#اليتيمة👱♀️
#الحلقة______1
انا اليتيمة لي عمرها 17 عام كبرت في دار الطفولة وكفلوني عاىلة معندهمش اولاد كي كان عمري 16 تعرفت على واحد وحبيتو وحبني نساني قاع ايام المرة لي عشتها عمرو 32 حتى فات عام على علاقتنا كان يقلي نتزوجو نستناك تكبري شوي حتى وحد نهار مات باباه وبعدها بشهر مرضت يماه بجلطة ومتقدرش تمشي تحتمت عليه يزوج ويجيب عروسة تعاون يماه قالها راح نخطب فلانة قاتلو كون نموت متدخلش داري وحدة يتيمة معندهاش نسب عيا دخل حتى خوالو وعمامو فلحكاية وقاتلو نموت ومتدخلش كنة عندي جا عندي وحد نهار وين نقرا قالي صاي راح نتزوج بنت خالتي تقوم يما منقدرش نخليها مكاش لي يقومها ونتي منسمحش فيك
انا تحطمت يا لبنات رحت وخليتو واقف بكيت بكيت حتى حكمتني الرجفة 20 يوم دار كلش ووجد شهر تماما جا نهار عرسو مهدرش معايا بيريود هاذيك كل حتى نهار العرس رحت نقرا فات عليا كورتاج تاعو ونا فطريق لليسي هو يسكن حذاها هاذيك اللحظة لي فات عليا مع عروستو كانت رصاصة
فات عليا في كرتاج انا شفتو حكمتني الرجفة روحت لدار نبكي راجل لي رباني كي شافني نبكي زاد هو ضربني قالي كاش مدارولك في ليسي هو اصلا جاي واعر ونا نبكي مقدرتش نجاوبو دخلت شمبرتي رقدت هاذيك الليلة تقول ميت صونا تيليفوني على 12 لقيتو حمزة حبيبي ريبونديت قالي اني منسمحش فيك قعدت نبكي وهو يسمع قالي والله كون مجاتشيما نحارب دنيا على جالك بصح يما يما مقدرتش قالي ارقدي وبركاي متبكي بنتي نتي بنتي انا وكوبا تيليفون انا هاذيك الليلة تفكرت كلش كفاه تيتمت كفاه طيشوني والديا كفاه كبرت عند واحد يضرب فيا صباح قصيت شعري قلعت حيجاب لبست سروال وخرجت لليسي زاد بابا كي شافني هك صباح عطاني طريحة قالي والله متخرجي هك قتلو مخصكش فيااااا ونخرج كما نحب وتزيد تمسني نقتل روحي ونبليك بيا خرجت لليسي باينة قاع الحومة قعدو يشوفو تشوكاو قصيت شعري كي طفل ورحت لليسي شوكيتهم قاع الاساتذة قالولي وين حجابك قلتلهم اذا معجبكمش حال روح قالو ربي يسهل اقعدي تقراي هاذاك نهار كملت قريت خرجت على الربعة ولقيت عند الباب حمزة ... يتبع
الحلقة 2
كان يشوف فيا وهو محمر عينيه عليا جبدني من يدي قالي اركبي ركبني في لوطو وساق وهو مغشش حتى وصلنا لوحد طريق قالي اهبطي هبطت قتلو اووو العريس خرج من الخلوة ضرب لوطو قالي واش دايرة فعمرك قتلو حاجة متخصكش وديجا مبقاش للباك معادش دور بيا خيرلك نشكي بيك قالي نمحيك انا فهمتي قالي نتي بنتي وكون تخبطي راسك للحيط قالي ودوك تروحي متزيديش تخرجي هاك قتلو خليني نروح شافني نبكي قالي معليش وصلني قريب الدار انا هبطت رحت لدار كي وصلت الدار لقيت المفاجأة بابا يستنى فيا قالي نتي ارجعي منين جيتي ميشرفنيش تربي طفلة هك شفتك راكبة مع واحد ودوك خملي قشك نرجعك للميتم لي جيتي منو انا ببرود قتلو ايه وجدت كلش ورحت معاه رجعت للميتم لي جيت منو وبعد بايام تنقلت لميتم اخر بعيد على ولايتنا وطيشت تيليفون وكلش قررت نحرق قلب حمزة كما دارلي واختفيت بلا خبر
في جيهة اخرى حمزة ستنى ستنى نرجع لليسي ومكاش سقسى صحباتي قالو مكاش وفدار قعد يستنى ايام وايام ومكان والو انا في هاذيك المدة وصلت 18 قانونيا قررت ندخل العسكر .وثم بدات الحكاية
جازو 3 شهور ودفعت ملف وتقبل في العسكر في بليدو وكما كان الحال انا دخلت كما لي جوزو ستاج كامل دخلنا لبليدة هوما قاع كانو خايفين انا دخلت بكل برود صاي كلش مات فيا كان سيستام ندربو شهرين في بليدة ونتميتاو جوزنا شهرين من اصعب الايام من تدريب واشغال وكلش وجا نهار وين ميتاونا للعاصمة وثم ياريت تمنيت اني مدخلتش العسكر كامل دخلنا وجانا شاف كان باين عليه فري واعر قعد يشوف فينا قالنا طحتو عندنا وللعلم نحنا كنا بنات وذري هو قالنا راح نوجهوكم تدربو على السلاح عند ضباط السلاح قعدنا وقتها يومين وبعد خوجونا لساحة قالولنا ضابط السلاح لي راح يدربكم جا خرجنا كامل كنا لابسين كومبات انا شفت واحد جاي ويارض انشقي وابلعيني الضابط كان حمزة وقف قداما وعينو عليا ....
الحلقة 3
لي متعرفوهش انو حمزة ضابط في الجيش
المهم وقف قدامنا وعينو عليا قالنا هك بالحرف
اهلا اهلا بلقوارض الصغيرة قعد يدور علينا واحد واحد حتى وصل وقف قدامي قال عندي تتمنو المو.وت ومتلقوهش انصراف انا رحت من قدامو ونا نرجف واش هاذ القدر لي زاد جمعني بيه بصح هاذ المرة مبكيتش مخفتش انا حاجة تكسرت فيا قررت منضعفش قدامو نخليه يندم كنا نخرجو ندربو صباح ونرجعو ناكلو وبعدها ندربو عشية حتى جا الشاف قسمنا كل 5 يدربهم ضابط على السلاح ونا كنا في مجموعة لي راح يدربهم حمزة وقفنا فساحة قالي قدام الناس كامل ارواحي رجت وقفت قدامو قالي ستنيني فلبيرو رحت للبيرو وقلبي يخبط ونا نخمم واش راح يديرلي شوي هك ونسمع صوت الباب ضرب ورايا جا عندي حكمني من يدي رجعها ورى ضهري .....
حكملي يدي ورا ضهري قالي مرحبا بيك عندي قالي قد ما تهربي تجيبك الدنيا عندي
شفت فيه قتلو نعم سيدي سيبلي يدي ودزني طحت قالي والله نخليك تندمي على قرارك كي دخلتي العسكر انا وقفت بانضباط كما تعلمت قتلو انا في الخدمة حضرات قعد فلكرسي جبد قارو حط رجل فوق رجل وقالي واشرلي على الباب يعني اخرجي انا خرجت وسكرت الباب وسمعت صوت تكسير من المكتب كسر كلش
انا رجعت لشمبرتي شفت يدي طبعت يديه بقات في يدي طاحت مني دمعة بصح مسحتها مش وقت الضعف هاذيك الليلة كانت عندنا تدريب على التسديد ليلا خرجنا وكان الجو بارد وراح تصب شتا وقفنا هو قعد يتفرج فينا ومطر بدا يصب علينا انا قعدت نرجف من البرد وهو كان يشوف فينا ويتكيف ..
بقينا نرجفو تحت المطر وهو يشوف حتى قالنا اليوم راح تدربو على الرمي ليلا قالنا شفتو هاذيك الاهداف البعيدة كانت عبارة على قارورات زجاج كان لازم نصاوبوها وتتكسر وقدام كل واحد كان خمس قارورات فاتت علينا زوج ساعات ونحنا نحاولو نكسروهم لي معايا تقريبا كملو ونا محبوش يتكسرو حرت علاه حمزة كان يشوف ويضحك لي معايا كملوهم وقالهم حمزة روحو ادخلو بقيت انا وللعلم حمزة دارلي فخ حط قدامي زجاج ميتكسرش بسهولة عكس لي حطوه لخرين بقيت نحاول فاتو عليا 2 ساعات اخرين بقيت نسعل من البرد ونرجف وقف ورايا حمزة قرب من وذني قالي بسرعة منباتش نستنى فيك .درت عندو شفت فيه كان بااارد تجرحت يدي من زناد السلاح شاف فيها حكمني منها ....
الحلقة 4
حكمني من يدي قالي مقدرتيش تكسري ولا وحدة صوت عليا قالي رتبي مخزن السلاح هيا ترتيب المخزن كان عقوبة لي مينجحش
دخلت لقيتو مخلط ويدي مجروحة ونا نرجف مبلولة قررت منضعفش قدامو ابدا بديت نرتب فيه لي كان حارس ثم راح وقبل ميروح قالي معندكمش الزهر طحتو في قروب الضابط حمزة هو فري واعر وضحك وراح انا بقيت نخمل حتى وصلت 1 يدي وجعتني من الجرح ونسعل من البرد قعدت ثم قلت نرتاح حتى حسيت روحي راح نغفى غفيت وهاذاك الوقت دخل حمزة كان وقف يشوف فيا قرب حذايا بعدلي شعري المبلول على عينيا ونا راقدة مفطنتش لقاني سخونة حكم يدي المجروحة ربطها بمحرمتو وخرج شوي ودخلت جندية قاتلي ارواحي داتني وين يداوو الجروح هزيت يدي لقيت محرمة حسبتلي تاع الجندية داوني وقاتلي روحي ترتاحي روحت لشمبرتي دوشت وتغطيت شفت المحرمة قلت غدوة نرجعها للجندية صباح نضنا على تحضيرات لاستقبال قاىد عسكري كنا نحطو في الاعلام حتى جا عندي واحد من الجنود لي ثم قالي جيتي جديدة قتلو وي قالي سلامتك شبيها يدك قتلو تجرحت قالي انا منير من شلف قتلو انا ريم من سطيف مفقتش بلي كان يراقب فينا من بعيد وعيونو حمرة من الغضب ....
كان يراقب فينا وعيونو حمرة انا بقيت نتعرف على منير لقيتو انسان ضحاك ونا بقيت نحكي معاه ونخدمو في الاعلام انا ولقروب لي معايا كملنا كلش وفات الاستقبال متلاقيتش حمزة نهار كل فليل دارو لقروب تاعنا نار وبقينا نقسرو برا جا منير قعد حذانا قالي قلت نشوف سطايفية واش دير انا ضحكت وحكينا وهو بقا يحكي معايا ومع جماعة و ضحكنا بزاف شوي وسكتو كامل شفت علاه سكتو لقيت حمزة جا كان معه واحد قال الفراخ راهم مقسرين طبع الكرسي قال كل واحد لبلاصتو هدر منير قالو حضرات رانا غير مقسرين هجم عليه حكمو من رقبتو قالو انت تبلع صوتك منسمعوش ومن اليوم جيهة
هاذي مدورش بيها وقال للي معاه اديه حبس 3 ايام وشافني نشوف في منير مخلوعة قال وهو يشوف فيا غاضكم اه غاضكم صاحبكم جديد انا فهمت قصدو شورت لمنير لقطة تاع باي ورحت من قدام حمزة انسحبنا كامل للغرف صباح قالولنا كاين خرجة ميدانية نروحو كل قروب مع ضابط تاعهم للغابة تدريب ميظاني وجدنا كلش وخرجنا انا شفت حمزة غير كي خرجنا كان يضحك توقعت راح تكون اسوء خرجة فحياتي
وصلنا لوحد بلاصة كلها اشجار قالنا المخيم هنا وطبعا الفرق الاخرى كانت قريبة منا لقينا اماكن التدريب واجدة تدربنا على نصب الكمين والقنا . بل حتى طاح الليل ونحنا ندربو تعبنا موت انا سمعت صوت ورا المخيم تاع قط تبعتو ومشافني حتى واحد ....
تبعت صوت القط بلا ميشوفني حتى واحد مشيت مدة قصيرة لقيت قطة ثم توكل في اولادها برية قربت عليها قعدت تكش انا عجبوني كي شفتها ترضع في اولادها بقيت مدة نراقب فيهم حتى فقت جيت راح نرجع للمخيم لقيت دنيا ظلمة معرفتش طريق قلبي ولا يخبط ونا نخاف ظلمة ايا مشيت قريب خمس دقايق سمعت صوت ورايا تكسر اغصان حتى حكمتني حاجة من لور غمضت عينيا فتحتهم على هاذيك الرائحة الرجولية لي عشقتها كان حمزة دزني لشجرة وحصرني بيدو لشجرة نوض ضوء ضوات الدنيا توالنا قرب مني قعد يشم في شعري انا دورت وجهي حتى طاحت عيني على خاتم زواجو هنا فطنت دزيتو من صدرو هو بعد قالي واش قلنا على الابتعاد من المخيم محذرتكمش قتلو انا راجعة سيدي ضحك وقعد حذا الشجرة قالي ارجعي انا شفت هك وهك معرفتش طريق هو طفا ضو ضلامت سمعت صوت ذئب كان حذانا وصوت اغصان كان قريب لين رجعت لحمزة خفت جمزة قالي اششت كاين ذيوبة فلمنطقة جبدني عندو خرج حذانا ذيب ابيض حمزة ضرب برصاصة حذاه هو خاف هرب ونا مفقتش بروحي كفاه دخلت بين ذاعيه كي ضرب بارود ذيب هرب جيت نبعد حكمني قالي وين هبط لرقبتي حسيت بانفاسو الرجولية زير على يديا بيديه قالي في وذني علاه درتي هك نتي بنتي انا سكت حسيتو يشم في شعري قالي هاذي ريحة طفلة صغيرة ماشي جندية قتلو انا عينيا كانت على خاتمو حسيتو الوقت المناسب باه ننتقم قتلو علاه حبستي منير سيبو هنا ضغط على يديا راح يكسرهم دورني عندو جبدني من شعري باسني على شفايفي بقوة حتى جرحهم بقيت نرجف اول مرة يمسني
الحلقة 5
رجعنا للمخيم انا دخلت طول خيمة تاعي قعدت نبكي هو راح للخيمة تاعو قلع رونجاس رقد فبلاصتو حط يديه تحت راصو وهو يضحك وانا رقدت حطيت يديا على شفايفي سرق قبلتي الاولى حطيت لسقة على الجرح في شفايفي ورقدت فطنا صباح تجمعنا قدام المخيم كان حمزة قاعد رجل فوق رجل وقفنا كامل نستنو واش راح يقول قالنا كاين مساعدة هنا راح تساعدكم في المخيم جات عسكرية طويلة كانت على قدر من الجمال وقفت حذا حمزة وقال انا راح ندربكم على زرع القنابل منعرف علاه انا محبيتهاش كانت تضحك مع حمزة بطريقة مستفزة ونحنا فوتنا نصف نهار ندربو جا وقت الاكل رحنا باه ناكلو فات عليا حمزة قالي بردي ماكلة شفايفك يتحرقو راهم مجروحين وضحك برجولية راح وخلاني نغلي من الغضب تغدينا وخرجنا شفتو ياكل مع هاذيك المساعدة ونحنا رحنا نكملو تدريب في هاذاك الوقت حمزة كان يحكي للمساعدة في قصتو معايا هي صديقتو قاتلو هههه كفاه طيحاتك طفلة صغيرة يا نمر قعد يضحك قالتو ومرتك قالها كان زواج صوري برك على جال يما انا اصلا راح نطلقها منقدرش نعيش بلا قطة هاذي قاتلو واش ناوي قالها نرجعها لقفص هي بنتي انا وحدي عشية رجعنا للكازيرنة وكل واحد راح لغرفتو دوشنا وقعدنا نرتاحو عند 8 تاع ليل وقفت في شباك شفت العسكر راكبين في الكاميو تاعهم خارجين كان وكان. حاجة صرات برا كان حمزة وزوز ضباط معاهم قالو راحو وفصباح كي سقسيت قالو كاين كمين ارهاب.بي وهوما خرجو عندو قلبي منعرف علاه قبضني على حمزة ....
فوتنا نهار عادي بغياب الضباط مكاش كاين تدريبات بزاف انا بقيت نخمم في خرجتهم المستعجلة في ليل كنت قاعدة على سطح نشوف حتى شفت الكاميو تاع العسكر روحو وكان معاهم اسعاف قلبي قعد يخبط الاسعاف حبست في الاستعجالات تاع الكازيرنة انا عبط من سطح قعدت نشوف من بعيد حتى هبطو حمزة من الاسعاف قلبي طاح كي شفتو هكاك كان متصاوب على رجلو
انا مقدرتش نقرب لانو ممنوع بقيت نستنى اربع ساعات حتى راحو ناس كل كل واحد لبلاصتو وقفت قدام الاستعجالات قالي جندي واش ديري هنا كذبت قتلو انا مريضة نحتاج طبيب فوتني دخلت مرحتش لطبيب قعدت نحوس في الغرف حتى شفت حمزة راقد في غرفة كانو مضمدين رجلة انا تنفست براحة كي شفت الاصابة في رجلو برك دخلت هو كان راقد شعرو طايح انا نسيت كلش وقربت بعدت شعرو كان عندو سخانة قبض هو يدي منعرف كيفاه فاق قالي ههه جيتي تستشفي هزيت يدي لخرا مسحت قطرات عرق من جبينو قتلو غلبوك وضربوك غمض عينيه وسكت انا قربت كرسي وقعدت عليه قتلو يا خسارة مرتك باه تزعف بزاااف ضحك وهو مغمض عينيه بليت منديل تاعي وحطيتو على راسو هو كان تعبان قالي احكي متسكتيش علاه رحتي حوست عليك بزاف
قتلو رحت للمزبلة لي جيت منها وانتهى بيا المطاف هنا عسكرية تحت أمرك قالي مكيش مطولة هنا قتلو متقدر دير والو قالي نقدر نسرق منك اكثر من قبلتك الاولى. هاذيك وضحك انا هنا طلعلي الغاز نضت بشوي من الكرسي قربت عليه هبط بستو على شفايفو بخفة وهبط لوذنو قتلو شكون قالك هاذي قبلتي الاولى بلاك متعودة ...
قتلو شكون قالك هاذي قبلتي الاولى بلاك متعودة. حمارو عينيه انا خرجت نجري قبل مينوض هو قعد يضحك من فبلاصتو قال اوي متعودة لهاذا بقيتي ترجفي من مجرد بوسة هههه انا رجعت لشمبرتي رقدت نخمم فيه غدوة مين ذاك لانو الضابط المسؤول علينا حمزة مريض اعطونا بيرميسيو نروحو لديار وكذا حمزة عطاوع بيرميسيو يرتاح من جرحو مهم عشية كل واحد قلع لدارو انا بقيت قاعدة في شمبرتي معرفرفتش كفاه روح المتدربين بعثولهم اهاليهم حق طرونسبور انا معنديش نضت لميت قشي في ساكودو حتى دخلت هاذيك المساعدة تاع حمزة عطاتني ظرف قاتلي حق طرونسبور قلتلها وعلاه تمديلي قاتلي شفت في دوسي تاعك انك من الميتم وهاذا اجراء اعتيادي انا صدقتها وحكمتهم وخرجت من كازيرنة المساعدة راحت لحمزة وقاتلو صاي عطيتها دراهم لي مديتهملي هو كان واقف عند شباك يراقب فيا ونا خارجة قالها وجديلي قشي نروح قاتلو اوك انا حكمت طرونسبور ورجعت للميتم في سطيف رجعوني للميتم لقديم وين ساكنة انا وحمزة وصلت فليل دخلت دول رقدت وحمزة زادة روح لدارو وين مرتو وامو امو شافاتو دخل هكاك تخلعت عليه ومرتوو عاوناتو دخل حكالهم واش صرا وقالهم عندي هدرة معاكم قال لمرتو انا منقدرش نكمل هك معاك وروحت باه نفريها نتي مطلقة مرتو قعدت تبكي هي اصلا ناس ملاح كانت ضحية قرار امو جا باباها داها وحمزة قال ليماه صاي يكفي ما درتي فينا يماه خافت يروح يخليها قاتلو صاي دير واش تحب ....
الحلقة 6 والأخيرة
امو خافت يخليها قاتلو صاي دير واش تحب قالها صاي اصلا ندمت لي مدرتش واش نحب دخل شمبرتو رقد
وانا في جيهة اخرا روحت دوشت رقدت توحشت الراحة معرفتش لي هاذيك اخر ليلة في الميتم غدوة مين ذاك عيطلي المدير تاع الدار قالي بما انك انتسبتي للجيش الدولة تعطيك حق سكن خاص معادش يقبلك الميتم وحطلي مفاتيح قالي هاذي مفاتيح شقتك في العنوان الفلاني انا حرت في كلامو ولكن خممت انها قوانين الميتم ( ولكن الدار تاع حمزة هو قالهم هك ولانو اطار فدولة فرض كلمتو عليهم ) انا هزيت قشي ورحت مع المدير وصلني لدار لقيتها شابة وفيها جاردا تماما كما كنت نحلم انا شفت قطة في الجاردا المدير راح ونا بقيت نتجول فدار كانت كاملة بكلش تاعها جيت نخرج من جاردا اصطدمت في رجل هزيت راسي نلقاه حمزة كان متركز على عكاز طبي قتلو واش دير هنا قالي سمعت بدارك جيت نباركلك هههه انا قتلو بعدني شكون قالك ومتزيدش تجي جيت راح ندخل قالي ارتاحي الى الملتقى وراح
انا سكرت باب وجازت ايام عادية سبعة ايام نورمالمو الثامن نرجع وجدت قشي وكلش جيت خارجة لقيت حمزة دخل من الباب وكان معاه اوراق حطهملي فوق الطابلة هزيتهم قريتهم لقيتهم اوراق طرد من العسكر شفت فيه صحك قالي تمت اقاتلك من التدريب بسبب ضرفك الصحية السيئة قتلو كذاب انا لباس عليا قالي بصح كي نقول انا مريضة يعني مريضة وضحك طيشت ساكودو دزيتو قتلو انت شبيك مخصكش فيا علاه دير هك حكملي يديا طلعهم مع الحيط وقالي .....
حكملي يديا طلعهم مع الحيط قرب مني قالي صاي خليتك لعبتي بزاف قتلو احكم فيا مراك بعدني قالي طلقت انا هزيت راسي وشفت معاه قلبي خبط قالي صاي خلاص كلش انا ضحكت وقتلو باستفزاز ونا واش ندير براجل مطلق قرب مني وقالي ديرلو واش درتيلو وهو مريض ( قصد البوسة ) انا حمار وجهي قتلو بعدني هو سيبني شوي وطبطب بابا انا استغربت شكون هاذا فتحت كانت وحدة صحبتي من الميتم قاتلي اجري راح يبلعو ميتم تاعنا وهي تبكي قلتلها شبيك قاتلي صابو مخدرات عند المدير وجوندارم راح يخرجو ناس كل ويبلعوه قلتلها بصح وين يروحو ذري قاتلي منعرف قلتلها روحي دوك نجي مام انا هي راحت انا رجعت لبست باسكات سمعت صوت حمزة يضحك قال ابابابا راح يطيشو خاوتك برا انا فهمتها طيشت عليه كاس كان فوق طابلة قتلو انت سبب باين انت ورا لحكاية جا قرب عليا قالي واه المدير تاعكم ولميتهم يروحو في خبر كان انا قعدت نبكي قتلو علااه مكاش وين يروحو قالي اذا نفذتي شروط نعاونهم وكلش يرجع طبيعي قتلو واش شروطك ....
قتلو واش شروطك قالي نتزوجو غدوا بعقد شرعي وبعد ايام نعقدو مدني قتلو كون تموت منتزوجش معاك قالي اوك مالا عندي خدمة فلميتم بسلامة وصل الباب قتلو اصبر ضحك ورجع قتلو قابلة بشرط منعقدش حتى يرجع ميتم طبيعي قالي اوك وكما كان الحال عيط لمعاريفو في جوندارم ورجع كلش كما كان روح لدارو وهو خبر صحباتي في الميتم جاو غدوة مين ذاك كانو صحباتي معايا ونساء لي خدمو في الميتم جات يمات حمزة وجابت خاتم وقاع صوالح وحمزة جاب جماعة وكما كان الحال دار عقد شرعي ورجعت مرتو على سنة الله ورسوله عشية روحو ناس تاع الميتم ويمات حمزة قاتلي سمحيلي بنتي ضلمتك انا منكذبش عليكم مسمحتلهاش ابدا بصح قلتلها معليش حمزة كان واقف معانا قال ليماه يما دوك يوصلك مهدي ولد عمو وانا دوك نجي كي راحو ناس كامل وقفت عند الباب قتلو وانت واش تستنى علاه متروحش قلع جاكاتو وقالي قاعد عند مرتي تساليني قتلو منيش مرتك حتى تعقد عند الدولة قالي شوفي شمبرة رحت لشمبرة لقيتها مزينة كامل ورد وشموع وووو صوالح متزوجين درت عندو لقيتو ورايا قتلو تحلم قبل منكمل هدرة هجم عليا باسني من شواربي بقوة بعد قالي اشششت دوك نتي مرتي ....
جاز اسبوع على عقدنا الشرعي حمزة اختفى تماما معادش قال راح يوجد للعرس نكذب عليكم اكي نقول فرحت ولا حزنت انا مفهمتش كلش كان مع بعض انا تجرحت بزاااف وكان خصني بزاف الوقت باه ننسى قررت نعطي فرصة لروحي بلاك نفرح هاذ المرة وجدنا كلش. جا نهار العرس انا رحت لكوافار ولعرس دارو في لاصال لبست الابيض معاه كما تمنيت مع اني عرس كلش مشنفة عليه هههه بصح دارلي كلش من احسنو فات نهار يهبل روحنا فليل لدارنا كانت مزينة كامل دخلنا هو عاوني ندخل قتلو نروح نبدل مشفتش فيه حكمني من يدي قالي اصبري نهدرو قالي علبالي مكيش فرحانة كما تمنيتي قال كلش راح يتصلح شوي شوي الجروح طول باه تبرا ولكن في النهاية تبرا انتي الصغيرة لي حبيتها وحبي منقصش ليك ولا نهار من عرفتك انا بكيت عنقتو قالي روحي بدلي دخلت بدلت خرجت لقيتو لابس سيرفات وصدرو عريان قتلو هلبس شبيك مهدرش معايا قرب مني طول دزني لسرير قالي اشششت ليلة منسمعش كلمة صبرت بزاف سمعت غير شوميز تاعي تتقطع كانت رجولية رجل وانوثة طفلة كانت ليلة ولا في الاحلام
تعرفي واش معناها تخلاص عليك في حضن حبيبك في الحلال هاذا اجمل شعور تحس بيه الانثى القصة هاذي جزء كبير منها مستوحى من حكاية فتاة عرفتها انا زدت فيه شوي لكن مستوحى من قصة ( نور و حمزة ) الله يرحمك يا نور
ربي يجمعكم مع حبكم ههههه دوك هاتو بوسة ماشي جام هههه النهاية 🔚