انا بنت من عائلة ملتزمة جدا لدرجة تخنق حنا ثلاث بنات وهذاك لزاد الطين بلة بابا كان متزمت مش ملتزم فقط من صغار نتكركرو بالجلباب نكملو شوية كتابة وقراية يحبسنا ونقعدو فالدار انا لكبيرة فيهم وزوج خوتاتي اقل مني بابا هبالو ويجيب طفل ولكم ماما صراتلها مشكل ماتقدرش تزيد ترفد دايما يقول نتزوج و تجيبلي ذراري وكان صعيب بزاااااف دارنا كالغار الضو مكانش منين يدخل الطواقي مغلوقين مسمرهم باب تع دخلة ممنوع نقربولو لا مناسابات لا اعياد لا تلفزيون كان هو ليتفرج برك ولا كي يرحمنا يسمعنا فيه شوية قرٱن الكتب غير تع السنن وقصص الدين حنا نحبو هاذ الحاجات مانكرهوش دينا ولكن هذاك الضغط كرهنا منو نهار جات جداتي وهي تكره اصلا تجينا تتخنق مدتلي دراهم قاتلي اشري حاجة ليك ولخواتاتك قتلها من وين رايحة نخرج ولا نشري كي جات جداتي جابت معاها بنت خالتي واشمن لبسة واشمن حطة مكياج بارفان خزرت فيها قتلها رايحة لعرس هههه قاتلي علاه انتم تزينو غير فالعرس قتلها عرس ومانروح مانزين وجبدت تلفون وقعدت تشايخ مع صحاباتها قربت ليها وشفتها فالفايسبوك عالم اخر كي روحت بقيت نخمم قلت نشري تلفون بالتخبية بالدراهم تع جداتي كي رجعت جداتي مرة كبيرة لازم تجيب دايما وحدة من البنات معاه كي قتلها ماتت بالضحك عليا قاتلي زوج دورو هاذو يجيبولك تلفون راه بالملاين وبدين نطم ونخبي ونلم فالدراهم حتى كملت ومديتلها جابتلي تلفون وقاتلي انا خاطيني مهما واش صرى قتلها ايه جابتلي لابيس وفليكساتلي وفتحتلي فايسبوك انا دخلت للبيت وقت لجا بابا هو هكا يحب كي يدخل حنا مانقعدوش معاه ويفتح قرٱن وغير السكات استغليت الفرصة ودخلت بديت ندخل ونشوف وهكا جاتني رسالة قاتلي انا فوفا ضحكت متت بالضحك قتلها كفاه دخلتي كفاه بعثتي كفاه وكفاه وهي تضحك وتقلي بالعقل نعلمك اصبري شوية كل يوم تحكي معايا وانا دايرة كراس ونكتب في كلش وممبعد دخلو معايا بنات من لافامي وبديت نتعلم وتحلت عينيا بالشوية وليت نفهم في كلش ورجعت هاذيك هي دنيتي العالم تاعي نقعد باليومين بالثلاثة مانخرجرش من بيتي وهما ماذابيهم وبابا ماذابيه مايشوفوش وجوهنا وهنا كانت فرصتي بديت نعرف العالم الخارجي بديت نتعلم نهدر بلغة الشباب بعدما ماكنت نحكي بالعربية الفصحة كالرسوم المتحركة وليت دايما على تواصل مع عيلتي ويبعثولي صورهم ونبعث ليهم وعرفت عائلتي فردا فردا وكي البقيه في التعليق المثبت
#جمجو واتفاعلو
#viral #قصص #fyp
#الحلقة الثانية
فاتت الأيام وأنا عايشة في عالمي الجديد، هذاك التلفون ولالي هو النفس اللي نتنفسو. بابا يدخل يقرأ القرآن ويسبح، وأنا في بيتي دايرة الكيت في وذني وعيني في الشاشة. فوفا علمتني كلش، كيفاه نفتح "كونت"، كيفاه نبعث "انفيتاسيون"، وكيفاه نهدر . وليت نشوف التصاور تع العراس، المكياج، واللبسة، وقلبي يتحرق.. كنت نقول في قلبي: "علاه أنا محبوسة هنا
واحد النهار، جاني ميساج من عند واحد وسمو "حسام البروفيل تاعو فوطو تع بحر وكلمات حزينة. في الأول خفت، بصح الفضول قتلني. بدأت نهدر معاه، كان يهدر بأسلوب هادئ ومحترم، قالي: "أنا حاس بيك، وحاس بالخنقة اللي راكي فيها". بقيت مخلوعة كيفاه عرفني! قالي: "كلامك باين بلي راكي محبوسة في قفص".
وليت كل ليلة نستناه، نحكي ليه على بابا، على الطواقي المسمرين، وعلى جدة اللي جابتلي التلفون. هو كان يحكيلي بلي راهو عايش وحدو، وبلي الدنيا غدرت بيه. وليت نحس بلي هو الوحيد اللي فاهمني في هاذ العالم. بالشوية بالشوية، تطورت الهدرة، وقالي: "مريم، لازم نشوفك، حاب نخرجك من هاذ الغار ولو لساعة".
أنا هنا تخلطت عليا. كيفاه نخرج؟ وبابا لوكان يفيق يذبحني! بصح الشيطان شاطر، والضغط اللي كنت فيه خلاني نوافق. قتلو: "بصح كيفاه؟". قالي: "غدوة الصباح كي يروح باباك للمسجد ولا يقضي، أخرجي من الباب تع لوراني راني نستناك بالطونوبيل".
هذيك الليلة مارقدتهاش، قلبي كان يخبط قريب يخرج من صدري. غير خرج بابا، لبست جلبابي، غطيت وجهي مليح، وخرجت نرجف. غير شفت الطوموبيل، ركبت بسرعة. كان حسام، شباب وباهي، بصح عينيه فيهم نظرة غريبة مافهمتهاش تم. قالي: "ماتخافيش، راني هنا".
بقينا ندوروا، وأنا مبهورة بالدنيا، شفت الشجر، الناس، المحلات.. كنت كلي طير خرج من القفص لأول مرة. بصح حسام كان مرة يضحك ومرة يتبدل وجهه ويولي يهدر على يماه ومرت باباه بكره كبير. أنا كنت نهدن فيه ونقولو: "معليش، المهم رانا مع بعضبصح هذيك الخرجة كانت هي البداية تع الكابوس. نهار هدرتلو على يماه وقلتلو بلي لازم يسامحها، تم تقلبت الحالة...
#جمجو #اتفاعلو
❤️❤️❤️
الجزء الثالث...
ابليس وركبو وبدا يسب ويعاير ويطيح قالي وانتي كي خنتي باباك وجيتي هاذيك ماشفتيهاش خرجتي باه تتلاقي براجل ماشي باش تتعلمي كامل كيف كيف رخاس وماتسووش تحبو غير الخماج وماسكتش انا تعودت عليه سكتت وخليتو يهدر بعد نص اليل عيطلي قالي اسمحيلي انتي واش داك تهدريلي عليها قتلو اسمحلي وتمت من غدوة تلاقينا كالعادة سنيت بابا راح وخرجت ليه لقيتو جابلي واش حبيت شكولا ماكلا ورد وحلويات وووو وطلب مني سماح قالي راني اليوم مروح اسمحيلي وقعدنا نضحكو ونڨصرو ويوكل فيا بعدها بشوية حسيت بروحي بديت نغمى ونقولو حسام راني غميت يقلي بلاك من جلباب ثقيل وماحسيت بوالو فتحت عينيا نلقاه الليل طايح وانا معاه في واحد البلاج ماني عارفة وين ولا كفاه وصلت هنا متت بالخلعة وهو كان راقد كي شفت روحي لقيت قطرات في حوايجي بديت نعيط ونضرب فيه ونسب وهو كان متكيف الكيف هاذي حاجة اخرى نفيق بيها قالي كامل كيف كيف كي انتي كي يما كي مرت بابا نساء كامل كي لكنت خاطبها وخلاتني كامل رخاس وانا نبكي قتلو وانا وعلاه واش درتلك قالي وين عرفتيني حبيتك ونويتك عايرتيني بيما قتلو والله ماقصدي ممبعد فقت قتلو وذرك واش قعدلي ضربتو عضيتو قطعتو بسناني وهو غيريشوف فيا فتحلي الباب وقالي اهبطي ذرك وروحي اهملي وانسايني وراح وخلاني جمدت في بلاستي هبلت طلع علينا نهار بين الروشيات وانا ماني عارفة واش ندير من تعب غميت نسمع في صوت بابا يعيطلي فتحت عينيا نلقاه حسام يعيط مريم مريم شافني جاني يجري عنقني قالي اسمحيلي وباسلي رجليا ويديا قالي انتي بنت مربية وانا لرخيس ضربتو وبعدتو عليا قعد يحلل فيا ارواحي معايا هنا يقتلوك ياكلوك ويرموك للبحر قتلو علاه انت واش خليت راك قتلتني بابا راه ذرك يدور يقتل يما وخياتي في سبتي قعد يحلل فيا روحت معاه معنديش حل خلاف داني اوتال دخلنا للبيت قالي اقعدي هنا قتلو وين راني قالي ماناش في ولايتك مي مزالنا فالشرق اقعدي نلقاو حل والله مانرميك قتلو نقتل روحي ومانقعدش معاك راك ضيعتلي شرفي ونبكي ونخبط فيه قالي مريم والله ماتوشيتك قتلو تكدب وهذا واش قالي والله ماتوشيتك هذاك درتهالك زكارة راه غير جرح برك نديك ذرك لطبيب وتشوفي روحك والله ماقربت ليك تم زدت هبلت ومافهمت والو قتلو علاه علااااه هكا واش درتلك قالي انا مريض ونكره نساء من يما وخطيبتي ومرت بابا وانا واش دخلني فيك انتي حبيتك..
تفاعلووو مع الاجزاء 🥀🥀🥀
الجزء الرابع...
قالي انا مريض ونكره نساء من يما وخطيبتي ومرت بابا وانا واش دخلني فيك انتي حبيتك ونويتك ولكن عايرتيني بيما تم طحت وفشلت... قالي والله نتزوجك ونديك لداركم ونصلح كلش قتلو بابا يذبحك ويذبحني قعدنا ايمات في تم ممبعد قالي نديك لداري ونروحو وباباك انسايه مكانش حل حبيت نقتل روحي شربت كمية تع منضفات لقيتها فالدوش داني سبيطار ومنعت فتحت عنيا نلقاه يبكي ويرجف وهو راقد قتلو واشبيك ماردش عليا ويهدر وحدو ويقول راني بردت وجعت كي فيقتو قالي مرت بابا كانت تجيب صحابها وترميني فالبالكون فالشتاء للبرد نقعد باليومين للشر والبرد تم بديت نفهم حكايتو ويحكيلي في حكايات القلب يتحرق منها وروحنا لدارو لقيتها جنة كل حاجة متوفرة فيها وعايش وحدو قالي والله مادخلت فيها مراة من غيرك قعدنا تم وبقى غير يحكيلي في حياتو كنت نقول حياتي كانت نعمة قدام حياتو ممبعد عرض عليا زواج واكيد قبلت وتزوجنا ولكن ماقربليش خلاص قالي ماندير حجة ماكيش راضية عليها وكنا عايشين عادي كالأخوة وقلبي راه عند بابا وخياتي فاتت اشهر حتى نهار كنا نحكيو وتقربنا لبعض وبدات حياتنا الزوجية كزوجين عاديين ولكن كان رافض تماما فكرة الذراري قالي مانجيبش بنت دير كما انتي والا كما يما محال كنت نسكت ونبكي ودايما يطلب سماح وفي كل مرة يقلي راني مسافر يغلق عليا كلش ويقعد بالأيام ويجي نهار قالي البسي جلبابك وتم كانت اول مرة نخرج بعد عدة اشهر وقالي نزلي سدل تاعك وخرجنا طوالت طريق بينا وانا نقولو وين نروحو يقلي انا لنقرر انتي اسكتي ونعست ورقدت كي وصلنا قالي مريم نوضي كي نضت صبت روحي قدام دارنا نجي نهرب شدني وقالي اصبري وانا نبكي قتلو ارميني البرة وهنا لالا قعدني وقالي بالعقل اصبري واستعقلي ويصوني تلفونو ورفد قالو سلام بابا راني هنا قتلو رجعت تحكي مع باباك قالي لالا نشوف باب دارنا تفتح وخرج بابا ويما وخياتي تقول كانو يسناو فيه قالي هذا هو بابا لكنت نحكي معاه ونزلت نرجف جاني بابا يجري تخبيت وراه خفت وهو يضحك ويقلي تتخباي من باباك ورايا انا سبحان الله عنقني بابا وانا والو مش مصدقة ودخلني وانا شادة في حسام ونقولو بابا يقتلني وهو يقلي ماتخافيش دخلنا للدار يعنقو فيا ويبسو وانا والو جامدة قعدوني ويوقفوني كالبيبي وجامدة لا حركة وهو عنق بابا ويقولو بابا اني جبتلك مريم كما وعدتك ويبوس في يديه تقول يعرفو من مدة...
جام يازينة نتاع باباها 🥀🥀
الجزء الخامس والأخير...
باه نرجعك ليه ونهار قبلني وقالي جيبلي بنتي فرحت ووعدني مايدناش ليك قتلو راي زوجتي تقرب ليها نشكي بك واليوم جبتك ليه واطلبي منو سماح وانتي ماغلطيش انا لغلطت وراني حكيتلو حياتي وفهمني من الفرحة عنقتو ونضحك ونبكي ومش فاهمة روحي ومانيش مصدقة قالي بابا راني مسامح ومش مسامح نهار نجيب ذراري وتفهمي شفت في حسام وجهو تبدل مزال رافض ذراري ولكن هذا ماغلبش على فرحتي وقعدنا نحكيو وقالي بابا هذا كان درس ليا لكرهت البنات وحرمتكم من كلش وحرمتكم من ااقعدة قدامي وراني رجعت خياتك يقراو وتبدل بابا معانا ورجع يعنقهم ويبوسهم وقت لكان حتى بالإسم مايعيطش لينا رجعت نجي لبابا انا وحسام ورجع بابا يجينا ويزورني هو ويما ونهار كنت واقفة نشوف في ذراري صغار جا حسام وقالي ماكيش انتي تاني حابة تكوني ام قلبي خرج ودمعتي طاحت قالي ايه انا كنت نخاف مي ذرك صلحت حياتي وعندي اهلي وعندي بابا ويما كما كامل الناس عنقتو وبكيت وكان في كل مرة يطلب من سماح وانا ناكدلو بلي مسمحاتو وحملت وجبت ولدي الأول سميتو على بابا وتاني جبت طفلة وسماها حسام مريم وكانت اعز من الولد
هنا صح فالنهاية كانت جميلة رغم قصاوتها فالبداية ولكن مانشجعش على هذا التصرف وعلى الثقة الزايدة يمكن مريم لقات حسام وصلح اخطاؤو ولكن قادر طيحو في ناس تتذبحو وتموتو ومكانش ليسمع بيكم وهنا الحالة النفسية ديما وراها ناس وراها حكايات ماتكرهوش البنات ماتغلقوش عليهم علموهم وعوهم خلوهم يغلطو ويصلحو الغلط الصغير يتصلح ولكن الغلط الكبير عمرو مايتصلح
النهاية..#رأيكم في القصة ♥️ ونتي الا اول مرة تقراي قصة في هذي لاباج ماتنسايش ديري متابعة ل مجهول في عالمكم باش مايفتوكش قصص الجاية 🙄 ويلحقك كل جديد 🤗