#قصة_اليوم_
#جزء_الاول
#الجزء_الثاني
عالم اخر جابني ليه ودارنا الجديدة كانت في بير خادم فيلا صغيرة وباهية دخلنا حطينا الكابات كنا غير وحدنا برك كانت الدنيا معمرة بالغبار انا ريحت شوي و بدلت قشي وبديت الميناج عمرت دار بالماء والصابون ونغسل جاتني وحد الفرحة هكذا قلت بعد على مروة خلاها لهيه بلاك ينساها كان هو يسيق قدام الباب ويسقي في الشجر وانا الداخل مخليا هذاك الما وندور من بيت لبيت الكوزينة داتلي عقلي لقيتو دخل وقال واشي هذا الصابون قتلو دير بالك طيح ضك نجي نسيقو مشبعنيش هدرة مره وراح لقيتو هز مكنسة وقاعد يخرج في الما وليت لحقتو بالفريطوار ونسايس في روحي حتى نشوف فيه راحو رجليه ويزلق ويطيح ههه مقدرتش نحكم في روحي بالضحك
عليه وهو كل مايجي يوقف يعاود يطيح وانا مت بالضحك ورحت ليه نعاونو لقيتو يضحك أول مرة شفت ضحكتو من نهار تزوجنا قلبي فرح مديتلو يدي حكمها وناض ولا يشوف مع الباب ووجهو تبدل ....شفت انا للباب لقيت طفلة واقفة تشوف معانا و تبكي طلق هو يدي وراح ليها هي خرجت تجري وهو لحقها انا مافهمتش خلاص واش كاين لحقتو انا لقيتهم في الجنينة يقولها مروة والله ماكاين والو والله يامروة نحبك والله غير ماما برك سيفت عليا ماكنتش جايبها وهي تقولو زاهيتلك يالكذاب تقولي راني نتعذب راك تضحك وفرحان وماعلى قلبك هم انا قلت هذي واش جابها هنا لحقتني العاقبة حتى هنا مروة كانت تسكن فما دوريجين ...شفتو كيفاه يحلفلها رجعت للدار كملت الحالة وحدي ورحت لشومبر باه نرتب القش في لخزانة لقيتو جا وجاب معاه ساشيات تاع قضيان حطهم فوق البوطاجي وراح خرج رحت لقيتو جاب اكل سريع كليت انا شوي ماقدرتش حتى نبلع واش في فمي غصة في قلبي طاحت الظلمة وهو مجاش واول مرة نجي لبلاصة بعيدة خفت وحدي والتواقي معندهمش ريدوات الحالة تبان خلااا نصبر في روحي غير بالقرآن ونقول ماعندو وين يروح ويخليني هنا وحدي ..لقيتو جا غلق الباب ودخل للشو مبرا ..... لقاني راقدة نوضني قالي هذي شومبرتي انت روحي ارقدي في شومبرا اخرى ..غاضتني هذي الهدرة قطعتني احنا عرسان معدناش خمسة اشهر ويرقد كل واحد في شومبرا بصح لميتها وسكت ورحت لشومبرا لخرا لقيتو لحقلي قشي الي رتبتو في خزانتو ورماهولي فوق السرير و خرج ..انا كل ما نغمض عينيا تجيني صورتو كي ضحك وتولي تروح وتجي صورة مروة هي شابة وسيفيليزي بصح مش كيفي محجبة وباهية ههه..
صباح نضت بكري كملت الميناج وخرجت للجنينة قعدت نشم شوي هواء لقيت فارس جا عندي قالي وجدي روحك نديك كاشما تشري حوايج للبيت اول مرة يحكي معايا جملة مفيدة ههه فرحت انا ولبست قشي ورحت معاه داني لسوبر ماركت ماخليت مانجيب ههه ريدوات كوفروليات زرابا وهو يتبع ويخلص وانا نختار على ذوقي وكي نسقسيه نقولو اللون هذا مليح ولا مايجاوبنيش خلاص مالا قلت واش عندي فيه ندي على رايي #يتبع
#الجزء_الثالث
خلصت القضيان مت بالغلبة والجوع قتلو هيا نروحو جعت وغلبت قالي عندي خدمة بعدها نوصلك رحت معاه لوحد بلاصة هكا من راح مجاش وانا نستنا في طوموبيل وكرشي تصوني ههه وليت هبطت من طوموبيل قلت كاشما نلقى حانوت نشري منو كاش حاجة صالحة للاكل درت درت ومالقيت والو خاليا خلاص رجعت للطوموبيل مالقيتهاش حوست من من مالقيتوش مت بالخلعة وانا مانعرفش البلاصة وحتى كون نحكم طاكسي منعرفش نقولو وين يديني قعدت ندور كي المهبولة وميتة بالجوع فاتت ساعة وانا هكاك هاملة وتلفوني خليتو في الطموبيل مشيت مشيت حتى لقيت بتزيريا صغيرة دخلت جيت كاشما ندوموندي قالي اسمحيلي سكرنا خرجت بغيت نبكي وليت كملت المشية حتى صبت حانوت دخلت شريت قرعة ما وشوية شيكولا ههه ونمشي ونوكل فيها وحاطة راسي بالارض حتى نسمع في الراجل يعيط اااعندك ونلقا روحي قدام طوموبيل قد قد فشلو رجليا وطحت من الخلعة لقيت راجل هبط منها يجري وقالي اسمحيلي والله ماشفتك مدام على سلامتك قتلو معليش معليش هزيت راسي لقيتو فارس الدمعة طاحتلي وعنقتو وقتلو ويينك ويينك علاه رحت عليا وخليتني وحدي لقيتو قالي اني جيت اني جيت اني هنا ووشدني باه نوض ركبنا في الطوموبيل وانا مزالني نبكي قالي ساي يخي ماصرا والو انا مقلبتلوش وبقيت نبكي شاف معايا لقاني رافدة شيكولا قالي جعتي هزيت راسي انا بمعنى ايه لقيتو زاد شوي وحبس قدام ريسطورون حدرنا قعدنا دوموندا بيتزا و كولا كليت انا حتى شبعت وهو صونالو تلفون راح يهدر معاه وانا رفدت تلفوني لقيت 30 آبال "زوجي "ههه ضحكت وحسيت بالفرحة أول مرة يعيطلي في تلفوني معليش ليشتا آبال مونكي ههه ..كي عنقتو حسيت بالأمان والحب شعور جامي حسيتو اااااااااه ههه ..قتلكم مالا روحنا للدار رقدت انا وغدوا بديت نفرز في الدار ونركب في الحوايج هو لقاني هكذاك مقلبة الحالة خرج ماعوني ماوالو انا درت كلش من صباح ووجدت لغدا ستكيت الحالة وخرجت للجنينة سقيت الشجر وقلمتهم وحطيت فيها كراسة باه نقدرو نقعدو فيها كي رجع فارس بقى حاير في الحالة عجباتو وباه مايبينليش ويفسدلي الفرحة طلع لشومبرا تاعو وهبط يهدر مع حبيبتو مروة قالها وين حابة نتلاقاو انا قلت واش عندي فيهم يتلاقاو يتحابو الله يساهل انا المهم مانفسدش فرحتي ماعبرتوش خلاص وطلعت لشومبر تاعي قلبتها زي تاع مراهقات علقت فيها الورد ههه..............يتبع
#الجزء_الثالث
خلصت القضيان مت بالغلبة والجوع قتلو هيا نروحو جعت وغلبت قالي عندي خدمة بعدها نوصلك رحت معاه لوحد بلاصة هكا من راح مجاش وانا نستنا في طوموبيل وكرشي تصوني ههه وليت هبطت من طوموبيل قلت كاشما نلقى حانوت نشري منو كاش حاجة صالحة للاكل درت درت ومالقيت والو خاليا خلاص رجعت للطوموبيل مالقيتهاش حوست من من مالقيتوش مت بالخلعة وانا مانعرفش البلاصة وحتى كون نحكم طاكسي منعرفش نقولو وين يديني قعدت ندور كي المهبولة وميتة بالجوع فاتت ساعة وانا هكاك هاملة وتلفوني خليتو في الطموبيل مشيت مشيت حتى لقيت بتزيريا صغيرة دخلت جيت كاشما ندوموندي قالي اسمحيلي سكرنا خرجت بغيت نبكي وليت كملت المشية حتى صبت حانوت دخلت شريت قرعة ما وشوية شيكولا ههه ونمشي ونوكل فيها وحاطة راسي بالارض حتى نسمع في الراجل يعيط اااعندك ونلقا روحي قدام طوموبيل قد قد فشلو رجليا وطحت من الخلعة لقيت راجل هبط منها يجري وقالي اسمحيلي والله ماشفتك مدام على سلامتك قتلو معليش معليش هزيت راسي لقيتو فارس الدمعة طاحتلي وعنقتو وقتلو ويينك ويينك علاه رحت عليا وخليتني وحدي لقيتو قالي اني جيت اني جيت اني هنا ووشدني باه نوض ركبنا في الطوموبيل وانا مزالني نبكي قالي ساي يخي ماصرا والو انا مقلبتلوش وبقيت نبكي شاف معايا لقاني رافدة شيكولا قالي جعتي هزيت راسي انا بمعنى ايه لقيتو زاد شوي وحبس قدام ريسطورون حدرنا قعدنا دوموندا بيتزا و كولا كليت انا حتى شبعت وهو صونالو تلفون راح يهدر معاه وانا رفدت تلفوني لقيت 30 آبال "زوجي "ههه ضحكت وحسيت بالفرحة أول مرة يعيطلي في تلفوني معليش ليشتا آبال مونكي ههه ..كي عنقتو حسيت بالأمان والحب شعور جامي حسيتو اااااااااه ههه ..قتلكم مالا روحنا للدار رقدت انا وغدوا بديت نفرز في الدار ونركب في الحوايج هو لقاني هكذاك مقلبة الحالة خرج ماعوني ماوالو انا درت كلش من صباح ووجدت لغدا ستكيت الحالة وخرجت للجنينة سقيت الشجر وقلمتهم وحطيت فيها كراسة باه نقدرو نقعدو فيها كي رجع فارس بقى حاير في الحالة عجباتو وباه مايبينليش ويفسدلي الفرحة طلع لشومبرا تاعو وهبط يهدر مع حبيبتو مروة قالها وين حابة نتلاقاو انا قلت واش عندي فيهم يتلاقاو يتحابو الله يساهل انا المهم مانفسدش فرحتي ماعبرتوش خلاص وطلعت لشومبر تاعي قلبتها زي تاع مراهقات علقت فيها الورد ههه..............يتبع
#الجزء_الرابع
انا حسيت بالراحة في الدار هذي فارس يروح يخدم ويرجع وقت لغدا والعشية يرجع بكري ..توحشت ماما واختي وعايلتي كنت كل يوم نهدر معاهم بالصح مش كيما نشوفهم وايمان مسكينة كانت كل يوم تتصل بيا مقلقتني غير مروة هو اصلا فارس يشوف فيها غير هي انا في هذيك الدار كي الخدامة تاعو نحرسلو البيت ونطيبلو وخلاص بصح كنت راضية بمكتوب ربي ماعندي ماراح ندير كون نهدر معاه يقولي طيري عليا بحتى انا منيش مسحقك كانت ابسط جاست منو تفرحني كنت نحبو الله غالب ....مرة كنت نحكي مع ايمان وماماها في تلفوني ونضحكو وهو قاعد في الكوزينة يتعشا ويسمع لينا مالا ايمان قاتلي جوزيلي فارس نحكي معاه انا خفت نهدر معاه بصح رحت وديتلو تلفون وقتلو ماماك تحوس تحكي معاك شدو هو وحكى معاهم ورجعولي وكمل يوكل وممبعد قالي تلفونك قديم مايسمع والو قتلو انا بصح انا عاجبني سكت وطلع وغدوة جابلي تلفون جديد قالي هاكي هذا قتلو كثر خيرك وخليتو شادو وطلعت لشومبرا تاعي لقيتو طلع وضرب الباب عليا ودخل خلعني قلبي طاح قالي انا منحبش الي يكسرلي كلمتي ومانحبش نعاود هدرتي ورمالي تلفون في حجري وشاف مع الشومبرا وخرج باينة عجباتو ههه بدلت انا لابيس درتها في تلفون الجديد وخبيت لوخر كيما قالي .. فاتو علينا شهر في دارنا الجديدة وحد المرة راح فارس يخدم وانا قاعدة ندير في الميناج اليومي نسمع في الباب يطبطب رحت فتحت لقيتها مروة ضربت الباب ودخلت ماش حاسبتني طول دارت في الدار وقالت الله يباارك واشي هاذا راكي قايمة بالدار يا خطافت الرجال مالا انت هي الخدامة الي جابك فارس مسرارة بسلامتك قتلها واش تحوسي عندي قاتلي انت الي واش تحوسي عندي انا راني في داري قاتلي معلابلكش بلي هذا البيت كان راح يكون تاعي بلي هذا الجنان انا الي غرستو بلي انا الي درت الديكور تاع البيت انا الي خيرت هذي لكويزين انا الي شريت لماعن هاذو ودور في الدار وتحكي وتبكي قاتلي جيتي لقيتي كلش واجد الراجل ولقيتيه واجد انا كنت حاطة يدي على فمي ونبكي وجعني كلامها لقيتها قربت مني قاتلي تبكي يادموع التماسيح انت زاهيتلك وانا نتعذب قاتلي هذا العز مايدوملكش قتلها انا اذا تحبي فارس اديه انا منمنعش سعادتكم قاتلي علاه انت شكون باه تمنعي سعادتنا وبدات طيح في الهدرة وتجيب من وتدي من انا تقلقت وقتلها انت وحدة طماعة شفتيه تزوج اخطيه فارس راجلي انا وانت مابقالك والو تقدري تخرجي ضكا من داري هي تشوكات وقاتلي راكي مسترجلة بعايلة فارس بصح تندمي عليها وراحت ...انا مت بالبكا المرا تدي راجل تتهنا وانا ديت راجل باه نتعذب ونعيش المر كبرت قلبي كبرت قلبي بصح من رايحة وتضياق عليا وفي الليل جا فارس مقلق مره وجهو مقلب جا لقاني في الصالة نتفرج شدني من ذراعي وقالي واش قلتي لمروة انت واش حاسبة روحك كيفاه وحدة كيفك تحكي معاها بهدلني وشبع فيا سب وايهانات ماخلا مايقلي انا حبيت نغلق وذنيا باه مانسمعوش ولا كاشما ندير في روحي باه نتهنا وهو يتهنا قالي منحبكش تزيدي تحكي معاها اصلا وين لقيتي نميرو ديالها ولا راكي تقلبي في تلفوني انا ثما عرفتها كذبت عليه وماقاتلوش بيلي هي الي حكات معايا الاولى و هو مادارش في بالو هي الي جات عندي وتهجمت عليا وكلت انا ربي وحملتها. وسكت ماعندي ماراح ندير وديت هذيك الليلة نصلي ونبكي وندعي في ربي يفرجها ..
غدوة الصباح نضت لقيت تلفون يصوني لقيتها ايمان قاتلي راهم جايين عدنا هي وأم فارس وباباه انا رحت للكوزينة قلت نوجدلهم غدا مليح وفرزت الحالة فارس ماناضش بكري كي فطن جا للكوزينة لقاني وجدتلو لفطور ماحبش يفطر راح خرج ومرجعش مره حتى عادت الوحدة تاع العشية لقيت ايمان وصلت رحت استقبلتهم ورحبت بيهم أم فارس تحضنتني وقاتلي توحشتك وتوحشت طيابك لبنين وسلمت على فارس وباباه قالي واش راكي بنتي كاشما يخصك هنا فارس راهو متهالي فيك شفت انا مع فارس و قتلو ايه الحمد لله مايخصني والو معاه #يت
#الجزء_الخامس
وحطيتلهم لغدا وعشينا نشايخو نحاولي على قلبي وفي الليل رحنا ندورو في لبلاد وممبعد رجعنا فرشتلهم أم فارس وباباه في شومبرا وايمان رقدت في شمبرتي وانا وفارس رقدنا في شمبرتو هو بطبيعة الحال مكانش حاب بصح مكانش بيوت بزاف ثلاثة برك وقدامهم مالزمش نبينو بلي كل واحد يرقد وحدو فارس رقد فوق السرير وانا رقدت لتحت فطنت في الليل لقيت لغطا تاعو طاح هزيتو غطيتو بيه وقعدت نشوف مع وجهو يهبل والكور تاعو تتمناه اي طفلة تمنيت كون راني محضناتو وراقدين كأي زوج مزوجين وانا تايهة لقيتو حط يدو على يدي انا تخلعت ونحيت يدو ورجعت رقدت ....قعدت عايلة فارس عدنا يامات وروحو نحاولي ضيقة الروح وكي راحو رجعتلي الغربة الي معيشني فيها فارس .فاتو ليامات ونسيت انا مروة بالرغم انو كل يوم نسمعو يتمعشق معاها في التلفون بصح نحيتها من بالي ...حتى وحد النهار وصلت انفيتاسيو لفارس من عند صاحبو تزوج يسكن ثما في عاصمة جانا للدار وعرضنا قالو ارواح انت والمدام ابلاك ماتجيبهاش هو راح وفارس قالي ماتروحي ماوالو نروح وحدي سكت انا ورجعت قتلو كي عاد في الليل روح بصح ماطولش اني نخاف وحدي شاف معايا وطلع لشومبرا تاعو وهبط يتعشا حطيتلو كلا وخلص قالي اوكي وجدي روحك غدوة قتلو تديني قالي ايه .....الصباح انا رحت لخزانتي مالقيت فيها حتى حاجة تصلح يروحو فيها للعرس وحفلات روباتي مجبتهمش رحت ليه قتلو مانروحش قالي لاه قتلو ماعنديش واش نلبس شاف معايا وقالي مالا صاي نروح وحدي وخرج راح يخدم انا كنت حاابة نروح بصح اللبسة ماخلاتنيش قعدت نتفرج حتى ولى لعشية لقيت فارس جا طلع لشومبرتو بدل حوايجو وهبط قالي هيا البسي عبايتك واخرجي وراح.رحت انا لبست وغلقت الباب ورحت معاه داني نشري كاشما حاجة نلبسها دخلت انا لمحلات وهو قعد في طوموبيل عجبني كلش شريت روبة و طالون وخرجت لقيتو داني لكوافير وممبعد رجعنا للدار لبست انا روبة وجيت نقتل هو قعد يشوف معايا وقالي ازربي طولنا ولينا رحنا لصال الي قالو عليها وصلنا انا مقدرتش نمشي بطالون جاني عالي بزاف حكمت في فارس هو ماقال والو دخلنا لقينا صاحبو ولعروسة سلمنا عليهم وقعدنا كان بزاف ناس متزوجين ومتحابين وشيوخ وعجايز ههه امبيونس انا ملي قعدت وانا نشوف غير في خليقة فارس مقلبها عليا تقول منيش قاعدة ثما فات شوي وقت حتى نشوف في مروة فما مصدقتش عينيا وقلت هذي واش جابها هنا حاطة حطة لابسة لميني وكيفاه دايرة شعرها شفت مع فارس لقيتو حال فمو فيها وناض راح عندها انا غاضتني روحي قعدت وحدي تقول أشعب جا بلا عرضة مالقيت وين ندير وجهي ناس كاملة علابالهم بلي فارس كان على علاقة مع مروة وتزوج وشافوه كي راهو واقف يهدر معاها وهي تشوف معايا ......يتبعبع
#الجزء_السادس
انا وليت نرجف ونهدي في روحي ماقدرتش وليت رحت وين حاطين الماكلة والحلوى قاعدة نهز من الانواع الي عجبتني حتى لقيت وحد الراجل هكا باهي وجاي طويل وسمر هو ثاني قاعد يذوق من الحلوة قالي بنينة اه قتلو ايه ماشاء الله قالي و مشاء الله عليك بڤوصة بسلامتك انا حشمت وقتلو ربي يحفظك قالي انا انيس قتلو انا سلمى قالي انا جيت وحدي هذا عرس صاحبي وانت تعرفي لعروسة باينة ضحكت انا و قتلو انا جيت مع راجلي هذا ثاني صاحبو قالي متزوجة مالا قتلو ايه قالي وعلاه قاعدة وحدك قتلو معرف برك وين راح راجلي ضك يجي قالي نورمالمو ميبعدش على هذا الزين وإلا رايحين يخطفوهلو ضحكت انا قالي ضحكتك باهية مدام سلمى قالي شكون هو راجلك قتلو فارس بن ****حاار و قالي صح قتلو ايه قالي وكتاش تزوج معرضنيش قالي بصح كيفاه تزوج يخي يحب مروة انا تنشعت وقتلو انا لازم نروح قالي اسمحيلي مدام والله ماقصدي قتلو معليش رحت وخليتو والدمعة في عيني...رحت وين تواليت لقيت فارس ومروة فما تخبيت انا وسمعتهم قاتلو جيت وجبتها وانا كنت حابة نشوفك وحدك قالها منقدرش نخليها وحدها قاتلو يعني تخاف عليها ولا كيفاش قالها والله ماش هكذاك اصلا اني رايح نطلقها انا تصدمت والدمعة طاحت تجري ودارتلي الخبطة في قلبي قاتلو هي ماذابيك تزرب انا منقدرش نصبر كثر قالها اوكي وضكا لازم نرجع اني خليتها وحدها وفات عليا بلا مايشوفني وليت دخلت انا لتواليت وشبعت بكا على زهري لمعوج لقيتها دخلت ماشفتنيش قاعدة تهدر مع صحبتها قاتلها رايح يطلقها مابقاش بزاف ونولي مدام بن*** قاتلها صحبتها بصح انت متحبيش فارس علاه حابة دمريلهم حياتهم قاتلها انا نحب واش عند فارس ولازم ندي فاس باه ندي واش عندو داكور قاتلها صحبتها داكور وراحو خرجو ....انا تشوكيت كي سمعتهم جاتني الفشلة وليت خرجت مسحت وجهي وعاودت مكياجي ورجعت للطابلة لقيت فارس قاعد قالي وين كنتي عيطتلك الف مرة مارجعتلوش انا مره قالي واش بيك زدت ماجاوبتوش لقيت هذاك انيس جا عدنا سلم على فارس قالو كيفاه تتزوج ومتعرضنيش خسارة عليك قالو اسمحلي برك قالو قولي برك خيرتها ولا خيروهالك هذي البڨوصة فارس شاف معايا وقالو مكتوب قالو انيس مكتوب وزهر كوغير عرفتها قبلك كون انا الي راني قاعد معاها ضكا انيس تنشع وقالو واش بيك هبلت حتى تهدر معايا هكذا قالو اسمحلي عينيها يذوبو انا مت بالحشمة و فارس قالو يخي صماطة يخي وشدلي يدي و
#يتبع
#الجزء_السابع
طول الطريق و هو مشنف قتلو شكون هذا كنت حابة نقعد قالي واش دخلك فيه لاه تسقسي سكت انا وصلنا دخل قالب وجهو وطلع لشومبرا تاعو انا رحت قاعدة نبدل في حوايجي لقيتو جا ضرب الباب قالي من اليوم ماتزيدي تروحي معايا حتى بلاصة قتلو علاه ياخي انت الي ديتني انا مكنتش رايحة قالي باينة عجبك الحال واش قالك انيس سكت انا قالي هاي باينة عجبك الحال قالي باينة ذبلتيلو بعينيك وانا قاعد معاك كي لحمار قتلو واش تقصد قالي كون شافك محتارمة مايشوفش معاك انا تشوكيت من كلامو قتلو كيفاه انا مش محتارمة قتلو انا الي رحت لابسة طويل و حاطة خماري وقاعدة مع راجلي ومشفت حتى مع واحد غيرو وهو راح وخلاني باه يستقبل لالا الي جات مشترة وفاضحة روحها وماقلت والو وليت انا مش محتارمة عطيك الصحة فارس عطيك الصحة وبديت نبكي قالي انا ...قتلو تقدر تروح تخليني لقيتو راح خرج وسكر الباب.ركب طوموبيل وراح بقيت وحدي كي الوحيدة في هذيك الفيلا قالك ضربني وبكا وسبقني وشكا صبرت روحي بالقرآن باه مانخافش وبقيت نخمم وين راح وقتاش يجي وممبعد رقدت جابتني لفطنة لقيتها الساعتين تاع الليل لقيت تلفوني يصوني رفدت لقيتها مروة قاتلي الو يا مرت حبيبي قتلها واش سحقيتي ليل ليل قاتلي جوزيلي فارس مسحقاتو قتلها مكانشو قاتلي مالا خلي نجوزولك انا ...تخلعت انا وقتلها يالكذابة واش باغية تقولي قاتلي فارس عمري راهو عندي ورانا راقدين انتيك انا قلبي تقطع قتلها تكذبي قاتلي اصبري نبعثلك صورة كوبيت عليها لقيت ميساج لحقني فوطو تاع فارس راقد في سرير كان وحدو انا مصدقتهاش كي عاد وحدو بصح شكيت قلت هي الي تصور حاجة باينة ماتبانش انا بايتة نبكي وغدوة لميت كابتي ولبست حجابي وهبطت نبكي باتت هذيك الكلمة الي قالهالي تاع مكيش محتارمة تحرق في قلبي انا كانو الناس يمثلو بيا في التواضع والحشمة يجي هو يقولي مش محتارمة وزيد متزوجين ويروح يزني مع حبيبتو عيني عينك .صبرت صبرت قلبي تعمر....يتبع
#الجزء_الثامن
جا داخل هو من الباب شافني حااار قتلو اديني نروح قالي وين قتلو لدارنا قالي لاه قتلو اديني وخلاص قالي مش قاعد عندي خدمة قتلو لالا اديني قالي كي نخلص وراح خرج مرجعش حتى لليل لقاني مزلت لابسة حجابي ومزلت نبكي نضت ليه قتلو هيا اديني قالي طاح الليل طفرت اليوم قتلو ماهمنيش ضاقتني روحي حابة نروح لدارنا فات عليا وراح للكوزينة لقا الضو طافي قالي ماطيبتيش اليوم مارجعتلوش انا قالي مالا هيا نديك فرحت انا مسحت دموعي وركبنا ورحنا مشينا شوي وحبس الطوموبيل قالي اهبطي هبطت لقيتو ريستو قتلو علاه جبتني هنا اديني نروح قالي هيا ندخلو ونهدرو دخل دوموندا عشا قعدنا قاعد يوكل ماش سامع ليا مره انا ماكليت والو قاعدة غير نبكي بالصدفة كان انيس وصحابو ثما يتعشاو فارس كان يوكل وانا قاعدة نخمم حاطة يدي على وجهي ودمعة تجري وحدها مالتاش بيا مره....انيس جا خارج لقانا قاعدين قالنا مرحبا بيكم مساء الخير مسحت انا دموعي و درت ضحكة على وجهي و فارس شنف عليه وقالو مساء النور قالو وش راك فارس سافا قالو سافا وانت قالو انا انتيك خصوص كي شفتك والمدام الباهية تاعك انا حشمت حطيت راسي وفارس قالو بركانا من هذا اللعب انيس قالو اسمحلي ياسيدي بصح المدام تبان حزينة اليوم خير برك فارس سكت مالقا واش يقول وهو قالي خير مدام سلمى راكي مليحة قتلو انا هيه حمد لله قالي بصح تباني كنت تبكي قتلو جدات صحبتي توفات فارس شاف معايا و تبسم و انيس قالي ااا ربي يصبركم قتلو يعيشك قال لفارس اتهالا فيها مليح قالو فارس وقتاش تتزوج وديرلنا عرس قالو انيس حتى تلقالي وحدة كيف مدامتك فارس خبط المغرفة وقال لانيس متخلينيش نغلط معاك انيس قالو اسمحلي اني رايح بصح تندم عليها . فارس تنارفا وقالي هيا ركبنا ورجعنا للدار دخل خبط الباب وطلع وانا رحت لشومبرتي ...من نحيت قشي لقيت تلفون يصوني لقيتو نميرو تاع مروة مارفدتش عليها انا في هم وهي تزيد عليا بقات تعيط حتى رفدت قتلها واش تحوسي عندي باعديني يرحم باباك الي فيا يكفيني انت ماتخافيش ربي روحي ربي يجيبلك الي يبكيك ويشيطك كيما شيطتيني لقيتها كوبات عليا رميت انا التلفون وشديت راسي وبديت نبكي على سعدي لمسود هذي ماش مخليتني نرتاح ..من داك الغدوة زدت قلت لفارس اديني نروح زاد صمطني ومادارنيش في بالو يخرج ويخليني نهدر وحدي ..قعدت مع عقلي شوي قلت نزيد نصبر عليه لعود يهديه ربي بركيت عدت مانقولوش اديني نروح وليت نخدم في شغل البيت كيما كنت .. حتى وحد النهار سمعت الباب يدقدق رحت فتحت لقيتو أنيس جا يشوف فارس قتلو مكانشو راح يخدم قالي اذا عاد مايطولش نستناه قتلو اسمحلي تقدر تستناه برا حتى يجي نلقا فارس حبس بالطوموبيل لقاني واقفة انا وأنيس عند الباب تبدل وجهو وقالو خير ماجابك قالو جيت نشوفك و نعتذر منك على واش صرا المرة الي فاتت ونرجعو حباب قالو فارس جوز ادخل قعدو في الصالون انا رحت للكوزينة حتى سمعت فارس قالي سلمى جيبيلنا لغدا أنا الدمعة طاحتلي عمرو ولا نطق اسمي فرحت من قلبي حسيتو تبدل رحت انا وجدت لغدا وسربيتو وعيطت لهم قالي فارس والضحكة في وجهو اعطيك الصحة قالو أنيس مدامتك فحلة اعطيك الصحة مدام سلمى ماكلتك بنينة الله يبارك قتلو بصحتك قالو فارس فحلة و شاطرة وكل صباع بصنعة انا شعرة وتغم على قلبي هذا مش فارس الي نعرفو بقيت حايرة فيه وبقيت غير نشوف معاه خلصو ماكلتهم وقالي فارس عمري اذا تعبتك جيبلنا قهوة انا #يتبع
#الجزء_التاسع
حكمتني الفشلة كي سمعت كلمة عمري رحت للكوزينة ورجليا مش قادرة نمشي بيهم ندير في القهوة ويديا يرجفو وقلبي يخبط وجدتلهم القهوة وديتهالهم قعدت فوق الفوتاي لقيت فارس جا قعد على الحاشية تاعو ولاح ذراعو عليا وضمني ليه وقال لأنيس ...انا مع سلمى مايخصني والو انا حسيت بالدوخة شعرة تغاشيت أنيس قلب وجهو وقالو ربي يهنيكم انا لازم نروح ناض فارس وشدلي يدي حتى وصلنا عند الباب وقالو بالسلامة خرج أنيس وانا فرحت قلت تبدل فارس فتحلي ربي الباب الي كان مغلوق نلقا فارس ضربلي يدي وراح طلع لشومبرتو أنا مافهمت والو واش صرا علاه فارس دار هذي ليستوار كاملة قدام أنيس مقدرتش نستوعب واش كاين رحت ليه قتلو فهمني واش صرا قالي لاه واش صرا قتلو واش هذا التمسخير الي درتو قدام أنيس معليش تفهمني قالي انت وحدة مخلوعة الي يجي يديك معاه صدقتي الحالة انساي واش صرا ماراحش يتعاود مرة اخرى قالي انا نحب مروة ومروة تحبني ماتتأملي في والو يفوتو يمات ونطلقك ونرتاح ونتزوج مروة انا بقيت غير ساكتة نسمع للقنابل تاعو كي خلص مشيت شوي حسيت راسي يوجع وجع يهبل مافقتش مع روحي وطحت تغاشيت فتحت عينيا لقيت روحي في سبيطار والطبيب عندي وفارس واقف عند رجليا قالو الطبيب اي فطنت ماتحركش من بلاصتو وماجاش عندي قالو الطبيب تعرضت لضغط عالي راهي طلعتلها لاطونسيو هذا الدواء لازم توكلو كل يوم ولا راح تطلعلها كثر و مالزمش من اليوم تتقلق ولا تتوتر وراح خرج ..نحيت انا السيروم من يدي وهبطت من السرير وجيت خارجا نلقا فارس جا شدلي يدي جبدتها انا من عندو ورحت حاكمة في الحيط وخرجت ركبت في طوموبيل وركب هو وروحنا وصلت طلعت لشومبرتي بقيت شوي ونلقاه جا عندي رايح يحكي معايا قتلو روح عليا يرحم والديك باعدني حابة نقعد وحدي لقيتو خرج رقدت انا كنت عيانة بزاف فطنت لقيت لعشا محطوط قدام السرير ضربتو بيدي ساح سمع هو صوت تكسار جا يجري فتح الباب لقا الحالة مقلبا بقا واقف عند الباب نضت انا بعدتو بيدي وخرجت هبطت للجنان وقعدت نشم شوي هوا كرهت كلش عدت ندعي في ربي نموت ومانعيشش هذي العيشة تاع الذل واحد ماراهو سايل عليا فمي يقول بخير وقلبي يتعصر ..من داك عدت ما نحكيش مره مع فارس نقولو غير اديني نروح لدارنا وهو يقولي حتى تبراي بقيت مصرة عليه حتى جاني هذاك اليوم وقالي هيا نديك للداركم مت انا بالفرحة لميت حوايجي ورحنا انا عمري ماحكيت لفارس على مروة وبلي راهي تعيطلي وجاتني حتى للبيت وبعثتلي فطو تاعو وهو راقد عندها انا،منحكيلوش عليها خلاص وهو حاطها ملاك .يرقدني بيها وينوضني بيها..... يتبع
#الجزء_العاشر10
كيما قتلكم داني روحت بعد مدة من الوقت وصلنا لدارهم دخلنا ريحنا شوي والعشية تلمينا نشايخو انا وايمان وماماها يسقسيو فيا على معيشتي الجديدة واحوالي مع فارس انا طبعا وككل مرة محمرتلو وجهو نقولهم فارس برك الي كيفو مكانش وماماه فرحانة بالسبع تاعها حاطاتو تبدل وتخلى على حبيبتو مروة بصح كيما يقولوها الواقع شيء آخر المهم من حديث لحديث قاتلي مرفدتيش بالحمل للضوكا انا حشمت مالقيت مانقول وحطيت راسي وهي قاتلي مكانش مشكل بنتي احكيلي متحشميش قتلها انا لالا يا يما مارفدتش قاتلي مالا نحكي مع يماك وندوك للطبيب والله محروق قلبي على صغير يقولي جدة انا قلبي تقطع عليها وحسيت بالذنب وبلي راني نخدع فيهم جيت نقولها كلش بصح سكت في اخر لحظة رايحة غير نفضح روحي ...رقدنا هذيك الليلة فما ولغدوة داني فارس لدارنا مع وصل وجا يدخل قتلو ماكلاه تقدر تروح دوكا ومادابيك ماترجعش ليا هو تشوكا علاه قتلو هكا دخل يدو لجيبو وجبد دراهم و قالي مالا هاذو تحتاجيهم ما شديتهمش عليه و دخلت وضربت الباب في وجهو بقى واقف برا وممبعد ديمارا راح من شافتني ماما جات تجري ليا وتحضنتني وتبوس فيا سلمى بنتي سلمى بنتي وجات اختي تجري وخويا وبابا كامل ته...رحبو بيا ثلاث اشهر مدخلتش دارنا توحشت كل ركن فيها دموع يطيحو وانا نحضن في خاوتي4 وبابا وماما ممبعد دخلنا وكل واحد يسقسي واش راكي لاه ماجتيش توحشناك ...وانا نرجع لكل واحد فيهم ولا راح بابا يقضي هو وخويا وماما راحت للكوزينة و انا قعدت مع ختي في البيت قربت ليا وقاتلي خير مجابك تشوكيت فيها انا وقتلها توحشتكم وجيت نشوفكم ولا حرام لقيتها ضحكت وقاتلي انا تخيلت حاجة اخرى جات ماما وجابت القهوة البنينة تاعها شربنا وقعدت نحكيلهم على داري والعصيمة وحياتي الحلوة مع فارس الي اخترعتها وحدي وهوما فرحنين حاالة ماعلبلهمش بلي راني شاربا المر معاه ..المهم طاح الليل وتعشينا ورقدت في بيتي لقديم مع اختي استعدت كل حياتي لقديمة تاع العزوبية بلا مشاكل بلا تكسار الراس . ومن ذاك غدوة نضت بكري لقيت ايمان تعيط في تلفون رفدت عليها قاتلي بلي ماماها جايا لعدنا باه نروحو للطبيب المهم جات ورحنا انا وماما وام فارس دخلنا عند الطبيب ودخلو معايا هوما يتكلمو مع الطبيب وانا ساكتة جاني الضحك علاه نداوي وانا مام با مانرقدش مع فارس هههه الطبيب سقساني قداش عندك زواج قاتلو ماما سبع شهر قالي قداه مرة ترقدي مع راجلك في النهار انااا متتت بالحشمة قدام ماما وام فارس تقولي جاوبيه يابنتي ماتحشميش ماالقيت واش نقول قتلو مرة في اليوم لقيتو قالي اييي قليل عليها مالا انا شعرة ماطرطقت بالضحك كون يعرف الصح واش يقول قالي نعطيك نصيحة مانعطيكش دوا مدام لازم تعودي قريبة من راجلك بزاف وممبعد نعطيك دوا اوكي مدام قتلو انا ايه لقيت ام فارس قاتلو لالا اعطيها دوا تاع تقوية الخصوبة يا بني انا هنا ضحكت نشبعت كبيرة وعلابالها بكلش حلوفة هههه مالا ضحك هو وقالها اوكي سقساني اذا عندي كاش مرض من قبل قتلو انا........#يتبع
#الجزء_الحادي_عشر11
ايه لقيت ام فارس قاتلو لالا اعطيها دوا تاع تقوية الخصوبة يا بني انا هنا ضحكت نشبعت كبيرة وعلابالها بكلش حلوفة هههه مالا ضحك هو وقالها اوكي سقساني اذا عندي كاش مرض من قبل قتلو انا لالا وليت تفكرت وحد لا كارت عطاهالي طبيب تاع دزاير مديتهالو قراها وقالي مدام راهي عندك لاطونسيو وعلاه مخبرتنيش .ماما تخلعت قريب طاحت قاتلي ماكانتش عندك لاطونسيو يابنتي واش بيك هذا وام فارس هي ثاني تخلعت قاتلي ياك راكي لاباس ابنتي قتلها انا ايه اني لاباس لقيت طبيب جا قالي طلعي على ذراعك نقيسهالك قاسلي لقاها مليحة قالي ماتبطليش دواها مره ولا رايحة تضرك قتلو ايه كتبلي وصفة وخرجنا ماما مازالت مشوكيا شريت الدوا تاع الخصوبة هذا وروحت مع ماما مع وصلنا بدات تبحث وتسقسي فيا منين طلعتلي لاطونسيو انا قتلها وحدها بصح هي ما امنتنيش وبقات شاكة فيا ...بديت نشرب في هذاك الدوا كل اليوم علابالي مش رايح يفيدني بصح لازم نشربو قدام ماما و ثاني حلو وبنين ههه ...قعدت في دارنا يومين مزلت حتى ماشبعتش منهم نلقا اختي قاتلي استحليتي القعدة ولا كيفاه وعلاه ماروحتيش قتلها انا متفاهمة انا وفارس رايحة نقعد شهر قاتلي مش شهر هبلتي ارجعي لدارك خيرلك قتلها انا علابالي واش راني ندير وليت لبست قشي وخرجت رحت وين كنت نخدم توحشت لبنات الي كانو معايا دخلت لابوراتوار سلمت عليهم كامل الي تبوس فيا والي تحضن والي تحسد والي غايرة المهم حالة البنات قتلهم بلي رجعت نخدم معاهم فرحو وحارو ..قتلهم بلي رايحة نحكي مع المدير يرجعني كنت نخطط من راسي رجعت من دزاير لدارنا وانا ماعنديش نية باه نرجع لفارس وعذابو قررت ننفصل عليه ونخليه قتلهم بلي رايحة نحكي مع المدير يرجعني كنت نخطط من راسي رجعت من دزاير لدارنا وانا ماعنديش نية باه نرجع لفارس وعذابو قررت ننفصل عليه ونخليه يشوف حياتو ونصحح الغلطة الي درتها المهم حكيت مع المدير وحللتو لقيتو رجعني وقالي ارجعي وقت ماتحبي ..فاتو يمات ورجعت نخدم ومع لبنات ضحك وحكايات ولقيت نصهم مخطوبات وواخرين تزوجو كنا نخرجو مع بعض نحوسو ونحيو على قلبنا ...فارس ماسالش عليا مره ولا مرة عيطلي وسقسا وااالو ...بحتى انا ماكنتش مديتها فيه وليت لحياتي الطبيعية في سمانة وحدة ماما واختي متشوكيين فيا علاه راني دايرا هكذا ماما قاتلي علاه دراهم تاع فارس خلاصو حتى تعيي في روحك وتخدمي قتلها انا مش محتاجاتو لا هو ولا دراهمو حارت فيا كي قتلها هكا قاتلي راكي عاقلة واش راكي تقولي يا بنت الناس فقت انا مع روحي وتخلطتلي الهدرة وقتلها اني نضحك اماما منحبكش تهدري عليه اني نتوحشو مالا ضحكت هي وقاتلي مالا روحي تروحي يا بنتي طولتي عليه قتلها هو الي قالي اقعدي واش تحبي وجوزتها بالكلام حتى تلفتهالها ...فاتو 15 يوم وانا عند دارنا هو مايعيط وانا ثاني نروح نخدم ونجي وماش متفكراتو مره ...حتى جا هذاك اليوم رحت نخدم ورجعت لقيت طوموبيل فارس قدام دارنا حرت واش جابو دخلت لقيتو قاعد في الصالون وماما معاه يشايخو ويضحكو وهو حاليتلو القعدة رحت عندهم قاتلي ماما سلمي على راجلك ابنتي هذي مدة ماشفتيهش انا قلبي ولا يدق يدق وقربت من فارس اول مرة نحط خدي على خد فارس من نهار دخلت ليه هكذا بالخف و خرجت قاتلي ماما وين رايحة قتلها نبدل قشي ونجي رحت لبست روبة وهزيت شعري ورجعت عندهم قالي واش راكي سلمى قتلو لباس قالي راكي توكلي في دواك قتلو ايه لقيت ماما وقفت قاتلي نروح نخليكم تحكيو في راحتكم ...خرجت جيت رايحة نلحقها لقيتو قالي اصبري نحكي معاك ...قتلو واش تسحق قالي واش معناتها هاذي تجي تقعدي هنا وماعلابالكش بيا لهيه واش نقول لدارنا """مايقدرش يفكها بلا اكاذيب تاوعي """" ضحكتلو ضحكة صفرا وقتلو اذا جيت باه تديني غير ارجع كيما جيت انا مانروحش معاك قالي بركاي ماتمسخير خدمتي كاملة تاع دزاير راهي معلقة جيت نديك ونروحو قتلو روح وحدك انا مانروحش معاك قاالي علاه واش خصك معايا قتلو واش خصني !!! كاش نهار سمعت بوحدة متزوجة بلا راجل عايشة كي الكلبة يناماغ كرهت من هاذ المعيشة ماذابيك ماتزيدش تجي لعندي روح عطيتك الحرية شوف حياتك مع مروة تزوجو وجيبو ذراري والله اسماح روحو ديري الي تبغيوه انا هنا وخلاص ماقاديتش راحت صحتي معاكم مرضتوني دمرتوني كرهتولي حياتي اخطوني خافو فيا ربي والله ظلمتوني بزاف والله ظلمتوني بزاف هو بقا ساكت حال فمو وانا نهدر ونبكي قتلو روح وارسلي ورقة الطلاق حابة نرجع لحياتي لقديمة حشيشة طالبة معيشة خير من لونجة بنت السلطان في دار الغول حابة نبطل هاذي الكذبة وقف قالي هكا تحوسي قتلو ايه قالي مالا اوكي اتهلاي في روحك وراح خرج ..هو خرج وانا طحت بالبكا وماما جات تجري وتضرب فيا على راسي وتقولي سمعت واش كنتي تقولي سمعت واش كنتي تقولي مياوجه الميزرية بهدلتي بيا قدام الراجل وانا نبكي ونرجف واختي تبكي
يتبع ..........
#الجزء_الثاني_عشر12
مفقتش مع روحي لقيت روحي في سبيطار سيروم واكسجين والطبيب عندي وماما واختي وايمان وماماها وباباها وانا نشوف في الحالة دور بيا ودموعي يطيحو وحدهم ومركبيلي الآلات في صدري نشوف في ماما تبكي عند الزجاج بعيدة عليا معرفتش روحي وين راني دخل طبيب والفرميار تاعو معاه هو يهدر وهي تسجل جا لعندي نحالي الاكسجين و قالي مدام واش تحسي قتلو لباس ولاو خرجوني من فما واداوني لبيت اخرى ونشوف في ماما جات عندي دورت وجهي عليها ومحبيتش نشوف ليها وهي تبكي وتقولي يابنتي اسمحيلي والله ماتتعاود زادت جات ايمان وماماها واختي قتلهم واش صرا قالولي لاطونسيو طلعتلك فوق اللازم قريب تشليتي كنتي في الكوما قاتلي ام فارس وهي تبكي احكيلي يا بنتي واش صرا علاه طالبة طلاق من فارس واش دارلك يا بنتي وايمان شادتلي يدي وانا منيش نسمع فيهم خلاص جات الفرميار خرجتهم وقاتلهم خليوها تريح قعدت يومين في السبيطار وخرجت لدارنا تحسنت شويا وحكيت لماما كلش واش صرا معايا نحكي ونبكي كنت رايحة نطرطق حاملة هاذا الهم وحدي واحد ماقاسمو معايا ماما غضتها بزاف وقاتلي دار باباك خير من هذي المعاناة والله اسمحيلي ضغطت عليك بزاف واختي طلبت مني سماح قالت لماما انا الي طلبت منها ماتحكيش وايمان خبرت ماماها بكلش مسكينة هي دارتلها صدمة ودخلت لسبيطار و شلت من يدها انا شفتلي مسكينة واب فارس جا لعندي وطلب مني السماح وزعك فارس من الخدمة ونحالو كل املاكو عاد يبات في الاوتال وماماه ماخلاتوش يجي يشوفها في السبيطار ومروة تخلات عليه بعد ما عاد ما يملك والو وقاتلو بلي متقدرش تكمل معاه وبلي باباها رايح يزوجها بولد صاحبو عندو المال ومايخصو والو . .فارس حس بلي كاينة حاجة راح لباباها وعرف منو بلي راهي تكذب بلي هو مايدخلش فيها معامن تتزوج هنا عرف فارس بلي مروة كانت طامعة في مالو مش تحبو طاحو عليه المصائب هذو كامل مورا بعضاهم هذا الشي كامل حكاتولي ايمان انا تشفيت فيه واش دار فيا بصح في النهاية قلبي حنين غاضني بصح كان طفرت وجاتني ورقة الطلاق وسنييت عليها ...بقات نقفو في المحكمة وتخلاص قصتي مع فارس الي شربت فيها المرار .......جا اليوم الموعود نضت الصباح وجدت روحي ورحت مع بابا للمحكمة دخلت لقيت فارس ثما وحدو يبان مدمر وعيااان بقينا شوي وممبعد جات ايمان دخلنا عند القاضي بدا يهدر ويحلل فينا قالي يا بنتي وعلاش حابة تطلقي من راجلك قتلو هكا وخلاص قال لفارس وانت علاه باغي طلق فارس مارجعلوش زاد قالي يا بنتي من اليوم راكي رايحة تولي إمرأة مطلقة في المجتمع وهذا الشي مايريحكش قتلو قابلة بالوضع قالنا مالا الطلاق هو الحل بيناتكم قلنالو ايه وهنا طلقنا وخرجنا كل واحد في طريقو وكل واحد واش رايح يزيد يعيش يتبع...
#الجزء_الثالث_عشر13
رجعت انا لدارنا ومن غدوة رجعت سلمى العازبة تاع بكري بصح مطلقة انا قررت نعاود نأسس حياة جديدة وننسى الي فات بصح مستحيل نقدر ننسى اصلا وين تروح يفكروك بالتقرعيج تاعهم ..جازو يمات واسابيع وشهور على قصتي مع فارس قريب ننسى من نهار تلاقيتو في المحكمة مزدتش شفت وجهو ايمان عمرها ولا خلاتني نهار كل يوم تجي تزورني في الخدمة وتديني ندور معاها هي رفيقتي الوحيدة الي نعزها تاع الصح ..
وحد النهار رحت نخدم ورجعت وصلت لدارنا لقيت طوموبيل شابة قدامنا دخلت قلت لماما شكون عدنا قاتلي واحد الراجل راهو مع باباك اصبري ضك يجي ويقولنا نسمع في بابا يعيط عليا سلمى سلمى قلت لماما راهو مع الراجل وعيط نروح !!!
قاتلي روحي مادام هو الي عيطلك رحت من دخلت ونصيييييب انيس قاعد تشوكيت فيه واش جبو لدارنا هذا ..قالي بابا اقعدي يا بنتي تعرفي هذا الراجل قتلو ايه هذا صاحب فارس تعرفت عليه في دزاير قالي بابا مليح قالي انيس واش راكي مدام سلمى قتلو بخير الحمد لله قالي بابا أنيس هذا الراجل صاحب فارس راهو جا قاصد الدار باه يخطبك انا تشوكيت وقفت وبقيت نخزر مع انيس قتلو كيفاه !!! تخطبني قالي انيس انا حبيت نجي لباباك قبل على الاصول قلتلو انا تعيش بصح طلبك مرفوض اسمحلي ورحت خرجت مالا هو راح روح وانا بقيت متشوكيا فيه الغدوة رحت نخدم وكي خرجت وقت لغدا لقيت انيس جا لعندي قالي معليش نحكي معاك قتلو لالا منقدرش نحكي معاك اسمحلي قالي والله ماندي بزاف من وقتك قتلو اوكي .. قالي انا يا سلمى من نهار الاول شفتك فيه عجبتيني وحبيتك تكوني ليا قتلو هبلت انت انا ديجا متزوجة قالي اني علابالي بكلش غير مكالاه تخبي عليا علابالي واش كان داير فيك فارس علابالي بالمعاناة تاعك كاملة قتلو شكون قالك قالي متحبيش تعرفي المهم انا نحبك سلمى وناويك للحلال وجيت نطلبك من باباك ورايح نسيك في فارس قتلو انا فارس نسيتو ومانيش حابة نعاود الزواج حابة نريح راسي قالي مالا انا منخطيكش حتى تقبلي انت هي لافونير ديالي قتلو انا نروح نخليك ..روحت لدارنا عدت كل يوم نلقاه قدام السونتر الي نخدم فيه يجي يهدر معايا ساعات يقلقني ساعات يضحكني كل يوم هكاك كرهت منو الناس ولاو يهدرو علينا راهم يتحابو راهم يتلاقو كذا كذا قتلو اخطيني قالي حتى تقبلي قعدت مع راسي نخمم في كامل واش صرالي وليت قلت نقبل وخلاص بلاك نتهنا في حياتي حكيت لايمان قاتلي دبري راسك هذي حياتك مالا قتلو موافقة هو مات بالفرحة و جا هو وعايلتو خطبوني فاتو يمات رحت نخدم وكي خرجت مفاجأة لقيت فارس واقف يستنا فيا واااش توحشتو قلبي رايح يطير بصح رحت ديركت جيت جايزة عليه لقيتو شدني من ذراعي قتلو اطلقني هبلت قالي عندي هدرة معاك قتلو وانا ماعندي حتى هدرة معاك لقيتو جبدني وداني للطوموبيل قتلو منركبش ساي ماوليتش مرتك منقدرش نركب معاك قالي بركايناااا قتلك اركبي ركبت حسبتو رايح يهدر معايا فما لقيتو ديمارا قتلو وين مديني هبطني هو مرجعليش داني وحد لبلاصة هك وحبس الطوموبيل قتلو واش سحقيت مني قالي علاه قبلتي بأنيس قتلو شكون قالك قالي علااه قبلتي بيه قتلو نفحتلي قالي بالعياط قتلك علااه قبلتي بيه قالي تحبيه سكت انا قالي من كنا متزوجين كنتو تحبو بعض ياك قتلو انت هبلت قالي علابالي بكلش غير مكالاه تلفيهالي قتلو خلاصت الهدرة رجعني... #يتبع.
#الجزء_الرابع_عشر14
قالي والله مانخليك تتهناي معاه قالهالي بحقد كبير قتلو رجعني لدارنا لقيتو حدر من الطوموبيل جا فتح الباب تاعي حكمني من يدي هبطني طبعني على الطموبيل شدلي وجهي بصباعتيه وقالي رايحا تندمي انيس يلعب بيك قتلو انيس يحبني انت الي لعبت بيا ودمرتلي حياتي اطلقني وجعتني لقيتو راح ركب وديمارا خلاني فما انا مت بالخلعة كي قالي هكذاك شديت تلفون عيطت لانيس جا داني حكيتلو واش صرا تنارفا وقالي متزيديش تحكي معاه وانا ضك نشوف حسابي معاه من داك لغدوة في الليل تلفوني يصوني رفدت لقيتو نميرو تاع فارس مجاوبتش بقى يصوني حرق التلفون رفدت عليه قتلو واش تسحق قالي غدوة محتاجك ساعة فلانية لبلاصة لفلانية قتلو منجيش قالي مالا ماتلومي غير روحك وكوبا. لقيت انيس عيطلي قالي اني حكيت مع فارس ومارحش يزيد يتعرضلك مرة اخرى قالي غدوة صباح نجي نشوفك قتلو اوكي وماقتلوش كي فارس عيطلي ...قاتلي ايمان فارس من نهار سمع بلي تخطبتي وهو هابل ماهوش في عقلو يضال منارفي واحد مايهدر معاه طالع هابط مالقيت مانقولها قتلها انا المهم يخطي جرتي يخليني نعيش حياتي..صباح نضت رحت للخدمة تلاقيت بأنيس قريب معرفتوش وجهو كامل مضروب وفيه بلايص زروقا وحمورا قتلو واش بيك قالي تقست في الباب قتلو راك تخبي عليا احكيلي واش صرا قالي تهاوش مع فارس مالا انا نضت نبكي وين نروح لاحقتني المشاكل قالي متبكيش كلش يجوز قالي المهم انا وقفتو عند حدو ممبعد راح انيس وانا دخلت خدمت نهار جاز مخلط لحقت الساعة الي قالي عليها فارس رحت لقيتو قاعد يستنا قالي طولتي شفت معاه لقيت في فمو جرح برك عرفت بلي انيس مقدرش عليه قتلو واش تحتاج قالي بطلي خطبتك انت وانيس قتلو انت مهبول واش راك حاب عندي قالي بطليها انا الي نعرف انيس مش انت قتلو انيس ماعندو ماخصو راجل سيد رجال قالي هو حاب يديك باه يزكر فيا انا برك... قتلو علاه انت شكون حتى انيس يلتا بيك اصلا ياك عندك مروة روح باعدني ...حكمني من ذراعي قالي متزيديش تجبديلي عليها قتلو بالخوف ايه ...قالي اخطيك منو قتلو باه نوجعلو قلبو ويخطيني انا نحب أنيس وهويموت عليا خطينا انت ا خلينا نعيشو حياتنا قالي تحبيه .. قتلو انا نروح طولت معاك ومذابيك ماتزيدش تعيطلي ورحت وخليتو واقف . وصل العرس تاعي انا وانيس وجدت شوي حوايج مكنتش مهنية في بالي نظال نخمم ونفكر فارس محبش يخطيني كل يوم نلقاه كل يوم يعاودلي في نفس لحكاية وانيس مغرقني في الحب والميساجات والكلام لحلو بصح يظال يحكيلي على فارس ويسب فيه يكرهو حاالة رايحة نهبل ملقيت بيها وين قلت لايمان شكيتني نهرب ونخليهم انا مافهمتش علاه فارس راهو يتبع فيا ويحوس يدمرني لهذي الدرجة يكرهني واقف في وجه سعادتي كرهتو ومنيش قادرة نزيد نشوف وجهو ...لحد الآن ماقلتش لبابا ولا عايلتي واش راهو صاري معايا الي يشوفني يقولي سلمى واشمن رجيم راكي دايرة قتلهم في قلبي رجيم الهم تبعوه ضك تنقصو بشي كبييير .....عمري لا توقعت يصراولي في حياتي حكايات كيما هكا سبحان الله
#الجزء_الخامس_عشر15
وحد اليوم بايتة نحكي مع أنيس في التلفون نلقى الراجل دخلي في مواضيع واش نقولكم حسيتو هايج قتلو واش بيك قالي نحبك ومنا ومنا تفهمتو انا قلت ماعليش رايح يولي راجلي بصح انا مافهمتوش واش كان يلمح ...من داك الغدوة جا أنيس حاط حطة قالي عمري جيت نديك تشوفي الأوتال الي خيرتو باه نباتو فيه ليلة العمر حشمت انا وقتلو الي تحبو انت هذاك هو قالي لالا والله تروحي معايا ونشوفوه كيف كيف لبست عبايتي ورحت معاه داني قبل بلايس شابين حوسنا شرينا حوايج وممبعد وصلنا للاوتال من دخلنا لمحت فارس بصح قلت شكيت يشبهلو انيس شد لمفاتح تاع الشومبرا وقالي هيا نطلعو نشوفوها طلعنا فتح الباب دخلنا عجبتني واسعة قاعدة ندور فيها نسمع الباب تغلق نلقا انيس جا لعندي قالي عمري عجباتك قتلو ايه قالي ارواحي تشوفي سرير رحت قعدت عليه قتلو مليح لقيتو قعد بحذايا وقاعد يتغزل بيا وحكملي يدي قتلو هيا نروحو قالي نزيدو شوي وبدا يمس في وجهي ولا قالي نحي خمارك نشوف شعرك قتلو لالا هيا نروحو قالي انا نحبك ومنيش قادر نصبر عليك خليني ندير واش نحب قتلو لالا انيس كلش في وقتو حلو..... قالي لالا حاب ضوكا نضت انا جيت خارجا شدني من ذراعي وطبعني فوق السرير ونحا لافاست تاعو قتلو انيس راك عاقل واش راك دير باعدني قالي حتى ندير واش حاب ونخليك قتلو باعدني وبديت نعيط نلقا الباب يطبطب وانيس قال ادخلو نلقاهم زوج رجال جاو ليا نحاو قشهم كانو حابين يداولو عليا واحد نحالي الخمار ولوخر شادلي يديا وانا نعيط اطلقني يا الخامج اطلقني وانيس يضحك ويقولي اليوم نتشفا في فارس وانا نحلل فيه ياك تحبني ياك قتلي نسيك في فارس وهو قالي نموت عليك بصح فارس لعدو تاعي وانا لازم ندمرو قتلو هو راح في طريقو انت راك دمر فيا انا قالي بلعي فمك وقطعلي لعباية وانا نخبط ونعيط يا ربي يا ربي وهذوك الرجال شاديني وانيس بدا يبوس فيا وانا ندفل عليه وهو عطاني كف وشريط حياتي كامل جاز عليا واش قاسيت مع فارس هو سبابي هو الي وصلني لشي هذا كنت نحلم بزوج صالح ودار بسيطة وولاد عاديين لقيت روحي في هذو المشاكل كامل من نهار تعرفت عليه...ونسمع في الباب يطبطب وواحد سكرلي فمي وهوما سكتو والباب زاد بالضرب وانا نعيط ام ام ام ام وليت عضيت هذاك الراجل وعيطت اجرو ليا مامااااااا نلقا الباب تفتح بضربة قاوية تكسر يعني ونشوف في الرجال ناضو من عندي وراحو يجريو نسمع غير في الضرب ولحوايج يطيحو انانضت قعدت في زاوية سكرت عينيا وقاعدة نعيط مااامااا مااامااا نلقا انيس جا شدني من يدي ورايح يخرجني شفت هذوك الرجال شادين وانيس بدا يبوس فيا وانا ندفل عليه وهو عطاني كف وشريط حياتي كامل جاز عليا واش قاسيت مع فارس هو سبابي هو الي وصلني لشي هذا كنت نحلم بزوج صالح ودار بسيطة وولاد عاديين لقيت روحي في هذو المشاكل كامل من نهار تعرفت عليه ..ونسمع في الباب يطبطب وواحد سكرلي فمي وهوما سكتو والباب زاد بالضرب وانا نعيط ام ام ام ام وليت عضيت هذاك الراجل وعيطت اجرو ليا مامااااااا نلقا الباب تفتح بضربة قاوية تكسر يعني ونشوف في الرجال ناضو من عندي وراحو يجريو نسمع غير في الضرب ولحوايج يطيحو انانضت قعدت في زاوية سكرت عينيا وقاعدة نعيط مااامااا مااامااا نلقا انيس جا شدني من يدي ورايح يخرجني شفت هذوك الرجال شادين واحد ويضربو فيه شفت معاه لقيتو فارس بديت نعيط فارس فاارس اطلقوه يا كلاب اطلقو يالخامج فاارس اجري ليا نلقاه تفلت منهم وجا يجري ضرب انيس بدبزة وشدني وهبطنا نجريو خرجنا من الباب وفارس قال لسيكيريتي سرارقا سرارقا و رحنا ركبنا في طوموبيل وديمارا وانا نبكي ونرجف وسنيا يخبطو في بعضاهم يتبع
#الجزء_السادس_عشر16
وهو يقولي خلاص اعمري ماتبكيش خلاص أني معاك وانا نرجف ماقدرتش ولا حبس الطومبيل في وحد لبلاصة هكا وهبط قعد على حجرة فما وبدا يمسح في الدم كان يسيل من عينو فمو نيفو وليت هبطت انا ماقدرتش نمشي على رجليا نرجف نرجف رحت لعندو عنقتو قتلو اسمحلي فارس ماسمعتش هدرتك اسمحلي ماخذيتش رايك وهو ساكت وانا نبكي لقيتو عنقني قالي خلاص دوكا اسكتي وانا ميتا بالبكا وقشي مقطع وخماري مكانش قالي هيا قتلو وين مانقدرش نشوف عايلتي بالحالة هذي قالي نروحو لدارنا قتلو وعايلتك ثاني واش يقولو عليا كون يشوفوني معاك قالي مالا اركبي وهيا نروحو لدارنا تاع دزاير مالقيت مانقول ركبت طول الطريق وانا نبكي الدموع حرقولي وجهي من نهار تزوجت مكانش نهار مابكيتش فيه طاحت الظلمة وفارس كان عيان ماش قادر يسوق وانا دخانة واصلا منعرفش نسوق قتلو حبس الطموبيل وارقد شوي قالي لالا مابقاش بزاف... .زير على روحو حتى وصلنا كانت الوحدة تاع الليل دخلنا قعدنا بالصالة انا حاطة راسي بين يديا ونبكي ماما راهي قلقت وبابا راهو يحوس وفارس راح للكوزينة جابلي الما شربت وقالي اطلعي تريحي شوي قتلو وانت ثاني طلعت لشومبرتي توحشتها طحت فوق السرير ديركت ورقدت فطنت لقيتها الثلاثة تاع الليل عطشت جيت رايحة نجيب كاس ما جزت على شومبرا تاع فارس نسمع فيه يهدر ويأن فتحت الباب قربت منو لقيتو يقول في كلام ماش مفهوم و الغطا تاعو طايح ويرجف شديتو غطيتو لقيتو شدلي يدي قالي سلمى قتلو ايه قالي راكي سافا قتلو ايه جيت نروح محبش يطلقني قالي ماتروحيش عليا قتلو رايحة نشرب قالي لالا ماتروحيش ابقاي معايا قعدت عندو حطيت يدي على جبهتو لقيتها تغلي حطيت يدي لخرا على فمو لقيتو ينهج والنفس تاعو سخوون قتلو فارس راك مريض قالي لالا اقعدي عندي برك قتلو اصبر نشوفلك كاش دوا يهبطلك السخانة قالي و ترجعي عندي قتلو ايه نرجع قالي روحي مالا رحت نجري فتحت لخزانة حوست على اسبيجيك مالقيتش رحت للفريجيدار حوست مالقيتش مالقيت واش نديرلو وليت درت شوي اكلاص ومنشفة بردتها وديتها حطيتها على جبهتو تخلع هو جاتو باردة قتلو اسمحلي لازم نديرلك هكا باه ترتاح قالي معليش اعمري قالي بردت غطيني رحت جبدت كوات وغطيتو بيها قالي صحيتي عمري قتلو بلا مزية لقيتو غفا وناض قالي سلمى قتلو آني قالي ماتروحيش عليا قتلو اني عندك قالي ارواحي عندي قتلو آني توالك قالي عمري عنقيني قتلو لالا اني نشمخ في المنشفة وندرهالك قالي ارواحي برك قربي مرة برك قربت عندو لقيتو عنقني قالي أنيس نقتلو نقتلو قتلو حسابو عند ربي قالي ضربك قتلو ايه قالي وجعك قتلو ايه قالي نبرا ونرجع ليه نشرب من دمو فارس شفتو واش دار فيا بصح عمرو هز يدو عليا وضربني هذا الشي هو الي مخليني نحبو رغم كلش . المهم كان يهدر معايا ويغفا سخانة طالعتلو قالي سلمى قتلو آني عندك قالي تحبي أنيس قتلو نكرهو نعافو تبسم قالي وشكون تحبي سكت انا لقيتو غفا وزاد قالي عمري رحتي قتلو آني يا فارس آني عندك قتلو شكون قالك اني مع انيس في هذيك الشومبرا قالي شفتكم وانتوما طالعين ""فما عرفت بلي هذاك الي شفتو ماهوش شبه تاع فارس كان هو بعد "" قتلو وانت واش داك لفما قالي كنت نبات فما وجيت رايح نشوفك قتلو وكيفاه سمعتني وعرفت واش راه يديرلي انيس قالي لحقتكم ماقدرتش نشوفك معاه سمعت واش قالك وزدت شفت هذوك رجال وممبعد سمعتك تعيطي ماقدرتش نصبر قتلو وانت لاه ماقدرتش تشوفني معاه لقيتو غفا وسكت زمااان قتلو فارس فاارس فااارس ماجوبنيش بديت نبكي فاااارس وليت حطيت وذني على قلبو حسبتو مات لقيت قلبو يخبط قالي آني يا عمري آني معاك قتلو لاه ديرلي هكا خلعتني قالي آني عيان شوي .
#الجزء_السابع_عشر17
قتلو معليش قالي خفتي عليا قتلو بالدموع ايه تبسم قالي قربي ليا قربت ليه قالي نحبك سلمى انا قلبي ولا يدق دق دق دق دق قتلو واشنو لقيتو رجع غفا ما صدقتش واش قالي قلت راهو يخرف من الحمى مقدرتش نرقد قاعدة بجنبو طول الليل حتى سمعت الآذان تاع الفجر نحيتلو يدو من يدي ورحت توضيت وصليت ودعيت ربي يفرجها علينا صباح رحت عند فارس لقيتو مزال محموم وزادت قوات عليه مالقيت ماندير عيطت لرجونس بعثولي امبيلونس هبطتو وهو يقولي آني لاباس مانروحش ديتو بالسيف ركبت معاه وهو شادلي يدي وصلت دخلوه قالولي عمري وراقي وانت واش تكونيلو مالقيت مانقول قتلهم مرتو وسجلت اسمو وقعدت نستنا نص ساعة وعيطتلي الطبيبة قاتلي ارواحي او يعيطلك دخلت عندو لقيتهم دارولو سيروم فيه "برا " "تشكا" "حقنة" تهبط السخانة قربت ليه قالي علاه رحتي عليا قتلو آني عندك رحت نجيبلك قهوة لقيتو تبسم هذيك التبسيمة العيانة الحلوة انا الدمعة طاحتلي قربت ليه وسحتلو على راسو
زدنا شوي وخرجوه حكمنا طاكسي للدار ديتو لشمبرتو يريح شوي وانا خرجت شريت شوي ماكلة وجيت شفت تلفوني لقيت كامل الي يعرفوني عيطولي ولقيت أنيس بعثلي ميساج تروحو تحت الارض نجبدكم وتجي ونديرو العرس انا وليت نرجف ماقلتش لفارس هو أصلا عيان في الليل ريح فارس شوي بصح مزال مريض وجدتلو عشا خفيف وديتهولو قالي صحا عمري بصح والله ماني قادر نوكل سيفت عليه من الصباح ماداق والو قالي وكليني بيدك قتلو اوكي يا سيدي وكلتو بيدي وهو يضحك وكي خلصتلو مسحتلو فمو كي لولاد ههه وغطيتو ورحت لشمبرتي حكمت بلاصتي وقاعدة نبكي علاه انا سعدي جا هكذا نلقا فارس طبطب الباب ودخل قالي سلمى رقدتي مسحت دموعي و قتلو لالا قالي مادانيش النوم قتلو رجعتلك الحمى قالي لالا وجا قعد فوق سريري.. قالي توحشتك حاب تعنقيني ضحكت انا قتلو بزاف عليك تاع البارح يكفي قالي لالا نحب دوكا قلت نساعفو كي عاد مريض ونديرلو رايو نضت انا من بلاصتي وقربت ليه وعنقتو وبعدت قتلو تكفي هكذا قالي لالا زيدي وحدة طويلة زدت عنقتو وجيت نبعد لقيتو زير عليا وقالي متروحيش ابقاي في حضني طول وطاح عليا انا قلبي بغا يحبس وهو قرب فمو من وذني وقالي نحبك حسيت بوحد الشعور جامي حسيت بيه من نهار ولدت حسيت بدمي يغلي وقلبي يرف وعقلي مش مصدق وجاتني الدوخة وقريب ذبت ههه قتلو وشنو لقيتو عاودها نحبك قتلو من وقتاش هذا بركا ما تمني فيا فارس وديجا راك خنقتني نوض عليا لقيتو ناض قالي علابالي متصدقنيش بصح هذه هي الحقيقة انا تاع الصح ماأمنتوش قتلو ياك كنت مع مروة و طلقنا وصرات بزاف حوايج قالي أنا نحبك من قبل حرت انا قتلو وكتاش من قبل هذي عمري ولا حسيت بلي راك تحبني قالي من نهار جينا هنا وانا نحبك قالي تشفاي نهار رحنا نشريو حوايج وانت كي المهبولة تبحرتيلي هذاك نهار حوست عليك وانا ميت بالخوف عليك وكي صبتك وعنقتيني هذاك اليوم وين حسيت بطعم تاع التعناق وطحت فيك مروة جامي حستني بلي راهي تحبني بصح انت ديمة كنتي ديمة جنبي وقلبك بيض وتحبيني بصحك نغلط معاك وتسامحيني وتخبي على عايلتي واش راني داير فيك عمرك ولا كذبتي في مشاعرك كنت ديمة نسرق خزرات فيك ونحب نارفيك و نبكيك كنت نحبك بصح معرفتش نعيش مع هذا الحب كنت ديما مخبيه وقاتلو في قلبي مروة كانت عاميتني كنت كي نجي للدار ونلقاك طيبتي ومنظفا الحالة نحس روحي راجل عندي مرا تاع دار كنت نهبل كي نلقاك لابسة الروبة الغوز تاعك ومطلعا شعرك منقدرش نصبر على هذيك نقولك نحيها و نهار تلاقينا بأنيس وبدا يتغزل بيك انا مت بالغيرة بغيت نضربو مقدرتش نتحمل على هذيك جبتك وجينا روحنا وتهاوشت معاك على خاطر كنت رايح نطرطق وكي نهار جا لعدنا هذاك نهار عبرت ليك عن مشاعري تاع الصح والي حاب نقولهالك صح وممبعد رجعت في رايي كي روح على خاطر مروة كانت مزيرا عليا
#الجزء_18
ونهار مرضتي وطحتي انا بايت طول الليل نخمم فيك ماقدرتش نرقد ونهار روحتي وطلقنا بايت طول الليل وانا نبكي حسيت روحي خسرت حاجة عمري ولا نلقا كيفها هذاك اليوم دمرت تهاوشت مع مروة وخليتها كنت حاب نرجعك بصح انت كنتي تشوفي فيا وحش مقدرتش نقولك اني نحبك كنت كل يوم نجي نشوفك من بعيد كي تروحي تخدمي ونهار سمعت بلي تخطبتي صرالي انهيار عصبي وزدت سمعت بلي انيس مقدرتش نصبر وصرا الي صرا انا تشوكيت في هدرتو السيد شكيت اثرت فيه الحمى ولا واش مالقيت مانقولو انا نعرف غير نبكي طرطقت بالبكا حتى وليت نشهق لقيتو تحضني قالي واش ندير باه تسامحيني انا بقيت غير نبكي قالي نخليك تريحي شوي وانا ثاني نريح وباسني من راسي وراح خرج انا حسبت روحي في حلم قلت شكيت راني نحلم وممبعد نفطن نلقا هذاك فارس الي يكرهني وحاب يدمرني بصح انا مكنتش نحلم طول الليل وانا نخمم في هدرتو حسيتو صادق قلبي صدقو على خاطر نحبو نموت عليه مالغري واش دار فيا هذه هي الطفلة هكذا كي تحب من قلبها جامي تكره صباح نضت مالقيتش فارس مادريت وين راح رحت للكوزينة كشما نوكل نلقا فارس جا وجاب معاه فطور حطو في الصالة وعيطلي سلمى عمري رحت لعندو قعدت بجنبو وفطرنا وضحكنا وحكينا وهو متحضني قتلو اطلقني مارانيش هاربة خليني نعرف نوكل اللقمة ههه وهو يضحك وعينيه الباهيين يلمعو خلصنا قالي نحبك قتلو ماتقوليش هكذا مانيش ماوالفاتك شبع ضحك قالي نحبك ونموت عليك ولازم توالفي قالي وانت متحبنيش قتلو ايه قالي واشنو ايه قتلو منحبكش تبدل وجهو وقالي في حقك متحبنيش وجعتك بزاف قتلو انا لالا عندي حاجة حابة نقولهالك قالي قولي حكيتلو على مروة كي كانت تجي لعندي وتقلقني و قتلو احكيلي بصراحة نهار مارقدتش في الدار وين رقدت قالي رقدت في الحانوت بديت انا نبكي قتلو تكذب وريتلو الصورة الي بعثتهالي هو وياها راقدين هو تشوكا فيها قالي هيا قتلو وين قالي عند مروة لبست انا ورحت معاه وصلنا بيتهم كان عادي هبط فارس يجري وبدا يطبطب ويعيط مروة مروة حتى تجي من هي غلقت الباب ونلقاو مروة جات راكبة مع واحد طوموبيل تقتل وهي تضحك هبطها جات تخلعت كي شافت فارس قالها مبروك عليك العشق الجديد . قاتلو هذا آآآمي برك قالها لي سونسيال واشنو هذا قاتلو وشنو ورالها الفطو وهي وجها تبدل قاتلو واشنو هذا وانا وين علابالي قالها صبتها عند سلمى قاتلو شكون سلمى قالها مرتي قاتلو واش دخلني انا قالها انت الي راكي بعثتهالها هي تخلعت وهو بدا يسب فيها قالها أمنتك درتك حبي وراس مالي وعمارت الدار ونويتك للحلال وانت درتيلي هكا قاتلو انت الي خليتني وتزوجت قالها انا كنت نحبك بصح انت كنتي تحبي دراهمي وداري وطموبيلي خدعتيني بصح ربي يخلص في الي ظالم قالها انا ربي عوضني عليك ببنت لحلال الي رايحة تعمر عليا الدار وانت روحي كي الشيفونة اليوم يمسحوبيك وجوهم وغدوا رجليهم هي ماقالت والو كانت غير وجها مزير انا كنت ركبا في طموبيل سمعت كلش قالها هاذي لافوطو نهار رحت معاك للبحر يا ندامتي على الي فات ممبعد خلاها وجا ركب في طوموبيل وديمارا قالي المهم انا ضكا نحبك انت والي يقرب ليك نحيه من الدنيا قالي وجدي روحك باه نرجعك لداركم وباه نشوف كيفاه ندير مع هذاك الكلب تاع أنيس ....روحنا طول الطريق وهو ساكت وصلنا حطني قدام دارنا وراح دخلت انا لقيت عمامي وخوالي كامل عدنا وماما تبكي وبابا الدنيا مقلبة قتلهم واش صرا جات اختي تجري ليا وتحظنتني قاتلي حسبناك متي علاه مرفدتيش تلفون ضحكتلها انا ضحكة صفرا وقتلها لاه نموت هذا وتلفوني طاحتلي لاشارج اصلا كنت عند صحبتي نلقا ماما قاتلي يابنتي قريب قتلتيني بالخلعة علاه ماقلتيليش وبابا تنارفا قالي والله وماحشمتش نخبطتك بكف انا حطيت راسي ودخلت وهوما كل واحد راح لدارو .... يتبع
#الجزء_التاسع_عشر19
قاتلي اختي حتى خطيبك انيس وماعلابالوش وينهو قتلها متجبديليش على هذاك الكلب قاتلي لاه واش صرا قتلها ساي رايحا نبطل زواج معاه ماما قاتلي يابنتي انت رايحة تقتليني راكي كبيرة مش صغيرة بركاي متلعبي قتلها انا راني علابالي واش ندير رحت هدرت مع بابا شبع فيا سبان وممبعد رفد تلفون عيط لانيس قالو رانا صبنا سلمى و ارواح عندي هدرة معاك أنيس خاف يجي يعود بابا يقتلو ولا كاشما يديرلو حاسبني قتلو بعثلي ميساج أسكو قلتيلهم واش صرا قتلو لالا مالا صحح وجهو وجا لدارنا وهدر مع بابا قالو بابا انا ماعندي مانخير عليك يابني بصح بنات اليوم راهم فيهم قول ودور اسمحلي بنتي بركيت مانمدهالكش انيس تشوكا وقالو منقبلش واليوم نشكي بيكم تلعبو بالغاشي ودار فوضى وبابا قالي بهدلتي بيا وانا وجهي وجه سبان حاملة السب وماقتلوش الصح خفت نزيد عليه وكاشما يصرالو قتلو انا نموت ومانديهش أنيس زايد بالهدرة مع بابا وقالو كلش قالو هاني واش درت في بنتك وهاني وش درت وحمدت ربي كي راني رايح نديها ونسترها كون يحبلي نخليهالك فضيحة بابا دخل للدار هابل وعيطلي قالي هاو أنيس واش قالي هاو واش قالي انا ماحطيتوش خامج وواحد كلب لهذي الدرجة قلت لبابا كلش كنت ميتة بالحشمة بصح قلت نقولو الحقيقة نهدر ونبكي حكيتلو كي داني وغدر بيا وكي ضرب فارس وكي فارس نجاني منو حكيتلو القصة كاملة بابا تشوكا مسكين وصدقني قالي عندك ماقسيتي يا بنتي وراح ديركت شكا بأنيس عند لابوليس وقالي سبابك فارس من نهار تزوجتي بيه وانت في المشاكل راح بابا هدر مع بابات فارس وقالو قول لبنك يخطي بنتي يخي طالقو ماعندو ماداه ليها خليها تعيش حياتها انا من كثر المشاكل عدت مانوكل مانشرب غالقة الباب على روحي ونخمم العام هذا ضاع هكذاك بين المشاكل نورمالمو كملت فيه قرايتي والزواج هو الاخر تعبت من كلش الدنيا ضياقت عليا بصح عمري ما تخليت على صلاتي ولا الدعاء لربي كان ايماني بربي كبير وهو الي يفرج الهموم عمري لفكرت بحاجة مخسرة الانتحار ولا نهرب من الدار كنت بنت واعية وصابرة ربي هو الي في يدو الحزن والسعادة وهو الي يفتح ويغلق البيبان ... المهم دخل العام الجديد عايلة فارس دارولي محامي ممبعد أنيس طلقني على خاطر كنا عاقدين وهو دخل للحبس ستة شهور وفارس مزال كي العادة كل مانروح نخدم نلقاه يقولي والله نحبك ياسلمى ومنيش قادر نعيش بلابيك وحابك تسامحيني أنا صح نحب فارس بصح كثرت على بابا وماما بمشاكلي منقدرش نرجع لفارس على الاقل هذي الفترة قتلو خليها للزمان من داك جاز شهر ...جات إيمان عندي للخدمة وخرجنا كيف كيف نفطرو حكاتلي على واحد يقرى معاها طبيب حاب يخطبها فرحتلها انا مسكينة وقفت معايا في كل لحظة نلقاها قاتلي ارجعي لفارس وعاودو تزوجو والله ماراهو مليح بلابيك وماما ياك تحبك وبابا راهو حاطك كي بنتو ارجعي وانساي الي صرا قتلها وحد السمانة هكاك بالجمعة انا وماما وبابا واختي قاعدين في الصالة نشايخو ونسمعو الباب يدقدق راح بابا فتح لقاهم عايلة فارس كاملة وهو معاهم دخلهم جيت خارجة انا قاتلي ماما ام فارس اقعدي يا بنتي رانا جينا على جالك قالت لبابا جينا باه ترجعلنا سلمى قالها بابا غير هاذي الي متصراش الطفلة عييتوها مرضتوها كرهتولها حياتها ينماغ قالو بابا اب فارس نفتحو صفحة جديدة ولولاد يحبو بعضاهم فارس قال لبابا رجعهالي والله نحطها في عينيا الريح البارد مايقيسهاش بابا شاف معايا قالي واش تقولي سكت انا قالو بابات فارس نوعدك والله الي فات مايتكرر قالي بابا انطقي قتلو الي تقولها انت قالهم مالا واش عليه نرجعهالكم ايمان جات تحضنتني وام فارس زغرتت وفارس دمعة طاحتلو ..فتحنا وعقدنا مدرناش عرس رجعت هكذاك ههه داوني من دارنا لدارهم بعباية ههه فرحو بيا و حطوني في عينيهم وفارس يفرح حااالة من وصلنا قعدنا شوي وركبنا رحنا لدارنا تاع دزاير ..... طول الطريق وهو زايد للبوست ويزغرت شفت منو جانب واحد اخر بقيت حايرة فيه وصلنا لدارنا بقينا نحكيو قالي سامحتيني قتلو ايه سامحتك طلعت بدلت قشي وهبطت قالي نروحو نتعشاو في الريسطورون رحنا وجينا طلعت دخلت لشمبرتي ميتة بالنعاس لقيتو جا قالي انت واش بيك قتلو لاه قالي هذي الشمبرا انسايها هيا لشمبرتي قتلو اني غلبانة غدوة ونرجع عندك مالا وافق ...غدوة فارس ماراحش يخدم ظال قاعد في البيت راح لشومبرتي حوس في قشي وجابلي روبتي الغوز قالي البسيها وقعدني على الكرسي وحكملي شعري وقالي روحي ضك اخدمي الشغل وانا نتفرج فيك انا مت بالحشمة كانت الروبة شوي صدرها مفتوح كنت شاداتو بيد ونخدم بيد وهو ميت بالضحك عاوني سيقت وغسلت وطيبت تغدينا كيف كيف قعدنا يومين هكاك وهو ماطالبني بحتى حاجة بحتى انا مكنتش حابة نعطيه والو حتى ننسى و نرجع نحبو من اول ونتأكد بلي يحبني صح... يتبع
#الجزء_العشرون20_والاخير
وصل اليوم الثالث دوشت سشورت مكييت وقسحت البارفان ولبست روبة بيضة شطرة شوي عند الركبة ودرت الطابلية وقاعدة في الكوزينة نطيب لقيتو جا دخل قالي واش هذا الزين اعمري قتلو عادي برك حطيتلو قهوة وكملت نطيب لقيتو خلا القهوة وجا لعندي حكمني من لور وحط وجهو على كتفي وقالي عمري ريحتك تقتل قتلو اممم صح قالي ايه قالي عمري قتلو آه قالي الروج تاعك يقتل قتلو اممم صح قالي ايه قالي عمري قتلو آه قالي الروبة جاتك تقتل قتلو ايي واش هذا قالي نحبك قتلو باعد يافارس خليني نعرف نطيب قالي منبعدش قتلو بردتلك القهوة قالي خليها تبرد ولا باسني من رقبتي ودورني ليه ولا وجهي في وجهو قالي نموت عليك آحبي حشمت انا قالي تحشمي من راجلك نورمالمو قلتيلي وانا ثاني نموت عليك ضحكت انا لقيتو قرب ليا وووووباسني هههه ذبت اناااا كانت اول مرة في حياتي نجربها والله والله تقتل حلال وحب ربي يرزقكم بيها . .المهم قالي خلاااات هيا ضكا قتلو لالا يوم آخر راح خرج للجنينة وجا قالي هيااااا اني رايح نموت قتلو لالا خلي في الليل قالي والله مانقدر نصبر كثر وليت خليت كلش محطوط وداني لشمبرا من دخلنا حااار فيها ستكيتها مليح هذا ورد وهذو بالونات وهذو شموع قالي مالا كنتي قصدتها يالمشرارة ضحكتلو انا وليت لبست نويزة باااااهية حمرة هو دااااخ هههه قالي واش كان عاميني على هذا الزين ممبعد حكملي يديا قالي راح نعوضك على الي فات وليت عنقتو انا وهو هزني ودار بيا كنت خفيفة مشيني الهم هههه ممبعد رماني على البونك وصرا الي صرا هذاك اليوم حسيت روحي مرا تاع الصح وعندي راجل تاع الصح فارس قالي كل مانتفكر نهار دخلتك ودرتلك هكاك كل ما نندم ومانقدرش نسامح روحي هذي المرة عاملني بحنانة وسايسني وحسيتو تاع الصح يحبني نساني في الي صرا كامل من هذيك بشهررحت للطبيب باه ندير كونترول على لوطونسيو قالي مدام راكي حامل وعمر الجنين شهر انا تشوكيت كيفاه هذا بصح تفكرت الدوا تاع تقوية الخصوبة ههههه والله كنت نشرب فيه ليل نهار واش حلو ههههه المهم متنا بالفرحة فارس كان رايح يطير من فرحتو قاعد يقول للطبيب طفلة ولا طفل قالو الطبيب ياراجل مزال مايبانش فاتو شهرين عشت فيهم مع فارس اسعد ايام حياتي من حب وحنان وتفاهم واحترام حاجة ماخصتني معاه ورجعنا عند الطبيب وشفنا قالنا طفل فارس دموع طاحولو يقولي نسميه فارس باه يعودو عندك زوج فارسات هههه قتلو واحد فريد وقريب يقتلني مايحبش كي نقولو هكذا يقولي يعني ما نسيتيش واش صرا نقولو راني غير نضحك ..انا كنت طايحة في فارس غارقة فيه نموت عليه وهو ثاني ضكا عدنا هذا البوبون سميناه معاذ وفارس راهو لاصق فيا جيبيلو اختو جيبيلو اختو ..
انا كنت ديمة معايا ربي شادة فيه ان مع العسر يسرا هذا ماكان مصبرني على الازمات الي مريت بيها لبنات نتوما سمعتو حكايتي عمركم تزوجو بغصب عليكم ولا تزوجو راجل مكمش حابينو وعمركم ماتسمحو في رجلتكم وماتصدقوش الي يقولك نحبك ويدير معاك حوايج مخسرين وممبعد يدور عليك ديري ديمة ربي في قلبك تنجحي في حياتك وربي يهنيكم خياتي ..💓النهاية💓 ....