قصة_بعنوان_فطيمة

 

#قصة_بعنوان_فطيمة

#الجزء 1

سلام عليكم 

انا اسمي فاطيمة وعمري 27سنة.   متزوجة وام لثلاثة اولاد حكايتي بدات من كان عمري 11سنة بدات معاناتي وبدات حياتي تدمر وسببها هي اختي لكبيرة حنا كنا في دار 4اولاد وثلاثة بنات صغيرة كانت صغيرة بزاف غير كيما زادت وانا لوسطانية مهم وحد النهار كنت نلعب وكنت لابسة سروال وتريكو وكانت لطاي تاعي شابة حتا عيطتلي ماما انا غير دخلت ليها وهي بدات تضرب فيا وتقولي ياق.....من صغرك ديري كيما هاك بخصاي بخاوتك وبينا وبدات تدعي عليا وانا مفهمت وااالووو نقولها ماما شبيك ياك مدرت والو ياك مداوستش مع بنات جيران وهي تضرب فيا مهيش كامل تسمع فيا وحرشت عليا خاوتي باش يعسوني وحبست لخرجة وبديت ندير شغل في دار وختي نهار كامل وهي راقدة وخويا كبير قالي ديري حيجاب يعني خيمار قبلت قلتلو معليش في هذاك لعام كنت عقبت سانكيام وطلعت لسيام قلتلو مع دخلة تاع ليكول نديرو قبل مقالي والو قعدنا وقت وانا في جحيم حتا جا عرس وليد خالتي

رحنا قبل لعرس بنهار كنا مقصرين بنات صغار وكبار حتا جاتني بنت خالتي قالتلي تحوسي تعرفي هذاك نهار ماما علاش ضرباتك قلتلها يااارييت قالتلي ارواحي نحكيلك لخاطر هي كانت عندنا هذاك نهار مهم قالتلي بلي ختك كان تطل من تاقة حتا شافت واحد سيد شاف فيك وكنا طريقو مبقاش يشوف قالتلي انا كنت معاها وبعد راحت لماما وقالتلها بلي سيد يحوس عليك وانتي ثاني وبلي راكم مع بعض وهوما راو كبير عليك وباين ناوي فيك شر وبعد ماماك عيطتلك وضرباتك انا ثما محملتش رحت عيطت لختي وقلتلها مش حرام عليك ديري فيا هاك وانا صغيرة علاش كذبتي عليا ودرتيلي هاد شي علاش هي مهدرت والو راحت ديراكت لماما وحرشتها جات ماما ليا وقدام لبنات كامل ضربتني بزوج كفوف وشدتني من شعري وقالتلي زيدي تعاودي تهدري مع ختك حسابك معايا وفي دار نزيدو نتفاهمو انا قعدت غير نبكي صماط عليا لعرس……… #يتبع 

#جام لمنشور باش يطلع منشور

#فطيمة_

#جـــــــــــــ2

كمل هذاك لعرس ورجعنا لدارنا وماما تشنف عليا وتسب فيا فاتو ايامات حتا ختي تخطبت وغير تخطبت تزوجت دارو كلش مع بعض انا قلت مزيا تهنيت منها دارت عرس هبااااال زهجتلها ماما قش يهبل وشراتلها ذهب ودارت تصديرة و...الخ مع انو كان شرطها غير6ملاين مش لي يديرها هذا شي كامل فات لعرس ورجعنا لدار وانا كنت حاسبة بلي هنا خلاص كملت معاناتي وبلعكس هنا زادت معاناتي

جا وقت لقراية وبدينا نسجلو وانا فرحانة بلي راح نروح لسيام وتجي ختي تعمر عليا ماما ولات ماما تعس فيا على دخلة ولخرجة شربتني لمرار وخاوتي ثاني كامل تقلبو عليا ولا خويا يعس فيا كي نروح نقرا وكي نخرج ويضرب فيا هوا وماما دارو فيا لباطل غير بابا لي كان معايا يحن عليا وهوا ثاني كان معندوش كلمة ولا شور شووور كامل كان لماما هي لآمر وناهي في دار وكان ام ماما ثان عايشة معانا هي. ثاني كانت معاهم ربي يسمحلهم وصايمهم فات عليا عام على نفس لحالة حتا وحد النهار خرجو كامل صحاباتي مع بعض وانا كنت عارفة لوكان نقول لماما متخلينيش ايا رحت معاهم ومقلتلهاش وكي رجعت لدار كانو فاقولي لخاطر وحدة من صحاباتي جاتني وقالتلهم بلي منقراوش انا دخلت وبداو يفتشو فيا كانت ختي عندنا فتشوني كاااامل وختي تقلها ريقليها هذي لق....مش رايحة تترباا ضربتني ماما شبعتني كنت سعات نحس روحي منيش بنتهم كفاه كانو يعاملو فيا معاملة تاع كلاب حشاكم لحاجة لي مش مليحة ليا الخدمة لكبيرة انا نخدمها سعات نكون صايمة تنوضني ماما صباحات ربي وتقولي ديري ميناج واغسلي لفراش وانا نقعد غير نبكيلها ونقلها منيش قادرة وهي تقولي معلاباليش بيك مكانتش ترحمني يتبع في الرد 👇👇👇…

 #اتفاعلو مع الاجزاء 🦋🦋

#فطيمة 

#الجزء الثالث

انا ضعفت في قرايتي وليت منقراش مليح وليت نقول هذي راهي تشوف فيا ق... وانا خاطيني علاش منوليش كيما راهي توصف فيا ياك انا في نضرها ق... ونبقى ق... مالا انا ثاني ندير رايي

كان عمري في هذاك لوقت14سنة وليت من طفل لطفل نضال نحكي في تلفون مع ذكورة يعني ضعت كنت نقراا 3متوسط كانت لطاي تاعي شابة وانا كنت لباس بيا مقبولة نلبس لمزير جحدة على دارنا ونخرح مع ذكورة بصح حمدلله واحد مخليتو يتوشيني مهم فات عليا عام على نفس لحالة برا دايرة رايي وفي دار ضرب سب شتم خدمة تقول خدامة تقول ماشي بنتهم

جا وقت لي نعقب فيه لبيام عقبت لبيام تاعي ومجبتهاش هوما فرحولي لخاطر كانو راح يحبسوني من قرايتي انا بكيت بكيت حتا شبعت غاضتني قلت واش ربحت كي خرجت على طريق ومقريتش قرايتي وبعد كي جا بابا قلتلو نعاود معليش هوما سمعوني. وكلاوني بلعياط غير لقراية لي مكانش حاولت معاهم حاولت بصح والو مكان حتا فايدة قعدت في دار وزاد عذابي كلش بلعسة يعسوني على كلللش سجلني بابا مراسلة وقالهم نديرلها تكوين قالولو هي من قبل ق...وزيدها تكوين مكان لا تكوين لاوالو راهي في دار تتلاوح كي كلبة فات عليا وقت وانا في جحيم حتا جا وقت نعقب مراسلة مخلاونيش كنت رايحة حبسوني دمروني قعدت نحاول فيهم محبوش وبعد وليت نخمم نتزوج باش نتهنى من هذا لعذاب لي راني فيه جا خطبني سلف بنت خالتي يعني خو راجلها انا كان يعجبني صراحة قبلت بلاما نخمم وهوما كي شافوني فرحانة وقبلت ديراكت جات ختي قالت لماما باينة كانت معاه هذي وقفتلي فيها وقالو بلي مهوش مليح وبلي سوكارجي و......مقبلوش بيه وانا كنت نبكي قتلهم علاش ديما توقفولي في سعادتي علاش متخلونيش نفرح مرة وحدة برك بقاو في قرارهم وبعد راهو لبنت خالتي وخدوخرا قالولها جيبيلها هذاك وليد طفلتك لي هوا وليد خت راجلها جابتولي بنت خالتي وانا قلت معليش مهم نتهنى منهم قبلت باش نشوفو كي شفتو لقيتو مهوش كاااامل لي تمنيتو …… #يتبع 

#اتفاعلووو

#فطيمة_

#الجزء الرابع

قلتلهم غير هذا لي مانقبلش بيه وهوما قالولي غير هذا لي يكون راجلك بكيت عيطت وهربت من دارنا لدار جدي لحقوني تما وداوني غير داوني قتلوووني بضرب حتا طحت تغاشيت وداوني لسبيطار ورجعوني كي كلبة حشاكم لا مشية لا هدرة جات ختي من دارها وخالاتي جاو كانت ماما راح تقلهم صايي نفسخو كلش قالتلها ختي غير هذي لي مكانش منها خليها تريح وتسعقل وعمرتلها رأسها عليا وبعد سمانة كنت ريحت شويا وانا في بالي صايي وبعد جاتني ماما قالتلي بلي راهم جايين أهل راجل أنا قلتلها مستحيل ونبكي ونعيط وهي تضرب فيا وعيطت لختي باش تجي وقالت لخويا خويا ضربني وختي جات تعاير فيا وتعيط أنا قلت هذو لوكان منقبلش يدمروني قبلت بسيف عليا عفست على قلبي وجاو اهلو وامو وباباه كانو اصلا مهمش قابلين بيا كفاش كانت تشوف فيا ماماه تقول رايحة تاكلني لبست غوب نوار ميني وشعري كان طويييل طلقتو ومكييت خرجت شابة وجا هوا تان عاودت شفتو هوا غير شافني تخلع لخاطر مرة لي فاتت شافني بلحيجاب وانا قعدت نشوف فيه ونقول في قلبي والله غير ميستاهلني هذا ميستاهلش نمدلو روحي أنا نستاهل واحد خير منو لخاطر هوا كان قدو قد روحو زوالي وكان عادي في شكلو ولبستو تان كان عااااادي بسيط مهم تفاهمو رجال على كلشي ونساوين تفاهمو وبعد مدة جاو تفاهمو على شرط وشرطو فيا 15مليون وخاتم ومصروف وانا كنت نبكي ليل مع نهار غاضتني عمري شحال كنت رخيسة ومنسواش عند اهلي حتا رماوني ومسقساوش منبا عليه وعلى ماليه

فاتو يامات وبعثلي مع بنت خالتي قالي بلي حاب يحكي معايا في تلفون وانا كان معنديش تلفون قبل كنت نحكي من عند صحاباتي وبنات خالاتي ماما كانت تقلي نتي بلا تلفون ق....مالا كون ديريه وش تولي مهم نرجعو وين رانا قلتلها مديلو نيميرو ماما مداتولو بقيت نحكي معاه وبعد قلتلو ديرلي تلفون دارلي تلفون وكان طول يعيطلي وانا غير نشوف ابال تاعو تقول خبطني جان عقليتو مطاحتش على عقليتي هوا كان متخلف يااااااسر مع انو مكمل قرايتو بصح عقلية وااالو لخاطر هوا كان وباباه وماماه وخوه هذي عائلتهم وكان باباه وماماه كبار في سن على هذي كانت عقليتو دايرة كيما هكاك مهم فاتو ايامات وانا غير يعيطلي نحكي معاه كلمة زوج ونحط تلفون ونبدا نبكي ونخليه يحكي وحدو حتا يكوبي فاقولي كامل عماتي وبنات عمي وبنات خلاتي راحو لماما حكاولها قالولها حرام عليك رايحة دمري طفلة هي تقبل في هذيك لحظة غير تجي ختي وتبدلها رأيها وبعد بديت نجهز وبداو هوما يجهزولي شريت قش يحشم ميصلحش كامل وشريت مضرب ثاني عااادي ومدرت لاتصديرة لا والو ماما كلاتلي دراهمي وبعد قالتلي كلاهملك باباك كامل ضحكو على جهازي وضحكو على عرسي لغوب بلونش وكريتها تحشم لخاطر محبتش تمدلي دراهم كريت وحدة مسخة ومقطعة قيس دراهمي عكس واش دارت لختي. حتا كاميرا مدارتليش تخيلوا فطوات عرسي معنديش كي كنت خارجة من دارنا كنت فرحانة لي راح نتهنى منهم من ظلمهم ونبكي في نفس لوقت لي رايحة لراجل معندي ولا ذرة حب اتجاهو حتا لقيت بابا واقف عند باب تاع لخرجة باش يخرجني ودموع في عينين وتكلاطيت بلبكاا وعنقتو قلتلو يا بابا دمروني وهوا يقلي اسمحيلي يابنتي وجدي كان يبكي معانا هوا عم بابا ومربيه وحنا تقولولو جدي طلعت في طونوبيل وبقيت نشوف معاهم دموع في عينيهم وواقفين عند باب دارنا أنا تماا مقدرتش وصلنا لدار لي فيها لعرس وعينيا منفخيين لقيت لغاشي ولغنا وزهو وانا في عالم آخر …… #يتبع

#فطيمة_تحكي 

#جــــــــــــزء الخامس

فات لعرس وجا ليل وانا كنت خاااايفة حتا دخل وداني معاه كانت ليلة كحلة بنسبة ليا غدوا من ذاك صبحت مشنفة وروحي منيش قابلتها كي يحكي معايا نردلو بتشناف وبعد رحنا وين كان لعرس كانت صباحية تاعي رحت لقيت دارنا تماك قدامي حاولت باش منبين بلي منيش مليحة وكنت بسيف نضحك وكانت ختي غير تشوف فيا كانت متوقعة لعكس وتعوج في عينيها عليا ومهوش عاجبها لحال هي كانت تحب تشوفني ديما نبكي متحبش تشوفني فرحانة وبعد كملت صبحية وراحو دارنا وانا رجعت لداري غير رجت جاتني حالة مقدرتش بديت نبكي وبعد جا رايح يقربلي مخليتوش ونبكي ونعيط وبعد جا دا حقو مني بسيف وخلاني مرمية ونرجف وراح جابلي بنت خالتي لي هي مرت خالو قالها روحي استري بنت خالتك واديها عليا منشوفهاش وانا نطير لربي لي خلقني وبعد جات بنت خالتي ليا قالتلي هبلتي نتي ولا.. قالتلي انتي قبل من كنتي عزباء وكانو دايرين فيك لعمايل كفاه حابتهم يرحموك ظرك وزيد لبارح تزوجتي واش رايحين يقولو عليك ناس رايحة دمري حياتك بيديك أنا ديت بنصيحتها وقتلها صايي خلاص روحي انتي وانا نضت دخلت دوش دوشت

ولبست ومكييت وجبدت شعري وهوا كان منايفني مهوش يهدر معايا وبديت نفرش في قشي لي جبتو معايا وفتحت فاليزاتي باش ندير قشي في لخزانة وكنت نبكي حسيت في هذيك دقيقة خلاص ضحاو بيا اهلي وين رماوني وقعدت نشوف أنا وين هذي دار ليمن كنت في دواااامة يعلم بيها غير ربي لي خلقني فاتت سيمانة على هذي لحالة وبعد جا وقت سبوعي رحت وجدت روحي ورحت لدارنا أنا وراجلي وعجوزتي وشيخي غير دخلت لشارع لي نسكنو فيه تفكرت كفاش كنت نلعب برا حتا دخلتني ماما وقتلتني كفاه جوزت طفولتي ونبكي بشهقة وكي دخلت لدارنا تفكرت كفاه كانت معاناتي في كل كوانة كانت عندي ذكرى توجعني بكيت بكيت حتا شبعت كنت مابين نارين لاني حاملة هذاك راجل ولاني قادرة نرجع لظلم لي عشتو عند ماليا حتا شفت بابا جاي ليا وفاتح يديه ليا رحت نجري عنقتو ونبكي وهوا ثاني بكا مسحت دموعي محبيتش نزيد عليه لقيت كامل خالاتي وبناتهم عيطت لصحبتي جاتني دخلنا لشنبرة تاعي قبل وسكرنا باب وبديت نحكيلها ونبكي وهي تبكي معايا وتصبر فيا حتا لعشيا قالتلي ماما تباتي هنا باش نوجدولك كشما تدي معاك وانا قلتلها والو راجلي ميقبلش وكنت غير نكذب هوا قالي غير باتي بدات تعيط عليا قتلها. والو غير لمبات لي منباتش خلاص اصلا تغميت تفكرت كامل ذكرياتي وطفولتي سيئة

جا ليل تعشينا ورجعنا منلي رجعت وانا نبكي حتا راجلي كره مني ولا ميقعدش في دار بزاف ولا طول برا ولا يتجاهلني كنت طول قاعدة في دار وحدي وعجوزتي وشيخي ميحبونيش كانو يطلعو ليا يديرولي مشاكل كان غير خوه لي حنين عليا في هذيك دار كنت كي نمرض ميخلينيش يسقسي عليا كان راجلي يخدم عساس في ليل كان يجيني خوه يجيبلي سقايط ويقعد معايا يزعق يضحك يحكيلي باش ينحي عليا بديت نحس بحاجة اتجاهوو حسيتو حنين عليا ياااسر كثر من خوه مام هوا حسيت نضراتو تبدلت شويا وبعد أنا جبدت منو باش ميتجاوزش حدودو معايا مع انو جامي غلط في حقي ولا....هوا حس بيا بلي نتجاهل فيه ونبعد عليه مام هوا جبد روحو أنا وليت ندير حجاب قدامو وهوا ولا ميدخلش لدار لي فيها أنا كااامل وبعد بدات حالتي تسوء وعجوزتي كانت مشربتلي لمرار مع شيخها هما من جبهة راجلي من جهة خرجت من عذاب دخلت في عذاب وخداخر حتا وحد النهار تداوست معاه وجات ليا امو تعاير فيا وباباه يضرب فيا وهوا واقف مقال ولا كلمة وبعد غير راحو رحت لفريجيدار خرجت كامل وش كاين دوا وكليتو كامل وبعد بديت ندوخ وليت نوقف نعاود نطيح نضت دخلت في حيط عاودت طحت جا خوه سمع سوت خبطات لقاني مرمية في ارض عيط لخوه وداوني لسبيطار وعيط لماما وبابا ونحولي كامل هذاك دوا من كرشي كي فطنت لقيت بابا ميت بلخوف عليا وماما لونها ميتفسرش في نضرها لوكان متت خير وخو راجلي كان يزعق ويقولي يامهبولة قريب متي سعات نحسك مهبولة تاع صح شبيك ديري في روحك كيما هكاك حاجة ماستاهل تموتي على جالها مهم فاتو خمس شهور وعجوزتي بدات تعايرني لعاقرة لي منضناش وانا بديت نتوسوس وراجلي ثاني قالي وشبيكي مرفدتيش كرش وبعد فاتو شهور وعرف روحي بلحمل اول وحدة خبرتها بحملي عجوزتي بينتلي بلي فرحتلي غير هبطت لشيخها قالتلو منصدقش حتا يولي يتخبط…… #يتبع

#فطيمة_تحكي 

#

#فطيمة_تحكي 

#جــــــــــــزء الخامس

فات لعرس وجا ليل وانا كنت خاااايفة حتا دخل وداني معاه كانت ليلة كحلة بنسبة ليا غدوا من ذاك صبحت مشنفة وروحي منيش قابلتها كي يحكي معايا نردلو بتشناف وبعد رحنا وين كان لعرس كانت صباحية تاعي رحت لقيت دارنا تماك قدامي حاولت باش منبين بلي منيش مليحة وكنت بسيف نضحك وكانت ختي غير تشوف فيا كانت متوقعة لعكس وتعوج في عينيها عليا ومهوش عاجبها لحال هي كانت تحب تشوفني ديما نبكي متحبش تشوفني فرحانة وبعد كملت صبحية وراحو دارنا وانا رجعت لداري غير رجت جاتني حالة مقدرتش بديت نبكي وبعد جا رايح يقربلي مخليتوش ونبكي ونعيط وبعد جا دا حقو مني بسيف وخلاني مرمية ونرجف وراح جابلي بنت خالتي لي هي مرت خالو قالها روحي استري بنت خالتك واديها عليا منشوفهاش وانا نطير لربي لي خلقني وبعد جات بنت خالتي ليا قالتلي هبلتي نتي ولا.. قالتلي انتي قبل من كنتي عزباء وكانو دايرين فيك لعمايل كفاه حابتهم يرحموك ظرك وزيد لبارح تزوجتي واش رايحين يقولو عليك ناس رايحة دمري حياتك بيديك أنا ديت بنصيحتها وقتلها صايي خلاص روحي انتي وانا نضت دخلت دوش دوشت

ولبست ومكييت وجبدت شعري وهوا كان منايفني مهوش يهدر معايا وبديت نفرش في قشي لي جبتو معايا وفتحت فاليزاتي باش ندير قشي في لخزانة وكنت نبكي حسيت في هذيك دقيقة خلاص ضحاو بيا اهلي وين رماوني وقعدت نشوف أنا وين هذي دار ليمن كنت في دواااامة يعلم بيها غير ربي لي خلقني فاتت سيمانة على هذي لحالة وبعد جا وقت سبوعي رحت وجدت روحي ورحت لدارنا أنا وراجلي وعجوزتي وشيخي غير دخلت لشارع لي نسكنو فيه تفكرت كفاش كنت نلعب برا حتا دخلتني ماما وقتلتني كفاه جوزت طفولتي ونبكي بشهقة وكي دخلت لدارنا تفكرت كفاه كانت معاناتي في كل كوانة كانت عندي ذكرى توجعني بكيت بكيت حتا شبعت كنت مابين نارين لاني حاملة هذاك راجل ولاني قادرة نرجع لظلم لي عشتو عند ماليا حتا شفت بابا جاي ليا وفاتح يديه ليا رحت نجري عنقتو ونبكي وهوا ثاني بكا مسحت دموعي محبيتش نزيد عليه لقيت كامل خالاتي وبناتهم عيطت لصحبتي جاتني دخلنا لشنبرة تاعي قبل وسكرنا باب وبديت نحكيلها ونبكي وهي تبكي معايا وتصبر فيا حتا لعشيا قالتلي ماما تباتي هنا باش نوجدولك كشما تدي معاك وانا قلتلها والو راجلي ميقبلش وكنت غير نكذب هوا قالي غير باتي بدات تعيط عليا قتلها. والو غير لمبات لي منباتش خلاص اصلا تغميت تفكرت كامل ذكرياتي وطفولتي سيئة

جا ليل تعشينا ورجعنا منلي رجعت وانا نبكي حتا راجلي كره مني ولا ميقعدش في دار بزاف ولا طول برا ولا يتجاهلني كنت طول قاعدة في دار وحدي وعجوزتي وشيخي ميحبونيش كانو يطلعو ليا يديرولي مشاكل كان غير خوه لي حنين عليا في هذيك دار كنت كي نمرض ميخلينيش يسقسي عليا كان راجلي يخدم عساس في ليل كان يجيني خوه يجيبلي سقايط ويقعد معايا يزعق يضحك يحكيلي باش ينحي عليا بديت نحس بحاجة اتجاهوو حسيتو حنين عليا ياااسر كثر من خوه مام هوا حسيت نضراتو تبدلت شويا وبعد أنا جبدت منو باش ميتجاوزش حدودو معايا مع انو جامي غلط في حقي ولا....هوا حس بيا بلي نتجاهل فيه ونبعد عليه مام هوا جبد روحو أنا وليت ندير حجاب قدامو وهوا ولا ميدخلش لدار لي فيها أنا كااامل وبعد بدات حالتي تسوء وعجوزتي كانت مشربتلي لمرار مع شيخها هما من جبهة راجلي من جهة خرجت من عذاب دخلت في عذاب وخداخر حتا وحد النهار تداوست معاه وجات ليا امو تعاير فيا وباباه يضرب فيا وهوا واقف مقال ولا كلمة وبعد غير راحو رحت لفريجيدار خرجت كامل وش كاين دوا وكليتو كامل وبعد بديت ندوخ وليت نوقف نعاود نطيح نضت دخلت في حيط عاودت طحت جا خوه سمع سوت خبطات لقاني مرمية في ارض عيط لخوه وداوني لسبيطار وعيط لماما وبابا ونحولي كامل هذاك دوا من كرشي كي فطنت لقيت بابا ميت بلخوف عليا وماما لونها ميتفسرش في نضرها لوكان متت خير وخو راجلي كان يزعق ويقولي يامهبولة قريب متي سعات نحسك مهبولة تاع صح شبيك ديري في روحك كيما هكاك حاجة ماستاهل تموتي على جالها مهم فاتو خمس شهور وعجوزتي بدات تعايرني لعاقرة لي منضناش وانا بديت نتوسوس وراجلي ثاني قالي وشبيكي مرفدتيش كرش وبعد فاتو شهور وعرف روحي بلحمل اول وحدة خبرتها بحملي عجوزتي بينتلي بلي فرحتلي غير هبطت لشيخها قالتلو منصدقش حتا يولي يتخبط…… #يتبع

#فطيمة_تحكي 

#الجـــــــــــــزء السادس 

#

وجا راجلي خبرتو فرح طار بالفرحة حسيتو تبدل شويا معايا في هذيك لفترة خو راجلي جبد مني خلاااص ولا غير يشوفني يبدل طريقو أنا كان آخر همي كنت فرحانة قلت ظرك تتبدل حياتي فاتو شهور ورحت شفت واش عندي لقيتها طفلة وراجلي تبدل وجهووو وعجوزتي قالتلي نتي تجيبي غير لبنات يا ام لبنات وهوا كان يقلي على بنتي قبل ما تزيد كلام ماشي مليح وانا كنت غير نبكي متحملتش في هذاك لوقت مكان عندي لا تلفون لا والو حتا شرالي ميكرو كان عندي 8شهور في كرشي ودارلي في انترنت رجعت فيس تاعي لقديم لقيت فيه صحاباتي وامي تاوعي ذكورة شحال فرحت حكيت معاهم كامل رجعت ايامات لقراية لقيتهم كامل يقراو غير أنا متزوجة ولجوف وعايشة عيشة ميزيرية ولهم وبعد قلت ينعلك يا بليس رجعت بلوكيت هذاك لفيس وقلت لصحاباتي نفتح واحد جديد نبعثلكم اكسيبتوني وفتحت واحد جديد ودرت فيه غير بنات فات عليا شهر وزيدت جبت احلا بشري نورتلي حياتي كبرت بشري وولا عندها 6شهور ومازال باباها ميحبهاش هوا يقلي نحبها بصح نحسو بلي ميحبهاش وكانت باينة عليه كانت عجوزتي ديرلي مشاكل غير تسمعها تبكي تقلها لمهبولة قتلت بنت ولدي نايفتهم كامل ولهيت غير بنفسي وببنتي وختي لي قاتلكم بلي هي سباب كلشي طلقها راجلها بثلاثة اولاد رماها ومخممش فيها بعد عشرة عشر سنين ودارها مهبولة ومعوقة ومتسواش كامل كنت نقول دعوتي خرجت فيها وبعد نستغفر ونقول مهما يكون ومهما يصرا تبقى ختي كنت ندعيلها في صلاتي في سجودي دعيتلها كثر من دعيت لروحي

وبدات هدرة ناس تكثر على ختي كي طلقت وبدات حالة بابا تسوء وماما واخوتي كانو واقفين مع ختي حاولنا نرجعوها ونراضو بيناتهم ولاكن للاسف كان خلاص اتخذ قرارو بلي ميرجعهاش وكان طلقها بثلاث صايي أنا في هذيك لفترة عاونتها بشي لي نقدر عليه فاتو شهور وصباح على 10تاع صباح كنت نخمم في بابا لخاطر حالتو كانت متعجبنيش عيطلي بابا فرحت ورفدت تلفون حتا نلقاها ختي تبكي وتقولي بابا راهو تعب وداوه لسبيطار رميت تلفون من يدي وبديت نبكي ونعيط بابا مات بابا قتلوه بهمهم نطير لربي لي خلقني بابا كان حاب يشوف ولادي كان حاب يزيد يعيش معانا مزال مشبعناش منو رحت لسبيطار لقيتو جثة هامدة وانا نبكي ونقطع في شعري وونعيط وهوما يشدو فيا حتا طحت تغاشيت كي فطنت لقيت لغاشي في دارنا ويبكو تفكرت وبديت نبكي ونعيط رحت لدروج نجري ونيطلو يا باااااااااابا يا باااااباااا أرواح وين رحت وخليتني لظلمهم علاش خليتني وحدانية ونطير لربي لي خلقني ونسا تشد فيا ويصبو فيا وانا نعيط وجا راجلي يسكت فيا قالي أنا من ليوم باباك يماك ختك خوك ويبكي معايا لخاطر كانو في عزاء حكاولو ولاد خالتي على صغري وكفاه عشت ظلم من ماما وختي وخاوتي وبعد تكالميت شويا فاتو ايام تاع عزاء وفرغت دار وانا رحت لداري وليت نوض من نوم منشوعة ونبكي على بابا مكان حتا واحد حاس بيا غير راجلي من هذاك نهار تبدل كااااامل معايا ولا انسان وخداخر وقالي بلي قبل ما يموت بابا بنهارين تلاقاه برا وقالو تهلالي في فطيمة راهي هي شمعة دار هي لي كانت منورة عليا دار منلي راحت ضلامت داري ولا كحلة قالي ودموع في عينيه قالي حسيت حاجة راح تصرالو ومحبيتش نقلك أنا دمرت بعد وفاة بابا انكسرت ضعفت كان هوا كتافي لي نتشوكر بيهم وظرك راح كلش ولاو يقولو عليا هذي طفلة ليتيمة اصعب شعور انك تعيشو هوا اليتم #يتبع 

#قصة_حصرية_ج

#فطيمة_تحكي 

#الجـــــــــــــزء السابع 

تيتمت وانا صغيرة بنتي سارة متشفاش كامل لجدها فات عليا عام وداني راجلي للبحر رحنا لجيجل تبحرنا عشنا اجمل لحظات ثماك وبعد عجوزتي بدات تحرشو عليا وتقولو حوايج بلي درتهم وانا كامل مدرتهمش مع لول مكانش داير عليها سرقوني قالو بلي سرقتلهم دراهم قالو بلي أنا ق.... قالو بلي سحارة عايروني عايرتني عجوزتي وقالتلي يا ليتيمة لي معندكش أهل يالي خاوتك وامك سامحيني فيك وانا كنت غير نبكي ونقول عندها حق واش راهي تقول حرشو خو راجلي عليا وجا ضربني وضارب مع خوه ووصل حتا وين رفدلو لموس وصل شيخي حتا وين هددني قالي الا مسحرتكش ودرتك مهبولة منتسماش وبعد وليت نشوف مرا في مناماتي تحلف فيا وكي نكون نقرأ في قرآن منقدرش جابلي راجلي راقي وعرف بلي راني مسحورة وكملت نرقي حتا رتحت وبنتي كان في عمرها عامين رفدت بلكرش وجبت طفل وسميتو امين كانت أكبر فرحة ليا ولباباه

قعدنا خمس شهور عايشين احسن معيشة مع سارة وامين وراجلي بديت نتعلق فيه ونوالفو كان حنين عليا وبعد خمس شهور تقلب عليا كانت يماه تقولو هذي كي جابت طفل لعبتها علينا لخاطر أنا كنت فوقهم لاتيا غير براجلي ووليداتي منيش حاطة معاهم كااامل وكانت تقولو سبتني وعايرتني غير بالكذب قالتلو بلي ضربتها وهي غير تكذب أنا هدرة ومنهدرش معاها منردلهاش اصلاااا وهوا يجي عيان مع شغل وتلاقيه بتحراش يطلع ليا وجهو كحل يعس فيا غير على غلطة وحدة باش يضربني كان تقريبا يوميا يضربني وحد لمرة نشفالها جا من برا زعفان وزدت أنا قلتلو ديني لدارنا ضاق خاطري ويبدا فيا بضرب يضرب يضرب وبعد قلبو مبردش جاب عصاا وبدا يضرب فيا حتا تغاشيت خلالي لحمي كامل زرق وداني سبيطار حطني ثنا وهرب وولادي داهم لماما وقالها بنتك راهي في سبيطار تتلاوح وطبا كامل يسقسو فيا شكون دار فيك هكاك وشكون هذاك لي جابك وخلاك حسبتلهم منيش متزوجة لخاطر منباتش كامل متزوجة قلتلهم هذاك راجلي وانا طحت من دروج جابني لهنا ورجع لولادي خلاهم وحدهم مأمنونيش قالولي كفاه نتي متزوجة وعندك ولاد حتا دخلت ماما عليا وبدات تقلي انتي مكيش رايحة تتحشمي وين جايا تطلقي عندي ياك راهي ختك عندي مطلقة وين تنديرك انتي ثاني منقبلك لا انتي لا ولادك وانا معلاباليش وش راهي تخلط قالتلي راجلك قال لخوك راهو جاب يطلقك أنا معندي مندير بيك ولا جيتي ارمي ولادك واقعدي انتي ديري حسابك ضو سيدي ربي ماشوفيهش تقعدي كي لخدامة في هذيك دار وأكثر من خدامة أنا تخنقت وتفكرت بابا كفاش كان يخاف عليا من نسمات ريح بكيت حتا شبعت بكا...

وبعد خرجوني من سبيطار ورحت لهذاك جحيم لقاتني ختي وشر في عينيها وخاوتي يشوفو فيا بنص عين كان زوج تزوجو وقعدو زوج لي متزوجين جاو ضدي وآخرين جاو معايا بصح مكان عندهم حتا كلمة مع ماما قعدت ايامات حتا ريحت ومرار ماما وختي وخاوتي هذوك زوج يعسو فيا على كلش وهنا سمعو كامل لفامي بحكايتي حتا وحد نهار كنت نكونيكتي مع صحبتي حتا دخلني مساج فتحتو تخيلوا شكون لقيتو لقيت هذاك لي خطبني مرة لولا كنت قابلة بيه قالي علابالي واش راهو صاري فيك كااامل وجيت ننقذك من هذي عيشت ميزيرية لي عايشتها وراني قابل بولادك ومستعد ندير اي حاجة تقوليهالي مهم تقبلي بيا واذا داركم مقبلوش نهربو ونحطوهم بين أمر لواقع صراحة في هذاك لوقت غرني بكلامو وقلت علاش لالا نتاجاتي كامل عايشين حياتهم ومهنيين غير أنا لالا قلتلو نخمم ونردلك بلخبر قعدت يومين في دوامة من جيهة ولادي متعلقين في باباهم وباباهم مش راح يسمح فيهم ويهليهم يترباو عند وخداخر ومن جيهة أنا ثاني حابة نعيش ونزها كيفي كيف نتاجاتي وبعد رديتلو قلتلو موافقة وبقينا نحكو مع بعض نسيت كلللش نساني في همي نساني حتا في ولادي موليتش نهتم بيهم كيما قبل ختي بيها كانت عينها عليا طول لوقت فاقت بلي كاينة حاجة حتا وحد نهار لقات تلفوني يتشارجا جبداتو وشافت كااامل مساجات لي بيناتنا وقرات كلللش راحت لماما تجري حكاتلها وبعد ماما لبست قشها هي وختي وراحو لراجلي يحاولو فيه باش يرجعني وهوا قبل قالهم نبعث والديا وبعد نجي أنا وجات ماما تعيط عليا وتسب فيا وختي تقولي تفوووووه بيك يا وحد. لق......تعاندي فيا على طلاق تحوسي تطلقي كيما أنا لهم وحاسدتني عليه يا وحد لمسمومة ياغيورة رحت نجري غلقت على روحي باب شنبرة لي فيها وبداو يدفعو في باب حتا كسروه وماما تضرب فيا ودارت روحها تغاشات غير باش أنا نخاف وننسحب وراحو قالوها لخويا لكبير #يتبع 

#قصة_حصرية_

#فطيمة_تحكي 

#الجــــــــــــزء الثامن

وغدوا من ذاك جاو والدين راجلي خرجت ليهم وهدرو معايا وراحو وانا كنت حاطة في بالي بلي مستحيل نرجعلو بعد واش دار فيا قعدت سمانة وانا في نفس الحالة حتا جا هوا وجاني خويا قالي اهبطي تتفاهمي مع راجلك وارجعي معاه معندناش بنات تطلق قتلو ايه معندكمش عندكم غير وحدة لي حلال عليها دير كلش جات تجري ليا وبدات تعاير فيا يالي متسوايش يا لغيورة قالتلي اصلا قاتلاتك غير لغيرة قتلها يامخلوقة على واش نغير منك مطرق تاع شوا يابس لازين لا لطاي علابيها لاحك راجلك ومخممش في ولادو بسبتك ياعقرب خويا هبط يجري لراجلي قالو بلي مانيش مليحة ويرجع عشيا ولا غدوا وطلع ليا يجري يضرب ويسب ويعاير وماما تضرب فيا معاه وانا نقول سلكوني مقدرتش وختي واقفة عند رجليا وتقولي شح فيك يا وحد لق....تستاهلي زيدو ربوها هذي بنت شوارع حتا تغاشيت وكي فطنت لقيت خويا يقلهم هذي لوكان تبقى في هذي دار نخرج منها أنا منبقاش معاها في نفس دار غاضتني عمري بكييت حتا وجعني راسي وبعد ماما خرجت مع ختي وبنت خالتي راحو ديراكت لهذاك ىلي حكيتلكم عليه قالولو بعدها وخطي طفلة راهي بولادها و.....الخ بعثلي في فيس قالي نهربو مكانش امل يقبلو داركم راهي جاتني ماماك وختك وبنت خالتك وهاااوش قالولي أنا تشوكيت قلتلو ماشي وقتها نريح شويا ونردلك قعدت يومين وبعثتلو قلتلو عندهم حق دارنا ومنقدرش نكون معاك ومذابيك تبعد عليا راني حنرجع لراجلي هوا تقبل قراري تفهمني قالي منقدرش نفرض عليك روحي الله يسهل عليك وربي يهنيك أنا بلوكيت كامل هذاك لفيس وكانت جداتي ام ماما تجي تدي من عندي اخبار وتروح تقول لختي وماما وانا كنت دايرة فيها ثقة كبيييرة حتا وحد نهار وجاو خاوتي يجريو وواحد فيهم حوايجو بدم ويحوسو على كوارط جداتي وحنا خفنا كشما يكون صرالها حتا جانا خبر بلي دعستها طونوبيل وتكسرت من رجلها ومضروبة في وجها كانت تقولها دعوتها خرجت فيا ليتيمة قعدت ربع شهور وهي فراش كان لعيد عيدت عندهم وجا راجلي رضاني وداني معاه رحت لداري مع راجلي ومنيش حابة كااامل نروح قعدت وحد سمانتين ولاا.. وجاني تلفون بلي جداتي توفات رحت نجري ليهم ونبكي قلتلهم علاش متقولوليش نجي نشوفها قبل لا تموت وبعد جاتني خالتي تبكي قالتلي قعدت سمانة وهي تحلل فيهم باش يجيبوك ليها وتطلب منك سماح على واش دارت وهوما محبوش غاضتني قعدت غير نبكي على فراق جداتي وعلى ثقة لي حطيتها فيها وهي خانتني وعلى كي حبت تسسمح مني ومخلاوهاش تشوفني فات لعزاء ورجعت لداري

درت ابيس جديدة وفيس جديد وفتحت صفحة جديدة مع راجلي واعطاني شروط وعطيتووانا ثاني شروط وفتحنا صفحة جديدة هوا تعلم من حكاية تالية ومام أنا تعلمت منها وبدا يعاملني مليح وبديت أنا نتعلق بيه ونحبو حبيتو حب حقيقي معاه حسيت بالحب وليت منصبرش عليه منروحش كامل لدارنا واذا رحت نقعد شويا ونرجع نقولو توحشتك مقدرتش نصبر عليك وهوا ثاني ولا يحبني ميخلينيش كامل نروح نبات خاطياتو ولا يحب ولادو وتعلق فيهم ومام هوما تعلقو بيه ولاو يحبوه كثر مني هههههه يخرجنا يحوس بينا رحنا تبحرنا عشنا أجمل ايام كانو ميتنساوش هذوك ايامات وكي رجعت قالتلي ماما علاش متديناش معاك نحوسوو ولاو يشوفو فيا بنص عين وختي صغيرة كبرت ولا عمرها16سنة هي كان كلش مسموح تقرا تخرج تحوس تلبس مكاش لي يهدر معاها ولات تقولي ختي راجلك ماشي راجل كيفاش يخرجك ويحوس بيك و....من هذي هدرة هي برك كانت غايرة كنت منردلهاش كااامل وخممنا نزيدو نجيبو ولد ثالث #يتبع

#فطيمة_تحكي 

#الجزء__الاخير

وجبنا احلا ارسلان كان يهبل شعرو صفر بيض عينيه كحولة لي يشوفو يقلي هذا منين جبتيه وماما ولات تقولي مزيديش تجيني ولادك واعرين وانا كبرت ومنحبش لولاد كنت منروحش بزاف دارت ختي صغيرة تلفون ودارتو بتخبية عليا قالتلها ماما وختي لكبيرة راهي غيورة لوكان تعرف ديرلك مشاكل مع خاوتك وبعد عرفتها وكشفتها قلتلهم لي راهو حاط معاكم ولاهي بيكم أنا كان هامني غي راجلي وولادي كنت نحبهم نموت عليهم وختي مزالها تبع فيا ودعاويا مزالها تخرج فيها وماما ثاني مزال متحبنيش ودايرتني منيش بنتها تميزهم عليا ختي لكبيرة خرجت دارت دار وحدها ودارنا باعو دار لي كنا عايشين فيها باعو ذكرياتنا باعو طفولتنا وبلاما سقساوني اذا قابلة مع انو أنا ثاني وريثة معاهم كي كملو وباعوا قالولي باش تجي تسني بكيت على دارنا لي عشت فيها وعلى وين تربيت وعشت طفولتي تماك وذكرياتي مع بابا كامل كانت في هذيك دار وظرك ارسلان راو عندو عامين سارة 8سنوات تقرا سنة ثانية وطلعت ثالثة من أوائل ومتفوقات امين هذا لعام يبدا تحضيري وانا وراجلي عايشين احسن معيشة نحبو نموت عليه ومام هوا يحبني عايشين بالقليل وفرحانين ومهنيين وحرحرين لعديان ومزالنا عند اهلو وحاجة مهي خاصتني معاه لي نقلو عليها يجيبهالي يالوكان يتسلف دراهم ويوفرلي واش راني حابة ربي يحفظو ويخليه لينا يااارب🥰

لبنات ادعولنا ربي يفرج علينا بسكنة وتتحسن أوضاعنا #رااايكم 😘

تعديل المقال