطتلو نبكي رجعلي ولادي ماحبش قالي ابقاي ثم والله ماتديهم ماقدرتش نبقى بلا بيهم وليت عيطتلو جا داني دخلت لدار لقيتهم في زوج عند العجوز دخلت عندها نبكي بقاو يضحكو عليا قاتلي والله انتي مهبولة هذا الرزق لي راكي ماعاجبكش غيرك راه يخلص عليه دراهم باه يشم غير ريحتو قتلها انتي السبة _وانا واش دخلني قتلها انتي لس قولتيلي ربي نحاك واحد وراح يعوضك ب 10 ضحكت يابنتي ربي يزيدلو ملي جاو هما والخير يتراما علينا شفت معاه وليت نضت هزيت صدام وخرجت طلعت الفوق حطيتو ونحيت قشي وقعدت نشوف معاه ونبكي دخل عليا هاز ضحى حطها وجا عندي بقا يشوف معايا وليت حظنتو باسني على شعري خلاص عصفورة والله ماتستاهل هذا البكا شفت معاه باسني من عينيا خلاص ماتبكيش لا ينحيهلنا ربي ونقعدو قتلو بعيد الشر _خلاص ملا نعمة كيما هذه احمدي عليها ربي وزيدي فتلو الحمدالله باسني صحيتي هيا وجدي قشنا غدوا نروحو نديرو فاكونص ونجو سكت هيا عصفورتي بقيت نشوف معاه هزلي يديا حطهم ورا رقبتو وطلعني عندي تحبيني درتلو براسي ايه _مانيش حاس بهذا الشي قتلو والله نعشق فيك _ولاه ماكيش حابة حابة تجيبي مني لولاد ياك كنتي تقوليلي حاب نجيب لولاد منك وكي جبتيهم كريهتهم قتلو بعيد الشر كيفاه نكره ولادي بصح مانقدرش عليهم _لا تقدري وانا راني معاك ويما معاك نتعاونو ڨاع ونربوهم ديجا انتي جيبي برك ويما راهي تربي فيهم شفتيها كيفاه تعلقت بيهم تقول ولادهم سكت بقا يبوس في وجهي خلاص آية ماديريش هكذا هيا اضحكي وخلينا نفرحو بولادنا ضحكت _هاه صحيتي هكا نحبك ديما وضك ارواحي نحو الوحش من بعض ونوضي وجديلنا قشنا باه غدوا نروحو نجوزو الفاكونص تاعنا وضح لغدوا رحنا جوزنا الفاكونص تاعنا والوحم هذا ماحسيتش ڨاع بيه حتى الزيادة زيدت اسهل زيادة فالعالم وجبت طفل سميتو سراج الدين بالسيف باه قبل وهذه هي حكايتي شكرا لكل من تابعها 

                    النهــــــايــــــــــــــــة♥️

تعديل المقال