المهم أنا زوجة ثانية وعمري 32سنة حكايتي بدات كي كان عندي 24 سنة تزواجت وكانو عندي مشاكل بزاف وكتب ربي وطلقت بعد مدة عام زواج فقط😔😔😔😔😔😔 وبدون أولاد يعني ماعندي لا حقوق لا والو رجعت للحبس تاع بابا يد لور ويد لقدام وتماك وين زاد عدابي ومشاكل مع عايلتي لي جي يهدر فيا تقول واش درت لحقت كلما نخرج يقولو راحت تع..... راكو علابالكم حكايت لمطلقة فالمجتمع تاعنا🤷🏻♀️🤷🏻♀️🤷🏻♀️🤷🏻♀️🤷🏻♀️ المهم عشت عامين في دار بابا جحيم وكي درت 27 سنة جاتني مرى لدار قاصدتني لزواج لراجلها 😱😱😱😱😱😱صراحة أنا فالاول تفاجئت😱😱😱😱 وشكيت بزاف كيفاه مرى جي تخطبني لراجلها هيا هداك لوقت كان عندها 36 وراجلها 42 سنة فالاول متقبلتش قلتلها مكاش كيفاه نقبل،🤷🏻♀️🤷🏻♀️🤷🏻♀️🤷🏻♀️
بسك مارتحتش حتى قاتلي ماعنديش ذراري وداويت مي ربي ماكتبش وراني نكبر وراجلي رآه حاب يتزواج وحبيت أنا نخطبلو👰🏻♀️👰🏻♀️👰🏻♀️👰🏻♀️ بسك من حقو يرجع أب وقاتلي عندك دار وحدك قدامي المهم خممت مليح مع راسي قلت نقبل بما أن لمرة جات برضايتها تخطبني وزيد داري وحدي قتلها نشوفو ونرجعلك خبر كي شفتو صراحة عجبني بزاف 😍😍😍😍😍😍😍مي مش مرتاحة
ورجعت سقسيتها قتلها راكي سور حابة تزوجي راجلك ياك مادوريش عليا قاتلي نو جامي موحال قتلها ياك مراكيش معصوبة ولا فورصة عليك قاتلي لالا لعكس قبلت وعطاولي حقوقي وتزواجت👰🏻♀️👰🏻♀️👰🏻♀️👰🏻♀️👰🏻♀️ زواج مشاء الله والشئ لي ناس تخلعو فيه ضرتي هي لي كانت قايمة بالعرس💃🏻💃🏻💃🏻💃🏻💃🏻 وكلشي وصراحة بقيت مش مرتاحة ومبعد ستغفرت قلت هدا غير بليس رآه يديرلي هكدا بلاك ربي صح فرج عليا وصح ضرتي مليحة ............يتبع
الجزء الثاني..🥀
وحكايتي بدات نهار الدخلة تاع عرسي
المهم نهار العرس كنت شابة بزاف والله غير الصراحة وناس قاع شاهدة وهي تاني كانت شابة المهم جا راجلي وداني لداري مي عاود خرج وقالي ليوم نروح مرتي الأولى راكي علابالك ماحبيتهاش تتحسس صدقوني قبلت وحسيت بيها قتلو ماعليش وسمحت في حقي وراح ليها وخلاني في ليلة عرسي المهم نضت صباح بكرت وخملت ودواشت عادي جاني كلشي عادي بسك كنت جربت زواج مقبل حتى لحقت 11 جات ضرتي وراجلها وجابولي كل خير تقول حلم وحطينا الطابلة وكلينا في رحبة وضحكنا وڨصرنا حتى قاتلي ماتدخليش الكوزينة مدة 7 جوغ راكي عروسة قتلها لالا وهي أصرت المهم لحقت 6 تاع لعشيا راحت وداها راجلي وعيطلي فتيليفون قالي راني قاعد معاها باش نجيبها غدوة قلت ياسيدي معليش لمرة دارت فيا خير كبير وراجلها رآه يساعف باه توالف
المهم زادت جات وكي العادة كل خير والمفاجئة يا لبنات كليوم يجي معاها ويروح معاها والله تخلعت مي قلت علاه رآه يساعف فيها قاع هكدا ياك هيا لي جابتني برضايتها ماشي هو لي فورصاها
المهم نهار سابع عيطلو صباح على 10 قتلو وينراك قالي راني جايب مرتي وجاي قتلو اكي مي فوت للمارشي وقضيلي بسك كرهت لقعاد غير وحدي حبيت نوض للحيات الطبيعية قالي اوكي
وجات وجابت القضيان مي وجها ماعجبنيش قاتلي وقيلا تقلقتي على لكوزينة وطياب ماعجباتكش ماكلتي قتلها لالا والله كلشي الله يبارك برك حبيت نوض لداري وشغلي
المهم تخايلو بالبنات بقيت 6 شهور متوشانيش
نهار عندها ونهار عندي وكي جي ليا يكون تعشى عندها وليت ناكل غير وحدي كرهت حياتي وكرهت كلشي تزواجت باش نعيش وحدي وكليوم يلقالي سبة طفي ضو راني عيان وليت حفضتها حتى سميتو فتيليفون طفي ضو راني عيان
وجات ضرتي تعرضني لعشى عندها قتلها اوكي نشاء الله...
الجزء الثالت..🥀
...وسڨمت روحي ورحت وكان ديما فارق العمر بيناتنا يبان وخاصة كانت هيا بزاف داوي يعني الأدوية هلكوها كي دخلت لقيت دارها الله يبارك شابة وتهبل وراجلي نحلف ونكتف تقول ماشي راجلي ياناس يضحك ويڨصر ولاسق غير فيها والله تخلعت وقلت إيه مرتو يحبها وتحبو وليت النقول يا الرب واش راني نقواد هنا بيناتهم
المهم حتى جابت تيليفون توارلي فالتحواس وتقلاش مخلات بلاصة
والشي لي ضحك شفت لدات تاع تصاور في وقت زواجنا يعني قلت احاي ونا يجي عندي كلوقت عيان وطفي ضو وليت غير نضحك هههههههههههههههههه
مي في قلبي المهم كمالنا رجعنا لدار بدلت حوايجي وطفيت ضو
حتى نطق قالي اووو راكي رايحة ترقدي
قتلو لالا والفت مدة 6 شهور نطفي ضوك تروح ترقد راك عيان
كان أول مرة نبينلو بلي خلاص راني متحلبة لكلشي
نضت صليت الفجر وناض صلى معايا اول مرة اووو تخلعت
وجاء حضني ورقد بجنبي والله تفاجئت وصباح مادرتش لقهوة بسك جامي ستقهوى معايا حتى 9 ناض قالي واش ماتواجديليش قهوة قلتت اوووو المهم نضت والمشكل مكان عندي والووووو الله غالب ناكل غير وحدي
حتى قالي لبسي نروح نقضو واش خصك ياناس فرحة كبيرة ونضت جبت كل حبوبة وهداك نهار تيليفون تاعو ماطفاش كل وقت تعيطلو مرتو بسك عيطلتو للخدمة مالقاتوش
المهم وتغدينا برى ودخلنا حتى 6 تاع لعشيا كي دخلنا لدار ريبوندا عليها قالها كنت لاتي
ومنعرف واش تان حتى نسمع واشبيكي تعيطي واش كاين ونا قلبي خبط شغلت خفتها وقالها ماتستناينيش ماجيش
انا فرحت بعد 6 شهور وصبر كبير رجع ليا المهم وجدت لعشى ويالبنات درت الدخلة تاعي فهاديك ليلة وكانت...
ومبعد فوتنا واحد 15 يوم ولا أرواع ماعشتهاش فحياتي وكتشفت فيه بزاف صيفات وزاد عرفني كثر مي ماتتقلقوش هدا الهدؤ لي قبل العصيفة بسك
المهم عيطتلو مرتو قالها ليوم نجي
ونسمعلو يقلها راكي علابالك 6 شهور ماعطيتلهاش حقها
المهم راح ليها وخلالي فراغ كبير مي نورمال زوج نساء واش ندير فاتت 3 جوغ مابانش نعيطلو مكاش حتى تقلقت بزاف عيطت لضرتي..........
الجزء الرابع..🥀
المهم منهار لي قعد عند مرتو 3 جوغ منهداك نهار راجلي لاي لاي لاي لاي باي باي باي
وليت نشوفو كي لهلال تاع لعيد خطرى فسنا والمشكل وليت أنا منحواسش عليه تاني قتنعت بلي عندي راجل غير بالآسم وقتانعت بلي هدا زهري ولازم نتقبل
وليت مانعيطلو مانخواس عليه والو وليت نقول المهم مانيش عايشة في دارنا ومع ماليا وفات عام على زواجنا رقدنا مع بعضانا خطرى برك
جاز عام لا دراري لا حيات لا والو حتى جات ضرتي عندي قاتلي كاش بيبي كاش كدا أوال مرة عطيلها الصرف قتلها هداك القناع غير نحيه رانا وحدنا غير أنا ونتي مكاش الناس قتلها فهميني برك علاه جيتي خطبتيني علاااااااه قتلها حواست على عقلي مالقيتش قاتلي لالا واش كاين فهميني قتلها ياك ماعشقت راجلك مادرت بيه مادرت والو وزيد ماقبلتش شحال من خطرى وقتلك لالا ونتي اصريتي
قتلها ضوك كيفاه فهميني قتلها كيما سقمتي حياتك سڨميلي حياتي المهم قتلها لا زواجتيه قدام الناس برك قوليلي باش تباني مليحة.....يتبع باش تباني مليحة
وناس ملاح
المهم عندها شخصية كبيرة ونا قدامها يحسرة كي نملة مانبانش تهدر معايا غير بضرافة ولعقل تقول عسل قاتلي لالا ماتفهميش غلاط قاتلي لازم جيبيلو ذراري قتلها منين ونجيبهوم بلوتوث ولا باه حتى قاتلي راني كبيرة عليك صنتيلي تنجحي أنا لي نعاونك قتلها اوكي
غدوة منداك جابتلي واحد لخلطات قاتلي كوليهم ولازم ماتتلاقايش براجلك 7 ايام و7 ليالي باش كي تلقايه يسرى واش لي سيرى
أنا فرحت بلخف كلختلي وكليت كي لحمارة وكي جا راجلي مور 7 أيام تقول عدويا لي جا ما راجلي ملي جا ونا مشنفة ومقلقة وكي قراب ليا حسيت كلاب ياكلو فيا نضت نجري ندواش تبعني قالي واش كاين قتلو روح ضوك عند مرتك وماتزيدش جي عندي
المهم رفد قشو وراح وصباح عيطتلي ضرتي قاتلي وشبيك حكالي راجلي قتلها ياودي ها كيفاه ها كيفاه قاتلي ياخاه سور فيك حاجة وكي كليتي هدام دوى تاع الرقية راهي تبان وانا أمنتها قاتلي زيدي كولي
ولات كل شهر جيبلي حاجة يا نبخر بيها يا نكلها يا ندواش بيها وتقولي دوى تاع لعرب بالرقية ونا ندمر برك وفوات عام بالبنات جحيم وماشي غير راجلي لي محملتوش برك حتى صحتي وراحت فيها وليت مانكل مانشرب ونبول تحتي حشاكم وشعري يطيح ويتنحى بالرزمة وناضلي الحب في جلدي حب كبير ومقياح وهيا لي كانت قايمة بيا والناس قاع يشكرو فيها وداروها مثال فاكارتي حتى لحقت جلدي ولا ينسلخ فالماطلة منقوات رقاد فاتو عليا عامين زفت حتى خطرى جات ماما طل عليا وجابتلي واحد لمرى ضرتي مكانتش فالدار وهاديك لمرى هادوك لي شوفو صوالح وينحو لعين وإلخ ،،،
يقولو شفى على يديها جات فتحتلها الخدامة الباب أنا حية نسمع برك مي منفتح عيني مانبوجي نسمع برك حتى نسمع ماما قالتلها وراهي فلانة قاتلها خرجت وسقسات عليا قاتلها مكاش كيفاه تدخلي مولات الدار ماتخالي حتى واحد يدخل ليها نسمع ماما غير تزڨي وتعياط حتى لمرى هاديك قالتلها مي سمحيلي دار هادي راهي دارتلي دوخة قاتلها ماما حاولي دخلي هاديك لمرى ملي دخلت وهيا تتقيا وتقلها دار هادي بيها حاجة
المهم كي جات داخلة لشونبرى تاعي هادي لمرى كي شافتني غير مالباب طاحت فالأرض قالتها بنتك نموووووتتتتت وبدات تعياط وتقولها ماما في راسك واش راكي تقولي
قاتلها لازم تخرجيها من بسك تموووتت كون تزيد هنا فوق 10 يام تخرجيها فلكفن ماما عيطت لراجلي قاتلو رواح ضوك وعيطت لبابا وخاوتي قاع جاو قاتلو ضوك ندي بنتي لدار قالها لالا محال مرتي لي تحب قاتلو نديها بالقوة والدولة وطلق لا حبيت طلق
أيا رفدوني بالمطلا وجات ضرتي تعياط وين وين بيها قالولها ندوها قاتلهم لالا محال لازم تكمل دواها قاتلها ماما عطيهولي أنا نيرلها قاتلها لالا غير أنا لي نعرفلو ماما فماك خلاص عرفت بلي ماشي نورمال وداوني لدارنا .........
الجزء الخامس و الاخييير ..🥀
فر حة المهم جرات بيا ماما ملبلاصة لبلاصة والو سبيطرات تاع دزاير قاع قالولها روحي دي بنتك تكمل يماتها فالدار وراجلي ماعيطلي ماسقسى ماما عرفت بلي كاين حاجة والمشكل أنا مانقدرش نهدر والو فمي مبلع تقول مخياط غير ضرتي لي تعياط المهم جات دالت الرقات بداو يرقولي يناس ياك كي نسمع القرآن تقول واش سمعت نحس لكلاب ياكلو فيا حتى قالولها بنتك راهي مدوزيا بكل وشتى أنواع السحر بقاو مخلوعين كيفاه راني عايشة حتى هاديك لمرى قالت لماما ندوها بلحمر مي بعيد الحال ونا كي نتنقل بزاف لحمي يرجع يتفتت مي الحمد الله قدرو يواصلو ليه وجا ليا حتى لدار قد مانهدر فيه قليل والله قليل كي شافني قعد قدامي وبدا غير يبكي قالهم مش مصدق تلحق بالناس دير لبعضها هكدا وسقسى ايدا عندي أعداء ولا قالولو كانت مزوجة مقبل وطلقت وكل واحد راح في طريقو قالولو ملي عاودت زواج وهي في تدهوار مستمر المهم وقف عليا الراقي وكل انواع سحر. لقاه فيا لقاني مربوطة على راجلي على داري على الذرية وبدأ يعالج فيا ويعطلي فالأودية مدة 6 شهور وهوا واقف عليا حتى حمد الله بديت نشوف حليت عيني وكانت ضرتي جي طل عليا قريب يوميا باش تشوف لا مت لا مزال مي مكاش لي قالها بلي راهي داوي حتى نسى خوتي وقفو معايا يقولولها غير راعي كريثة ليوم ولا غدوة تموت باش يريحوها بسك خافو لا تروح تزيدلي المهم وبدا لحمي ينشف ويتكوان وفات العام وبيدت نعالج روحي بالدوى ورجعت نقدر نروح انا لبلحمر فاتو عامين تاع العلاج ياناس عامين باش رجعت لطريق وضرتي كانت محرومة مني مايخلوهاش تشوفني يقوللها غير مكاش لي يدخل ليها وكي ماكاش واش دير ولات تبعث راجلها وتقولو روح شوفها ولازم طل عليها كنت ندير تمثيليه نخطي لحمي قاع بشاش ونشمخو بدوى لحمر يدخل دقيقة ويخرج ويروح يقولها نسلخت قاع مابقات فيها والو المهم رتاحت من جيهتي وما حمد الله كي كملت تعافيت ورجعتلي صحتي قلت لازم ندير حل لضرتي مي كان عندي مشكل ناس قاع تعرفها ناس ملاح معايا حتى عجوزتي تضل تشكر فيها وخاصة كي زوجتلي راجلها باش تبين لناس بلي مليحة وماحرمتش راجلها م الأبوة وهي فالخفاء خلاتو ليها المهم راجلي كنت عادراتو يحسرى قلت رآه مشلل بسحارحر كثر مني رحت عند واحد أوفيسي وحكيتلو لحكاية راح معايا بابا قتلو ماعنديش دليل لازم ديرولي حل وتحموني منها وهو لي تبع لقضية تاعي وقال لماما عيطلها وقوليلها بنتي راهي برات حمد الله رواحي ليها كي قالتلها. هكدا على 12تاع ليل جات ليا تبكي وفرحانة بيا ماليا نخلعو قالولي ممثلين تاع هوليوود تديهالهم هادي مي مابينتلهاش بلي راني نمشي قتلها راني نشوف ونهدر برك بصح المشية مزال ولحمي تاني مزال قتلها مع لي حليت عيني قلت لازم نشكرك على وقفتك معايا قاتلي بلا مزية نتي بنتي وختي المهم خرجت ملعندي وبقاو يتبعو فيها وصباح على 5 بكرت وراحت عند المشعوذة تعها ودخلو وصابوها بالجرم المشهود مع الڨزانة عيني عينك رفدو هم قاع هما 6 عيباد وبعد تحقيق معاها والإسرار عترفت بكلشي قالتلهم نحب راجلي لدرجة كبيرة وكون مادرتش هكدا يكون تزواج عليا ومانقبل حتى وحدا تديه منيدي قاتلهم نخطبلو كيما نحب ومزاوجو كيما نحب قاتلهم خطبتلو شحال من خطرى مي هادي لي ساعدتني قاتلهم كنت رايحة نكرهلها حياتها برك حتى شت راجلي يميل ليها وبدا يوالفها صافي قطعتها عليه وعليها ولڨزانة عتارفت بلي دارت سحور لقاع العائلة المهم حكمو عليها 18 سنة حبس وجاتني قليلة بسك علابالي تخرج تعاود دير فيا لباطل وراني مع الشرع باه يزيدولها والناس كي سمعو قاع نخلعو أوالهم راجلي صدمة كبيرة ليه وضوك حمد الله هوا رآه مع الراقي تاني ودار تاع مرتو باعها وداري بعها ورحلنا لويلاية وحدوخرى ورانا نبداو فحياتنا هداوين بدينا نعيشو ضاعو 5 سنين فحياتي غير مرض وموت وموحال نسمحلها وموحال ننسى واش صرى فيا لو عشت 200 سنة وكل وحدا تقولي زاوجة الاولى ضحية لالثانية نقولها صرى معايا العكس وكل وحدا ضوك تقولي رايحة نتزواج على ضرة نقولها خطيك بسك لا كانت هي راضية سور كاش مراهي تخطط محال مرى تقبل تزواج راجلها كل وحدا ربي يرزقها زاوح ليها وحدها وماتروحش ضرة ودعولي دعوة خير ربي يبعد عليا الهم والغم.
النهاية......رايكم في القصة
ماتنساش متابعة للصفحة 🥰🥰