حطلي حكايتي انا ابشع قصة رايحين تقراوها 😭💔 انا لي خنت راجلي وندمت ندامة انا لي زوجوني بسيف وبعدوني على حبيبي
بدات حكايتي كي كان عندي الباك كنت ندير ليكور فواحد البلاصة لي يخدم فيها ولد خالي كنت نحبه من صغرنا ونموت عليه مكانش علابالي بلي عندو حانوت لتم مهم وحد المرة كنت خارجة من ليكور مينة بالجوع دخلت للحانوت شريت شيكولا وعفايس هكا كي جيت نخلص طلعت راسي لقيته ولد خالي ياسر شفت فيه رحت نجري خرجت من لخلعة هو لحقني وحبسني قالي استني قتله واش شاف فيا قالي مشي نتي بنت عمتي فلانة قتله هيه انا اي قالي كيراكي ومنا وبدا يحكي معايا قالي واش ديري هنا قتله نقرا ليكور تاع مات قالي اه صحا تستحقي حاجة ولا قوليلي ورحت للدار وانا ميتة بالسعادة مكانش علابالي بلي راح نتلاقاه
سيمانة لي موراها جيت فايتة من حانوت تاعه لقيته داير كرسي يقارعلي فوقت لي نخرج فيه تبسمت وجيت فايتة حتى حبسني بدا يجبد فالهدرة حتى قالي عطيني الفيس تاعك انا حشمت وقتله اوك بدينا نهدروا وتعرفت عليه وكلش حتى جا نهار لي قلبلي حياتي كامل كي كنت خارجة من ليسي دخلت للدار تلاقيت خالي ومرته عندنا جاتني نورمال قلت خالي جا يشوف ماما سلمت عليهم ورحت للبيت تاعي حتى كي خرجوا جات عندي ماما قاتلي ياسر حب يخطبك
انا هنا تصدمت وبدا الجحيم تاع حياتي …يتبع
مهم تمتعو خلونا من الانتتقادات 🚫
#الجزء2
تصدمت وماأمنتش من الفرحة قاتلي ماما بصح شوفي مع بابا اذا يقبل للعلم بابا يكره خالي ومايحملوش كامل اي رحت رفدت تيليفون بعث لياسر قتله علاش ماقتليش ومنا قالي حبيت نفاجأك وقالي بلي انا حبيتك من اول مرة شفتك فيها بصح كنت حاب نتعرف عليك اكثر مهم لحشية من داك جا بابا راحت عنده ماما كي حكاتله تقلق قالها كيفاش عرفها ووين شافها قاتلو كيكانت تروح لليكور اي هنا بابا زاد تقلق وقالها نبعث فيها تقرا ول... اي طلع يجري عندي نحالي تيليفون وضربني وقالي من ليوم مكانش قراية وراح نزوجك من ولد صاحبي وراح انا بديت نبكي ورحت ديت تيليفون تاع ختي عيطت لياسر نبكي وحكيتله كلش قتله هذا كامل بسبتك قالي استناي غدوة نجي مع بابا نحلوا الموضوع ماتخافيش وكيما كان الحال عند غدوة جا مع باباه ريحوا مع بابا وكيكانوا يتناقشوا ياسر قال لبابا عمي شوف ياتمدهالي برضايتك يانهرب معاها هنا بابا تنارفا بزاف وزادت شعلت وحلفله كون يبقا تالي فدنيا مايزوجنيش ليه وانا هنا زعفت من ياسر رحت رجعت حكيت معاه عايرته قتله حرام عليك علاش تشعلها وتعرف بابا دمه حامي وبسبتك درك حبسني من القراية ووو قالي صح خلينا نتلاقاو باش نتفاهموا كثر وبسيف باش قدرت نخرج من دار تلاقيت بيه قتله حرام عليك علاش تقول هذيك الهدرة لبابا درك مستحيل يرجعني نقرا ورايح يزوجني قالي بصح واش درت انا جيت طلبتك للحلال فاش غلطت قتله خلاص ماغلطت في والو درك غير اخطيني بسك دمرتلي حياتي كامل وغدوة راهو جاي ولد صاحب بابا يشوفني قالي قوليلي درك اذا صح تحبيني وحابة تكوني معايا نحارب الدنيا علاجالك ونتزوجك بسيف عليهم بصح اذا مراكيش حابة تكوني معايا وحابة تتزوجي من هذاك قتله في قلبي انا نشتيك نموت عليك وغير نتا لي حابة نكون معاه بصح قتله لا منيش حابة نكون معاك وراني حابة نتزوج من هذا ودرك اخطيني شاف فيا وحد الشوفة 💔 وقالي صح ومن تما تفارقنا بصح مكانش علابالي بلي آخر مرة نشوفه ومش حنزيد نتلاقاه ولا نسمع صوته ومن هذاك نهار رايحة نتعذب ونعيش في جحيم ...
🔥 🔥
جزء 3
غدوة كان اسوء نهار في حياتي لبست نورمال مكييت خفيف وجا هذاك راجل يشوفني غير دخل عندي طلعت راسي شفت فيه حبيت نتغاشا منعيبش على خلق ربي بصح كي شفتوا حببت نهرب شيبااااني كبييير ومهرهر شعره بيض شايب كامل شفت فيه قتله شحال في عمرك قالي 51 هبلت حبيت نخرج في وجهه كيفاش 51 وانا لي مزال مانوصل للعشرينات مامبا قالي اسمي آدم وشحال كنت نحوس على بنت صغيرة نتزوجها تزوجت 3 مرات وطلقت شفت فيه قتله واش 3 مرااات وواش هو سبب قالي هكك كل وحدة ومشكل تاعها شفت فيه حبيت نبكي علاش تخلاص عليا هكاك غير خرج رحت نبكي عند ماما باش تقنع بابا ماحبش ماعييت فيه قالي غير هذا لي تتزوجيه خممت قلت مكان غير ياسر لي يسلكني ندمتتتتت لي ماقبلتش نكون معاه قلت خلاص نعيطله نقله نهربوا ويديني معاه منيش حابة نعيش مع هاذ الشيباني عيطلته من عندي ختي نلقا تيليفون مغلق رجعت عيطت مكان والو فاتت سيمانة كاملة وانا غير بكا واكتئاب وغالقة على روحي عيطتله شي 200 مرة والو حتى سمعت ماما تحكي فتيليفون وقالت سلام زينب تفكرت زينب ام ياسر رحت نجري خرجت من لبيت تاعي طلعت عند ماما لقيتها تحكي فتيليفون بقيت واقفة نستنا فيها واش تحكي حتى نسمعها تخلعت وقاتلها وااااااش ياسر حرڨ 💔💔💔 انا هنا قلبي تقسم كيفاش ياسر حبيبي حرڨ منيش مأمنة وينتا كيفاش وعلاش تفكرت آخر مرة شفته فيها رحت نجري رجعت عيطتله مزالو مغلق طلعت عند ماما قتلها واش كاين قاتلي قتلي مرت خالك بلي ياسر حرڨ عنده ثلاث ايام ومزال موصلنا اي خبر عليه اذا وصل اذا حي اذا مات اذا انا خلاص تطرطقت بالبكا وليت ماناكول مانشرب غير غالقة بيت تاعي وغير نعيط لياسر وليت نهترف بيه ونقله اسمحلي برك علاش ماقبلتش نكون معام علاااااش بقيت يامات على هاذ الحال حتى جا ليا بابا قالي وجدي روحك غدوة لخطبة تاعك 💔💔💔
🔥
الجزء 4
لبستني ختي وبقات تماكييلي غير درلي كحل وغيسيل نعاود نطاشيه بالدموع والبكاء تعاود تمسحلي وتعاود ديري واحد جديد نرجه نبكي ونطاشي روحي حتى مسحاتهلي قاتلي خلاص روحي كيما راكي رحت ولبسلي الخاتم وناس تزغرت وفرحانين غير انا نخمم في ياسر ودموع متحجرين جازوا يامات ويامات ومكان حتى خبر عليه كل مرة نسقسي ماما تقلي مكان والو حوست عيطتله حوست كلش مكان حتى خبر درت الفاتحة تاعي وعقدت وانا ميش فرحانة كامل كي بقا يومين للعرس تاعي رحت عند ماما غلقت الباب قتلها ماما شوفي احكيلي صح ثلاث اشهر ياسر مبان عليه حتى خبر صارحيني واش صراله وصل؟ قوليلي صح ماما اذا حابتني نتهنى ونحيه من راسي قوليلي واش صراله باش نعرف اذا نكمل حياتي ولا نبقا نستناه صارحيني خلاص بسك ماقدرتش نتحمل ..💔 ناضت جات عندي شافت فيا وعينيها يبانو مش نورمال قاتلي يابنتي ياسر مات 💔
الجزء 5
جازوا يومين وانا حاسة روحي في جنازة مانوصفلكمش كيفاش حسيت وكيفاش عانيت جا نهار عرسي لبسولي وماكيولي وانا مش حاسة كامل وين راني غير نخمم فهدرة ياسر تالية مكانش علابالي بلي اخر مرة نشوفه فيها كون كان علابالي كون عنقته وقتله شحال نحبه وبلي نحبه قبل مايشوفني وكلش 💔 ماحسيت بوالو غير ماما تحرك فيا من كرسي لكرسي وغير ندور راسي نلقى آدم غايس فيا ويقولي بنتي نحبك فات داك العرس حسيته عام كامل رحت مع آدم للوتيل شاف فيا قالي علاش حاسك مش فرحانة طرطقت بضحك قتله انا؟ انا منيش فرحانة هههههه انا اكثر وحدة راها فرحانة بهذا العرس 💔 تبسملي وقالي بنتي نموت عليك انا كنت هابل باش نديك كنت نشوفك مع باباك وكنت تعجبيني صغيرة عاقلة شابة ديسيديت نحكي مع باباك علاجالك ووعدني يزوجني بيك مور ماتدي الباك شفت فيه وقلت في قلبي صاااار هكااااا يابابا تسما نتا من زمان كنت مقرر تزوجني بيه تسما ياسر معنده حتى ذنب بسك نتا ديجا كنت ظاير في حسابك مور الباك تزوجني بآدم؟ معليش يابابا معليش زدت خليتني نندم لي تنارفيت من ياسر وحصلت فيه بلي هو سبة لهذا الزواج...فاتت ديك الليلة اسوء نهار نتخيل في ياسر في كل بلاصة ونحلم كون راني درك معاه هو حلاله ❤ بصح معليش داهو المكتوب...
خمس سنين هيه خمس سنين وأنا متزوجة مع آدم كنت حاسباتوا يحبني برك مي ظهر هابل عليا وعندو هوس لدرجة يشك فيا في اي حاجة ويقتلني بضرب يجوه حالاتو يقولي راكي تخوني فيا وينوض يضربني وحدو كتشفت بلي مهبول ومش نورمال خمس سنين وانا ماعنديش ولاد كل مرة عجوزتي تعايرني بالولاد وتقولي يالي ماتجيبيش يالي وكي قلت لآدم يدير ليزاناليز لقى بلي هو نورمال تسما مشكل فيا..فاتو سنين تاع عذاب ماعشت حياتي ما قريت ماتهنيت كي تزوجت حتى جا نهار لي عيطتلي ماما قاتلي آسيا راح تتزوج لي هي اخت ياسر مع العلم قطعت علاقتي معاهم كامل بسبة آدم سورتو كي سمع بحكايتي مع ياسر ماخلاني نتواصل مع خالي ولا بنتو ولا والو مهم حبيت نحضر العرس بسك من وينتا ماتلاقيتهاش وحبيت نفرح معاها رحت عند ادم قتله بلي اخت ياسر راح تتزوج خليني نحضر عرسها ضرب عليا الطابلة وناض يعيط كيفااااش تحضري عرسها سموك تباتي هنا فدار ماعندك وين تروحي بقيت نحاول فيه خلاه ماردش عليا حتى قلقته ناض ضربني 💔💔 رحت غلقت على روحي قاعدة نبكي قتله خلاص ياسر مات خليني نروح ندير الواجب مع اخته جازت هكاك نص ساعة جا عندي قالي صح روحي ما أمنتش شفت فيه اول مرة حسيته حن عليا وحس بيا فرحت رحت وجدت روحي لبست مكييت رجعت بوبية رحت مع ماما للعرس وتلاقيت بآسيا سلمت عليها عنقتها بكيت قتلها ملش مبروك فوتناها شابة حتى جات عندي بنت خالتي قاتلي ماشفتيش يانيس ولدي قتلها بلاك يكون خرج يلعب مع الاطفال لي راهم برا خليني نروح نشوفه قاتلي صح يعيشك خرجت قاعدة نحوس على ينيس حتى لقيته رحت حكمته قتله وين كنت يماك اعة وهي تحوس عليك اي قالي دك نروح راح يجري دخل للاصال لحقته نتبع فيه حتى شفت حاجة خلعتني 💔💔
#
الجزء 6
دورت راسي شفت واحد طويل عينيه عسليين شعرو كحل لحية مطراسية يهوبل خلاص واقف حدا لوطو ماتروكيل تاعها باين مش هنا تاع الخارج قاعدة نشوف فيه ونقرب ليه حتى قلتلوا ياسسسسررررر 😍😍 رحت عنده شاف فيا قالي هييييه هاذي نتي كيراكي حاسيتها باردة من عنده شفت فيه قتله وين كنت ماما قاتلي..وسكت قالي حرڨت لفرنسا وعندي شحال وانا عايش تما قتله بصح وينتا جيت وعلاش مارديتش عليا عندي شحال وانا نحوس عليك قالي بدلت كلش نيميرو جديد فيسبوك جديد ومام انا جيت نحوس عليك حتى قالولي بلي 💔💔 بلي تزوجتي ☹️ شفت فيه تبسمت تبسيمة من فوق لقلب وقتله هييه المكتوب و نتا ؟ واش راك داير فيها قالي انا تاني تزوجت..شفت فيه خزرة حسيت قلبي تقسم مخلتهش يكمل هدرة قتله الحمد لله لي راك لاباس وتهلا في روحك وطلعت نجري للاصال دخلت للتولات دخلت بقيت غير نبكي مش مأمنة ياسر راك هنا قاع هاد الوقت وهو عايش وانا ندعيله برحمة ونبكي عليه وزيد تزوج 😭😭 كون مات أحسن مايعيش مع مرتو ونشوفه معاها وزيد مزالني نحبه بصح هو باينة عليه راح لتم داها قاورية شابة وين تباني قدامي ونساني خلاه 😭😭💔 قاعدة نبكي حتى نتفكر ماما... ماما هي لي قاتلي بلي مات تسما كذبت عليا؟ ولا هوما كذبوا عليها ومحبوش يخبروها نضت مسحت دموعي ورحت نحوس عليها...
رحت نحوس على ماما غير لقيتها قتلها معليش ماما سحقيتك قاتلي غير الخير جبدتها على جيهة وقتلها شفت ياسر شافت فيا مخلوعة وقاتلي ياخاااه قتلها ماما هذا عرس خته باينة حايجي ونشوفه علاش كذبتي عليا؟ علاش خليتيني شحال من عام عايشة في كذبة وحاسباتو ميت وندعيلو برحمة وقلبي يتقطع عليه علااااش؟ قاتلي يابنتي حبيتك تتهناي كنت عارفة لوكان نقلك راهو وصل تبطلي وتحبسي ماتتزوجيش وتبقاي تستنايه وعلابالي بلي كون تسنايه راح ضيعي حياتك ماتعرفي اذا يولي اذا مايوليش حببتلك الهنا برك وباش ماتبقايش تخمي فيه قتلها علاش درك كي راني مزوجة ني مهنية؟ في بالك في فرحانة؟ معليش ياماما راكي مسامحة هي اصلا من بدية حياتي ضايعة نورمال رحنا ريحنا مع ناس قاعدين يرقصوا وانا قاعدة غير نتفرج حتى دخل ياسر للاصال شفتو لقيته يخزر فيا اوووه بعينيه شابين قريب نتغاشا 💔💔 بقا يشوف فيا شغل يقولي يالخداعة يالي تزوجتي يالي ماستنيتينش اه بقيت نعس فيه حتى لقيت مرا لابسة لميني رايحة عنده جمعت حداه وبقات تضحك وهو يضحك معاها باينى هذي هي مرتو 💔 معليش ربي يعطيني صبر وخلاص نضت فتت عليه
الجزء 7
فتت عليه بقا يخزر فيا قريب ياكلني بعينيه كملنا العرس وكل واحد راح فطريقه جا آدم داني للدار رحت نحيت مكياج بدلت ورحت رقدت...
عند غدوة نضت درت قهوة لآدم راح يخدم بقيت وحدي فدار رفدت تيليفون بديت نقلب فيه حتى نلقا واحد باعثلي ميساج فلفيس جاوبت قلتلوا شكون قالي انا ياسر 💔 قتلوا واش خصك قالي معليش نحكوا آبال حاب نفهمك كلش انا ترددت فالبدية من بعد قبلت عيطلي وحكينا قالي لبارح كامل مارقدتش قتلوا علاش قالي بقيت غير نخمم فيك وتفكرت مابغيتيش تروحي عن بالي كنتي تهبلي لبارح زيانيتي ماقدرتش ننساك ضحكت قتله خلاص كلش كمل نتا راك مزوج قالي لالا طلقت قتله كيفاش قالي نتي ماخليتينيش نكمل هدرة تزوجت بإيميڨرية علاجال لكواغط وغير درت كواغطي طلقتها قتلوا بصح وهاذيك لي كانت معاك قعد يضحك قالي تسما كنت تعسي فيااا قالي هذيك صحبة اسيا تعرفني ومن وينتا ماشفتهاش جات عندي حكات معايا نورمال هذا مكان قتلوا اممم عاد هكا بصح انا خلاص راني مزوجة قالي بصح مراكيش فرحانة معاه! قتلوا كيفاش عرفت قالي هكاك بنتيلي مش فرحانة قتلوا خلاص هاذي حياتي وكل واحد يشوف حياتوا ضرك ومتزيدش تعيطلي راني في رقبة راجل وكوبيت في وجهوا ورحت ندير شغالات الدار….
فاتوا يامات وهو يعيطلي وانا مانردش عليه خلاص حتى وحد نهار خرجت مع آدم نشروا حتى نسمع واحد يعيطلي درت لقيته ياسر جا عندي قالي علاش مراكيش تردي تخلع ادم وشاف فيا قالي شكون هذا؟ قتلو وشبيك ياسر خليني شاف فيه ادم قالوا بعد هاذي مرتي قالو ياسر مدخلش روحك وضربوا وبقا غير يضرب فيه ويقلوا متزيدش تشويها نزيد نسمع بيك ضربتها ولا توشيتها نقتلك قاعد يضرب وآدم مش قادر يرد بسك كبير خلاه وانا جاية نسلك على ادم ماقدرتش طاح فيه ويسبوا ويعايروا وانا نبعد في ياسر حتى جاو وحد الجماعة بعدوهم على بعضاهم ورفدت آدم عاونتوا باه يوقف رحت عن ياسر ضربتوا بصفعة قتلوا ماتزيدش دخل روحك في راجلي ورحت مع آدم للدار درتلوا الثلج في وجهوا وهو عينيه حمرين حسيتوا حاب يجيفني بقا غير يخزر معاييا بصح ماهدرش مش عارفة كيفاش حتى غاضني مالقري فرحت كي ضربوا حسيتو ينتاقملي وستشفيت فيه وتخلعت كيفاش ماسقسانيش شكون هذا وماقليش وين تعرفيه ولا حسيتو خاف من ياسر وبقيت نخمم كيفاش ياسر عرف بلي يضربني آدم مالقري جامي حكيت لاي واحد...
جازوا يامات وياسر غير يعيط بلوكيتو فتلوا متزيدش دور بجرتي خلاص حتى جا وحد النهار خرج آدم صباح يخدم طبطبلي واحد وانا دايمن قبل مانفتح نطل من تاقة نشوف شكون طليت نلقاهو ياسر قتلوا واش دير قالي انزلي ولا مش حنروح حتى يجي راجلك لي تحبيه نزلت عندو وقتلوا واش كاين قالي عرفت كلش على راجلك هذا قتلوا كيفاش؟ وواش عرفت وديجا كيفاش عرفت بلي يضربني قالي ديبلوكيني وشوفي واش راح نبعثلك طلعت للدار فتحت الفيس ديبلوكيتوا قتلوا ابعثلي واش عرفت اي قالي بيراطيت الفيس تاع راجلك وشوفي واش لقيت فيه كي شفت بقيت مخلووووعة قلبي بغا
دخلت بقيت مخلوعة ماأمنتش لقيتوا يحكي مع بنت وتبعثلوا لي فيديو وتصاور تاعها عريانى وتصاورها وهي تمارس العادة 🤮 وتصاور تاع صدرها وكلش وهو يبعثلها تصويرة تاعو عريان ولي فيديو وخماااااج ويقلها كون نحكمك كي نديرلك اي قاتلوا نتلاقاو وقالها وين وتلاقاو وباينة داروها في رحبة ومش بنت وحدة مياااااات بنت يحكي معاها نفس الهدرة ويقلها نبعثلك دراهم ونقلشك ووووو ظهر رخيس وكي قاتلوا مرتك كون تفيق قالها هههه قالها تنطق نبلعلها فمها قالها ميما هذاك الحمار حشاكم لي يعيط تضربوا يسكت قاتلو اه تسما نتا تحكم قالها باينة هاذي اي غلطة تنضرب عليها قالها مشبعها سوط وكل يوم وووو دايرها غير باش تخدملي وووو ولي صدمتني كي لقيتووااا متزوجججج 💔💔💔 اخ ياربي ويحكي مع مرتو وتقلوا وين راك يقلها ني فطريق كيفاااش كيفاش كتمل هذا الوقت وانا لا خبر مش فايقة بخماجو هو غالق عليا دار وكلش وداير رايو بقيت مخلوعة حتى سمعتوا دخل للدار رفدت تيليفون وقلت خلاص ليوم نفضحوا ونصارحوا وياليتني مادرتهااااش 💔😭
الجزء8 والأخير
غير دخل رحت عندو سبيتو يالخاين ياخداع جبدتلو تيليفون وقتلوا واش هذا بقا مخلوع يشوف فيا قالي مين جبتيه وين شفتيها هاذي قتلوا ياسر ورالي كلش راهو فضحك خلاص وانا خايفة نخونك ونتا داير عليا ضرة ومتزوج وووووو حكملي تيليفون قاسوا فلارض وضربني بقيت غير نعيط ونتوغ وهو ماحبش سطلقني طاح فيااا بوحد الضرب خلاه حتى كسرلي يدي رما عليا كرسي وهرسلي تيليفون زرقلي وجهي شوههلي يضرب بكوتبي للوجه والكرش حتى رعفت عاد باش حبس دا تيليفون وراح غلق عليا قالي نسمع حسك نقتلك قالي بسبتك ماعنديش ولاد قتلوااا مين حاب الولاد طلقني وهنيني منك وتزوج بيمن تحب وجيب ولاد زاد رجع ضربني وقالي اغلقي فمك مش نتي لي تحكمي فيا نعاود زواج ولالا ومش نتي لي تقرري اذا نطلق ولالا وراح وغلق عليا كلش بقيت هكاك في بلاصتي مش قدرة نتحرك غير نبكي حتى جا ليل نضت نجر كرعيا غسلت وجهي وبدلت قشي ويدي مش قادرة نهزها قتلتني بسطر بقيت غير نبكي كيفاش مافقتلوش كل هاذ الوقت امبعد تفكرت بلي قبل مانعرف بلي ياسر حي كنن نخمم غير فيه ومكانش عندي الوقت باش نعس آدم ومكنتش مامبا مهتمة بيه اذا يخوني ولالا رحت لسريري رقدت وبقيت على هاذ الحال سيمانة مايجي للدار ماوالو غالق عليا الباب من برا مكانش كيفاش نخرج مكانش ليمن نعيط كون تكمل الماكلة نموت بجوع بقيت على هاذ الحال وحدي ميتة بالرعب حتى صوناو فالباب
طليت من العين شفتوا ياسر بقيت نتوغ ونعيط ياسر ياسر عاوني راهو ضربني وغلق عليا الباب من برا ياسر عاوني ربي يخليك راح يقتلني قالي ماتخافيش راني هنا حاب نقلك بلي ماتخافيش دك نعاونك مش حنخليه يمسك بقا معايا شوية حكيتلوا واش دار فيا وكلش ومن بعد راح وفنفس النهار جا آدم فليل لقاني راقدة مادارش بيا راح يدوش وجا رقد... عند غدوة صباح بكري صوناو فالباب راح آدم يفتح غير فتح تخلع 💔
قا خويا وماما وياسر جايين كامل رحت نجري عنقت ماما قتلها شوفي واش دار فيا ونوريلها في جروحي قتلها شوفي كي دارلي شوفي كسرلي يدي وماما قاعدة تواسي فيا وتعنقني داوني معاهم للدار سلكوني من هاذ الوحش 💔 بقيت نحكي مع ياسر قالي طلقي منو باش نتزوجوا درت لم لخلع وفضحتوا وكلش وتلاقيت بمرتو قاتلي بلي داير فيها نفس الشيء وبلي مهبول ومش نورمال تمرمدت معاه فالمحاكم ماحبش يطلقني بقيت شخال وانا مرمدة وهو مش قابل قالي غير نتي لي مش رايح نخطيك ولا نطلقك 💔
فاتوا شهورة وانا فالشرع حتى تهنيت منوا هذا كامل وياسر واقف معايا وغير طلقت تزوجنا عرس خفيف مادرنا لا خطبة ولا والو غير تزوجنا طلعنا لفرنسا غير شافني قالي حاب ناكلك 🤣🤣🤣 قتلوا علاش قالي مش مأمن حسبت بلي مستحيل نولوا مع بعض وبلي خلاص نسيتيني عنقتوا وقتلوا مام انا كنت حاسبة روحي مش حنشوفك كامل وعاود غزىت فبه وقتلوا ياسر 😭😭 قالي عيون ياسر قتلوا انا منجيبش ولاد لازم تقبلني كيما راني واذا حاب تجيب ولاد مانيش حابة نحرمك عنقني وباسني وقالي مايهمنيش الولاد قد ماتهميني نتي ونبقا معاك دايمن ❤❤
فاتوا اسابيع مور زواجنا ووحد النهار كنا برا فطرنا برا حسيت روحي مش نورمال حابة نتقيا قلت باينة من الماكلة تاع برا ماخرجتش عليا لاعلينا زاد عليا الحال تارحت للطبيبة وهناا اووووب ماأمنتش رحت عند ياسر عيطلوا قتلوا ياسر قالي حياة ياسر قتلوا اني بلكرش تخلع وقالي مكانش منها قتلوا مانيس نتمسخر رحت للطبيبة ووووو وقتلوا بلي آدم هو لي كان فيه مشكل علابيها كان يطاق وماعندوش ولاد بسك مايجيبش وهو كان محصلها فيا وبلي المشكل فيااا
مهم فرحنا وفاتوا تسع شهر وجبت وليدي حبوبي زغنوشي وياسر عمروا مايعيطلي باسمي كلما نقلوا ياسر يقلي حياة ياسر قلب ياسر عينين ياسر كبدة ياسر دنية ياسر 😍😍😍
ونصيحتي للبنات دايمن ربي راح يفرجها وبعض الضيق والصبر كاين الفرج دائما وخلوا ايمانكم بربي كبير. رايكم في القصة!؟