القصة لي بدات بخوف… وبدلت حياتي في ليلة!"
السلام عليكم لبنات بدات الحكاية براجلي داخل عليا بولد صغير عندو خمس سنين و عينيه حمو.را و الولد رافد ساكودو و خا.يف خازن مور راجلي، هبط عنده راجلي قاله ما متخا.فش و سلم عليه و عنقه و قعد معنقه و أنا نشوف ما فهمت والو، مبعد رفده و جابه عندي و قاله سلم على طاطا طار عندي سلم عليا و شاف فطابلة قالي ناكل شوكولا؟ جمعته فالكرسي و سخنتله حليب بشوكولا و حطيتله مورصو كيك كلا منبعد قالي بنينة زيديني زدتله و راجلي مجمع معانا و يشوف فيا و يشوف فيه ما هدر والو و انا تاني ما هدرت والو قعدت لاهية مع الطفل
كي كمل قتله أيا نغسلو يدينا، غسلتله و فتشت ساكودو تاعه لقيت فيه تبديلة بدلتله و دخلته لشومبرتي غير حط راسه داه الرقاد و أنا نستنا غير وقتاش نخرج عند راجلي نفهم الحكاية
خرجت للكوزينة ما لقيتهش رحت للصالون لقيته راقد بيه بقشو بصباطو و دمـ.عة مزال محـ.جرة في عينيه، جيت نوضه مبعد قلت خلي للصباح مراحش يهر.ب و يا خبر اليوم بفلوس بكرة يبقا ببلاش كيما قال المصري
المهم متخمام رحت للكوزينة خملتها و درت تيزانة و رحت لبيتي نشربها و نشوف في هادا الملايكة لي فوق السرير ما فقتش كيفاش حتى لقيت يدي تمسح على راسه وشواربي يطبعوله بيزو في جبهته حسيت روحي قريبة ليه رقدت حداه نضت الصباح معطلة على الوقت لي موالفة نوض فيه لقيته داخل تحتي و معنقني ما قدرتش نحركه بلا ما نفيق زيرت عليه فاق قالي ماما و سلم عليا 🥹.... يتبع.
قصة رائعة عليكم التفاعل وعليا نحطهالكم كامل #جمجمو و هلو #تعليق باش نرجعكم كامل
#قصص #زواج #صدمة #ابن #حب
الجزء_الثاني
بلا فيقة صارو عينيا يسيلو بالد.معة فيضان ، قالي بغيت حليب، قتله أيا و روحنا نغسلو وجوهنا و دخلنا للكوزينة سخنتله حليب و كان باقي كيك تاع البارح زدنا كلينا و مانيش عارفة كيفاش راجلي راح من عقلي و تخمام قاع راح، حتى ضر.بتلي في راسي رحت للصالة ما لقيتهش راقد تماك باينة ناض و خرج ديراكت، بعتله ميساج قتله لازم نحكو، شاف الميساج و ما ردش عليا، و بقيت نعـ.يط ما يردش، مبعد طفا تيليفون، انا هاداك النهار تلهيت مع الطفل اسمه كريم، شعلتله التيلي و خليته يتفرج الرسوم و روحت طيبتله فريت و قليتلة كفتة و حطيت جي و عيطتله قعدنا فطابلة تاع الكوزينة و هو ياكل و انا نشوف فيه و متحيرة واش قصته علاش جابه عندي راجلي وين راح و خلاني بلا حتى خبر، حتى نطق كريم قالي ماما راحت عند ربي و بابا جابني عندك و قالي نتي ماما 🥹 انا تم تبكـ.مت و قعدت نشوف فيه و غايسة و هو يحكيلي و يقولي بابا قالي انتي تتهلاي فيا و نقرا عندكم و نجيبلك ألعاااب ... قتله ماماك كيسموها؟ قالي أمينة، قتله و وين تسكن قالي في حداد، و هادي حداد غير حدانا ماشي بعيدة..
تفاااعلو 🙂 #جمجو
الحلقة 03:
في ديك الدقيقة دخل راجلي كس سمعت الباب تبكمت ما عرفت ما نقول ما نضت ما تحركت هو جا عندنا للكوزينة لقانا مجمعين ، جا رافد فاليزة حطها و كريم ناض يجري عنقه و راجلي رفده و سلم عليه ، قاله كريم ماما دارتلي فريت امممم و قعدو يضحكو قاله عجباتك ماماك ؟ قاله بزاااف عجبتني بصح توحشت ماما، قاله فهمتك ماما راحت عند ربي و هادي ماما و شاف فيا و انا غير ساكتة، قاله روح تتفرج و جا عندي شدني من كتافي و داني للشومبرة و قالي علابالي عقلك راه يدي فيك و يجيبك، دوك نفهمك قاع واش كاين بصح بشرط تسمعيني حتى للاخير، قالي جاوبيني و انا عقلي يخمم واش راح يقولي هذا، قتله بدا
قالي قوليلي بلي تحبيني و بلي ما تسمحيش فيا، ما قدرتش نقولها ، قالي قولي، قتله احكي واش عندك باش نعرف أسكو نقدر ولا لا، بدالي الحكاية قالي انا كي كنت فالعام تالي تاعي تاع الجامعة كنت مع لاميموار و الضغط تاع سوتنونس تلاقيت بأمينة أم كريم، و كانت انسانة نشيطة و شابة و غير تضحك و كنت كي نتلاقا بيها ننسا قاع الستراس لي كنت فيه و كنا نقعدو فجاردان نحكو نضحكو و مبعد ولينا نفطرو مع بعض و مبعد ما ولاتش تحلالي القعدة بلا بيها، والفتها بزاف، وليت نستنا غير وينتا نشوفها وينتا نتلاقا بيها وينتا نخرجو و نضحكو و تطورت العلاقة بيناتنا لواحد الليلة كنا مع بعضانا و ضعفنا و داتنا المشاعر و بتنا مع بعض و صرا لي صرا، كي نضت الصباح لقيت ميساجها بلي درنا غلطة و لازم تجبد روحها قبل ما تتطور الأمور لأكثر من هاد شي، بالرغم من أنو أنا كنت مقرر نتخرج و نخطبها و نحوس على خدمة و نتزوجو هي تسرعت، أنا جامي خممت نلعب بيها و نقيسها....
#جمجو و خلو تعليق
الحلقة 04:
أنا كي قريت الميساج دمرت، و لقيت روحي ما نعرف لا الحي وين تسكن، لا نعرف اصدقائها لا نعرف حتى حاجة لي توصلني ليها، حتى رقمها طفا مرة وحدة، دمرت و قعدت يوم بعد يوم نستنا في لابال تاعها في ميساج في كاش واحد يجي يقولي راني تلاقيت بامينة واااالو كل مرة نتخيل فيها جاية عندي ما ولات حلاتلي ماكلة والا خرجة والا قراية ، قرايتي كملتها بسيف و الحمد لله، تمنيت ربي يعاود يجمعني بيها، أنا بعدها بعام تعرفت عليك و نويتك للحلال و قلت لماما و جات خطباتك و ما طولناش و تزوجنا و كنت ليا أجمل هدية و أروع زوجة و النصف الثاني لي يتمناه اي رجل، و أنا عينيا غير يتغرغرو و دموع يطيحو، و هو شادلي يديا و يحكي، و كمل يحكي قالي راها في شهرين ملي جاني ميساج من رقمها، سلام، قالي ما ميزتش الرقم، ما جابليش بالي بلي هذا رقمها، ىجعت سلام شكون معايا، قاتلي أمينة، أنا تم ركايبي فشلو ما نكذبش عليك، ما رديتش من الصدمة قعدت غااايس حتى كتبتلي سمحلي غلطت كي بعتلك، تماك فقت و كتبتلها ويراكي، قاتلي حداك، قتلها وين، قاتلي استناني فالكافيتيريا الفلانية على زوج، قتلها اوكي، عندكي ما تجيش عندكيي، كتبتلي ههههه نجي، قالي جيت للدار و انا نستنا وقتاش تلحق الوحدة باش نخرج مدار، قالي فطرت بلا عقل، و اخيرا جات الوحدة و لبست و خرجت...
الحلقة 05:
دخلت للكافيتيريا و قابلت الباب، و كل دقيقة فاتت و كل ما يتحا الباب نقول هي، حتى جات اللحظة و دخلت مالباب شفتها وقفت و ضحكت و هي دخلت و جات عندي مدتلي يدها عنقتها، ما قدرتش ما نعنقهاش، زيرت عليا هي و جمعنا و نشوف فيها و ماشي مأمن، قاتلي سمحلي، قتلها غلطتي معايا، قاتلي بزاااف علابالي، و مزال ما علابالك بكلشي، ان شاء الله تقدر تسمحلي، قتلها احكي، قاتلي نهار صرا ما صرا بيناتنا، كان لازم نجبد روحي، كان علابالي بلي انا و نتا جامي نتجمعو في دار وحدة، نتا من عائلة ملتزمة، قاريين ، واصلين، و أنا من عائلة فقيرة أبي سامح فينا من صغرنا ماما تخدم فديار باش توكلنا انا نقرا و نخدم فريسطورون باش نبعت لماما و خوتي صغار، و نتا مكانش علابالك بهاد الجانب من حياتي، و ما بغيتش نزيد نتعلق بيك كثر، روحت و خليتلك الميساج، و بعد شهرين اكتشفت الحمل تاعي و بعدت على دارنا و عشت فالسكن الجامعي مع صحاباتي و خليت ولدي لماما تربيه و انا نخدم و نبعتلها، و كبر ولدي و شي لي خلاني نتاصل بيك هو أوراق الدراسة، ما بغيتش ولدي يتعاير فالمدرسة و يقولو عليه لقيط او مجهول النسب، و اتصلت بيك و كلي أمل أنك توقف معايا و نعقدو و نصلحو غلطتنا و ما نظلموش معانا هاد الملايكة، و ما نجبرك لا تصرف عليه لا تتحمل مسؤولية اي حاجة من جهته، انا راني نخدم عليه و راني متحملة جميع مسؤولياته و نتا راك مسامح و ان شاء الله تقدر تسامحني ....
الحلقة 06:
كملت هدرتها قتلها ويراه؟ قاتلي راه برا مع ماما، قتلها دخليه، دخلاته جا عندي يجري عنقني و سلم عليا و قالي بابا طولت علينا، قاتله هي ها هو بابا جا كيما وعدتك، شفت كيفاش كان متهلي فيك و يبعتلك دراهم تروح للماناج و يبعتلك الالعاب ، فهمت بلي كانت مفهماته بلي كنت مسافر بعيد، و هو غير في حجري و معنقني و يحكيلي كيدايرين الالعاب تاعه و كيفاش هو قوي و يطلع فالالعاب تاع الكبار تاع الماناج و انا نشوف فيه و ماشي مأمن عينيا..
قعدنا حتى للخمسة تاع عشية و قاتلي حنا سمحلنا نروحو لازم نشوف اوتال وين نفوتو هادو ليامات مابين ما تقرر و نتفاهمو نديرو حل، شفت فيها و قلتلها راكي من نيتك تحكي، باينة هادي ما نسمحش فيك و ما نسمحش في ولدي، و رفدت تيليفوني و عيطت لصاحبي عنده منازل مفروة للكراء و دبرلي شقة مفروشة و وصلتهم هي و ماماها و كريم، و شريتلهم واش يحتاجو و قبل ما نخرج قلتلها وعديني ما تخرجيش بلا ما تقوليلي ما تعاوديهاش قاتلي نوعدك ..
خرجت جيت لداري و الغد من ذاك صبحنا عالمحكمة و سولنا على المراحل و بدينا فالاجراءات و من هاداك الوقت و انا نروح عندهم و عقدنا انا و امينة و كانت زوجتي كيما نتي زوجتي
الجزء_السابع
قالي بصح يشهد ربي جامي قصرت معاك لا فالمشاعر ولا فالماديات و قوليلي نتي..
وكمل يحكيلي وقالي المهم بعدها بشهرين بدات امينة تتعب و زاد بيها الحال حتى ولات تسعل الد.م و هي راسها قا.سح ما بغاتش تروح للطبيب بصح كي شفتها تسـ.عل هكاك ديتها بسـ.يف عليها و تماك كانت الصد.مة و اكتفنا بلي في مرحلة متقدمة من السر.طان، و بلي هي كان علابالها و كانت حابتني نتعرف على ولدي قبل ما تمو.ت و نهار لي جابته عندك هو النهار لي ما.تت فيه و كانت تفهم فيه ماماه بلي نتي تاني أمه و خلاتلك هاد الرسالة، كي تقري هاد الرسالة عندك مطلق الحرية تقرري واش ديري، بصح كي تكوني تتاخذي قرارك شوفي فيا بلي انا ما خد.عتكش و شوفي في هاد الملايكة لي ما عنده حتى ذ.نب
تفاااعلو مع الحلقات
الجزء_الأخير
فتحت الرسالة و بداتهالي بعزيزتي الغالية رغم عدم معرفتي الشخصية بك الا ان أحمد لم يتكلم عنك الا بطيب الكلام، أرجو أن تجدي في نفسك القدرة على مسامحتي لدخولي في حياتك بهذا الشكل المفا.جىء و أرجو أن تكوني الأم الحنونة على ولدي و ولدك و أكملت رسالتها لتحكي لي عن كل ما أخبرني به زوجي و تطلب السماح مرارا و تكرارا و ارفقت الرسالة بصور لكريم منذ أن كان رضيعا
طا.حو الدمو.ع ما حبوش يحـ.بسو، و أنا خممت و خممت و عرفت بلي صح حتى واحد ما عنده ذ.نب في هاد القصة لا انا لا احمد لا امينة لا كريم قاع تقدرت علينا و واحد ما ظا.لم واحد ما مظلو.م و قررت اني نربي كريم و نكون ليه الام، و راجلي فرح بزاف و حاليا حامل ببنت نسموها امينة ان شاء الله.....
النهاية
خلولي آراؤكم لكان جيتو في بلاصة أمينة واش كنتو تتصرفو كيفها بحكم حياتها الصعبة بعدت على حب حياتها و ربات وليدها وحدها و واش رايكم فتصرف هذي الانسانة القمة في الانسانية و الأخلاق تقبلت ربيبها و رباتو بكل سعة صدر و سامحت راجلها 🥀❤️