#الحلقة______1
اطلقوني خلوني نروح لعندها اه صااار هذا عرس راجلي وانا نشطح ونردخ كالمهبولة يعطيكم الصحة وبحال نت عجوزتي علاش خلتني جيت معاكم للعرس وماقوتليش بلي عرس راجلي وانا دايرتو عرس الجيران علاش هكدا تحرقولي في قلبي انا نروح وينو ولدي نجيم يلاه نروحو بوك يتزوج وانا نشطحلو في عرسو نسمعها غير من ناس من نيتك دعاء جايا لعرس راجلك فرحانة بضرتك ههههه وليت ضحكا وسط الناس ونت ياعجوزتي ولا نقولك عجوزت النحس ربي وكيلك والله ماني مسامحتك ،
خرجت من العرس ودموعي حبة حبة على خدي حتى خماري ماسقمتوش مليح ولدي تعب وقالي هزني هزيتو وحكمنا تاكسي ورجعت لداري بديت نطبق في قشي وكلمت جداتي وحكيتلها بلي راجلي تزوج وروحت لعرسو وانا ماعلباليش بلي عرسو غير ناس خبروني قالتلي جداتي يلاه ارواحي نت وولدك وعندك تخليه موراك كونت يتيمة تربيت من صغري عند جداتي يما وبابا توفاو لاكسيدو وجداتي كبرتني وكوليت 21سنة زوجتني كونت متفهمى مع راجلي مانجيبوش لولاد حتان يلقى خدمة مليحة وكلقى خدمة مليحة نجيبو لولاد في عمر 24سنة جبت ولدي نجيم هزيت روحي وروحت عند جداتي زوج نتاعي وعجوزتي وخوت راجل ولا واحد فيهم حوس عليا اسكو راني لباس ولا والو كان اخير همهم انا فات عرس الزوج نتاعي وماطلقنيش قعدت مربوطة ماحبش يطلق عاد هاملني انا وولدي مايبعتلي مصروف ما يجي يطل على ولدو كونت كل يوم نكذب على ولدي ونقولو بابا خدام يكمل خدمة ويجي واما زوج نتاعي شرط عليا نسكن مع زوجة نتاعو في نفس دار على جال ولدنا واذا ماقبلتش ننسا بلي عندي راجل....يتبع
الحلقة2💁
حلفت والله مانسحق مزيتو ولا مزيت واحد كونت نعرف نخيط جداتي علمتني بديت نحاول ندير مشروع نتاعي وحدي ونخدم ونبرح وكان يجني لكومند بزاااف بيسك نعرف نخيط وكبر لمشروع نتاعي وعادت وحدا توصي في وحدا عليا وشعت في ديك المنطقة بلي انا افظل خياطة بديت نبني في الدار ونعاود فيها وولدي مقلشاتو لبسة الله الله ومام انا سياغتي وذهبي نسيت قاااع بلي متزوجة ومزال ماطلقتش وحتى زوج نتاعي نساني وولدي كبر بلا به انا امو وانا بوه ، كونت بديت نلم في الدراهم باش ندير طنوبيل لأنو تعبت وانا نوصل الكومند برجليا طنوبيل احسن تسهلي الخدمة بعد تعب كبير وسهير الليالي درت طنوبيل وليت نسنابي وندير شوبينغ انا وولدي ولا علبالي وفي هذي الاثناء كان راجلي يعاني من مرتو الاولى تحكم فيه ومرمدا يماه وخوتو تزوجو خلاو يماهم معاها و زوج نتاعي ندم كتزوجها حاول يلحقني بصح ولا مرة قدر يلحقلي كان يجي لعند جداتي يستناني وانا كونت نطول في الحانوت نتاعي يروح وكيروح جداتي ماتحبش تقولي بلي جواد جاء يحوس عليك وعلى ولدو خافت نعاود نتكسر اذا عرفت المهم كان كل يوم يجي وكانت الناس تحكيلو بلي دعاء دارت التاويل وولات مرآة أخرة تدخل غير في ليل لدار هي ولدهل وذهب وطنوبيل وهو حكمو شك بلي راني نخون فيه كونت مزال على دمتو يعني عندو حق يحكم فيا المهم وفي ليل داك اليوم ستناني مورا أذان العشاء هبطت من الطونبيل ودخلت لدار بديت نطيب ونحط لجداتي وولدي ياكلو حتان يطبطب الباب فتحت نلقاه طفل صغير قالي عمي جواد راه يستنا فيك حاب يشوفك درت خمار على كتافي وخرجت عيت نشوف وينو جواد وينو نشوف في انسان لحيتو قدامو ورقيق ولابس قش قديم مسخ وعرفتو من مشيتو جواد عينيا دمعو كشوفت عشق قلبي بديك الحالة ولكن قسيت قلبي وماحبيتش نبكي قدامو و خشنت صوتي ووليت نقولو واش تحوس مني روح عند مرتك لنساتك فيا أنا وولدك ....يتبع
✍️❤️الحلقة3💁
شدلي يديا لزوج وعاد يضرب في خدودو بيهم ويقولي اضربني اضربني دعوتك دعوتك خرجت فيا ارجعي لدارك يامراء يهديك ربي راني جيت وجيت هذي سمانة وانا نحلال في جداتك كل يوم نقوللها حاب نرجعها لدار وهي تقولي روح ماهيش هنا علاه اكي ديري هك ارجعي لدار وماتيتميش ولدنا ضحكت ونحيت يديا من خدودو وقوتلو تفكرت ككونت نسقم في رزحي ونعدل باش نروح للعرس وفي لخر نلقى راجلي يتزوج وهو لعريس وكان كل ديك سنين يخون فيا شكون لخلاني شمرت على يديا ونوضت نخدم على خبزتي انا وولدي الله يبارك ولدك ولى راجل وماتعرفوش ومايعرفكش واش تحوس دورك اه عاد يقولي نطلقها وارجعي راها ماكانتش باينا في لول بصح دورك بان وجها عادت معذبتلي يما وماتعرف طيب ماتغسلي قشي تعرف غير تلفون ...الخ قوتلو تستاهل وزعكتو ودرت نيف وقولت انا مانيش الخيار الثاني هههه سيريو كمل منها حب يوليلي والله مانولي نتزوج وندير سيدو غدوا روحت لخدمتي ونلقاه حدا حانوتي ونفس الهدرا يقولي فيها وانا ماعلباليش به كان قلبي بارد من جيهتو هو الوحيد لحبيتو وفي لخر يدرلي هك الضربة هذي قواتني ومستحيل تعاود تتحشالي
جام وتعليق تطلع شويا نرجعكم بلا ما تتقلقو 🤍🤍
✍️❤️ الحلقة4💁
دخلت لحانوتي وماعلباليش به ولكن كونت نبكي من داخل قاهرتني حالتو بديت نقولهم للبنات ليخدمو عندي كاش راجل حاب يتزوج قولولي موموا نكبر ولدي مع كاش اخت ولا أخ عادو يضحكو ويقولولي لالا ارجعي لمولى بيتك حلفتلهم كان يقعد غير هو راجل والله مانولي ، كملنا لخدمة ورجعت لدار كونت نرجع غير في ليل مورا لعشاء وكونت كل مانرجع نلقاه يستنا فيا قعد على هذي الحال مدت قريب ربع شهر وهو على نفس الحال ونهار لطلق جاني يجري فرحان بورقت طلاق ويقولي طلقتها دعاء حبيبك جواد رجعلك وهنا ضحكتلو قوتلو اك سيريو قالي واه قوتلو اك روطار خطبوني وانا نكذب غير باش نعذبو كما كان يعذب فيا كل مانتفكر لجاست ديك ووريتلو يدي فيها خاتم ذهب وهنا حسيتو فشل كسرتلو خاطرو ماقال حتى كلمة دار وعاد يمشي يمشي كالإنسان التايه وانا دخلت لدار ونلقى ولدي لابس ومعنقر وجداتي حداها خضرة وفواكه وقش قنادر ورواب وقعدا حداها عجوز كبيرة سلمت عليها قالتلي عرفتني قوتلها لالا بصح علاش اكي مشقيا روحك هك قالتلي انا ام جواد يابنتي دعاء يهديك ربي ارجعي لراجل صح غلطنا معاك بصح خلاص راه تربا وجينا وتفكرنا ولدنا علبالي فاتو شحااال ونسيناك بصح ليوم جيناك برجلينا ارجعي لراجل راه يدخل لوحدا زوج نتاع ليل وهو يخمام فيك وفي ولدو وهذو القش كامل ليك وراح طلب سماح وحب يرجع واذا قبلتي نجو نفتحو ونرجعك وهنا باش نقول ايه نرجع حتان تفكرت بلي كذبت على جواد وقوتلو خطبني راحت عجوزتي وانا قعدت داك اليوم نخمام كيفاه نصحح الغلطة نتاعي صااي جواد تربا ومانيتمش ولدي صليت ورقدت نوضت روحت لحانوتي مالقيتش جواد يستنا كما موالف حدا الحانوت ليوم ماجاش دخلت نخدم عادو يقولولي لبنات ليوم ماشوفناهش قوتلهم ان شاء الله خير كونت حايرة وخايفة لا يدير في روحو كاش حاجة بعد ماكسرتلو قلبو بدون قصد صح اداني بزاااف بصح حتى انا قسيت قلبي بزااااف كملت خدمتي وحبيت نروح لدار عجوزتي بعد عامين ونص مني هجرت ديك الدار
✍️❤️الحلقة5والاخيرة💁
فتحت طنوبلتي وجبت ولدي من ليكول وقوتلو يلاه نروحو عند جداتي وبابا قالي شكون بابا قوتلو دورك نوريهلك كان مسافر بدينا نمشو حتان لحقنا لدار جداتو دخلنا الدار معفنة وعجوزتي راقدة وغير شافتني فرحت بيا بدات تطلب في سماح ودموعنا شلال تماك قوتلها قبل مانروح نقيلك الدار وغدوا جيبو طالي ونفتحو ونرجع لداري قالتلي خير ماعملتي روحت نقيتلها دار قبل مانخرج وطيبتلها لفطور وكثرتلها باش يقعدلها عشاها وقعدت معاها شوي نحكو قوتلها وينو جواد قالتلي والله من بارح ماشوفتو قوتلها عيطيلو قالتلي كلمتو ومارفدش خوفت عليه قوتلها دورك نروح لدار ممكن يكون مع جداتي بيسك يحب يقعد معاها واي حاجة نخبر قالتلي روحي دعوتي معاك طلعت في طونبيل مع ولدي وطريق كاملت ولدي يسأل فيا أسئلة غير منطقية وانا غير نجاوب ومقلقة على باباه لحقت حومتي وبديت نسقسي في دراري لتم كاش ماشافو جواد نطق طفل قالي جاء صباح وعاد يقولنا وينها دعاء قوتلو شوفتو وين راح قالي كان يمشي بالحفاء عمي جواد راح وين لاكوبال حشاكم حكمت طونبلتي وعاودت رجعت من طريقي وولدي خليتو في دار مع جداتي خوفت لكاش مانلقاه قا..تل روحو ولى ماحبيتوش يشوف روحت وحدي ولحقت حدا الزبلة مالقيتوش تم فقدت الامل وانا نحوس حتان نسمع في الكواء نتاع البلوك اسمي وصوت جواد دخلت للبلوك مش في حومتي بعيد شويا هذا البلوك نلقى جواد حافي رجلين وشعرو طاير كأنو إنسان أخر ويكتب في إسمي بالألوان في الحيط وغير شافني عاد يتحضن ويقولي نت تاعي ماتخلنيش نت تاعي ويعيط كدراري صغار وهنا عرفت بلي جواد هبل ككسرتلو خاطرو لبارح بهدرتي وهو فرحان كان لحب نتاعو ليا صادق حكمتو من يدو ودموعي على خدي طلعتو طنوبيل واديتو عند امو وخبرتها غير بلعقل بلي ولدها هبل كونت مزالني مرتو وعادي نكشف عليه دخلتو لدوش ودوشتو ولبستو ومشطتلو شعرو رقدتو في بلاصتو وعودت قعدا تحت فراشو وننذب عزهر لعندي حسيت روحي انا سباب كولش وباش نقدر نهتم به لأنو أمو كبيرة جبنا طالب وجاء خالي معاه عودنا فتحنا بيسك طولت وانا بعيدا عليه المهم جبتهم كامل يسكنو عندي في دار جداتي لأنو جداتي كبيرة ومانقدرش نخليها وحدها وعادت صديقة مع عجوزتي اما جواد كما نتصرف مع ولدي نتصرف مع جواد كونت متحملاتو وعادي قايمة به ونسقملو ونطيبلو حتان توفات عجوزتي الله يرحمها درنالها جنازة وحضرو بناتها وشافو خهم وكامل تأسفولي على الشيء لداره قبل المهم بعدها سبحان الله ولدها جواد لحقها كونت في الخدمة وجواد خليتو في دار مع جداتي تعسو غافلها وخرج برا وعاد يلعب مع دراري وهو يلعب تعافر مع طفل صغير وداك الطفل ضربو بحجرة لراسو ونزف بزاااف د..م جواد اداوه ناس لسبيطار وعيطولي من خدمتي وكلحقت عاد غير حاكملي يدي حتان طلعت روحو لأنو الاصابة نتاعو خطيرة بزاااف وطبيبة قعدا تتمسخر وتتكسل باش دواتو بعد كل هذي المعانات قرارت مانتزوجش ونربي ولدي ونقعد مع جداتي وكل عيد نتفكرو ونروح لقبرو ونكفح الماء ونرجع ونطلب ديما يسامحني بيسك كسرتلو خاطرو
#النهاية🥀 #ونتي الا اول مرة تقراي قصة في هذي لاباج ماتنسايش ديري متابعة