راجلي عطاني مصروف الشهر وزادمي عليه 500 الف مكانش قبل يزيدني فوق مصروف الشهر, وهذا صرا كي شاف يماه جات عندي... ملي تزوجت وهي تجي عندي كل يوم , الصراحة كنت نشوف فيها عادي تجي عندي كنت نقول مرحبا بيها واجبي نتهلا فيها, وكل خير اللي نديرو فيها ربي يرجعهولي أضعافا مُضاعفة, صرات مشاكل كبيرة بعد ما مرضت بجلطة بعد عرسي بيومين واحد ما حب يقبلها من خوت راجلي أنا اللي حبيتها تجي, ووعدت راجلي رفدها في عينيا , وهذا كامل بسبت جهلي مكانش عندي حتي حل, وشديها عندي علي وجه ربي وعلي وجه راجلي نصف حياتي ونصف ديني كنت نحبو بزاف...
حبيت نخلي حياتو مستقرة قررت نضحي بفرحتي وننسي بلي أنا عروسة جديدة ونجيبها عندي, ونستقبلها أحسن استقبال, الحاجة اللي صدمتي أول ما شافتني بدات ترعش وترجع للور حسيتها خايفة مني, وحتى كي حطيت يدي على كتفها بدات ترعش وجسمها يتحرك وحدو, اقسم بالله تخيلتها قطة جسمها يتشوك كل ما نمد يديا عليها أكثر, صعبت عليا أكثر ووعدت راجلي نحطها في عينيا, وصل وقت الخدمة تاعو عطاني مصروف الدار وزادني 500 الف وقالي شوفي اللي مديتهملك خاصين بالماكلة تاع الوالدة, وهي لازم كل يوم تاكل اللحم, وديري في بالك ماما ما تاكلش كيما حنا علي هذا لازم ديريلها شمبرا وحدها و طيبي ليها وحدها ... يتبع
طلعو القصة بالتعليقات ونرجعكم كامل🤍🤍
#جمجو
#الحلقة_2
وديري في بالك ماما ما تاكلش كيما حنا علي هذا لازم ديريلها شمبرا وحدها و طيبي ليها وحدها ونزيدك حتي الكونيجلاتار اقسميها وحطيلها كل حاجة تخصها في جيهة وحدها, وديريلها فطورها اللي تحبو هي , ومع الوقت راح تتعودي علي كلش, ونزيدك حاجة في الليل طيبيلها عشاء خفيف, انا حاولت نطمنو وقلت ليه معليش نقدر نتقصد ونشري كلش من مصروف الدار مي هو رفض وقال لا المصروف تاعك قليل ونتي تستاهلي اكثر....
كنت واثقة فيه وقلت يحطمني في عينو علي الخير اللي نديرهيه معاه علابالي بيه وليد فاميلة ووليد أصل , كنت ندير في كلش لوجه الله مكانش أكثر, لبست وخرجت لسوق بعد ما فطرتها قضيت اللي نحتاج وشريتلها اللحم و الحوت باه كل يوم نديرلها بروتين , ورجعت لدار نطمن عليها وبعدها رحت للكوزينة نطايب ..
ما طولتش بزاف وبديت نسمع في صوت بيزار خارج خارج من شمبرت عجوزتي , حبست مشينة القش وركزت مع الصوت اللي كنت نسمع فيه مليح منيش نتخيل, صوت واحد قالق ويهدر بصوت مهوش مفهوم مكانش يهدر كيما حنا بانت ليا لغة مهيش تاعنا خلاص, عجوزتي تحكي معاه بصوت خفيف....
#جمجو و طلعو القصة
#الحلقة_3
عجوزتي تحكي معاه بصوت خفيف , معرفتش وعلاه الكور تاعي كامل لحمو تشوك قول شيطان واقف ورايا, قربت من باب الشمبرا بشوية وطليت عليها, لقيتها واقفة كيما المعوقة ورجليها مرولها تقول خيط, كان دايرا ليا بضهرها وتشوف مع الحيط, عيطلها بشوية, حتي سمعتني شهقت شهقة خلات جسمي كامل يتشوك وطاحت في السرير, رحتلها نجري حاولت نطمن عليها لقيتها تتنفس بيها حتي حاجة...
الحاجة اللي ستغربت منها الرعشة تاعها والخوف مني كل ما نمد يدي نمسها, عذرتها وقلت بلاك مالمرض مي اللي مفهمتوش ديما تعبانة ما تحبش تهدر معايا, رجع راجلي تغدينا, شفت في عينو استفسارات بزاف, قريتهم كامل وطمنتو بلي كلش بيا ورانا مرتاحين مع بعضانا وقتلو راني متهليا فيها تعرفني بنت فاميلة ومستحيل نقيصها بكلمة مهما دير معايا, حط يديه علي راسي حسيت حسيتو يشكر فيا الشعور هذا خلاني طايرة بالفرحة.
قعدنا شوية ودخلنا للشمبرا تاعنا جابلي هدية وبدا يشبعني بالهدرة المعسلة و الرومانسية خلاني نعيش اللحظة حسيت روحي في دنيا اخري, كنت فرحانة عادي بعد حسيت بقبضة شدتني وحسيت بالخوف , كنت وقتها بين يديه وجهي داير جيهت باب الشمبرا, شفت عجوزتي واقفة وجها احمر تبان قالقة بزاف, ضوافرها طويل وعينيها تخرج في النار, وتشوف معايا بنضرة تخلي اي واحد يعيش الرعب, المشكل غير شفتها لساني تعقد وحسيت روحي مشلولة, جسمي كان يتهز ويتخلط بين يديه, راجلي تقلق عليا بزاف وقعد يتحظن فيا بالقوة, وانا عينيا لسقت فالباب, دورني وشاف فالباب مالقي والو شفت انا عجونتي تحركت وخرجت, ما قدرش راجلي يشوفها , قعد شادني ويقلي وشبيك منيش قادرة نخرج نص كلمة من فهمي..
فهمتت بزاف , نحكيلو ونقلو امك تخوف فيا وانا اللي طلبت منو يجبها, ولا نسكت ما نهدرش , خممت شوية وقلت نسكت خير , شفت معاه وقلتله مكاين والو حاسة روحي تعبانة , قلي نديك لطبيبة قلتله لا منيش مريضة ما نحتاجش طبيبة, فاتت الليلة وبيدت ننسا اللي صرالي..
وبديت روتين النهار الثاني, طيبتلها نص دجاجة وشربة دافية ودخلت بيهم لعجوزتي, حطيتلها الماكلة فوق السرير وروحت نكمل اللي بالي حاولت شحال من مرة نواكلها رفضت تاكل من يديا تقول راح نقتلها, رجعت للكوزينة بديت نسمع في صوت كلب ينبح في شمبرت عجوزتي..
#جمجو ضرك نرجعكم
#الجزء_4والاخير
شديت روحي باه ما ندوخش وخرجت نجري, في الوقت هذا سمعت صوت في شمبرتها, يارب سترني, دخلت نشوف ولقيت عجوزتي راقدة , وقتاه خرجت من توالات وكيفاه ما شفتهاش, اووف, ما يهمنيش المهم تخلاص الحكاية اليوم, خرجت مالشمبرا تاعها , وقدام عينيا شفتها خارجة مالطولات, هنا مقدرتش نتحمل وطحت دخت ..
راجلي رجع جرالي رفدي وفيقني , كان باين عليه الهم , بالأخص الشيخ مجاش, قالي غدوا نديك لدراكم حتي نلقي حل , حاولت نوقف معاه ونخفف عليه معرفتش, كانت الدموع متحجرة في عنيو, مقهور, قليل الحيلة وانا حاسة بيه..
في نص الليل سمعنا صوت شهقات خشنة وعالية بزاف, تقول معانا مليون انسان في سكرات الموت, نضنا مخلوعين لقيت عجوزتي تشهق وجها أزرق حسيت راح تموت, راجلي خرج يجري يحوس علي طبيب كانت ما تتحركش تقول لسقت في بلاصتها, وانا قعدت في جنبها نحاول نفيقها , بدات ترجع في دم شفتها خفت بزاف وهي مبقاتش تتحرك, كان باين عليها في سكرات الموت, بعد بدات تهدر بالعقل وحدها بصوت حنين تبان 20 سنة, تحكي وحدها تقول انا مكانش معاها....
تحكي وتقول : "زوجت عندي عوام طويلة في بيت العايلة مع عجوزتي, راجلي وصاني على يماه بزاف و اكثر من مرة يقلي حطيها في عينك , كان يمدلي الدراهم بزاف باه نجيبلها الل…حم , أنا كنت نخبي الدراهم لروحي, وكان ورا الدار كل…بة والدة 7 كلاب, كنت ندي منهم واحد كل يوم نطي…بو ونعطيه لعجوزتي تا.كلو, مكنتش نشوف في روحي غالطة , كنت كل يوم بروتين جديد, وكلتها لحم لك…لاب تلاثة مرات, وفي المرة الرابعة عجوزتي ما.تت, بعدها بيومين ظهرت في حياتي, مرااا تشبه لعجوزتي , حولت حياتي لج…حيم, وكل ما كنت ناكل الل…حم كنت نلقاه تحول لح…م تاع ك…لاب, وكنت مجبورة لازم ناكل منو, حتي روحت لمرت ولدي الجديدة, كنت خايفة منها ديرلي كيما درت انا لعجوزتي , مي هي كانت ما شاء الله مربية ورفدتني فوق راسها, بصح هي رفضت تخليني نعيش حياتي , في الوقت هذا راني نمـ.وت وند.مانة, كانت نتمنى نحط عجوزتي في عينيا كيما حطتني مرت ولدي في عينيها , نتعامل معاها برحمة, كيما قالوا كما تدين تُدان, بصح مرت ولدي هي اللي راح تشوف الخير منيش انا, هي تعاملت معايا برحمة, و انا تعاملت مع عجوزتي تقول عليها به.يمة ممكن تاكل أي حاجة, حتى كـ.لاب الي هذا وين ولدت "
حكات لينا هذه القصة وما.تت, ما.تت وانا مزلت لحد اليوم منيش مستوعبة كاين مرااا تأذي عجوزتها حتي بالهدرة وتعايـ.رها المرض, راك متخيل اللي دراتو مع عجوزتها , ربي يسامحها..
"الراحمون يرحمهم الرحمن"
النهاية.